ابوجبيهه

أسماء السودانية القديمة الأصلية

استعرض الموضوع السابق استعرض الموضوع التالي اذهب الى الأسفل

أسماء السودانية القديمة الأصلية

مُساهمة من طرف osama osman في 10th فبراير 2010, 14:33

كان من الصعب بل المستحيل بأن تأتى لها بإسم دلع, مهما بلغت براعتك فلا يمكنك أن تدلع أسماء مثل : بلة , الطريفى , التجانى , الخزين , الزبير , الصديق , البشير , عكاشة , تيراب , الجنيد, الريح , الماحى , حمد النيل , عمسيب , الجاك , الجزولى ,جبارة الله , وغيرها....
على النعمة تحاول تدلع أى واحد من الأسماء الفوق ديل إلا ضهرك كع ينكسر , لأنها أسماء قوية زى الخرسانة ... أسماء مضببة ضد التدليع زى العكاكيذ... أسماء أهلنا زمان أسماء رجال ومافى أى طريقة لتمييعها او تدليعها .
حتى النسوان عندنا كان أسماهن صلبة ومحتشمة , وتنافس أسماء الرجال ! فى قوتها وخشونتها , فنلقى أسماء مثل :ست النفر , سكنية , التاية , ام زين , نفيسة , النخيل , غنية ,وغيرها..., والواحدة حتى لو اهلها كانوا متحررين , بالكتير يسموها الصندلية ....
والراجل ذاتو بيكون معجب بأسم أمو المحتشم وتلقاهو يحلف بيهو فى الصغيرة والكبيرة فنسمع : يقول أنا ولدك يا آآآأم زين.. أناولدك آآآغنية ... هسة أولاد الزمن ده يقولوا شنو ويحلفوا بأسم منو .. معقول الواحد يقدر يقول : أنا ولدك ياعبق أو ولدك يارنا أو انا ولدك يانوسة ....
أهلنا الكبار الزمان كانوا مابعرفوا النى وكل شئ عندهم نجيض . النى بدوهوا النار.
على الطلاق تنطق الأسم كده لما شعرة جلدك تكلَب وتنتفخ وجضومك تتورم من العجب والخيلاء بهذه الأسماء.

أب كريق فى اللجج
سدرك حبس الفجج
عاشميق حبل الوجج
أنا أخويا مقلام الحجج
مش زى أسماء الأيام دى شدة الأسماء مابقت مايعة تقررررب تخت الأسم فى تلاجة عشان يجمد ويبقى أسم رجال ...

شوفوا الأسماء دى هنو , ولى, مزونى , تمورى , عمورى , ندورى , أيمونى ,هنودى , هوبة وغيرها من الأسماء المايعة الما شادة حيلها.
وكذلك غناهم كان غناء رجال وأصواتهم كانت أصوات رجال ...
وكان المغنى يغنى الليل كلو بدون مايك وصوتو تلقاهو زى الجبخانه.
ياليل ابقالى شاهد على نار شوقى وجنوبى .
وناس زمان ديل حتى كعكهم كان كعك رجال ...
تدخل الكعكة فى خشمك كده لما يغلبك تلوكها
وتقعد تقرقش فيها كرم كرم زى الجمل القاعد يصقع فى الجرة . والأن جابوا لينا الكعك المايع بتشتى أنواعو تدخل القطعة فى خشمك تجئ تلوكها تلقاها عملت (سواح) وماتعرف !نفسك ... هل أكلتها ولا ماكانت فى قسمتك .
واخفيا أعظم ،واصل المرة الجاية ......!؟

osama osman
نشط مميز
نشط مميز


الرجوع الى أعلى الصفحة اذهب الى الأسفل

رد: أسماء السودانية القديمة الأصلية

مُساهمة من طرف Suhad Abduelgfaar في 25th مارس 2012, 14:14

ضحكتنى عمو اسامة ربنا يديك العافيه
وحقيقى بوست مبالغه
يونس بقول (انا ولدك يا سهاد) اها دى نغيرها كيف ؟؟؟؟؟
اين انتم اعزائ تركتونا بنتسأل
هل هى السياسه ام الرياضه ؟؟؟؟؟؟؟؟؟؟؟
رجعت الى الوراء فوجدت الحب والحكاوى الحلوه
وقلت نعم انهم اهلى ناس الحباك .
ولكن لا ادرى اين انتم الان ؟؟؟؟؟
نعم كلنا مشغولين بالدنيا والجرى الكتير بس
مره مره زورونا وما تنسو الحياك
خالص
احترامى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: أسماء السودانية القديمة الأصلية

مُساهمة من طرف ناهد عبيد في 26th مارس 2012, 12:18

أب كريق فى اللجج
سدرك حبس الفجج
عاشميق حبل الوجج
أنا أخويا مقلام الحجج

سلام كتييييييير ابو احمد بالجد بوست رائع .. رائع حااااار .

.......................................

اسامه مش بتقول ولدك يا غنيه واخوكى امنه
سهاد بت خالى .. يونس معاه حق ولدك يا سهاد جايه ومئه مئه ههههههههه

ربى يديكم العافيه جميعا يا رب قولو امييييين

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: أسماء السودانية القديمة الأصلية

مُساهمة من طرف Suhad Abduelgfaar في 26th مارس 2012, 12:58

ا
مين يا ناهد ويديكى العافيه انتى كمان
علا مسئوله من الخير وين خالك العزيز
غيابه طال ؟تحياتى له .
زكرتينى عندنا اخ عزيز معانا وهو اكبر منى وبصر بقول لى يا خالتو سهاد
ويوم قلت ليه اسمعنى انت قايل نفسك صغير ولا شنو يا عمو
رد وقال والله لو ما اسمك ده كنت بقول ليك يا حبوبه سهاد (احتراما لك)
وحينها دموعى سالت وردت زوجته( والله بختك اسمك نجدك ) من قولت حبوبه .

تحياتى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: أسماء السودانية القديمة الأصلية

مُساهمة من طرف رباط الكريس في 24th مايو 2012, 12:42

موضوع جميل بس الواحد لو سمة بتة ست النفر ولا النخيل مابكون زى الزول المشة لى بكة وقال عجبنة ليكم

رباط الكريس
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى