ابوجبيهه

متظاهرون يخنقون نائب دائرتهم بعمامته والوالي يضحك من المنظر ....«دونكيشوطية» النائب وما لقيه من مرمطة

استعرض الموضوع السابق استعرض الموضوع التالي اذهب الى الأسفل

متظاهرون يخنقون نائب دائرتهم بعمامته والوالي يضحك من المنظر ....«دونكيشوطية» النائب وما لقيه من مرمطة

مُساهمة من طرف محمود منصور محمد علي في 8th نوفمبر 2012, 08:37

11-07-2012 11:58 AM
في إحدى الولايات تظاهر عددٌ من المواطنين لانقطاع التيار الكهربائي ونقص الخدمات، وذلك بعد فشل نائب الدائرة الذي أشبعهم وعودًا جوفاء وكذبًا... جاء الوالي في محاولة منه لتهدئة خواطر المتظاهرين وتطمينهم بحل المشكلة في غضون «24» ساعة، يقول الراوي إن الوالي حضر في عربة بوكسي مكشوفة والتحم بالمتظاهرين دون خوف، وكان إلى جانب الوالي نائب الدائرة وهو شخص عريض الوساد، أغم القفا، طويل المنكبين، وله أشناب عجيبة جدًا، يقول لي علي مهدي إنت ماش وين، وكان رجلاً مكروهًا لدى أهل دائرته لكثرة كذبه عليهم وغشهم... المتظاهرون هتفوا ضد الوالي بهتافات غير لائقة، لكنه استحمل وبشيء من الحكمة حاول امتصاص غضبهم وتمكن من تهدئتهم إلى حد كبير... في تلك اللحظة قام نائب الدائرة زي داير يوري الوالي إنو هو راجل فارس وما بخاف كلو كلو، وبإمكانه تفريق المتظاهرين ديل رجالة كدي وحُمرة عين، دون الحاجة إلى شرطة وبمبان.. بس عمك نزل من البوكسي المكشوف ومشى على المتظاهرين، وهو يتبختر ويحاكي مشي الأبطال في ساحة المعركة، متحديًا إياهم ومستفزًا لهم: يله أي حيوان يمشي علي بيتو، ما عايزين أي شوشرة، مش خلاس الوالي قال ليكم بنحل المشكلة خلال «24» ساعة خلاس تاني ما داير أي صعلقة وقلة أدب، وشال بسطونتو، وبشيء من البله والهبالة، لمّ ليك في المتظاهرين ضرب، وفي الساعة ديك قايل نفسو ولا أبو زيد الهلالي... المشهد استفز الشباب المتظاهرين وقالوا كدي لموا في نائب الدايرة، شالوهو ليك فوق وخبطو بيهو الأرض، وادهو علقة محترمة جدًا، وخنقوهو بي عمتو ومنظرو في الساعة ديك كان بضحك أي زول شافو، يعني مرمغوهو بالتراب وزعتوهو زعتة لمن عيونو دي مرقت.. المهم في جماعة كدي عاقلين شوية قاموا فكو النائب من الشباب الغاضبين، وهو ما صدق النجدة دي، خلّى عمتو وطاقيتو في أرض المعركة وطوالي جا جاري جري علي الوالي وطلع جنبو في البوكسي، والشنب بقي أحمآآآآآر من التراب، والجلابية دي قال ليك بقت بنِّية عديل كدي من الغبار، والوالي في الساعة ديك يغالب في الضحك وما قادر يتمالك نفسو، لأنو المنظر بالجد أي زول شافو قال كوميدي ومضحك لأبعد الحدود.. بعد أن التقط أنفاسو قال للوالي بشيء من الهيستيريا :شنو يا السيد الوالي مابتجي تفكني من الطابور الخامس ديل، تقعد تعاين لي ساي كدي تتفرج.. الوالي قال ليهو وهو مازال يغالب الضحك: نان أنا قلتا ليك أنزل ليهم، ما براك مشيت تضارب فيهم، إنت قايل الشي دا هو رجالة..
يقول الراوي: إن المتظاهرين الغاضبين شرعوا في حرق عمامة وطاقية نائب دائرتهم إلا أن جهود ومساعي الأجاويد حالت دون ذلك، ويضيف أن المشهد الكوميدي و«دونكيشوطية» النائب وما لقيه من مرمطة، هو الذي سرعان ما امتص َّغضب المتظاهرين.


الانتباهة

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: متظاهرون يخنقون نائب دائرتهم بعمامته والوالي يضحك من المنظر ....«دونكيشوطية» النائب وما لقيه من مرمطة

مُساهمة من طرف فيصل خليل حتيلة في 8th نوفمبر 2012, 09:06


هههههههههههههههههههههههههههههههههههههههههههههههههها

يستاهل الكلب الذى يجب ان يكون تحت حزاء الشعب لا من يمثله ليمثل به

شكرا عمو



بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: متظاهرون يخنقون نائب دائرتهم بعمامته والوالي يضحك من المنظر ....«دونكيشوطية» النائب وما لقيه من مرمطة

مُساهمة من طرف محمد قادم نوية في 8th نوفمبر 2012, 09:54

عجبوني ليهو !! أخينا البطل لقي عقلة ساخنة.. كثيرون من أمثاله بعملوها نظام كسٍّير تلج للمسؤولين عسي أن يقربهم إليهم ؛إياك وإستفزاز هذا الشعب الهايج.

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى