الزواج عن طريق النت

ما اعرفه بان الفيس بوك والاسكاى والتويتر يتيح مساحة للتعارف بكل انواعه يعنى صورة وصوت وسمعتى بسودانى مجرر ليه مغربيه حتى مطار الخرطوم عندما وصلت المطار ضربت ليه قالوا لمن اصيب بالرعب
عشان كده يا فيصل الخوف تجربى تظهر ليك وحده من جبرونا

سلوى شكرا يا رايعه

انا عندى تجربه بس بى شرط ما تضحكو فينى

كنت قاعد زهجان فى واحده عملت لى لايك رديت عليها وقلت يا ولد كده ادردش معاها وبالزهجه ديك الكلام دخل الحوش وقمت طوالى سالتها اها يا جميل انت من وين

قالت لى انا من كسلا

طبعا نططة عيونى لانى عارف كسلا دى ما فيها زول شين

اها يا بت الحلال انت بتقرى وين

قالت خريجه من سنتين وقاعده فى البيت

دخلت طوالى وقدمت طلبى بى ظرافه يحسدنى عليها شاويش (ابو علياء)

طبعا بعد ممانعه بسيطه جانى الرد كده نشوف خلينى افكر
وخرجت من الدردشه وانا قاعد عملت رساله وتانى واحده وكمان المساء عملت رساله لى بكره انا جانى بى بتاعت كسلا

وانا قاعد متمحن توووووش الرساله جات طوالى ما كضبت قلت ليها الكلام كده ما بينفع ده رقم تلفونى اعملى لى رنه وانا ارجع ليك

قالت ما عندها تلفون

قلت ليها انا بشترى ليكى تلفون يا بت الناس

بعد حوار اتفقنا ان احول ليها 200جنيه على الرقم ده

عملت الاجراء على وعد ان تكلمنى المساء

المساء رن التلفون الساعه 11 شوفو الساعه 11 وتعال شوف ليك بى ونسه وجنس كضب واحد

وتكرر الحال والاتصال ورفضت ان ترسل لى صورتها رغم انى رسلت ليها سيرتى الزاتيه وصورى من الميلاد والدراسه وهى رافضه حتى الحديث عبر الاسكاى بى

بعد كم شهر قالت لى انا جاى الخرطوم
ما صدقت وبقيت اعد الايام والساعات حتى وصول الحبيب الى الخرطوم

اليوم الاول طبعا متفقين اننا بعد ما نشوف بعض اقوم انا بالذهاب الى كسلا وعلى طول يتم العرس
طبعا هى عارفه البير وقطاها وانا الدقوس ما عارف عنها الا الصوت القاعد اسمعو عبر سماعة الهاتف
اتفقنا نتقابل فى عمارة الدهب فى دكان كازابنكا فى الركن الجنوبى الشرقى وطلبت ان اجى لابس بدله معينه سمتها لى فى الصوره

طبعا العبد لله ظل يحسب الانفاس خليك من الدقائق
جانى احساس غريب قمت لبست جلابيه مش ولابد وطاقيه وشلت تلفونى وختيتو فى الصامت وجيت بدرى وجريت لى كرسى وجلست قريب من الدكان وبراقب وبراقب وبرااااااااااااااقب

الباقى تمو خيال

بالغة

كده يا كلك كمل

ابيت

يا غريقو

أبو كليقا بتاع محن هههههههه

أبو كليقا بتاع محن هههههههه

الراجل شحتف روحنا ما داير يكمل

ياغريقو

ما تتلحنى خلى الناس البعرسو يتكلمو

انت مالك

ما انا عارف الحاكومه عامله فيك شنو

المعذرة ...بجكيم كلكم


مشاغل على حبة مزاج ما رايق مع وفاة الحوت ......... قلبت البال شوية

ربنا يتقبلو مع الصديقين يا سلوى

فعلا الرحيل كان مر

شنو يعني يا ابو كليقة .... نحنا منتظرنك.... تحياتي يا غالي ...

أبو كليقا يكون الشخصية ما خشت فى مزاجو ولا مش كده

يا كلك ما تكمل الشقله

اكيد طبعا بتكون شرتك وما جات

هههههههههههههههههههها

طبعا عشان جرستكم دى حاكمل

جات لابسه بيجى رهيب لكن ما من كسلا

ما زى الصوره الراسمها فى بالى

شينه وزرررررررررريقه فحمايه بس

ما فيها حاجه بتعجب

عملت رنه وانا ما كنت مصدق

رجعت ليها بالراحه وهى كانت جمبى شديد وانا قاعد وخالف كراع فى كراع ومشنق الطاقيه
تاكدت انها هى المقصوده

راسى لفه وبطنى طمت شديد

قربت اطرش

وقمت وتخارجن وكسرت الشريحه وانهبت حسابى فى الفيس

حتى الان ما شفت خلقتها

انتو عارفين تجارب الحب فى الفبس دى مواسير ساااااااااى

اها يا غريقو مبسوط

ههههههههه ياخ انت مالك ما عندك مجامله كده

السيد المحامى

لو كنت المسؤل كنت بتتصرف كيف

انت قال ليك انا داقس يا ود اخوى

لو ظهرت ليها وقامت شبطت فوقى اسوى شنو

النوع ده انا عارفو

انا نفسى ما اديتها فرصه عشان احتفظ بالرقم حتى

ده كلو عشان القبيحه دى لعبت بى

شكرا كلك

امتعتنا

فعلا يا الفاتح الموضوع ينطوى على خطوره كبيره تهدد الوضع الاجتماعى

وبالاخص امر كهدا يمارسه وبترخيص كمان احد الاجانب

فيصل خليل حتيلة كتب:

والله فكرة جيدة يا سلوى بس تجربتى معاها ضعيفه لكين خلينى اجربو و احكى ليكم التجربة بما انى بفكر

فى الدبل بتاعى لى كم سنه بس ما لاقى لى مره ست بيت

ههههههههههههههههها

موضوع كبير علينا

حبابك فيصل


قلت لي بتفكر في الدبل


وقلت لي كبير عليك...هههههههه


سمح لامن تقدر عليه قول لينا عشان نعرف تجربتك


نورت كتييييير والله

MONZAL كتب:ما اعرفه بان الفيس بوك والاسكاى والتويتر يتيح مساحة للتعارف بكل انواعه يعنى صورة وصوت وسمعتى بسودانى مجرر ليه مغربيه حتى مطار الخرطوم عندما وصلت المطار ضربت ليه قالوا لمن اصيب بالرعب

عشان كده يا فيصل الخوف تجربى تظهر ليك وحده من جبرونا

ان بقت اخوي حكاية اسكايبي وتعارف بالنت في وجود الاهل بيكون مطمئن وفيه مصداقية لكن ان كانت من خلف الاهل بيبقى شيء غير مضمون وفيه خوف بانه يكون تلاعب بس من الطرفيين


الف شكر لمرورك ورايك الجميل

ابو كليقا كتب:سلوى شكرا يا رايعه

انا عندى تجربه بس بى شرط ما تضحكو فينى

كنت قاعد زهجان فى واحده عملت لى لايك رديت عليها وقلت يا ولد كده ادردش معاها وبالزهجه ديك الكلام دخل الحوش وقمت طوالى سالتها اها يا جميل انت من وين

قالت لى انا من كسلا

طبعا نططة عيونى لانى عارف كسلا دى ما فيها زول شين

اها يا بت الحلال انت بتقرى وين

قالت خريجه من سنتين وقاعده فى البيت

دخلت طوالى وقدمت طلبى بى ظرافه يحسدنى عليها شاويش (ابو علياء)

طبعا بعد ممانعه بسيطه جانى الرد كده نشوف خلينى افكر
وخرجت من الدردشه وانا قاعد عملت رساله وتانى واحده وكمان المساء عملت رساله لى بكره انا جانى بى بتاعت كسلا

وانا قاعد متمحن توووووش الرساله جات طوالى ما كضبت قلت ليها الكلام كده ما بينفع ده رقم تلفونى اعملى لى رنه وانا ارجع ليك

قالت ما عندها تلفون

قلت ليها انا بشترى ليكى تلفون يا بت الناس

بعد حوار اتفقنا ان احول ليها 200جنيه على الرقم ده

عملت الاجراء على وعد ان تكلمنى المساء

المساء رن التلفون الساعه 11 شوفو الساعه 11 وتعال شوف ليك بى ونسه وجنس كضب واحد

وتكرر الحال والاتصال ورفضت ان ترسل لى صورتها رغم انى رسلت ليها سيرتى الزاتيه وصورى من الميلاد والدراسه وهى رافضه حتى الحديث عبر الاسكاى بى

بعد كم شهر قالت لى انا جاى الخرطوم
ما صدقت وبقيت اعد الايام والساعات حتى وصول الحبيب الى الخرطوم

اليوم الاول طبعا متفقين اننا بعد ما نشوف بعض اقوم انا بالذهاب الى كسلا وعلى طول يتم العرس
طبعا هى عارفه البير وقطاها وانا الدقوس ما عارف عنها الا الصوت القاعد اسمعو عبر سماعة الهاتف
اتفقنا نتقابل فى عمارة الدهب فى دكان كازابنكا فى الركن الجنوبى الشرقى وطلبت ان اجى لابس بدله معينه سمتها لى فى الصوره

طبعا العبد لله ظل يحسب الانفاس خليك من الدقائق
جانى احساس غريب قمت لبست جلابيه مش ولابد وطاقيه وشلت تلفونى وختيتو فى الصامت وجيت بدرى وجريت لى كرسى وجلست قريب من الدكان وبراقب وبراقب وبرااااااااااااااقب

الباقى تمو خيال

والله يا ابو الكلق انت رائع حقيقة


عجبتني صراحتك والسرد الشيق واللي حقيقة هو واقع بنسية 90% للاغلبية اعتقد بيحدث معاهم كده


النت عدم المصداقية في التعارف من خلاله كتيرة ...ولا يعني ذلك عدم وجود عكسه


لكن كيف ووين الضمان ..؟؟


يبقى اخير ابعد من الشر وغني له


وما يبقوا الجماعة زيك وبعدين يجوووا فرد جرررررررية


ههههههههههههه

اقبال عبداللطيف كتب:فيصل اتعلم من اب كليقا وابقى سعيد وشوف في اخوك

تسلمي يا سلوى

تسلمي اقبال ..أشكرك لمرورك

محمد قادم نوية كتب:

مشكورة أستاذة سلوي علي الطرح ؛؛؛
في رأي زواج النت زواج فاشل وفيه الكثير من الخداع للطرفين:
فهمها إمتدت علاقتك بالشخص بالنت فأنك لا تعرفه تمام المعرفة كمن تعرفه من اصدقاءالحي الذين تربيت معهم او صديق مدرسة
فمهما احسست انك تعرفه حق المعرفة فإن حياته قد تكون مخفية او خافية من الناس
فمن تظن انه حبيب قد ينقلب الى عدو وكل الصفات التي تراها فيه سمحه قد تتغير في لحظه
لانو الشخصيات لها خصوصية
فلا أدري كيف يحب الانسان كلام مسنجر او فيس بوك ولا صورة قد تكون من الخيال او صوت جميل قد يكون مقلوب

الله عليك...الف شكر والله


عبرت عن رايي حقيقة..وده ما اقصده فعلا.....ده مشوار عمر وحياة ابدية بين اتنين يعني الاحتمالات فيها لاي شيء يشوش بينهم ما معقوول وما مستوعب


شكرا شكرا ..وما عدمناك

ابو كليقا كتب:هههههههههههههههههههها

طبعا عشان جرستكم دى حاكمل

جات لابسه بيجى رهيب لكن ما من كسلا

ما زى الصوره الراسمها فى بالى

شينه وزرررررررررريقه فحمايه بس

ما فيها حاجه بتعجب

عملت رنه وانا ما كنت مصدق

رجعت ليها بالراحه وهى كانت جمبى شديد وانا قاعد وخالف كراع فى كراع ومشنق الطاقيه
تاكدت انها هى المقصوده

راسى لفه وبطنى طمت شديد

قربت اطرش

وقمت وتخارجن وكسرت الشريحه وانهبت حسابى فى الفيس

حتى الان ما شفت خلقتها

انتو عارفين تجارب الحب فى الفبس دى مواسير ساااااااااى

اها يا غريقو مبسوط

ههههههههههههههه


تستاااااااااااااااااااااااهل وعجبني ليك


اها النسالك..كان بقت سمحة وحاجة كدة كانت حتكون ردة فعلك شنو يا ابو الكلق ؟؟


غايتوووا بنتظرك تقول بكل صراحة وبلا مجاملة هههههههه

الفاتح محمد التوم كتب:حبيبنا وابن عمنـــا أبكيـــقة
الحمد لله قدرتا تكب الزوغة ........
عموماً الفيس بوك مسؤولية فردية ,,,, الإستمرارية أو غيرها تجارب فردية محدودة ,,,,
لكن المحير وعلى مستوى المجتمع الســـوداني , هناك مكاتب زواج مثلا مكتب زواج اسمه «لها وله» بالخرطوم بحري، يديره سيد محمد أحمد العربي - مصري الجنسية، كان له لقاء في برنامج المحطة الوسطى..... يمتلك ترخيص تحت مسمى ((مكتب للخدمات ))..... وسابقاً قرأنا عن مكاتب خاصة بالزواج بالسوق المحلى والمركزى ولها عدد من الفروع كذلك .......
هنا يا أخت سلوى تبدا الأسئلة الكثيرة التي يتوه فيها الواحد ولايعرف أين السؤال وأين الإجابة .............. من ناحية شرعية والى آخر هذا السياق ومن جهة اخرى إجتماعية ..... هل هي مشاريع ربحية ؟؟؟؟؟؟ طيب هل ستكون الى حد الموافقه بالزواج أو عدمه أم أنّ هناك سواقط في هذه المشاريع ؟؟؟؟؟؟؟؟؟؟؟؟؟؟؟ نعم تبتغي للبنيات الستر ولكن هل هذه هي الطريقة المثلى ؟؟؟؟ طيب القائمين على أمر مشروع الزواج الجماعي في المؤسسات والشركات وغيرها لماذا لا توكل لهم إدارة مثل هذه المكاتب ؟؟؟ نسأل الله الستر ......

الف شكر ليك كتير على رايك واللي تطرق لمشكلة اخرى وفعلا خطيرة


لكن المهم و فعلا مكافحة ما هو غير طبيعي وجديد وغريب علينا


زي ديل اخير يسعووا الناس لقفل محله ده لانه ضار اكيد وهو المستفيد بس بالقروش ويلا اتلمي يا خايبة على النايبة ههههههه


شكرا كتير ونورت اخوي

موضوع ظريف
متابعه

يا كلق ما كان تلاقيها بعدين تقول ليها عاوز اقرأ