اوقفوا وامنعوا احتفالات التخرج من رياض الاطفال

صالح عبد الرحمن:
كل روضه بتتفق مع راقص .. بالجد راقص عديل وممكن يكون راقص (ما شادى حيله)



الحنة للكوع لطفلة عمرها 5 سنوات والميك اب.. الحنانة تقعد فى الروضة تحننهم بالدور(صورة)
03-15-2014 09:03 PM
[size=18.06]لا أود أن تعتبروه نزع الفرحة من وجوههم ولكن شراء ملبوسات جديدة وضع الحنة وزفة وخبائز وحلويات وروبات وزفة وصيوانات وكراسي ومدرب على الرقص .. ودفع مبلغ لا يقل عن 500 جنيهاً للقادر والغير مستطيع .. فى إحتفال تخريج رياض الأطفال بالخرطوم ..!! والله أننى أراه أمراً لابد أن يحسم بل يمنع بقرار من قبل إدارة تعليم ما قبل الأساس ,, وفوراً ..

طبعاً ناهيكم عن الحنة للكوع لطفلة عمرها 5 سنوات والميك اب .. ومش كدا والله الحنانة بتجى تقعد فى الروضة تحننهم بالدور .. حق الحنة ما خاشى فى رسوم التخريج ..!!
الأغرب كل روضه بتتفق مع راقص .. بالجد راقص عديل وممكن يكون راقص (ما شادى حيله) .. يعلمهم رقصات غريبة وغربية وهز نص وكدا ...!!
الأطفال لسه أبرياء جداًً .. يعنى لسه ما وصلو الأساس .. بعدين بالمناسبة فى منهج من التعليم قبل الأساسي مفترض يلتزموا بيه .. بس منو البتابع ..ومنو الجايب خبر اساساً لجيل من يبدأ ببدأ غلط .

المسالة دى خلاف بين طرفين .. الإدارات بتقول الاهل بصروا .. وبرضو هم بصروا عشان المنافسة وكسب السوق والزبائن .. وفعلاً بخافوا لو ما عمل تخريج ما يجوهوا السنة الجديدة زبائن .. لذا القرار فى إدارة التعليم بحسم هذه الفوضى .

هذا غير تعب الأمهات والجيران والخيلان والأعمام وضياع زمن ..وطبعاً ما بتقدر ما تجى بزعلوا منك .

الصورة أدناه لتخريج أطفال روضة .. فى مدينة بابنوسة .. حقيقة أحضرتها للتدليل فقط .. فتخيلوا ما تفعله روضه فى العمارات أو الطائف أو مدينة النيل والصافية ..!! والتكلفة المادية والزمنية.



 بقلم: صالح عبد الرحمن صالح[/size]

إبنتي ... عليـــــاء ......والتخرج من الجامعة .

  إتصلت إبنتي الصغري وبتقول لي عاوزين نفرح بتخرج علياء ... قلت ليها خبر جميل ورائع . قالت لي الرسوم بس ولكل طالبه وطالبه :   1,600,000 جنيه . وقلت لها خير .
  المهم عرفت أن علياء ترفض التخرج تماماً . وبالجد زعلت منها .
 وحينما سنحت لي الفرصة بمناقشتها قالت لي :

 يا أبوي ممكن تسمعني . قلت لها كلي آذان .  قالت لي أولاً الإحتفال خلط شديد . وتصوير بالجوالات وتبادل صور غير لائقة ... والرسوم عالية جداً ...وصالة حنة للأولاد وصالة حنة للبنات .  تخيل بس وفوضي لا يعلم بها إلا الله زائد موسيقي صاخبة وتعرف يا والدي أنا  لا أحب الموسيقي وإذا أردت أن أشكر الله فأرجو أن أتوضأ جيداً وأصبغ وضوئي وأصلي ركعتين شكر لله بتخرجي 
قلت لها سيري وعين الله ترعاك . وليس لي أي إعتراض على رأيك
 . وموافقك الرأي في حفل التخرج . فقط أسمحي لنا  بعمل كرامة عصيدة بقدح روب ونوزعها على  حفظة القرآن بجامع الحارة. وعلى هذا الأساس إتفقنا ....            معزتي ،،،

عافي منها بنيتي .. وشر البلية ما يضحك ..