ابوجبيهه

من أمثال دارفور الشعبية

استعرض الموضوع السابق استعرض الموضوع التالي اذهب الى الأسفل

من أمثال دارفور الشعبية

مُساهمة من طرف عثمان محمد يعقوب شاويش في 15th مايو 2014, 10:33

جراداي في سروال ولا تأضي إلا قعادو  شين .

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: من أمثال دارفور الشعبية

مُساهمة من طرف محمود منصور محمد علي في 16th مايو 2014, 05:29

هاهاهاهاها

الله يجازي محنك يا ود الشاويش

واظنها كناية عن الشخص او الشئ الذي ليست هناك فائده ترجى منه... او وجوده وعدم وجوده سيان.... او لايضر ولاينفع.... او زي ما بقولوا تمومة جرتق

تحياتي


<br>

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: من أمثال دارفور الشعبية

مُساهمة من طرف عثمان محمد يعقوب شاويش في 18th مايو 2014, 08:00

شكراً أخي محمود .

 وهنالك مثل آخر يقول :

 هو مســـبل وجـــداده نقـــداه . !!!؟

 يالله إشرح يا ود مكة .

تحياتي لحكومتك .

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: من أمثال دارفور الشعبية

مُساهمة من طرف محمود منصور محمد علي في 20th مايو 2014, 08:14

حسب علمي المتواضع يا استاذ عثمان ان الاسبال هو تطويل الجلابية الى ان تلامس الارض... وهو   تصرف مكروه في الاسلام.... فعندما يكون الشخص مسبل ثوبه او لبسه لاتستطيع الدجاجة ان تنقد رجله الا اذا كان الثوب مثقوب او الذي يلبسه عديم الحظ..
وعلى العموم المثل كناية عن عدم الحظ والله اعلم

تحياتي


<br>

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: من أمثال دارفور الشعبية

مُساهمة من طرف عثمان محمد يعقوب شاويش في 20th مايو 2014, 08:26

ههههههههههههههههههههههههههههههههههههههههههه    يا محمود والله إنت مشيت بعيد خلاص . متسبل مش بكلام السعودية لأ .

 المتسبل معناها المتحيل يعني الشخص اللي عاوز ليهو سبب .    مثلا في الخضار : حبة طماطم تكاد أن تنفجر وتأتي دجاجة وتنقرها بمنقارها يعني حتفجرها .

 أو شخص عاوز يمشي أو يخرج من البيت مثلاً وعاوز ليهو سبب يقولوا ليهو مثلاً أترك الكرسي وأجلس على السرير لأنه مريح . يقوم يخرج ويقول ليهم أنا خليت ليكم البيت دا .

أتمني أن تكون وصلت للمعني .     تاريك ولد  منعم  وحنتوشة ....                        إحترامي .

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: من أمثال دارفور الشعبية

مُساهمة من طرف خدورة أم بشق في 20th مايو 2014, 18:01

نعم يا عثمان توضيحك سليم مية المية قرينا في دارفور ومن الأمثال

1- غراب لعين أخوه ولا بسلي ... الغراب مابسل عين أخوه
2- بقرة قرنو ولا تقيل عليه

يلا يا محمود همتك

خدورة أم بشق
مشرف منتدى الشعر
مشرف منتدى الشعر


الرجوع الى أعلى الصفحة اذهب الى الأسفل

رد: من أمثال دارفور الشعبية

مُساهمة من طرف محمود منصور محمد علي في 20th مايو 2014, 20:18

استاذ عثمان

اولا كلمة الاسبال ليست كلمة سعودية او من اللهجة السعودية...فقد جاءت في كتب ا الاحاديث النبوية الشريفة وهي كلمة عربية معناها اطالة الثوب او الجلباب الى ان يلامس الارض وكما جاء..
ومما تجاوز كثير من الناس فيه حدود المباح فيما يخص اللباس ( الإسبال ) وهو الإرخاء إلى ما دون الكعبين من الثياب بالنسبة للرجال وهذا أمر محرّم قد جاءت النصوص بتحريمه قال صلى الله عليه وسلم ( ما أسفل من الكعبين من الإزار ففي النار ) رواه البخاري، وعن أبي ذر رضي الله عنه قال: قال رسول الله صلى الله عليه وسلم: ( ثلاثة لا يكلمهم الله يوم القيامة، ولا ينظر إليهم، ولا يزكيهم، ولهم عذاب أليم، فقرأها ثلاثاً، فقال أبو ذر: خابوا وخسروا من هم يا رسول الله ؟ قال: المسبل والمنان والمنفِّق سلعته بالحلف الكاذب ) رواه مسلم، وعن عبدالله بن عمر رضي الله عنهما أن رسول الله صلى الله عليه وسلم قال: ( بينما رجل يجر إزاره إذ خُسف به، فهو يتجلجل في الأرض إلى يوم القيامة ). رواه البخاري.

اما المقصود من المثل الذي اوردته فعلا كلامك حقيقة والمقصود في معنى المثل  كلمة سبلة  او سبب ودي فاتت على اخوك معليش... وفي انتظارك بامثال اخرى عشان تعرف اخوك من ام صاقعة وام صاقعة مافيها حنكشة

تحياتي


<br>

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: من أمثال دارفور الشعبية

مُساهمة من طرف محمود منصور محمد علي في 20th مايو 2014, 20:23

استاذنا فضل

المثل الاول انت تكفلت بشرحه لنا

اما المثل الثاني..2- بقرة قرنو ولا تقيل عليه

المعنى واضح وهو كناية عن ان البقرة لاتتضايق من حمل القرون على راسها..او ان حمل المسؤلية لايعجز الانسان الهميم المسؤول

تحياتي


<br>

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: من أمثال دارفور الشعبية

مُساهمة من طرف عثمان محمد يعقوب شاويش في 21st مايو 2014, 07:29

خدورة أم بشق كتب:نعم يا عثمان توضيحك سليم مية المية قرينا في دارفور ومن الأمثال

1- غراب لعين أخوه ولا بسلي ... الغراب مابسل عين أخوه
2- بقرة قرنو ولا تقيل عليه

يلا يا محمود همتك

هههههههههههههه بالجد أمثال طريفة . وليها حكمة . مداخلتك بطعم المهاجري .....

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: من أمثال دارفور الشعبية

مُساهمة من طرف عثمان محمد يعقوب شاويش في 21st مايو 2014, 07:37

محمود منصور محمد علي كتب:
ومما تجاوز كثير من الناس فيه حدود المباح فيما يخص اللباس ( الإسبال ) وهو الإرخاء إلى ما دون الكعبين من الثياب بالنسبة للرجال وهذا أمر محرّم قد جاءت النصوص بتحريمه قال صلى الله عليه وسلم ( ما أسفل من الكعبين من الإزار ففي النار ) رواه البخاري، وعن أبي ذر رضي الله عنه قال: قال رسول الله صلى الله عليه وسلم: ( ثلاثة لا يكلمهم الله يوم القيامة، ولا ينظر إليهم، ولا يزكيهم، ولهم عذاب أليم، فقرأها ثلاثاً، فقال أبو ذر: خابوا وخسروا من هم يا رسول الله ؟ قال: المسبل والمنان والمنفِّق سلعته بالحلف الكاذب ) رواه مسلم، وعن عبدالله بن عمر رضي الله عنهما أن رسول الله صلى الله عليه وسلم قال: ( بينما رجل يجر إزاره إذ خُسف به، فهو يتجلجل في الأرض إلى يوم القيامة ). رواه البخاري.

تحياتي

 يعني لازم لبس حبايبي أنصار السنة .

 ((طبعاً أخوك النشأة صوفي حتى النخاع والأذن ترعرعت تحت وقع صوت تسبيح اللالوبة . ولكن ربما الآن الميول كثير كثير لأنصار السنة . لبعدهم عن أشياء كثيرة مباحة في بعض الطرق الأخري . وربما يختلف معاي كثير من الإخوة . ولكن القناعة كنز .))

إحتراماتي ،،،

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: من أمثال دارفور الشعبية

مُساهمة من طرف خدورة أم بشق في 21st مايو 2014, 12:56

غراب لعين أخوه ولابسلي ... يعني زي الكلب ما بشهد ليه الجريو
وبقرة قرنوا ولا تقيل عليه يضرب للمرأة التي تغلِّب الناس بشيل أو رعاية أولادها

خدورة أم بشق
مشرف منتدى الشعر
مشرف منتدى الشعر


الرجوع الى أعلى الصفحة اذهب الى الأسفل

رد: من أمثال دارفور الشعبية

مُساهمة من طرف محمود منصور محمد علي في 4th أغسطس 2014, 09:07

اني عوض: جَرَاَداي فِي سِروال و لا بِعضّي إلا قُعَادو و لا حِلو !!

دارفور بلدنا.. نعمل نعلي شأنا
08-03-2014 02:55 AM
أهلنا ناس دارفور ناس عُزاز ولذاذ، أهل طيبة ومحنة وبساطة، وكلام حنين، حتى في سلامهم حُنان (اقعدوا عافية..امسيتو طيبين؟ كيف حال عيالك؟ ما يبقى ليك شين..)!! أسياد كرم أصيل ، 


ملوك أولاد ملوك..سلطنة واداي ، مملكة المسبعات ، مملكة دارفور ، السلطان علي دينار، أرض الشرتاي ، والعزة ، وجوههم سمراء لكن قلوبهم زي اللبن .. ناس علم وفهم وحكمة وقرآن وبصارة (كلام كتاب و كلام شياب و لا بقع في تراب) ..(العندو بخور بنشم) ..(إيد واحد ولا بصفق)..(كان تهموك بفطيص شيل ليك مناصيص)..

(جراداي في سروال و لا بعضي الا قعادو و لا حلو)..(الرجال دناقر ما كبر عناقر)..(الزول حالو في مالو)..(أم دنقدونق ولا جري)..(أبشوك ولا بنحضن)..(أم التيمان بترضُع البكاي)..(شوكاي بسلو بدربو)..(الكلام البارد بطلع الدابي من جحرو)..(الحبل بنقطع من محل رقيق )..(دبنقه دردقي بشيش)..(دابي في خشمو جراداي مابعضي)..

(سكي حجراي ما تسكي أجاويد)..(أم صلمبويتي ولا كدكاي زول ).. أسياد تراث جميل، وحضارة عرقة، وتاريخ وأمجاد وبطولات ،لكن تبدل الحال ، وانقلبت عليهم الدنيا .. و الحرب حولت الملوك أولاد الملوك إلى متشردين ولاجئين ومعسكرات إغاثة ، ونهب مسلح ، ودماء تسيل ليلاً ونهاراً 

بدل ما تسيل من وديانها الألبان والخيرات لتصل ليس لبقية ولايات السودان بل حتى للعالم الخارجي ويكفي دارفور فخراً ومجداً (المَحمَل) لكسوة (الكعبة) المشرفة في الحجاز ..يا ريت يعود الحال زي ما كان أول ، ويسكت الرصاص ، ويخرص المدفع ، 

وبدل البندقية تجي الطورية والملوت ، وبدل ريحة (البارود).. يا ريت نشم ريحة (مُلاح الكول) بنكهة الحب والمحَنّة ... ودارفور بلدنا.. نعمل نعلي شأنا..ونغني في حبها بالعربي والرطانة..

تهاني عوض 


<br>

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: من أمثال دارفور الشعبية

مُساهمة من طرف أزهرى الحاج البشير في 4th أغسطس 2014, 15:55

كديس في نالا ( نيالا ) ضنبو في فاشر كان عصرتو في ضبنو ما بكورك .. الأجابة نعم وتعقيب قائل المثل و تيّب و ( طيب ) يعني صحي ولا ما صحي

أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: من أمثال دارفور الشعبية

مُساهمة من طرف يعقوب النو حامد في 5th أغسطس 2014, 06:48

هاى احمر منك ترا افهم منك
هذا المثل لقيتو فى دار فور

يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

رد: من أمثال دارفور الشعبية

مُساهمة من طرف عثمان محمد يعقوب شاويش في 5th أغسطس 2014, 07:55

من الطريف يا عجوز يا أبو نوال :

 كنت نازل إجازه . وفتشت لمن تعبت عشان أجيب لي واحد يسد محلى مؤقت ثلاث أشهر فترة الإجازه . وحصلت واحد ظريف من أبناء ابوروف يدعي عثمان أيضاً وهو يشبه الحلبة شديد ورجل وسيم ماشاء الله وهادئ وراسي .

المهم بدأت أدربه على الشغل والوظيفة وعشان أخرج به من الرتابه أحياناً بمزح معه وبقول له : كان كديس في نيالا وإنتي عصرتي ضنبو في أبيض ما بقول ناو ...بقول لي بقول ناو ...وهكذا ... وكان مديرنا يعامله جيداً ...وفي يوم حضر عثمان بعض الأوراق وقدمها 

 للمديرالسعودي وكان بها خطأ . وقام المدير من مكتبه وحضر ورماها  قدام عثمان بزهج وقرف وخرج .

أنا حسيت أن عثمان زعل شديد والجو تكهرب ... حاولت أخفف عليه . وقلت له عثمان كان كديس في نيالا وإنتي عصرتي  ضنبو في أبيض ما بقول جاوو ... قال لي بزهج ولا بقول جاوو ولا حاجه .........

........

وحينما إشتغل شهر وجد وظيفة براتب أحلي وجلس مكاني واحد محامي إسمو مجدي من مدينة الرياض باخرطوم ونعم الشخص المهذب الخلوق ...ولا زالت علاقتنا مستمرة .... وعثمان الآن مدير بالدمام .ولهما التحية .... ومجدي رجع للمحاماه بالسودان .

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى