ابوجبيهه

ضيف الأسبوع

استعرض الموضوع السابق استعرض الموضوع التالي اذهب الى الأسفل

ضيف الأسبوع

مُساهمة من طرف عوض السيد ابراهيم في 11th أكتوبر 2013, 22:39


صباحكم حلو ومساكم أحلى
وإن شاء الله منتدانا دائماً أحلى وأحلى بتواصلكم معنا



عدنا من جديد ،، ويسبقنا الشوق قبل العينين,,,
لنلتقي في هذا
الصرح الشامخ...




لكل المستضافين على كرسينا
وهج مختلف ،، وحضور مميز

وحيث يتواصل معنا التألق
يحتفي كرسينا اليوم

بشخصية متألقة،، عزيزة على قلوبنا,,, مرح اجتماعي لحد بعيد







ضيفنا إتسم بحضوره الراقي
صاحب رصيد حافل بالمشاركات المميزة والمفيدة في آن واحد

قلمه يرتشف عبير أفكاره








هو كالفراشة يحلق في الأجواء دوماً,,, وهمه الشاغل تنمية ورفعة مدينتنا







لنستضيفه هنا ،، ليجلس على
كرسي ضيف الأسبوع

ليكشف لنا عن الجانب الذي لا نعرفه عنه المتألق دوماً

الأخ /محمود منصور محمد على






مرحباً بك ضيفاً عزيزاً بيننا





بعد الضيافة أخي تفضل بالجلوس





نتمنى لك استضافة طيبة بين أهلك وأحبابك ,,,, ولنبدأ بالبطاقة الشخصية ....


عدل سابقا من قبل عوض السيد ابراهيم في 11th أكتوبر 2013, 23:31 عدل 1 مرات

عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف عوض السيد ابراهيم في 11th أكتوبر 2013, 22:43

أخى العزيز محمود منصور...... سامحنى على هذه المفاجأه ولكن فضلت ان ابدأ بك لانك الاكثر حضورا فى المنتدى واكيد بعدك مباشرة قامه من قامات المنتدى.
نأسف للانقطاع ولكن لابأس من العوده.
أرجو اثراء البوست بالمداخلات

عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف محمود منصور محمد علي في 11th أكتوبر 2013, 22:51

ابو ابراهيم

لك شكري وتقديري على هذه التقدمة الطيبة واتمنى ان اكون عند حسن الظن دائما واجيب عن اسئلتكم بدون تكلف وبدون تلميح وبشفافية مطلقة


<br>

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف عوض السيد ابراهيم في 11th أكتوبر 2013, 23:28

1/ الاسم :____
2/ الحاله الاجتماعيه:____
3/ الاقامه بالسودان:_____
4/ الاقامه الحاليه:_____
5/ أررقام للتواصل:____
6/ المراحل الدراسيه:_____


****** بدأت فى ابوجبيهه مراحلك الدراسيه وكنت وقتها فى مرحلة تكوين الشخصيه...... ثم انتقلت الاسره بما فيها انت.......ماذا فى رأيك اعطتك ابوجبيهه *******



******** محمود انت تشكل حضور فى هذا المنتدى يستحق الاحترام والتقدير....... تفتكر ماذا ينقصنا لنرتقى بالمنتدى الى الافضل **************


******** فى سطور ******
1_ موقف فى الذاكره
2_ زميل ومعلم فى الذاكره
3_حكمه تؤمن بها
4_ بيت شعر


********* شوية سياسه *******
يامحمود ما سألت فيصل ليه الناس طلعو مظاهرات  وما واصلو رقم الاغتيالات التى حدثت.
******* قالو الناس ديل من ناحية ماشين ماشين........لكن بصعوبه...... رأيك شنو




******** ريااااااااااااااااااااااااااضه ********

أدينا رأيك وقراءتك لمشاركة القمه فى المنافسات الافريقيه القادمه....... هل تفتكر جاهزين





تخريمه****************
شلتك...... برامجك..... أحلى اوقاتك فى ابوجبيهه.

***** محمود بصراحه ليك كم سن فى الغربه ******






*********** كلمه أخيره ******************

عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف محمود منصور محمد علي في 12th أكتوبر 2013, 09:20

الاسم: محمود منصور محمد علي ابراهيم الشيخ خليل

الحالة الاجتماعية: متزوج

الاقامة في السودان: الخرطوم بحري

الاقامة الحالية: مكة المكرمة حي الحفائر

المراجل الدراسية: ا المرحلة لابتادائية في ابوجبيهة الجنوبية ثم اولى متوسطة في ابوجبيهة المتوسطة ثم اكملت المتوسطة في الاميرية2 في الخرطوم بحري حي الدناقلة شمال ثم الثانوية في الخرطوم القديمة ثم معهد الدراسات الاضافية

اعطتني ابوجبيهة الكثير فاعطتني من جمال الطبيعة موهبة الرسم والعناء فانا منذ الطفولة رسام وخطاط وملحن ومغني وكنت مشهور بين الطلاب بموهبة الرسم والغناء واشارك في عمل الوسائل التعليمية واللوحات وشاركت في اول معرض يقام بالمدرسة المتوسطة بمناسبة عيد العلم بلوحات وانا مازلت في المرحلة الابتدائية وكنت محل اشادة كبيرة لكل زوار المعرض

المنتدى لاينقصه شئ غير عدم النشاط والمشغوليات وصعوبة الحياه والمشاكل هي اكبر عائق وتقف في طريق الاعضاء كعقبة وتحرمنا من التواصل المستمر وختى الان نحن افضل من كثير من المنتديات وفي سبيل ان نكون افضل باذن الله

موقف في الذاكرة... لازلت اتذكر عندما ذهبنا الي خور البطحاا ومعي عبد الباقي سحنون وكنت لا اجيد السباحة وغرقت في الخور والعناية الالهية وسرعة جريان الماء انقذتني بان حملتني الى مكان ضحل فخرجت من الماء ومن يومها لم انزل للسباحة حتى الان في أي مكان

كل الزملاء الذين زاملتهم في المرحلة الابتدائية مازالوا يشكلون بالنسبة لي ذكرى جميلة جدا ولا انسى الجيران واولاد الحلة فقد كنا اهل اثر من ان نكون اصدقاء وهذه ميزة في سكان ابوجبيهة

اما عن المظاهرات التي حدثت ولماذا لم تستمر ارى ان عدم وجود شخصية تتمتع بكارزما وتتمتع بشعبية
يجتمع الناس حولها هي السبب الرئيسي... الناس كرهت الوجوه القديمة المطروحة او التي طرحت نفسها على الساحة وتريد ان تستاثر بالسلطة وتسرق ثورة الشباب وتجلس على الكرسي عن طريق تقديم الجثث والدماء قربانا للسلطة.... ليس هناك بديل جاهز ولابد ان نرضى بالامر الواقع حتى ياذن الله في الامر واهل الحجاز عندهم مثل بيقول ( خليك على قردك ما يطلع لك اقرد منو) واخونا فيصل خليل عايش على امل ضعيف جدا وهو الان محبط عشان كده كره المنتدى وكره الفيس بوك وبيفكر في الهجرة الى زمبابوي
والله العظيم المفروض يمنعو كل الفرق السودانية من المشاركات الدولية ... لاننا غير مؤهلين وليس هناك مستوى مشرف نركن اليه والمشاركات الدولية لا تجلب لنا غير الفضائح والماسي والمزيد من الاحباطات

شلتي في ابوجبيهة كانت مكونة من زملاء المرحلة الابتدائية كنا لانفارق بعضنا حتى في الاجازات خاصة اولاد السوق

في ذلك الزمان اخلى برامجنا كانت الرحلات التي نقوم بها مع اولاد الحي الى الجنائن وكنا مجموعة مكونة من بكر محمد بكر ..وعلي و عمر محمد عثمان الناظر ..وابراهيم عبد الرحيم وموسى عبد الرحيم وادم سعيد... وغوض بخاري ..وعبد الباقي سحنون ..واقبال الامير ادم هجام والفاتح محمد حامد والفاتح محمد عثمان نجتمع يوميا في العصريات في ميدان الكورة الذي يقع امام منزلنا مباشرة ونتانس ونضحك بعد ان نكون قد تعبنا من لعب الكورة وكانت هذه بالنسبة لنا وفي تلك الايام احلى الاوقات

بصراحة لي21 سنة في مكة المكرمة لم اخرج من مكة الا في اجازات الى السودان ووجدت فرص عمل في جدة وفي الرياض لكنني فضلت ان اكون في مكة فانا اتمتع بقدسيتها واتمتع بحلاوة شهر رمضان في مكة وحلاوة شهر الحج فيها ويكفي انها مهبط الوخي ومهد الرسالة المحمدية

كلمة اخيرة اشكرك جدا استاذ عوض السيد على الاستضافة واتمنى ان اكون قد اوفيت وفي انتظار اسئلة بقية الاخوة واتركك في رعاية الله واعتذر جدا اذا كانت هناك اخطاء املائية او نحوية لانني لم اراجع ما كتبته لضيق الوقت


<br>

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف ابوهريرة عثمان عبدالسلام في 12th أكتوبر 2013, 23:33

ما شاء الله عمو محمود بس ما جاوبت على بعض الحاجات 
وقلت لى ساكن فى الحفائر الزرق ديل من وين للمشوطنات 
ووين زكرياتك فى فطاطات ولا نسيتها 
ههههههههههه

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف عوض السيد ابراهيم في 13th أكتوبر 2013, 07:42

صباحك ورد ابوهريره.
انا نسيت اسأل عمك لمن جاء السعوديه كان عمرو كم لانو قال ليهو 21سنه فى مكه

عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف أزهرى الحاج البشير في 13th أكتوبر 2013, 08:41

إستهلال طيب أبو إبراهيم وعيدكم مبارك .. شكرا محمود .. عوض السيد مطلوب منك الكثير وأن تثبت لنا أنه ما زال للخير بقية وما زال في الأخوان بعض من شباب.

أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف محمود منصور محمد علي في 13th أكتوبر 2013, 09:12

 

هاهاهاهاها

 

بدات يا استاذ تحيد عن الاتفاق

 

لكن رغم ذلك حاجاوبك عشان نطمئن دكتور ازهري.....

عندما هاجرت الى مكة المكرمة كان طموحي في ذلك الوقت ان اجمع  مبلغ من المال ليعينني في الدراسة حيث كنت انوي دراسة  فن الرسوم المتحركة والاخراج التلفزيوني في مصر او صجافة واعلام في أي جامعة في القاهرة وكان عمري وقتها31 سنة بالتمام والكمال... وفي الغربة اصابنا الكسل والوهن والفتور وتبخرت فكرة الدراسة في مصر وجرينا وراء الريالات وتزوجت في مكة والحمد لله

 

اما ذكرياتي في فطاطات يا ابوهريرة  دي مرحلة اخرى من حياتي  ومحتاجة لملحق لاخليها في العدد القادم



<br>

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف عوض السيد ابراهيم في 13th أكتوبر 2013, 09:16

تمام
يعنى 31 + 21 = 27 سنه
هههههههههههههههههههههههههههههههه

عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف محمود منصور محمد علي في 13th أكتوبر 2013, 09:29

 

بالضبط كده يا ابو ابراهيم.... لكن لايزال الدهن في العتاقى .... باقي لي الفاتح التوم وفيصل خليل عشان اتخارج من الكرسي الساخن ده

 

الف شكر



<br>

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف أزهرى الحاج البشير في 13th أكتوبر 2013, 10:29

والله يا عوض السيد لحدي هذه اللحظة كنت فاكرك زول بتاع إنقليزي على قول الجماعة
لكن طلعت خطير في الجمع والطرح .. بتاع رياضيات وأنا موش داري.

أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف عثمان محمد يعقوب شاويش في 13th أكتوبر 2013, 10:38


البوست بالجد رائع ....

لكين يا أبو خليل وأبوهريرة لازم تحكوها للآخر ...

منبع الأستاذ محمود عذب ...

ومياهه صافية نقية زلال ... ولا عدمناك .... بوست رائع ...

شكراً أبو الخليل ....

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف عوض السيد ابراهيم في 13th أكتوبر 2013, 11:24

شيل شيلتك يا محمود انا الآن كلمت فيصل وهو جاى فى الطريق.
دى ما عايزه حساب يا ابو الزهور الجمع دا كدا صح 100%

عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف محمود منصور محمد علي في 13th أكتوبر 2013, 11:29

 يا
 
ابا ابراهيم....
 
  انا احترم الاستاذ فيصل  ولابد  من   الاجابة على الاسئلة التي يطرحها بكل شفافية ووضوح خاصة وهو من طائفة شذاذ الافاق ومن اكلة الهوت دوغ والبرغر بالاضافة الى انه اخونا الكبير واكبر منا في العمر
 
 
 
هلا بك يا مونج



<br>

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف الفاتح محمد التوم في 13th أكتوبر 2013, 12:40

أول تبـــادي أنا بشكر صديقي وأخي وحفيد جدتي ...الأستاذ أبوابراهيم ,,, للعودة لهذا البوست الرهيب لك التحية عزيزي دايماً كبير
*****
يا محمود قلتا ليا هاجرتا عشان تلم الكروه و تدرس رسوم متحركة في ام الدنيا ؟؟؟..... ولقيت نفسك في وسط الرمال المتحركة ..الزمن ساقك 
طبعاً للآن لم أسألك ده كلامك ؟؟؟؟ واترك الفرصة للوريف و النجاض قدام هههههههههههههههه

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف غريق كمبال في 13th أكتوبر 2013, 16:50

شكرا يا ابو ابراهيم يا رائع
يا عمو
اهم حاجه مازكرتها لينا هى علاقتك بى اولاد امبرامبيطه وبعدين اصدقاءك كلهم من حلة السوق وحلة الانجل ليه اعنى ما عندك صحبان من الحله البيضه والستيبه ولا ايه
تحياتى البوست عسل

غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف الطيب الشيخ حسين كندة في 13th أكتوبر 2013, 21:17

استاذ محمود: لو طلب منك الزواج من احدى الحسناوات المشهورات

من تختار؟؟؟



كل الجروح بتروح  **** إلا التي في الروح

خلي الــقلب شــــــباك **** نحو الأمل مفتوح


الطيب الشيخ حسين كندة
مشرف التراث
مشرف التراث


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف فيصل خليل حتيلة في 14th أكتوبر 2013, 09:54


 عودا حميدا ابوابراهيم ويااااااااااااااااااخ مبالغة و شكرا فقد كنت موفق فى ضربة البداية

احترامى ليك عمو و فقط نبدأ معاك بسؤال بيسط

اتزكر بكر محمد بكر عبداللطيف ( قاضى المحكمة الدستورية حاليا ) و هو ابن عمنا تماما

ياااااااااااااااااااا اه زكريات جميلة

لم تزكر بالضبط زملائك بالمدرسة يا عمو

هههههههههههههههههههها

لى عودة



بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف محمود منصور محمد علي في 14th أكتوبر 2013, 10:29

 
 
استاذ الطيب لم تحدد في سؤالك  الحسناوات المشهورات في أي مجال.... الشهرة خشم بيوت... مثال لذلك انا لا احب المشهورات في الغناء والتمثيل.... وليس ذلك تشكيكا في  قدراتهن او سلوكهن  فقط لانهن غير  متفرغات ولايجدن الوقت الكافي لادارة شؤون اسرة
 
 
 
الدكتور مونج.... سبق وان ذكرت في بوست سابق مشهور كل زملاء الدراسة وانا كنت في الصف الثالث الابتدائي انت كنت في السادس هاهاهاهاهاهاها يعني انت اكبر مني بتلاتة سنوات وانا عندي شاهد كبير محامي مشهور اسمه ابوهريرة وهو مستعد ان يرفع عليك قضية اثبات عمر هاهاهاهاهاهاهاه



<br>

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف محمود منصور محمد علي في 14th أكتوبر 2013, 10:43

 
 
السيد معتمد المحلية
 
 
 
 اول مرة اعرف ان هناك حلة في ابوجبيهة او حي اسمو الحلة البضا.....
 
عام1821 وهو العام الذي سقطت فيه الخرطوم في يد البطل محمد احمد المهدي كانت هناك ثلاثة احياء فقط في ابوجبيهة وهي حي السوق وحي البوستة وحي المحلج لذا انحصرت صداقتي في تلك الايام داخل هذه الاحياء الثلاثة  وكان معي في تلك الايام الاستاذ فيصل خليل  و هذه الاحياء الثلاثة هي النواه التي قامت على اكتافها مدينة ابوجبيهة ..ثانيا علاقتي باولاد امبرمبيطة مرهونة بعلاقتي بالسباري ود عشمان وبيني وبين ود عشمان شعرة معاوية لذلك لا اود الخوض في هذا الشان حتى لا تتاثر العلاقات السياسية بين البلدين خاصة وانه قد ثبت شرعا ان الاستاذ احمد كوكو من مواليد ابوجبيهة



<br>

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف غريق كمبال في 14th أكتوبر 2013, 21:30

سلامات يا عمو
انت عارف يا مونج اليوم كنت فى زياره الى اخونا عبدالباقى على التوم ونحن قاعدين بى مزاج بنتونس فى راكوبة اخونا عبد الباقى الجميله والوقت عصر والجو حباكى رهيب 00

رن هاتف عبد الباقى وكان المتصل هو عمو محمود تعال شوف ليك بى سلام وزكريات وطبعا سلمت على عمو وكانت المفاجـأه ان عمو كان فى سنه رابعه وناس عبد الباقى فى سنه اولى اعنى بالميت كده ممكن يكون دفعت ناس بروف القونى والجماعه بتاعين الجنوبيه ناس زمااااااان

كل سنه وانت طيب يا عمو

غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف محمود منصور محمد علي في 14th أكتوبر 2013, 22:24

عمو غريقو

كل عام وانت بخير وصحة وعافية انت والاسرة وجميع الاخوان

ثانيا انا فعلا دفعة دكتور القوني ودفعة دكتور قيلي واتحداك انت ومونج لوعرفتو دكتور قيلي

المهم كانت فعلا مفاجاه حلوه حين وجدتك مع الاستاذ عبد الباقي علي... المهم الرجل سياتي معك الى العمرة وانا ساكون في انتظارك وماتكلم ابوهريرة عشان مايقوليك جيب لي معاك الجائزة حقتي من محمود

المهم في الامر حلة البيضا دي بتقع وين في ابوجبيهة

تحياتي


<br>

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف ابوهريرة عثمان عبدالسلام في 15th أكتوبر 2013, 00:34

هههههههههههه
أولا الحله البيضاء دي حلة ناس الأستاذ عوض السيد وكانت ناصعة البياض مش زي الآن 
وبعدين اهم سؤال أستاذنا نساهو هو علاقتك باللواري وكم عدد اللواري والدفارات التى تملكها 
أما موضوع العمر دا نوم قفا ناس مونج ديل عجايز وعبد الباقى على كبر بالمسئوليات وعشان أووكد ذلك للزعيم انو عبدالباقى على دفعة عماد الباقر وعباس كوكو وعبد العزيز قرن 
وأنا أسقف معك بكل الأدلة والبراهين والمستندات بس رسل الجائزة 
ههههههههه

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف فيصل خليل حتيلة في 12th نوفمبر 2013, 10:39


 طبعا يا جماعة عمو محمود نمن كان فى ابوجبيهه الحله البيضاء ما بنوها عشان كده ما حضر الحله البيضاء

تانيا يا ابوهوريرة صحيح عبدالباقى من رفاق عمو محمود لكين عبدالباقى دخل المدرسة و كان رجل كبير يا ابوهوريرة

نرجع لمحمود

قلت لى الحله البيضاء دى وين؟

هههههههههههههههههههههها



بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف غريق كمبال في 12th نوفمبر 2013, 11:55

البوست ده مالو وقف يا ابوابراهيم

شوف لينا ضيف اسبوع جديد

غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف ناهد عبيد في 12th نوفمبر 2013, 12:55

اهلا بالضيف زين ما اخترت صاحب البوست الانيق  نورت استازنا  محمود  منصور



                              عودا حميدا ابو ابراهيم

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف خدورة أم بشق في 13th نوفمبر 2013, 10:03

الحلة البيضاء وتلاتة بيوت وخمسة بيوت وأم شريتي

خدورة أم بشق
مشرف منتدى الشعر
مشرف منتدى الشعر


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف خدورة أم بشق في 13th نوفمبر 2013, 10:04

بتعرف يا محمود دان كنو أو موسى كدنكوني

خدورة أم بشق
مشرف منتدى الشعر
مشرف منتدى الشعر


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف محمود منصور محمد علي في 13th نوفمبر 2013, 10:26

لاوالله يا استاذ فضل ما بعرفهم وارجو ان تذكرنا اياهم  لكن بعرف امشريتي لانو كناساكنين بالقرب منها وجوار ناس عمنا المرحوم الطاهر منقة


<br>

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف محمد قادم نوية في 13th نوفمبر 2013, 13:34

استرحنا مع سيرة عطرة مليئة بالعطاء -وفقك الله وسدد خُطاك وامد في عمرك في طاعته 
شكراً عم محمود

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف أزهرى الحاج البشير في 13th نوفمبر 2013, 20:27

دان كنو .. أجمل أقاشي يمكن تاكلوا في حياتك

أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف فيصل خليل حتيلة في 14th نوفمبر 2013, 11:47


عمنا محمود طلع من ابوجبيهه قبل بناء المستشفى يا جماعة

و بعدين امشريتى تمت ازالتها قبل 45 سنه حسب كلام الناس الكبار ( عواجيز ) المدينة

ههههههههههههههههههههههها

قال فيصل قبلى بى 3 دفعات

عمو صباح الخيرات




بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: ضيف الأسبوع

مُساهمة من طرف محمود منصور محمد علي في 14th نوفمبر 2013, 12:04

يا فيصولي

انا عندما تفتحت مداركي في ابوجبيهة كانت خلة المستشفى مبنية... واتذكر جدا بيت الدكتور كان مميز وجميل مبني على الطراز الانقليزي ولازلت اذكر انو هنك دكتور اسمه قيلي رجل فاضل وطيب.... وكنت اتردد على بيت عمنا عبد الكريم جاد السيد بحكم صداقتي مع المرحوم يحيى ومبارك وازهري ....وكمال ابراهيم الصافي وغيرهم من ابناء هذه الحارة

اما موضوع امشريتي يا استاذ مونج  فقد تم تفريغها في السبعينيات وتم نقل كل سكانها من ابناء دولة الجنوب الى ما بعد خور الضكير... وعندما غادرنا ابوجبيهة تركنا امشريتي ساحة كبيرة فارغة تكسوها الخضرة اليانعة
وبرضو انت يامونج اكبر مني بثلاثة دفعات

تحياتي


<br>

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى