ابوجبيهه

اللي ما عندو كبير يشتريلو كبير .......أهلنا بالزمن الجميل ...

استعرض الموضوع السابق استعرض الموضوع التالي اذهب الى الأسفل

اللي ما عندو كبير يشتريلو كبير .......أهلنا بالزمن الجميل ...

مُساهمة من طرف عثمان محمد يعقوب شاويش في 31st أكتوبر 2012, 10:32


تأتي مبكرة للسوق ... تفرش الويكة .... والشطة .... والصلصة المدقوقة ....والمرس ... والكول .... والدوم للصغار ... والهبابات والمباخر .... ومحافظ الفلوس من الجلد .... والبروش العادية والملونة ...ومصلايات البروش... إلخ
وكنا ونحن صغار نسلم عليها ونبيع لها البيض المسروق ...ونزعم أننا قد أرسلتنا لها الأسرة ... و4 حبات بيض بتعريفة ...كي نركب عجلات عمنا حسين العجلاتي ...
إبنها تاجر كبير بالسوق الكبير ... ومشهور ببيع سلعة معروفة يتداولها الشباب والشيوخ ...
متجره الكبير وماشاء الله يقع بالسوق الكبير شرق طاولات الرغيف ... ( ناس ذا النون وخليفة ، ومحمداني )
هذه الحبوبة الفاضلة كريمة ، طيبة مصلية ... موقعها جنوب شرق زريبة العيش بالسوق الكبير ...

مين ... مين ... يعرفها ... ومن يكون إبنها !!؟؟؟ ونفرد الرد لأي معلومة إضافية .....

إحترامي ،،،


avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: اللي ما عندو كبير يشتريلو كبير .......أهلنا بالزمن الجميل ...

مُساهمة من طرف أزهرى الحاج البشير في 31st أكتوبر 2012, 11:11

من حبوباتنا اللائي فرشن في سوق أبوجبيهة المرأة الصالحة الحاجة بت المنا بت أحمد والدة عمنا الحاج كوكو ( محمد علي الطيب ) وخالاتنا الحاجة خديجة بت الطيب أم عبدالماجد ودفع الله والحاجة كوشّي بت الطيب أم خليفة مصطفى وحسن شريف والحاجة بخيتة أم عمنا علي حسن كنونة وعمنا حمرة وخالتنا الحاجة ستنا زوجة عمنا الفاضل بابكر ( راس الفلو) وحبوبة إبننا الراقي زهير حسن السيد وخالتنا الطيبة البشوشة الرقيقة أم المحجوب (بنجوز ) وهي الحاجة بت المنا موضوع السؤال ومن فرشن أيضا الحاجة فاطمة بت المزمل أم عمنا الحسن ود خالد والحاجة البُخيته أم أعمامنا الطيب والبدري الزين وكذلك حبوبتنا حواء الزرقا أم عمنا يوسف الضو وكثير يضيق المجال عن ذكرهن ..

وحبوبتنا الحاجة بت المنا هي المقصودة هنا أم عمنا العزيز الحاج كوكو والسلعة هي ود عماري والذي كان يُمطّره عمنا حسن ود العوض ومن بعدة أخونا من أولاد رشاد أظن أسمه يعقوب إن لم تخني الذاكرة وقبله عمل معه عمنا محمد أحمد كجقجاوي أبو أخوانا يوسف الحاج وأزهري الحاج ( دنكول ) عمنا كجقجاوي كان رجلا محبوبا ولصغر سني ضاعت عني ملامحه ولكني أحسست محبة الناس لهذا الرجل يوم وفاته التي أذكرها كأمس كان يوم جمعة مهيب وأم صلاتة خلق كثير وبكته البلد من أعماقها وشاهدت دموع كل الرجال دون إستثناء فعلق ذلك اليوم في الذاكرة

سأعود لاحقا لسيرة من فرشن بالتفصيل وتبقى الحاجة بت المنا أمرأة صالحة يحكى عن كرمها وكرم أخواتها قصصا لا يستوعبها العقل فلم أشأ التطرق لها كانت أمنا كلنا تهش وتبش وتعطي وتحنو .. لا .. لا .. لا .. أمرأة لا تحتويها الكلمات ولا تتحملها السطور .. إنها من الأساطير الحية وإنتقلت يوم جمعة إنها الحبوبة بكل ما تحمل الكلمة من معاني.


عدل سابقا من قبل أزهرى الحاج البشير في 31st أكتوبر 2012, 11:53 عدل 1 مرات
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: اللي ما عندو كبير يشتريلو كبير .......أهلنا بالزمن الجميل ...

مُساهمة من طرف الفاتح محمد التوم في 31st أكتوبر 2012, 11:48

ياسلام عليك يا شيخ أزهري ........ الله يرحمهن جميعاً بالجنة ... أضيف اليهن حبوبتنا زهرة بت العاتي يا شيخ أزهري ....

تخريمة :-
قسماً بالله ياعثمان كنتا بقول للأولاد أيام العيد
" ماضقتو التقلية من يدين حبوباتكم سواكن و زهرة بت العاتي "


شكراً جميلاً استاذ أزهري واستاذ عثمان
دي أجمل عيدية ...... تسلموا لينا دايما


الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: اللي ما عندو كبير يشتريلو كبير .......أهلنا بالزمن الجميل ...

مُساهمة من طرف فيصل خليل حتيلة في 31st أكتوبر 2012, 12:09


عيد سعيد

رحم الله الحبوبة القامة بت المنا

من اهم ملامح ابوجبيهه يا عمو عصمان بير بت المنا الشهيرة و التى تقع شرق الماطاعم القديمة مباشرة

لكم الشكر و لنا ان نعود

تحايا



بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: اللي ما عندو كبير يشتريلو كبير .......أهلنا بالزمن الجميل ...

مُساهمة من طرف ابوهريرة عثمان عبدالسلام في 31st أكتوبر 2012, 17:10

وده كلام الكبار
avatar
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: اللي ما عندو كبير يشتريلو كبير .......أهلنا بالزمن الجميل ...

مُساهمة من طرف nashi في 1st نوفمبر 2012, 09:19

يا سلاااااام بوست راااائع

متحكرين ومنتظرين
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: اللي ما عندو كبير يشتريلو كبير .......أهلنا بالزمن الجميل ...

مُساهمة من طرف الشاذلي محمد عبدالله ادم في 15th فبراير 2013, 10:07

وينكم عمنا عثمان ازهري

منتظرين باقي حكاوي الكبار

ربنا يحفظكم لينا

والماعندو كبير يقع في البير
avatar
الشاذلي محمد عبدالله ادم
نشط مميز
نشط مميز


الرجوع الى أعلى الصفحة اذهب الى الأسفل

رد: اللي ما عندو كبير يشتريلو كبير .......أهلنا بالزمن الجميل ...

مُساهمة من طرف عثمان محمد يعقوب شاويش في 20th فبراير 2013, 14:48

أبوالزهور ، توحة ، العمدة ، البرادو ، جاينيس ، إبني الشاذلي القليبي
مروركم رائع بطعم الفول المدمس .
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: اللي ما عندو كبير يشتريلو كبير .......أهلنا بالزمن الجميل ...

مُساهمة من طرف عوض الله محمد يعقوب في 20th فبراير 2013, 15:02

في التذكر قلنا ما في اكثر تذكرا من أخونا محمد حسن الأمين
لكن الدكتور أزهري حضوره أقوى
ما شاء الله وتبارك الله

عوض الله محمد يعقوب
نشط مميز
نشط مميز


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى