ابوجبيهه

حبوبات العولمه................. منقول

استعرض الموضوع السابق استعرض الموضوع التالي اذهب الى الأسفل

حبوبات العولمه................. منقول

مُساهمة من طرف عوض السيد ابراهيم في 22nd فبراير 2010, 16:41

قالت حبوبة لميس
مخاطبه حاجه شيرازالتي كانت منهمكه في فرك الباميه المحوره جينيا
والله ياشيراز ان ما عارفاك بتفركي كيف بي (مفراكة الليزر ) دي كيف. الناس بقو يفركو بالمفراكه ( الكهرومغناطيسيه )
ردت عليها حبوبه شيراز وهي تطفي البوتجاز الذي يعمل بنظريه الاوتار الفائقه
نسو شنو يابت عمي نحن لسه مادخلنا في عصر الصرخه العلميه .لكن اسكتي ساي ما وريتك امس حاجه ( رؤى ) عملت شنو
نططتت حبوبه لميس عيونها تتهيا لاستقبال الشمار وقالت مالا؟. انا عارفاها دي زوله عندها ( ضلالات عدميه) تلقاها سوت ليها عمله كبيره.!!
اجابتها حاجه شيراز
امس مشيت ليها البيت كنت دايره لي ( ثالث كرومات السايكوبالتيك) عشان الون الخبيز لقيتا ليك ماسكه (الاب توب ) بتاعه وعامله شات مع واحد عجوز من (هضبة التبت) تصوري. المرا المابتخجل دي
ومواصله لهذه القطيعه الالكترونيه قالت حاجه لميس
انا زاتي المرا دي ما هضمتها من ماسوت لينا القهوه في الجبنه الصانعنها من معدن ( التيتانوم) يعني ما سمعت بي جبنة (الالياف الضوئيه)
اضاف حاجه شيراز..
والله صحي (الماوس مابزيل بلم) العالم يتقدم وديل لسه في التخلف لكن انت امس مالك مامشيتي معانا لي الاحتفال بالذكري السنويه ( لجولدن جلاشو )
اجابتها حاجه لميس.
امس بعيد عنك مشيت افحص ( الجينات ) بتاعتي اصلو عندي جين كده مغلبني قلت اخلعو ارتاح منو مره واحده وبالمره غشيت الصائغ غيرت غوايشي بمعدن نفيس جديد اسمو (الزراتكلينيوم) جابوه من كوكب مامتذكراه لكن يدور حول نجم اسمو ( لالاند ) مننا زي ثمانيه سنه ضوئيه
هزت حبوبه شيراز راسها وقالت:
والله بقيتي خطيره عدييييل كده وغوائش البتاع القلتيهو ده انا زاتي ما سمعتبيهو..كدي وريني واحده
قالت ليها حاجه لميس
ديل ياختي للمناسبات بس ما بطلعوهن ساي ثم رفعت جاجبه الايسر باندهاش مفتعل واضافت وبعدين انت الظاهر عليك ما سمعت بي شنطة اليد الجديده العاملنها من( رقايق السيلكون )
سحبت حاجه شيراز نفسا عميقا وهي تجهز عبارات مناسبه لترد بها على هذه الهجمه الشرسه وترد لها البوبار بمثله
ثم قالت: حاجاتك القلتيها دي صاح انا مامرت علي.. لكن انت برضو ما سمعت بي ( الكفتيرات الجديده البتعمل بموجات الالفا) ولا بي ( الكمشه الاستقطابيه) ودي كمشه بتغرف الملاح براها وبتكبو في الصحن وعندك كمان الحله ( الغوتنيه) ودي بتنجض الملاح ( بالطاقه القمريه)
وفي هذ اللحظه دخل عليهن حاج (لؤي) زوج حبوبه شيراز وهو في الثمانيات ووقف جنب الباب ليتصنت على هذا ( البوباريشن ) المعتق وسمع حاجه لميس تواصل حديثها لزوجته وهي تقول انا ولدي المغترب في ( كوكب نيوتن) جاب ليهو (ولد الي) صغيروني يساعد مرتو في تقطيع السلطه غسيل العده
وفي هذه اللحظه دخل حاج لؤي وقال : قومن يانسوان سون الغداء وخلن( الفشخره ) الفاضيه دي
واضاف في سره بغضب وانشاء الله تقوم بيكن قنبله ( يوزوترونيه) تريحنا من نقتكن الكتيره دي
avatar
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: حبوبات العولمه................. منقول

مُساهمة من طرف غريق كمبال في 22nd فبراير 2010, 18:01

انشاله حال الحبوبات بعد سنين حتى لو فى امريكا ما فارقه 00لكن حبوبات ظراف
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: حبوبات العولمه................. منقول

مُساهمة من طرف الفاتح محمد التوم في 23rd فبراير 2010, 00:25

والله حبوبات الســرور يااستاذ عوض

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: حبوبات العولمه................. منقول

مُساهمة من طرف محمد قادم نوية في 23rd فبراير 2010, 12:05

دييل الجيل الثالث يا ابو السيد من الحبوبات؛؛؛؛؛؛؛؛
طبعا حبوبات ظراف ومواكبات مع الزمن ناس حبوبة شيراز وشيرين ورندا بناغشو الماشكل الاسرية وبحلوها عبر الفيس بوك والمسنجر يالهم من حبوبات ربنا يخليهن؛؛؛؛؛؛؛؛
دمتم
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: حبوبات العولمه................. منقول

مُساهمة من طرف amin_manga في 25th فبراير 2010, 08:58

لكن ما حبوبات مودرن وستايل كمان

(يجازي محنك)
avatar
amin_manga
نشط مميز
نشط مميز


الرجوع الى أعلى الصفحة اذهب الى الأسفل

ابو عويض لا عدمناك أيها الغالي ..

مُساهمة من طرف عثمان محمد يعقوب شاويش في 25th فبراير 2010, 10:37

أخي عوض ... تصدق الواحد مع غرف الغربة محتاج يتنفس شوية ..ويضحك ... عشان ما يشيل هموم هذه الدنيا ...الزايلة الفانية ...بالجد موضوعك جميل ... ولا تستبعد اي شئ مع هذا العلم المتطور والإستكشافات الهائلة ... اليوم الصباح بالجزيرة شاهدت اليابانيين بمسحوا الجوال على سطح معين ويركبون القطار أو البصات ...دون كمساري او مساءلة ..وباين الحساب بعدين ..ولا كيف ما عارف ...المهم تكنلوجيا وتتطور ...فشكراً لك على هذا العرض الرائع ... محبتي ...
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى