ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

أزمة في بيت الوزير بسبب سحب عربية المدام

2 مشترك

اذهب الى الأسفل

أزمة في بيت الوزير بسبب سحب عربية المدام Empty أزمة في بيت الوزير بسبب سحب عربية المدام

مُساهمة من طرف محمود منصور محمد علي 20th يونيو 2012, 09:21

ما حيكون تاني في بدل لبس، ولابدل سكن !!
06-19-2012 12:54 PM
«والله البلد دي ما فيها خير بدوم كلو كلو.. هكذا دخل الوزير«x» غرفة نومه وهو يطنطن ويلعن عجز الموازنة.... المدام تدخل عليه ويدور بينهما هذا الحوار:
مالك الليلة جايي مكربن كدي وحالك بالبلا.
كارثة... كارثة يا مدام «z»...!!!
في شنو ياراجل، وقّفتا قلبي..
تصوري ديل دايرين يخفضوا مخصصاتنا لي الحضيض!!!
يخفضوها كم يعني؟
ما حيكون تاني في بدل لبس، ولابدل سكن، ولابدل قُفة، مش كدي وبس، حيشيلو مننا بدل الحج العمرة، ياخي ديل دايرين يوقفوا حج الدستوريين كمان..
ما مشكلة نحنا ماكلو سنة قاعدين يحججونا، كفاية الفات..
- مش كدي وبس ديل دايرين يوقفو تذاكر السفر والعلاج بالخارج و...
ما مشكلة نتعالج قبلنا هنا..
يامدام «z » ديل قالوا الأولادو بقرو بره بالدولار لازم يجيبُم يقرو هنا في البلد التعيسة دي..
ما مشكلة نقريهم هنا في النهاية ياها دي بلدُم..
إنتي أصلك ما فاهمة حاجة، ديل يا فالحة، عايزننا نعيش زي المواطنين لحدي ما الوضع يصّلح..!!
ما مشكلة ما نحنا أصلاً مواطنين وأولاد مزارعين كمان..
إنتي عارفة بالصورة دي ما حأقدر أجيب ليكي حتى شغالة..
ما مشكلة حأغسل برآآآاي وحأدبخ براآآآآي..
وإنتي عارفة إنو كمان عربية الأولاد حيشيلوها..
مامشكلة نأجر ليهم امجاد.
وعربيتك إنتي برضها....
مالا عربيتي ؟؟؟؟!!!
قالو أي مسؤول حيخلو ليهو عربية واحدة بس، يعني عربيتك إنتي وعربية الأولاد، خلاس بح...
لا دي فوضى دي، خلاس يعني بقت علي عربيات نسوان الوزرا!!.. تعال كمان النوريك الكلام الصحي صحي، قسمًا عظمًا في البيت دا يا أنا والعربية مع بعض، يا العربية تمشي بي جاي أنا أمشي بيت أبوي جاي... الدستوري «x» احتار ضرب أخماسًا في أسداس، ولم ير مخرجًا من الورطة سوى التنازل لها عن منصبه الوزاري علّها توافق وهو يستجديها: خلاس إنتي أبقي في منصبي وشيلي العربية بتاعة الوزارة، وأنا بقعد ليك في البيت..!! «يعني هي مشت الوزارة رئيسًا وهو قعد في البيت حبيسًا»... أبو الزفت.


صحيفة الانتباهة
محمود منصور محمد علي
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

أزمة في بيت الوزير بسبب سحب عربية المدام Empty رد: أزمة في بيت الوزير بسبب سحب عربية المدام

مُساهمة من طرف nashi 20th يونيو 2012, 14:53

في شنو ياراجل، وقّفتا قلبي..
تصوري ديل دايرين يخفضوا مخصصاتنا لي الحضيض!!!

يا عمو محمود يا حليل الشعب السوداني 23 سنه محروم وفي الحضيض Sad
nashi
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى