ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اللالوب .. أو الهجليج كما يحلو لأهلنا ...

+4
عثمان محمد يعقوب شاويش
عوض السيد ابراهيم
nashi
الحاج عبدالرازق الحاج الب
8 مشترك

اذهب الى الأسفل

اللالوب .. أو الهجليج كما يحلو لأهلنا ... Empty اللالوب .. أو الهجليج كما يحلو لأهلنا ...

مُساهمة من طرف الحاج عبدالرازق الحاج الب 23rd مارس 2010, 23:13

حبانا الله بملايين الأشجار من الهجليج _ اللالوب ..
اللالوب له فوائد كثرة جدا" للإنسان ..أود ان أقول بأن هذه الثمرة مفيدة جدا" كملين طبيعي للبطن للذين يعانون من الإمساك حيث يتم شرابه بعد بله بالماء لمدة ساعتين ... وقد جربّت وأفادت على مدى سنوات طويلةالناس ..
وبذرة ثمرة اللالوب تحتوي على بروتينات وزيوت ، ويستخدم لب ثماره لمعالجة المياه الراكدة والقنوات ، وقتل الطفيليات فيها .. في السابق كانت قشرة ساق شجرة الهجليج تستخدم كبديل للصابون لتنظيف الملابس ، وتستخدم أيضا" كطارد للديدان .. كما ثبت أن الثمار تعالج أمراض الكبد ، والطوحال ، وكمضاد للسموم ، وعلاج للحميات والنزلات المعوية .. أما مستخلص الجذور فله تأثير فعال على مرض الملاريا .. ويستخدم منقوع قشرة جذور شجرة الهجليج في علاج مرض اليرقان .. ومن أحدث الإكتشافات المتعلقة بهذه الشجرة ، إن الأبحاث توصلت إلى أن ثمرة اللالوب تحتوي على عدة أنواع من المواد الأولية التي تستخدم لتخليق الهرمونات ، ودخلت حديثا" في تصنيع موانع الحمل عند النساء.. كل هذه العلاجات والفوائد تخرج من شجرة الهجليج التي تنمو في بلدنا بالملايين ، ولكن دون الإستفادة من هذه النعمة وهذه الثروة القومية.. وللأسف فإن المستفيد الوحيد منها هي الأغنام وتجار الحطب ..!!!.. أدركوا أشجار الهجليج هذه الثروة الدوائية القومية قبل أن تندثر...!!
وماأكثرها بالحباك ولنا معها زكريات كثرة (اللالوباية) وبالذات ودم طقش ...!!


عدل سابقا من قبل الحاج عبدالرازق الحاج الب في 24th مارس 2010, 21:29 عدل 1 مرات
الحاج عبدالرازق الحاج الب
الحاج عبدالرازق الحاج الب
نشط مميز
نشط مميز


الرجوع الى أعلى الصفحة اذهب الى الأسفل

اللالوب .. أو الهجليج كما يحلو لأهلنا ... Empty رد: اللالوب .. أو الهجليج كما يحلو لأهلنا ...

مُساهمة من طرف nashi 24th مارس 2010, 08:51

من دربك ده فتش ليك صيني من اصحاب النقر رسل لي معاه حبات ولا لمن ارجع تعرف حاجه Very Happy Very Happy Very Happy
nashi
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

اللالوب .. أو الهجليج كما يحلو لأهلنا ... Empty رد: اللالوب .. أو الهجليج كما يحلو لأهلنا ...

مُساهمة من طرف عوض السيد ابراهيم 24th مارس 2010, 09:28

بختك يا حجّوج دى صفقه دوليه
عوض السيد ابراهيم
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

اللالوب .. أو الهجليج كما يحلو لأهلنا ... Empty شكرا يا الحاااااج ....

مُساهمة من طرف عثمان محمد يعقوب شاويش 24th مارس 2010, 11:16

شيل شيلتك ...قالو ليك لو ما رسلت حبات اللالوب بعدين بتعرف حاجه .....والله لكين يادكتورة ضحكتيني شديد ...الظاهر عليك إشتقتي شديد للسودان ...الحاج عليكم بالسفارة الصينية بالسودان ...وكيس لالوب ظريف كده يليق بمقام الدكتورة ... بالله لازم ترسلوا ليها لالوب !!!؟؟؟...عوض عمودك خطير وإنت مرورك جميل ...وشكراً للمعلومة القيمة عن اللالوب ...وبالجد لو فرطنا في هذه الشجرة تبقي عوجه كبيرة ...وربنا يستر ..محبتي
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

اللالوب .. أو الهجليج كما يحلو لأهلنا ... Empty رد: اللالوب .. أو الهجليج كما يحلو لأهلنا ...

مُساهمة من طرف الفاتح محمد التوم 24th مارس 2010, 13:49

الحاج جربت زيت الكرنــاكة ؟؟؟؟

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

اللالوب .. أو الهجليج كما يحلو لأهلنا ... Empty رد: اللالوب .. أو الهجليج كما يحلو لأهلنا ...

مُساهمة من طرف الحاج عبدالرازق الحاج الب 24th مارس 2010, 21:28

والله ياأساتذتي دائما" أجد في ردودكم مزيج الجمال والروعة منساب حريريا" أملئوا أوراق المنتدي ...
ما ننحرم منكم ..
ياNash برسل ليك لالوب علي وزن لابتوب وكدة .. رأيك شنو يا أستاذ عوض السيد في الصفقة دي؟ رايك يهمني ...
العم عثمان فعلا" مفروض الناس تدي أهمية لثرواتها وتطورها قبل مايجوا ويعدمونا ليهو ؟؟؟
شكرا" لكم ومروركم كهذا المساء الفرايحي ...


أماالأخ الأكبر أبوالفتوح فأقول ليك زيت الكرناكة ده كنا بنعملوا أنحنة الشباب في المحلج وكان معاي "أنقلو " بتتزكر الإسم ده؟؟ ...!
الحاج عبدالرازق الحاج الب
الحاج عبدالرازق الحاج الب
نشط مميز
نشط مميز


الرجوع الى أعلى الصفحة اذهب الى الأسفل

اللالوب .. أو الهجليج كما يحلو لأهلنا ... Empty يا حاااااج يا ذكي ...

مُساهمة من طرف عثمان محمد يعقوب شاويش 25th مارس 2010, 07:53

قلت لي لالوب على وزن لابتوب وكده ... والله إتفاقية خطيرة ... يعني اللالوب ده الدكتورة تخليه ولا شنو ؟؟؟.... طيب خليها تقلب حساباتها ... لأنها في غربة وبعدين تقول ليك الرأي شنو .... تسلم ...بنعرف الكرناكه ..بس إنتو بتعرفوا سرنية اللالوب ... مين ..مين الشاطر يجاوب على هذا السؤال ...وهذاسؤال من صميم بيئة اللالوب .... محبتي
عثمان محمد يعقوب شاويش
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

اللالوب .. أو الهجليج كما يحلو لأهلنا ... Empty رد: اللالوب .. أو الهجليج كما يحلو لأهلنا ...

مُساهمة من طرف عوض السيد ابراهيم 25th مارس 2010, 08:01

لك تحياتى واحترامى يا حجّوج وانت تتحفنا بما تجود به طبيعتنا.
أنا مصمم على اتمام الصفقه كما طلبت لأن اخيتك الدكتوره طالما انها شغاله تحضير أكيد بيكون عندها بدل لاتوب مجموعة(لباتيب).
تحياتى عبرك للدكتوره المجاهده وتمنياتى لها بالتوفيق والسداد
عوض السيد ابراهيم
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

اللالوب .. أو الهجليج كما يحلو لأهلنا ... Empty رد: اللالوب .. أو الهجليج كما يحلو لأهلنا ...

مُساهمة من طرف د.الجنيد احمد سليمان 25th مارس 2010, 12:46

دا كلو فى (الهجليداى) يا الحاج؟
والله حقو الواحد يطرف من المدينة شوية و (يحدق) ليه جنينة (هجليد) ...ويا دكتورة انحنا مع الحاج (اللابتوب مقابل اللالوب)..والماعجبه يشوف عنب الصين كان بسد الفرقة..اوعاك تتنازل يا الحاج
ود الشاويش..البنية قالت لخيها(رسل اللالوب وبعدين تشوف حاجة) تقوم تقول ليه (كان ما رسلت اللالوب تشوف حاجة؟)اها رايك شنو كان هى مارسلت اللابتوب تشوف حاجة وما تشوف لالوب...اركز آ الحاج اللابتوب اولا ثم اللالوب..والا ما نوقع الاتفاقية... والوسطاء يمتنعون

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

اللالوب .. أو الهجليج كما يحلو لأهلنا ... Empty رد: اللالوب .. أو الهجليج كما يحلو لأهلنا ...

مُساهمة من طرف nashi 25th مارس 2010, 14:33

الحاج طماااااااااااااااااااااااااع بس مافي مشكلة عشان خاطر عمنا عثمان واخونا عوض السيد والاخ د.الجنيد موافقة علي الهبات المشروطه Very Happy
nashi
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

اللالوب .. أو الهجليج كما يحلو لأهلنا ... Empty رد: اللالوب .. أو الهجليج كما يحلو لأهلنا ...

مُساهمة من طرف طارق كمبال 25th مارس 2010, 14:37

شكرا يا الحاج وماتنسى السبحة بتاعت شيوخنا برضو من فوائد اللالوب
طارق كمبال
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

اللالوب .. أو الهجليج كما يحلو لأهلنا ... Empty رد: اللالوب .. أو الهجليج كما يحلو لأهلنا ...

مُساهمة من طرف د.الجنيد احمد سليمان 25th مارس 2010, 15:31

يا دكتورة ...كلامك صااااااح..الحاج طمااااااع..سامعه تحت تحت قال اللابتوب(بدور لو برنتر وسكانر Printer & Scanner)..لكن بينى وبينك اللالوب برضو غااااالى...و(حجيج امه) برضو غااااالى.
اطلع حاجه ياولد

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

اللالوب .. أو الهجليج كما يحلو لأهلنا ... Empty رد: اللالوب .. أو الهجليج كما يحلو لأهلنا ...

مُساهمة من طرف الحاج عبدالرازق الحاج الب 25th مارس 2010, 21:21

أساتذتي الأجلاء ..
مساكم الله بالخير ...
إستمتعت بالتجوال بين معانى مفرداتكم ..ومروركم.. وماأروع أن تتداعى قواميسنا الداخلية وتمعن للمفردة بأريحية وهدوء .. وكم جميل أن تشاركونني ما أخطه .. وفعلا" يادكتور انا طماااااااااااع ..!
كونوا بخير وربنا يحقق كل أمانيكم ...
الحاج عبدالرازق الحاج الب
الحاج عبدالرازق الحاج الب
نشط مميز
نشط مميز


الرجوع الى أعلى الصفحة اذهب الى الأسفل

اللالوب .. أو الهجليج كما يحلو لأهلنا ... Empty رد: اللالوب .. أو الهجليج كما يحلو لأهلنا ...

مُساهمة من طرف زهيرحسن السيد 28th مارس 2010, 12:11

الشكر لك اخي الحاج ...علي الموضوع المفيد حقا...وتاني الهجليج..ما انتطقع في الحلة ...
بس ماأحلي كسرة الموية بي زيت الكرناكه ...
وعيش الكلم (وهاكم دي ياناس الخارج)
زهيرحسن السيد
زهيرحسن السيد
مبدع مميز
مبدع مميز


الرجوع الى أعلى الصفحة اذهب الى الأسفل

اللالوب .. أو الهجليج كما يحلو لأهلنا ... Empty رد: اللالوب .. أو الهجليج كما يحلو لأهلنا ...

مُساهمة من طرف الفاتح محمد التوم 28th مارس 2010, 12:33

العزيز زهير::: طبعاً هنا عندنا طواحين ونحن متعودين على " العجب سيدو " وزيت السمسم الولد موجود كمان , يعني ما تشيل هم "والله بنعجن الكسرة بزيت السمسم وطماطم وبصل أبيض كمان والشطة " وقعدة بمزاج حول الصحن الكبير بمعدل لا يخطر على بال مغترب....وهذه نفعتنا يا زهير لأنو الوليدات لمّا رجعوا البلد لم يسألوا عن شئ" عندي عمتي النسيم معلمة قالت يا أولاد انتو بتاكلوا طوالي ما زي عيال المغتربين مالكم , ما بتسألو من ده شنو وده شنو "زهير....هل تصدق عندنا قدوقدو ؟؟

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

اللالوب .. أو الهجليج كما يحلو لأهلنا ... Empty رد: اللالوب .. أو الهجليج كما يحلو لأهلنا ...

مُساهمة من طرف د.الجنيد احمد سليمان 28th مارس 2010, 13:43

الفاتح قالSadوهذه نفعتنا يا زهير لأنو الوليدات لمّا رجعوا البلد لم يسألوا عن شئ" عندي عمتي النسيم معلمة قالت يا أولاد انتو بتاكلوا طوالي ما زي عيال المغتربين مالكم , ما بتسألو من ده شنو وده شنو "زهير....هل تصدق عندنا قدوقدو ؟؟)
والله يا الفاتح ات ااحسن زول لان اى مغترب لما يرجع ويسمع اولاده يسألو عن الأشياء المحلية بيزعل وضميره بأنبه..الا يا خوى القدوقدو دا بتاكلوه من باب (اخشوشنوا فان النعمة لاتدوم) ولا تغيير (للبيتزا..المارتيدلا..الهامبرجر.. وهلمالحومات..؟
دمتو يا حبايب

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

اللالوب .. أو الهجليج كما يحلو لأهلنا ... Empty رد: اللالوب .. أو الهجليج كما يحلو لأهلنا ...

مُساهمة من طرف nashi 28th مارس 2010, 16:38

وعيش الكلم (وهاكم دي ياناس الخارج)


""والله إنت قاسندنا أديل كده"" Sad Sad يا زهير اخوي
nashi
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى