ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مكتبة الاغاني السودانية................ نصوص مكتوبة

اذهب الى الأسفل

 مكتبة الاغاني السودانية................ نصوص  مكتوبة Empty مكتبة الاغاني السودانية................ نصوص مكتوبة

مُساهمة من طرف محمود منصور محمد علي 30th يونيو 2013, 22:23

حاجة آمنة ........ ك هلاوي

****************************

حاجه امنه إصبري
عارف الوجع فى الجوف شديد
عارفك كمان ما بتقدراصبرى .. اصبرى
جاهلك شكى وجاهلك بكى وفى بيتك المرق اتكى والشيء البحير ومابحير
مابيه يا حاجة الزكاة ... طلع الصباح لو ليك مراد
يا حاجة ما تطلع شمس والليلة عندك زى أمس
لسه الرويدى مع الصباح من مدة ماجاب ليك خبر
كان جوفو زى جوف العيال من مدة داير ليه حجر
والله على الزمن الحجر المابى بالصبر اتكرى
سرحتى فى هموم العيال كيفن يعملوا مع الدروس وسرحتى فى حق الفطور
باقى الامور البى القروش واحد زمن داير ردا
واحد خلاص قلموا اتكسر زى التقول أكلوا الصبر
يا حاجة آمنة اصبرى
مشيتى لى برج الحمام برجك صفحتين ما بزيد
ومشيتى لى برج الحمام كان تلقى ليك جوزاً جديد
يمكن بعد طلع الصباح يغشاكى زولاً يشترى
هبشتى جاى فتشتى جاى كان تلقى سكر بس محال
باقى الرطيل الفى الكرت يا حاجة سفوهوا العيال
يا حليل زمان وسنين زمان
يا حاجة لو تذكرى ... يمه وسمعتى صوت جاك من بعيد
وبعد قليل بابك ضرب وسمعتى صوت جاك من بعيد
شالك تعب ... ختاك تعب يا حاجة ناس المويه جوك
أصلو الشهر روح جرى يا حاجة آمنة اصبرى
بعد صراع وصراع طويل يا حاجة بينك والمحال
ما لقيتى فى داك النهارشيتاً ويجو ياكلوا العيال
حبة عدس ما بسوى شيئ وينو البصل وينو اللحم
حبة عجين ما بسوى شيئ وينو الدقيق وينو الفحم من جاى لجاى
هبشتى جاى فتشتى جاى كان تلقى شيئ
لازمك كتير شان تقدرى لازمك كتير اتقدرى .
******************************
محمود منصور محمد علي
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

 مكتبة الاغاني السودانية................ نصوص  مكتوبة Empty رد: مكتبة الاغاني السودانية................ نصوص مكتوبة

مُساهمة من طرف محمود منصور محمد علي 1st يوليو 2013, 10:39

المصير
سيف الدين الدسوقي وابراهيم عوض
****************
ليه بنهرب من مصيرنا ونقضى ايامنا فى عذاب

ليه تقول لى انتهينا ونحن فى عز الشباب

***

نحن فى الأيام بقينا قصة ما بتعرف نهاية

ابتدت ريده ومحبه واصبحت فى ذاتها غاية

كنت تمنحنى السعادة ولى تتفجر عطايا

ولما أغرق فى دموعى تبكى من قلبك معايا

***

كنا فى ماضينا قوة قوة تتحدى الصعاب

نقطع الليل المخيم ونمشى فى القفر اليباب

كنا للناس رمز طيبة وكنا عنوان للشباب

وهسى تائهين لينا مدة نجرى من خلف السراب

***
تأنى ما تقول إنتهينا تنهى جيل ينظر الينا

بانى أماله وطموحه ومعتمد أبداً علينا

نحن قلب الدنيا ديه ونحن عز الدنيا بينا

تانى ما تقول إنتهينا نحن يا دوب إبتدينا

===========


محمود منصور محمد علي
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

 مكتبة الاغاني السودانية................ نصوص  مكتوبة Empty رد: مكتبة الاغاني السودانية................ نصوص مكتوبة

مُساهمة من طرف محمود منصور محمد علي 1st يوليو 2013, 10:44


وطني السودان
كلمات الشاعر سيف الدين الدسوقي
والحان برعي محمد دفع الله
سجلها ابراهيم عوض للاذاعة عام 1955
====================

احب مكان وطني السودان

لان حسانو اعف حسان

وطيرو صوادح وروضو جنان

الانسام بالطيب تخشاه

والاقمار حفت بسماه

الازهار تبسم في رباه

فيها رقة وفيها حنان

فيهو النيل النيل الخالد

فيهو الخال والعم والوالد

فيهو تراث من طارف وتالد

والخيرات اشكال والوان

السودان اشراقة جديدة

في افريقيا وبسمة سعيدة

فيهو عروبة وجوها عديدة

من اداب وفنون وبيان

لينا الغد الزاهي المبهر

لي افريقيا ونورا الاخضر

للسودان وشبابو الاسمر

للاحرار في كل مكان



محمود منصور محمد علي
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى