ابوجبيهه

ونسه سودانيه

استعرض الموضوع السابق استعرض الموضوع التالي اذهب الى الأسفل

ونسه سودانيه

مُساهمة من طرف غريق كمبال في 31st يوليو 2010, 15:25









البت دى لو سمعت كلام امها بطلقوها او كلام الام صح


ارائكم تهمنا














نصائح ام سودانية لابنتها

يا بت هوي فتحي عينك و ابقي نجيضة وفالحة...... قدر ما اجي داخله عليكم القاكي .... هي هي هي .... و قر قر قر ..... تضحكي مع عبد الله دا....
الراجل ما تضحكيلو كتير..... يسعالني الله، يحقر بك....الراجل اديهو
العين الحمرا. وان قدرك الله ايدك تلحقيها ليهو لحقيها...ابقي نجيضة.....آآية...... زي امك.....الله بسعلني وقت ابوكي يقول حاجة تضحك.... امشي اتحشر في الاوضة واضحك زيييين واجي مارقة صارة وشي.... وبعدين اوعك واوعك وبعدين تااااني اوعك... تقوليلو الجلابية دي سمحة والله العمه اللابسها دي سمحة... نفسو تقوم تعجبو يعرس فوقك.... وبعدين تشربي ما تروي....واكربيهو بالطلبات.... اوعي تخلي لك قرش يبيت في جيبو...واوعك تخليهو يشوف ال....... بيخربن الرجال... و وقت المسلسل داك يبدأ شفتي جيبي فندكك واقعدي دقي أي حاجة جنبو ويا ريت لوكانت شطة... ولا كان شافعك جيعان وداير يرضع وبيبكي خليهو في بكاءهو داك لمن المسلسل ينتهي.... وبعدين ما يجى داخل يلقاكى تغنى حتى ان بقيتي دايرة تغني اوعك من الغنا الخايس ناس حبيبي حبيبي.... امسكي في الغنا الحار زي البيجري نسيبتو و مرتو طلقانة ولا اندب حظي ولا دفاعنا الشعبي ياهو ديل ولا النار ولعت بقلبي بطفيها.....اااااااااااي.... عشان تربيلو الزلعة .....والخلعة....بس اوعك تغني ليه الليلة يوم الرجال.... بيقوم يصدق و يتحنفش فوقك ساكت........ واوعك تشكريلو حاجة جابها.... ان جاب لك لحم ختي ايدك فوق راسك وقولي لو ووب علي ووب علي ووووب علي غشوك وادوك الجلافيط.....وان جاب لك فتيل ريحة اول ما تفتحيهو وتشميهو طوالي صرى وشك وقبلي غادي وابزقي وقوليلو دا شنو يا عبدالله؟......الريحة المتل ريحة الفسيخ دي جايبها من وين؟ غايتو انت مغستك تقد....... وان جنك نسوان ولا بنات....ما تخليهو يقعد وسطن....ويتونس.... طيريهو من البيت....وان ابى يمرق... قدرمايقول ليو نكته ولا يخفف دمو قدامن صري ليهو وشيك.... وقوليلو انت يا عبد الله ما عندك غير النكتة دي؟ يا خي عملت لنا بها وجع وش......اصلهم الرجال عارفاهم... الواحد فيهم من يشوفلو لمت بنات يقعد يخفف في دمو ويعمل فيها ودنفاش.....وتلقيهو يضحك بلا سبب... حتى ان واحدة قحت ساكت ... يقعد يضحك ويصفق اديهو....واوعك تخليهو معاهن وتدخلي المطبخ تسوي لك شربات .....وحات الله بنات الزمن دا ان غفلت من راجلك دقيقة بس تلقيها عرستو... ااااااى... اسمعى كلام امك يا بت حشاى .. امك دايرة مصلحتك .. ااااى !!!












avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: ونسه سودانيه

مُساهمة من طرف أزهرى الحاج البشير في 31st يوليو 2010, 16:32

كرت أحمر
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: ونسه سودانيه

مُساهمة من طرف محمد قادم نوية في 3rd أغسطس 2010, 15:12


ده كلام عجيب يازعيم!!!!!!!!!!!
ودي ام عندها تجربة في الحياة تمام ؛ لكن اعتقد لو البنت سمعة كلاما دا النتيجة بتكون غير حميدة ؛لأنو رجال الزمن دا بقو عارفيين خبايا النساء تمام


عدل سابقا من قبل محمد نوية في 3rd أغسطس 2010, 15:49 عدل 1 مرات
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: ونسه سودانيه

مُساهمة من طرف غريق كمبال في 3rd أغسطس 2010, 15:27

والله ياول نويه كلامك صح واليد العجيبه دى ضحكتنى شكرا على المرور
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: ونسه سودانيه

مُساهمة من طرف حافظ جميل في 4th أغسطس 2010, 12:24

البت اللي امها زي دي اصلا بيكون طلقوها زماااااااااااااااااان
avatar
حافظ جميل
عضو نشط
عضو نشط


الرجوع الى أعلى الصفحة اذهب الى الأسفل

رد: ونسه سودانيه

مُساهمة من طرف زهيرحسن السيد في 4th أغسطس 2010, 13:29

غريق اخوي دي مامقطعاه النفس ...
والزول دا لسه ماطلقها ...
الوصية ...الوصية ...
تلحق بتها امات طة...
شكرا غريق
avatar
زهيرحسن السيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: ونسه سودانيه

مُساهمة من طرف Suhad Abduelgfaar في 4th أغسطس 2010, 19:58

العين الحمرا. وان قدرك الله ايدك تلحقيها ليهو لحقيها...ابقي نجيضة.....آآية...... زي امك.....الله بسعلني وقت ابوكي يقول حاجة تضحك.... امشي اتحشر في الاوضة واضحك زيييين واجي مارقة صارة وشي....!!!!!!!!!!!!والخلى ابوها يقعد مع امها الوقت ده كله وده اسلوبها شنو؟؟؟؟؟؟؟؟؟؟؟تسلم يا اخوى غريق
avatar
Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: ونسه سودانيه

مُساهمة من طرف سومه العمدة في 17th ديسمبر 2010, 14:11

دي اكيد ماامها بجد يامرت ابوها تكرها شديدوعوزة تخرب ليها او واحدة خرفانة. مستحيل تكون امها..................
avatar
سومه العمدة
نشط مميز
نشط مميز


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى