ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

واحد جوالو إتسرق

4 مشترك

اذهب الى الأسفل

واحد جوالو إتسرق Empty واحد جوالو إتسرق

مُساهمة من طرف أزهرى الحاج البشير 23rd سبتمبر 2013, 18:32

جوالي ﺍﺗﻨﺸﻞ ﻭﺍﻧﺎ ﻋﻘﻠﻲ ﻭﺩﺭ ﻭﺟﻨﺔ
ﻭﺍﻟﺴﺮﻕ ﺍﻟﺠﻼﻛﺴﻲ ﺍﻥ ﺷﺎﺀ ﺍﻟﻠﻪ ﻻ
ﻳﺘﻬﻨﻰ
ﺗﺘﻘﻠﻢ ﺍﺻﺎﺑﻌﻮ ﻋﻀﺎﻣﻮ ﺟﺖ ﺗﺘﻨﻰ
ﻻﻳﻀﻮﻕ ﺍﻟﻨﻌﻴﻢ ﻻﻳﺸﻤﻮ ﺭﻳﺢ ﺍﻟﺠﻨﺔ
...
ﺟﻮﺍﻟﻲ ﺍﺗﻨﺸﻞ ﻭﺍﻧﺎ ﺣﺎﻟﺘﻲ ﺗﺐ ﺑﻄﺎﻟﺔ
ﻛﺖ ﺑﻔﺮﺡ ﺷﺪﻳﺪ ﻭﻛﺘﻴﻦ ﺗﺠﻴﻨﻲ ﺭﺳﺎﻟﺔ...
ﺍﻟﺴﺮﻕ ﺍﻟﺠﻼﻛﺴﻲ ﻳﻤﻮﺕ ﻭﻳﺒﻘﻰ ﺯﺑﺎﻟﺔ
ﺗﻨﻬﺶ ﻓﻲ ﺍﻟﺼﻘﻮﺭ ﺗﺸﺒﻊ ﻛﻼﺑﺎ ﺿﺎﻟﺔ
...
ﺟﻼﻛﺴﻴﻨﻲ ﺍﻟﻌﺰﻳﺰ ﻛﺖ ﻣﺎﺑﻴﺔ ﺑﻲ ﺗﺒﺪﻳﻠﻮ
ﺗﻄﺸﻴﻬﻮ ﺍﻟﺴﺮﻳﻊ ﻭﺍﻟﻨﺖ ﺳﻤﺢ ﺗﻮﺻﻴﻠﻮ
ﺍﻟﺴﺮﻕ ﺍﻟﺠﻬﺎﺯ ﻳﺎ ﺍﻟﻠﻪ ﺗﺒﻘﻰ ﻛﻔﻴﻠﻮ
ﺗﺪﻋﻲ ﻋﻠﻴﻬﻮ ﺍﻣﻮ ﻭﻣﺎ ﻳﺘﻤﻮ ﻋﺪﻳﻠﻮ
...
ﺟﻼﻛﺴﻴﻨﻲ ﺍﺗﺴﺮﻕ ﺻﺎﺣﺒﺘﻲ ﺟﺎﺕ
ﻋﺰﺗﻨﻲ
ﻗﺎﻟﺖ ﻳﺎ ﺣﻠﻴﻞ ﺍﻟﺴﺎﻣﺴﻮﻧﺞ ﺍﻟﻌﺎﺟﺒﻨﻲ
ﻓﻴﻬﻮ ﺍﻏﺎﻧﻲ ﻟﻲ ﺗﺮﺑﺎﺱ ﻭﺍﻧﺼﺎﻑ ﻣﺪﻧﻲ
ﻓﻴﻬﻮ ﺍﻏﺎﻧﻲ ﻟﻲ ﺷﻴﺮﻳﻦ ﻭﺗﺎﻣﺮ ﺣﺴﻨﻲ
...
ﻓﻴﻬﻮ ﺣﺴﻦ ﻋﻄﻴﺔ ﻭﻓﻮﻗﻮ ﻭﺩﺍﻟﺒﺎﺩﻳﺔ
ﻓﻴﻮ ﺳﻴﺪﺧﻠﻴﻔﺔ ﻭﺍﻏﻨﻴﺎﺗﻮ ﺍﻟﻬﺎﺩﻳﺔ
ﺑﺖ ﺍﻟﻘﻠﻌﺔ ﻓﻴﻮ ﺳﺖ ﺍﻟﺨﺪﻭﺩ ﺍﻟﻨﺎﺩﻳﺔ
ﻓﻴﻬﻮ ﻣﻨﻮﻋﺎﺕ ﻭﺍﺻﻮﺍﺕ ﺭﺧﻴﻤﺔ ﻭ ﺷﺎﺩﻳﺔ
...
ﻓﻴﻮ ﻭﺩ ﺍﻻﻣﻴﻦ ﻏﻨﺎﻫﺎ ﺧﻤﺴﺔ ﺳﻨﻴﻦ
ﻭﻓﻴﻮ ﻋﻘﺪ ﺍﻟﺠﻼﺩ ﻟﻲ ﻭﻳﻦ ﻭﻛﻴﻒ ﻟﻲ
ﻣﺘﻴﻦ
ﻓﻴﻮ ﻭﺭﺩﻱ ﺍﻟﻮﻃﻦ ﻏﻨﺎﻫﺎ ﻧﻮﺭ ﺍﻟﻌﻴﻦ
ﻭﻓﻴﻮ ﺍﻟﺤﻮﺕ ﺻﺪﺡ ﺍﻥ ﺷﺎﺀ ﺍﻟﻠﻪ ﻓﻲ
ﺳﺘﻴﻦ
...
ﻭﻣﻦ ﺍﺭﺽ ﺍﻟﺸﻤﺎﻝ ﻛﺎﻥ ﻓﻴﻬﻮ ﻭﺩ
ﺍﻟﻨﺼﺮﻱ
ﻓﻴﻮ ﻭﺩ ﺍﻟﺴﻘﻴﺪ ﻃﺮﺍﻧﻲ ﻗﻮﻕ ﺍﻟﻘﻤﺮﻱ
ﻣﺸﻐﻮﻝ ﺍﻟﻔﻜﺮ ﺣﺎﺭ ﺑﻲ ﺩﻟﻴﻠﻲ ﻭﺍﻣﺮﻱ
ﻳﺎﺭﺏ ﻳﺎﻛﺮﻳﻢ ﻋﻮﺿﻨﻲ ﻛﺘﺮ ﺻﺒﺮﻱ
...
ﻭﻣﻦ ﻓﻘﺪ ﺍﻟﺠﻼﻛﺴﻲ ﺍﻧﺎ ﻗﻠﺒﻲ ﻛﺎﻳﺲ
ﺟﺒﺮﺓ
ﻭﺍﻟﺴﺮﻕ ﺍﻟﺠﻬﺎﺯ ﻳﺎﺭﺑﻲ ﻳﺼﺒﺢ ﻋﺒﺮﺓ
ﺗﺘﻜﺴﺮ ﺳﻨﻮﻧﻮ ﻭﻳﺒﻘﻰ ﻣﺘﻞ ﺍﻟﺼﺒﺮﺓ
ﺗﻨﺴﻞ ﻋﻴﻨﻮ ﺯﻱ ﻋﻼﻗﺔ ﺗﻘﻌﺪ ﺑﺮﺓ
...
ﺍﻟﺴﺮﻕ ﺍﻟﺠﻬﺎﺯ ﻣﻨﺤﻮﺱ ﻭﺍﺻﻠﻮ ﻭﺿﻴﻊ
ﺍﻟﺴﺎﻣﺴﻮﻧﺞ ﺟﻤﻴﻞ ﻓﻲ ﺷﻜﻠﻮ ﺭﺍﻗﻲ
ﺑﺪﻳﻊ
ﺃﻳﺎﺳﺎﺭﻕ ﺍﻟﺠﻬﺎﺯ ﻓﻲ ﺑﻴﺮ ﻏﺮﻳﻴﻴﻴﻴﻘﺔ ﺗﻀﻴﻊ
ﺗﻤﺴﻚ ﻓﻴﻜﺎ ﺍﺻﻠﺔ ﺗﻘﻄﻌﻚ ﺗﻘﻄﻴﻊ
أزهرى الحاج البشير
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

واحد جوالو إتسرق Empty رد: واحد جوالو إتسرق

مُساهمة من طرف خدورة أم بشق 24th سبتمبر 2013, 09:19

البت دي ألحقوها وادوها جلاكسي 4 كرت كرتونة

خدورة أم بشق
مشرف منتدى الشعر
مشرف منتدى الشعر


الرجوع الى أعلى الصفحة اذهب الى الأسفل

واحد جوالو إتسرق Empty رد: واحد جوالو إتسرق

مُساهمة من طرف عثمان محمد يعقوب شاويش 25th سبتمبر 2013, 09:09

والله سرقت الجوال حارة ....

نازل إجازه ومعاي جوال عاجبني شديد ...
وأنا في أم درمان عرفت أن أخي  شاويش واصل سوق أم درمان الشعبي بالبص من الحباك . إستقبلته ...ولكن وجدت حالته الصحية تحتاج نقله وبسرعة لمستشفي أم درمان ... إرتفاع السكري ... المهم وأنا أتابع في علاجه وأتنقل من موقع لموقع ...أذكر حرجت لإجضار عشاء من خارج المستشفي حوالي 2ص ..وكان جوالي معي ...وأذكر وقفت في صيديلية المستشفي لدواء ...وحينما خرجت من المستشفي - جلست فليل في سيارتي الكريز ...وحينما نزلت  حوالي الساعة 3:30 ص دخلت يدي في جيبي ...بس أشعر بالهواء بس ...يعني الجيب مشروط ( إل ) والله راسي طاااار ... وهرولت كالمجنون ... فيه أرقام ...ورسائل محفوظه ... والله سرقت الجوال حااااره حاااااره .... ولي يوم الليلة متحسر عليهو ....
الله يجمع بجلكسي القصيدة الشعرية ....

تسلم أبو الزهور ...
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

واحد جوالو إتسرق Empty رد: واحد جوالو إتسرق

مُساهمة من طرف أزهرى الحاج البشير 25th سبتمبر 2013, 11:03

يا شايب السودان تمشي بجوال يدوب تسمع صوت الطرف الآخر .. كان ما نشلوهو منك بنشلوهو منك وبرضاك
أزهرى الحاج البشير
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

واحد جوالو إتسرق Empty رد: واحد جوالو إتسرق

مُساهمة من طرف خدورة أم بشق 25th سبتمبر 2013, 11:20

يعني بنشلوه شحدة يا حاج عثمان

خدورة أم بشق
مشرف منتدى الشعر
مشرف منتدى الشعر


الرجوع الى أعلى الصفحة اذهب الى الأسفل

واحد جوالو إتسرق Empty رد: واحد جوالو إتسرق

مُساهمة من طرف عثمان محمد يعقوب شاويش 25th سبتمبر 2013, 12:35

شئ أكيد .
أحس أن كل حبيب وقريب عاوز يمتلك جوال تاني أو عاوز يغير شوية بجوالات المغتربين ....
والآن الريال طالع في الكفر ...
ولازم نشد الحزام ...
معزتي ،،،
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

واحد جوالو إتسرق Empty رد: واحد جوالو إتسرق

مُساهمة من طرف Ahmed kuku Ahmed 26th سبتمبر 2013, 02:04

ههههههههههههههههه 
سلامات يا دكتور والله زى ما قال ود الشاويش سرقت الموبايل حارة خلاص . انا كنت معجب شديد جدا بالجهاز N73 لامن كنت بالسودان وضيق ذات اليد , واول ما وصلت السعودية فى بداية العام 2007م فكرت  فى شراءه ومن تانى راتب لى ربنا وفقنى وحصلت عليه وبعد يومين فقط رحت زيارة لواحد قريبى فى حى شعبى بالرياض وكنت محمّل فيه اغنية مردوع لهاشم بابنوسة مصورة كليب فى جبال كردفان حيث الخضرة والجمال وعبق المكان قريبى ده ليهو حوالى خمسة سنوات ما رجع السودان اول ما وصلت اليه وهو يعمل فى بقالته وبعد السلام والذى منه طلعت الجوال وفتحت الفيديو وقلت ليهو اتفرج على حلاة كردفان فى الخريف وما هى الا لحظات دخل علينا شاب وفى لمح البصر خطف الجوال وقال الحقونى لو جرايين . والى الان غبيينته ما راحت منى .
Ahmed kuku Ahmed
Ahmed kuku Ahmed
نشط مميز
نشط مميز


الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى