ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

##يلا نغنى ونتحسر##

5 مشترك

اذهب الى الأسفل

##يلا نغنى ونتحسر## Empty ##يلا نغنى ونتحسر##

مُساهمة من طرف Suhad Abduelgfaar 11th أكتوبر 2010, 11:26

انه صاحب الصوت الشجى
انه مرسال الشوق
انه اضحكى
انه لو ناكر للهوا
انه صحيبه فى الزمن الصعب
انه خطوط التماس
انه عزه فى هواك
انه الواحشنى
انه بخاف
انه الزمن الصعب
انه السودان
انه الوطن
انه الحسره على الوطن
انه حلمه الوحده
يلا نغنى معه ....
تعالوا نغنى غنى الايام الجايه كتير
ونفرح بيها سماء السودان
تعالوا نلم الوان الطيف
الفى الخرطوم ابناء شعبى
والفى امدرمان
تعالوا نفكر ايه البيحصل فى السودان
الجوع.. المرض.. الخوف
الشك عدم اطمئنان هد الانسان
تعالوا نقعد نحسب خطونا
من ما اخدنا الاستقلال
لحدى الآن..
اتقدمنا ولا اتأخرنا
اتأخرنا ولا اتقدمنا..
سؤال مطروح لى كل
فئه من فئة الشعب
بالف سؤال: دم اجدادنا
بيحرض فينا على الحرية
وبيذكرنا عشان ما نحافظ
على وحدتنا الوطنية
بس مكتسابتهم بصراعاتنا وبخلافاتنا
دفناها وبقت منسية...
حقو نشوف من وين بتجينا مشاكلنا
ومنو البيعطل حركة شعبنا بالزندية
ونجيبوا ونحاسبوا
بعدالة وبديمقراطية
انا شايف الجوع بيطل
من وقت لاخر
ليه!! وبلدنا سهول
اطفال بيتشردوا فى
الطرقات وبياكلوا الذل
ومنو المسئول
والحرب لعينة وممتدة وبتحصد فينا
ويا للهول ويا للهول
وبلدنا الغاليه ام الخير
فيها كمان ظهر البترول
اشياءنا بتنتاقض
وفى الواقع نحنا كتير وكتير
بندور فى الحلقة الواحده
كما البندول..
نكسرها كيف!! الحلقة
الواحدة دى نكسرها كيف!!
ونمدها جسر يوصلنا

ابو عركى معاك يبقى الزمن حاضر
Suhad Abduelgfaar
Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

##يلا نغنى ونتحسر## Empty رد: ##يلا نغنى ونتحسر##

مُساهمة من طرف أزهرى الحاج البشير 11th أكتوبر 2010, 12:44

غنيّ يا سهاد ولا تتحسري

غني أبو عركي الإنسان الرائع وأستنشقي كل عطور كلامو المدهش ...

لي معه مواقف تعكس إنسانية هذا الملاك الجميل وما كان بينا سابق معرفة أتمنى أن أكتب عنها قريبا








معاك ببقى الزمان حاضر
بجي العالم قريب مني و يكون أجمل
بعيد منك بموت صوتي
و يغيب فرح الزمن يكمل
هواك مد الأفق جواي
رسم قامة الشمس أطول
و خلاك أخر المرسى
و كأنك نجمي من أول

هواك لاقى الوطن جواي
رجع صوت الحواري يحوم
بقى الزمن الجديد أخضر
و رنت ضحكة الخرطوم
نعس جرحي القديم و ارتاح
عرف رمش الليالي النوم
و غسل نبعك ملح دمعي
و انزاح الظلام مهزوم
معاك يبقى الزمن حاضر
معاك رجع الصفا الصداح من الهجرة
و اتكتبت على الأبواب معاني النظرة لبكرة
همد موج الحزن و غابت حرقة الذكرى
و أصبح يقيني معاك
هوى و إلفة و جمال فكرة
معاك يبقى الزمان حاضر
أحبك
أحبك
تدي لعمري الأمان
و ترجعي الشمس النست عمر الزمان
و تعودي بالفرح الأصيل
و تسافري بي من فوق وهاد المستحيل
و تركي بي في حضرة الزمن الجميل
و أحبك
أحبك
أحبك
أزهرى الحاج البشير
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

##يلا نغنى ونتحسر## Empty رد: ##يلا نغنى ونتحسر##

مُساهمة من طرف محمد قادم نوية 11th أكتوبر 2010, 13:40

ابوالعركي اسم كبير 00وضع بصمة راسخة في خارطة الغناء السوداني00 غني للوطن وللعشاق وللطبيعة وللهوي 00
لو لم يغن بعد رائعة عوض احمد خليفة (لو كنت ناكر للهوي )لكفته
حاولت امنع نفسى منك وتانى ما امشى واجيك
ورحلت عنك وعن ديارى وهدمت كل امل لديك
وبرضى ما قادر لما اسيبك لما انساك بشتهيك
مع كل دفقاتى الحنينة وكل دمعة شوق سجينة
تهاتى بيك روحى الحزينة واشقى لما تهاتى بيك
ورينى كيف اغفر وانت هدمت كل آمالى فيك
ما كنتا قايل أنا يوم بلاقى الحب ولا بكشف دروبو
ولا قلبى من شدة إباهو تقدر بتقدر الأشواق تذيبو
لكن غرامك حبه حبه صالاهو بنارو ولهيبو
وسرقت قلبى يا حبيبى تانى كيف منك اجيبو
انت يا ناكر غرامو قلبى ما بتسمع كلامو
وبدون سبب يرضيك خصامو لوعة العشاق تصيب
و
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

##يلا نغنى ونتحسر## Empty رد: ##يلا نغنى ونتحسر##

مُساهمة من طرف Suhad Abduelgfaar 11th أكتوبر 2010, 15:41

معاك يبقى الزمن حاضر
معاك رجع الصفا الصداح من الهجرة
و اتكتبت على الأبواب معاني النظرة لبكرة

مشكور عزيزى ازهرى
نعم للغناء ولا للتحسر والندم
منتظرين نعرف الكثير منك عن
فنانا المبدع ابو عركى


ورينى كيف اغفر وانت هدمت كل آمالى فيك
ما كنتا قايل أنا يوم بلاقى الحب ولا بكشف دروبو
مشكور اخى ود نويه
ونعم يا له من اسم كبير
ومبدع لم ولن نعطيه ما يستحق منا
Suhad Abduelgfaar
Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

##يلا نغنى ونتحسر## Empty رد: ##يلا نغنى ونتحسر##

مُساهمة من طرف اسماعيل محمد هجانة 11th أكتوبر 2010, 20:41

لو كنت ناكر للهوى زيييييك
يااااااااااااااه عليك وعليكم دوماتفتحون للفؤاد نافذة تطل الا على دوح من الجنان

اسماعيل محمد هجانة
عضو نشط
عضو نشط


الرجوع الى أعلى الصفحة اذهب الى الأسفل

##يلا نغنى ونتحسر## Empty رد: ##يلا نغنى ونتحسر##

مُساهمة من طرف Suhad Abduelgfaar 11th أكتوبر 2010, 21:56

ويااااااااه عليك يا عريس
منور والله
تحياتى للحلوة
Suhad Abduelgfaar
Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

##يلا نغنى ونتحسر## Empty رد: ##يلا نغنى ونتحسر##

مُساهمة من طرف الفاتح محمد التوم 12th أكتوبر 2010, 12:29

العزيزة سهاد .....أختي ..بين من الوحشه و الدهشه.. بيطلع الغنى بحســره
يــــــا قلب

يا قلب أنا كنت قايلك تبت من تعب السفر
ومن مخاواة القماري ومن شراب موية المطر
تاريك كامن ليا بشيتا كتر
تاريك لابد ليا بشيتا كتر
ما زمان أنا وإنت لفينا المواني
بالقطارات والمطارات والسفن
ودقينا أجراس الجديد
وعدنا ترتيب المعاني
الليلة راجع لي تبقبق
بتنتل الآهة وترقرق
زي تقول يا داب عرفت الاندهاش
يا قليب مالك عليا
ما إنت عارف نقطة الضعف القديمة
وزيي ضايق الإرتعاش
يا قليب ياما سرحنا
مرة جينا وألف رحنا
ومرة شاي عصرية في طرف الغمامة
ومرة دوبيت للمحنة
ومرة منديل مسقي حنة
ومرة حاجاتا أجن
وإنحناءات للحمامة
جاي تسألني الدبارة
يا قليب ما فيش دبارة
لا المراكب قادرة تكسح في النزيف
ولا نحن شايفين الفنارة


********
واااحشنــــي

واحشنى يا الخليت ملامحك فى حياتى
واحشنى ياالرسيت مراسيك جوة ذاتى
إلا باكر لما ترجع أنا بحكى ليك عن الحصل
وعن بعد المسافة وقربها
ولمن يفارق زول عيون غاليات عليهو كتير خلاص وبحبها
والله أحكام يا قدر
والله أحكام يا مسافة ويا سفر
***
وإنت لما بتسيبنى وتسافر
خت فى إعتبارك إنو دنياى فى مدارك
وجد لفافات الصبر دخنتها
وكل المقاطع فى غناى طوعتها
وغريبة غنت فرحة ... لا ... لا
غربة ..لا....لا
تقصد شنو ما عرفتها
وأهى تجربة …..
خطيرة – جد – وأجتزتها
ولسة واحشنى


الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

##يلا نغنى ونتحسر## Empty رد: ##يلا نغنى ونتحسر##

مُساهمة من طرف أزهرى الحاج البشير 12th أكتوبر 2010, 15:56

ومرة شاي عصرية في طرف الغمامة
أزهرى الحاج البشير
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى