ابوجبيهه

سر تسمية الويـــــــكة

استعرض الموضوع السابق استعرض الموضوع التالي اذهب الى الأسفل

سر تسمية الويـــــــكة

مُساهمة من طرف خالد عثمان في 11th أكتوبر 2012, 15:20

زمان كان الخواجات ماسكين البلد دي ، وكانوا يسرحو ويمرحو على كيفن، وكان المقندل فيهن (ابو كرشة) يمرق الصباح
السوق شايل قفتو حقت الملاح عشان يجيب الخضار للخواجيه مرتو .. ولما يصل السوق كان بنادي لصاحب الخضار:
يا ولد هوووي ... ها زول ها..
طبعا
بالانجليزي .. هازول قلتلك give me okra يعني اديني كوم بامية . وصاحب
الخضار كان بيقولو حاضر يا عمي الخواجة هاك الووكه دي (مقلدا الخواجة) وهو
يضحك هههه هااااااي ومن يوم داك سموها ويكة ..


هههههههههههههههههههههههها منقووووووووووووول


تحيــــــــــــــــــــــــاتى


خالد عثمان
نشط مميز
نشط مميز


الرجوع الى أعلى الصفحة اذهب الى الأسفل

رد: سر تسمية الويـــــــكة

مُساهمة من طرف فيصل خليل حتيلة في 13th أكتوبر 2012, 09:04


ههههههههههههههههههههههههههههههها

والله يا خالد حلوه

يعنى اصل التسمية من مناطق اهلنا الجعليين برضو والله كنت مفتكر ياكون اصل التسمية من عندنا

لك التحية و اشكرك على المعلومة

تحايا



بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: سر تسمية الويـــــــكة

مُساهمة من طرف غريق كمبال في 13th أكتوبر 2012, 10:49

شكرا خالد

التسميه معقوله جدا

غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: سر تسمية الويـــــــكة

مُساهمة من طرف الفاتح محمد التوم في 13th أكتوبر 2012, 20:06

ههههههههههههههههههه
أهـــا ( الويكاب ) جات من وين ؟؟؟؟؟؟؟؟؟؟؟؟

تسلمو جميعاً ....

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: سر تسمية الويـــــــكة

مُساهمة من طرف yasir ali aburfas في 27th أكتوبر 2012, 21:52


معليش ياخالد اخوى خلينى ارد ليك على سوال عمنا الفاتح محمد توم
قال ليك يامدير ان احدهم حل ضيفا على احد هم بمنطقه بغرب السودان..
وبطبيعه الحال الكرم والجود ما ليهو حد.. اها الراجل مشى صحى المرتو من ساااابع نومه عشان تدبر ليهو حاجه تتأكل للزول الجاج نص الليل دا ..
المره صحت اختها لمساعدتها .. عساهن يجدن ما ينسترن به امام ضيفهم..
فتشن التكل حته .. حته ما لقن حاجه..اللهم الا حاجه كدا ما عرفنها شنو ؟ كن باقى ودك .. ولا دكوه قدييييييمه ولا .ز
على احال سخنن مويه كبن فيها الشيء اللقنو واضافو اليه ـ ربما ـ قليلا من الويكه (لزوم الملايقه) وبينما هذه تفرك والاخرى بتضرضر فى الويكه ،، وبضوق يمكن تلقى ليه طعم قريب ،، فكان ما يشغلهن اسم ما يعدن من طعام
وكل ما فركت الاولى طبجت بالمفراكه على كف اختها لتضوق ،، فتقول لها من فر بشاعته (واااى كاااب) يعنى (وااى كعب) وتكررت العباره كثيرا(وااى كأأأب) ..ساعتها حضر الزوج متسائلا عن ما قمنه باعداده من شيئ فقالتا وبصوت واحد (وآآآى كأأأب) ومن حنها خرج هذا الملاح الى العامه وتداوته الالسن بشيى من التحريف ليصبح (ويكااب)!
والله اعلم

yasir ali aburfas
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: سر تسمية الويـــــــكة

مُساهمة من طرف فيصل خليل حتيلة في 28th أكتوبر 2012, 08:32


هههههههههههههههههههههههههههههههههههههههها

يا ابو رفاس دى جبتها من وين الليلة؟؟؟ اها و باقى اكلنا دا كلو طلع بدون اساس يعنى كلو ضربو رما

شكرا و عيد سعيد



بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: سر تسمية الويـــــــكة

مُساهمة من طرف الفاتح محمد التوم في 28th أكتوبر 2012, 16:45

كل سنة وانتو طيبين ...... أعزاي الوريف فيصل وولدنا ياسر ..

مع مباهج العيد ...تلقينا إفادة من كتاب أم شعيفة ...
مفادها ,,
أما الويكاب , في الغالب الأعم مشتقة من الويكة لأن السودانيين لهم قاموس خاص ((مابعرفو جابو من وين ؟؟؟)) في النسب بإضافة الألف والباء بدلاً من ياء النسب مثلاً هلالاب ومريخاب بدلاً من هلالي ومريخي وعليها قس العوضاب الرزقاب و التوتياب و النافعاب و الشويناب ,,,
وقد ورد في شعر الفخر لأحد القدواب ...
***...***
أنا الخير الدفق عّم السهول وشعاب
آنا النور السطع ضوّ الحضر والغاب
أنا الصٍرح الولد بي سنونه والأنياب
أنا القدواب
فقه أديان ..علو م قرأن..منارات ترشد الطلاب
وجذوة نور.مناهل فكر ينابيع علم لوح .وكتاب
شذا ألأفراح عطر فواح تسابيح عابداً أواب
وسر مكنون في رحم الكون..مواهب ربنا الوهاب
بعيش النملة والعصفور كما مريم .مع المحراب
أنا القدواب
كرم ناساً يعزموا الضيف علي الويكاب
وشموخ ناساً يقابلوا الشدة بي ترحاب
وعز ناساً تعاطوا الصبر بالأنخاب
***...***
وصراحة الأبيات التلاتة الأخيره دي ....رهييييبه
كل عيد وإنتو بخير

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى