ابوجبيهه

قصيدة ياماتمشي وترجع تاني

استعرض الموضوع السابق استعرض الموضوع التالي اذهب الى الأسفل

قصيدة ياماتمشي وترجع تاني

مُساهمة من طرف الشاذلي محمد عبدالله ادم في 18th فبراير 2013, 11:00

ياما تمشي وترجع تاني
عشان متقول ياتوب
يا ابيض
يا مصقول بلالبيض
ويا ما فيك القلب الابيض
يا مبروك ياذوق سوداني
خلي عيونك تتحداني
وانا اتحدى الزمن الجاني
لو في يوم غطاك الشوق الدافق
حبك سامق
ساكن في وجداني
ويا وجداني تسافر تمشي
ويا ما تمشي وترجع تاني
عليك الفرحة
حلاة اللفحة تكرر تاني
اشوف عينيك بتلمع جوه
تعيد الضو الخافت
من الشمس الغابت باكر
سارت لناس باكر
وانت الشرق الانضر
لونك اخضر
فرهد فيك القمر الرابض
قبل الشمس الحايرة
تفك الحيرة
تعيد الخط الرافض
تسافر انت تعيد احلامك
تبعد وتبعد وتبعد
وكلما تبعد
ترجع تاني
تفتش عن سوداني
جمال ربان
حباه المولى لذوق انساني
وكرر فيهو جمال الماضي
لو بيحرك فيك دوافع
مهما تبعد عن اوطانك
وكل مابعدت
بترجع تاني
قامات سامقة وابنوسية
تحي الشمس الطالعة
تزيد تتوهج
اكتر واكتر
وحتى الشمس الغابت
ماشة تزور اصحابا
وتبعد عن سوداني
مابتطول
ترجع تاني
تسافر انت حنتلقاك اكيد
يوم باكر
ترجع لينا
وياما تمشي وترجع تاني
ويا ما تمشي وترجع تاني
ابوجبيهة
2005م
avatar
الشاذلي محمد عبدالله ادم
نشط مميز
نشط مميز


الرجوع الى أعلى الصفحة اذهب الى الأسفل

رد: قصيدة ياماتمشي وترجع تاني

مُساهمة من طرف كرم هجانه في 19th فبراير 2013, 14:50

يااااااااااااااااااااااااااااااااااااااااااا الشاذلى
كانت كل كلمة من هذه القصيدة خطوة فى مسارب الدم
ما هذا الشهد الكلام
ما هذا الورد الأنيق
ما هذا الفيض الغمام
يا لك من مبدع ... و جميل ...
ياااااااااااااااااااا للجمال المهدور
كرست فى حالة إعتقادى في موهبتك
ياريت نسمع تلك القصيدة التى فيها (القمرى ... الشختور) أو كلمات من هذا القبيل
شكراً يا الشاذلى على المطرة

كرم هجانه
نشط مميز
نشط مميز


الرجوع الى أعلى الصفحة اذهب الى الأسفل

رد: قصيدة ياماتمشي وترجع تاني

مُساهمة من طرف الشاذلي محمد عبدالله ادم في 21st فبراير 2013, 09:13

استاذنا كرم هجانة

ماذا اقول ؟ عووووووووووووووووووووووووووووووووووووك راسي بقيى كبير .

لا استطيع ان اعبر

سترى القصيدة قريبا انشاء الله في المنتدى

تسلم يارائع
avatar
الشاذلي محمد عبدالله ادم
نشط مميز
نشط مميز


الرجوع الى أعلى الصفحة اذهب الى الأسفل

رد: قصيدة ياماتمشي وترجع تاني

مُساهمة من طرف الفاتح محمد التوم في 22nd فبراير 2013, 14:33

الشاذلي محمد عبدالله ادم كتب:

وكلما تبعد
ترجع تاني
تفتش عن سوداني
جمال ربان
حباه المولى لذوق انساني
وكرر فيهو جمال الماضي
لو بيحرك فيك دوافع
مهما تبعد عن اوطانك


وكل مابعدت
بترجع تاني
قامات سامقة وابنوسية
تحي الشمس الطالعة
تزيد تتوهج
اكتر واكتر
وحتى الشمس الغابت
ماشة تزور اصحابا
وتبعد عن سوداني
مابتطول
ترجع تاني
تسافر انت حنتلقاك اكيد
يوم باكر
ترجع لينا
وياما تمشي وترجع تاني
ويا ما تمشي وترجع تاني

ابوجبيهة
2005م

ابداع يا شاذلي ,,, الوطن الحبيبة ,,,
أخي شاذلي أتمنى لو بديت تجميع الديوان
وأكيد سنسمع بك في أروقـــة....
فخورين بيك

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: قصيدة ياماتمشي وترجع تاني

مُساهمة من طرف الشاذلي محمد عبدالله ادم في 22nd فبراير 2013, 15:47

استاذي الفاتح

لك التحية على هذا الكلام الجميل والمشجع في زمن فقد الناس فيه نكهة الكلا م المنمق

الدواوين موجودة وقد بدانا من قبل مع استاذنا الرائع فيصل خليل في تدوينها على الحاسوب ولكني مصاب بلعنة عدم اكمال طباعة الاعمال فتوقفت الفكرة الى حين

ربما سيكون الحين بعد حين !

لك التحية مجددا عزيزي
avatar
الشاذلي محمد عبدالله ادم
نشط مميز
نشط مميز


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى