ابوجبيهه

يا حليلهم!.. شايلين هم الضحية.!

استعرض الموضوع السابق استعرض الموضوع التالي اذهب الى الأسفل

يا حليلهم!.. شايلين هم الضحية.!

مُساهمة من طرف nashi في 7th أكتوبر 2012, 10:56

في احد الموضوعات في الراكوبة - الصحيفة الالكترونية- كتب معلقاً علي الموضوع احد الاخوة.. وهذا نص التعليق:

انا غايتو اتفقت مع جاري نعمل شيرنغ ونشتري ديك نضحي بيو ...
يوم الوقفة بليل حانشتري الديك ومعاه ربطة برسيم نشتتها برا في خشم الباب لغرض الدفاع بالنظر ..
فطور العيد حلة محترمة وصحن عصيدة بملاح روب والسادة المعلقين معزومين بس اي واحد يجيب رغيفتين معاه يحشرن جوة جيبو ويجي ....

Sad
الله يجازي اللي كان السبب!
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف فيصل خليل حتيلة في 7th أكتوبر 2012, 11:13


هههههههههههههههههههههههههههههههههههههها

ما قالو يا دكتورة الجماعة واقفين فى الجزراة ( ادينا ربع كيلو و ادينا ربع الربع و أخر ادينا نص كيلو و كده ) جا واحد وقف

و قال للجزار ادينا خمسة كيلو

الجماعة كلهم اتلفتوا عليه صارين الوجوه

قال ليهم يا جماعة والله عندى سماية

ههههههههههههههههههههههههههههههههههههههههها

الله يجازى الكان السبب



بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف nashi في 7th أكتوبر 2012, 12:26

فيصل خليل حتيلة كتب : ما قالو يا دكتورة الجماعة واقفين فى الجزراة ( ادينا ربع كيلو و ادينا ربع الربع و أخر ادينا نص كيلو و كده ) جا واحد وقف و قال للجزار ادينا خمسة كيلو

الجماعة كلهم اتلفتوا عليه صارين الوجوه

قال ليهم يا جماعة والله عندى سماية


شر البلية ما يضحك Sad
لكم الله يا فقراء بلادي
-------------------------
كيف حالكم اخوي
مشكور علي المرور
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف محمود منصور محمد علي في 7th أكتوبر 2012, 12:56

والله ايام يا زمان ببكي واتحسر عليك

كنا في ابوجبيهة نذبح 3 خرفان في عيد الاضحى

اليوم الاول واليوم الثاني واليوم الثالث... والخروف كان خروف بحق وحقيقة... واليوم لا نستطيع ذبح خروف واحد.....

نسال الله ان يصلح الحال والاحوال ويعيد علينا تلك الايام الجميلة في الحباك بلد الخير الكثي والعطاء الوفير

تحياتي
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

دي الفضـــلت !!!!!!

مُساهمة من طرف الفاتح محمد التوم في 7th أكتوبر 2012, 14:52



الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف محمود منصور محمد علي في 7th أكتوبر 2012, 15:52

ههههههه.


ههههههههه الله يجازي محنك ياتوحة

والله العظيم ضحكتني على الديك المسكين.... حتى لو قال باع برضو يبقى ناقص رجلين وذيل وهي اهم اجزاء خروف الضحية

تحياتي
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف nashi في 8th أكتوبر 2012, 03:58

محمود منصور محمد علي كتب: والله ايام يا زمان ببكي واتحسر عليك

كنا في ابوجبيهة نذبح 3 خرفان في عيد الاضحى

اليوم الاول واليوم الثاني واليوم الثالث... والخروف كان خروف بحق وحقيقة... واليوم لا نستطيع ذبح خروف واحد.....

نسال الله ان يصلح الحال والاحوال ويعيد علينا تلك الايام الجميلة في الحباك بلد الخير الكثي والعطاء الوفير

تحياتي

يا حليل ابوجبيهه ويا حليل ايام زمان

كتر الف خير عمو محمود
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف nashi في 8th أكتوبر 2012, 04:03

كاريكاتير معبر اخي الفاتح
وركزت مع الطفل الببكي والديك " المخلوع" من محاوله الضغط عليه حتي يصدر صوتاً .. ولو لمرة
احسست بمحاولة الوالد في ارضاء الصغير
وحقاً شر البلية ما يضحك
بارك الله فيك
وتحياتي للجميع الاسرتين
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف غريق كمبال في 8th أكتوبر 2012, 07:39

الحاله بقت صعبه للدرجه دى

فى ضحيه بالاقساط
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف الفاتح محمد التوم في 8th أكتوبر 2012, 13:44

ههههههههههههههههههه
والله ضحكتني إنتا ياشيخ محمود ........
ذيما قالت الدكتورة
الراجل عايز يحل روحو من وليدو البلعلع ده
والله مافكر في اقرنين أملحين .........( استغفر الله )

- خالص الود محمود تقبل تحيات الأســرة
- اديك العافية أختي وتقبلي تحايا الأسرتين ...
- حكاية التقسيط دي سمعتا بيها على مستوى موظفي بعض القطاعات ........
بس هل الكلام ده يجـــوز ياحاج غريق ؟؟؟


الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف الفاتح محمد التوم في 14th أكتوبر 2012, 13:10


لقينا الإجــابة يا حاج غريق .............
احسان استعجلي ورسلي القسط الثاني ,,,,
انا بصراحة بحرش فيك ناس البيت ,,,
تموتي معانا سوا سوا ,,, برانا بس نرسل ؟؟؟؟

أجاز مجمع الفقه الإسلامي بالسودان اقتراض ثمن الأضحية لمن يظن أنه قادر على سداد القرض دفعة واحدة أو على أقساط، وأكد أن حكم الأضحية سنة مؤكدة في حق المقتدر المستطيع.
وأوضح البيان الصادر اليوم السبت، عن المجمع، أن الذين لا يملكون ثمن الأضحية ولا يقدرون على الوفاء إن هم اقترضوا فلا حرج عليهم لأن النبي -صلى الله عليه وسلم- قد ضحى عنهم. وناشد المجمع ولاة الأمر بالتيسير على المسلمين لأداء هذه الشعيرة.
ويجوز لمن لم يملك ثمن الأضحية أن يقترض إن ظن وفاء القرض، سواء سدد قيمتها دفعة واحدة أو على أقساط، ويحث المجتمع ومؤسسات الدولة والقطاع الخاص على إعانة العاملين فيها بتسهيل تملك الأضحية وتقسيط ثمنها عليهم تقسيطاً مريحاً.
وقال البيان إن الذين لا يملكون ثمن الأضحية ولا يقدرون على الوفاء إن هم اقترضوا لا حرج عليهم إن لم يضحوا، فقد ضحى عنهم الرسول -صلى الله عليه وسلم- حين ذبح كبشين أقرنين، الأول عن أهل بيته، والثاني عن من لم يضح من أمته، والأصل الشرعي في التكليف أنه على قدر الوسع والطاقة.
ســـــونا....

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف nashi في 14th أكتوبر 2012, 13:26

[quote="الفاتح محمد التوم"][justify]
لقينا الإجــابة يا حاج غريق .............
احسان استعجلي ورسلي القسط الثاني ,,,,
انا بصراحة بحرش فيك ناس البيت ,,,
تموتي معانا سوا سوا ,,, برانا بس نرسل ؟؟؟؟

هههههههههههههه
كلام الله ما بنابي الا الفيك اتعرفت Very Happy
وبعدين فضلوكم علينا درجة بالانفاق ولا شنو؟ Basketball
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف الفاتح محمد التوم في 14th أكتوبر 2012, 13:45

ههههههههههههههههههه
ضحكتيني لكن .....
ما إنتي براكي يا اختي قلتي (( حليلهم ))
يعني خلاص تميها وشيلي الهم معاهم .........

حلوه حكاية " الإنفاق " .....
في دي بس يا احسان انتن يا بنات حوا فالحات
أما في الباقي "شعار المســاواة " بامتياز .....

" طالع واكل ,, نازل واكل "
" أنا محرش يعني محرش ,,,, اتصرفي "
ههههههههههههههههه

مع خالص الود .... تسلمي

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف nashi في 14th أكتوبر 2012, 13:52

غريق كمبال كتب:الحاله بقت صعبه للدرجه دى

فى ضحيه بالاقساط
هههههههههههه
والما عنده حق القسط يا غريق اخوي
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف nashi في 14th أكتوبر 2012, 14:05

الفاتح محمد التوم كتب:
ههههههههههههههههههه
ضحكتيني لكن .....
ما إنتي براكي يا اختي قلتي (( حليلهم ))
يعني خلاص تميها وشيلي الهم معاهم .........

حلوه حكاية " الإنفاق " .....
في دي بس يا احسان انتن يا بنات حوا فالحات
أما في الباقي "شعار المســاواة " بامتياز .....

" طالع واكل ,, نازل واكل "
" أنا محرش يعني محرش ,,,, اتصرفي "
ههههههههههههههههه

مع خالص الود .... تسلمي

ههههههههه lol!
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف nashi في 16th أكتوبر 2012, 02:24

خروف الوزير

الفاتح جبرا
elfatih.gabra@gmail.com

في البلاد (المتقدمة) المسئول بيمسكوهو من لسانو بمعنى أن تصريح المسئول أو وعوده التي يقولها للمواطنين شئ (مقدس) يعني المسئول قال ح يعمل الحاجة الفلانية معناتو ح يعملا .. طيب إذا (ما عملاااا؟؟ (وده بالمناسبة ما بحصل عندهم كتير) .. الإجابة هي إنو إذا ما عملا طبعن ح يتقدم بإستقالتو ..

أما في البلاد (المتعسمة) زى حلاتنا فالمسئول ما عندو حاجة يمسكوهو منها .. فيمكن للمسئول أن يقول الحاجة وما يعملا .. وبرضو ممكن أنو يعمل الحاجة وما يقولا .. وكمان برضو ممكن لا يعمل الحاجة ولا يقولا .. الحاجة الوحيده الما ممكنة هي إنو المسئول عندنا يقول الحاجة ويعملا !!

لو عاوزين أمثلة .. على قفا من يشيل .. هنالك بعض الأمثلة (تودي في داهية) لكني أعطيكم مثالاً (خفيفاً) واحداً لذلك الوزير المبتسم الذي صرح قبل سنين عددا عندما كان والياً بأن الفراخ سوف يصبح في عهد ولايتة وجبة شعبية فإذا بالفول اليوم يخرج من كونه وجبة شعبية ليصبح سعر أقل طلب فول بخمسة ألف !! ويذهب التصريح أدراج الفراخ أقصد الرياح !!

أيه لزوم الرمية الفوق دي كما يقول (أستاذنا البوني) .. لزوم هذه الرمية أعزائي القراء هو التصريح الذي أدلى به السيد وزير التجارة الأستاذ عثمان عمر الشريف والذي يفيد فيه بأن خروف العيد لن يتجاوز سعره الـ 450 جنيه أي والله 450 جنيه بس ! على الرغم من أن الجميع يعلم بأن أسعار (الخرفان) طايرة في السماء وفاقت (المليون) وكل ما العيد يقرب المسألة بتمشي في زيادة .

طيب .. هل الكلام القالو الوزير ده ح يعملو؟ العبدلله يعتقد إعتقاداً جازما بإنو الكلام ده مش ح يحصل إلا في حالة واحدة وهي أن يختف السيد الوزير رجلو للصين ويطلب من الصينيين صنع خراف صينية 110 فولت تنتهي صلاحيتها عند (الباع) العاشرة !!
طيب .. إذا المواطن المسكين (زي حلاتنا) صدق كلام السيد الوزير وضبط ميزانيتو على إنو الخروف بي 450 جنيه .. والعيد جا .. والمواطن ما لقى ليهو خروف بالمبلغ ده وقام جاتو (جلطة) من نقة (المرا) وسؤال (الشفع) ووقع (كاضم) في الحالة دي مش السيد الوزير مسئول من (روح) المواطن دي؟ يعني المسئولين ديل يصرحو سااااي وناسين الأرواح دي؟
المسئولين عندنا للأسف الاسيف ممكن يقولوا أي حاجة وممكن يصرحوا أي تصريح .. يتحقق ما يتحقق مش مهم .. شفتوا ليكم مسئول إستقال عشان تصريح؟ كل يوم طيارة بتقع ومفيش حد بيستقيل تقولوا ليا تصريح .. صرح يا عم ولا يهمك !
من ناحيتي فالعبد لله ح (يحول) للسيد الوزير رصيد بي 450 جنية ومعاهو وصف البيت ومطلوب من السيد الوزير أن يختو في أي بوكس وأنا بحاسب السواق !

كسرة :

السنة الفاتت قالوا الأضحية تجوز بالتقسيط .. أها المرة دي بالتقسيط ذاااتو مافي طريقة .. تطير عيشتنا نحنا .. ندفع أقساط المدارس وللا أقساط العربية وللا ندفع أقساط الخروف ؟

كسرة ثابتة :

أخبار ملف خط هيثرو العند النائب العام شنو(ووو وووو ووو)؟


الراكوبة
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف فيصل خليل حتيلة في 16th أكتوبر 2012, 09:10


كل اناء بما فيه ينضح يا احسان

والعيد جا .. والمواطن ما لقى ليهو خروف بالمبلغ ده وقام جاتو (جلطة) من نقة (المرا) وسؤال (الشفع) ووقع (كاضم )...ههههههههههها

ههههههههههههههههههههههها

يا عالم دا اسمو كلام حتى الضحية بقت مشكلة كبيرة للدرجة دى و الجماعة عارفين و عاملين ما شايفين

شكرا احسان



بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف اقبال عبداللطيف في 16th أكتوبر 2012, 10:39

[b]تناشد جمعية الرفق بالقورير كل النساء بعدم النقه في موضوع خروف الضحيه دا ويسكتن الشفع ..وتلزم ادم ان يدفع ال450 دي لي حواء حق السكات ..والله لا جاب الجلطه والسكته ..الفتوى قالت المقتدر المستطيع وجبرا القسط ذاتو مافي طريقه ....والله ما امر بالهلاك ...[/b]


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف Suhad Abduelgfaar في 16th أكتوبر 2012, 11:48

الله يكون فى العون
وكل عام وانتم ب
الف خير
avatar
Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف غريق كمبال في 16th أكتوبر 2012, 11:53

الضحيه بقت رخيصه 500 بس تضحى

والتيوس رخيسات 300 بس تجيب التيس

الحمد لله

والله قبل كم سنه اشتريت خروف الضحيه من كمال خليل بى 105 جنيه

الجماعه قالوا على مفترى تضحى بى 105

سمح كده شوفو الضحيه املاين دى

نحيى ونشوف
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف الفاتح محمد التوم في 16th أكتوبر 2012, 12:51

أعزاي (احسان_ فيصل _سهاد_ إقبال_ غريق و معاكم عمنا عابر السبيل) ولأن الضحية قربت ....وعيد الأضحي من اجمل الإحتفاءات في بلادي ، وبما إنو الجمل ، سفينة الصحراء ، هو حيوان اليف ينقل المتاع والفحم , وفقهيا تجوز الأضحية بالإشتراك في الجمل ...لكننا أهل السودان لا نضحي بالجمل لأننا غير متعودين على أكل لحمه,, ولأن الجمل أغلى من بعض الطائرات عندنا...
سيدي الوزير آمل من سعادتكم النظر في تظلم أطفال بلادي و الشعب الذي صبر ,, وفي أسعار الخراف أمعن النظر,,,ولاتظلم الأطفال مثلما ظُلم الجمل بعدم ذبحه في الأضحية ,,,ولكن في عصرنا هذا سمعنا " تحت تحت " بأنه مسموح بأكل كبدته في الفطور في مكاتب بعض الوزرات وكل المؤسسات الواصلة أقصد الناشطة...وكذلك مسموح لهم بلهطها نية أوشية في سوق كنيته (أنثى الجمل)

شكراً يا فيصل على الإيحــاء ....

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف فيصل خليل حتيلة في 17th أكتوبر 2012, 09:29


عثمان عمر الشريف كذاب

شكرا يا فاتح و انا بفتكر مقترح اقبال عبداللطيف مقترح جميل و بسيط و عليكم به

ههههههههههههههههههههها

تحايا



بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف صباح حسن عبد الرحيم في 17th أكتوبر 2012, 18:57

الله يهون ويبدل الحال باحسن حال
كل عام وانتم بخير
تحياتي

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف nashi في 20th أكتوبر 2012, 12:18

بنك الخروف

الفاتح جبرا
elfatih.gabra@gmail.com

لأن إقتصاد البلد يسير نحو الخلف بخطى متسارعة (ما عارفين وادانا وين؟) كان لابد أن تصبح مسألة شراء المواطن لخروف الأضحية مشكلة تستفحل عاماً بعد عام حيث أصبح (البيان) الذي تصدره (هيئة علماء السودان) عند إقتراب العيد والذي هو من قبيل رفع الحرج والإحراج عن ما آل إليه حال البلاد والعباد (في ظل المشروع الحضاري) والذي تشرح فيه للمواطنين جواز (الإستدانة) و(الأقساط) والما عارف أيه .. أصبح هذا البيان شيئاً مملاً ومكرراً يحفظه حتى الأطفال .
علماؤنا الأماجد يفتتحون (بيانهم السنوي هذا) بجواز الإستدانة ويختتمونه بأن الأضحية لا تجب على من لا يستطيع شراءها وكان الأجدر ان تكون الآية معكوسة بحيث يستفتحون البيان بعدم الوجوب ويختتمونه بجواز الإستدانة علماً بان من يستدين هو الفقير الذي لا يستطيع شراءها ولكن يبدو أنه فقه (المخارجة) و (المداهنة) !
طالما إنو مسألة عدم المقدرة على شراء الخروف دي بتتكرر كل عام بالنسبة لكل (أهلنا الغبش) فالعبدلله عندو فكرة جهنمية تريح العلماء من (الفتاوى) السنوية (المدغمسة) كما تريح المواطنين كم هذا العبء الثقيل والفكرة نهديها إلى (حكومتنا الرشيدة) وهي إنشاء (بنك الخروف) .. حيث يقوم المواطن بالتسجيل والإشتراك في هذا البنك مع إعطاء رقم موبايله الذي سوف يحول منه الرصيد (واحد جنيه يومياً) لأرقام البنك التى يعلن عنها ، يقوم البنك بتشغيل ما يتلقاه من أموال المشتركين خلال العام ثم عندما تقترب (الأضحية) يتم توزيع الأرباح إضافة إلى مبلغ الـ 360 جنيه (تقريباً) الذي قام المواطن بدفعه وبذلك يستطيع المواطن أن (يضحي) !! وأن ترتاح هيئة علماء السودان من إصدار تلك الفتوى السنوية (البائسة) .
من مميزات هذه الفكرة إنو مبلغ جنيه يومياً ممكن (مجازفتو) بسهولة وممكن كمان لو وقعت في أيدك عشرة عشرين جنيه ما محتاج ليهم ترسلهم (للبنك) وترتاح ليك كم يوم كده .. وكمان ميزة تانية هي إنو القائمين على أمر (بنك الخروف) سوف يقومون بالشراء بالجملة وأكيد الأسعار ح تكون أقل ، وميزة تالتة هي إنو ممكن الأرباح (لو القروش إشتغلت كويس) تكون أكبر من تمن الخروف وعلى كده تضمن تطلع حق الزيت والفحم والبهارات والرغيف والضباح ذاااتو.
على ذات نهج (بنك الخروف) يمكن إنشاء (بنك التعليم) للإيفاء بأقساط المدارس والجامعات وبنك (إيجار البيت) عشان ما يجدعوا ليك عفشك في الشارع وبنك (الدواء) عشان تشتري كوتة الأدوية المزمنة سنويا خاصة والأدوية بقت كل يوم أسعارا بتزيد وبنك (الخريف) لعمل الترميمات قبل الخريف وبرضو ممكن (بنك الزواج) على الأقل تقدر تطلع حق (تصوير الفيديو) وبنك (النفاس) عشان تقدر تدفع (حق الدايات) وكده وبنك (الطهور) عشان تقدر تطهر الأولاد .. بس المشكلة إنو لو المواطن إشترك في البنوك الفوق دي كوووولها عاوز ليهو يومياً خمسين جنيه تحويل رصيد !! عشان كده خلونا هسه في (بنك الخروف) ده !
ولو الفكرة عجبت (أمنا الحكومة) حقو تبدأ في تنفيذها بعد العيد طوالي وتقوم بتسجيل البنك وتعيين أعضاء مجلس الإدارة والمدير العام ونواب المدير العام ومدراء الأقسام ثم تبدأ في تأجير الموقع وشراء العربات والمكاتب والستائر والموكيت والأثاثات والكوندشنات... وكان السنة الجاية (ضحيتو) دي دقني .. !!

كسرة :
نحنا عاوزين لينا بنك (للصبر) !!

كسرة ثابتة :
أخبار ملف خط هيثرو العند النائب العام شنو(ووو وووو ووو)؟


الراكوبة
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف nashi في 20th أكتوبر 2012, 12:22

عمو فيصل خليل - الاخت إقبال - الاخت سهاد - الاخ غريق - عمو الفاتح - الاخت صباح
كل عام وانتم بالف خير
وشاكرة مروركم وتعليقاتكم
وربنا يسهل علي كل الناس كل الناس يا رب ...آآآآمييييييييييييين
يا رب يفرح كل اطفال السودان
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

خروف الضحية بالوزن !!!!!

مُساهمة من طرف الفاتح محمد التوم في 24th أكتوبر 2012, 00:57


ههههههههههههههههههه
يا بتي آخر موضة ليوم الثلاثاء 8/ذو الحجة1433هـ

خروف الضحيـــة بالوزن !!!!

1. يعني يقدّر وزن الخروف بحيث يكون البائع و المشتري راضين ,,,,
( 19 كيلو,,20 كيلو ....الخ)
وبإحدى الطريقتين
أ. ميزان بدون الأرجل و القرون والراس والجلد..........
ب. شوف عين بتراضي الطرفين ...........................

2. يتم دفع تمن الخروف بالمعادلة التالية :
سعر خروف الضحية = ( وزن الخروف X سعر الكيلو)
هههههههههههههههههههه

أول مرة يتم فيها هضم المقولة
بين البايع و المشتري يفتح الله ....


وضحكت كثيراً عندما قال صاحب الخرفان بالله أضرب في 55 جنية
هههههههههههههههههه
عمك رفع سعر الكيلو أمام كاميرا التلفزيون ...
فضحك الجميع
وشر البلية ما يضحك ...

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف فيصل خليل حتيلة في 24th أكتوبر 2012, 08:41


من طرف فيصل خليل حتيلة في الأربعاء أكتوبر 17, 2012 9:29 am
عثمان عمر الشريف كذاب

شكرا يا فاتح و انا بفتكر مقترح اقبال عبداللطيف مقترح جميل و بسيط و عليكم به

ههههههههههههههههههههها

تحايا

أضافة تخريفه

مشكلتى مع الخروف تكمن فى الراس و الجلد فهى الأهم لى من باقى الاعضاء واما الأخرين و اه من الاخرين

هههههههههههههههها



بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف nashi في 25th أكتوبر 2012, 02:40

والله ده نظام جديد بتاع الكيلو ده يا الفاتح اخوي هههههههههههههههه
وبطلع الخروف الصغير بي كم؟ موبالغه ههههههههههههههههه
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف nashi في 25th أكتوبر 2012, 02:42

يا فيصل ما تكون لقيت ليك ختيليه هههههههههههههه
تنتظر واحد يضبح وتشتري الجلد والراس هههههههههههههه
اديكم العافية
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف فيصل خليل حتيلة في 25th أكتوبر 2012, 07:13



كنا بنضحي علي الدوام
و هسع فقر و محل تشوف.
اللاقي مين قوت يومو يوم
ضيعنا وين كلمة "علي"
يا رب رضاك دايمآ عليه

سيدي الرقد بدل النبي
لما الرقاد حافه الحتوف.
مش قالها سل سيفك إذا
ما لقيتو قوت يومك إذا
جبروك علي ضنك الظروف !؟
جروك فوق شوك الأذى
و ورك نجوم عز الضهر
نزعوهوا لحمك و الضفر
دايرنوا كيف يبدا الصدام
كان في الجراب ساكته السيوف !؟
هل بالدواس ال بالكلام
أو بالنضال ال بالحروف !؟
معقوله بس ..
راضين نكون بالفينا دا ..
أم الحكايه وراها خوف !!
بعدين تعال ,,
خوف من شنو !
و خوف من منو !؟
"ديل" ضحوا بيك ..
إتغدوا بيك .. و إتعشوا بيك و رموك عضم
بالشايفو دا .. و من غير تشوف.
حقك هداك .. في إيد عداك
حيعيدو مين غيرك ..سواك !؟
واقف تشوف مكتوف كفوف !؟
أرفع "تمام" و ابدا اللطام
خلي الكتوف تضرب كتوف.
علمنا تاريخنا و تمام
كان قمنا نحنا بقوموا صوف




بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف nashi في 2nd نوفمبر 2012, 05:38

مشكور عم فيصل علي القصيدة
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: يا حليلهم!.. شايلين هم الضحية.!

مُساهمة من طرف nashi في 2nd نوفمبر 2012, 05:39

لص يسرق لحم الأضحية من الثلاجة..!

شندي - منى ميرغني

أقدم لص على سرقة (باقي خروف) كان موضوعاً داخل ثلاجة أحد المواطنين بشندي.
وأبلغ مصدر موثوق (المجهر) أن اللص الذي تسلق حائط المنزل أخذ بقية اللحم الموجود داخل الثلاجة وقام بشرب (الشربوت) وترك التلفاز والديجتال، وبعد ذلك ترك باب الثلاجة مفتوحاً ثم غادر المكان. Sad

المجهر
+
الراكوبة
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى