صحن عصيدة ....كاااااااااااااارب ....
+3
عوض السيد ابراهيم
nashi
الحاج عبدالرازق الحاج الب
7 مشترك
صفحة 1 من اصل 1
صحن عصيدة ....كاااااااااااااارب ....
للعزابة :
ملاح الليله (ملاح نعيمية جامدة) والمقادير هي:
زبادي على حسب الأشخاص ..
دكوه + بهارات مشكله
قليل من اللحمه المفرومه + بصله محمره ذهبية اللون
وطماطم وقليل من الصلصه +ويكه
الطريقه:
نحمر البصله بعدها نضيف اللحمه تتشوي على النار إلى أن تستوي .. نجيب الخلاطه ..
نضع فيها البصله واللحمه المفرومه والطماطم والدكوه بعد ماخلطناهو نكبو في الحله ...
وبعدها نضع الزبادي في الخلاط بعد مافرغناه من الخلطه السابقه ..
نرجع للحله ونضع البهارات (ملح - كزبره - فلفل أسود) نرمي شطه خضراء بطولها في الحله..
وبعدين نجيب الزبادي ونختو في الحله مع الخلطه السابقه
ويجب التحريك المستمر بالمفراكه إلى الغليان ونضيف إليه الويكه علشان يتلايق
وشوية سمن بعد النضج
وبالعافيه على قلبكم يارب
وأتمنى الأكله أن تنال رضى الجميع ..
تخريمة : عصيدة الدخن حاجة تجنن ..!!
ملاح الليله (ملاح نعيمية جامدة) والمقادير هي:
زبادي على حسب الأشخاص ..
دكوه + بهارات مشكله
قليل من اللحمه المفرومه + بصله محمره ذهبية اللون
وطماطم وقليل من الصلصه +ويكه
الطريقه:
نحمر البصله بعدها نضيف اللحمه تتشوي على النار إلى أن تستوي .. نجيب الخلاطه ..
نضع فيها البصله واللحمه المفرومه والطماطم والدكوه بعد ماخلطناهو نكبو في الحله ...
وبعدها نضع الزبادي في الخلاط بعد مافرغناه من الخلطه السابقه ..
نرجع للحله ونضع البهارات (ملح - كزبره - فلفل أسود) نرمي شطه خضراء بطولها في الحله..
وبعدين نجيب الزبادي ونختو في الحله مع الخلطه السابقه
ويجب التحريك المستمر بالمفراكه إلى الغليان ونضيف إليه الويكه علشان يتلايق
وشوية سمن بعد النضج
وبالعافيه على قلبكم يارب
وأتمنى الأكله أن تنال رضى الجميع ..
تخريمة : عصيدة الدخن حاجة تجنن ..!!
الحاج عبدالرازق الحاج الب- نشط مميز
رد: صحن عصيدة ....كاااااااااااااارب ....
تخريمة : عصيدة الدخن حاجة تجنن ..!!
---------------------------------------
انت قاصدني عديل يا زول!
nashi- مشرف المنتدى الرياضى
رد: صحن عصيدة ....كاااااااااااااارب ....
الحاج كان اعمامك القاعدين معانا ديل ما قرعوك من اخيتك دى انا بكلم ليك ابوك...... شغلك دا قصد وشحتفه.....انت عارف يوم ح تجيب أكله بلديه تصبح الصباح تلقى أختك ناطه فى الحتانه....ياخوى شويه على اخيتك أديها صينية سمك ولا أى أكله عصريه تانيه بلاش شحتفه بالعصيده والنعيميه
عوض السيد ابراهيم- مشرف المنتدى العام
رد: صحن عصيدة ....كاااااااااااااارب ....
أها يا أبوإبراهيم قصرنا معاك واحده ليك والتانية لإحسان ومافي زول يهبش حقت التاني ........فطووووور كارب من الصباح ...وإحسان أظنوا وقت غداء ....لكن في الغربة دي مرات الواحد بيتغدي بفووول مصري؟؟؟ الليلة مطيييق ساي ؟؟؟؟
حجوج أظن مع الصورة الوصفة إكتملت وبقت حاجة تمام..وإنشاء الله الصورة تكون ظهرت .
حجوج أظن مع الصورة الوصفة إكتملت وبقت حاجة تمام..وإنشاء الله الصورة تكون ظهرت .
اشرف بشرى إدريس- مبدع مميز
رد: صحن عصيدة ....كاااااااااااااارب ....
يالحاج أخوى أرحم أخوان وأخوات البرة السودان لانو حيكون عندهم حاله نفسية اول مايسمعوا بالأكلات الشعبية دى عشان كدا ارحم من فى الأرض يرحمكم من فى السماء وبعدين أختك قاعدة على الهبشه وبعد شوية تعمل لعمنا عبدالرازق والحاجه وجع راس
osama osman- نشط مميز
رد: صحن عصيدة ....كاااااااااااااارب ....
ابو الشوش الصوره ما ظهرت لكن طبعا اتخيلت صحن العصيده.
أنا هيّن الكلام بنية خالك القاعده فى اخر الواطه..... والله عملتها فى اخيتك يا حجّوج
أنا هيّن الكلام بنية خالك القاعده فى اخر الواطه..... والله عملتها فى اخيتك يا حجّوج
عوض السيد ابراهيم- مشرف المنتدى العام
رد: صحن عصيدة ....كاااااااااااااارب ....
مرة في الهند إشتهينا لينا ملاح نعيمية زي دا قلنا نعملوا وغلبنا تب .. الزبادي بقى في جيهتاً براها واللحمة المفرومه في جيهتاً براها والدكوة(هندية معلبة جاهزة) حتلت في قعر الحلة والبصل لايص في الحلة (وأكتر حاجة زعلتنا الويكة الأبت تتلايق وبقت مدورة زي البلي لأننا تعبنا فيها تعب شديد عشان نلقاها) .
اشرف بشرى إدريس- مبدع مميز
رد: صحن عصيدة ....كاااااااااااااارب ....
طبعا بكييييت ومسحت دميعاتي يا اشرف اخوي وقبلت علي حلة الشوربه
الصورة في الايميل رهييييييبه والمشكله ما عدم العصيدة المشكلة اللمة حقت الناس والونسه والضحك وغايتو الله يتم القراية دي ساكت!
مشكوووورين شباب علي التضامن والدعم
الصورة في الايميل رهييييييبه والمشكله ما عدم العصيدة المشكلة اللمة حقت الناس والونسه والضحك وغايتو الله يتم القراية دي ساكت!
مشكوووورين شباب علي التضامن والدعم
nashi- مشرف المنتدى الرياضى
رد: صحن عصيدة ....كاااااااااااااارب ....
يوم كسرة معجونة ويوم طماطم بالدكوة والشطة الخضراء ويوم صحن عصيدة بالنعيمية ويوم ويكاب ويوم مرس وقريبا بامية مفرووووكة
خدرة خلا ساكت لكن مفروووووكة برضو بي كسرتا حارة ....!!!!!!
وماتنس المفروكة عليها ( قدحة)
دي حاجات تخلي اللي في الحباك ريقو يجم
وناس الصين كييييييف ؟
سلام يا دكتورة
خدرة خلا ساكت لكن مفروووووكة برضو بي كسرتا حارة ....!!!!!!
وماتنس المفروكة عليها ( قدحة)
دي حاجات تخلي اللي في الحباك ريقو يجم
وناس الصين كييييييف ؟
سلام يا دكتورة
amin_manga- نشط مميز
رد: صحن عصيدة ....كاااااااااااااارب ....
دا شنو دا يارطارق حرام عليك راعى شعور الناس البره يقولوا عليك شنو سادى واكثر من كدا غايتو انا بقول .....! باقى تمو انت
osama osman- نشط مميز
رد: صحن عصيدة ....كاااااااااااااارب ....
انتى ياحسان ياختى صورة أشرف دى شوفتها كيف انا شفت مستطيل ساكت الله غالب قالوا بشوف القلب ولكن يبدو انو الدكتورة شافت بالبطن عشان مشتهية حاجات البلد
osama osman- نشط مميز
رد: صحن عصيدة ....كاااااااااااااارب ....
وبعدين ياطارق ياخوى الوليه ماكان تخد العصيدة فى صحن زى صحن النسوان أكيد الولية دى من البحر لانو دا ماصحن بلد وين الصحن الماكن داك ياخوى
osama osman- نشط مميز
رد: صحن عصيدة ....كاااااااااااااارب ....
osama osmsn كتب:دا شنو دا يارطارق حرام عليك راعى شعور الناس البره يقولوا عليك شنو سادى واكثر من كدا غايتو انا بقول .....! باقى تمو انت
شكرا يا ابو احمد
قلنا نجهز الزوادة لمشوار الدهب
والدكتورة قالت دايرة ليها سلكوك من الدهب بس ترسل لينا الجهاز لكن ما يكون صيني
طارق كمبال- مشرف إجتماعيات أبوجبيهة
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى