ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

يا أبنــــــــــــــــــــــاء أبوجبيهة : أصحــــــــــــــوا

+3
الفاتح حسن ابوساره
فيصل خليل حتيلة
عثمان محمد يعقوب شاويش
7 مشترك

اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف عثمان محمد يعقوب شاويش 25th يونيو 2013, 14:04

الآن وبسرية تامة توزرع أراضي أبوجبيهة .. . 

وبكل أسف توزع لأناس ليست لهم صلة بأبوجبيهة على الإطلاق .. . 

أين أنتم ؟؟؟!!

 ومن المسئول الحالي عن توزيع الأراضي وبهذه الطريقة الحاتمية . . . ؟؟!!

ونحن لا نملك 1ممم .!!!؟؟؟

وقد طالبنا وقدمنا . وطلعنا صفر اليدين ....؟؟؟!!!


إنتهي ....                                 


ملحوظة بره الشبكة :

* أرض حيازة عوير ود الشاويش . شرق المحلج  : يخطط لها الآن أن توزع منطقة صناعية !!!
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف فيصل خليل حتيلة 25th يونيو 2013, 14:13


عمو عصمان سلامات

عزيزى الحكومة باعت وزارة التربية و التعليم الاتحادية و المستشفيات و حتى حديقة الحيوان و غيرها من المشاريع

التنموية الناجحه و الشعب السودانى الفضل يتفرج عليها و يضحك على نفسو

تفتكر

الجماعه ديل لو فرطت فى بيتكم زاتو مش داخل الخطة الاسكانية تلقاهو فى خبر كان او يكون

انا مثلك لا املك ديسيميتر فى بلدى كلها دع عنك ابوجبيههى

الله غالب و كلهم لا يعلمون

ربنا يعوض عمنا محمد ود الشاويش
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف عثمان محمد يعقوب شاويش 26th يونيو 2013, 08:15

شكراً فيصل العمده . يكفينا فخراً حضورك الدائم ... وتواصلك الحميم في الأفراح والأتراح . . . 

 والسؤال هل نقف مكتوفي الأيدي ؟؟

 وقفنا مكتوفي الأيدي راحة غابات أبوجبيهه ودليــــــــب أبوجبيهة ...
وقفنا مكتوفي الأيدي وإنتهدت جنائن وحدائق ابوجبيهة الوارفة بسبب الضرائب الباهظة ...
وقفنا مكتوفي الأيدي وضاع منا سوق أبوجبيهة حيث تم توزيعه شرق السوق الكبير لأناس لم نراهم أو نسمع بهم ...
وقفنا مكتوفي الأيدي وضاعت الزراعة بأبوجبيهة خاصة زراعة القطن وتم إغلاق  المحلج وجميع تبعيات المؤسسة الرزاعية وضاعت حتي الجرارات ...أين هي الآن ؟؟
وقفنا مكتوفي الأيدي وها هي الأراضي لا توزع لأبناء البلد بل لوجوه جديده وجوه لا تعرف شئ عن ابوجبيهه الزمن الجميل ...
 آه ... آه ....

                                               وا حسرتي وأسفي الشديد ....
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف الفاتح حسن ابوساره 26th يونيو 2013, 09:30

وقفنا مكتوفي الأيدي وها هي الأراضي لا توزع لأبناء البلد بل لوجوه جديده وجوه لا تعرف شئ عن ابوجبيهه الزمن الجميل
]حليلك يا عثمان ناس ابو جبيهة القدام شبه انقرضوا ولما بتلقاهم الا في المناسبات وكثير منهم تدهورت وتبدلت احوالهم  وظهر قوم واجيال  اخرون هم سكان واهل البلد الان  

ولعلك تكون لاحظت التغيرات الكثيرة التي (طرأت)...... على البلد طبعا نحن المغتربين عندنا وهمة كبيرة بلغة شباب اليومين ديل تلقى الواحد ليه اكثر من عشرين سنه بره الشبكة ويقول ليك تغيرات طارئة..... - طبعا المغتربين ديل بشملوا كل ابناء ابوجبيهة الذين يعيشون خارج ابوجبيهة سواء كانوا في السودان او خارجه وناس الخارج ديل فصتهم بايظة وبالجد ماذكرته يا عثمان وبقية الاخوان شي محزن وبقينا عايشين في غربة حقيقية يعني هنا غربة وهنالك غرباء ومن المواقف الطريفة في احدي اجازاتي علما بأنني اذهب لابوجبيهة سنويا لكن لفترات قصيره لاتتعدى اسبوعين بالرغم من ذلك في احد الزيارات كنت اشتري كروت شحن من دكان واحد واظنه ضابط استخبارات فقد اشترى بيتا
]في حي الانجل وقد رايت علامات الاستفهام في وجهة وهو يراني اتردد على دكانه ولعله كان يتسأل من هذا الشخص الغريب على البلد وماذا يفعل هنا ؟


اما حكاية ابوجبيهة القديمة والاراضي والجناين والمشاريع الزراعية فدي حاجات تجاوزها الزمن واذكر لك مثالا واحدا من حلتنا فبعد ان رحل حي العشر القديم وشتت سكانه القداما ولا اقول الاصليين مابين ابوشملة الامير او الدوشكا حاليا وحلة شيخ هاشم بعد ان خصص الجزء الاكبر من الحي لاقامة مصنع الزيوت واعادة تخطيط المنطقة الإإذا بنا نفاجأ بعد سنوات ان المنطقة قد تم توزيعا من جديد واعطيت لاناس جدد كثير منهم ليسوا من ابوجبيهة اصلا وتجدني اسأل نفسي لماذا ياترى رحل الاولون الذين الذين اسسوا هذا الحي واغلبهم قد رحلوا اليه من موقعهم الاول عند بناء مدرسة البنات كما يحكى لنا اعمامنا وعماتنا الذين ذهبوا جلهم للدار الاخرة ولك ان تعلم اخي عثمان ان الذين يديرون شؤن البلد حاليا في ابوجبيهة اما اناس غرباء عن البلد او اجيال جديدة كانوا اطفالا عندما تركت انت وانا البلد فماذا نقول لعلها سنة الحياة ولايبقى شي على حاله واخشي ان ابوجبيهة والزمن الجميل الذي نتحدث عنه لايوجد الا في منتدانا هذا ؟


عودة لحكاية الاراضي وعوير ود الشاويش طبعا المنطقة الصناعية دي خلاص اتوزعت وموضوعها انتهي ونحن الان عايزين لينا قطعة ارض سكنية اذا كان الغربة خلت لينا باقي عمر عشان كده يا عثمان اقترح نعمل كشف بأسماء ابناء ابوجبيهة العايزين قطع سكنية ونكلف الزعيم غريق ليقوم بمتابعة الامر مع المسؤلين وما اظن الزعيم حيقصر في الموضوع وافتكر طلبنا متواضع جدا وطبعا ما فضلت اماكن قريبةعشان يدونا فيها وماعندنا مانع يدونا في مدخل ابوجبيهة شمال شرق المدرسة الثانوية وياريت تكون القطع متجاورة عشان عسى ولعل نقدر نتونس ونلقى ما يذكرنا بالزمن الجميل اذا كان هناك زمن جاي


الفاتح حسن ابوساره
الفاتح حسن ابوساره
مشرف تاريخ ابوجبيهه
مشرف تاريخ ابوجبيهه


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف عثمان محمد يعقوب شاويش 26th يونيو 2013, 12:05

الفاتح حسن ابوساره كتب:


[rtl]عودة لحكاية الاراضي وعوير ود الشاويش طبعا المنطقة الصناعية دي خلاص اتوزعت وموضوعها انتهي ونحن الان عايزين لينا قطعة ارض سكنية اذا كان الغربة خلت لينا باقي عمر عشان كده يا عثمان اقترح نعمل كشف بأسماء ابناء ابوجبيهة العايزين قطع سكنية ونكلف الزعيم غريق ليقوم بمتابعة الامر مع المسؤلين وما اظن الزعيم حيقصر في الموضوع وافتكر طلبنا متواضع جدا وطبعا ما فضلت اماكن قريبةعشان يدونا فيها وماعندنا مانع يدونا في مدخل ابوجبيهة شمال شرق المدرسة الثانوية وياريت تكون القطع متجاورة عشان عسى ولعل نقدر نتونس ونلقى ما يذكرنا بالزمن الجميل اذا كان هناك زمن جاي[/rtl]





 بطبع طيب وحنين ...ياليت نأخد قطع مجاورة عشاااان نتونس .... ياسلااام عليك يا فاتح  .

صدقني فكرة رائعة جداً وأثني 

                   مح تحياتي ... وننتظر من كل مظلوم أن يسجل ونسلم كشف الأسماء لغريق . وأسأل الله أن لا تكون كحكاية جمعية أبوجبيهة ... مع إحترامي دائماً لك .


عدل سابقا من قبل عثمان محمد يعقوب شاويش في 30th يونيو 2013, 07:57 عدل 1 مرات
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف فيصل خليل حتيلة 26th يونيو 2013, 12:12


نعم بكل طيب قلب نتمنى ان نتجاور للمره التانية و هذه امنية علها تجد الطريق الى اولى الامر منا

يبدو اننا على درجة عالية من السذاجة بمكان

انصفوا الناس يرحمكم الله

فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف محمود منصور محمد علي 26th يونيو 2013, 12:16


انا اعترض على منح عبد المنعم هجو قطعة ارض لانو هاجر من ابوجبيهة قبلنا بكتير
 
والله يا عثمان انت راجل ظريف ودمك خفيف جدا... وين الراجل ده عبد المنعم هجو.. كان زمان معنا في مكة شغال في مستشفى الملك فيصل وكنت دائما بقابلو... بالله عليك تحياتي الحارة له... وخلاص ادوهو قطعة الارض انا ما معترض


تحياتي
محمود منصور محمد علي
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف محمود منصور محمد علي 26th يونيو 2013, 12:39

 اقرا هذا الخبر يا استاذ الفاتح ويا استاذ شاويش وتذكروا ان ما اخذ بالقوة لايسترد الابالقوة

=======================
مواطنون يشتكون والي سنار للرئاسة
 يا أبنــــــــــــــــــــــاء أبوجبيهة : أصحــــــــــــــوا 285

06-26-2013 10:33 AM

اتهم عددٌ كبير من المواطنين والي ولاية سنار أحمد عباس بالسعي للتغول على أراضٍ زراعية تتبع لهم بمساحة «17» ألف فدان بمنطقة الكبرا بمحلية سنار، وفيما وصل وفد يمثل الملاك من الولاية للعاصمة لرفع شكوى ضد الوالي لرئاسة الجمهورية ممثلة في نائب الرئيس د. الحاج آدم ومساعد الرئيس د نافع علي نافع، في غضون ذلك طالبوا حكومة الولاية بفك احتجاز «100» لوري تتبع لهم تمت مصادرتها في وقت سابق.

وابلغ رئيس لجنة ملاك أراضي منطقة الكبرا التوم هجو بخيت «الإنتباهة» أن والي الولاية يتجه لتوزيع «17» ألف فدان تتبع لهم يمتلكون صكوك ملكيتها ويزرعونها منذ «1920» لمجموعة من المستثمرين دون موافقتهم ، وأبان أنهم يمثلون «20» ألف مواطن، وأشار لحدوث احتكاكات بين المواطنين والوالي قبل «10» أيام، وأوضح أنهم جاءوا للخرطوم للدفع بالشكوى، ووصف هجو الأوضاع في المنطقة بالمتوترة، وأكد أنهم سيقومون بأي عمل لإنقاذ أراضيهم.

صحيفة الإنتباهة
محمود منصور محمد علي
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف الفاتح حسن ابوساره 26th يونيو 2013, 13:23

شاويش شكرا على مشاعرك الصادقة واهتمامك بالموضوع ونحن بإنتظار تعليق الزعيم غريق  وكمان راي الاستاز ابوهريرة فيما يتعلق بالاجراءات والتواكيل وخلافة وارجو ان لايظن احد باننا نفكر في انفسنا فقط فنحن مواطنون وهذا بلدنا التي ولدنا وترعرعنا فيها ومن حقنا ان يكون لنا  قطعة سكنية اسوة بالباقين وندعو كل الاخوة خارج ابوجبيهة ان ينضموا الينا وتوجيهنا بالطرق العملية لتقديم الطلبات ومتابعتها . ,يا ابو احمد لم افهم قصدك ارجو التوضيح
استازنا محمود لم تقل رايك هل انت معنا في هذا الموضوع ام لا وبالرغم من انك قد غبت عن الحباك منذ زمن طويل الا ان اننا نطالب بحقك وحق اسرتك في البلد التي احببتها بعدين ناس سنار ديل عندهم اوراق ومستندات تثبت ملكيتهم لتلك الاراض اما نحن اصلا ما عندنا وما ادونا علما بأنني قدمت طلبا من ايام سلمان الصافي وحتى الان لم اسلم علما انني لا املك اي قطعة حكومية بإسمي حتى هذه اللحظة . بالمناسبة هذه الدعوة جادة جدا ونتمى ان نرى تجاوب من الاخوة والمسؤلين
الفاتح حسن ابوساره
الفاتح حسن ابوساره
مشرف تاريخ ابوجبيهه
مشرف تاريخ ابوجبيهه


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف عثمان محمد يعقوب شاويش 27th يونيو 2013, 11:24

الفاتح حسن ابوساره كتب: بالمناسبة هذه الدعوة جادة جدا ونتمى ان نرى تجاوب من الاخوة والمسؤلين


  شكراً أخي الصديق الفاتح .
وننتظر الآن رأي أخونا المحامي أبوهريرة .
ورأي الزعيم غريق ليكون حلقة وصل بين كل مظلوم من أعضاء الداخل أو الخارج ومكتب أراضي ابوجبيهة . 

والتحية الخاصة للعمدة فيصل وود مكة ( المشاغب ) ..... معزتي .
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف عثمان محمد يعقوب شاويش 30th يونيو 2013, 08:04

صدقني هنالك شئ غير طبيعي .
 لقد تغير كل شئ . أصبح جميع الناس مشغولون . . .
لا يعجبهم العجب ... بل يعجبهم الصيام في رجب ، ونشجعهم على ذلك ...
وأعتقد أخي ابو السارة فهمت ما أرمي إليه ...
 لأنهم يرون المستحيل مستحيل ...
وقد تكون نسبة الطموح 1% أو أقل ...
 وتفضل بقبول تحياتي ،،،
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف فيصل خليل حتيلة 30th يونيو 2013, 09:26


 حزنت جدا على ما كتبه الاخ الككبير جاويش

و فعلا يا جماعة الظلم شئ مؤسف فى هذا الزمن الظالم

من جانبى سوف اقوم بالاتصال على ادارة الاراضى بابوجبيهه و معتمد ابوجبيهه و اذا استدعى الامر والى الولاية

نعم مظلومون مظلومون مظلومون

لك الله يا وطنى
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف عثمان محمد يعقوب شاويش 30th يونيو 2013, 09:43

تسلم يا عمده ...لقد شفقيت قليل من الغليل ...   إحترامي ،،،
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف غريق كمبال 30th يونيو 2013, 10:23

يا ابوعلياء

كلنا فى الهوى سوا

بعد ما حلفونا القسم طلعونا ما مستحقين
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف عثمان محمد يعقوب شاويش 30th يونيو 2013, 13:03

تسلم ...يالله يدك على يدنا ونقدم معاً نحن أولاد ابوجبيهة . . . وقد إقترحنا أن نسجل في بريد أبو ساره الخاص وحينما نعمل مجموعة نقدم أعضاء الخارج والداخل .  . . ولا بد من رأي أبو هريرة .... مع تحياتي ،،،
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف عثمان محمد يعقوب شاويش 30th يونيو 2013, 13:04

كل من يري أنه متحمس للفكرة ينضم إلينا .. . وياليت نعرف تلفون مدير أراضي ابوجبيهه  أولاً ...        مع الإحترام ...
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف غريق كمبال 30th يونيو 2013, 14:20

شاويش
ابوساره
فيصل

تحياتى

لم اطلع على البوست بشكل جيد ولن ارى مقترح الاخ الفاتح

انا باذن الله بكون كل شهر رمضان صايم فى الحباك

ولى علاقه كويسه مع ناس الاراضى
كده رسلو لى الكشف

ونشوف الدباره كيف


كسره

فى الخطه الاسكانيه ادومى قطعه لعد سلت روح فى مربع 10

قلت ليهم الواحد لو مات ليهو زول اقرب مقابر وين ؟

قالو لى حلة بابا
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف الفاتح حسن ابوساره 30th يونيو 2013, 14:23

الغالي ابو علياء اتصلت بأبي جبيهة قبل قليل وعلمت ان مدير الاراضي القديم نقل والمدير الجديد الان في كادقلي وسيصل ابوجبيهة خلال ايام وان شاء الله سوف اتحصل على هاتفه
وشكرا على اهتمامك بالموضوع
الفاتح حسن ابوساره
الفاتح حسن ابوساره
مشرف تاريخ ابوجبيهه
مشرف تاريخ ابوجبيهه


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف الفاتح حسن ابوساره 30th يونيو 2013, 14:26

مشكور يا زعيم وده عشمنا فيك وان شاء الله سوف نوافيك بالاسماء وربنا يوفق
الفاتح حسن ابوساره
الفاتح حسن ابوساره
مشرف تاريخ ابوجبيهه
مشرف تاريخ ابوجبيهه


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف عثمان محمد يعقوب شاويش 1st يوليو 2013, 07:55

أخي الإنسان الفاتح . . . مشكور على التواصل وخاصة مهاتفتك الجميلة الرائعة ، ونسأل الله أن يوفقنا .... وتشكر على مجهودك وإتصالك الحباااك ... 

 الزعيم والحبيب غريق ... لقد أضحكتني بأقرب مقابر ...  وين حلة بابا   دي ؟؟؟ 

 نتمني لك رمضان ممتع . . . وإنت صايم أركب لينا ماشاء الله تبارك الله  سيارتك الفارهه  وسك لينا موضوع الأراضي .... وياليت لو كلنا بالمنتدي أدونا في منطقة واحده ... ولا تنسوا تسجيل الغالي ياسر وأبو نوال .... وكل من له الرغبة ........... إحترامي ،،
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف محمود منصور محمد علي 4th يوليو 2013, 21:50


ياجماعة حلة بابا دي ادوني فيها انا قطعة ارض...ا
لمهم تكون بعيدة من  مونج ومن ابوهريرة... وتكون ناصية.. عشان الواحد يعمل ليهو كنتين فيها ويستقر....
 
ياغريق سجل اسمي معاك وانا عندي حق في امتلاك قطعة ارض اكتر من شاويش لانو عندو قطعتين في امدرمان وفيصل ثلاثة قطع في سوبا وابوهريرة عندو مخطط كامل في كاودا وابو السارة اخد الجنسية القطرية يعني مايعمل لينا زحمة ساي في السودان...
 
تحياتي
 
محمود منصور محمد علي
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف عثمان محمد يعقوب شاويش 7th يوليو 2013, 07:54

محمود منصور محمد علي كتب:

 
ياغريق سجل اسمي معاك وانا عندي حق في امتلاك قطعة ارض اكتر من شاويش لانو عندو قطعتين في امدرمان وفيصل ثلاثة قطع في سوبا وابوهريرة عندو مخطط كامل في كاودا وابو السارة اخد الجنسية القطرية يعني مايعمل لينا زحمة ساي في السودان...
 
تحياتي
 

 هههههههههههههههههههههههههههههههههههههههههههههههههههه   مداخلتك بالجد رائعة ... تسلم أخي محمود .
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف فيصل خليل حتيلة 14th يوليو 2013, 10:47


 الكلاوم حلو و الفكرة احلى و لكن

الموضوع معقد يا جاويش و علينا ان نبحث فى منطقه تانية و لكم و لنا الله

وصلت أمس من ابوجبيهه و لن اتفائل مطلقا

تحاي و أسف للخبر الشين
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف عثمان محمد يعقوب شاويش 14th يوليو 2013, 10:58

حمدا لله يا عمده على سلامة وصولك . وكل عام وأنت بألف خير . 

 ما معناه أن الطريق وعر ومظلم !!!؟؟؟

 لا بد من التفكير وبهدوء .         وتفضل بقبول تحياتي ،،،
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد يا ابنا ابوجبيهه اصحو

مُساهمة من طرف shazli 14th يوليو 2013, 15:48

كدي هاكم دي كنت في اجازه سنويه ببلدي ابوجبيههاعشق فريق الشعلهلانو امتداد لفريق الاميرسمي علي عمنا الامير التعايشي كان في اداره هذا الفريق درجي وابراهيم البطريالموضوع وانا استمتع بالاجازه اتصلو بي فريق الشعله العب معاهم مباره غدا ضد فريق المهم لعبت الماتش وكنت مفتاح النصر لفريق الشعله هتافات مشجعي الفريق الاخر كانت ضدي المرتزقه المرتزقهكان عبد القادر ادم طرميشجعنا وكان غاضب من هتافات الجماعه وشاكلم تاني يوم الصباح بنقعد مع عادل الزين عبد السلام في دكانو جو جماعه قالو لعادل  انت الزول ده من وين امس تسبب في هزيمه فريقنا

 تقدمت بطلب لقطعه ارض في ابوجبيههفي اطار الخطه الاسكانيهوانا ذاهب من مكتب لمكتب تلفظ معي    احد ياخي انتو الاستاد الخلي ليكم خالد حنجاف ماكفاكمطيب ربنا يرحم  الوالد خالد حنجافطيب تعال وزع البيت ده خطه اسكانيه لاولاد خالد وبنات خالد يا الفاتح محمد توم وشاويش واخرين اخر خطه اسكانيه اتوزعت في ابوجبيهه شمال المدرسه الثانويه ىا الفاتح لا ما في تراب فاضي اخر خطه الحجله البلد قفلت طبعا ابوجبيهه للاسف الشديد طوليه

shazli
نشط مميز
نشط مميز


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف محمود منصور محمد علي 14th يوليو 2013, 16:56

يعني يا استاذ شاذلي مانطمع ولا نحلم في قطعة ارض في ابجبيهة؟؟؟؟

تحياتي

محمود منصور محمد علي
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد يا ابنا ابوجبيهه فتحو عينكم

مُساهمة من طرف shazli 14th يوليو 2013, 21:18

لايوجد ولاشبر تراب فاضي في ابوجبيهه طبعا ياجماعه حصل نزوح سكاني من الليري شرق والليري غرب وكالوقي وتلودي وام دحيليب كلها وامبرامبيطه بسبب الحرب وكان لابد من ايواء هولاء بالاضافه لنزوح عدد مقدر من المسلميه من ولايه النيل الابيض تجار واستقرو باسرهم ..الان اخر خطه سكنيه شمال ابوجبيهه وصلت الحجله ياالفاتح محمد توم تقول لي شمال المدرسه الثانويه لو عايزيين جنوب ابوجبيهه بعد جبل العمده مناطق زراعيه بتاعت كنانه  الخطوات كالاتي يتم تغير غرض من زراعي لسكني بعد موافقه الاهالي الملاك والعمده الحاج حسين يافيصل خليل بعد التعويض المجزي يا شاويش ومحمود اما شرق ابوجبيهه بعد خور الضكير القردود ودي عايزه  كبري  يا اسامه عبدالله غرب طبعا الحمد لله البطحه هذا هو الحال يامحمودفي ابوجبيهه هناك سته احيا ء في ابوجبيهه اتحداكم تقولو بنعرف فيها زول عشان كده انا غيرت في عنوان البوست فتحو عينكم
ارجو الا اكون احبطكم انا ذاتي رايح لي الدرب في الالمي كما يحلو للحبيب الصادق المهدي ولاماكي ياجابر

shazli
نشط مميز
نشط مميز


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف محمود منصور محمد علي 14th يوليو 2013, 21:40

مشكور استاذ شاذلي على الافادة الصريحة وانصح الاخوان شاويش والفاتح ابوالسارة وفيصل ان يصلحوا العلاقات مع ود عشمان عشان يشوف لينا في امبرمبيطة جارة الوادي ...خلينا ابوجبيهة خلاص
محمود منصور محمد علي
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد يا ابنا ابوجبيهه فتحو عينكم

مُساهمة من طرف shazli 14th يوليو 2013, 21:46

ان كان لابد من ابوجبيهه وان طال السفر اتكوننو وامشو للحاج حسينالعمده يديكم في الجبل قبال ما ينط فيالعمود ي راضي

shazli
نشط مميز
نشط مميز


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف الفاتح محمد التوم 15th يوليو 2013, 05:22

أها يا شاويش .... شــاذلي  في ابجبيهه لاتعرفه إلاّ حيط المنازل العتيقة وبرندات ودكاكين السوق القديم  وربما مئذنة المسجد  .. تخيل الناس مابتعرف حتى الشبه !!! سبحان الله يفتقدون الإحساس بترجمة تعابير ومشاعر القادم للحباك  وهي ترسم في وجهه رضا وثقة وبهجة لا تنبع إلاّ  من انتماء حقيقي عميق لتلك الأرض البكر ......  هذا الاحساس كان عندنا كتيير يعترينا يا عثمان شاويش حتى مع الذين يعبرون ابوجبيهه  الى مدن الشرقية الأخرى ... كنا غالبا نفكر بصوت مسموع  ( الشكل ده ماغريب علي بس ده منو بالضبط  ياربي ؟؟؟؟)
وبعد هذا الأسف الأسيف....  قالوا تاني مافي واطة بتنسكن قريب ..... 
المهم  يالفاتح ابوالسارة  قالوا  " اللي نسى قديمو  تـــاه "  أنا ناوي أسوي لي كركور ...كركورين في جبل المحلج ....... والعايز يجاورني يتقدم بطلب عاجل الى فيصل خليل لأنو المساحة محدودة....  ولربما  يتآكل  الجبــــل من أطرافه
اووووووف  قمة الإحبـــاط 

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

 يا أبنــــــــــــــــــــــاء أبوجبيهة : أصحــــــــــــــوا Empty رد: يا أبنــــــــــــــــــــــاء أبوجبيهة : أصحــــــــــــــوا

مُساهمة من طرف عثمان محمد يعقوب شاويش 15th يوليو 2013, 10:35

منتهي الإحباط . . . شاذلي ... محمود ... الفاتح . لكم التحية على المرور . والله بالجد الواحد أصبح مستاء . . .  اصحاب الرأي دلونا كيف نتصرف . . . 

 وأعتقد توافقوني الرأي على أن أرفع دعوي لأرض عوير ود الشاويش ....              ولكم تحياتي ،،،
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى