تحيات وسلام من ود عشمان للجميع

الاستاذ ود عشمان عمدة مدينة ناوا المكلف .. والسباري المخضرم .. ورئيس الية فض المنازعات الادبية داخل اروقة المنتدى .. والناطق الرسمي باسم المحامي الكبير ابوهريرة ..والرئيس الفخري لجمعية الرفق بالقوارير.. والمشرف على منتدى التعريف.. والبطل السابق للمصارعة الحرة... ورئيس لجنة المشورة الشعبية لجنوب كردفان... ومستشار لجنة تنفيذ المصفوفة... يبلغكم تحياته الحارة عبر الاثير من عاصمة الضباب ويوعدكم بعودته قريبا الى ساحات المنتدى رغم المسؤوليات الجسام الملقاه على عاتقه وهو بخير وصحة...

اهلا وسهلا ود عشمان

المنتدى منور بوجودك

يافيصل السخيل الصغير مربوط عندك في الراكوبة... عاوزين نكرم لود عشمان العمدة لانو السخيل الكبير اكلوا ابوهريرة حي

تحياتي

طيب يامونج ...مافي حتى دجاجة واحدة..... بيها يتكرم شوية؟؟؟؟

هههههههه ....هههههههه ابوهريرة ده ما خل جراداية واحدة حايمة كمان قبل على السخلان؟؟؟؟؟؟

ههههههههههههههه. ههههههههههههههههه
الله يخت محنك يا محمود
نرحب بول عشمان
طبعايا محمود ود عشمان بحب الجراد حب شديد وبموت فيه
ونح. سوف نكرم له بملوه جراد من نوع ام جركم

يا اخوانا هوي ..

ما بنقبل باقل من تور للكرامه ..

الاخ احمد كوكو خليك جاهز و قاعد ربيطة ..

يا فيصل عليك الله ابوهريره دا في مثل هذه الكرمات ما تعزمو ..

ياخ في زيارتني الاخيره للسودان ابوهريره عزمني غدا .. جابو السفره و قال لي يا ول عشمان امشي غسل يدينك و بعدين مكان الماسوره مشوار .. مسافة ارجع ( سفسف ) اللحم كلو ز بعد دا كلو قال لي قول بسم الله .. و بعدين اخوه عبدالسلام زاتو ما هين .. ماشاء الله عليهم ( صبيان جد )

ابوهريرة

عوجة تب ما في

انا مستعد ارسل ليكم 10 جوالات جراد من نوع ساري الليل والجوال الواحد سيكلف حوالي 12 دولار بالإضافة الى مصاريف الشحن وقيمة الضريبة المضافة.....

ود عشمان ألف حمدا لله على سلامتك . وبالجد ليك وحشة . وفضلاً لا تطول البعااااد ...وإنت عاااارف ................ معزتي ،،،