ابوجبيهه

صديقى والمغتربة ( بالدارجى )..!!

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي اذهب الى الأسفل

صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 3rd أبريل 2013, 13:07

صديقى والمغتربة ( بالدارجى )..!!

هذه الحكاية تدور احداثها مابين السعودية والسودان وقد رويتها نيابة عن صديقى الموجود فى خيالى :
... الجزء الاول

انا قبل كم سنة كدى نويت اخطب وزى اى مغترب محتار اخطب منو واعرس منو - فكرت كويس قلت مادام الواحد ماراجع قريب للسودان يشوف واحدة من بنات المغتربين الموجودين هنا وبدأت البحث -
انتظارى لم يطول فقد وصلت سريعاً حيث وقعت عينى على زول بناتو كبار بزورنا طوالى حيث كنا نسكن عزابة بمستويات مختلفة فينا كبار وفينا صغار وفينا الموظفين والشغالين اعمال حرة وهلم جرا
خلاص قلت اشوف واحدة من بنات عمك دا والسلام وهو صديق احد اعمامنا الموجودين فى البيت وهو من منطقتنا وشوفت تعاملوا وكرموا معانا كيف وترحيبو الحار بينا ودعوتو لينا بإستمرار فى كل المناسبات وكل خميس عمك بجينا البيت يتونس معانا ويشرب الشاى ويضرب معانا اكل العزابة عادى - طبائع الزول دا عجبتنى شديد وبعدين هو وسيم برغم انو كبير قلت لنفسى : يااخوى ما بتلقى زول احسن من دا
المهم استفسرت جاى جاى لقيت عندو بنت يادوب اتخرجت من الجامعة وهى شهادة عربية وحاتكون فاهمة البلد- سماحتها دى هى الباقية لى هل هى سمحة ولا شينة والله دا الباقى لي اعرفوا ، بس كيف المهم انا قعدت شهر اسأل شوية شوية واجرجر عمنا الساكن معانا فى الكلام برغم انو حس بيا لكن هو ذاتو ذى ما شافوم - قدر ما حاولت اشوفها بقى لى صعب بس ربنا فرجها بزوجة خالى بعد ما جابها معاه وطبعاً هى قريبتى وبت حلتى يعنى ما غريبة على وخالى ذاتو كان ساكن معانا بس هى جديدة فى الغربة والحكاية محتاجة صبر منى لحدى ما تتعرف عليهم وتتعود على البلد ما مشكلة نحن ورانا حاجة
الايام بتمر لحدى ما شوفت عمك باسرته داخلين على بيت خالى وطبعاً كلهن اسود فى اسود وعينك ما تشوف شئ كلو كلو - اها الفرصة جات لحد عندى وما بضيعها - تانى يوم طوالى مشيت ليك لمرة خالى وقلت ليها : ناس فلان جوكم امس
- اى والله ناس ظريفين
- وجكسيهم كيف
- ها بوهية مغتربين ساى
- كيف يعنى
- هوووى شوف ليك واحدة من السودان وخلاص


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 3rd أبريل 2013, 13:08

طبعاً ماوصلت معاها لاى حاجة رغم انها شكرتهم بدون ما تقصد وادتنى فكرة ما بطالة عنهم بس لسة محتار
وقالوا صاحب الحاجة ارعن عشان كدا اتحمست زيادة - وانا بدردق فى عمنا المعانا فى البيت وابو البت فى الونسة والعرس الجماعة حسوا بحاجة كدا ونقشوا انو انا عندى نية زواج هنا فى السعودية - والله ابو البنية طوالى قلب الموجة على واهتمامو زاد بيه شوية وكل ما يجئ يسأل الجماعة عنى وهاك يا اتصالات وشاى مغرب و عمك اى برنامج عندو يتصل على عشان اكون معاهم - بينى وبينكم انا خفت قلت الزول دا الظاهر بناتو ديل بائرات ولا شينات شديد وعاوز يفكهم فينى ولا ما عارف شنو والله اول مرة اخاف زى كدا وانا زول مغامر ما بخاف من شئ مقتنع بيهو بس عمك دا حيرنى من حركاتو معاى ياربى انا فينى شنو عجبو - وكمان ام البنية اتعرفت علي وقعدت كذا مرة ونستنى هى وعمك وبصراحة الام قمة فى الجمال دا الحيرنى فيهم زيادة الاب وسيم والام جميلة زى دا معقول يلدوا ليهم شيتة لا لا - الموضوع كان كدى فيهو شئ تانى غير السماحة - وحسيت ليك انى زولاً مهم خالص وما عارف نفسى وما مديها حقها لكن ما بطغى فى الفاضى -
عمك وعمتك لمن شافونى ما عملت اى خطوة لقدام برغم كل العملو معاى دا - قالوا احسن نشوف طريقة نلاقى الجماعة ديل بس بدون ما يحسوا
اها ابوها دق علي وبعد التحية قال لي : انا عاوز منك خدمة بسيطة
- فقلت ليهو خير : عم ...........
- انا والله اليوم تعبان والاولاد و امهم دايرين يمشوا يتسوقوا ممكن تجئ توديهم
-جداً ولايهمك حاضرين وكبكة شديدة
طوالى بعد صلاة العشاء جيت للجماعة وديتهم للسوق والله انا السواقة غلبتنى ما قادر اركز وعشان ما تنكشف الرجفة سائق بخمسين بس وعلى طرف الشارع وحتى عمتك قالت لى : والله انت سواقتك رايقة خلاص وهى ماعارفة حاجة ساى يعنى انا لو ما سمعت صفارة السرعة مابتكيف كلوكلو وكمان بعد مرات تخييط فى الطريق .
المهم نزلنا وهاك يانظرات وتنطط شين خلاص ورشاقة جبتها من وين ما عارف اليوم داك - وزولتك فاهمة الحكاية واتارى هى ذاتها عاوزة تشوفنى وتعرفنى وهى كمان ملوها كلام وجاهزة هى شايفة كل شئ وانا ما شايف غير برقع مغطى وشها بس الحمد لله ما لابسة ليها نظارة قعر كباية - غايتو صوتها ناااااااااااااااعم وكلامها برااااااااااحة ومشيتها غزالة بس وهى متوسطة فى الطول الحجم و مخصرة ومفصلة والله حبة كرش مافى ولا العباية ما عارف - ولونها خمرى جميل – بس . قلت دى زولتى و المواصفات دى كافية و الباقى مامهم لان الباقى حايكون تمام التمام ومن امها عرفت اسمها وامها ما قصرت معانا فى الونسة بعد ما اشتروا حاجاتهم جلسنا قدام حديقة مركز التسوق نرتاح شوية من كترت اللف - بس بصراحة طلعوا ظريفين ما خلونى ادفع ريال واحد من جيبى والله قدر ما اقول ادفع امها تحلف ذى الراجل - دحين ناس زى ديل الواحد بفرط فيهم - المهم الام عملت فيها عندها مكالمة وزحت مننا شوية .طوالى انا ما كضبت وبدأت اتونس معاها وشوية شوية إتبادلنا ارقام الجوالات وبدأت الحكاية تستوى .البسمات ظهرت وزحت برقعها وكتها انكشف قمر شنو والله تقول للقمر زح انا اقعد محلك - دى كيف طلعت من الشفوت ديلك الفى السودان والله الناس القروا معاها عماية ولا انخلعوا بسماحتها دى وخافوا منها - مرة اشبهها بمنى زكى لا اقول هيفاء وهبى المهم زولة تسحر عديل كدى من جمالها والعجيب بسمتها ووجاناتها - قلت ياوزل كان كدى انت وقعت فى كنز وما تورى زول يخطفها منك زى ما بقولوا قرض على كدا -


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 3rd أبريل 2013, 13:09

امها نادتنا عشان نمشى وانا محل السيارة واقفة نسيتو وامها تضحك فينى وتقول لى : انت ولد نساى شديد وهى ما عارفة حالتى من جوة كيف وكرعينى اشوفين خفيفات ارفع كراع وما عارف اوديها وين ورأسى لافى لفة شينة خلاص دا كلو من الاغتراب الواحد لو شاف ليهو واحدة سمحة ساى يتبهدل ويقطع فى الكلام وعيونوا ما يقدر يرفعها فى وشها .المهم وصلتهم البيت وانا دخلت البيت كاضم لانضمى ولا حتى سلام عليكم سارح فى خلاء الله البعيد ودخلت طوالى على السرير ونوم تك الحمد لله اليوم التانى يوم جمعة يعنى الله لطف ساى من دوام البلد دى اللى يكرهك الريالات
الجزء الثانى
مر اسبوع بالتمام والكمال وانا الشوق كاتلنى عشان اشوفه تانى وعمك من اليوم داك ما شفتو -ومرتو بتكون ادتو الشمار طازج .
- طبعاً لا فى درب مدرسة ولاعمود ولاضل حيطة اقعد انتظرها فيهو وما بقدر امشى بيتم من دون شغلة - يازول قلت اتوكل على الله وادق عليها واكلمها واسمع صوتها الحمانى النوم اسبوع كامل - وافتش التلفون طبعاً كاتبو باسم واحد هندى عشان لو نائم وواحد هبش التلفون ما يعرفو ودقيت عليها وجوالها بهناك يرن .......... ياخبر ما فى رد خلاص انا انتهيت ، قلت الزولة دى نستنى والظاهر عليها ما ركبت ليها فى رأسا وقعدت احلل فى حركاتى وكلامى معها : ياربى هضربت ليها بكلام كدا ولا كدا ياربى البت دى ما عجبتها والكلام يدور فى رأسى ويودى ويجيب وانا قاعد جو الاوضة والوقت عصرية واحد من الشباب حس بى ما طبيعى من اسبوع كدى جانى داخل : يا احمد مالك الايام دى نعل ما عيان وكان عمنا صاحب ابو البنية قاعد معانا : اسكت ساى زولنا دا ممحون محنة جد ويضحك ويعاين لى ... طبعاً عمك كبير بس زول نكتة - يرد ليهو : كيفن الكلام دا مالو عربتو انسرقت ولا يمكن فصلو من الشغل وبصراحة ما قدرت اسكت وارد عليهو طوالى : المحنة إلا تكون مصيبة !!! إمكن عاوز اعرس ويضحك والله العرس محنة جد الله يتم ليك ومالك شايل هم كدى موش الشنطة دى بنلمها ليك تانى فى حاجة - وارد ليهو : ياخ انا بقول إمكن عاوز اعرس وانسحب طوالى واغمز لعمنا ما توريه حاجة واطلع برة - قلبى يأكلنى تانى واقوم اتصل بس مافى رد وقربت ابكى من الشرة وعدم التعبير .......


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 3rd أبريل 2013, 13:10

خلاص الزولة دى مسحتنى بأستيكة ، هسع عليك الله فى داعى للتعب دا كلو شهور وانا داير اشوفها ولمن اشوفها تطنش الطنيشة دى ، يازول لازم تانى تدق عليها وتوريها هى منو ولا اقول ليك رسل ليها رسالة العن اليوم الشفتها فيهو .... لا لا الرسالة دى دليل بتحسب عليك يا اخى هى حرة هى ما عاوزاك ، هو بالغصب .... بقيت لافى زى المجنون ما عارف امشى وين ولا اسوى شنو ونفس مافى لاى شئ حتى النوم ذاتو ابى لى اسوى شنو والعرق نازل منى وجسمى سخن ونبضى زاد من الزعل وإحباط للطيش والوقت دا كان واحد ناضمنى ساى بطرشق فيهو .
المهم مرت ساعتين كأنهم جهنم واسمع ليك رنة الجوال واقوم اشوف منو المتصل كان القاها زولتى هزيت رأسى زى الهندى وماصدقت -وقلبى برد شوية وشلت نفس وخليتها لمن كملت النغمة وقمت اتصلت عليها :
- الو ، سلام عليكم ، كيفك؟
- تمام وانت؟
- كويس الحمد لله
- معليش كنت نائمة وختيت الجوال فى الصامت
شلت نفس طويل وقلت ليها : انشاء الله نوم العوافى ، وانشاء الله ما اكون ازعجتك وكدا
- أبداً والله
والونسة جرت ووصلت لحدى : هوايتك شنو ، اكتلك شنو وما بعرفوا شنو وماشين فى الغريق وكلام كلو مجاملات وكلمات كان قالوا لى عيدها مرة تانية ما بقدر اعيدها جبتها من وين ماعارف ، وفى اللحظات ذى دى الواحد خيالو بكون خصب و الخشم تب ما بقيف من التكشم والبسيم - ودعتها بعد ما شلتة منها الايميل عشان نشوف بعض ونتقابل براحتنا بس وين مع الشواطين العندنا فى البيت ، المهم مافى حلل غير(الكافيه ) الجنبنا . وكلام ريدة بالماسنجر عمرى ما حسيتو إلا معاها وبقيت لمن اشوف صورتها ساى برتاح وهى كمان بتقولى نفس الشئ . طبعاً الاب والام شكلهم مراقبين الوضع وجايبين الخبر وعاملين فيها ما شايفين ولا سامعين لان عاوزيننا نتعرف اكتر.
استمر الوضع دا فترة ويوم رسلت لى رسالة قالت لى : انا ماشة السودان إجازة شهر وجاية مع امى واخواتى طبعاً ما عندها اخوان إلا ولد صغير عمره ثمانية سنوات . كيفين الكلام دا نحن غرقنا خلاص دايرة تمشى تسيبينى كدا . وودعتها وطلبت منها لمن تمشى السودان ترسل لى رسالة من موبايلها هناك عشان اعرف رقمها واقدر ادق عليها .وما قصرت طوالى ادتنى رقمها و قرقر ( كلام كتير ) بالليل ونوم مافى والمصرى بتاع البقالة الجنبنا بقى صاحبى من كترت كروت الشحن البشتريها منو


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 3rd أبريل 2013, 13:10

يوم دقيت عليها قلت ليها انا ماقادر اصبر و جاى السودان عديل عشان اخطبك انا بكلم ابوك هنا وبشوف رأيوا شنو وبكلم ناس بيتنا يبقوا جاهزين . البت ادربكت بس فى النهاية اقتنعت وقالت لى خلاص بس نشوف بعض قبل ما تجيب اهلك - طبعاً انا لا عندى إجازة ولا يحزنون طوالى قدمت طلب لإجازة طارئة خمستاشر يوم وبعد تلتلة وعوى وتحانيس ادونى ليها وعلى حسابى وشتات للسودان

نواصل


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 3rd أبريل 2013, 14:24

اه طبعاً ركبت طيران العربية الله يقطعوا لطعة وشرة فى مطار الشارقة خمسة ساعات وصلتنا زى النيسانات الساعة ثلاثة صباحاً بجوعة كافرة دا كل عشان الرخصة
اخوكم شفقان ولفقان طوالى من صحيت من النوم ادق على ندى
- صباح العسل ياعسل
- احمد , حمد لله على السلامة
- والله الشوق كاتلنى عديل يوم كامل ما اسمع صوتك
- بطل الحركات المابتأكل عيش وخلى جاكاتك دى
- هسه كان انا بتاع جاكات بدق عليك قبل ما اتسوك - دا ما مرض
- تتبسم وتضاير ( انا حسيت كدا ) وبراحة تقول : انازاتى مشتاقة
- ما قولتى لى عاوز اشوفك
- مافى مشكلة تعال لينا فى البيت
- بيت شنو ياندى انتو دايرين تدقونى هناك ولاشنو
- امى وابوى عارفين وكل ناس بيتنا فاهمين الحاصل
- برضو ما بتجى يقول علينا شنو
- ما بقولو اى حاجة وانا مابسوى حاجة من وراهم وامى زاته قالت لى خليهو يقابلك فى البيت وقدامنا وكمان خالتى واخواتى الهنا ومرة عمى عاوزين يتعرفوا عليك ويشوفوك ويسلموا عليك
- طيب اجييكم بتين
- بكرة ، مرة عمى بتجى من الثورة تقيل معانا واختى (ناهد ) ماعندها جامعة و(نها ) بتجى بدرى
- بس ما تقولى لى قيل
- تقيل شنو ياطماع تجئ الضهر تتغدا معانا وتتطلب الله
18 hours ago · Like · 11<li id=".reactRoot[255].[1][2][1]{comment604151362945901_604161546278216}" class="UFIRow UFIComment" data-ft='{"tn":"R9"}'>







Mohamed Ali Adeeb Mohamed اليوم التانى ظبطة امورى تمام ومن الصباح اتحكحك واتمسح تقول حايجيبونى فى قناة هارمونى
طبعاً نزلت مع اخوى وكان ابوى جا من البلد ليهو يومين معاه ، اشوفو برة فى الراكوبة بيفطر ويعاين فينى ساى وكت شاف حركتى كترت والطلعة والمرقة فيهو زى بوليس الحركة
- ياولدى انت طالع ولا شنو
- اى يابوى ماشى لجماعة اصحابى مواعدم
- خلاص ما تتأخر بننتظرك بالغدا
- يابوى انا ماشى بعيد واحتمال اتأخر
حفظت الوصف حفظ جد وانا كنت فى المدرسة يلا اندق مرتين تلاتة عشان احفظ ، طينة بس فى الحفظ لكن دا الحنان كلو بتنسى - و طلعت اوقف لى شئ يوصلنى بيتم واشوف بتاع البقالة يعاين لى باللمعة ديك والتى شيرت وبنطلون الجينز والجزمة البمسح فيها كل ثلاثة خطوات من الغبار والريحة الماخمج موش ابوخمسة ريال وعشرة ودى اول مرة اشترى ريحه غالية كدا الله يقطع سنين الحب والغرام هسع الواحد داير يعرس ولا يعرض نفسو فى صالة</li>


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 3rd أبريل 2013, 14:24

وصلت البيت وادق الجرس ويدى تقيلة خلاص والعرق مع الكريم الفى الرأس وعرق الخوف غسل وشى ولحظات وانا جو البيت قعدونى فى كرسى وبعد شوية بدأ طابور السلام وعمتك شغالة تعارف دى خالة ندى ساكنة جنبنا بهنا ودى عمتها وديل اخواتها ناهد ونها والله نها تشوفا تقول نسرين سوركتى والعجب فستاين البيت تحت التياب وخصلات الشعر الزى الحرير تتطاير قدام وشها وترفع فيها كل دقيقة وانا مبلم تقول صبة فينى مطرة وجات الدرة ( ندى ) تقدل وقلبى يقدل معاها - والله العباية كانت داسة جنس شئ وصوتى يقطع وابلع فى ريقى وانطط فى عيونى وهى تتبسم لى من بعيد وجاية على ماشة زى السحابة تسبح فى الموكيت وتمد يدها : كيفك احمد وتقعد قصادى وهاك يادنقيرة خفت احوص ساى والكلام تك بس ام ندى الكلها فهم قطعت الصمت : متين جيت واسئلة عادية عشان تقطع الصنة دى
وشوية نفسى يهدأ والكلام يجينى و اغمز لندى يعنى اتكلم فى الموضوع وهى تغمز لى مافى مشكلة وتقوم تستأذن عشان تجيب العصير
وطوالى اعاين لامها
- ياخالتى والله انا معجب باسرتكم ويشرفنى نكون اهل
- مافى مشكلة ياولدى - ندى كلمتنى بكل حاجة ونحن مابنلقى زول احسن منك وربنا يتم ليكم بخير -وابو ندى بشكر فيك وبقول عنك زول كويس ومجتهد وودناس ونحن ماعاوزين اكتر من كدا .
الونسة جرت معاهم كلهم وشوية شوية ينسحبوا ويخلونا انا وندى برانا - كل واحد يعاين للتانى ويتبسم
والباقى كلام دقاق دقااااااااق وماحسينا بالوكت إلا الغداء قدامنا المهم ضربت الغدا ووعدتهم انى بجيب اهلى واتفقنا يوم الجمعة الجاية وودعتهم وقالوا لى خلاص خليهم يجوا المساء ونعملها خطوبة عديل وندى دايرة تعزم صاحباتها وعمها بقابلكم انشاء الله
18 hours ago · Like · 11<li id=".reactRoot[255].[1][2][1]{comment604151362945901_604164219611282}" class="UFIRow UFIComment" data-ft='{"tn":"R9"}'>







Mohamed Ali Adeeb Mohamed الجزء الرابع

من دربى داك ابيت ارجع البيت وقلت فرحة زى دى ما بدفسه فى اربع حيطان والله كان امشى اشوف لى ضل شجرة بارد واقعد لى فى نجيلة كدة واسرح مع الطيور الهناك لحدى ما الواطة تمغرب على الاقل الواحد يعيش مع نفسو شوية - المهم اختة قعدتى ديك والجكس جنبى فى العامل فيها بذاكر وفى القاعدين اتنين اتنين وفى الطاشين ساى كان اشرته ليهم ساى تلاقيهم جنبك ’ وفى الزى- و تب نفس ليهم مافى شبعان حنان لحدى عينى ونفس ليهن مافى عشان اعيان ليهن .
رجعت البيت فى المساء والجماعة متلمين ليك فى البرندة اخوى وشفعوا ومرتوا وابوى بشوفوا ليهم فى مسلسل . خلاص قلت دى فرصتى افتح ليهم الموضوع بس شوية شوية عشان اسلاكم ما تضرب
18 hours ago · </li>


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 3rd أبريل 2013, 14:25

سألنى ابوى
- اها نقوم البلد بتين
- والله يابوى انا عندى موضوع هنا عاوز اتموا وبعدين نمشى البلد براحتنا
- امك دى جننتنا كل مرة اه الزول جاى يسلم على بتين
- انشاء الله اسبوع كدى وموضوعى بخلص
- انت قلت إجازتك كلها اسبوعين
- اعمل شنو موضوعى دا مهم شديد لازم اشوف نهايتو
- اه الموضوع الماسكك فى الخرتوم دا شنو
- موضوع عرس وكدا
- بسم الله الرحمن الرحيم - هو قليك العرس تلوب كدا - لا اخطبوا لى لاشوف لى مرة لا دا
- انا المرة لقيتا وجاهزة
- ودى من وين
- والله يابوى البت دى من الخرتوم هنا واهلها من البلد بس ليهم تلاتين سنة ما فاتوا ا البلد عدوها كلها غربة بس بعرفوا ناس البلد
- وديل ناس منو ديل
وهاك ياشرح وطرح وكلام واخوى شغال يلاكز جاى وجاى ويصعب لى فى الشغلة اتاريهو هو ومرتو ناوين ليهم نية على :

- مرت اخوى دايرة لى واحدة من بنات اختها واخوى بهناك قال اخير نلم الزول دا علينا جاى على اهل مرتى ، وزى ماقال جحا لمن سألوا : اهلك منو قال ليهم : اهلى اهل مرتى
18 hours ago · Like · 8<li id=".reactRoot[255].[1][2][1]{comment604151362945901_604164986277872}" class="UFIRow UFIComment" data-ft='{"tn":"R9"}'>







Mohamed Ali Adeeb Mohamed عشان كدى يشيل ويردم فينى يقول :
- هوووووووى انت طولت من البلد دى وماعارف الحاصل فيها شنو البلد دى منتهية والبنات حايمات ساى
- كيف الكلام دا
- أسألنا نحن القاعدين فيها
- ياخوى السمح والشين والكعب والكويس فى كل بلد
- والله انت مخير شيل شيلتك ونحن نصحناك
يدخل ابوى ويغير الموضوع
-الناس ديل عرفتم كيف
وريتو بالحكاية كلها بدون التفاصيل التانية - طوالى حسم الموضوع :
- والله الناس ديل انا بعرف اهلم وياهم معانا وما فيهم كلام - انا ماعندى ما نع تب وانت عارفنى ما قاعد اجبركم على شئ ومديكم حريتكم كاملة - ثم ضحك شوية كدى وقال : بس إلا تخلى لعمتك البلد وانت عارفة صعبة وشديدة كيف
طبعاً انا فهمت كلامو قاصد بيهو شنو ، عمتى عاوزانى لبنتها الباقية ليها بعد ما عرسو بناتها السمحات جت إلا هى الباقية ليها ودايرة تلييسة لى باى طريقة عشان انا اكتر زول بقعد فى بيتوم من اخوانى ويومى كلو كنت بقضيو معاهم </li>


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 3rd أبريل 2013, 14:25

المهم وريتهم البرنامج بتاعى والموضوع جاب زعل شوية فى شأن ما وريتهم إلا بعد ما نجضت موضوعى براى بس رضوا بالامر وبقينا فى التريبات وأبوى يهز فى رأسو كل مرة ويقول : فى زول بجهز ليهو خطوبة فى خمسة أيام - غايتو كان اخوك سخا ليك شغلتك بتقضى تب وهو مفتح وبجيهك كويس
ويعاين لى ويقول : غايتو انا ياولدى غير عمتى الفها فى رأسى دا وامشى معاك ماعندى ليك اى شئ - اقنع اخوك دا يرتب ليك الشبكة وكان على امك انا من بكرة بكلم اخوك هناك يجى معاها .
-خلاص وكان على موضوع الشبكة انا جايبة معاى
اعاين لا اخوى واقول ليهو : انت المشكلة شنو لوجبت لينا فنان واشتريت معاى قولة خير والذى منو يعنى خلاص حبكت معاك - يااخى شوف بتكلف كم وانا ماعندى مانع ، زولك رخا طوالى وقال لى مافى مشكلة انا برتب كل حاجة بس فك ريالاتك العندك وخليها جاهزة ،طبعاً الحكاية بتكون فيها سمسرة شوية وما بتهبش جيبو - والله انا عارف ما بطلع منها ساى يعنى خطوبة وخراب جيب بس كل هين عشانة
17 hours ago · Like · 9<li id=".reactRoot[255].[1][2][1]{comment604151362945901_604167499610954}" class="UFIRow UFIComment" data-ft='{"tn":"R9"}'>







Mohamed Ali Adeeb Mohamed الجزء الخامس

من اليوم داك بقيت اغنى ليك : يايوم بكرة ماتسرع - عشان الشوق غلبنى وعشان اعلان مملكتنا الجديدة بتبدأ من يوم الجمعة الجاية . وعمتى شغالة لى شغل وهى جات مع امى تصور وتحمض- وكمان ما تقول السفر ملح وكمان فيها علاج ملح من وجع البطن والكرعين ومن شافتنى مسكتنى من جضومى وتشلق فينى :
- هسع يالمفعوص كان قلت لى داير اعرس ما كان عرستك ليك و سقت مرتك معاك طوالى
- ياعمتى الموضوع دا جاء براهو ، وبعدين اسوقا معاى وين ، إنت قايلانى السفير السعودى احسن شى ياعمتى تباركيها بس .
- يبركوا فيك خنق , جارى للبدرة دى .
والله كلمة البدرة حرقتنى حرقة بس اسوى شنو فهمها كدا وغير اكب الزوغة منها واخليها مع امى يناضموا ساى وامى تقول ليها ( دايرة تبرر ليها وتنسيها ) :
- برى انا امو ما ماشاورنى ، من هناك متفقين. شباب الزمن دا عاد بنقدر عليهو !!!!
- اها اتحزمى ساى وارجى الجاييك والله موش نسوان الخرتوم ديل بورينك ليهو شديدات ولضيضات , هسع بتى الرضية ما لا ما كان زيتنا فى بيتا ولا نحن لينا الله بس
امى تقلبوا هظار طوالى معاها
- الولد بقى راجل وانت ليوم الليلة تشلقى فيهو
- هووى هو ود بتين ، وكان انتى امو الوليد تيهو انا امو الربيتو
وتقول ليها :
- هسع دا كلو هين كدى نشوفوا جاب لى شنو</li>


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 3rd أبريل 2013, 14:26

وانا يازول لابد لى تحت حيطة والموبايل فى اضانى واليد فى الاضان التانية التقول داير أأذن .وامى تعاين فينى ساى وتقول للجماعة
- الولد دا مالو جن كدى طويبتو(من طوبة ) دى ما بتفارق اضانو
- ياهو شباب الزمن دا
- والله يقعد يباريها كدى ويتفصل ليها إلا تسوقوا من اضانو زى النعجة .

يوم الجمعة الهايس اتملت لرب عينها ومعاها بوكس والدلوكة تقول ياقدرتى والله الخطوبة براها بقت سيرة والبرنامج لازم امشى الكوفير اجيب البنية والجماعة التانيين بمشوا على البيت دغرى وبعدين على النادى والنادى دا من عمها فنجرة ساى ونظام بوبار وكمان عربية ايجار. والطيب ود عمتى سايق لى وعايش جووو صاح مع ترباس وانا راكب معاهو بقدام ماشين للكوفير ودى فرحان بيها فرحة
- الليلة بحتو ليك حت جد اخلى ليك علالاتا فوق
- بس اوعك تقابض مقابضتك ديك ،وابقى رايق
- قال رايق والله كان الجكس بتاعون دا دوم ساى بوصلك وبرجع اشوف لي نومة تنفعنى
- دوم انت ، بس اوعك تفتح لى فى خشمك وتسهى فيهن بعدين .
ونمشى شوية واللستك يضرب بينا تاح واسبير مافى ، هسع نسوى شنو
17 hours ago · Like · 9


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 3rd أبريل 2013, 14:26

الجزء السادس

- اها يا الطيب هسة نسوى للستك البنشر دا شنو ، إتصرف يا اخ .
- إتصرف كيف ؟ انفخوا ليك بخشمى!!!!
- خلاص عفرت العربية سر يع وفكو ونشوف لينا بنشر قريب من هنا
- هع هع يازول انت ما نصيح دايرنى بالشكة دى افك اللستك
- اه منو البفكو
- يازول هووووى انت ضمنت خلينا نحن نشوف سوقنا وين
- والله انا عارفك ما زول حارة
- زول حارة اوديك سوق ليبيا امارضك فى مستشفى لكن شيتن متيل دا اعفينى منو
- يالطيب سوى اللستك وبعدين نرجع سريع البيت تغير ملابسك ونمشى
- يازول هوووووووووووى ما تكتر لى كلامك والله هسع افوت اخليك هنا
طبعاً الطيب دا زول غشيم بس طيب وحبوب ولمن تقفل معاهو لابشوف وراء ولاقدام بشوت طوالى انشاء الله تطلع اوت عشان كدى لازم اهدئ ليو شوية
- خلاص .. خلاص وقف لينا رقشة ولاتاكسى ولا اى مصيبة وكان على اللستك انا بفكو
- مافى مشكلة ياحبة
17 hours ago · Like · 6<li id=".reactRoot[255].[1][2][1]{comment604151362945901_604169106277460}" class="UFIRow UFIComment" data-ft='{"tn":"R9"}'>







Mohamed Ali Adeeb Mohamed ويوقف عمك بتاع تاكسى مارى بالشارع وشكلو من الصباح ما لاقى ليهو فردة يبرد بيها حشاه
الطيب :
- سلام عليكم ياحاج
- اهلاً وسهلاً
- ياحاج والله اللستك دا ضرب لينا هنا وديرين نوديهو اى بنشر قريب
عمك يعاين فى العربية ببالوناتا وشرائطا الحمرة والخضرة والوردية
- دى عربية عريس ولاشنو
-اى ياحاج
- مافى مشكلة بلحق ليك عريسك دا الحفلة بس صلحوها معانا
- يازول مافى مشكلة ما بنقصر معاك تب
-يالا ارفع اللستك وارح معاى وبشيل منكم سبعين الف
- معليش ياحاج ممكن تفك لينا اللستك اصلو عفريتة ما عندنا
- انتو بس بتاعين سواقة غير الطارة دى ما بتعرفوا الحبة لاقين عربات التقسيط دى وراكبنا
سكتنا ساى نسوى شنو يقوم يزرقن معانا يخرب لينا الشغلانة مرة واحدة ووكت مافى للنقة</li>


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 3rd أبريل 2013, 14:27

الحمد لله ربنا وصلنا سالمين لى عند النادى والجماعة رابنا ربة ومن شافو العربية انبهلوا فينا ناسنا وناسم وفى ناس شمارات ساى من اهل العروس عاوزين يشوف العريس ياربى سمح ولا خلاقة وتلافة وشين واهلى عاوزين يشوف العروس عشان كدى كان الهجوم كاسح واعمامك من بعيد : هو ياجنيات ادوهم الدرب خليوم ينزلوا - ناس بهناك شغالين مخرجين لبتاع الكاميرا وانا فى اللحظة ديك بقيت زى رئيس الجمهورية رأسى كبر - عالم و إستقبالات وتصوير وفنان من اول ما دخلنا وقف غنيتو وادانا واحد كدى بتاعت سيرة وننزل يجننا النسوان الكبار بالبخور والطيب بهناك يازول اتنفخ نفخة جد ودى الدايرة وعمل طوالى وزير العريس -الشغلانة فيها لمبات تولع تطفئ وكور لافة وموكيت مفروش والغنية معانا لحدى ما وصلنا للكوشة والطيب دا من وقف العربية برة ويديها ليك سكسكة ورقيص وكشف صاح وكان على الفنان غايتو فناناً بفك الحيرة وكان على الغنيتين الغناهم قبل ما ينزل للفاصل الاول -ما فهمت منا شئ واحدة بتقول : ( حاجة ) شنو كدا ماعارف بالهوسا ودىا لحت فيها قرض وزول فاضى للتانى مافى والتانية : قال سنتر الخرطوم
17 hours ago · Like · 7<li id=".reactRoot[255].[1][2][1]{comment604151362945901_604172349610469}" class="UFIRow UFIComment" data-ft='{"tn":"R9"}'>







Mohamed Ali Adeeb Mohamed الجزء السابع
الفنان نزل فاصل يرتاح فيهو شوية وفى اللحظة دى الجماعة شغلوا لينا شريط عربى لنجوى كرم والشباب اتلموا جنبنا ووقفوا فينا والبنات اترصن قدامنا وقالو يلا اشبكا
اعاين فى زولتى وفى عيونا اسرح فى دنيا بعيدة خلاااااااااص والبسها الدبلة والحاجات التانية وتلبسنى الدبلة واتمنيت فى الوكت داك اصلو ماتزح يدها من يدى ونكون كدا ماسكين فوق بعض وما تفرقنا حاجة واشوف الوشوش قدامنا كلها فرحانة لينا وكل الدنيا معانا وتجئ نها وناهد وامها وامى وبنات عمها وصاحباتها واهلى واشوف عمتى من هناك جاى علىّ كاريها ولدا الطيب وتبشر فينى وتقول لى فى اضانى
- عاد مع القمرة دى بتعرس بتى كيف
اضحك ليها واقول: ما مشكلة ياعمتى بدبل بيها
هوى ياجنة : الصيدا دى بدبلو فيها شوف ليك شغلة اقضاها ، وتبارك لى وتمشى لندى وتعصرها عليها قوى وتقول ليها : يابتى انا عمة احمد دا وولدى عديل ختيهو فى عيويناتك ، ندى تعاين لى مبتسمة وتقول ليها : انشاء الله ياخالتى
وزولى الطيب من بارك لى اشوفو هناك قاعد مع نسابتى يقرقر شكلو بقوليهم فى نكات وكمان جاب امى وامو وقعدهم جنبهم ومن بدا الفاصل خماهم فى نص الساحة وجرانى انا وندى وهاك يارقيص وبعد شوية جونا صاحبات ندى والطيب بجنبى يوسوس لى :شوف البرتق دا جامعات ساى ياخوى والله الليلة التقانة ما فضل فيها زول
ويأشر لى واحدة بجنبنا : البنفسجى دا كيف ياحبة
اتلفت اشوفا ( نها ) اخت ندى : يازول دى اخت ندى
- ها زول انا ما بقيت عديلك تب
- عديلى ، انا اتفك من اختك تقع لى انت
- يازول مالى ناقص كراع ولاناقص يد
- لا لا ما ناقص ، بس البت ما بدوك ليا هسى ، عاين ليها كويس خلقة زى دى بجدوعو ليك ساى</li>


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 3rd أبريل 2013, 14:27

شوية يجئ ود عمها والنصيحة زولاً مليان بالحيل رزانة وادب وذوق يسلم ويرقص شوية ويسحب( نها ) ويقعدو ليهم فى كراسى جنبنا والطيب فتح خشمو : والله القدح ماعندك .
- اها تانى شن قولك البت ودايرها ود عمها.
- يازول انا الليلة اصلى ما بطلع ساى
- يازول انا ما قلت ليك خلى مقابضتك دى
شوية نسمع ليك الفنان يغنى ليو فى اغنية : ( اللبن ابو لى بي)
والنقز اشتغل كل واحدة تنقز وزولى الطيب يكورك فى نص الحفلة : وووب وووب شاف الغزلان دى كيف بتنطط وشالتو الهاشمية وقام كدى شالنى فى كتفو ويبشر فى الناس وحلف ما ينزلنى إلا يلف بى الحفلة كلها . عديناها رقيص وفرح وبهجة وطرب والناس مبسوطة وخطوبة خمسة نجوم وتمت
فى اليوم التانى ابوى قال لى
- ياولدى دايرين نعزم الجماعة نسابتك ديل قبل ما تسافر ويرجعوا
- مافى مشكلة انا بكلمم
خلاص الامور بقت سالكة بينم وبينا زى الاهل وبقينا نمشى ليهم ويجونا واسبوعين تمام
طبعاً اخرتا سفرى اسبوع بحالو عشان ارجع معاهم سوا وفى احلى من الحب فى الطيارة والزولة بقت ملكى خلاص وكمان جايين لسجن ( الغربة )ما عارفين نتقابل كيف
وامى : اها ياولدى ختوبة وشوفناها بتعرس بتين دايرين نفرح بوليداتك والدنيا ما معروفة .
- انشاء الله قريب


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف أزهرى الحاج البشير في 4th أبريل 2013, 07:15

عشرون عاما يا كتاب الهوى
وما زلت في الصفحة الأولى
................... أوعه تفكنا مع الخطوبة وتزوغ .... واصل
...............................
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 4th أبريل 2013, 07:33

الجزء الثامن
رجعت لشغلى زى اول ورجعت ريما لحالتا القديمة وكل شئ كويس
فى يوم ندى مسكلت لى وقمت دقيت عليها
- عاين يا احمد انا جاتنى فرصة شغل
- خير انشاء الله شغل شنو الفى السعودية كمان !!!!
- لا الشغل دا ما فى السعودية
- وين
- فى دبى
- فى دبى؟؟؟؟؟؟؟
- اى اصلاً انا من كذا شهر مقدمة لشركة طيران عشان اشتغل فيها والحمد لله الليلة اتصلوا على وقالوا لى نحن اعتمادناك معانا وحايشغلونى فى مكتب دبى
- وهسع رأى اهلك شنو
- أنا بهمنى رأيك انت قبل اهلى
- انا ماعارف اقول ليك شنو . اه هسع لو مشيتى دبى بتسكنى كيف وانتى بت
- إنت لسة مع الحاجات دى عادى الشركة عندها سكن وكل شئ مرتب
- والله انا خايف عليك من الغربة والبشتنة
- الشغل ما فيهو مشكلة وكان على الغربة نحن من قمنا متغربين
Tuesday at 21:58 · Like · 5<li id=".reactRoot[176].[1][2][1]{comment604151362945901_604176292943408}" class="UFIRow UFIComment" data-ft='{"tn":"R9"}'>







Mohamed Ali Adeeb Mohamed - لكن ياندى انت المرة دى براك وما معاك اهلك
- ما إنت حاتكون معاى
-اكون معاك كيف ؟
- عقد العمل فيهو السكن عائلى وكل شئ على الشركة
- واها بعدين اقعد ليك فى البيت ساى ولا كيف !!!
- لاطبعاً ، ما حاتشوف ليك شغل وبعدين انا وانت ما واحد
- نحن واحد ما قلت شئ بس الحكاية دى دايرة ليها تفكير ومامكن اخلى شغلى واجرى لى وراء شى مامعروف
- دى فرصة عمرنا وما بتتكرر
- انتى هسع محتاجة للشغل ولا ساى
- كيف ما محتاجة للشغل وانت عارف ابوى خلاص كبر والحمل بقى كتير عليهو
- وانت حاتسوى ليهو شنو
- كان شلت منو مصاريف الجامعات دى ساى قصرت معاهو .
- كدى يازولة خلينى افكر وبرد عليك
- خلاص ما تتأخر على انا فى انتظارك</li>


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 4th أبريل 2013, 07:34

تلفون الزولة دى لخبط رأسى وغير كل حساباتى وخلانى محتار حيرة شديدة خلاص وما قدرت اصل فيهو لشئ وكت رأسى صدع من التفكير قلت يازول خليها على الله والبسوى الله بتبقى واعمل طناش من الموضوع
تانى يوم ندى تمسكل وتتصل لمن فترت وانا ماقدرت ارد عليها لانو ما عارف ارد اقول ليها شنو وبعدين ما كنت رايق عشان اناقشها فى الموضوع والنفسيات فى الواطة - وشوية اسمع ليك رنة الرسائل فى الجوال كان القا رسالة من ست قلبى بتقول : (محال انساك واسيب الريد وانسى هواك لانك فى قلبى وقلبى انت شلتو معاك ، شنو الجفا دا ) - الرسالة دى عملت فينى عمايل وولعت فى قلبى النار ودقيقة مافى اتصل عليها
- الو ندى كيف عاملة
- كويسة - شنو عامل فيا تقيل كدا
- والله ياحبيبتى كنت مشغول شديد و رأسى ما قادر احكو
- على الاقل كان ترد لى وتقول لى مشغول
- معليش حقك على ، رسالتك تجنن انا كان عارف بتعملى كدى كان طنشت منك من زمان
- هووى يامستهبل ، تانى تطنش كان اضبحك
Tuesday at 22:09 · Like · 6<li id=".reactRoot[176].[1][2][1]{comment604151362945901_604180079609696}" class="UFIRow UFIComment" data-ft='{"tn":"R9"}'>







Mohamed Ali Adeeb Mohamed تسكت شوية :
- شنو يعنى ما رأجية ردك
- والله حيرتينى معاك بسفرك دا ، و ماعاوز كمان اكون عقبة فى طريقك
- يعنى موافق خلاص
- بصراحة كان قلت ليك خلى الشغل دا بتخليهو وقلت ليك ماموافق بترضى .
- والله عشانك ممكن
- خليك منى انا ، انت ست الامر واحسبيها كويس ، هل الموضوع دا فى خير لينا ، هل بتقدر تتعايشى مع الوضع وانت اول مرة تشتغلى .
- والله الشغل دا عاجبنى وبعدين انا قريت عشان شنو- موش عشان اشتغل
- هىىى انت قايلة الشركة دى شغلتك عشان شهادتك
- نانا عشان شنو
- هسع وينا خبرتك إلا كان خلقتك دى ، فى شركات كتيرة بتهتم بالمظهر اكتر من اى شئ تانى ، ودا المخوفنى شديد وقاطع قلبى
-هاهاها هع ههههههههههه
- هسع البضحكك فى كلامى دا شنو
- بتغير علىَ للدرجة دى
- كيف ما اغير عليك والله انا بخاف عليك من الهوا الطاير
- اطمن انا ما بكون لزول غيرك ومابلعب بنفسى ، وانت كل حياتى
- خلاص عديلة وربنا يحفظك ، يلا مع السلامة
- مع السلامة
اقفل الخط بهنا كان تانى تجينى منا رسالة تقول : (ورود الدنيا اخطفها وبشوق قلبى اغلفها ومع النسيم لأحلى حبيب أرسلها , الله يخليك لى </li>


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 4th أبريل 2013, 07:35

<li id=".reactRoot[176].[1][2][1]{comment604151362945901_604180262943011}" class="UFIRow UFIComment" data-ft='{"tn":"R9"}'>







Mohamed Ali Adeeb Mohamed فى المسا جانا ابو ندى وسلم على الجماعة وطبعاً الجماعة يوسوسو ساى ويراقبوا فينى ويشاغلوا ، دى مافرصتهم كان قالو لى اعمل اى حاجة بعملها ، سترة حال وانا وشى عاوز يقع من الخجل ( النسيب ما عين شمس ) وبعد السلام براحة سحبنى من يدى ،وقال لى : ياولدى البت ورتك بالشغل وورتنى بموافقتك وانت كان ما راضى وبتجامل فيها ساى انا هسع بعقد ليك عليها وانتم بعدين مخيرين بس اهمّلها كدى براها ما بسويها- أنا قدرت الموقف وفهمت سبب كلامو يعنى يااحمد الزولة دى لو ما عقدت عليها طريقة سفر ليها مافى وهو ما معترض على الشغل بس دايرة تكون تحت راجل يحميها ويكون جنبها .
ودعت ابوالنسب بعد ما إ تعشى معانا بعد الجماعة فى البيت حلفوا عليهو طلاق ، ودا حالهم عزومتهم قوية ومابخلوا ضيف يمرق منهم ساى .
بعد ما مشى وانا قاعد برة فى الصالة بالشقة نادانى عمنا صاحب نسيبى
- اقعد انا دايرك
- خير انشاء الله نعل مافى شئ
- خير ، طبعاً انت زى ولدى وبتكلم معاك كإبن
- مافى مشكلة الموضوع شنو
- بخصوص البنية خطيبتك
ويسكت شوية ويكمل : ابو البنية كلمنى قبيل فى الشغل وحكى لى الموضوع كلو وحتة الشغل دى ما راكبة ليهو فى رأسو لا هو ولا مرتو إلا إذا بقت معاك اها ياخوى كان مستعد تعرسها طوالى وتمشى معا لدبى الموضوع بقى محلول ومابمنعوها الشغل وابوها قال لى : ياهو المرة فى النهاية للراجل وهما شفقانين عليها من شحتفة الغربة وانت شايف براك نحن الرجال قولنا الرووب عديل كدى .اه شن قولك
نفس تحليلى بالضبط والحسبتو لقيتو زى ماهو مفطس مفطس والكتلة جاتنى لحدى عندى .
- بس انت شايف الحال براك نحن ما تمينا شهر من الخطوبة وتكاليفا
- يازول ابوها ما داير منك شى بس تعقد عليها واقرب إجازة ليك تسوى عرسكم براحتكم
- دبى او السعودية ماهى نفس المشكلة برضو حاتتغرب وتتبشتن يعنى بس دايرنى اغير اسمها من ابوها لإسمى
- لا ما نفس الشئ هى لمن تمشى عزابية ما زى تمشى مربوطة ليها فى راجل وممكن بعد فترة تلحقها
- والله ياعمى كلامك سمح بس جوَط رأسى جوطة شينة
- يازول إنت رأسك براهو جايط ، هسة فى زول لاقى ليهو فرصة زى دى
-كدى خلينى افكر فى الموضوع براحة
- ياولدى البت ما عندها وكت لازم بعد اسبوعين تسافر لشغلها
-خلينى ادورا فى رأسى واحسبا
- ما تنسى ابوها حايسافر معها فى البداية لو وافقت ويقعد معا الفترة الاولى دى كلها لحدى ما تكمل هى إجراءاتا وكمان اجراءتك حسب عقد الشركة ، ولازم طبعاً تكون قسيمة الزواج معاها
- وابوها حايخلى شغلو ولا كيف
- لا حايشيل إجازة، اصلو خمسة سنين ما شال إجازة ولانزل السودان.
يعاين فينى وشاف حيرتى
- خلاص انت فكر برواقة ، وابشر حرم الناقصة بنتمها ليك بس ما تنفذر لينا ، و البنية حاتشتغل كمان ، بختك مرة سمحة ومعاها قروش
- هسع وينى القروش
- والله راتبها السمعتو قدر راتبى مرتين</li>


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 4th أبريل 2013, 07:36

التحضيرات ماشة تمام والشباب همة ونشاط والجيب شغال والباقى بنتم ديون ياها الحال نباصر بى جاى جاى وانشاء الله تنستر معانا بعد داك. واحد من الشباب اصر إلا يعمل لى حنة اصلو هو الفردة قبل ما يعرس ويسيبنا نناجى نجوم الليل ، ويقول لى :
- يازول انا رتبت ليك حنة كاربة
- انت ما نصيح حنة شنو كمان فى البلد دى انتو دايرين يقول علينا شنو ، انا شايفة صعبة .
- يازول دى ساهلة تب
- كيفين الكلام دا
- موش الحنة الخايف منها دى والله فد يوم بنطلعها من يدك بعد العرس ماينتهى ، العلم اتطور ياخوى .
- يازول كدى النشوف الحاصل شنو وبعدين برد عليك
- بعدين شنو؟ انا حجزت الاستراحة خلاص ، مافى طريقة .
- استراحة ؟؟؟؟؟؟
- نان نحتو معاك كيف كما ضربنا الخلا دا
- يازول الشغلة دى بتودينا التوج هسع كان ناس الهيئة مروا علينا نسوى شنو ، والله مع الحنة دى يطلعونا شئ تانى
- يازول العالم دى كلها شغالة كدا . هى الاستراحات البرة دى سووها لشنو ما لجنس دا وبعدين اخوك علاقاتو كويسة ما تشيل هم وكان حصل شئ بتحلا بس خلينا نهجج فى البلد المامعروف ليها رأس دى .
-يازول مشكلة مافى .
- وكمان اقول ليك حاجة نسوى معاها عازومة ونقطة مرة واحدة .
- نقطة شنو. دى انا ما بسويها ابقى زى الشحاد .
- يضحك ، يازول ماعلى كيفك ابقى بعيد بس


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 4th أبريل 2013, 07:37

سكتنا وطوالى قال :
- خلاص يازول اتفقنا الخميس الجاى وخلى الشباب يعزموا جماعتم وانا بعزم جماعتى وبالبركة
الزول من فات والجماعة بدوا النقاش :
- يازول سوى العرس كلو هنا وانسى السودان خلاص
- اى والله وامشى دبى مع البنية شهر عسل اقعد معاها اسبوعين تلاتة
- والله دى فكرة كويسة وتشوف شغلها كيف إمكن تلقى ليك شغلانة هناك وتقعد معاها مرة واحدة .
- اه شن قولك
اعاين فيهم كدى واسرح شوية اصلو الفيوزات بدت تضرب عندى واقول فى نفسى : هوى ديل بتكلموا ساى ودى ورطة بنت كلب ، دبى صرف شديد وكان قعدت تلاتة سنة ما تكفينى سداد ديون السفرة دى .
الشباب فهموا حيرتى و نقشوا الفى رأسى
- يازول انت خايف تنقطع ؟
-الدنيا ما معروفة والبلد داك مابنعرفوا كويس
- يازول انت كان خايف من السكن فى فندق ، انزل معاها فى سكنها إنشاء الله غرفة واحدة
- كدى امورك ظابطة يامعلم كان قعدت شهر ما فارقة ودبى مشكلتها سكن واتحلت ، سوى حجزك من هسع وخلى التردد بتاعك دا
- والله ياجماعة عرسى دا شغلكم شغلة
يضحكوا
- يازول انت هين
- خلاص ، الواحد على الاقل يتفسح فى الدنيا دى شوية
كان كدى ياجماعة نعدل البرنامج
-كيف
- الخميس الجاى الحنة العاملها عصام والخميس البعدو نسوى العرس بزفتو وعقدوا ويوم الجمعة السفر
-الجماعة طوالى نطو لى : اه شفت الزول كان قال بسم الله كل شئ بنتم


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 4th أبريل 2013, 07:37

يوم الخميس جانا ذى الهواء سريع اصلو ايامنا صور بالكربون الصباح الواحد يقوم معسم ومربط وجرى للدوام بعد المكابسة فى الحمام مع الشباب وهّم فوق هم يتردم فينا ،والاحر منو تكون فاضى ما شغال تشوف اليوم سنة وليلك يبقى نهار ونهارك ليل وماجايب للدنيا خبر اليوم كلو ماسك ريموت التلفزيون من فيلم لفيلم ومن برنامج لبرنامج لمن تحفظ القنوات جت وتبقى كلها مكررة لحظتها تعرف الله واحد ويبدأ قرف الغربة يسمم مزاجك ويعكر دمك والاكل يمسخ ليك والدنيا تبقى ليك جحيم الله لاوراكم عطالة الاغتراب .
الخميس نص دوام والخميس دا ما زى اى خميس فيهو بهجة وكبسة وحنة ولمة حبايب واصحاب وناس عزاز ولذاذ لمتنا الغربة ولمانا الوطن قبل اى شئ تانى وفرصة لناس كتار يتقابلوا وفرصة للعوائل تغير جو من سجن البيوت وبعدين يشوفوا ليلة من ليالى السودان بحنتها وهجيجة وغنانا السمح .
رجعت من الدوام للبيت والقى ليك ناسى فى البيت جادين اكتر من العريس التقول كلو واحد فيهم هو العريس حسيت من جو قلبى بحنيتهم وخوتهم الماكضب وحماسهم وما حسيت انى فاقد اهلى فى اليوم داك . لمتنا الغربة ومعرفة البلد وحتى القرابة اللمتنى مع بعضهم هى قرابة من بعيد ما لزم يعنى تقول تلاقى نسب وحبوبات وفعلاً تاج فوق رأسى .
Tuesday at 22:36 · Like · 4<li id=".reactRoot[176].[1][2][1]{comment604151362945901_604188269608877}" class="UFIRow UFIComment" data-ft='{"tn":"R9"}'>







Mohamed Ali Adeeb Mohamed من دخلت البيت
- السلام عليكم ياجماعة
- وعليكم السلام
- الليلة يومك
- ابتسم ليهم واقعد لى فى كرسى قريب
- يازول قاعد لشنو
- اسوى شنو يعنى
- هسه خلقتك دى خلقت زول عندو حنة
- ماله ما تمام
- ارح معاى بس اوديك لـ (فلبينى ) قريب من هنا يوضبك ويكشبك صاح
- الحكاية كمان فيها تمسح وتنعم
- دا كلامك</li>


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 4th أبريل 2013, 07:38

وطوالى لصالون حلاقة كدى والنصيحة شغلو نضيف وماخلى شئ حلاقة وتنعيم بالبخار و مساج ، ساعتين وانا جوا الصالون لمن طلعت منو حسيت بلمعتى وبقي وشى املاس زى المراية .
المسا بعد صلاة العشا اتوجهنا كلنا لاستراحة كدى ما تتعرف إلا بخريطة والحارس فيها سودانى خاتى سفتو قدر الليلة وباكر وقاعد ليهو فى كرسى وانا فى سرى اقول ليهو :بختك الليلة جاتك ربة وحفلة فى محلك . وشوية شوية تشوف العربات واقفة زى الغنم اشكال والوان فى الهكر(قرمبع) وفى العالية وفى الغالية والنازلين منهن فيهم الكبار بالعمم والجلابيب زى انا فى اليوم دا اخر قشرة بجلابية وعمة وشال - والشباب اخر موضات وشكات وحتى الشفع الصغار حلوين ينططوا ما مصدقين طلوعهم من حصون الباستيل دى . والنسوان والبنات بالعبايات وحاقات الصرة البرة ديك تك مافى - وفى اللابسات تياب بس شوية خالص وشكلهم لبسوها بعد ما دخلوا الاستراحة .
العشا اترص ياها صوانى المندى ومشغلين استريو على شريط لوردى ( الناس القيافة ) والجماعة شغالين طفح فى اللحم والرز ماهبشوا اصلنا نحن ماناس رز بس الغربة جبرتنا عليهو ساى . واشوف واحد من الشباب خاتي ليهو دفتر قريب منو الظاهر دى النقطة . والحريم بينا وبينهم فاصل بستارة قماش .
Tuesday at 22:38 · Like · 4<li id=".reactRoot[176].[1][2][1]{comment604151362945901_604188816275489}" class="UFIRow UFIComment" data-ft='{"tn":"R9"}'>







Mohamed Ali Adeeb Mohamed زى الساعة عشرة كدى الجماعة شغلو الساوند وجابو ليهم وليد كدى مطرش بكريم وزيت وشعروا مسوي كيف كيف وقالوا دا الفنان وبغنى لطه سليمان وحوتة وفى واحد تانى دا قالوا متخصص حقيبة المهم الحفلة بدأت وحلفتا ستين يمين ما اتحنن فى رجولى عشان ما اتربط وعاوز اهيص مع الجماعة وتبدأ الربة وشوية شوية اشوف ليك الستارة انشالت وقالوا احسن نخلى الحالة واحدة وكل زول باسرتو شغال رقيص وفى ناس حايمة ساى وفى ناس من كراسيها ماقامت واما ناس الرقيص ماقصروا انتقموا انتقام بالحيل التقول عليهم اول مرة يحضروا حفلة واخوى عصام ماقصر وزيرى اليوم داك والله يخليو للتعارف وتعال سلم على فلان دا وفلان دا صاحبنا شغال فى الشركة الفلانية ودا ودعمتى والفرحة الحلوة لى انو النسابة حاضرين إلا كان زولتى وكان جات اليوم داك فتح طوالى للجماعة ً .
يوم الخميس كان صفقة ورقيص ويوم ما بتنسى نسانا سنين الغربة وراجين اليوم الكبير واسبوع تانى عشان تعود الفرحة لينا وتضوى ليالينا -</li>


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 4th أبريل 2013, 07:38

يوم الجمعة مر زى السلام عليكم وجا اطول يوم فى الدنيا يوم السبت ونفس للشغل مافى تب وجرجرة بعد ليل شلناهو سهر - وانا فى وسط الضجيج والازعاج داخل المصنع اسمع رنة جوالى وفى وقت زحمة شغل والواحد غرقان داير بتين يتفك من البلاوى القدامو عشان يريح وياريت راحة عدوك تقعد فى المكتب دقيقتين تلاتة تجئ كبة تانية ومرات يحبسك الشغل لمن الواطة تليل وكمان مرات تلاتين ساعة ما تشوف راحة وعينك ما تشوف نوم ما نحن زى الماكينات البندور فيها يستلهكونا زى الصابونة ولمن نبقى بروة يقولوا ليك مع السلامة وين تقبل ما تعرف .
التلفون دا من عمنا قريبى وعملت طناش خليتو صامت وهو تانى يشيل ويدق - الزول دا مالو مصر كدى ياربى عندو شنو - قررت ارد عليو واقول ليهو انا مشغول حبة وبرجع بكلمك تانى و افتح الخط
-الو
- احمد كيف حالك
- كويس
- يااخى والله انا ما عارف اقول شنو
- خير انشاء الله
- إنت زول مؤمن ......
قلبى وقع فى ركبى وجاتنى خلعة شديدة
- المات منو؟؟؟؟
Tuesday at 22:40 · Like · 3<li id=".reactRoot[176].[1][2][1]{comment604151362945901_604189296275441}" class="UFIRow UFIComment" data-ft='{"tn":"R9"}'>







Mohamed Ali Adeeb Mohamed - يازول قول بسم الله ما فى زول مات
- الحاصل شنو
- والله نسيبك تعبان شوية وجاتو جلطة ونقلوا للمستشفى
- لاحول ولاقوة إلابالله
- والكلام دا بتين
- قبل شوية وقع فى العمل ونقلوا بالاسعاف
- وانت منو الكلمك
- اصلو اتصلوا على اولادو، هسى ماشين عليهو .
خبر يالله ، الزول دا ياهو ركيزة الاسرة وياهو سندها ، ربنا يجيب العواقب سليمة
وقت مافى والزوغة من الشغل واجبة والبحصل يحصل وطز فى الشغل وصاحبى راجندران الهندى يهزهزلى فى رويسو يقول
- مشكلة مافى صديق انا فى ترتيب ، انا كلو فى معلوم ، بس انت روح شوف بابا
والله حالتو صعبة الزول فى الانعاش وشكلو كدى جاهو شلل وربنا يلطف و ندى برغم المصيبة والدموع فى العيونها هى وامها صابرة ومحتسبة والواحد ما عارف يقول شنو غير يواسيهم وياريت الواحد يقدر يعمل شئ يمسح بيهو دموعهم بس إرادة ربنا يوم فرح ويوم كره وغير الصبر مافى شئ . المهم لمن شوفنا القعدة طولت بالساعات وديل ولايا براهم اصرينا لازم يمشوا البيت ونحن بنقوم بكل شئ وبعد ضغط شديد وبعد ما الدكتور طمنا على صحتو وانو حالتو بقت مستقرة رجعو للبيت ، بس الشلل دا علاجو طويل وبحتاج لعلاج طبيعى</li>


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 4th أبريل 2013, 07:39

تعب وسهر وقلق والراجل حالتو حالة عدوك لانضمى ولا رفع كراع واليد مكنوشة لفوق ، يرفعو فيهو زى الجاهل الصغير ، سبحان الله شوف حال الدنيا قبل يومين كان زى الحصان والليلة ما قادر حتى على الكلام واولادو غرقانين فى الدموع و نحن شفقانين عليهم من غدر الدنيا والزمن وهم ولايا وهو سندالتهم وركيزتهم
اقول لنفسى هسة نبقى لجنس دا نبارى الغربة دى كدى لحدى الواحد مايتكسر هنا ولاكيف !!!! يازول البسويها الله هى البتبقى وخلى امرك على الخالقك .
ندى حالتها تحنن هى اصلاً اكتر زولة من اخواتها قريبة من ابوها وكان ابوها داير موية ساى يحلف إلا تجيبها ليهو ندى وهى كمان من قومت الجهل مافارقتو إلا لمن سافرت للجامعة عشان كدى مرضو باقى ليها قاسى ، وانا قلت يازول اسيبها مع نفسها شوية وما اكتر عليها الاتصالات لحدى ما البت تهدأ خواطرها شوية
وشهر بحالو مافى كلام ناعم ولا إبتسامة حلوة بيها اتصبر شوية ولا يحزنون - طبعاً بعد اصرار شديد وحلف يمين انو مافى زول يودى ابوها للعلاج الطبيعى فى المستشفى غيرى ودى ابسط حاجة اقيف بيها مع تؤام روحى ونور عيونى وشوية شوية عمنا اتحسن وبقت الاصابع تتحرك والخشم بقى ينضم بس تقيل وكمان زولتى هدت و رضت بامر الله وفى الساعة ديك بعد مالعرس إتاجل لاجل غير مسمى وكمان موضوع الشغل ندى اهملتو ولا جابت خبرو وقلت لازم اشوف طريقة افتح ليها المواضيع دى ومافى غير تلفون وفى وقت هادئ :
- الو ندى كيف ابوك الليلة
- كويس الحمد لله
- داير اقوليك شنو .... اسكت عشان اشيل نفس واخش فى طور الجدية والكلام الكبار كبار
- ايوا
- طبعاً انتى زولة قوية وعارفة ربنا والحصل لابوك دا كلنا مؤلمنا بس انا مادايرك تكونى قدامو ضعيفة
- والله ياأحمد ماقادرة
- لا لا لازم تحاولى و تعصرى على نفسك عشان ما تشيلوهو هم زيادة عليكم وتزيدو عليهو المرض
- انا ماقادرة اشوف ابوى بالحالة دى وما ابكى
- لا يابت الناس ... دموعك ما بتصد القدر وخليك متماسكة عشان يقدر يتعافى ويشفى والمسألة مسألة وقت وحايرجع احسن من الاول بإذن الله .
- يارب ، غايتو بحاول
- تمام وربنا يصبرك


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 4th أبريل 2013, 07:39

ناخد صنة كدى واغير الموضوع
- اه الشغل سويتى فيهو شنو
- والله انا هسه فى ابوى دا ومابقد ر اسبيو كدا
- يعنى ناوية على شنو
- الشغل ملحوق وكان فاتت فرصة بتجئ غيرها ، وانا شايفة الشغل فى الظروف الحالية دى صعب
- يازول خير وما تشيلى هم انا معاك وجنبك
- عارفاك ما بتقصر كفاية وقفتك معانا دى
- اه جينا للكلام البجيب الزعل
- والله يااحمد بقيت لينا زى اخونا الكبير
- دا الواجب
ودعتها ولسه فى القلب شوق ليها ورغم الامها وشجونها بقت لى زى الملاذ كل ما احتاج لانسان اتكلم معاهو اتصل عليها وبلقى راحتى لمن اسمع صوتها وهى كمان كل ماتكون زهجانة وقرفانة تدق على.
Tuesday at 23:08 · Like · 5<li id=".reactRoot[176].[1][2][1]{comment604151362945901_604198596274511}" class="UFIRow UFIComment" data-ft='{"tn":"R9"}'>







Mohamed Ali Adeeb Mohamed واستمر الحال على ماهو عليه لحدى فى يوم من الايام الصعبة دى نادتنى ام ندى واخدتنى على جنب وقالت لى :
- عشان انت بقيت لى زى ولدى دايرة اشاورك فى موضوع كدى
-خير انشاء الله
- زى ما شايف عمك عيان وواقف من الشغل والبلد دى ما بترحم زول
- اى والله
-و البركة فى بيتنا الفى السودان وحبات القريشات الجاتنا من حقوق ابونا من الشركة الشغال فيها بعد ماوقفوهو من الشغل ، وقلنا اخير نلزم بلدنا وكفاية خلاص غربة .
- والله ياخالتى مافى حل غير كدا والحمد الله أنتم لسة بخيركم
- عشان كدى دايراك تعمل لينا اجراءات سفرنا النهائى
- مافى مشكلة ومن بكرة لوعاوزة
- فيك الخير ياولدى ، وتمشى منى
وبعد شوية زى الفكرت فى شئ كدى وجاتنى صادا
- اه ياولدى وكان على ندى لوداير تقعد معاك هنا بنعقد ليك عليها الليلة قبل باكر
- والله ياخالتى عوجة مافى وانا شايف الوكت مامناسب هسة خليها ترجع معاكم وبعد العرس جيتها ساهلة هنا
على كدا اتخذوا قرارهم يرجعوا السودان وفى ظرف ايام اتحولوا من مغتربين لمواطنين فى السودان </li>


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف خدورة أم بشق في 10th أبريل 2013, 07:23

يا شيخنا تم لينا القصة وما تعمل لينا زي قنوات التلفزيون (فاصل ونواصل)

خدورة أم بشق
مشرف منتدى الشعر
مشرف منتدى الشعر


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف أزهرى الحاج البشير في 10th أبريل 2013, 08:52

ده مسلسل طويل .. وراك .. وراك
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:16

الجماعة رجعوا السودان وندى تشيل وتشتكى لى من التعب والبهدلة الما متعودين عليها
وياحليل النومة للضهر ودى كيف بتبقى مع الحر ولا البعوض والملاريات ودا كلو كوم
والغلا دا كوم تانى غايتو الزول كان عندو مال قارون وماعندو شغل قروشو بتكمل وكان
على العلاج ابوها يعلم بيهو الله الجلسة بالشئ الفلانى والله غير الصبر مافى شئ
ياازولة مافى شئ واسألها :
- هسة ناويين تسووا شنو
- بالضبط كدى ماعارفين
والله يا احمد
- كيف الكلام دا
- غايتو ، شايفة امى قالت تشترى حافلة وتديها
لسواق
- هىىى كان دا رأيها اخير تأكل قريشات ساى من يأكلها واحد يعدمها
اللستك
- ما لها الحافلة ما قالوا كويسة
- غايتو كان قانعنين من قريشاتكم
اشتروا حافلة ، بعدين ببقى ليكم بمبى و يجيكم السواق مادى بوزو كل يوم وجيبو فاضى
ويقول ليكم اليوم كلو عديتو فى الورشة وهو بهناك كب فى جيبو فردة فردتين وبلع حق
الاسبيرات يعنى بدل تأكلكم تأكلوها انتو.
- يعنى نسوى شنو ادينا حل
- هوى
يابت انا كان عندى حل ماكان ليوم الليلة قاعد بهنا ، هههه بهاظر والله الموقف صعب
لكن الله كريم ، اصبروا شوية الله بسهلها والرزق بيد الله ، وانا مابخليكم براكم
وماتشيل هم. انا عارف ناس ندى عندهم عزة نفس ومابرضو اساعدهم حتى لو بفوق ، عشان
كدا مازودت معاها كتير وربنا يقدرنى اقدم ليهم شئ لقدام .


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:16

حالة صعبة شديدة وندى بالواضح كدى من شكيتها الكتيرة نايمة ليها فوق رأى وماعرفت
الا لمن مسكلت لى يوم كدا وادق عليها :
- انتى الجلدنا دى ما بتخليها يوم ساى
مابدقى لى بس مس كول هههه.
- والله دى حسب النفسيات هه ههه هه
- وهسة نفسياتك
مالة ماكويسة
- قافلة معاى
- كيف الكلام دا
- شوف يااحمد انت عارف حال
البلد وعارف المصاريف هنا دايرة ليها بنك عديل كدا
- ما فهمت عليك (طبعًا دى
بالخليجى )
- يعنى علاج ابوى ومصاريف البيت ومصاريف الجامعات ومصاريف الكهرباء
والموبايلات ومصاريف االنفايات والمعيشة واوووووووووك ، البلد ياكافى البلاء طاحونة
قروش والله تطحن العندك بعد ماتطحنك كويس.
- اها فهمت وانتى فى يدك شنو
- انا
نزلت شغل وما قدرت انتظر اكتر من كدا
- بس اوع يكون شغل معولق ساى وتعدى كل يومك
ركوب مواصلات ونص الشهر عدمانا التعريفة
- لا شغل كويس فى شركة استثمار
- اها
شغلوك فيها شنو؟ !!!
- مديرة مكتب المدير العام
- يعنى سكرتيرة
- اكبر
شوية ياود
- بس انشاء الله مرتبهم بغطى معاك
- تمام وكمان الدوام مريح ستة
ساعات بس
- خلاص انت حرة بس خلى بالك من نفسك
- ما تخاف على انا مفتحة وناقشة
كل شئ
- والله ما بقعوا فيها إلا العاملين مفتحين ديل.
- اها نسيت اقول
ليك
- فى حاجة تانى
- اهلك امس كانوا مقيلين معانا والله ابوك وامك جو من
البلد مخصوص عشان يكفروا لابوى
- بس انشاء الله الطيب ما كبس عليكم
- هاها دا
بقصر والله من يوم وصلنا لاقانا فى المطار ومكاواة مع امى و اختى (نها ) شديدة
وتليب شين
- هع هااهاها الطيب دا غايتو مابفوتكم كما اديتو مرة
- طوالى بس
يخلى عينو الطائرة دى
اضحك معاها شوية واختم : خلاص يازولة فى امان الله
-
يالا ما تنقطع ، وبنتظر تلفونك كل يوم
- هىىىى زمان الدقيقة محلية لمن كنتى هنا
بس هسع الجيب بنقطع مع الدولية دى.
- خلاص انشاء الله بس تدق على وتسلم وتقفل
الخط ، اسمع صوتك كفاية
- سمح ياست
البنات


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:17

غايتو ناس تكوس رزقها وناس الزرق يكوسها هسه ندى دى فى كم واحدة قاعدة عاطلة ليها
سنين مالاقيا شغل وهى تقوم من نومها وتلقى كومها -الله قادر ودى حكمتو يمكن عشان
ابوها المرضان واخواتها واخوانها الفى الجامعات والمدارس ولا يمكن نيتها بيضا ساى -
وبصراحة انا فرحت من قلبى لانو لو ما إشتغلت حالتهم بتبقى صعبة وبدخلوا فى حيص بيص
وانا ماداير منها حاجة بعدين بس تمسك نفسها اصلو الزمن دا النسوان مطالبن زى الهم
فى القلب.
المهم شغالين تلفونات تقيلة خاصة بالليل قبل النوم وبقت لينا زى حبة
المنوم لو ما اتصلت عليها النوم كلو كلو ما بجئ وبحس زى الناقصنى شئ -وهى زاتها ما
بتقصر لو إتاخرت ما اتصلت عليا مسكولاتا ما بتقيف ودا حالنا ثلاثة شهور غير
التلفونات والماسنجر ما عندنا طريقة نتلاقى والشوق خلى ساى لمن مدفق ومغرق
حياتنا


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:17

فى يوم كدى بنهاظر وبنشاغل فى بعض قالت :
- احمد دايرة اقول حاجة
- اي
ياروحى
- انا عندى ليك مفاجأة حلوة
- خير
- انا طلعت عربية بالتقسيط
-
والله.عربية مرة واحدة ، هو بتين بديتى شغل عشان تركبى عربات
- ياخوى المرتب
معدل معاى ، والبنوك والشركات بتدى فى العربات الناس الراكبنها احسن منى فى
شنو
- اها عرفنا عربية بالتقسيط ،اها بشغليها بموية
- الشركة بتسوى فى
شنو
- كيف
- والله يااحمد المدير بتاع الشركة زول عسل فى التعامل معانا وهو
الاقترح على اطلع العربية وقال بساعدنى بالبنزين
- قلتى لى زى العسل ، والمدير
بتاعك دا بخدمك لله ساى
- هىىىىىىىىى ما تمشى بعيد هو عارفنى مخطوبة وبعدين هو
معرس يادوبو ما تم سنتين
- ما قلنا حاجة ، قلت لى اسمو منو
- علاء
- يعنى
البنزين بصدقو ليك من الشركة
- اى زى ما تقول بدل ترحيل وكدا
- تسكت شوية
وتقول : غايتو عليك جنس غيرة
- ياحبيتى ما أسألك ولا شنو انا غلطان السألتك
-
خلاص ما تسوى لي فيها زعلان ، وانت كما سويت كدا اعرف كيف بتحبنى
- اها ما قلتى
لى كرامة العربية بتين
- بكرة بستلمها ما داير يفسحوك بيها هههههه
- وانت
الحاتسوقى ولا كمان علاء بجيب ليك سواق
- انا البسوق وعندى رخصة كمان شنو رأيك ،
وبعدين انت علاء دا علق فى رأسك خلاص
-يازولة مبروكة عليك وانشاء الله تكمليها
بعرق المشاوير وكان على كلامى التانى دا كلام هظار ساى
- هظار ولاالغيرة
كاتلاك
- هاهاهاى قال اغير قال :
: ندى تصبحى على خير نحن الاتنين ورانا شغل
بكرة والساعة هسع اتنين بالليل يلا مع السلامة
- انت من اهل الخير


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:20

ندى ضاربة جو السودان وقابضة الجو وانا بهنا الغربة مطلعه روحى وعايشة فى امان الله
وكمان ماسكة مصاريف البيت جت وبقت هى الكل فى الكل حتى اختها ( نها )بتقول لى
بهظار: الزولة بقت ابونا وولية امرنا وما بنخليك تشيلها مننا بعد ما ضقنا قروشها
وحتى امها الصوت الحزين داك راح وكيفن ما بروح بعد العربية الفى خشم البيت والبيت
زاتو ملك والحال مستور.
الشهور بتمر وبتعدى وانا منتظر وألوك فى الصبر واقول
بكرة غربتنا حاتبقى جنة بيها


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:20

وباقى للإجازة شهرين قلت خلاص اصلو ما بفوت الفرصة دى واخش فيها القفص الذهبى ،
وطوالى جهزت الشنطة واشتريت لى حبة دهيبات وختيت النية فى بالى وقلت اكلم الناس
بالعرس واول زول اوريهو ندى واتصل عليها :
- ندى مساء الخير
- اهلاً
- كيف
حالك
- تمام الحمد لله ، والله دى دخلتى البيت من الشغل
- شغل شنو للساعة
تمانية بالليل
- تقول شنو كان عندنا وفد جاى عندان معاهو شغل وكان لازم استقبلو
فى المطار
- هىىى دى شلهتا ساى وبعدين فى بيتك بتسوى لى كدا بعدين
- كدى لمن
يجئ وقتو هين
- وكتو ما جاء خلاص وانا هسة داقى ليك عشان الموضوع دا
-
العرس
- عندنا غيرو
- والله ما عارفة اقول شنو
- تقول لى شنو !!!!!! يابت
الليلة انت مالك
- مالى ، كويسة الحمد لله
- ونان الحيرة فى شنو
- اسمعنى
يا احمد انا شايفة موضوع العرس دا نأجلو شوية
- نأجلو ؟؟؟؟؟!!!!!!!
ليييييييييييييييييييييييه ؟ الحمد لله ابوك بقى كويس بمشى وبتكلم وكل شئ وكان على
ناس بيتكم والله عايشين فى نعمة والحمد لله والعيشة العايشنة احسن من عيشتكم الكانت
فى السعودية اها تانى فى شنو.؟؟؟
- الحال ، الحمد لله بس انا
قصدى...........
- إنتى قصدك شنو
- الشغل................
- مالو الشغل
؟
- انت عارف انا يادوب سنة ما كملتا فى الشغل وعاوزة اثبت نفسى كويس ، ثم تانى
ما بدونى إجازة وانا ماكملت سنة لسة.
- يابت الشغل يطير(بنرفزة وزهج )
- كيف
يطير يعنى....... انت عارف الشغل دا هو المعيشنا
- العايش الله وبعدين انا ما
حاميك الشغل
- انا هسة قلت ليك انت حامينى الشغل
- ونان التعذر فى شنو
-
انا عاوزة افضى ليك برواقة وما يكون بالى مشغول بحاجة تانية.وما دايرة افقد شغلى
كمان.
- شوفى ياندى انا كان قلت ليك بأجل العرس كضبت عليك وشاورى نفسك وكمان
شاورى اهلك وردى على .


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:20

صدمنى كلام ندى صدمة قوية وبقيت اكلم روحى : ياربى البت دى القروش عمتها ولاشنو
وبتخاف على الشغل اكتر منى و من بيتها المعلق فى السماء ، وين كلامها لمن تقول لى :
بتمنى الايام تجرى سريع عشان يضمنا عش واحد ونكون لبعض للابد وهسه لمن الكلام بقى
جد تنط منو.
فى الحقيقة انا لاحظت فى الفترة الاخيرة تلفوناتا قلت وكل ما ادق
عليها ، يوم تتعذر لى بالتعب او الشغل وحماسها فتر شوية وانا بقول لنفسى يمكن البعد
هو السبب والبت الضغط عليها كتر، البيت واخوتها وابوها بس ياربى ممكن بكون قدر
دا


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:20

والله حالة ما يعلم بيها إلا اللة ، مسكنى صداع حلف ستين يمين إلا يصبحها معاى ،
يقطع سنين الحب والعرس هسة الواحد ما احسن يقعد عذابى من الشحتفة دى وحالتى يادوب
فى المناظر ولسة مابقينا على سيد اللبن وسيد العدة والبيت وووو.... وكمان بعدين
الاستاذ الخصوصى بعد عمر طويل. البت دى دايرة تخرب لى الإجازة مرة واحدة وعرس
مافيها ، هسة انا كان سمعت كلام امها قبيل وعقدت عليها وخليتها معاى كان شافت شغل
ولا كان ركبت ليها كورولا ياهو مرضنا الكاتلنا الايام دى بعد ما الكريسيدا السمح
سيدا بقت تاكسى هكر. يازول اخير تحنسها براحة اصلو النسوان ما بجوا بالقوة وكان
عاندت معاها بتزيد زيادة وماتقول هى مسكت فى الشغل مسكة اعمى مسكو العكاز تانى وين
تفكو .


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:21

اليوم التانى ما مشيت الشغل مشيت للمستوصف وبلغتهم بمرضى وباقى اليوم شلتو نوم جبر
من السهر والجماعة فى البيت بعد ما صحيت : مستغربين يازول خبارك ما مشيت
الشغل.
- عيان شوية وماخد إجازة
- بس ما يكون شئ تقيل
- ارهاق وتعب
شوية
عمنا يلاكز
- ياخوى دا تعب الشيلة ساى ما العرس قرب
- الله يتمو
-
يازول بنتم تب ،عندك شنو تانى كل شئ جاهز اتوكل على الفتاح وقول يالطيف بس
وفى
المساء اتصالات تقيلة واول زول الطيب ود عمتى :
- الطيب كيف حالك
- كويس
الحمد ألاف
- يازول إجازتى قربت وناوى اعرس فيها
- عديل ياود الخال ما بنقصر
معاك تب ، رسل لينا الشنطة عشان نودى ليك الشيلة من هسة
- اصبر شوية
- يازول
انت اطلع منها وكل شئ بقضا وكان على ناس ندى ديل على يدى وكمان ياخوى لوجيبتين
شنطتين تكون ماقصرت عشان اخش ليك توشك فى الصغيرونة (ناهد)
- الطيب انت جنك دا
ما بتخلى. شغل السوق المحلى دا ما بنفع مع الناس ديل ، انت قايل الشغلة بضاعة
بسمسرو فيها
- شن بدور موش القراية دى ، التقرأ ساى لمن تبطل اصلو ما ماسكة
منها.
- يازول انت زول سوق والبت دايرة ليها واحد رقيق يسوقها بشيش موش جنس
سواقتك دى كلها دقداق وحفر.
- هسع خلينا فى موضوعك ، كلمت خالى ولا اكلموا
ليك.
- لسة بس روق المنقة شوية لحدى ما اتفق مع ناسى
- يازول اتفاق شنو انا
بقوم ليك بكل شئ وزى ماقلت ليك رسل الشنطة والقروش والله الاسبوع الجاى الشيلة تكون
عندهم.
- ما بتقصر ، البنية دايرة تدبر نفسها وانت عارف شغالة وعندها إلتزامات
وكدا
- يازول ما ترخى ليها ودوس ابنص ، وكان راجي تديك رأى واطتك اصبحت
-
كيفن الكلام دا
- يازول ياها حال النسوان بتاعين مسميس وجرجرة كتيرة وهو العرس
فايت ليهو يومين
- مافى مشكلة الطيب بس خلينى اشوف الوضع
- كويس يازول شوف
وادينا خبر كان بقيت عليهو تب.
-أبشر ، الامور تظبط اوكل بكل شئ
.


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:21

اقفل الخط بهنا وادق على الزولة من هنا
- الو ندى كيف قيلتى اليوم
-
كويسة
- اها شاورتى نفسك واتكلمتى مع اهلك
- اى
- وصلتو لشنو
- الرأى
عند امى دقيقة اديك ليها تكلمها
- مافى مشكلة
انتظر شوية ويجينى صوتها
-
اهلاً ياخالة
سؤالات كتيرة كيف حالك وكيف الغربة وكيف عامل وكيف وكيف وبعد
ماخلصن تب
- طبعاً ياخالة ندى كلمتك بالموضوع
- اى كلمتنى وما فى عوجة ياولدى
، بس دايراك تسمعنى وتفتح لى مخك.
- خير إن شاء الله
- ياولدى انت صبرت
الكتير والحمد لله وندى ياها ليك بس دايراك تجبر بخاطرى وتأجل العرس شوية زى ماقالت
ليك.
- والله ياخالة خاطرك فوق رأسى بس ممكن اعرف لشنو.
- مافى شئ مانع كل
مافى الامر دايرين نرتب حالنا شوية وانت عارف العرس داير ليهو مضايرة من بدرى.
-
الحمد لله لسة فى وكت والعرس بقى ما زى زمان تلتلة وجوطة كتيرة
- عارفة والله
ياولدى ، النقول ليك : هسة نحن متوقعين عرس نها اختها يكون قريب والليلة نها قالت
لى ود عمها فتح ليها الموضوع وانت عارف عرسين وكت واحد صعبة علينا شوية
- والله
ياخالة ما عارف اقول شنو
- ما تقول اى حاجة والايام بتجرى سريع وخليهو فى عيد
الضحية الجاى
- عيد الضحية !!!!!!!!! عيد الضحية باقى ليهو ستة شهور
- ما
بعيدة وانت زاتك تكون رتبت نفسك كويس
- والله ياخالة حيرتونى عديل كدا.
-
والله ياولدى حيرة مافى تب وكما جيت بنعرسها ليك وبنرسل ليك لو داير ، تانى فى
كلام
- سمح النشوف


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:43

ندى اخدت السماعة والفرحة ما شايلاها وتقول :
- إن شاء الله اقتنعت بكلام امى
دا
- هسع عرفنا رأى امك ، ابوك رأيو شنو
- ابوى ما كلمناهو بالموضوع ، ولو
بتعزنى ما تفتح ليهو الموضوع
- ليه
- لانى عارفة رأيو فى الموضوع دا ومستعجل
لعرسى شديد. وبضغطنى انا وامى ونحن مادايرين نكلفت العرس وكمان يمكن يحلف طلاق
ينتم.
- كان كدى بكلم ابوك طوالى وانتو مخيرين معاهو
- علييييييك الله ما
دخلوا فى الموضوع والله بزعل منك شديد.
- خلاص يازولة خلينى ادرس الوضع ،هسة كدى
خلينا من العرس ، ابوك صحتو كيف
- والله تمام التمام ، سو ليهو مغلق كدى وقعد
فيهو وقلنا احسن ليهو من قعدت البيت والحمد لله امورو كويسة.
- مع السلامة
-
مع السلامة
الشغلة ما ركبت لى فى رأسى و براى ما بتتحل وداير لى زول يفكر معاى
قلت النشوف عمنا دا بكون خبرتو احسن منى فى الامور دى ولمن شاورتو قال لى : ياولدى
العرس ما بالجبر البنية اديها فرصة وستة شهور بتجرى سريع وما تكلفت الناس كدى وانزل
إجازتك عادى وودى شيلتك ليهم والشيلة ما بضر كان قعدت سنة ما بجيها شئ وكان
الهديمات موضتن انتهت ببدلوهم فى السوق. على قولتك نشوف نهايتها شنو بعد الستة شهور
دى وان شاء الله ما تلقى ليها عزراً تانى
.


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:43

قلت مادام العرس وكتو طرشق اخير انزل اجازتى عادى وبعدين إجازة العرس يحلها الف
حلال واحسن اسافر واطفئ نار اشواقى ونحلم بيوم باكر والفرحة تعمنا وياربى هون
القواسى.
ندى وريتها بميعاد وصولى وبالخطوط الجاى بيها ووصيتها تقابلنى فى
المطار لانى عاوزها تكون اول وش اشوفو فى السودان -
هبطت الطائرة فى مطار
الخرطوم بسلام وامان والقلب من لحظة ما المضيفة نبهت بربط الاحزمة وان الطائرة
ستهبط بعد قليل دقات قلبى زادت بسرعة دق... دق.... دق ، وجسمى عرق والدقائق بقت لى
ساعات وبسرعة كملت اجراءاتى وطلعت للصالة برة واتلفت يمين شمال افتش للزولة واتلفت
زى الغنماية الرايحة... ياربى الزولة دى وين وفى اللحظة دى اشوف يد على كتفى اتلفت
القاهو اخوى منتظرنى : حمد لله على سلامة الوصول والبلد نورت ، سلمت عليهو وبالى ما
معاهو ، اتلفت بعيونى قلت يمكن مشت تشترى ليها حاجة ولا يمكن أخرتها الزحمة اصلو
البلد شوراعها اتملت بالعربات ، اخوى فهم انا بفتش لشنو وطوالى قال لى : زولتك ما
جاية
- كيف الكلام دا
- كلمتنى قبل نص ساعة وهى بتعتذر ليك وقالت عندها
إجتماع ضرورى وبتجئ تقابلك المسا فى البيت عندنا
- يازول خير عوجة مافى ، يلا
نمشى انا تعبان شديد


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:43

فى المساء جات البيت معاها امها عشان تلاقينى ورغم انى زعلان من عدم جيتها المطار
وهى كان اصلاً دايرة تجئ كان لقيت ليها ألف سبب تقابلنى بيهو.
بعد ما سلمت علينا
وقعدت معاى حسيت فى عيونها حزن مكتوم ، وشفت انسان تانى غير ندى البعرفها ، برغم
انها بتتظاهربالفرح جانى شعور ان البت دى عايشة مع نفسها عزلة وما متصالحة معاها
وأسأل نفسى وين ندى البت الرقيقة الوديعة ، البت لمن تعاين ليها تلقاها مبتسمة فى
خجل وبريق عيونها لمن تضحك يمسح كل احزانك ، وكمان كلامها بقى كبار كبار وكلو قروش
وعمارات والناس هنا فى السودان عايشة كيف وكيف نحن غاشين نفسنا ساى بنتظر الراتب كل
اخر شهر وهنا فى ناس قدر رواتبنا بتصرفها فى يوم واحد فى دعوة غداء ولا حفلة شاى فى
صالة من الصالات. ما حبيت استعجل واديها ملاحظات ولا وضحت ليها التوهان الدخلتنى
فيهو واحسن استمع ليها وانامستغرب من كل تصرفاتها بس اتأكد لى رغم كلو كلامها انو
هى ما سعيدة عشان انا بعرف نبرات صوتها كويس وبعرف كويس صوت الفرح والسعادة بكون
كيف وكمان لمن اعاين فى وشها تهرب بعيونها منى وانا متأكد ما فى زول يقدر يحس
الحسيتو دا إلا انا ، لان حياتنا مع بعض كلها احاسيس ومشاعر بتتفهم لكن ما بتتقال ،
حنيت عليها وأثرتنى حالتها دى.
اللحظات انقضت سريع وودعتنى وحاولت آخد معاها
موعد نتقابل فيهو بس كان ردها : بينا تلفون عشان ما عارفة ظروف الشغل كيف ، وقبل ما
يستأذنوا ورتنا ام ندى بعرس ( نها ) بعد عشرة أيام وطبعاً تشريف الاسرة الكريمة شئ
ضرورى زى ما قالت .


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:44

اليوم التانى قلت اصلو ما ادق عليها عشان ما تعمل لى تقيلة وتمارس معاى دلع البنات
داك واحسن تجئ منها هى وانتظرت للعشا لا تلفون ولاحتى رسالة ساى تجينى منها وكل ما
اسمع الموبايل يرن اقوم زى المخلوع جارى عليهو والحكاية لمن طولت للساعة عشرة ادق
عليها
- الو ندى
- اهلاً أحمد
- شنو عاملة فيها تقيلة كدا منتظر تلفون منك
من الصباح
- والله كنت مشغولة شديد وطلع من بالى ادق عليك والله
- خلاص بقيتى
تنسينى
- ليه بتقول كدا وانت عارف معزتك عندى قدر شنو
- هسة خلينا فى المهم ،
اشوفك بتين
- والله ياأحمد الايام دى مشغولة شغلة ولخمة مايعلم بيها إلا الله من
العرس الجايينا والشغل والله جرى شديد
- يعنى ما فى طريقة اقابلك بيها قبل
العرس.
- والله دايرة اقعد معاك بس طريقة مافى لى.
- خلاص كان كدى انا بمشى
البلد وبجئ لعرس نها ،اها عاوزة شئ.
- سلامتك بس
- يلا مع السلامة
الايام
مرت سريع وجاء يوم العرس والبرنامج بتاع العرس شئ يحير فيهو مديح ورقيص وصالة وفنان
من الفنانين الشباب وزفة عروس دا غير مكائن الشاورمة - والعصائر الحايقدموها وحاجات
كدى ما بتشبه عرسنا فى البلد واقول لنفسى : ارجأ الراجيك ساى ، وياحليل الصيوان
البدقو قدام البيت والمنظراتية ياود احفر بهنا ولابهنا وقبلو دى على الشارع - لا
ياجماعة دا كدا بكشف محل النسوان وين محل الطباخ
وووووو...


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:44

الحفلة بدت والعرسان قاعدين فى الكوشة صلاة النبى عليهم ، واشوف ندى جنب العروس هى
وأمها واختها التانية زى البطمنو فيها وبهناك المعازيم مالين الطرابيز واليوم داك
ماخلو نور لمن الواطة بقت لينا زى النهار.
مشيت على نها وزوجها باركت ليهوم
واشرت لندى تلحقنى على تربيزة قريبة كدى وطوالى تبعتنى وقعدت قصادى
- مبروك لنها
وعجبنا ليها
- شكراً ليك
وبدت الونسة لكن ما الدقاقة ديك عشان الوكت لسة بدرى
ويادوب فاصل واحد انتهى ، وبعد شوية جانا واحد كدا شاكى ومسبسب شعروا ولابسلوا ساعة
ذهبية فى يدو اليمين ويدو الشمال فيها مفتاح العربية والموبايل ، وهو كلو على بعضو
اخر وجاهة ويلفت النظر من بعيد وباين عليهو مغرور وعاجباهو روحو شديد سلم علينا
وجرى ليهو كرسى وقعد جنبنا وعاين لندى وقال بإبتسامة عريضة :
- الف الف مبروك
لنهوية
- الله يبارك فيك ، تمتمت شوية ووشها حمر وهى بتقول : نسيت اعرفكم على
بعض : علاء ، أحمد بدون ماتزيد اكتر من كدا ، وهى بتعاين لى دايرة تشوف رد فعلى
بكون كيف وانا بعاين فى علاء وبقول لنفسى : ياهو دا جون دارلينغ المتوصى على
زولتى.
علاء دخل بدون مقدمات فى ندى هظار ومرح وخفة دم ، كأنى ما موجود معاهم ،
واخلاقى جات فى نخرتى واعاين ليهو عين قوية وأقول ليهو : شنو يا ابو الشباب عملتا
الحالة واحدة ، يعاين فينى كدى ويطنش كأنو بقول لى : انا زى اشكالك دى مابتكلم
معاها ، ودى حرقتنى حرقة شديدة وقومت نفسى وطلعتنى برة طورى واهيج فيهو وادق
الطربيزة بيدى طرااااخ : قوم من هنا ولا اكسر الجك دا فى رأسك ( كان فى جك موية فى
التربيزة ) ، وكان عامل فيها صعلوك وقليل ادب والله نحن مقعطعينا ، ندى اتضايرت
بعيد
ولمن شافتنى ام ندى هايج جات جارية على وجرتنى جر من وسط الناس وقعدت معاى
فى محل بعيد .


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:44

ام ندى لمن كانت بتجر فينى لبرة فى واحد عمك قاعد بعيد كدة علق وقال : انتو الواحد
وكت مابقدر على السم الهارى دا بتتحنطروا بيهو مالكم والكلام فات اضانى لغادى وفهمت
قصدوا نحن سكرانين والجماعة الجنبو قنبو يضحكوا.
ام ندى ودتنى اخر كورنا فى
الصالة وجرت ليها كرسيين وقالت لى اقعد فى الواطة دى ياولدى وقول بسم الله -ومشت
ملت ليها كباية موية وناولتنى ليا وهى بتقول لى : هاك بل ريقك النشف دا وانا لسة
دمى بيغلى وصرت الوش ماراحت وهى تشيل وتهدئ فينى بالكلام الطيب والحنين وتستعطف
فينى لحدى ماهديت شوية.وانا قاعد معاها جاء فى بالى ( الطيب ) ودعمى يقوم يتهور
وانا عارفو احمق من ابو الدقيق مرات بشاكل نفسو لوحرّقتو وطوالى قلت ليها : الطيب
وينو ، اشرت لي ياهو داك مع عم بناتى بحنس فيهو يروق ويهدأ ،تتبسم وتعاين لى وتقول
: انتو الحرارة والسخانة الزائدة دى وارثنها ولاشنو.
- ابداً ياخالتى. هسع انا
القدامك دا شايفانى زول مشاكل ؟ ، لكن الحقارة ما بندورا وزولكم دا حقار.
-
حقارة شنو ياولدى, ماتبقى زول معقد كدى وخلى العوارة والمشاكل ما ليها داعى
-
عليك الله ياخالة من عرفتينى ، انا زول مشاكل ؟
- ما دا المحيرنى ياولدى البشوفك
كلو كلو مابصدق هيجتك السويتها دى
- عشان تعرفى الزول دا إستفزانى وبكوس للمشاكل
وبهابش
- كدى انت اهدأ وما حصل شئ قدر دا ، وتعاين لى برجاء كدى وتقول : عليك
الله عاين ل (نها) دى ما زى اختك داير تخريب ليها عرسها
- العرس انشاء الله ما
بخرب بس الزول دا يختا ندى و يلعب بعيد.
- لا إله إلأ الله محمد رسول الله عليك
الله ياولدى انسى الزول دا وخليهو فى حالو.
-وامشيها عشان ماتصرف معاى عربى كتير
:سمح ياخالة ،


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:45

الحفلة ما وقفت وبقت فى الفاصل الاخير جاتنى ندى سلمت علينا وغمزت لى امها نظام
سيبينى معاهو شوية ، الحاجة براحة قامت انسحبت واندمجت فى الحفلة وخلتنى مع زولتى
واهاجمها ليك طوالى :
- ما بدرى... علاء بتاعك دا مامنتظرك
- تضحك شوية و
بابتسامة تقول : أحمد ماتخلى عقلك صغير وتاخد الموضوع بالحساسية دى
- هىى ياندى
والله نحن بنصبر على كل شئ بس جنس البسوى الجنا دا ماعندنا ليهو روح طويلة فت بنية
افرتقو ليك حتة حتة
- ياالله اصلو ما قايلاك شرانى كدى
- شرانى هيه هيه ،
اخير انا والله افك فيهو الطيب كان يعدمّو ليك السن
- تضحك وتقول فى نظام هظار
كدا : غايتو الله يسترنى معاكم ما تكسرو سنونى
- ما اشتغلت بهظارها : ندى انا
داير اسألك بصراحة وخليك صادقة معاى
- إنتى علاقتك بالزول دا شنو
- قبل ما
اجاوب ليك سؤالك دا دايراك تفهم حاجة واحدة
- شنو دى
- انو فى الدنيا دى كلها
ما حبيت زول غيرك وبقولها ليك عديل انا بحبك ومستحيل انساك والله حياتى من دونك ما
ليها معنى وخليك متذكر الكلام دا كويس
- قلبى برد مرة واحدة من كلمة بحبك ، ووشى
حمّر ورأسى كِبِِِِِر واقول ليها : انتى وكت دى حالتك البتسوى فيهو دا شنو
- انا
سويت شنو ، بس ورينى انا غلطتا فى شنو ، انت بتشك فينى.
- هو لو ما إنتى اديتهو
وش حلو كان قدر سوا السوا دا
- ياأحمد الزول دا كلامو كدا بتلاطف وبتظارف ، ودى
طريقتو معاى فى الكلام من اشتغلت معاهو
- طريقتو دى ما بتركب معانا ، ندى انا
قلت ليك خليك صادقة معاى
- وتنفعل : ياخى ما تخليك كدا كرهتنى العيشة ذاتا ،
تلوك فى الكلام.
- انا كرهتك العيشة دا كلام شنو
- معليش والله ماقصدى ودا
كلام من بره ساى


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:46

وتسكت شوية وتدنقر فى الواطة واشوف دموعها جرن وتمسك يدى بيديها وتعصرن بقوة و
صوتها من البكا يقطَع :
- أحمد انا محتاجة ليك شديد ودايراك تكون جنبى واوعدنى
ما تتخلى عنى كلو كلو
حيرتنى البت قبل شوية كانت كويسة يارب القلب كيانة فجأة
شنو, معقولة فى الصنة البسيطة دى اتذكرت شئ مؤلم ولا الحاصل شنو ، والله إحساسى
القبيل الشفتو فيها لمن جات سلمت على ما خاب كلو كلو والحزن الشفتو فى عيونها صحى
ما كضب. البت دى متوجعة من جوا وبكاها بكى حار شديد وبكى زول ممغوص.
- ندى مالك
بتبكى فى شنو المتعبك ، احكى لى موش نحن حاجة واحدة
- لا لا مافى شئ
- ندى
خليك صادقة معاى وما تهربى منى فى شنو بوظتى اعصابى
- مافى شئ
- ياندى انا
شايف الالم فى عيونك من يوم شفتك تقول لى مافى شئ ، نحن قبيل موش اتفقنا نكون
صادقين وصريحين مع بعض
- خلاص وكت تانى بحكى ليك كل شئ ، بس انا خايفة تفهمنى
غلط وتغير رأيك فينى
- لا ما بفهمك غلط.
- خلاص.. بكرة نقعد مع بعض وانا زاتى
فاض بى وما قادرة اتحمل اكتر من كدا
- خلاص بكرة إنشاء الله ، يالا خلاص قشى
دموعك وامشى على اهلك الحفلة إنتهت
- تصبحى على خير
-تصبح على
خير


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:46

البت دى محنتنى جنس محنة وخلت شعرى يقوم صوفا صوفا وضيقت على الدنيا واقول لنفسى
البت دى مسوية شنو تحزن قدر دا وحالتها صعبة ما فاضل ليها إلا تحضنى من شدة ماهى
غرقانة من جواها فى بحر الم وحزن ، ودايرة ليها صدر حنين تتحامى بيهو.رجعت البيت ،
غلبنى النوم ، و شلت ليلى كلو سهر افكر فيها وفى ملاقاتها بكرة وياربى ) الشئ
الموّحلة ( شنو. الشمس صبحت على وفى انتظار ملاقاتها لحدى مالنهار عدى
وفات.
وجاء المساء ، دقت على وقالت لى : احمد انا بمر عليك فى البيت عشان نطلع
وخليك جاهز، عليك الله شوف هى البتمر على موش انا البيت اخر روقة وبتتفضل على وهى
الحاتسوقنى. مرت على فى البيت وطلعنا سوا لمنتزه فى ام درمان هادى ورايق والهواء
البجيك من قصاد النيل يرد الروح وقعدنا قصاد بعض ورغم نظرات عيونها الحزينة تشوف فى
عيونها لغز لايفسر كأنها مرية التى تغزل بها صلاح احمد ابراهيم ونعم الخالق حتى وهى
حزين بتزيد حلاوتها ، فى الجلسة ديك شفت شفاهها ترجف من المكتوم فى صدرها وانا
بعاين ليها وعيونى مليانة حيرة ومنتظر تنضم وتفتح خشومها وتقول الشئ المتعبة وكت
شفتها غالبها النضمى وابت تبدأ


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:47

قلت احسن ابدأ انا :‏ ‏
- احمم... طبعاً انا جاي هنا عشان اسمعك
- وانا ما حا
ادس منك اى حاجة
- يالا ورينا مشكلتك شنو
- شوف يااحمد انحنا لمن جينا
السودان مرينا بظروف صعبة ما يعلم بيها إلا الله والحياة بقت لينا فظيعة وانا لو ما
إشتغلت كان حانمشى لهاوية وممكن اسرتنا تضيع ومافى زول كان برحمنا.المهم اشتغلت زى
ماشايف وكان الشغل عن طريق واحد من معارفنا قدم لى فى الشركة الشغالة فيها ا هسى دى
، ومشيت قابلت علاء وطبعاً هو المدير العام وسيدها والشركة بتعمل فى الاستيراد
والتصدير يعنى بالعربى كدا شركة تجارة عامة بتصدر وبتستورد اى حاجة فيها قروش ،
المهم قابلت علاء ومن اول يوم شافنى حسيت بإهتمامو بى ومعاملتو معاى واتظاهر لى
بانو مبسوط من شهاداتى واوراقى وكمان قال لى انا عاوز زولة زيك تترجم لى الاوراق
والخطابات البتجى من برة وكمان عندى كمية من المراسلات والمواعيد محتاج زول يديرها
لى وانا شايف انتى مناسبة للشغل دا وطوالى قام عينى فى الشركة من اول مقابلة ،
واشتغلت معاهو، هو زول نافذ ليهو علاقات كتيرة بناس مؤثرين ودخلت معاهو عالم تانى
وعرفت حاجات لو حكيتها ليك تقول لى دا خيال ما حقيقة ، المهم علاء بدأ يغرينى شوية
شوية وزى ما شايف نزلت عربية وبعد فترة فتحت لابوى المغلق الشايفو دا وبقيت معاهو
اغلب الوكت وبدأ يلمح لى ويعمل لى فى حركات مريبة وهو عارف انا مخطوبة وكل مرة
بذكّروا بالكلام دا وهو مواصل فى حركاتو دى وحاول يمشى اكتر من كدا. اقاطعها
-
كيف اكثر من كدا.. اكتر من يعاكسك ويحاول يتنادل معاك
؟؟؟؟؟؟؟؟؟!!!!!!!!!!!
دموعها كبت كأنها مطرة ، وانا ساكت وخايف من شئ فى بالى
والله يستر وانا اهدئ فى خواطرها عشان تروق وتقدر تتكلم
- ياندى كل شئ بتحل بس
كدى قشى دموعك دى واحكى لى
الباقى


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:47

ترفع رأسها وتواصل
- علاء طلع حقير وندل وانسان سئ للغاية و.............
-
يابت الناس وقعتى قلبى قول لى الحاصل شنو
- بس عليك الله يااحمد تسمعنى
للنهاية
- حاضر بسمعك لبكرة الصباح
- وتوعدنى انك ما تتسرع
- يابت الناس
حرام عليك الحاصل شنو
- خلاص انا بقول ليك.............وتسكت مسافة وترجع تبكى
تانى وتقول : احى انا ، ما قادرة اقول..... خلاص عليك الله خلينى فى حالى
- كيف
اخليك وإنتى بالحالة دى
- احمد دايرة اقول ليك شئ انا... وتقطع نفس.
-
اها
- يا اخ ما قادرة اتكلم............والله الكلام ما داير يطلع
- ندى قبل
ما اكون خطيبك انا صديق واخ ليك
- خلاص انا بقول ليك والبحصل يحصل
-
اناااااااا وعلاء متززززوجين فى السر
اعصابى باظت مرة واحدة والواطة لفت بى
وماتختلت تصل للزواج ابداً ، وبدون مااشعر اتف فى وشها واقول ليها
- ياخاينة
ياتافهة ياغشاشة - - -واقوم من الكرسى وامشى اخليها وتجرى وراى برة المنتزه وتمسكنى
من يدى : احمد اسمعنى عليك الله كان تسمعنى.......... عليك الله ارحمنى
-
دايرانى اسمع شنو تانى بعد السمعتو دا
- انت موش وعدتنى ما بتتخلى عنى وقدِّر
انا فتحت ليك قلبى بالكاتماهو من زمان وانت وعدتنى تسمعنى للاخر.
- شوفى ياندى
انتى سقطتى من نظرى خلاص ومهما كان مامكن تصل بيك الامور لى كدا.
- خلاص يااحمد.
بس اسمعنى وما فى زول فى الدنيا دى حايسمعنى غير ك ومافى زول غيرك فى الدنيا دى
حايريحنى ويشيل عذابى دا ، اسمعنى واتركنى بعدها.
-خلاص نحنا نرجع هسع وبكرة
نشوف قصتك شنو مع علاء دا يلا مع السلامة
- وين ماشى ؟؟؟ - انا جبتك ولازم اوصلك
!!!!!!
- لا لا من هسة سكتنا اختلفت ودربنا بقى ما واحد ، انا بصل بطريقتى
.


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:47

رجعت البيت زهجان وقرفان والواحد نفسو مسدودة من كل شئ ، دخلت والجماعة بهناك
الوالد والوالدة واخوى ومرتو واولادو الصغار قاعدين فى الحوش بغادى وحسوا بدخلتى
ومتوقعين اجي اقعد معاهم وابوى لمن شاف قعدتى جوة الاوضة طولت شديد ، جانى سلم على
وشاف وشى متغير ومكشر كان كلكلونى ما بضحك وكعادتو معاى لمن يلاقنى صانى كدى
بهاظرنى وطوالى قال لى : غايتو طغى المغتربين دا ما بتخلوا... فكها الله يفك ضيقتك
ياولدى..... رديت ليهو ببرود وغصبن عنى هو طوالى استدرك : طغى وين ياحاج.
-
ياولدى ما لك راجع وشك مخطوف كدى وشايل الدنيا فوق رأسك
- مافى شئ بس الجو مغير
معاى شوية وكمان عدم الموضوع هنا.
- كان على الموضوع ساهل وجاياك الشيلة ودى
براها موضوع.
فى الحقيقة ، موضوع الشيلة مرق من بالى وانا كلمتهم انو بعد عرس
بتهم (نها ) نودى الشيلة وبعدين يرجعوا البلد وهم من طلعت من البيت ماسكين موضوع
الشيلة وتجهيزاتها. رديت عليهو بدون ما اشعر
- بعدين بعدين ان شاء الله
-
بعدين بتين انت مالك جاى الليلة مهبوش كدى
- ان شاء الله كل شئ ببقى
- ياولدى
بس انت ادينا القروش والباقى علينا وان شاء الله اليومين الجايات دى بنوديها
ليهم.
- مافى مشكلة


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:48

هسع ياربى انا اوريهم بالحاصل وانو العرس طرشق والشيلة دى اخير نلمها لبت الحلال
البتجى والله صعب الواحد يخلعهم فجأة كدا وكان سكتا بتبقى عوجة كبيرة وتدخلنى فى
حتة ضيقة وصعبة وقلت يازول خلى الموضوع دا معلق كدا وبكرة ربنا بحلها.
النوم
غلبنى والسرير تقول مولعين فيهو نار اتقلب فيهو جاى وجاى والعيون ما دايرة تغمض
وتهجس افكر ساى فى البت دى كيف باعتنى بالرخيص كدا ونست كل البينا وفقدتنى الثقة فى
كل البنات وبقيت اشوفين كضابات وبتاعت لف وزوغات والواحدة قدر ماتحسن فيها ياها دى
اخرتها تبيعك فى اقرب ملف ولا يهمها تموت ولآتفطس ، بس تعيش حياتها هى ونحن
بالحريقة ، منتهى الانانية ، وعاملة فيها برئية واجرجرت مع علاء لحدى ما قدر عليها
وهى عاملة لى مفتحة.
الليل كلو ندى تشيل وتضرب وانا عامل اضان الحامل طرشة
ولاهببتو ليها ولا عندى نفس زاتو عشان ارفع التلفون ارد عليها وارد عليها عشان شنو
وكت تعبت وفترت من الدقان وقفت بعد مايئست ، الموبايل زاتو إرتاح من رناتا الكتيرة
وبعد شوية تانى الموبايل يرن بس المرة دى من امها وقلت دى على انا تشيلى موبايل امك
عشان افتح الخط برضو ما
برد


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

رد: صديقى والمغتربة ( بالدارجى )..!!

مُساهمة من طرف مرتضى عبدالعظيم عبدالماجد في 10th أبريل 2013, 09:48

بعد شوية جات رسالة القاها ليك من أمها بتقول لى : احمد رد على عاوزاك
ضرورى..خالتك....... الرسالة دى من امها يعنى ما من ندى ياربى خير وادق عليها
-
اهلاً خالتى
- كيفك
- تمام
- انا كلمتنى ناهد بتى وقالت لى ندى كانت
معاك
- ايوا كانت معانا ورجعت البيت قبيل.... خير فى شنو
- يا احمد إنت عملت
فى البت دى شنو جات حالتها مقلوبة وكاضمة وقافلة على نفسها الاوضة وبتبكى بكا شديد
وموجوعة بالحيل.
- أساليها مالها
- اوع تكون عملتا فيها حاجة والله
العظيم...............
- شوفى ياخالة الكلام الشين مافى داعى ليهو وكان الواحد
داير يسوى العيب ما بغلبو وانا جيتكم بالباب وفى مليون طريق بجيبنى بالشباك وخلينا
نكون محترمين احسن
- طوالى ترخى فى الكلام : لا انا ما بقصد كدى واعذرنى ياولدى
والله حالة البت حالة عدوك ، كدى عليك الله كلمها وشوفها مالها
- سمح
بشوفها
ادق على ندى وهى ماصدقت من اول رنة رفعت الموبايل
- ندى....... انا ما
داقى عليك عشان مشتاق ليك بس عشان اقول ليك البسوى فيهو دا غلط وخليك قدر
تصرفاتك
- إنت بقيت قاسى وقلبك حجر
- دا ما وقتو هسة ، امك ضربت لى وقلقانة
عليك والبكا والجرسة البسوى فيها دى ما بتنفعك ، واحسن تقعدى مع امك وتوريها
الحاصل
- إنت جنيت داير يضبحونى
- انتى وكت بتخافى قدر دا بتغلطى لييه
-
احمد الله يصبح الواطة واقابلك عشان تعرف انا لييه عرست كدا وتشوف العذاب الانا
فيهو
-خلاص صباحاتو بيوض هسه قومى اقعدى مع ناس امك وشوفى ليك موضوع يخارجك
منهم
- كويس ، وانا زاتى بعد ماسمعت صوتك قلبى هجس شوية.
واقفل الخط عشان ما
اسمع منها كلام لابودى ولايجيب,
وخليتها منتظرة يوم بكرة وانا زاتى منتظرو عشان
عندى حاجات كتيرة داير افهما عشان ارضى نفسى واسليها وبقى الموضوع عندى فضول ونفسى
اعرف لييه سوت كدا وانا ماقصرت معاها فى حاجة وياربى علاء دا سوا ليها شنو عشان تقع
غبيانة كدا وتشوت كل شئ وتورطنا معها كدا هسع ابوها العيان دا بتحمل الحاجات دى
.


أولئك الذين خسروا أنفسهم وضل عنهم ما كانوا يفترون * لا جرم أنهم في الآخرة هم الأخسرون)
avatar
مرتضى عبدالعظيم عبدالماجد
مشرف المنتدى العلمى
مشرف المنتدى العلمى


الرجوع الى أعلى الصفحة اذهب الى الأسفل

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى