ابوجبيهه

نصيحة من أمثال عيال عطية بين طيراية أم مارخيل وزول متزوج مجاور نسابته

استعرض الموضوع السابق استعرض الموضوع التالي اذهب الى الأسفل

نصيحة من أمثال عيال عطية بين طيراية أم مارخيل وزول متزوج مجاور نسابته

مُساهمة من طرف الجيلي حمودة صالح في 26th يناير 2010, 10:43

سألوا طيراية أم مارخيل عندما علمت أن هناك شاب تزوج وسكن في بيت نسابته رأيك شنو في الخبر ده فقالت : (أنا أخير أي أحسن من تلاته الزول بورد البحر وما بغسل جنابته ، وأخير من الزول قاعد في مجلس الرجال وبسأل ندادته ، وأخير من الراجل الجاور نسابته ). توضيح للمثل الزول بورد البحر وما بغسل جنابته زول ما بستفيد من الموارد الوفيرة المتاحة له ويظل وسخان وما نظيف وتظهر على حالته المهانة والتعب ، أما الزول القاعد في مجلس مجلس الرجال وبسأل ندادته ، هو شخص ما ناقش حاجةيعني مطهق ساكت ،بعد ما ينفض مجلس الرجال يسأل زملائه حصل شنو ، والناس قالو ا وعملوا شنو ؟ أمّا صاحبنا السكن في بيت نسابته ده مشكلتوا كبيرة يعني أي نقاش بينه وبين زوجته يصل الى أهل البنت بدون رغبةالطرفين ويحصل التدخل في شؤون الاسرة ويحصل الاتهام وخراب البيوت فلو كان ساكن بعيد عن أهل البنت يمكن يتم حوار وتسوية للخلاف مهما كبر . أنا رأي نناقش هذا المثل بموضوعية وشفافية رأيكم شنو يا أحباب ؟

الجيلي حمودة صالح
عضو نشط
عضو نشط


الرجوع الى أعلى الصفحة اذهب الى الأسفل

رد: نصيحة من أمثال عيال عطية بين طيراية أم مارخيل وزول متزوج مجاور نسابته

مُساهمة من طرف غريق كمبال في 27th يناير 2010, 10:11

التحيه ليك يا الجيلى المثل مفيد جدا 00لكن فى هذا الزمن النسابه احسن وحنونين وحريصين على بتهم ونسيبهم
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: نصيحة من أمثال عيال عطية بين طيراية أم مارخيل وزول متزوج مجاور نسابته

مُساهمة من طرف abdelsalamosman في 27th يناير 2010, 11:59

لك التحيه يا جيلى
والمثل تتجلى فيه حكمة اهلنا ونفاذ بصيرتهم ووزنهم للامور بدقه
لذاكانوا خير من يقوم بحل النزاع والتواصل وحفظ النسيج الاجتماعى
وحقيقة الماعنو كبير يفتش ليهو كبير

لفته جميله اخى الجيلى ونتمنى ان يجد الموضوع كل التفاعل
avatar
abdelsalamosman
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: نصيحة من أمثال عيال عطية بين طيراية أم مارخيل وزول متزوج مجاور نسابته

مُساهمة من طرف محمد قادم نوية في 27th يناير 2010, 14:40

مرحب ول ابّ دول اهلي علي قول الهداي عطية وحيماد - فذه الكلمات تدل علي بلاغة عيال عطية واستعملت هذه الكلمات دلالة علي واقع معاش في بيئة عيال عطية -فهم دائما ما يسنتكرون الكسل والخمول ؛ والذي يكون حاضر وغايب في مجلسهم هذا مرفوض او كما يسمونه (جنبو نار) ففي بيئة عيال عطية لابد ان تكون سريع البديهة وحاضر في الامور فاتو بهذا المثل دلالة علي استحالة هذا الامر وهو واقع ترفضه الحياة عندهم - ورغم احترامهم للنيب الا انهم يرفضون مجاورته هذا ليس جبناً منهم بل ابتعاداً عن مشاكل الحياة الزوجية وهي دايماً ماتكون مصحوبة بالمشاكل فهم يبتعدون عنها تقديراً للنسب والعلاقة بين القبائل اذا كانت الزوجة من قبيلة اخري
شكرا ول ابّ علي هذه الروعة والسرد الجميل من تلك البيئة ومذيدا من هذه الروائع
دمت
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: نصيحة من أمثال عيال عطية بين طيراية أم مارخيل وزول متزوج مجاور نسابته

مُساهمة من طرف حيدر خليل في 27th يناير 2010, 15:36

لك التحية والود والحب اخي الجيلي وحقيقة امثلة جميلة تدل علي ذكاء اهلك واهلنا
ويا ريت لو حافظ حاجات من كلام وحكم عمنا المرحوم الشيخ الاول عليه الرحمه
ويا اخوي الناس مش بعدت عن نسابته بل سكنت معاهم في بيت واحد امكن الزمن اتغير والظروف الاقتصادية الصعبة اجبرت الناس علي فعل اشياء كانت في الماضي القريب من المحرمات وصارت النسيبة تاكل مع راجل بنتها وده كان عيب كبير والزوج يناكف ويغالط ابو زوجته ويعاملوا كانوا شخص عادي او صديق يعني صراحة حصل تغيير كبير في عادات وتقاليدالمجتمع السوداني والتي كنا نفاخر بها الاخرين ونسال الله السلامة.

حيدر خليل
نشط مميز
نشط مميز


الرجوع الى أعلى الصفحة اذهب الى الأسفل

رد: نصيحة من أمثال عيال عطية بين طيراية أم مارخيل وزول متزوج مجاور نسابته

مُساهمة من طرف ادم محمد ادم سراقه في 28th أبريل 2011, 12:43

شكرا اخي الجيلي ولد الشيخ
البسكن الزول مع نسابته انا كلامي دا الحار
و اهلك العرب قالو العرزان بتغطي مع نسيبته
الزمن الصعب دا خلي الناس كلهم عرزانين ربك يسهل و يستر
كل الناس و يحفظ الفي الغربه

ادم محمد ادم سراقه
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: نصيحة من أمثال عيال عطية بين طيراية أم مارخيل وزول متزوج مجاور نسابته

مُساهمة من طرف Suhad Abduelgfaar في 23rd أكتوبر 2012, 12:19

يا اخوانا وين اخونا الجيلى حموده
نتمنى عودتك لكى نناقش المثل بشفافية
ومحتاجين نعرف الكثير من امثالنا
كل عام وانت بالف خير ,,,
كمان وين اخونا عبد السلام واخونا سراقة واخونا حيدر خليل ؟؟؟؟؟؟؟؟
الحباك بتناديكم ...........
.
تحياتى
avatar
Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى