ابوجبيهه

غادرنا اليوم في إجازته السنوية متوجهاً لأبجبيهي ..

استعرض الموضوع السابق استعرض الموضوع التالي اذهب الى الأسفل

غادرنا اليوم في إجازته السنوية متوجهاً لأبجبيهي ..

مُساهمة من طرف عثمان محمد يعقوب شاويش في 15th سبتمبر 2013, 15:15


لم أنم منذ الأمس وحتي الآن الساعة3م بالضبط ..
لقد داومت أمس السبت في يوم إجازتي منذ الساعة 9ص ..وكان سفر أخي عوض للسودان مساء السبت وصباح الأحد ...إمتد الدوام حتي الساعة 10 مساءاً ...وإتفاقي مع أخي عوض أن أكون مع أسرته الطيبة إلى حين عودته ، وذهبت معه المطار وعدت الساعة 4ص .....وبعد الفجر المدارس والدوام ع طول ....
وقد ودعت أخي الغالي عوض ...و دخل بعد السير ملوحاً بيده ...أي مع السلامة ...
سفراً سعيداً وأنت تخص هذه الإجازة بالسلام على والدي العزيز ...
أسأل الله أن تجد كل الأهل في أحسن حال وأتم صحة وعافية ...
أعزائي أسرة المنتدي ... أخبرني عوض أن أبلغكم تحياته الحارة ...وقلت له أهم شئ الصور الطبيعية ...ولو بجوالك ..... سفراً سعيداً وعوداً حميداً ....والبوم بإذن الله السرير جااااك زول ..... معزتي ،،،
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف أزهرى الحاج البشير في 15th سبتمبر 2013, 16:24

يا أخي الله يحفظ ليك عوض ويكرمه بمحبتك له يا شيخ عثمان .. والله تأسرني جدا محبتك لعوض الله وأخوانك وهم أهل والله لتك المحبة .. ادام الله المحبة بينكم وحفظكم لبعض .. ولاغرو فإن وراء هذه المحبة كانت هناك أمنا الرائعة ست النفر وخالاتنا الماجدات في تلك الدار العامرة في ذاك البلد الجميل في ذلك الزمن العفي الطيوب..
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف أزهرى الحاج البشير في 15th سبتمبر 2013, 16:32

والله يا شايب دخلت في حالة وسرحت في بيتكم مع الخالة فضيلة والخالة زهرة وأمنا فاطمة ومحمد هجو وبتول وعبدالمنعم وأبوك والشاويش وسعدالدين وعمنا مصطفى وعمنا عثمان أب ظروف والجيلي والمهدي سليمان وسليمان الجاك وبشير وكوانينه   و و و و وحتى والله حمار عبدالرازق أخوي الذي قضى نحبه فى تلك الليلة المشهودة وكيفية التخلص منه وشهامة ناس مكتب الصحة وعمك بابكر سواق التركتور ونسيت أقول لعوض رافقتك السلامة. إجازة سعيدة سيد عوض .
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف عثمان محمد يعقوب شاويش في 15th سبتمبر 2013, 16:49

أبو الزهور .... لا تعليق ... أخوة خالصة ...محنة ...مودة ...الحالة واحدة الناس أهل النفوس طيبة ... إتصالك الرائع أثلج صدري ... وعرفت لا زالت الدنيا بخير بحضوركم بتواجدكم بشعوركم الأخوي النبيل ... ولا يسعني إلا أن أقول لك متعك الله بالصحة والعافية يا أبو نوال ...

مع تحياتي الحارة لكل أسرة المنتدي ..... ولسه ما نمت الساعة الآن 4:45م ولازلت بالمكتب .... إحتراماتي
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف خدورة أم بشق في 15th سبتمبر 2013, 17:05

وأضيف لها خالتنا حبيبة أم المهدي والجيلي سليمان  وأخونا الكبير سليمان الجاك.. والحاجة زهرة قريبينة  دنيا بحالها مع حبوبتنا مدينة إبراهيم عرمان والحاجة مريم العقيدة حيث كان معظم من تزوجوا في تلك الفترة كن من يربطن الحريرة وينثرن الضريرة على أيدي ورؤوس العرسان !! وهذا تاريخ أصبح يعرفه القليل من ناس أبوجبيهة.

خدورة أم بشق
مشرف منتدى الشعر
مشرف منتدى الشعر


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف Ahmed kuku Ahmed في 15th سبتمبر 2013, 17:50

نتمنى للاخ عوض اجازة سعيدة وسط الاهل والاحباب وعودا حميدا لاسرته الصغيرة , و
للعجوز ربنا يعينك على زحمة الرياض وضجيجها .
avatar
Ahmed kuku Ahmed
نشط مميز
نشط مميز


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف الفاتح محمد التوم في 15th سبتمبر 2013, 17:58

نقول للأخ عوض الله ربنا يوصلك بالسلامة نتمنى لك اجازة ممتعة وسط الأهل و الحبان.....
نعم يا استاذ عثمان ...المودة الصادقة بين الأخوان  في البيت الواحد تمتد  إلى الحي الواحد إلى  البلد الواحد.... وكثيرا يتمدد هذا الود الأخوي العفوي ليشمل  كل المدن على نفس الخط " خط الباص أو اللواري" ...وتحياتي لك عزيزي واخي أحمد كوكو في "جارة الوادي"
صدقت شيخنا أزهري واستاذي فضل .. جداتنا  الماجدات في تلك الدور العامرة في ذاك البلد الجميل في ذلك الزمن العفي الطيوب... ( يابت جيبي جرتق من حبوبتك فلانة و الهلال من حبوبتك فلانة ... ووووو
أيا ذاك الزمان  هل من جيـــه !!!!
لو جيت???
ولو
ألله لو جيت
بعدين معاك لو جيت !!!!!


الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف عوض السيد ابراهيم في 16th سبتمبر 2013, 09:28

ابوعلياء رجل قلبه ملئ بالحنيه لدرجه والله تجعلنى اخاف عليه.
عوض الله زميلى ومن جيلى وهو جد يستاهل هذا الكم الهائل من الحب الذى اكرمه به شقيقه ابوعفان بصراحه هذه الاسره تستحق من الاحترام.
يا بختكم يا علياء عصماء على حنية ابوكم...... ربنا يحفظك ليهم ايها المجنون بالعاطفه والاحساس المرهف
avatar
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف عثمان محمد يعقوب شاويش في 16th سبتمبر 2013, 16:51

كلام الزمن الجميل ... أخي ابو الزهور زكرني الأخ بشير الحاج  أحمد ... شقيق أم زوجتي بتول الحاج أحمد ... وكان ماهراً في صناعة الكوانين ...وقد تعلمنا منه هذه الصنعة الرائعة ...كانون خاماته الصفيح والباال من المحلج .... تعلمنا كانون بصفيحة  واحدة وكانون بصفيحتين ... وحتي الآن لم أنسي هذه الصناعة اليدوية الرائعة .....
ولكن كان هنالك شئ ... كانت لنا بالحوش الكبير تسعة أسرة ....في الإجازات خاصة كنا نجمع الفطور من بيوت الحوش ... كم كبير من الصواني ...وكان بشير الحاج يختار أجمل وأحلي فطور .... وعلى طول يروح باصق في الأكل ... وسرعان ما نتركه له لوحده ...وهو يضحك مبسوط وبأكل بتلذذ ... ولم ولن أنسي هذه الدعابة غير اللائقة ....

زهرة قريبينة ... يا سلااام عليك يا أبو سماااااح وأنت لازلت تحفظ هذا الإسم . . . وهذا يدل على أن الحالة كانت واحده وأن النفوس طيبة وهذا أيضاً ما يؤكد الحميمية بين الناس وتداخل الأسر وبعفويتها وسماحتها  ... وتعجبت أنك لازلت تزكر والدتنا حبيبة أم المهدي والجيلي ...وهي لا زالت بالترتر ... بس بالجد نسيت الحاجات مدينة ومريم ...نسأل الله لهما المغفرة والرحمة ... تعرف يا أبو سماح لقد عشت كثيراً مع هذين السطرين .... الله يحفظك .

هاي ول كوكو ... فعلاً الرياض زحمة وفعلاً أنا عجوز بس أنتظرني لما ألاقيك ...!!! تسلم أخي أبوحميد ... بس لازم تحضر وتتغدي أو تتعشي معي عند أولاد عوض أتوقعك يا عزابي ....
توحة الحنين والتراث ... يعجبني دائماً تشكيلك للألوان وبهذا الذوق واللمسات الجمالية ...تعرف دا يا توحة يدل على سعة صدرك وسماحة نفسك . وشكراً لك دائماً أيها المبدع الذكي ...وما شاء الله تبارك الله ...

أبو الخليل يعني لازم تبكونا ؟؟؟ والله حينما قرأت أعمدت التداخل من أبو نوال مرورا بكل المتداخلين وحتي بوستك ...لم أستطيع التغلب على دموعي وتعرفها قريبة جداً .... وشكراً لكم أيها الأحباب ...
وطبعاً عوض وصل الخرطوم ...وسوف يسافر الحباك غداً بإذن الله ....

حينما كنت عزابي بالعليا بعد صلاة الفجر ... بنام من الساعة 4:30ص  وحتي الساعة 6:30 ص ومن ثم أجهز نفسي للدوام ...ولكن تغير الجدول مع الأسرة بعد الفجر :4:30 نوم حبة ممكن نصف ساعة والتجهيز وأخذ أبناء أخي للمدارس ...حياة الأسرة بالغربة دنيا بحالها وكامل المسئولية ...ولكن بالجد الأكل مرتب وكل شئ منظم  بعكس حياة العزوبية ..... تحياتي ،،،
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف أزهرى الحاج البشير في 16th سبتمبر 2013, 22:00

يا عثمان لم أنسى أى شخص في هذا البيت من حبوبتنا العازه وزواج بتول من صالح محمد احمد القواس ما زال ماثلا أمامي وعمما المكي والأمين شيت وكثير وكثير لكن المساحة لا تسمح .. حتى كلاب تلك الدار اذكرها.    هل تذكر الفوت نقاص
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف خدورة أم بشق في 17th سبتمبر 2013, 07:07

وأحمد الحاج الوقع في الحفرة وعبدالباقي الحاج أحمد وهو الآن بقرية أورو بالقرب من البتيرة وبالمناسبة عبدالباقي الحاج أحمد كان أول الدفعة التي قدمت لأبوجبيهة الأميرية عام 1961 أي أول دفعة ناس محمد أبوزلازل وكان أول اللجنة لكل مدارس المنطقة الشرقية من طنقرو (الليري) حتى أم فكارين ولكنه لم يواصل تعليمه حيث كان مشروع لدكتور أو مهندس عظيم .. ومن عام 1961 لم أره إلا بعد وفاة هيثم هاشم عثمان بثلاثة أيام حيث كنت أستقل عربة صغيرة مع صديق العمر كباشي النور بعد صلاة الفجر مباشرة تجاه الخرطوم وأشرقت لنا الشمس في البتيرة وكان السوق يا دوب فاتح ورأيت شخصاً يشابه زميل لنا فارقناه عام 1962 ولم نره ثانية فقلت لكباشي الزول دا دفع الله الطريفي وفعلاً حينما اقتربنا منه كان هو دفع الله الطريفي نفسه ولم يستطع التعرف علينا وأصر علينا أن نشرب معه شاي الصباح وقد كان بعد ونسة ذكريات حميمة ... ثم تقدمنا وكل الجبال بتاعت أوري من حولنا حمراء من الشطة المشرورة وما زال قش الخريف عالياً وفجأة وفي داخل القش رأيت شخصاً فقط من صفحة خده الأيمن ولم أر وجهه تماماً فقلت لكباشي خلينا نكسر على القش والله الزول دا عبدالباقي الحاج أحمد أول دفعة ناس محمد أبوزلازل فلما ناديته باسمه قال مرحب وأصر علينا بالنزول وألحقنا بكورة آبري ابيض ضخمة ... وكنت مسرورا ذلك اليوم بأنني قابلت شخصين ما غابا عن ذاكرتي لمدة تقرب ال 44 عاماً وبقدر ماكنت متألماً أن عبدالباقي الحاج أحمد لم يواصل تعليمه وهو شاذ في ذكائه.


عدل سابقا من قبل خدورة أم بشق في 17th سبتمبر 2013, 11:19 عدل 2 مرات

خدورة أم بشق
مشرف منتدى الشعر
مشرف منتدى الشعر


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف عثمان محمد يعقوب شاويش في 17th سبتمبر 2013, 08:28

أبو الزهور ماشاء الله ... لا زلت تتزكر كلبتنا الفوت نقاص ....ههههههههههههه وطبعاً بتول هجو الآن بالحوش ( حوش مدني ) وانجبت التومات صفاء ومروة . ومي . والآن مي أصبحت دكتورة وموجودة بالسعودية مع زوجها ... وحبوبة العازة ...طبعاً هي تعيشية من تعابشة أم درمان وقد ضيعنا أهلها بالملازمين لا نعرف أين هم الآن ولكن موجودين بالملازمين بأم درمان ممكن بعض الخيوط لدي الريح سليمان الجاك شقيق الهادي سليمان أبو طويلة ... وطبعاً هي أول قابلة (داية ) قانونية بأبوجبيهة وقد وقع عليها الإختيار من الإنجليز ...وتم تدريبها بدايات أم درمان ...وقد تطول القصة ....
وهل تصدق أنا نسيت الأمين شيت !!!؟؟؟ قدر ما حاولت لم أتزكره ...وما شاء الله عليك يا أبو نوال ... تسلم .
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف عثمان محمد يعقوب شاويش في 17th سبتمبر 2013, 08:39

أبو سمااااح عليك غرامة ..... وهي لازم تكتب لنا قصيدة بعنوان : ابوجبيهة والزمن الجميل .....
وسبب الغرامة أنك تحتفظ بهذا المخزون الهائل من المعلومات وسااااكت !!!؟؟
زوجتي قالت لي خالي عبدالباقي تاجر بأورو ... وقالت لي حينما تعطلت عربتنا وعرف أني بالعربية العطلانة أرسل لنا التراكتور وأوصلنا حتي أورو وتمت إستضافتنا مع جميع ركاب العربة والضبافة كانت بصور رائعة ... لم أكن أعرف معلومة أنه كان بهذا الذكاء ... وتعرف حينما يقابل الشخص زميل دراسته بعد طول غياب بل غياب السنين ويعرفه تكون أعجوبة وفرحة لا تدانيها نشوة ... وماشاء الله دفعتكم كانت صفوة الذكاء وبما فيهم كباشي النور أبو طويلة ... الله يحفظه ويبارك في عمره ... تسلم .......
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف عثمان محمد يعقوب شاويش في 17th سبتمبر 2013, 08:45

جامع أبوجبيهة الكبير .... ربما عوض الله سوف يقابل لجنة الجامع ويسلمهم مبالغ عينية .... وربنا يحفظ جميع أسرة المنتدي ... ومزيداً من التقدم ... تحياتي ،،،




حاشيــــــة :

وسوف يتوجه صباح اليوم من ربك نحو الحباك .
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف محمود منصور محمد علي في 17th سبتمبر 2013, 19:17

شاويش اخوان

تصحبك السلامة استاذ عوض واجازة سعيدة بعون الله وما تنسانا من الدليب والهالوك وعندي امانة عند ابوهريرة اسمها والف والف تجيبا معاك وتسلمني ليها يدا بيد وما تسمع كلام مونج يحرشك عليها...

تحياتي لاخونا الكبير شاويش والدكتور سعد الدين واحمد عثمان وعبدالمنعم هجو وكل الاهل

بالسلامة
09.17.2013


<br>
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف عثمان محمد يعقوب شاويش في 18th سبتمبر 2013, 07:25

تشكر ود مكة ...

بصراحة بتعجبني إجتماعياتك وحضورك ....

وتعرف الفاتح أبوسارة زاغ مني .... وصل الرياض . ويتصل تلفون ويقول لي أنا خارج من الرياض . والله بالجد زعلت . وقال إيــــــــــــــه! مرهق ومساهر !!! بالله تخيل .كان ممكن يريح معانا وبعدها يسافر . والحج لسه باقي عليهو أيام كثيرة ولا مو هيك ؟؟
المهم صدقني أبو سارة إنسان في غاية الإمتياز فضلاً تواصل معه . ومعه أسرته .
وهو كان راجل خليهو يجليني في الرجعة !!!؟؟

أخي محمود إنت بتغيير تلفوناتك طوالي !!! ممكن توريني السبب شنو ؟؟؟

وتحياتي لأسرتك الكريمة ...                   عصــــــــــــمان ....
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف أزهرى الحاج البشير في 18th سبتمبر 2013, 07:30

أرجوا أن تجدوا العذر للأخ أبو سارة فزمنه محدود جدا ولديه مهمة ثانية هي أخذ البنت للبحرين وتسجيلها بالجامعة والعودة مرة ثانية للسعودية عبر المنطقة الشرقية ودي عاوزه ليها تأشيرة ثانية ثم التوجه لقطر للحاق بعمله .. تحياتي للجميع .
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف عثمان محمد يعقوب شاويش في 18th سبتمبر 2013, 07:47

تشكر أبو نوال على الإيضاحات . . . تعرف يا أبوالزهور نحنا ناس الداخل ديل مقصرين معاهم شديد . بكرمونا ونحن ما قاعدين نقدم ليهم أي شئ ؟؟؟

وأحياناً أفكر كيف يجمعون فلوس الإحتفاء بالمغتربين ؟؟؟

وصدقني نحنا أبسط الأشياء ما قاعدين نقدمها لهم .

فضلاً فكروا لنا في طريقة نشاطرهم بها ودون أن نحرجهم .

* وصدقني هذا المنتدي زاد من حميمية أبناء ابوجبيهة ...وأم برمبيطة وكالوقي والسهل وجميع شباب المنطقة .

نسأل الله أن تتوج أخوتنا دائماً بالتواصل وتتبع أخبار بعض .وتفقد بعض ... إحترامي ،،،

avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف أزهرى الحاج البشير في 18th سبتمبر 2013, 07:55

لفتة كريمة منك أيها الكريم وستوضع موضع التنفيذ إن شاء الله قريبا وقريبا جدا ..
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف خدورة أم بشق في 18th سبتمبر 2013, 11:13

والله إن الخجل تملكني .. يكفي فقط إيجار المكان الذي تقام فيه كل الاحتفالات بالمغتربين... وفكرة الدار أو النادي أقل شيئ نعمله مهما كلف ذلك من جهد ومال.

خدورة أم بشق
مشرف منتدى الشعر
مشرف منتدى الشعر


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف عثمان محمد يعقوب شاويش في 19th سبتمبر 2013, 07:44

طيب الرأي شنو ؟؟؟

المهم أن نفكر وننفذ .
لأن ناس الداخل يكرمون الناس جميعاً ودون تحيز ... إلا إذا كلن ليس لديهم خبر بإجازة عضو المنتدي ... أحياناً قد يسافر بعضنا وبدون وداع حتي وربما للمشغوليات أو النسيان .... المهم كيف نتصرف ؟؟؟!!
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف فيصل خليل حتيلة في 19th سبتمبر 2013, 10:47


عمو عصمان يا شايب البوست لوداع حبيبنا عوض الله نرجو له اجازة ممتعة و نعتب عليه عدم الاتصال

يا عصمان

انت رجل اصيل يا عمو و يكفى ما يتحمله المغتربين من التزامات تجاه اسرنا فى السودان فأنتم تضحون لتستمر الحياة

فى السودان و الله ما يجيب يوم شكركم

فلكم جميعا الشكر و الامتنان و نحن نحبكم جميعا

تحايا خالصة



بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: غادرنا اليوم في إجازته السنوية متوجهاً لأبجبيهي ..

مُساهمة من طرف عثمان محمد يعقوب شاويش في 19th سبتمبر 2013, 12:20

تسلم ياعمدة ... بصراحة إنتوا بتخجلونا بهذا الكرم الفياض ...

وربنا يقدرنا على إسداء الجميل لكم ...

وتتفضلوا بقبول معزتي ،،،
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى