ابوجبيهه

امثال شعبيه من بلدى

صفحة 1 من اصل 8 1, 2, 3, 4, 5, 6, 7, 8  الصفحة التالية

استعرض الموضوع السابق استعرض الموضوع التالي اذهب الى الأسفل

امثال شعبيه من بلدى

مُساهمة من طرف ناهد عبيد في الإثنين أغسطس 09, 2010 12:31 am


قالواو الله يكفينا من قول قالوا:-

* حزارك من ثلاثه سربة الخريف واكل التفاتيف وجيزت بت اللفيف

** تلحق لى جلقا ولا اللابس خلقا

يالله ساعدونا بالامثال وايد على ايد تجدع بعيد

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف محمد قادم نوية في الإثنين أغسطس 09, 2010 1:11 am

شكراً اختِ ناهد عبيد عبد الله علي بدايتك المتميزة نتمني ان تواصلي في هذا المنوال
بلغي سلامي لناس الببيت
نذودك بــــــــ امثال شوية كي:
المحامي لاتأجر ليهو ولا تعرس ليهو
الراجل افجغي بصلة قبال ما يبقي أصلة
الماشاف البحر تخلعو الترعة
الخريف الليّن من بشايرو بيّن
اللعور وسط العمي يقدل
المامربي مابربي
الإبرة تكسي غيرها وهي عريانة
الدّيْن لو دِرْهَمين يِسوِّد الخَدين
الحَلّفك كَتَلك والشّكَاك عَاداك
شجرة النِّيم ضُلّها مَا مُرْ
السمح سمح لو زرعوه عيش يقوم قمح
العود لو ما فيه شق ما بقول طق
البخرج من دارو قل مقدارو
الجاية من السما تتلقاها ( تتحمله ) الواطا
يلمها النمل و ياطاها الفيل

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ناهد عبيد في الإثنين أغسطس 09, 2010 8:43 pm

اولا اذيك يامحمد وسلام كتيييييييييييير ليك ولكل الرائعين فى منتدى الحباك

اشكرك على المرور والمشاركه اللطيفه والتشجيع واعدك ح اوصال باذن الله

ابدا واقول انو الامثال السودانية هى واحده من الاشياء المرتبطة بالتراث وهى تفسير لموقف او حدث معين حصل او متوقع حدوثه .
وتقال الامثال وفق للموضوع المطروح .او بالمناسبات افراح او اتراح والمثل يفسر ويختصر لنا الطريقة الطويلة لسرد الاشياء وشرحها بصوره سريعة وسهلة وكمان باللهجه المحليه على حسب عادات وتقاليد المنطقة المحددة .والمثل هو جزء من ثقافتنا السودانيه ويختلف المثل من بئيه الى اخرى على حسب اللهجة ولكن القرض واحد .نجد الامثال تنتشر فى كل ولايات السودان فى الشمال _الوسط _ الغرب _ الشرق _ الجنوب ولا شنو يا جماعه ؟

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

ناهد عبيد

مُساهمة من طرف فيصل خليل حتيلة في الإثنين أغسطس 09, 2010 8:53 pm


مرحب بالاخت و الابنه ناهد عبيد ( بنت اختى امنه جعفر و عمى عبيد )

كتر خيرك على طرق هذا الباب المهم فى التراث و الثقافة السودانية و فى الحقيقة

هذا الارث يحتاج من الجميع لجمعه و توثيقة حتى لا يندثر.

تحياتى

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف محمد قادم نوية في الإثنين أغسطس 09, 2010 11:09 pm

مرحب بيك ناهد ورمضان كريم -----------
لكن ماخليتي شغل كي في الامثال دي ؛ نماذج وتعريف عجيب !!!!!!!!! انشاء الله موعودون بالمذيد من جرابك ---------
سلمي علي ناس البيت
تحياتي

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف osama osman في الثلاثاء أغسطس 10, 2010 12:57 am

مرحبا بأبنةالغالى والغالية ومشاركة رائعة اتمنى أن تداومى عليها ورمضان كريم

osama osman
نشط مميز
نشط مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف محمد النو في الإثنين أغسطس 23, 2010 6:07 am

شكرا الاخت ناهد على الامثال الجميلة ونورتي المنتدى بالاسهام الشعبي الرائع

محمد النو
نشط مميز
نشط مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف محمد النو في الإثنين أغسطس 23, 2010 6:12 am

الخيل ابتعرض والشكر لحماد

ابدقنا قي حلاقمةصاقمة لاتلاقمة

ابجيبا في نايطة قايطة لا تعايطة

منقتنا ولا تفاح الناس

محمد النو
نشط مميز
نشط مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف إيمان عبدالرازق الحاج في الإثنين أغسطس 23, 2010 8:20 pm

هجليجنا ولا بلح الناس ولا ما كدة يامحمد النو اخبارك شنو والله يا ناهد عبيد ليك وحشة أدينا رنة وكل سنة والجميع بخير و رمضان كريم تحياتي للاسرة.

إيمان عبدالرازق الحاج
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف محمد قادم نوية في الإثنين أغسطس 23, 2010 9:16 pm

سلامات ود النو.................... لقيتك اورجينال لكن ؛تعرف في امثال دي والله ماسمعت بيها الا عندك بالله ذيدنا من هذه الروائع
بس المثل الاخير دا ناجرو نجر صح؟ لكن برضو رائع 00هو منقتنا ساهلة قال ليك ؛واحد " قلب التور"عندنا بألف تفاحة
تحياتي‘‘‘‘‘‘‘‘‘‘‘‘‘‘‘‘‘‘‘‘‘

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ناهد عبيد في الثلاثاء أغسطس 24, 2010 11:45 pm

سلامات

انا جيت
رمضان كريم وتقبل الله منا ومنكم جميعا

الاعزاء| خالى فيصل حتيله _ واخوانى |محمد النو - محمد نويه

الحبيبه |ايمان عبد الرازق ام محمد والله ليكى وحشه

خال ناهد ابو احمد اسامه عثمان لك كل الحب

حقيقى نورتوا البوست بمروركم اللطيف وشكرا على المشاركه ودمتم فى امان الله


ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف أزهرى الحاج البشير في الأربعاء أغسطس 25, 2010 12:00 am

الإبنة ناهد منّورة كتير جدا وسررت جدا لمشاركتك وإنك قدرت تتواصلي ، وفي الحقيقة قبل لحظات فقط لمحت مشاركتك ويبدو رمضان زغلل عيونا شوية ... أرحب بيك مرة أخرى ترحيب حار وسلامي للأخ عبيد والأخت آمنة وكل أفراد الأسرة الكريمة

أهلا ناهد

أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ناهد عبيد في الأربعاء أغسطس 25, 2010 12:30 am

الخال \ ازهرى الحاج رمضان كريم واهلين . تحياتنا لك وربنا يحفظكم ويرد غربتكم بالخير وجد انا سعيده بكم ومعكم والله نورت البوست

* القندول المشنقل الريكه

* الضاق لدغ الدبيب بخاف من جر الحبل

* الفأر الكتير ما بعمر الجحر

* المى حار ما لعب قعونج( فعلا ما لعب ضفادع)

* ركاب سرجين وقيع ومساك دربين ضهيب

* الفى والدك بقالدك

* الدليب جداع بعيد

واقعدوا عافيه لمن اجيكم

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف محمد قادم نوية في الأربعاء أغسطس 25, 2010 8:35 pm

شكراً بت عبيد 0000000ماأروع أمثالك!!!!!!!!!!!!
هذه الامثال تراث غني ويعبر عن حِكَمْ وأكيد حنستفيد منها في حياتنا
خريف أبوسعن صرفة ودقبور
تعريف:ابوسعن نوع من الصقور
الصرفة:نوع من الديدان
القبور:نوع من الجراد
يضرب المثل:للحمد بعد الشبع من اكل
السالم فشفاشو وارم
يضرب المثل للانسان الصبور
في انتظار جديدك
تحياتي

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف محمد عبد الله قادم في الأربعاء أغسطس 25, 2010 9:11 pm

سلامات يا رائعين وشكرا لبت عبيد كيف حالك والاسرة الكريمة عموما ضاء المنتدى بكم بس ما تظلموه بغيابكم:
ام منقور كلو قدومو احمر
***********
كل دوداً في غابتو كرار
***************
الخسران بطلع من المصران
******************
ابلانج بي رقبتو بربطو في صلبو مالو
********************
الاتيم ما بوصوه على البكا
********************
كفاية كدا المرة الجاية انشاء الله

محمد عبد الله قادم
نشط مميز
نشط مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف محمد قادم نوية في الأربعاء أغسطس 25, 2010 9:58 pm

مشكور اخوي علي الامثال الجميلة دي 00000000 ونتلهف لجديدك
الخسران بطلع من المصران

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ناهد عبيد في الإثنين سبتمبر 13, 2010 8:50 pm

سلامات
كل سنه وانتم بخير حقق الله كل امانيكم يا رب امييييييييييين .

شكرا لكل الشباب على المرور والمشاركه انا مش قلت ليكم (ايد على ايد تجدع بعيد)
محمدعبدالله قادم شكرا كتييييييييير وامثالك رايعه لكن والله الخسران بطلع من المصران دى جبت فيها قووووووووووووووون عديل كده


اها رجعتا تانى وابدا اقول قالوا والله يسلمنا من قول قالوا

المنقور كن ما قيس ما بليص

عواره فى هوهو جيبوا حمار اكوا

الشكر والمعيار واحد على السجمان والليل والنهار واحد على العميان

المحرش ما بكاتل والمهموم مابنوم

المافى جلدك فى عود وجلد ما جلدك جر فوقا الشوك

ربى يا خايبا لى الجايبا

الدنيا بت الكلب تكتل امك توريك مرت ابوك

]

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

ماشاء الله ... إبنتي ناهد ...

مُساهمة من طرف عثمان محمد يعقوب شاويش في الإثنين سبتمبر 13, 2010 10:24 pm


بت أختنا ...واخونا ... ربنا يحفظك يارب ...ومشكورة على موضوعك الرائع ...أمثال شعبية :
ومن عمك : **الحسنة في الملعون زي الشرا في القندول .
** والخيل تقلب والشكر لحماد .
أي بمعني ان الحصان تعبان يجري ويركض ويفوز ..ويقولوا حماد فاز بالسباق ...
*** وأذكر أن واحد من فرقة الأصدقاءالكوميدية قال : الخيل تقلب زي الشرا في القندول ..... إحترامي

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف د.الجنيد احمد سليمان في الثلاثاء سبتمبر 14, 2010 12:57 am

بتنا ناهد...أزيك وازى والديك....تحياتى ليهم ..وحقيقة نورت المنتدى بهذا البوست الرايع الذى اجتذب الامثال من كل حدب وصوب....واصلى...:

(جرادايا فى سروال ولا بعضى..الا قعادو ولا حلو)

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف غريق كمبال في الثلاثاء سبتمبر 14, 2010 2:11 am

شكرا على هذا البوست الرائع(ده الحالى لى سروره 00كفنا جديد وصبيان برفو رف)هذا المثل قيل فى مقتل الناظر محمد نور باخت 00جد كتيره

غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ناهد عبيد في الإثنين أكتوبر 04, 2010 12:52 am

[quote="عثمان محمد يعقوب شاويش"]
بت أختنا ...واخونا ... ربنا يحفظك يارب ...ومشكورة على موضوعك الرائع ...أمثال شعبية :
ومن عمك : **الحسنة في الملعون زي الشرا في القندول .
** والخيل تقلب والشكر لحماد .
أي بمعني ان الحصان تعبان يجري ويركض ويفوز ..ويقولوا حماد فاز بالسباق ...
*** وأذكر أن واحد من فرقة الأصدقاءالكوميدية قال : الخيل تقلب زي الشرا في القندول ..... إحترامي[/

الخال| عثمان شاويش لك كل التقدير والاحترام وانا سعيده بمشاركتك الرائعه كالعاده دائما ضلك خفيف لم اقابلك ولكنى سمعت عنك كل خير ومن خلال كتاباتك احس بانك فعلا تستطيع ان تصنع البسمه : Very Happy فلك شكرى ونتظر المذيد

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ناهد عبيد في الإثنين أكتوبر 04, 2010 1:15 am


الاخ غريق سلامات وارجوا ان لا تنقطع وشكرا على المشاركه فى البوست وذكرتى بمثلك ده العزيزه النايفه ام الخير ( الحالى لسرورا وصبيان برفوا رف )


*******************************************************************
د الجنيد سلام كتير ليك ولاسرتك الكريمه واخص بالتحيه استاذتى الفاضله (المؤدبه ) ماجده فلك ولها التحيه ولها منى كل الود والتقدير .
لا يكون البوست جميل ورائع الا باسهماتكم المتفرده والعشم انكم تواصلوا وما تنقطعوا
بس بصراحه مثلك لفته شكلوا دارفورى والحق لله فهمت الجزئيه الاولى فقط معليش شوية توضيح ممكن ؟ وشكررررررررررررررررررا لك

واقعدوا عافيه ويالله ايد على ايد تجدع بعيد


ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف محمد قادم نوية في الإثنين أكتوبر 04, 2010 1:32 am

سلامات بت عبيد 00بحضورك ازدان البوست جمالاً وروعة
*بس مشكلتك بتغيبي كتير 000 ياريت تحاربي الغياب دا 00في إنتظار ان تسرج مصابيحك 00(لتضئ)00لنا جوانب من امثالنا الشعبية الجميلة

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ناهد عبيد في الأحد أكتوبر 10, 2010 10:12 pm


تسلم يا محمد نويه اخوى من كل بلاء

شكرا لكلماتك الرائعات وجمال البوست بكم والله وبمشاركتكم

غيابى ده قل كى اعرف غلاتى من رخستى عندكو ولكن مجبوره خادم الفكى على الصلاه ههههههههههههههه

والسبب الاساسى شوية كسل + زحمة شغل لكن اعدك ح احاول ما اغيب كثير لكن يالله انا عشمى كبير فى اسهماتكم ما تبقوا بخلاء
وفى امان الله ولك التحيه

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ناهد عبيد في الأحد أكتوبر 10, 2010 10:16 pm

كوكو شكروا قال داك شهر تانى

بركة الكلام في قلته

الجاياك ما بتختاك

حساب ولا كوار ...

الحساب ولد

الحلفك كتلك والشكاك عاداك ..(الذي حلفك فهو عرضك للموت والذي شكاك إلى الحكام تعرض إلى معاداتك)

الحوت ما بهددوه بالغرق

إن جاتك في مالك سامحتك وان جاتك في نفسك بكتك

إن جنك ضررين شيل الأخف



ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف محمد قادم نوية في الأحد أكتوبر 10, 2010 11:05 pm

مرحب بيك بت عبيد 00وشكراً علي الأمثال الرائعة ---في إنتظار جديدك

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف Suhad Abduelgfaar في الإثنين أكتوبر 11, 2010 2:13 am

الغاليه ناهد
اخبارك واخبار العمه
شنو عامله تقيله رسلت ليك فى الخاص
ما رديتى لى
والله مشتاقه اعرف اخباركم
غربتنا طولت بس ما نسيناكم
(الشكيه لغير الله مزله)
مثل متدوال يومى
والغريبه الواحد بشكى ليك
بعد ما يخلص الشكيه بيقول المثل
مشكوره عزيزتى على توثيق الامثال الشعبيه
تحياتى لجميع

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ناهد عبيد في الثلاثاء أكتوبر 12, 2010 8:47 pm


سهاد

اذيك واذى عيالك والله والله ليكم وحشششششششه

والله يا بت خالى بعادك طال من العين لكن دوما فى كل مناسبه للعائله سيرتك حاضره معاناوالله والله اشتهناكى

فى رمضان فطرنا فى ضيافه الحاجه التومه والمحترم منتصر واللذيذه ماجلدين لكى لكى العتبى حتى ترضى وسلامى ليكم كتييييييييييييير والكل هنا بسلم عليك واخص عمتك امنه

معليش ياجماعه قلبنا الموضوع اشواق والبت سهاد دى لى زمن زمن طويييييييييييييل منها.

سهاد خلاص رضيتى اها انا اعتزرت ليك قدام الكل وكل ناس المنتدى بيشهدوا

يالله هاتى ما عندك من امثال عشان تكون صافيه لبن

وفى امان الله وحفظه

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف Suhad Abduelgfaar في الأربعاء أكتوبر 13, 2010 3:23 am

تسلمى يا ناهد
والله انا كمان مشتاقه ليكم
والله ما جاب الزعل بيناتنا
بس شوقى ليك كتير
تحياتى للعمه وكل الاهل

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ناهد عبيد في الأحد أكتوبر 24, 2010 10:30 pm

[color=blue]سلامات
ان شاءالله طيييييييييييييبين

قالوا والله يكفينا قول قالوا

الحجاز بيدوا عكاظ

ضل الضحى بطول العمر

المال عند سيدو والناس تريدوا

ولد الابو نار هبو يدور موتك وما يدور فوتك

الجعان حلمو عيش

تلصق الطين فى الكرعين ما ببقى نعلات

[/color
]

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ابوهريرة عثمان عبدالسلام في الإثنين أكتوبر 25, 2010 6:59 am

الضرة بي عويناتا ولا وليداتا

منى سلمان

من عمود ها لطائف - صحيفة حكايات



من ضمن فيضان أخبار العنف الذي صار سمة من سمات عصر العولمة، ورد إلينا خبر تعرض زوجة حديثة الزواج في دولة شقيقة للذبح من ابنتي زوجها .. ذُكر في متن الخبر أن والدة الفتاتين كانت قد غادرت بيت الزوجية غاضبة لـ (تحرد) في بيت أسرتها، بعد أن أحضر زوجها عروسه الجديدة لبيت الزوجية، فما كان من البنات إلا أن قامن بالتصدي للمعتدية وذبحها من الاضان للأضان قبل أن يغادرن البيت لجهة غير معلومة .. القاعدين ليها تاني شنو ؟!غرابة الخبر تأتي من أننا لم نتعود على أن ترشح للاعلام من طرف الدولة المذكورة أخبار هذه النوعية من الجرائم ، وان دل ذلك على شيء فإنما يدل على أصابتهم بسهم من سهام لعنة العولمة، التي بزلت فضاءاتها للترويج لثقافة العنف وعدم التسامح مع (الآخر)، كما يبدو أننا وإياهم في هم (المحاكاة) .. شرق !ذكّرني الخبر المؤسف بمثل (حبوباتي) كامل الدثم، يوصي المثل من ترغب في الزواج من احد الـ (الحلوين حلا)، أن تأخذ حذرها من أبناء زوجها وخاصة بناته، وأن تخاف شرّهم أكثر من خوفها من شر - أمهم - صاحبة الوجعة والـ (المضرورة) الأولى من فعلة زوجها .. يقول المثل (الضرة بي عوينات ولا وليداتا)، ورغم قبح المعاني التي يحملها المثل وتصويره لاستخدام حق شرعي أقرّه الاسلام، وكأنه اقبال على معركة وصراع عمالقة، ولكنه – أي المثل – يلقي الضوء على تأثر الأبناء الشديد بما يحدث من مشاكل بين والديهم، ويؤكد على ان قرب الابناء من موقع الأحداث تجبرهم على التفاعل مع هذه المشاكل، ومن ثم الانحياز لاحد اطراف الخلاف والذي عادة ما يكون جانب الأم لطبيعة العلاقة الحميمة بين الأم وأبنائها، ولا يخلو الأمر من ممارستها لسياسة (التحريش)، وبالتالي يأتي تحذير المثل من احتمال قيام الابناء بردة فعل عدائية، سوى بالكيد للزوجة (الدخيلة) وادخالها في دوامة مشاكل مع ابيهم، أو كان رد الفعل بالعنف البدني الذي قد يؤدي للاذى الجسيم .. هسي المسكينة دي ذنبها شنو ؟

خاتي النمل وللا الوقع فيهو ؟

عموما، نلاحظ أن بعض الموروثات السالبة كهذا المثل، قد توقع تحت طائلة قوانين (حقوق الانسان وحماية الطفولة)، فهناك أمثال بالمقابل تحذر الرجال من الاقدام على الزواج من صاحبة العيال، كالمثل الذي يقول (أبعد من أم الدفّون ولو كان مدفون) وشرح المثل لغير الناطقين بلغة الحبوبات .. (الدفّون) هو الطفل الصغير و(مدفون) يقصد بها المتوفي، وقسوة النصيحة التي يوجهها المثل لمن يرغب في الزواج من (ثيّب)، تكمن في توجيهه للراغبين في الزواج من (العزبات) أن يتجنبوا الزواج ممن سبق لها الانجاب حتى ولو كان طفلها متوفيا !!

سألت (أمي) عليها الرحمة عندما وقعت فريسة لاستفزاز المثل القاسي حين حكت لي عنه من ضمن حكاويها:

ما الذي يضير الرجل إذا تزوج من أم طفل (مدفون) في التراب ؟

فأجابتني بأن ذكرى الطفل المتوفي تنقّص على أمه وتشغلها عن التفاعل مع زوجها الجديد !

كما أن انشغال الأم بابنها (الحي) ورعايته قد لا يترك في قلبها خانة لمحبة الزوج، بالاضافة لان الطفل الصبي يتحسس أكثر من البنات من زواج والدته، وكلما كبر في السن ازدادت حساسيته وغيرته من زوج أمه، كما قد يتعرض - في ذلك الزمن القديم - الطفل الذي تتزوج أمه للمعايرة من أقرانه، وذلك لأن المجتمع وقتها كان يفضل أن تتجرد الأم التي تفقد زوجها بالموت أو الطلاق من حب الدنيا، وتتفرغ لتربية صغارها بدلا عن أن تعرضهم لقهر زوج الأم .. حتى أنهم يقولون لمن تريد الزواج ولديها أبناء صبيان:انتي دايرة تقصي ضهر أولادك ؟!!

حقيقة، هذا المثل وما شابهه يوحي بأن حبوباتنا كانن - غفر الله لهن – ينحازن للرجل ويفضلن راحته وهناءته على أنفسهن، ويمارسن عبر أمثالهن جلد الذات بأقسى صوره.



ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ابوهريرة عثمان عبدالسلام في الإثنين أكتوبر 25, 2010 7:05 am

أُخدْ بِتْ السًمدْ تَبْقَالك سَنَدْ
تزوج بنت السمد وهو القائد أو الذي يمثل الجمــــــاعه بلغة النوبيين
تزوجها لأنها نشأت في بيت كريم
فهى ترجع في تعاملها مع الزوج إلى هذا المنبت الحسن وهو السمد

ومثله المثل القــــائل
أخُدْ بِت الرِجال لو كان عَديمىِ تَكُرم اَلضيف على العادِى القديمى
القيم والصفات الحميده في النفس الإنسانية اميل إلى ان تكون موروثه والرجال هنا بمعنى الذين يتمتعون بشئ من الكمال وبناتهن حريات بان يأخذن هذه الصفات من آبائهن ، وهن افضل في ميزان المثل من اللاتى يأتين من البيوت الغنيه التي لا تعتبر القيم
والمثل صيغ بوزن شعرى

ومثله المثل القــــائل
أُخدُوا بنَات الأصُول لابِدَّنُّو الزْمان يَطُولْ
بنات البيوت الكريمة التي عرفت بالفضل يحافظن على حسن المعاشــــره الزوجيه مهما طال بالزوجين العمر وتقلَّبت بالزوج الأحوال.
لابدنو : لابد انه

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ناهد عبيد في الجمعة نوفمبر 05, 2010 9:12 am


ابو هريره ماشاءالله مذاكر امثال كويس

امثالك رائعه دى من رأسك ولا من الزبئان الكتار البجوك
Very Happy Very Happy

تسلم اخوى

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ناهد عبيد في الجمعة نوفمبر 05, 2010 9:21 am


قالوا والله يكفينا قول قالوا


حقارتى فى ول مرتى

بخيته فى بيته كتالها الميته وعند الناس نشيطه


ضل الضحى بطول العمر

خوة قرقر الما بتمرق من الحر

المتكل تكل المرفعين اكل ( المثل ده من ابوكلام)

الفوله بتملىء وبقاره بجوا




ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ابوهريرة عثمان عبدالسلام في الجمعة نوفمبر 05, 2010 9:30 am

والله يا ناهد دى من الكراس انت قايلة انا تانى باقى لى راس يشيل ده كلو

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ابوهريرة عثمان عبدالسلام في الجمعة نوفمبر 05, 2010 9:45 am

قال حكــــــــيم :-
لا تفرط في الحب والكره فقد ينقلب الصديق عدواً والعدو صديقاً

تفقد عقلك في أربع مواضع :-
عندما يثير الشيطان أهواءك
وعندما تخاطب المرأة عواطفك
وعندما يثير المال طمعك
وعندما يثير السبع شهواتك



:: سئل أحد الحكماء : ممن تعلمت الحكمة ؟! قال : من الرجل الضرير !؟ ...لأنَّه لا يضع قدمه على الأرض إلا بعد أن يختبر الطريق بعصاه

:: تعلم من الزهرة البشاشة ، ومن الحمامة الوداعة ، ومن النحلة النظام ، ومن النملة العمل ، ومن الديك النهوض باكراً

الحياء جمال في المرأة وفضيلة في الرجل
صديقك من يصارحك بأخطائك لا من يجملها ليكسب رضاءك
الصداقة بئر يزداد عمقا كلما أخذت منه
الابتسامة كلمة طيبة بغير حروف

خير لك أن تسأل مرتين من أن تخطأ مرة واحدة
وردة واحدة لإنسان على قيد الحياة أفضل من باقة كاملة على قبره
تكلم وأنت غاضب فستقول أعظم حديث تندم عليه طوال حياتك

من صبر وتأنى نال ماتمنى


الإعتدال خير الأعمال

خير الأمور الوسط ^ حب التناهي شطط

الأماني بضاعة الموتى

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف عوض السيد ابراهيم في الجمعة نوفمبر 05, 2010 6:34 pm

والله خطيرين.
الناس تكتب والشكر لناهد

عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ناهد عبيد في السبت نوفمبر 06, 2010 2:02 am

عوض السيد ابراهيم كتب:والله خطيرين.
الناس تكتب والشكر لناهد



سلامات ابو ابراهيم

دى والله فيها قوووووووووووون عديل Very Happy Very Happy Very Happy ههههههههه

على وزن :- الخيل تقلب والشكر لحماد

شكرا

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف محمد قادم نوية في السبت نوفمبر 06, 2010 2:19 am

معليش ياخي ؛؛؛؛؛؛؛؛؛لم ألفت إنتباهي إلا" تواً" --والله كووووووووولكم ماشاء الله عليكم امثالكم وحِكمكم رائعة وخفيفة زيَّكم كده ؛ وحتي غفشات ال"الكينغ"أباإبراهيم لم تخلو من الظرااافة
بت عبيد ليكي الفضل في هذا البوست الجميل ؛فهيا ننهل أكتر من إبداعاتك---

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف محمد قادم نوية في الأربعاء ديسمبر 08, 2010 1:36 am

مرحب بيك اختي ناهد عبيد ...وحمداً لله بالسلامة بقيتي تغيبي كتير خلاص...إنشاء الله بس عافييّ...وطبعاً لمن نسينا أمثالنا الجميلة دي لأنو طوّلتي ماغِشيتي البوست دا ولا جبتي مثل إنشاء الله واحد كي
فأهلاً بكِ وبإبداعاتك

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ناهد عبيد في الأحد ديسمبر 26, 2010 12:38 am


يا جماعه ماكو طيبين انا جيت ربنا يجود حالكم

سلامات


اهلنا قالوا وربنا يكيفينا من قول قالوا


الكلب بنبح والجمل ماشى

الطشاش فى بلد العمى شوف

كن دار ابوك خربت شيل ليك عود

عجبنى للمرقود

ناس تبكى بكى الشماته لا دمعه ولا مخاته

البضمن الرجال يضمن المويه فى الغربال

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ناهد عبيد في الأحد ديسمبر 26, 2010 12:45 am


عووووووووووووك يا جماعه قولوا بقووممم

ايد على تجدع بعيد

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف صباح حسن عبد الرحيم في الأحد ديسمبر 26, 2010 3:24 am

الغالية ناهد وين انتي يا حلوووووووة
اها قلنا بقووممم
تسلمي

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف محمد قادم نوية في الأحد ديسمبر 26, 2010 8:35 pm

تسلمي يابت عبيد ..........جرابك مليان حااااااااااااار بالأمثال العجيبة والنادره ..والله أتكيفت كيف من أمثالك دي
إلي الامام ..بس الأيام دي في شوية زنقة خليها تعدي وحتشوفي الأمثال الما أمثال

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ناهد عبيد في الإثنين ديسمبر 27, 2010 9:16 am


الرائعه صبوحه سألت عليك العافيه

قلتى بقووومم انت ما حلوه وبتسمعى الكلام

يالله هاتى ما عندك

تحياتى

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ناهد عبيد في الإثنين ديسمبر 27, 2010 9:25 am


اخووووووووى ول نويه تسلم

ربنا يشدك

وان شاءالله تروح الزنقه بخير

وح نتظرك

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف عوض السيد ابراهيم في الإثنين ديسمبر 27, 2010 6:31 pm

التحيه لهذا البوست الرائع ولكل المتداخلين الرائعين.
تحياتى

عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف محمد قادم نوية في الثلاثاء ديسمبر 28, 2010 12:27 am

شايف يا أبو السيد الناس البتجي ماشا بــــــــــــ هني دا كلها بترمي حاجه وبتمرق ...عليه نطالبك بأمثال إنشاء الله قال ليك من بلد السلطان قابوس ..مش برضو بلدك مقيم فيها .يلا كده أجدعنا بحاجه منهم أقلاها نعرف أمثالهم

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ابوهريرة عثمان عبدالسلام في الثلاثاء ديسمبر 28, 2010 10:21 am

عجبنى للمرقود

ناهد انت مخزنه الكلام دا كلو
والمثل ده فيه قصة واحدة تخلى بيتا وتمشى تلوس تشرب الجبنه هنا وتتونس هناك وبيتها مسدد عندما حضرت لقت البيت حرق وبقى رماد وحتى تخفف على نفسها وتعمل انو الحريق ما حارقها ولا هاميها قالت عجبنى للمرقود

والمرقود هى الحشرات ان صح التعبير والتى تعيش فى السراير او العناقريب وتعذب النايمين ليلا
شكرا ناهد

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: امثال شعبيه من بلدى

مُساهمة من طرف ناهد عبيد في الجمعة ديسمبر 31, 2010 5:06 am


ابو هريره شكرا ليك يا حبوب والله انت بتاع قصص وحكاى برافو عليك عشره على عشره اها قصرت معاك

تحياتى ليك


ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

صفحة 1 من اصل 8 1, 2, 3, 4, 5, 6, 7, 8  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


صلاحيات هذا المنتدى:
لاتستطيع الرد على المواضيع في هذا المنتدى