ابوجبيهه

تيس أبودبورة . . .

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي اذهب الى الأسفل

تيس أبودبورة . . .

مُساهمة من طرف عثمان محمد يعقوب شاويش في 5th يوليو 2009, 09:28

من أطرف الأشياء بعد ارسلت رسالتي كرد لجدتي الغالية ، بعدها تجاذبت الحديث مع أخي عوض جاويش وذكرت أبودبورة يرحمه الله . . وقال لي لا حولة . . . أسأل اصدقاء المنتدي قول ليهم بتذكروا تيس أبودبورة ..... طويل وشعره كثيف جداً .... قال لي كان عفن جداَ ويالها من ذكريات حلوة . . .


عدل سابقا من قبل عثمان محمد يعقوب شاويش في 29th أغسطس 2009, 15:14 عدل 1 مرات
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف فيصل خليل حتيلة في 5th يوليو 2009, 09:51

سلامات يا جاويش

طبعا بالاضافة الى تيس ابو دبورة هناك ( كوميد ) كلب عمنا المرحوم عبدالكريم مصطغى

و حمار جدنا سعيد ود المحسى و الله يا عثمان زكريات جميلة و رائعة جدا.

بالله يا عثمان قول للاخ عوض الله اظهر فى المنتدى
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

نحن مسطحين

مُساهمة من طرف طارق كمبال في 5th يوليو 2009, 10:41

السادة عثمان وفيصل خليل نحن تهنا بين التيس ابو دبورة وكلب عمنا المرحوم عبد الكريم وحمار ود المحسي
سمعنا ان المسطح هو الذي يركب على سطح القطار نسبة لعدم توفر التذكرة رقم المخاطرة والمجازفة بالروح يظل مستمتع بشيطنته ولكن وللاسف هو لا يعلم مايدور بداخل القطار
فنحن مسطحين
avatar
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف حيدر خليل حتيلة في 5th يوليو 2009, 11:01

لك التحية اخي عثمان وبالجد رجعتنا الي الزمن الجميل
واقول للاخ طارق ابودبورة عليه رحمة الله كان سائق عربة الاسعاف في مستشفي ابوجبيهه هل تصدق ياطارق انو كان في سيارة اسعاف في مستشفي ابوجبيهه في الستينات والسبعينات من القرن الماضي وكانت العربة من ماركة الكومر برطانية الصنع
اما كوميد فهو كلب ناس عمنا عبدالكريم مصطفي وياويلك لو تمر بالقرب من بيتهم واضيف هنا كلب اخر كان من معالم الحيشان التلاتة "سمير"

حيدر خليل حتيلة
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

ِشكراً أحيتي طارق وحيدر

مُساهمة من طرف عثمان محمد يعقوب شاويش في 5th يوليو 2009, 11:38

لكم التحية على تعليقكم الطريف وردكم الظريف والتيس ياطارق كان فى ثاني بيت بعد عبدالرحمن الترزي في حي الممرضين جوار مكتب الصحة .. وبالركن في أول اللفة تشم ريحة التيس ... ولكم حبي .
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

يبقى تيس عم مصطفى الأشهر

مُساهمة من طرف أزهرى الحاج البشير في 5th يوليو 2009, 11:52

يبقى تيس عم مصطفى الشفيع هو الأشهر فى دائرة منطقتنا ، ولا أدرى كيف أصف مقدار العذاب الذى كانت تحس به الوالدة من جراء عمايل ذلك التيس الملتحى ، كان بخطوة الواثق يتحدى الوالدة أن تضع عيشها فى سابع سما دون أن ينال منه ما يريد ، كان يدخل كمن يلبس طاقية الأخفاء ولا تراه إلا بعدما يكون قد حقق مبتغاه بالرغم من كل الحراسة المشددة المضروبة على تلك الذرة البيضاء المغسولة والمنقاة من كل شائبة ، وفجأت ترميه الوالدة بحذاء طائر دون أن تنال منه ويفر هو ضاحكا مستهزأ قائلا بلغته التى لا نفهمها موعدنا بكرة يا حاجة ولا تملك الحاجة إلا الدعوات له بالهلاك . برضو زمن جميل .

سمير كلبنا المدلل من ثلاث بيوت أتى به عبدالرحمن من منزل الراحل العم عبدالكريم مصطفى ولعل كوميد أباه ، كان له شعر كثيف جميل ولون ذهبى أخآذ ، أستجلبة عبدالرحمن بعد أن تعبنا من الحرامية الذين تخصصوا فى سرقة تياب أختنا أم هجو نفيسة ، أذكر أن لها توبا جميلا أسمه السبب الحمانى ، ثوب أزرق بديع أهداه لها أخونا وأبونا صالح ، كانت تقضى تلك الليلة فى منزل طيب الذكر الخال موسى شرتوق وأذكر حين أبلغتها أن الحرامى سطا علينا البارحة وسرق فيما سرق ثوبك الأنيق أطلقت العنان لدموعها حسرة علية ، دموع لم تجف حتى عوّضت عنه بثوب آخر. برضو ذكريات جميلة بكل دموعها.
كنا نخاف على كلبنا سمير من طائش الرصاص من بندقية جقدول وهم يصطادون الكلاب خوفا علينا من السعار ، كانت الدولة تهتم وقتها بمثل هذه الأمور التى تبدو الآن ضربا من الرفاهية ، كانت الدولة تحارب السعار والناموس بالزيت والآفات بالجمكسين ، كانت وقاية النباتات حاضرة لمحاربة العودى والبق وكان ما كان ........ وكان أكسيكى در ..... وكان هناك الكثير من ما يحكى ويقال ، وراح ذلك الزمن الجميل. كان سمير ملكا لتلك البيوت الثلاثة ، الكل يدلل وعبدالرحمن لديه الملكية الحصرية. شهرة سمير كما أوضحت ضمنا أخذها من أنه كان كلبا فى غاية الجمال والوداعة ، ودودا ، وفوق ذلك يمكنك الوثوق به ليلا فى الحراسة.

للحديث بقية يا طارق وسأحاول السرد بطريقة تجنبكم التسطيح ، لا بد للسارد أن يأخذ القارئ لتفاصيل الحدث وعليك دائما أن تحكى لشخص لم يواكب الحدث وإلا لما وصل إلينا التاريخ.
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

ميرسى ... كلب الشيخ محجوب

مُساهمة من طرف أزهرى الحاج البشير في 5th يوليو 2009, 13:16

كلب الشيخ محجوب ... وأنا صغير جدا ولعل شيخى المحجوب حسن الأمين كان وقتها طالبا بخورطقت أو المدرسة المتوسطة ، المهم فى الأمر أن الشيخ محجوب أحضر كلبا غريبا ذلك الوقت، ولا يعرف الناس عندنا مثله من قبل ، ولعلها أنثى كلب من التسمية فهى بيضاء كاللبن حريرية الشعر وعلى ذلك البياض الناصع بقع سوداء كبيرة هى أشبه للجزر من البقع وأطلق عليها أسم ميرسى وهو اسم أعجمى وتكسر السين فى القراءة لتحمل الكلمة الفرنسية ميرسى وهى شكرا بالعربية ويقراءها الفرنسيون بقلب الراء غينا فتقرأ ميغسى أيضا بكسر السين ، ولربما يكون وهو الراجح أن الأسم مشتق من الكلمة الإنجليزية ميرس بمعنى رحمة. كان فى غاية الجمال ولا أذكر كم كان حظه من الشهرة فالزمن طال والذاكرة إعتلاها الوهن.

حمارأخوى عبدالرازق الحاج ...
كان حمارا ليس له أى فضل يذكر به ، ميتان ، مدّبر يعنى عندو دبرة فى ظهره ، وعندما يدبّر الحمار فتلك نهايته ، لعل شهرة هذا الحمار فقط عندما فارق الحياة .... أدعّى الأخ بشير الحاج ونحن صغار طبعا ولا أريد هنا مشكلة مع الأخ بشير وأنا زى ما بقولوا ضقت المر منو وأنا صغير ... دعوى بشير إن سبب وفاة الحمارهو إن الأخ بشير خلع الحمار فأسلم الروح من أثر تلك الخلعة ... إنتهى.

كان جقدول الذى إشرت إليه فى المداخلة السابقة بوليسا فى البلد وصائد ماهر ، تخصص فى إصطياد الكلاب الضالة وكان الشاويش ضو البيت هو رئيس النقطة وكان من العساكر ذلك الوقت أخونا عيسى عبدالرازق وأحدهم إسمه عبيدالله تذكرته لأنه كان مستاجر منزل لنا حول المنطقة التى يسكن فيها الآن الأخ صديق التعايشى وقطعتى أرض ما زالت فى ملكية أخونا عبد الرازق متعه الله بالصحة والعافية وسقت هذه المعلومات للأخ طارق خوفا علية من التسطيح .... ونقطة البوليس هذا هو الأسم القديم لمركز الشرطة الآن كان فى نظرنا ذلك الوقت بعيدا جدا وفى آخر الدنيا ، أكثر مكان كنت أكرهه ولا أمر أبدا من عنده وليس لى معى أى ذكريات كأنى حرامى فى رأسه ريشة ...... محبتى.
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف حيدر خليل حتيلة في 5th يوليو 2009, 14:54

والله ياابوالزهزر نفسي اعرف سبب عداوة وكراهية سمير للمرحوم علي جاد كريم ؟

حيدر خليل حتيلة
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

بسيطه على قول شيخ حبيبو

مُساهمة من طرف أزهرى الحاج البشير في 5th يوليو 2009, 15:09

على جاد كريم ولى عنده- هو وجان كرن وسليمان أب بوخ وحمودى فلوكس وحامد ود القرنى وكجو وأكج و وتمبيرة وغيرهم كثر - وقفة طويلة.
على جاد كريم يأتى ومعه جماعتة وأنتم لا ترونهم ، ولكن سمير يراهم وتنتابه حاله من هيستريا النباح.
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

عودة لحمار عبدالرازق !!!

مُساهمة من طرف عثمان محمد يعقوب شاويش في 7th يوليو 2009, 09:56

ياأبوالزهر أحكي ليك قصة حمار عبدالرازق الحقيقية ولسع ممقوص منها ... يوم بالعصر واقف قدام بيتنا وشايف عبدالرازق سايق الحمار أمامه والحمار ماشي براحة ، وعندما سلم علي عبدالرازق ، قلت ليه الحمار ده موديه وين ؟ قال لي يا خي والله الحمار ده عذبنا نطردوا من البيت يمشي يقيف في الدكان نطردوا من الدكان يرجع البيت .. وعذبنا في البيت ، قال لي ماشي أوديه على الشيخ الأمير عشان يلقاه مرفعين أو أي مصيبة تخمو ... قلت ليه طيب ياخي ماتديني ليه .. قال لي شيلو.. وفعلاً فرحت وإستلمت الحمار ودخلتوا حوشنا ، وعلى الفور حفرت حفرة للشعبة وهو واقف جنبي مابتحركك ، وجبت حبل وربطه من رجلو ـ ورحت جبت ليه مويه ، ومشيت شحت لي قرشين جبت بيها عيش من عمي أبوكاموكا يرحمه الله ولي عودة ( لعمي الغالي العزيز يرحمه الله ) وأديت الحمار عيش ـ أكل كويس ...وبالمغرب ولعت ليه نار من الناموس ، وبديت أفكر وقلت بكره من الصباح وعلي البطري ـ وأتابع البطري ... صدقني والله العظيم اليوم داك ما نمت كويس ، علي طول أفكر زي قصة صاحب السمن !!؟ وقلت لما الحمار يكون كويس أبيعوا وأستثمر فلوسو وأعمل لي طبلية كبيرة ،،، أفكر.. وأفكر ولم أنم ! وعندما صحيت الصباح أول شئ توجهت للحمار ...وتصدقوا لقيتو ممد ميت ... ياالله ... وحوالي الساعة 8 مشيت مكتب الصحة وسألت من عمي بابكر سواق التراكتور ، عمي أججن الله يحمه قال لي في السوق ، رحت لهفي السوق وأخبرته بموت الحمار ومشكور أحضر التراكتور وجريناه مع الأعمام عمر الكتح الله يرحمه وواحد آخر لا أتذكر إسمه ، المهم رفعناه وتحرك التراكتور بدخانه الجميل وصوته الذي لاأنساه أبداً ولا أدري إلي أي موقع أخذه ..ولا أعتقد لعوير ود الشاويش .. وتقبلوا تحياتي ...
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

يعّوضك الله فى قرشين العيش

مُساهمة من طرف أزهرى الحاج البشير في 7th يوليو 2009, 10:21

يعّوضك الله فى قرشين العيش ، وسهر تلك الليله ولعل العيش قلب ليهو معدته فأسلم الروح . ولكنك لم تقل سيدى هل كانت الوفاة قبل الخُلعة أم بعدها ، هل زاركم بشير تلك الليلة ، هل تم تحرير شهادة وفاة ... أسئلة كثيرة أخى تنتظر الأجابة ، لقد فتحت لنا جبهة جديدة وأنا أريد توثيق القصة لأجيال المستقبل. كما أرغب أن يكون التوثيق علميا ، أريد بالتحديد معرفة تأثير الخُلعة على قلب الحمار المسكين من ناحية سايكولوجية ، أصلو يا أخوى قليبى رهيف وأبو أولاد وأخشى أن تصيبنى خُلعة الله وحده يعلم تداعياتها .. أفيدنا جزاك الله خيرا.
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف حيدر خليل حتيلة في 7th يوليو 2009, 10:45

والله هذه تصلح تكون قصة يدرسوها لاولادنا في المدارس غايتو اخونا عثمان خطير في السرد والله ضحكت وكدت اسقط من علي الكرسي وانا بتصور مشاعر اخونا عثمان في ذلك اليوم الاغبر
وماعارف حتكون مشاعر اخونا بشير وعبدالرازق حتكون كيف لو ان الحمار تعافي وصار سليم ومعافي وسريع وتخيلو معي اخونا عثمان وهو ممتطي ذلك الحمار ويتجول به في سوق ابوجبيهه؟

حيدر خليل حتيلة
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

كليلة ودمنة

مُساهمة من طرف طارق كمبال في 7th يوليو 2009, 12:46

والله يا ابو الزهور انت والسيد عثمان والسيد فيصل كاتبين قصة حقيقين
والله لا استطع ان اتصور مشاعر الحاجة التى نظفت عيشها للابرية والتيس يحاول النيل منه لو كنت حاضرا لذبحته وارحتها منه لكن الكوميديا في حمار عمنا عبد الرازق هذا الرجل المرح رقم صداقتنا المتميزة مع ابنائه النقر والحاج والفاضل الا انه دائما يسامرنا بروح الاخ ماساتنا في ان هذا الحمار المدبر قطعا بيكون احزنه بموته وانا اعتقد انك يا ابو الزهور السبب في وفات الحمار لانه بيكون اتعبك برعايته من سقيانه الماء واحضار العلف وحاحات من ده فبتكون قررت ان ترتاح منه مادام الجمكسين في مكتب الوقاية فلك الله ياعمنا عبد الرازق لو كان حمارك حضر هذا الزمن لقمنا بتشريحة ومعرفت سبب الوفاة حبيبنا ابو الزهور انا بقراء في هذه القصص والتي اخرجتني من التسطيح ودائر في راسي قصة كليلة ودمنة لعبد الله بن المقفع
لنا عودة لمعرفت موت الكلبة
avatar
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

شكرا حيدر

مُساهمة من طرف طارق كمبال في 7th يوليو 2009, 12:53

الاستاذ حيدر كنت اعتقد ان اسم التيس ( التيس ابو دبورة) ماكنت اعتقد انه مملوك لشخص ابو دبورة فلك الود لمن مسؤلية موت حمار عمنا عبد الرازق تقع على الحبيب ابو الزهور
avatar
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف معتصم مصطفي بابكر في 9th يوليو 2009, 22:50

طارق كمبال لك تحياتي وتقديري ياأبوالنسب وليكم وحشة والله ، وجد كده أثرت ذكريات فأنا قلت ليكم شوفو وين المراجع الابوجبيهية أمثال الفضل وأبوالزهور وعثمان ويونس وكمبال الطيب ونجيب عبدالرحيم والكثير من هؤلاء الاخوان ( عفوا الاباء الأجلاء) فيا عثمان وأبو الزهور وفيصل وحيدر مع كومد وتيس أبودبورة كان هناك ( تقل حمدان ) فيا كمبال تقل حمدان ده كان معذب ليك ستات الفول والتسالي بصورة ما تتخيلها أبدا ففي يوم من الايام ونحنا مع العصرية كنا قاعدين تحت شجرتنا بتاعت النيم علي الحجارة التي شكت مننا من كثرة الجلوس عليها ( نظام تجكيس ) فكانت هناك بت من ستات الفول شايلة صينية الفول والتسالي علي رأسها وجاية من ناحية ميدان الكورة القديم وعندما أقتربت من شجرة النخل التي كانت تقع بين بيتنا ومدرسة البنات نشوف ليك تقل حمدان جاي طايرليك طيران رهيب ومين البجروء فينا يمسكو .. ما كان تقل عجيب جدا وطوالي راح هاجم ليك علي البت والبت راحت فاكليك الصينية وبأعلي صوتها ( ويووووني الله .. ويوووووني الله ) وطبعا كانت صرخة استغاثة ولكن من ياتري المغيث من هذا العاتي الجبار الا ونشوف عمك حمدان جاي جاري جري والغريبه أول ما شافو ليك التقل راح سايب الصينية وجري بعدما ملأ كضومو فول مدمس وطلع في شجرة الجميز ولسان حالو بيقول لحمدان كان بتقدر أطلع لي ولا انتو الواقفين ديل الراجل فيكم يطلع لي الليلة والى هنا نترك المجال ياعثمان وأبو الزهور أحكو لينا عن حمار جدنا الشيخ الأول وطرائف جدنا الشيخ الأول وممكن مرجعكم يكون أخونا وأبونا ( ورقه ) الله يديه العافية والصحة

معتصم مصطفي بابكر
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

ذكريات ابوجبيهة ..والله ذكريات جميلة رغم انى مسطح فى القطر..لكن من الذكريات ..دكان عمك حسن جابر للاسبيرات ويمكن دى دكان للاسبيرات وكان اول تيار كهربا

مُساهمة من طرف حسن سيقا في 10th يوليو 2009, 20:53

معتصم مصطفي بابكر كتب:طارق كمبال لك تحياتي وتقديري ياأبوالنسب وليكم وحشة والله ، وجد كده أثرت ذكريات فأنا قلت ليكم شوفو وين المراجع الابوجبيهية أمثال الفضل وأبوالزهور وعثمان ويونس وكمبال الطيب ونجيب عبدالرحيم والكثير من هؤلاء الاخوان ( عفوا الاباء الأجلاء) فيا عثمان وأبو الزهور وفيصل وحيدر مع كومد وتيس أبودبورة كان هناك ( تقل حمدان ) فيا كمبال تقل حمدان ده كان معذب ليك ستات الفول والتسالي بصورة ما تتخيلها أبدا ففي يوم من الايام ونحنا مع العصرية كنا قاعدين تحت شجرتنا بتاعت النيم علي الحجارة التي شكت مننا من كثرة الجلوس عليها ( نظام تجكيس ) فكانت هناك بت من ستات الفول شايلة صينية الفول والتسالي علي رأسها وجاية من ناحية ميدان الكورة القديم وعندما أقتربت من شجرة النخل التي كانت تقع بين بيتنا ومدرسة البنات نشوف ليك تقل حمدان جاي طايرليك طيران رهيب ومين البجروء فينا يمسكو .. ما كان تقل عجيب جدا وطوالي راح هاجم ليك علي البت والبت راحت فاكليك الصينية وبأعلي صوتها ( ويووووني الله .. ويوووووني الله ) وطبعا كانت صرخة استغاثة ولكن من ياتري المغيث من هذا العاتي الجبار الا ونشوف عمك حمدان جاي جاري جري والغريبه أول ما شافو ليك التقل راح سايب الصينية وجري بعدما ملأ كضومو فول مدمس وطلع في شجرة الجميز ولسان حالو بيقول لحمدان كان بتقدر أطلع لي ولا انتو الواقفين ديل الراجل فيكم يطلع لي الليلة والى هنا نترك المجال ياعثمان وأبو الزهور أحكو لينا عن حمار جدنا الشيخ الأول وطرائف جدنا الشيخ الأول وممكن مرجعكم يكون أخونا وأبونا ( ورقه ) الله يديه العافية والصحة
[center]

حسن سيقا
ابوجبيهه يابلدى


الرجوع الى أعلى الصفحة اذهب الى الأسفل

أبو محمد في الحكاوي خطير ... وبالليل بطير ....

مُساهمة من طرف عثمان محمد يعقوب شاويش في 11th يوليو 2009, 16:02

والله يامعتصم ضحكتني لامن بكيت ... ياخي بشويش علينا ... وبتحكي جنس حكاوي ..ود حبوبات حسع من وين تذكرت تقيل حمدان ... ياسلام يامعتصم رحعتنا ورا بعيد خلاص ... وتذكر عبدالمنعم ...ياحاجة دقي لي كاروشة .... ولي معك عودة ... أخوك إنت ...
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

ابومحمد في الحكاوي خطير....... وبالليل بطير00000

مُساهمة من طرف عثمان محمد يعقوب شاويش في 11th يوليو 2009, 16:31

والله يامعتصم ضحطتني لامن بكيت .... ياراجل والله حرام عليك ..... إنت بتاع حكاوي تاريك ود حبوبات ... وبالله تذكرت قرد حمدان ده من وين ؟ والله رجعتنا لورا بعيد خلاص ... وتذكر عبدالمنعم وياحاجة دقي لي كاروشة ...؟ وتصدق بعد دوامي خلص وشيكت علي الرد لقيتو ما نزل . رحت إشتريت ساعة نت عشان أرد عليك لأن موضوعك جد عجبني .... بعدين بتحكي مظبوط ... ربنا يحفظك لينا أبو محمد .... ولي عودة ... أخوك إنت .
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

وا معتصماااااااا

مُساهمة من طرف طارق كمبال في 16th يوليو 2009, 11:24

الحبيب معتصم حياك الله
كنت اامل ان تنقذا الفتاه من التقل ولكن يبدو انكم متامرين معه بعد ما ينال من صينيت التسالي والمدمس وحلاوة قصب قطعا ح يسيب ليكم باقيها لذا لم تنقذونها وهي تصرخ وا معتصمااااااااء ولكن المستجير بعمر كالمستير من الرمضاء بالنار
لكم وحشة وتحياتتي للاخ حسين عبد الرحمن وخليه يظهر
avatar
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

وا معتصماة

مُساهمة من طرف فيصل خليل حتيلة في 16th يوليو 2009, 16:43

لك التحية يا طارق و انا عاتب عليك فى مشاركتك الغير كفاية و انت احد اعمدة هذا المنتدى.

معتصم مصطفى بابكر انتقل للعمل فى سلطنة عمان و لذلك وجب التوضيح.

لك حبى
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف معتصم مصطفي بابكر في 17th يوليو 2009, 22:36

ماكنت عارف ياريتني كنت عارف طارق سلامات وكيف انتو ، فأنت ماعارف تقل حمدان وياريت لو كنت عارفو اما عن تواجدي الحالي في بلاد
( الاختراب ) فأنا حاليا بسلطنة عمان كما ذكر لك العزيز جدا فيصل ، اما هناك طلب لكل الشباب الذين فاتهم جيل تقل حمدان وأبوجاز وأبوقد وغيرهم أن يشاركو بما عاصروه حتي تكتمل الحلقة بين الأجيال وأنا متأكد انهم لديهم الكثير والكثير المثير وصراحتا دخولكم مهم جدا مع اطيب تحياتي للجميع

معتصم مصطفي بابكر
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

معتصم الظريف ....

مُساهمة من طرف عثمان محمد يعقوب شاويش في 18th يوليو 2009, 10:51

كيفك أبومحمد ... واخبارك شنو؟ تصدق برد عليك ولكن سبحان الله مايظهر الرد علي الصفحة ... بس أعرف أنك إنسان راوي حكاوي بارع وممتاز .... وتصدق فيك أشياء جميلة جداً وبتعجبني فيك أنك دائماً تبتسم وفي أحلك الظروف ... واسأل الله أن تكون فيني الخصلة دي ... وتصدق تقل حمدان حتي يوم الليلة موضوعو بضحكني حتي النخاع ... وربنا يخليك ويحفظ لينا يا أبو محمد ... وتحياتي أفراد أسرتك الكريمة جميعاً واسرة بكوري الظريف ... محبتي ...
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف طارق كمبال في 29th أغسطس 2009, 13:46

نكرر سؤالنا التقليدي
اين الاخ معتصم ابو محمد؟
avatar
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف طارق كمبال في 23rd نوفمبر 2009, 07:49

نكرر سؤالنا التقليدي
اين اخونا معتصم ابو محمد؟
avatar
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف أزهرى الحاج البشير في 23rd نوفمبر 2009, 08:23

بل أين سيف الدولة وأين حامدونا ....... معتصم مسئول منو عوض السيد يجيبوا لينا
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف عوض السيد ابراهيم في 23rd نوفمبر 2009, 08:36

والله كلمتو قلت ليهو الناس كلها بتسأل عنك وعدنى بالظهور رغم المشغوليه
avatar
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف غريق كمبال في 23rd نوفمبر 2009, 12:13

تيس ابو دبوره وحصان عمك مبروك موتر بريمه؟؟؟؟؟؟اسماء فى حياتنا ذكرونا فى حاجات كثيره نسيناها
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف أزهرى الحاج البشير في 23rd نوفمبر 2009, 12:22

ما بتقّصر يا للأرباب
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف طارق كمبال في 23rd نوفمبر 2009, 20:00

الارباب ابسدرا باب؟
avatar
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف عبدالرحمن الحاج البشير في 24th نوفمبر 2009, 10:58

ياازهري سمير كلبي أمه (أم سلاليك) كلبة جعفر كمبال وأبوه كوميد كلب عمنا عبدالكريم مصطفى.معي الأخ صلاح خليل وبمناسبة تيس أبودبورة وتيس العم مصطفى الشفيع صلاح بيتساءل من أين أتت هذه السلالات الغربية والمزعجة؟والله تيس عم مصطفى دا ماخلى صريف واقف وأكبر ضحاياه محمد عمر الخضرجي ومحمد زين. اتذكرون محمد زين والجعلي مهدي والطماطم الممشره؟ وبعدين ياود الشاويش بقولوا عليك عجوز! عجوز كيف وإنت بتتذكر تيس أبودبورة؟ صلاح خليل بقول عنده معاك تار قديم موضوع الفلقة ياعجوز والتفاصيل لاحقا. وكل عام وأنتم بخير

عبدالرحمن الحاج البشير
ابوجبيهه يابلدى


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف عثمان محمد يعقوب شاويش في 24th نوفمبر 2009, 11:58

ميرسي عبدالرحمن ... صلاح اخي وصديقي الغالي ... وتلك كانت ايام ما قبل الحلم ... وصدقني صلاح إنسان فوق العاده ... وهو رجل حبوب ... وصادق الوعد والعهد ... وتيس ابودبورة وتيس العم مصطفي الشفيع هذه من اشطن أغنام العالم ...وتتميز بكثافة الشعر ... والريحة العجيبة ... والشيطنه من الدرجة الأولي ...وصدقني كانت ايام جميلة وياليتها تعود .... محبتي ....
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف ود المحلج في 24th نوفمبر 2009, 13:51

والله يا عثمان متابع بشغف
avatar
ود المحلج
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف عثمان محمد يعقوب شاويش في 24th نوفمبر 2009, 14:50

ودالمحلج الظريف ... إيـــــــه الأراريق دي ... يا سلاااام علي الصورة الروعة ... وانا اليوم سعيد جداً برؤيتك ...وهذا الشبل من ذاك الاسد ... مرورك ممتاز ... بس ربنا يحفظك لينا ... محبتي ....
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

يا تيوسا في عيوش الناس أعلنت الخرابا

مُساهمة من طرف أزهرى الحاج البشير في 24th نوفمبر 2009, 15:03

من الحمير الجيدة والعالية السريعة حماريّ عمنا حسن دقاقة وعمنا عباس أبوعبلة يرحمهم الله.
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف عوض السيد ابراهيم في 24th نوفمبر 2009, 16:40

النقر ياهو انت زاتك لكن وزن الريشه.....الصوره رهيبه وكلها حسابات ايها المحاسب
avatar
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف ود المحلج في 24th نوفمبر 2009, 18:09

صدقت استاذي .. وزن الريشه.
العم العزيز عثمان ؛ حقيقه دائما ما اقراك وابو الزهور بدون (Comment)؛معجب جدا بقصصكم الواقعية ؛ افكر احيانا في جمعها وتنسيقها في كتاب قصصي للاجيال الحاليه ونحن من ضمنهم طبعا.
لك الفرح
avatar
ود المحلج
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف الامبر عبد المجيد الامير في 28th ديسمبر 2009, 11:26

بالله شوفو تيس رغم عفاته خلف ذكريات حلوة عطرة لاتنسى ابد الدهر؟

الامبر عبد المجيد الامير
ابوجبيهه يابلدى


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف حسن الحتيلابي في 28th ديسمبر 2009, 12:09

الاخ العزيز امير عبد المجيد الامير لك عاطر التحايا والاشواق,
فعلا الزكريات الحلوه دائما تطلع من ال,,,,, ولكن احلي الزكريات بتطلع من حاجات كانت اصلا حلوه.
اذكر جيدا ايام الطفوله تقريبا كنا في سنه اولي ابتدائئ انا وانت والمرحوم محمد ميرغني حتيله كان في سنه ثانيه اسال الله له الرحمه,كنا نذهب المرحومه الحاجه (الختمه) جدة امير الي البنيه مقام جدنا ابوشمله للزياره ونظافة المقام,يا لها من زكريات جميله وايام خالده.

حسن الحتيلابي
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف محمد قادم نوية في 27th فبراير 2010, 15:50

انا في انتظارك عم شاويش الرسالة لم تصل بعد
دمت
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

تيس اب دبورة ....وتيس الإنجليز..والتحية لول نوية ...المهندس

مُساهمة من طرف عثمان محمد يعقوب شاويش في 28th فبراير 2010, 09:32



نبض القلوب
علمتني الحياة ان ابتسم في الوقت الذي ينتظرني فيه الاخرون ان ابكي









avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف محمد قادم نوية في 28th فبراير 2010, 09:47

لك التحية عمي المرهف ودايماً تتحفنا بالجمال والروعة
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

تسلم ...ول نويه ...

مُساهمة من طرف عثمان محمد يعقوب شاويش في 28th فبراير 2010, 09:56

طبعاً إنت المبدع والمهندس ... ولك التحية ...لأنك بتلحقنا دائماً عند الفزعة ... وكلمة فزعة طبعاً متواجده عندنا في القري وبكثرة ... فزعة الحطب وفزعة النجده والإغاثه ....محبتي ..
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف طارق كمبال في 28th فبراير 2010, 12:39

والله ماشاء الله تيس ابو دبورة صورة وصوت
لكن يا جاويش قالو تيس المرحوم ابو دبورة كان عفن جدا
لكن هذا التيس بيكون اشبه بتيس عمنا المرحوم مصطفى الشفيع المتخصص في عيش الحلومر الذي ذكره ابو الزهور
شكرا لك يا حبيبنا


عدل سابقا من قبل طارق كمبال في 1st مارس 2010, 14:31 عدل 1 مرات
avatar
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

طااااارق الحضور ...

مُساهمة من طرف عثمان محمد يعقوب شاويش في 28th فبراير 2010, 12:47

شكراً يا طارق على المرور الجميل ... نعم كان تيس اب دبورة غزير الشعر وكبير الحجم بس عفن شديد شديد ...وتس عمنا المرحوم مصطفي الشفيع حرامي ...ولك التحية ...أخوك إنت ....
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف طارق كمبال في 1st مارس 2010, 14:36




يا ابو علياء
قلنا نشرب كاس ونكشح كاس ونركب فوق تيس الخلا النكاس
avatar
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف طارق كمبال في 1st مارس 2010, 14:38

الشكر لك انت يا ابو علياء واثريت المنتدي بارقى التحف
avatar
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

تسلم يا طااااارق ...يا كبير...

مُساهمة من طرف عثمان محمد يعقوب شاويش في 1st مارس 2010, 14:51

والله يا طارق ضحكتني جنس ضحك واحد بتيس الخلا النكااااس ... مداخلاتك رائعة كروعة شعورك الجميل الطيب ....ولك محبتي ...
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف طارق كمبال في 1st مارس 2010, 16:06

يا ابو عاياء يا شفاف انت دائما قاعد تخجلنا لنت السكر زاتو ياخ تحياتنا لمعتصم ابو محمد الغائب الحاضر
avatar
طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

حاااااضر يا طارق ...

مُساهمة من طرف عثمان محمد يعقوب شاويش في 15th مارس 2010, 09:11

سوف ابلغ تحياتك لأبو محمد بإذن الله تعالي ... وبالمناسبة إبنه محمد الآن بالسلطنة ... معزتي لك ايها الحبيب الغالي ...
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: تيس أبودبورة . . .

مُساهمة من طرف الفاتح محمد التوم في 15th مارس 2010, 12:28

ايه الإبداع ده يا مستر ؟؟؟؟ أدونا الجلد بس عشان الفروة بتاعة الصلاة..............

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى