ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

إرفع ...إرفع ..... نحنا ندفع .... المكتولة ما بتسمع

3 مشترك

اذهب الى الأسفل

إرفع ...إرفع ..... نحنا ندفع .... المكتولة ما بتسمع Empty إرفع ...إرفع ..... نحنا ندفع .... المكتولة ما بتسمع

مُساهمة من طرف خدورة أم بشق 16th سبتمبر 2013, 10:25

شعر : أبوتمام نقلاً عن الراكوبة
إرفع .. ارفع
إنت حاكمنا المدلّع ..
ما يهمك لو حريق السعر في أكبادنا ولّع ..
ارفع .. ارفع
يمكن البتسوي ينفع ..
أو يحرك ذرة فينا من المشاعر ..
أو يخلي الشعب يطلع ، ،
أو يؤذن في المقابر ..
أو يحرك شعرة في الممكون وصابر ، ،
إرفع .. ارفع
لما " ميتين زيتنا يطلع "
لما تاني نخيّط اللّبس المرقّع
لما عين الشعب .. دم .. تنزف وتدمع
لما تهدم فوقنا جدران بيتنا والباب المخلع
نحنا في عهدك شحدنا فتافت الفول والمشمّع
نحنا في عهدك شربنا الذل..
لما ابليسنا كرّع ..
ارفع .. ارفع
يمكن المكتولة تسمع
انت حبك في قلوب الشعب .. اتحكّر .. تربع !!
نحنا نتسوّل حا ندفع ..
نحنا نتبهدل .. حندفع
نحنا نتوسل .. بندفع
لوصرخنا .. وقلنا وين يا رب نقبّل ؟
برضو ندفع
لو صبرنا وقلنا باكر ..
قلتو هسع ..
نحنا لسه أولادنا شُفّع
نحنا لسه ورانا رُضّع ..
ونحنا ندفع وانت ياريّس تمتّع ..
.......
ونحنا يوم الحظ تقسّم ..
ونحنا يوم الحق توزع ..
كنت إنت نصيبنا من دون الخلايق ..
جيتنا ولّعت البلد شرقا وغربا .. بالحرايق ..
جيتنا حوّلت البلد .. منكوب وضايق ..
جيتنا يا سجم الرماد .. ممحوق وحايق !!
كل زول ياخد مصيبتو
قسم الأرزاق ... ووزّع ..
أنت تأمر ونحنا ندفع ..
نحنا نطرح .. نحنا نطرح ..
نحنا نطرح ..
وانت تجمع ..
حتى من جيب المقطّع ..
.......
ارفع ارفع .. وخلّنا نسميك رافع
للضرايب
لي عدد ، عدد المصايب
في بلد أصبح موزّع..
فيهو رمز الشر " نافع "
يا بلد منهوكة لامن صوتا رايح ..
ينخفض صوت الحقيقة
ويرتفع صوت المدايح ..
وفيها ترتفع الأراضي
وفيها ترتفع المقاضي
ويرتفع صوت المدافع ..!!
ونحنا حا نكورك .. نكورك
يمكن المكتولة تسمع ..
ارفع .. ارفع
.........................
أخبار طرحة أميرة شنو ؟؟؟؟؟؟؟؟؟
يا أميرة ..
في بلد ميّت ضميرا
في بلد موهوم وزيرا
يا بلد مهزوم " فريقا "
ويا بلد مطلوب " مشيرا "
وترفع البنزين عشان ما
تدعم المسحوق فقيرا !!!

خدورة أم بشق
مشرف منتدى الشعر
مشرف منتدى الشعر


الرجوع الى أعلى الصفحة اذهب الى الأسفل

إرفع ...إرفع ..... نحنا ندفع .... المكتولة ما بتسمع Empty رد: إرفع ...إرفع ..... نحنا ندفع .... المكتولة ما بتسمع

مُساهمة من طرف فيصل خليل حتيلة 16th سبتمبر 2013, 14:58



زمنك كلو تاكل باردة ماضق شر
زمنك كلو نحن نعوم وانت تغنى ماسك البر
وزمنك كلو فوق الفارغة فوق ريح المدن منجر

الخير إن مرق من دارنا لا انحسيت ولا نحاس القبيلة نقر
ولينا سنين خلانا سموم وما شربت حفايرو مطر
منيحه الشافع الاماتو راحن فى شموس الحر
صقور الباشا نهشن من ضروعا وفوقنا طارن فر
كلاب الباشا فطرن فيها وما لقن البيقول لها جر
والباشا الغشيم فى ذاتو قعقع ومن كبادا فطر
لا ولدن يقولو انتر ولا مهيرتن تقولو فشر
ويا الباشا الغشيم قول لى جدادك كر

ودبادى

شكرا يا اسناذ


فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

إرفع ...إرفع ..... نحنا ندفع .... المكتولة ما بتسمع Empty رد: إرفع ...إرفع ..... نحنا ندفع .... المكتولة ما بتسمع

مُساهمة من طرف خدورة أم بشق 16th سبتمبر 2013, 15:35

(ميتين زيتنا يطلع) بيني بينك يا فيصل الزول دا قاصد دينا بدل زيتنا

خدورة أم بشق
مشرف منتدى الشعر
مشرف منتدى الشعر


الرجوع الى أعلى الصفحة اذهب الى الأسفل

إرفع ...إرفع ..... نحنا ندفع .... المكتولة ما بتسمع Empty رد: إرفع ...إرفع ..... نحنا ندفع .... المكتولة ما بتسمع

مُساهمة من طرف فيصل خليل حتيلة 16th سبتمبر 2013, 15:52

و على نفس النسق يا استاذ فضل شوف ازهرى محمد على كمان

****

دقينا قى نعشك آخر إسفين
وبعناك رخيص للتاجروا فيك بالدين
من تسعة وستين
لتسعة وتمانين
لتسعة وميتين
يوم كنا نيام ولصوص الليل صاحين
واسوق والساقية تسوق باسم التمكين
نتباكى طوايف وأحزاب
ونعاين فيك وساكتين
إيدك فى النار
وتبشر تحت السكين


هههههههههههههههههههههههها من تسعة و ستين لتسعة و تمانين لتسعة و ميتين؟؟؟

ياها زاتا يا فضل
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

إرفع ...إرفع ..... نحنا ندفع .... المكتولة ما بتسمع Empty رد: إرفع ...إرفع ..... نحنا ندفع .... المكتولة ما بتسمع

مُساهمة من طرف الفاتح محمد التوم 16th سبتمبر 2013, 17:21

كل زول ياخد مصيبتو
قسم الأرزاق ... ووزّع ..
أنت تأمر ونحنا ندفع ..
نحنا نطرح .. نحنا نطرح ..
نحنا نطرح ..
وانت تجمع ..
حتى من جيب المقطّع ..

******
بالله أحسب كم مصيبــــة
تسلموا استاذنا فضل و الوريف

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى