رد: امثال شعبيه من بلدى

الفى البر عوام

كن تجرى جرى الوحوش غير رزقك ما بتحوش

جنا الدبيب ما بتربى

جنا الفأر بطلع حفار

اسمع كلام الببكيك

الجعان حلمو عيش

وعشان انا كمان ما اقصر معاك ياناهد اديك الامثال دى

ولدا ما ولدتو من عرقوبك كان عميت ما بقودك
الما بتلحقو جدعو والما بتلكو بلعو

فى الوش حبايب وفى القفا دبايب
جاهلها يبكى وبتسكت فى جاهل الجيران

سهر الجداد ولانومو

بيت الجدرى ولا بيت النقرى
الما عندها بنية مدفونة وهى حية

الما بعرف مابدو يغرف
الغلبها راجلها بتادب حماها

مرحب بالأخت ناهد عبيد
وكل عام إنتِ بخير ...حمداً لله بالسلامة
يلا أتفضلي علي طول في إستراحتك المفضلة ومنتظرين جديدك.....
فأهلاً بكِ

ول نويه اذيك وكل وانت بالف خير

تسلم يا اخوى

قالوا ناس ابوهريره بكتبوا والشكر لناهد
ده من عند عوض السيد تحياتى لكم جميعا

شكراً يابت أهلي علي الإبداع والظراافة
وقبل مانبقي ماشين نزوّد البوست الرائع ده بهذه الامثال :
1. ركاب المايلة. ويعنى شخص لا يهاب المخاطر بتاتاً.
2. الما عنده كبير وقع في البير. يقال للشخص الذى يتصرف علي هواه، أى ليس له من يهديه.
3. إذا سلم العود اللحم بجود. ويقال للشخص الذى أصابه المرض حتى أنهكه.
4. المال يا عريس، يا فطيس. حلاوة المال في شيئين أما أن تكون عريس أو في حالة الوفاة.
5. أم جركم ما بتاكل خريفين. يقال للشخص العجوز الذى وصل سن الكبر. أم جركم هى جرادة معروفة عمرها سنة، فإذا أكملت دورتها أنقرضت في جماعات دون مرض.
6. كن بتط قول بط وكن ما بتط قول ما بط.
لو (بتدى) بتديهو قل (بدى) بديهو ولو ما (بتدى) بتديهو قل ما (بدى) بديهو: الشرح بالعربية: بالعربية (لو بتعطى قول بعطى ولو ما بتعطى قول ما بعطى). ونتيجة للجزم في اللغة حزفت الياء من كلمة بتعطى فصارت (بتعط) وخففت العين في ( بتعط) بقلب العين ياء وأدمجت في الياء الأخرى فصارت (بتّط) أو تم حزف العين لتخفيف النطق (بتط).
7. (جغمت السم والنحلة الغبيشة) للفخر بالقبيلة. النحلة الغبيشة اخطر انواع النحل. جغمت: شربت.
8. سياد العايلة, ركابيين المايلة, صلايين قايلة.
سياد العايلة: وتعادل مقنع الكاشفات أو مدرج العاطلة في رائعة عبدالكريم الكابلى)
ركابيين مايلة: الشجاعة لدرجة التهور,
صلايين قايلة: الصلاح.

الغالييين الرائعين .... إبنتي ناهد ...وإبني ول نوية ...لكم حبي.

ول نويه أشكرك وأنت تتقاسم الإبداع مع صاحبة البوست الرائعه (الغيّابه) ناهد.

تحياتى لك ولناهد ولا تحرمونا من إبداعاتكم

عثمان محمد يعقوب شاويش كتب:
الغالييين الرائعين .... إبنتي ناهد ...وإبني ول نوية ...لكم حبي.

سلامات |عمنا الغالى لك التحيه والاحترام والله

شكرا على المرور

[quote="عوض السيد ابراهيم"]

ول نويه أشكرك وأنت تتقاسم الإبداع مع صاحبة البوست الرائعه (الغيّابه) ناهد.

تحياتى لك ولناهد ولا تحرمونا من إبداعاتكم

[ اخونا عوض السيد | خذ كل التحـــــــايــــا

شكرا ليك دائما بطّيب خواطر الناس

تااااانى غائبه خلاص بطلنا

تحياتى]

الفأر الكتير ما بعّمر الجحر

الحى بشوف الجاوه -- الجاوه دى زول كان فقير فقر مقدح ومسكين لمن عوير فجأه ربنا فتح عليه بقر ومال اصبح من الاغنياء ويالله سارالمثل

الزارعها الله فى الحجر بتقوم

الشكيه لغير الله مذله

هى كلمة حق لابد من قولها يا ناهد.

كثيرون أبدعوا هنا وأنتى واحده منهم وهذا سر نجاح المنتدى.

ول نويه طبعا ولا أحد يجادل فى أنه من أهم الأعمده التى يرتكز عليها هذا المنتدى.

التحيه عبركم للرُبان فى قيادة هذا الصرح.

الغياب يعنى الفِطام من الإبداع وهذا ما لا نقوى على تحمله.

التحيه لكل المبدعين من الأحباب فى منتدانا العامر

سلامـــــــات

شكرا لكل الذين مروا بهنا

الزول بونسوا قرضو

الشاورك ما اداك

بيت الشوره ما خرب

الغبينه تودر المصلحه

الخواف ربا عيالو

تدى الحله وصه والنقاره عصا

الفقر حلاتوا املس
شكرا ناهد علي الامثال

زهيرحسن السيد كتب:
الفقر حلاتوا املس
شكرا ناهد علي الامثال

شكرا زهير يديك العافيه وما تنقطع

المال ضل ضحى

المال عن سيدو الناس تريدو

ناهد اخبارك يا مبدعة؟ شجرة كان هوزز يا ابلاي يا هبوباي يعني العود كان مافيه شق مابقول طق ..والمحرش مابكاتل

شكرا اقبال شكلك حافظه كويس

ما انتى كنتى مشروع سائح اكيد دى من دارفور يالله

ما تنسى النيل الازرق (الدمازين) وكمان الغره

تحياتى للعيال وابوهم

سرارة اللعوت تتلاقى يوم الموت

الفولة بتتملى والبقارة بتجى

وكراع البقر جيابة

مرحب بيك يااختنا ناهد ومرحب بإبداعاتك
تعرفي لمن تجي بجي معاكِ الإبداع والألق ما أجمل أمثالك
بس مازلنا بنقول كلامنا اليومي بنقولو ليك :لسه بتغيبي كتير حأشوف لي مثل للزول الغياب كتيروأجيبو هنا عشان تاني ماتغيبي كتير
تحياتي

يا ول نويه بقولو الغايب عذر معاه ..بس ياناهد ما تبقي لحاسة للعذر العسل دا..تحياتي بقدر ابداعك..

شكراً ياأخوات حبيت اليوم أشاركن ولو بالبسيط من هذا الإبداع والامثال هي مخزون كبير من تجارب السابقين الذين اكتوو بنيران الفشل الكبير وهذه التجارب ادت الي ظهور الامثال لعامل الحكم وعدم الوقوع في الاخطاء هذا الجانب الواعظ في الامثال وهناك جانب اخر هو الجانب التجارب الناجحة وهي الاضا طريق مرصوف للناس كلي يوصلهم الي بر الامان والامثال تمثل مدولولات لفظية بسيطة ولكن تحوي بداخلها علم وتجارب ودلائل كبيرة فبدلا من تبداء تشرح وجة نظرك تكتفي بمثل بسيط ومعير والامثال منتشرة في جميع انحاء العالم والمجتمع السوداني له من الامثال ما لا حصر لها واضيف بما اعرفه من الأمثال :
المرة بدقوها بأختها ويعني : إذا إمرأتك حقرتك ماتضربها بل تزوج فيها
الأطول منك باع ما تماشي ... و و الأفضل منك قود ما تعاشي
و يعني : شوف مستواك وين
المحن بجن ضيفات
و يعني : أن المصائب لا تستقر مع صاحبها فتذهب قريباً
الحسنه في المنعول زي الشري في القندول
يعني إتقي شر من أحسنت إليه
الطير بطير رفايق
و يعني : أمشي مع القدرك وسجالتك و لا تتصاغر
أبو منقور ما بسل عين أخوه ( طائر أبو منقار )
و يعني : ما تشتكي الظالم للظالم
الما بدورك في الضلام بحمر ليك
و يعني : البكرهك لو لم تراه بكرهك
ما تدفق ألميك للسراب
و يعني : كان ما ضمنت ما تفك
البدّر بالحمار مرق
و يعني : إن بدأت في عملك مبكراً و إن كنت بطئ تخارج نفسك
الغرقان بمسك القش
ويعني : المحتار في مشكلة معينه بتمسك في أي امل ولو ضعيف

ما اجملكم

بالفعل يا محمد ( خير الكلام ما قل و دل ) خلاصة تجارب من زوى الخبرة و الدرايه المتراكمه تصبح

خارطة طريق لكثير منا يستعين بها فى حياته. فمثلا نظرية فيثاغورث يا حبه ( عباره عن تلاتة كلمات )

و يمكنك ان تثبت النظرية بعدة طرق و وسائل.

بس يا نويه شايفك شايت فى نفس اتجاه ول ابا عشمان و كده اقبال بتزعل منك

لكم الحب جميعا و لصاحبة البوست التحيه

صباحات ياعم شنو عامل لينا فيها ماشي بــــ كبري الفتيحاب ماقلنا ليك:Come 2 skype

حتيلة .مابزعل ول نوية مامحايد بس صاحب بالين دهيب وركاب سرجين وقيع...والسلطان برجالو والكريم بام عيالو...ولود حتيلة جيب الزنقة وابعد من الخنقة..كل الود والتقدير

والله يا اقبال كلام فى التنك يا بت خالتى

ركاب سرجين وقيع

بس يا اقبال الزنقه زنقه دى الله يخارجنى منها ساى قالوا بتكلف الشئ الفلانى و اخوكى اليومين دى

( فلسطين ) على قول ول نويه و بالشكل دا اشوف لى جهاز و امشى الليرى.

تسلمى يا اقبال و ما عدمنا مداخلاتك و مواضيعك الخفيفة

سلامات يارايعين ..ياعم لوفتشنا من القريب حنقلي الشئ الفلاني من الشرتيت تقول لينا "فلسطين"إنتا غانا عديل كدا ياخ

من خشمك لى الله يا نويه

كدى شوف لينا ريالين تلاتة نخارجنا من زنقه زنقه دى و بعدين الحساب ولد

كلكم جمال

من طرف **ناهد عبيد** 6th مارس 2011, 14:32

شكرا لكل الذين مروا من هنا

ده شنو يا بت يا ناهد .... عفوا سادتى ده من برنامج الشروق مرت من هنا

من طرف **ناهد عبيد** 6th مارس 2011, 14:34

عدنا

املى بطون الرجال كسار ما تملاها حسار

عواس السم بضوقو..الرجال البليلة ام حجار...فلان مصلاب جداد لابنربط ولابنقاد ولابسمع كلام اجواد..ودي

ناهد عبيد كتب:
عدنا

املى بطون الرجال كسار ما تملاها حسار

لكِ التحية والله مثلك جميل يا أخت

اقبال عبداللطيف كتب:عواس السم بضوقو..الرجال البليلة ام حجار...فلان مصلاب جداد لابنربط ولابنقاد ولابسمع كلام اجواد..ودي

دي أمثال عطويِّة صرفة
شكراً يا إقبال علي هذا الإبداع

من طرف **ناهد عبيد** 13th مارس 2011, 15:12

ضربتين فى الرأس بوجعوا

العود كن ما فوقا شق ما بقول طق

وين الليلة اقبال و ول نويه ما ظهروا بهنا.

لقد افتقدنا كلامكم الجميل يا شباب و كذلك اين ابوهوريرة

تسلمى يا ناهد

سماح الكي نجاض...تسأل منك العافيةيا فيصل بس زنقة تكل...تقديري

زنقة تكل ( ههههههههههههها ) ضحكتينى يا اقبال

على اى حال الحمدلله انها زنقة تكل مش زنقة ليبيا.

تسلمى و سلامى للاولاد

من طرف **ناهد عبيد** 17th مارس 2011, 13:25

ابكى لى البقول ليك كفاك واشكى لى البقول ليك حشاك

من طرف **ناهد عبيد** 21st مارس 2011, 11:01

اللحمايه البتريدها فى اللحم تخنقك

**************************

الجابو فزع بقى وجع

من طرف **ناهد عبيد** 23rd مارس 2011, 10:28

ودالام منو البطن ما بطم

من طرف **ناهد عبيد** 27th مارس 2011, 13:02

نفسى فيه اخخخخخى عليه

الكابسك ما بحس بجعيرك

من طرف **ناهد عبيد** 28th مارس 2011, 12:14

البضيع فى القيزان ما بضيع فى الميزان

من طرف **ود عشمان** 29th مارس 2011, 00:01

ناهد ..

حسي بس عيني وقعت في البوست بتاعك دا .. عندي امثال كتيره بس نسيتها لكن هاك دي ..

خربانه البناية ام قش ..

الرهيفه تنقد ..

المره بدقوها بي اختها ..

العندو بيت من قزاز ما بجدع الناس بالحجار ..

البليله بحجارها ..

شوف العين ما بقتل غزال ..

قدم السبت تلقي الاحد ..

(ضرب القش ما قال قش) .. و لا دا حجا يا جماعه

لكم التقدير

ود عشمان تقصد شنو ( المره بدقوها بى اختا )

و ناهد كمان ( الكابسك ما بيحس بجعيرك )

كلكم بتاعين مشاكل الله بيعلم

أها ياشباب .... جيت معدي وقلتا أحسن يكون " عودي راكب "
*************************
أدانى الكى والقرض النى

**
المابعرف يشيللك بجلبغك

**
البلاقيك نعسان لاقي نايم
**
تابا مملح تاكلو قروض
**
البباري الجداد بوديهو الكوش**
*******************
أها شن قولكم.....ماتخلونا
"نطلّع المغطى ...الملان شطة "

الفاتح محمد التوم كتب:

أدانى الكى والقرض النى
**
المابعرف يشيللك بجلبغك
**
البلاقيك نعسان لاقي نايم
**
تابا مملح تاكلو قروض

كم أنت رائع ياشيخ العرب ..ببتسم دايماً مع حروفك ..بس لمن نجيك بالله لمْلمْ ليّ هذه الدُرر

المابعرف يشيللك بجلبغك
البلاقيك نعسان لاقي نايم
وحات الله الخلقنى روعه عديل كده مش زى امثال فيصل المهببه ديك ( المراه بدقوها باختها)

شكرا الاستاذ الفاتح محمد توم على مرورك والمشاركه

******************

ضرب القش ما قال قش) .. و لا دا حجا يا جماعه

ود عشمان سلامات اخوى سيب المداقشه ده حجا عديييل لكن ما مشكله قبلنا منك

شكرا ولك التحيه

فيصل ومحمد نويه شكرا

اشكرك بتنا ناهد....دي حجوه
" دخل القش .. ماقال كش "
ويقصد به " الضـــل " أو بالفصحى " الظل "
لكن مقبوولة منك .... ونعتبرو مثل قصد منه
الزول (الزولة) خفيف الظل ...
الراسي الرزين( الراسية الرزينة)

سلام للجميع ... وينكم !!!

الما ببلع ريق فوق ريق ماليهو رفيق

******
المتكوله بتقع
*******
ساعدوهو في قبر ابوهو دسّــا المحافير
*****
الفرق بين العصيده والمديده قبضة يد
خالص الود

الفرق بين العصيده والمديده قبضه ايد

شكرا الفاتح