ابوجبيهه

كسرة معجونة ...

استعرض الموضوع السابق استعرض الموضوع التالي اذهب الى الأسفل

كسرة معجونة ...

مُساهمة من طرف الحاج عبدالرازق الحاج الب في الأحد مارس 14, 2010 1:04 pm

المقادير:
كسره أصليه من عيش الفتريتا الحمراء أو ودأحمد
2 حبة طماطم مقطه مربعات
بصل أخضر بي شنباتو مقطعه مربعات
وجرجير أخضر
قرنين شطه خضراء مدقوقه في الفندك
فص ثوم
زيت السمسم بريحة السمسم الخالص ( زيت ولد عصارة)
قليل من الفلفل الأسود
حبيبة شطه حمراء
ملح حسب الرغبه
شمار أخضر مطحون من دون شماراتكم
الطريقه:
نجيب الصحن الكبير
نجيب شوية مويه نكب فيها جميع البهارات والزيت
و نضيف الطماطم والبصل
ونخت الكسره ونعجنها بي لطافه ورقه
وبالهنا والعافيه محل مايسري يمري ..

وجبة كاااااااااااااربة مش كدة ..؟؟
avatar
الحاج عبدالرازق الحاج الب
نشط مميز
نشط مميز


الرجوع الى أعلى الصفحة اذهب الى الأسفل

رد: كسرة معجونة ...

مُساهمة من طرف nashi في الأحد مارس 14, 2010 11:37 pm

مالك علي بت امك يا اخوي نخلي القراية ام دق ونجي ولا كيف؟؟ Sad Sad Sad
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: كسرة معجونة ...

مُساهمة من طرف عوض السيد ابراهيم في الإثنين مارس 15, 2010 2:24 am

لك التحيه يا الحاج.
صدقنى أنا بقرأ فى الموضوع وأضحك لأنى بدأت أتخيل رد احسان قبل الوصول اليه..... وطبعا كان كما توقعت.
ياخوى شويه...شويه على الدكتوره...... لغاية ما ترجع البلد وتأكل ما يحلو لها.
avatar
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

الحاح عبدالرازق ....

مُساهمة من طرف عثمان محمد يعقوب شاويش في الإثنين مارس 15, 2010 3:36 am

والله يا حاج : ده شوق سااااي للسودان وكسرة السودان ... بس خلطه عجيبه ومشوقة ... وحركت اشواق بنتنا الغالية بالصين ... بس بشويش خليها.... وخلوها تقرا ...وقريب ده بتجيكم بإذن الله ... انت دائماًرائع يا عوض السيد ...الحاج جدول زيارتك في بالي ..بإذن الله ... وتحياتي لكل أسرة المنتدي ...محبتي
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: كسرة معجونة ...

مُساهمة من طرف الجيلى خليفة (شربك) في الجمعة نوفمبر 05, 2010 2:56 pm

تشكر ياواقعي هذا الصحن من ذاك المكان....مع نكهة شطة خضراء
avatar
الجيلى خليفة (شربك)
ابوجبيهه يابلدى


الرجوع الى أعلى الصفحة اذهب الى الأسفل

رد: كسرة معجونة ...

مُساهمة من طرف صباح حسن عبد الرحيم في الجمعة نوفمبر 05, 2010 3:13 pm

اخي الغالي الحاج كيف حالك
والله صحنك بالحيل حلو ومشووووووووووووووووق كمان
وزي ما قالت الغالية احسان مالك علينا بكره بنجي ونشبع في الكسرة معجونة وبالملاح و بالقرع و بالسكر كمان
تحياتي و احترامي

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: كسرة معجونة ...

مُساهمة من طرف ناهد عبيد في الجمعة نوفمبر 05, 2010 3:24 pm


قالوا لا بتغلط عليك ولا بنوسخ يديك

الله ينصر دينك يا الحاج ده الاكل ولا بلاش

قال برقر قال
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كسرة معجونة ...

مُساهمة من طرف غريق كمبال في الإثنين نوفمبر 08, 2010 8:13 am

يا ولد جيب ملاح؟الملاح الجابو الولد شويه 00ملاح قرع والكسره كتيره000جيب مويه والشطه الخضره وشوية زيت ونقلب الكل فى الصينيه وهاك يا عجن وسفسفه000شكرا يا الحاج ريقنا جمه
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: كسرة معجونة ...

مُساهمة من طرف Suhad Abduelgfaar في الإثنين نوفمبر 08, 2010 7:13 pm

لالا ده كلام خطير جدا
ليه ما عزمتونى
يا الدكتوره وناهد والصبوحه
شكلكم كده
نمتن بالكسره براكن
بس الله فى
ويديك العافيه
اخوى غريق
تسلم يا اخوى الحاج
وينك ما ظاهر كده
ابقى مارق والشيه على الابواب
avatar
Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى