عوين السرور
+8
ود عشمان
إيمان عبدالرازق الحاج
أزهرى الحاج البشير
اقبال عبداللطيف
عثمان محمد يعقوب شاويش
غريق كمبال
فيصل خليل حتيلة
ناهد عبيد
12 مشترك
صفحة 1 من اصل 1
عوين السرور
حيرتنى مداقرتك للستات البهين البيوت منورات تعال نعمل اتفقات ومعاهدات
العوين للريكه عايسات وللحطب فازعات وللمويه واردات ومع الجنوى مساهرات
للضيوف معشيات وفوق التعاسه صابرات ما هن مكشرات ولا من بيوتن طافشات
ديلا اماتى واماتكن السمحات الكسره بالمويه مياكلات وكن ضرابه برضو راضيات
ولله حامدات و شاكرات فيهن المدرسات وفى المؤسسات شقالات وفى الحوبه واقفات
فى بلاد الغربه مستورات للعادات والتقاليد محافظات بتوبن السودانى قاشرات
ناهد عبيد- مبدع مميز
رد: عوين السرور
الازهرى ود البشير
الماك كشير شايل السماحه عديل ادحر ابو خالده قلو كترت المعيار فى العييين
ناهد عبيد- مبدع مميز
رد: عوين السرور
هههههههههههههههههههههههههههههههههههههها
افو يا بت اختى العيين كمان بداوسوهن
انا قل شنو؟ قل بدور لى مره تانى فى ابجبيهى
ههههههههههههههههها
بوست واعد جدا يا ناهد كتر خيرك
فيصل خليل حتيلة- مشرف إجتماعيات أبوجبيهة
رد: عوين السرور
فيصل خليل حتيلة كتب:
انا قل شنو؟ قل بدور لى مره تانى فى ابجبيهى
ههههههههههههههههها
أنا خايفك يا فيصل بعدين بتزوغ من كلامك دا !!! ودا كلام موثق .....ونحنا دايماً مع الحكومة . وضد العدوان ...ومع النسوان ولكن بنضرب فى المليان ... بس أديني وصف البيت بوين ....
بنيتي ناهد يكفي أنك نشطه . إحترامي ،،،
وين ود الباشا ... تحياتنا له ...
عثمان محمد يعقوب شاويش- مشرف منتدى شخصيات من ابى جبيهه
رد: عوين السرور
في قاموسنا نحن عيال آدم يا ستي ناهد الذي يكثر من المعيار لبنات حواء مزنوق شديد في البيت والسرج تاعبوا شديد
وما ليهو إلا هذه الفضاءات الرحيبة .... مسكين مووونج ضابحين ليهو الكديسة ....
أما فيما يتعلق بالمره التانية !!! فشر .. سواء أن كان في أب جبيهي أو خارج أب جبيهي
معذرة للدخول متأخرا للبوست وشكرا للتقريظ بنيتي ناهد
وما ليهو إلا هذه الفضاءات الرحيبة .... مسكين مووونج ضابحين ليهو الكديسة ....
أما فيما يتعلق بالمره التانية !!! فشر .. سواء أن كان في أب جبيهي أو خارج أب جبيهي
معذرة للدخول متأخرا للبوست وشكرا للتقريظ بنيتي ناهد
أزهرى الحاج البشير- مشرف عام
رد: عوين السرور
شكرا بت عمتي على البوست الجميل
الشُكر ده جاب ليهو كلام تاني
اقبال قالت فيصل انقرع
رجاً انقرع
الشُكر ده جاب ليهو كلام تاني
اقبال قالت فيصل انقرع
رجاً انقرع
إيمان عبدالرازق الحاج- نشط ثلاثة نجوم
رد: عوين السرور
ناهد عبيد كتب:
حيرتنى مداقرتك للستات البهين البيوت منورات تعال نعمل اتفقات ومعاهدات
العوين للريكه عايسات وللحطب فازعات وللمويه واردات ومع الجنوى مساهرات
للضيوف معشيات
دا واجبكن .. يسو بيكن شنو اذا ما بتفزعن للحطب و توردن للمويه و تعوسن الكسره .. شفو ليكم بهول ..
اجمل المني ..
ود عشمان- مشرف تعريف المنتدى
رد: عوين السرور
فيصل خليل حتيلة كتب:
انا قل شنو؟ قل بدور لى مره تانى فى ابجبيهى
فيصل ول حتيله ..
العوين عندنا في امبرمبيطة راقدات تراب بس انت قول " بقوم "
وصايتي ليكم دبلو و الرهيفة تنقد ..
ود عشمان- مشرف تعريف المنتدى
رد: عوين السرور
عثمان محمد يعقوب شاويش كتب:فيصل خليل حتيلة كتب:
انا قل شنو؟ قل بدور لى مره تانى فى ابجبيهى
ههههههههههههههههها
أنا خايفك يا فيصل بعدين بتزوغ من كلامك دا !!! ودا كلام موثق .....ونحنا دايماً مع الحكومة . وضد العدوان ...ومع النسوان ولكن بنضرب فى المليان ... بس أديني وصف البيت بوين ....
بنيتي ناهد يكفي أنك نشطه . إحترامي ،،،
وين ود الباشا ... تحياتنا له ...
سلامات عمو شاويش خليكم مع الحكومات
بازن الله ما بتجيكم عوجات كلامى نجيض مو هترشات
قل لجماعتك بطلو مناكفات الزوجات
واقيفوا ربيطه مع ام الوليدات
&&&&&&&&&&&&&&&&&&&&&&&&&&&&&&
تحيه للعزه ام البنوت ان شاءالله نار تكلها ما تموت
ناهد عبيد- مبدع مميز
رد: عوين السرور
ود عشمان كتب:ناهد عبيد كتب:
حيرتنى مداقرتك للستات البهين البيوت منورات تعال نعمل اتفقات ومعاهدات
العوين للريكه عايسات وللحطب فازعات وللمويه واردات ومع الجنوى مساهرات
للضيوف معشيات
دا واجبكن .. يسو بيكن شنو اذا ما بتفزعن للحطب و توردن للمويه و تعوسن الكسره .. شفو ليكم بهول ..
اجمل المني ..
بلباص الحواس بقيت عيشتك دواس
امشى التعريف وفى بوستاتك اقيف وخلى المحاريش
ناهد عبيد- مبدع مميز
رد: عوين السرور
إيمان عبدالرازق الحاج كتب:شكرا بت عمتي على البوست الجميل
الشُكر ده جاب ليهو كلام تاني
اقبال قالت فيصل انقرع
رجاً انقرع
انقرع وبتانى انقرع وفى اخيدة العوين ما تندرع
مشتاقين ايمان
ناهد عبيد- مبدع مميز
رد: عوين السرور
يا ناهد خالك كتلوه العيون ورموهو في لهيب الحرة
والرمـــــش الكحيل طوطو قــــــليبو و فره
ما بنوم الليل مرات يتاوق ,,, وكتير بيطلع بره
قول لي ليهو اركز يالجبل ... الـــــزول بموت فد مره
*****
شايفك ياالوريف غرقان ,,,وبعتا هــــــدومك
في التانية فكرك شرد بعيد ,,وزايد ســـومك
أكان خرفتا بـــعد الشيب مافي زول بيلومك
أركز وانستر ,,, بالود والمحنــة كمل بقية يومك
ههههههههههههههه
بوست جميل يا ناهد ....
والرمـــــش الكحيل طوطو قــــــليبو و فره
ما بنوم الليل مرات يتاوق ,,, وكتير بيطلع بره
قول لي ليهو اركز يالجبل ... الـــــزول بموت فد مره
*****
شايفك ياالوريف غرقان ,,,وبعتا هــــــدومك
في التانية فكرك شرد بعيد ,,وزايد ســـومك
أكان خرفتا بـــعد الشيب مافي زول بيلومك
أركز وانستر ,,, بالود والمحنــة كمل بقية يومك
ههههههههههههههه
بوست جميل يا ناهد ....
الفاتح محمد التوم- مشرف المنتدى السياسى
رد: عوين السرور
ياناهد اخيتي اظنوا راسك فات *** ديل ما عيين اليوم ديل عيين هسع حبوبات
يا فيصل خليل العيين ما بداوسوهن ***هن وزارات الداخلية الأمان بيهن
اعمل الف حســــــــــــــــــــــــــــــــــاب *** وحات المكاشفي ترجع ليهن
السجع الجميل ده زيدينا منوا***هو ياراجل الجن ده كيكيفنوا
اعملوا حسابكو من البزيد في جنو *** والا البيت كلكم سايبنوا
يا ود عشمان كلامك بشوفوا هزار *** العنقريب حيكون ليك من جهنم والملاية شرار
احزر ما تنزر ذرت الكديس للفار
تسلموا
يا فيصل خليل العيين ما بداوسوهن ***هن وزارات الداخلية الأمان بيهن
اعمل الف حســــــــــــــــــــــــــــــــــاب *** وحات المكاشفي ترجع ليهن
السجع الجميل ده زيدينا منوا***هو ياراجل الجن ده كيكيفنوا
اعملوا حسابكو من البزيد في جنو *** والا البيت كلكم سايبنوا
يا ود عشمان كلامك بشوفوا هزار *** العنقريب حيكون ليك من جهنم والملاية شرار
احزر ما تنزر ذرت الكديس للفار
تسلموا
خالد الحاج محي الدين- نشط ثلاثة نجوم
رد: عوين السرور
هههههههههههههههههههههههههههههههها
اعمامنا زى ما بيقولوا النيه فيها و القليب مابيها
خلينى ادى خالد و شهاب بعض الكلام الحلو حار
***********
إدفقى ما تبقى رقراق
أبقى يا ضُل .. يا شموس
غطى المساحات بالوضوح
إستنهضى الشوق .. الجروس
وهجك شوارع ذاتى
فى ليل اليباب
ما تشفقى العطش .. الرحيل
النيل ركيزة
ودمعة الأحباب سِحاب
ما تخافى من دم الغروب
لو رتّش الّلوحة الضباب
مادام ضمير الفينا .. حى
مادام عِريق العِشق .. حى
ملحوقة يا مدن السراب
نديانة بى فرح التساب
********
أدفقى فيضان عمار
أتربعى .. وفجّى الوجع
دمع الألم .. ما يدفّقك
ما خاب غناك
فارسك رجع
إتوهجى وإنتى الشمس
إتلهجى نورك سطع
نوّر بوادينا الكساح
رقصت مزامير الصباح
مبكية قرية وقنبلة
متكية دمعة .. وسنبلة
الليلة فى إيدنا السلاح
ريشة وكدنكة .. ومطرقة
نبنيكى أحسن يا ظروف
مخضرة .. دانية القطوف
نطوى المسافات .. نسبقا
********
أدّفقى بلدك فِداك
إتوهطى
ورّى البنيات العديل
محمية بى عرق الترابلة
ونغمتك مسقية بى الريد العتيق
أنغام رباباتك تشيل
معزوفة الليل .. والرفيق
ما تصغرى
تكبر أمانى السنبلة
هَىْ أكبرى
تصغر معانى القنبلة
ما ترجعى الصد لى المداين .. والقرى
شيلى الشحوب والإصفرار
أدى البويتات منظرا
إدفقى فى كل شارع .. وكل بيت
فى روابينا المحنّة
وفى ضمايرنا السهول
إدفقى
فى كل حتة .. وكل زول
أبقى .. شان تحيا الفصول
************
هههههههههههههههههها يا شهاب الحق العجايز
فيصل خليل حتيلة- مشرف إجتماعيات أبوجبيهة
رد: عوين السرور
انا عايز اقول ليكم قولة لي العوين بيأبن العرس فوقن .
jaber abdulsater mohammed- نشط مميز
رد: عوين السرور
هههههههههههههههههه ياوريف
ذكرتني ود الرضي .... وست البيت
مي العزاية دايماً سادا.. ومي الغبشة المغبرة حادة
مي اللهفانة بي ورا المادة.. دي اللي شبابا ديمة موادة
(ست البيت)
ومن صابحتها وماسيتا .. طاعمة وناعمة لو مسيتا
ما قاستني ما قاسيتا .. وتشكر فضلي كل ما كسيتا
وجوه القصيدة في حاجات عجيبة ....
لكن ياعجايز ما بسألكم هههههههههههه
ذكرتني ود الرضي .... وست البيت
مي العزاية دايماً سادا.. ومي الغبشة المغبرة حادة
مي اللهفانة بي ورا المادة.. دي اللي شبابا ديمة موادة
(ست البيت)
ومن صابحتها وماسيتا .. طاعمة وناعمة لو مسيتا
ما قاستني ما قاسيتا .. وتشكر فضلي كل ما كسيتا
وجوه القصيدة في حاجات عجيبة ....
لكن ياعجايز ما بسألكم هههههههههههه
الفاتح محمد التوم- مشرف المنتدى السياسى
رد: عوين السرور
يا ود عشمان ما سمعت ندى القلعة
قالت السمحة ام ولدي
يانوية لو امكن نزل الفيديو
شوف الراجل بشكر في ام وليدو
قالت السمحة ام ولدي
يانوية لو امكن نزل الفيديو
شوف الراجل بشكر في ام وليدو
إيمان عبدالرازق الحاج- نشط ثلاثة نجوم
رد: عوين السرور
هههههههههههههههههههههههههههه
ام محمد انتي عارفه مشينا لأستاذ صديقي وكان دايماً ذيما بقولوا" بتونس بالتانية "
أها أم عيالو جابت الشاي ,,, وكان يتحدث عن رئاسة اتحاد الفنانين و المهن الموسيقيه ... ومستنكر ترشيح ندى القلعة
بعد ما كبّت الشاي وقدمتو لينا ,,, قالت " ان شاء الله تفوز ,,,ندى غناية واحسن مقطع عجبني في اغنيتها ام ولدي
" ...حكامة كان فتا ,,, وكريمة يابنية"
عدت البيت ,,, وفتشت بقية كلمات الأغنية,,,,,,
حكامة كان فتا رباية كان متا
بتعيش وليداتا الله الله ماتجيهم الحتة
دى السمحة ام ولدي
كريمة يابنية كان جو ضيوف مية
بالجود موجودة الله الله لو مافي بالنية
دى السمحة ام ولدي
ضحكتا جد جد ,,,, و اتصلت عليهو وقلتا ليهو أم العيــال دي مغبوووونه منك ,,,و اتمنت ليك الموت عدييييل ,,, وجيبك يكون فاضي ( تفلّس من كترة الصرف ) بالله تاني ماتجيب سيرة العرس قدامها ,,,,,,,,,,,,, ضحك بهستيريه وقال " بالله الزمن ه كلو من مده بتقول نفس كلامها ده إلاّ أنا مافاهم حاجه أتـــــــااااااري مستخدمه التوريه؟؟؟؟" أها أكان كده السيره دي خليناها ههههههههههههههههههههههههه
ام محمد انتي عارفه مشينا لأستاذ صديقي وكان دايماً ذيما بقولوا" بتونس بالتانية "
أها أم عيالو جابت الشاي ,,, وكان يتحدث عن رئاسة اتحاد الفنانين و المهن الموسيقيه ... ومستنكر ترشيح ندى القلعة
بعد ما كبّت الشاي وقدمتو لينا ,,, قالت " ان شاء الله تفوز ,,,ندى غناية واحسن مقطع عجبني في اغنيتها ام ولدي
" ...حكامة كان فتا ,,, وكريمة يابنية"
عدت البيت ,,, وفتشت بقية كلمات الأغنية,,,,,,
حكامة كان فتا رباية كان متا
بتعيش وليداتا الله الله ماتجيهم الحتة
دى السمحة ام ولدي
كريمة يابنية كان جو ضيوف مية
بالجود موجودة الله الله لو مافي بالنية
دى السمحة ام ولدي
ضحكتا جد جد ,,,, و اتصلت عليهو وقلتا ليهو أم العيــال دي مغبوووونه منك ,,,و اتمنت ليك الموت عدييييل ,,, وجيبك يكون فاضي ( تفلّس من كترة الصرف ) بالله تاني ماتجيب سيرة العرس قدامها ,,,,,,,,,,,,, ضحك بهستيريه وقال " بالله الزمن ه كلو من مده بتقول نفس كلامها ده إلاّ أنا مافاهم حاجه أتـــــــااااااري مستخدمه التوريه؟؟؟؟" أها أكان كده السيره دي خليناها ههههههههههههههههههههههههه
الفاتح محمد التوم- مشرف المنتدى السياسى
رد: عوين السرور
[وحدهم المديرون لديهم صلاحيات معاينة هذه الصورة]
ابوهريرة عثمان عبدالسلام- مشرف المنتدى الاسلامى
رد: عوين السرور
إيمان عبدالرازق الحاج كتب:يا ود عشمان ما سمعت ندى القلعة
قالت السمحة ام ولدي
ايمان ..
ما قلنا لا .. لكن واجبكن نجضنا ..
اجمل المني
ود عشمان- مشرف تعريف المنتدى
رد: عوين السرور
ابوهريرة عثمان عبدالسلام كتب:
اسمع الكلام وما تعمل فوكا ضهبان خلى سيرة النسوان
قبل ورجع صورتك وما تخلى صحبك متل الضهبان
ناهد عبيد- مبدع مميز
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى