ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

عادات دخلية على مجتمعنا السودانى(حنان سكليب) ساخر سبيل

+5
ناهد عبيد
فيصل خليل حتيلة
فلس
عوض السيد ابراهيم
osama osman
9 مشترك

اذهب الى الأسفل

عادات دخلية على مجتمعنا السودانى(حنان سكليب) ساخر سبيل Empty عادات دخلية على مجتمعنا السودانى(حنان سكليب) ساخر سبيل

مُساهمة من طرف osama osman 9th فبراير 2010, 13:51

ملاح قرع وبامية مفروكة وصحن صلطة و(ملاحه)... دا كان الأكل فى بيوت البكاء قبل أن يصبح البكاء ذاتو مظهر إجتماعى ونوع من أنواع الفشخره بعد أن إجتاحت البلد أعداد مهولة من المليارديرات الجدد أصبحت تؤثر سلوكياً على بقية الطبقات الأخرى حتى صارت (الفاتحة) هى الفرق الوحيد بين الأتراح والأفراح؟
عندما توفى رجل الأعمال (حسن يورو) منسوب لليورو طبعاً قامت أسرته بفتح أبواب الفيلا الفاخرة لأفواج المعزين علاوتاً على صيوان ضخم نصب بطول الشارع العريض مزود بعدد مهول من مكيفات الهواء تغطى أرضيته السجاد لزوم (عدم الغبار طبعاً). عند مواعيد الغداء أنتشر أفراد يرتدون زياً موحداً يحملون صوانى الأكل النيكل الناصعة التى ترتاح بداخلها اطباق المشويات والمحمرات والمقبلات وقطع الرغيف الفاخر بينما وضعت امام كل صينية عدد من زجاجات المياه المعدنية الباااارة؟ أما فى صالون النساء جلست سوسو (فى الأصل ست البنات قبل أن يصبح حسن المرحوم حسن يورو) جلست على سرير خشبى مستورد علية ملاية قطنية تتلقى التعازى من جاراتها وصويحباتها اللواتى جئن وهن فى كامل زينتهن (ناقشات الحنة الما خمج يرتدين ثياب آخر موضه والشباشب ذات الكعب العالى تمتلئ اياديهن بأخر صيحات سوق الدهب من دول الخليج والهند!حوار بين المعزيات
كلمتى (عوضية ردحى)؟
همست (سوسو صاحبت العزاء) لجارتها وصديقتها(نوسة) والتى مالت قريباً منها وهى تجيبها :
- والله (عوضية ردحى طبعاً دى بكاية زى الغنايه) دى قالو عندها مناسبت بكاء فى مدنى سافرت مشت ليها ’ قمت مشيت لى (هاجر حى ووب) قالو ليا عندها إرتباط خارجى فى دبى فى واحد من ناس الجالية مات هناك فى الأخير مشيت كلمت ليكى (حنان سكليب) لقيناها ماعندها أى إرتباط ووقعت العقد مع مدير أعمالها! وأديتو مليون عربون .
وشالت منك البيانات؟
أديتا ليها كووولها ... المرحوم كان شغال شنو ؟ وعندو كم عمارة ؟ وقاعد يتبرع لى ياتو (نوادى وحاجات تانية .....!) ,إشترى ليهم كم لاعب وعربيتو الراكبا نوعا شنو وموبايلو الشليلو موديلو كم؟
إنتهت مجموعات النساء من تناول الغداء الفندقى (الما خمج) ثم جئن لهن بالتحلية( باسطة, وبسبوسة’ وكنافة وعين جمل وأم على ....؟) شئ باللوز وشئ بالجوز وشئ يالما بعرفو شنو داااك وبعد أن ضربن بدان فى زحزحة الكراسى (البامبو) والجلوس كيمان كيمان للشمارات وهن يمسكن بثرامس الشاى المذهبة المتشابهة الكبيرة حقت الشاى والصغيرة حقت القهوة التى تفوح من فناجينها رائحة المستكا....
وفجأةدخلت إلى الصالون شابة آخر شياكة ذات مظهر يطابق كثيراً مظهر مغنيات هذا الزمان يمشى خلفها ستة شابات أخريات( الكورس ) من نفس الشاكله يرتدين زياً موحداً وهن يرفعن أياديهن عاليا فى حركات متتابعة ويصحن بصوت كالجرس يشق السماء :
وووب وووب وووب
ووووووووووووووووووووووووووووووووووووووووووووووووووووووووووووووووووووووب....
ثم تبدأ (حنان سكليب) فى السكلى والوصف وهن يرددن خلفها:
وووب عليا والله حسن يورو يالبتدى البتدورو والمابتدورو وووب عليا والله ياصغير وجاهل يالبيجيب القروش بالساهل ياود امى هئ ئ ئ ئ ئ
الليله ياحليلك يازين الرجال ياملك الدولار يالبتستر الحال الليله ياحليلك يالبتشيل من البنوك وتشتت قبال مايلحقوك ياودامى هئ ئ ئ ئ
الكورس وووب وووب وووب ....ووووووووووووووووووووب
الليله وينك إنتا يا الأسبليت هبوبك والهمر ركوبك الليله وينك إنتا ي البنيت المقصورة وركبت النافورة الليله وينك إنتا يا أب جيوب منفخة وأب عربية مصفحة
هئ ئ ئ ئ ئ
الكورس وووب...وووب ....ووووووووووووووووووووووووووب
ياحليلك الليله ياالبتفك الصعيبة ويا البتسجل اللعيبة ياحليلك الليله ياجوكى البنوك ياالتهريبك بالسنبوك
ياودامى هئ ئ ئ ئ....
الكورس : وووب ... وووب ... وووووووووووووووووووووووووووووووووووووووووووب
ثم تعدل (حنان سكليب ) توبا الكان واقع وتنظر للكورس نظرة الفنان الذى يود أن يختم الأغنية فيبدأن فى تحرير البكاء ويرغعن اصواتهن ويضربن بأياديهن ليبدين زينتهن (دهب دبى وكده) ..... وووووووووووووب وب وب ووووووووووووووووب ثم يتوفقن فى لحظة واحدة بإشارة من حنان سكليب التى تجلس على أقرب كرسى وتتنال علبة مناديل الورق وتخرج منديلين تمسح بهما حبات العرق التى تساقطت بفعل المجهود رغم برودة التكيف ثم تلتفت إلى النسوة اللواتى كن فى الصالون يتابعون (فاصل السكليب ) قائلة :-
- قبلكن وحدكن ... جنس بخلن عليكن ... أول مرة أمشى ليا (بيت بكا) ماينقطو ليا فيهو !! فى الختام اللهم احفظ مجتمعنا من هذة العادات آمين آمين آمين

الكورس : وووب ...وووب ........ وووووووووووووووووووووووووووووووووووووب
osama osman
osama osman
نشط مميز
نشط مميز


الرجوع الى أعلى الصفحة اذهب الى الأسفل

عادات دخلية على مجتمعنا السودانى(حنان سكليب) ساخر سبيل Empty رد: عادات دخلية على مجتمعنا السودانى(حنان سكليب) ساخر سبيل

مُساهمة من طرف عوض السيد ابراهيم 9th فبراير 2010, 16:03

والله فعلا فشخره وهذا هو حال هذا الزمن
عوض السيد ابراهيم
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

عادات دخلية على مجتمعنا السودانى(حنان سكليب) ساخر سبيل Empty رد: عادات دخلية على مجتمعنا السودانى(حنان سكليب) ساخر سبيل

مُساهمة من طرف فلس 9th فبراير 2010, 16:35

هذا زمانك يامهازل فامرحي
فلس
فلس
نشط مميز
نشط مميز


الرجوع الى أعلى الصفحة اذهب الى الأسفل

عادات دخلية على مجتمعنا السودانى(حنان سكليب) ساخر سبيل Empty رد: عادات دخلية على مجتمعنا السودانى(حنان سكليب) ساخر سبيل

مُساهمة من طرف عوض السيد ابراهيم 9th فبراير 2010, 16:40

فلس انت جاى حايم بجاى مالك زايغ من النار الملهلبه فى المنتدى الرياضى .... تخلو لينا ابن عمى براهو .... هو نحن المعلم بتاعكم ابو مصطفى زاتو عندنا معاهو كلام.... تعال الرياضى انشاء الله تبقى سبّارى لطارق لغاية ما يجى المعلم
عوض السيد ابراهيم
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

عادات دخلية على مجتمعنا السودانى(حنان سكليب) ساخر سبيل Empty رد: عادات دخلية على مجتمعنا السودانى(حنان سكليب) ساخر سبيل

مُساهمة من طرف فيصل خليل حتيلة 26th يونيو 2011, 08:28


اخترنا هذا النموزج من منتدى الاسرة الذى يحتوى الآن على خمسة صفحات

شكرا اسامه و ياخ مساهماتك وصلت زيرو

تحياتى
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

عادات دخلية على مجتمعنا السودانى(حنان سكليب) ساخر سبيل Empty رد: عادات دخلية على مجتمعنا السودانى(حنان سكليب) ساخر سبيل

مُساهمة من طرف ناهد عبيد 26th يونيو 2011, 12:47

الليله ياحليلك يازين الرجال ياملك الدولار يالبتستر الحال الليله ياحليلك يالبتشيل من البنوك وتشتت قبال مايلحقوك ياودامى هئ ئ ئ ئ
الكورس وووب وووب وووب ....ووووووووووووووووووووب
الليله وينك إنتا يا الأسبليت هبوبك والهمر ركوبك الليله وينك إنتا ي البنيت المقصورة وركبت النافورة الليله وينك إنتا يا أب جيوب منفخة وأب عربية مصفحة
هئ ئ ئ ئ ئ
الكورس وووب...وووب ....ووووووووووووووووووووووووووب


شكرا فيصل منتداكو ده زماااااان طاااااعم ياااااخى كراعنا حاااااره ولا شنو ؟؟؟؟؟؟؟؟؟

العربيه المصفحه دى كنت محتاجه فى الاثنين يوم6 |6|2011م لزوم الشتات

هههههههه شكرا ابو احمد كلام فيصل صاح مساهماتك بقت بح ليه ؟؟؟؟؟
ناهد عبيد
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

عادات دخلية على مجتمعنا السودانى(حنان سكليب) ساخر سبيل Empty رد: عادات دخلية على مجتمعنا السودانى(حنان سكليب) ساخر سبيل

مُساهمة من طرف الفاتح محمد التوم 26th يونيو 2011, 13:57


لكن ما بسألم ....... دي الكان داكا بتاعتهم
حليل " كنداكة" الزمن الجميل

أبوي وينو سيد الطاحونة
أبوي وينو البعصر جنايا
أبوي وينو كاسي العرايا
أبوي وينو سيد القدح البجر
سيد الساقية البتخر
سيد الحلقة البكر
نارو بتوقد فجر
************
ناهد وفيصل
الجماعة ديل عملوا العزاء فيديو كليب !!!
تسلم ول عمتي " ابواحمد.. " .... أظهر يااااااخ

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

عادات دخلية على مجتمعنا السودانى(حنان سكليب) ساخر سبيل Empty رد: عادات دخلية على مجتمعنا السودانى(حنان سكليب) ساخر سبيل

مُساهمة من طرف محمود محمد ابراس 26th يونيو 2011, 15:04

والله كلام بكه سبعة نجوم
محمود محمد ابراس
محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

عادات دخلية على مجتمعنا السودانى(حنان سكليب) ساخر سبيل Empty رد: عادات دخلية على مجتمعنا السودانى(حنان سكليب) ساخر سبيل

مُساهمة من طرف الجبالي 28th يونيو 2011, 09:03

سكليب ينفع في مطارحه شعريه
لنيل جائزة ارقي سكليب في العالم

الجبالي
نشط مميز
نشط مميز


الرجوع الى أعلى الصفحة اذهب الى الأسفل

عادات دخلية على مجتمعنا السودانى(حنان سكليب) ساخر سبيل Empty رد: عادات دخلية على مجتمعنا السودانى(حنان سكليب) ساخر سبيل

مُساهمة من طرف اقبال عبداللطيف 28th يونيو 2011, 10:33

والله بالغت يااسامة وينك؟
الظاهر ياناهد كلامك مزبوط
النشوف لينا لوح تلج نكسرو للجماعة ديل ومنو نبرد كرعينا
اقبال عبداللطيف
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى