ابوجبيهه

ســـــــــــــؤال ...وأتمني إجابته سريعاً ...

استعرض الموضوع السابق استعرض الموضوع التالي اذهب الى الأسفل

ســـــــــــــؤال ...وأتمني إجابته سريعاً ...

مُساهمة من طرف عثمان محمد يعقوب شاويش في 13th نوفمبر 2010, 10:22


أنا في موقع عملي بالرياض ..أعمل كسكرتير في شركة ...وجدلي الدائم في الآتي ...: لي ملفات من شركات كثيرة حوالي 20 شركة ...وكل شركة عملت لها :Folder وكل إيمل بفرغه في موقعه ..ولكن الموضوع : قد يطلب مني خطاب ...قبل كذا شهر دون تحديد ..وفي داخل الخطاب ...طلب شراء أجهزة كمبيوتر بعدد مثلاً كذا ...***وقد يطلب مني مديري المباشر هذا الخطاب ...***وحينما أرجع لل: Folder وأبدأ بالبحث في كل إيميل أي بقرأ وأتصفح الإيميلات ...لكي أعثر على الخطاب ...*** ولكن مديري المباشر يقول لي كيف أنتظرك وحتى تتصفح هذا الكم الهائل من البريد وانا ليس لي وقت ؟؟ ...؟؟؟وقلت له هذه هي الطريقة التي أمامي والتي أعرفها ...والسعااال : هل توجد طريقة أسرع ؟؟؟ منتظركم ومستنيكم على أحر من جمر الفرن ... محبتي

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف عوض السيد ابراهيم في 13th نوفمبر 2010, 10:56

(سعالك) محوّل لولدنا الفاتح محمد توم طبعا بتاع كمبيوتر وكدا.
أىّ سؤال اخر ولا نمشى خلاص؟؟؟؟؟

عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف الفاتح محمد التوم في 13th نوفمبر 2010, 14:18

عزيزي عثمان لوفهمت سؤالك ...
إنتا بتتحدث عن رسائل داخل الإيميل صاح ؟؟؟؟
إذا كده هناك في أعلى ال Inbox خيار الى اليمين مكتوب عليهArrange by ولو فتحتا هذا الخيار حتلقي Date / Subject/ Sizeوالمعنى " رتب المواضيع بحسب _ التاريخ _ الموضوع _ الحجم )
المطلوب :
إضغط على إحدى الخيارات التي تريد ترتيب المواضيع على اساسها ...شتظهر جميع المواضيع مرتبه حسب خيارك........

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

فهم تاني ... لسؤالك عزيزي

مُساهمة من طرف الفاتح محمد التوم في 13th نوفمبر 2010, 14:25

أما إذا كان مجلد folder في سطح المكتب ....
افتح المجلد .... اختر عرض .....اختر بالضغط على ( ترتيب الرموز حسب )...... بعد السهم تظهر قائمة منسدله فيها الخيارات (الإسم _ الحجم _ النوع _ تاريخ التعديل )
المطلوب :
إضغط بحسب الخيار الذي تريده .... ستظهر جميع الملفات بالترتيب الذي اخترته .....

أتمنى أن تكون إجابه شافيه .....ويالله ياعمو طبق وارجع لينا ... منتظرينك...

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف Suhad Abduelgfaar في 14th نوفمبر 2010, 03:41

اها يا اخوى عتمان
والله استازنا الفاتح
ما قصر معاك
وحلاها تب
تسلم يا حلال الكرب
علا شكلك كده حتحل كتير
لاننا كتير بنحتاج الاستعانه بصديق
كل عام وانتم بالف خير

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف عوض السيد ابراهيم في 14th نوفمبر 2010, 08:20

والله يا (عصمان)اخوى دا دلع عديييييييييييل.
(تسعل سعال)يردو ليك بسرعة البرق تقول عايز كنتاكى يجيبو ليك لحدى عندك.
كان راجل قول جيبو لى أم علياء شوف كا ما وديناك المطار باكر.
وحاتك تستاهل الكرامات والضبايح يا ابو علياء

عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف عثمان محمد يعقوب شاويش في 16th نوفمبر 2010, 17:48

كل سنة وإنتو تبين ...تيبين ...وإيداً إلينا أليكو إتبارك ...العزاز اللذاذ ....توحة الظريف ...درتنا الغالية الثمينة ...ماشاء الله : عوض السيد...الخواجية الراقية : سهاااد...أسرة المنتدي أحبائي وزيادة ... لكم التحية وتعظيم سلااام لمروركم ومداخلاتكم الرائعة ....نعم أخي العزيز الفاتح أجاب بما فيه الكفاية ..إجابات شافية تدل على إلمامه الشامل ما شاء الله بالشبكة العنكوبتية ...ولكن موضوعي بحث عن محتوي ملف داخل الملفات ...مثلاً لدي ملف من بين 20 ملف ...أبحث عن إيميل مثلاً يحتوي على طلب توريد 10 جهاز حاسب آلي ... مرسل الإيميل قبل 7 أو تسعة أشهر سابقه ... كيف أحصل على الملف وفي أسرع وقت ...وهذا هو موضوع السؤال ...ولكم محبتي

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف محمد هاشم في 21st نوفمبر 2010, 15:44

سلامي للجميع وإسمحوا لي بالدخول في التفاصيل والمساهمة في حل مشكلة عثمان
المعروف أن كل مخدم يقدم خدمة البريد الالكتروني يتيح لمستخدمه إنشاء عدد من الملفات داخل البريد الخاص به وبناءأ على ذلك وبعد الدخول على بريدك الإلكتروني إبحث في الخيارات الموجودة على جانبي الصفحة وستجد خيار add folder في الناحية الشمال إذا كنت تستخدم بريد الياهو وبإمكانك إنشاء أكثر من فولدر أو ملف فمثلاً: (الطلبات) ، (المشتريات) ، (المراسلات) و.......etc وبالتالي نقل بريدك لهذه الملفات
وربما تنفعك هذه الطريقة في ترتيب بريدك الإلكتروني بحسب الأولويات
وتحياتي للجميع

محمد هاشم
نشط مميز
نشط مميز


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف ابوهريرة عثمان عبدالسلام في 21st نوفمبر 2010, 23:26

الاخ محمد هاشم كلنا عندنا اسئلة كثيرة زى اسئلة عمك دا بس شد حيلك معانا وكان استدعى الامر نجى نقعد ليك تحت لانو ناس الفاتح ديل بعاد عننا .

لك وافر الشكر والتقدير

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف عثمان محمد يعقوب شاويش في 22nd نوفمبر 2010, 08:22

أخي محمد هاشم ...لك كامل الود ...والهب !!! صدقني عملت ال Folders لكل الشركات ...الموضوع أخي ما بداخل الخطاب الذي داخل (الفولدر)... إعتبر أن هنالك شركة بالسودان بترسل لي إيميلات وبرسائل مختلفة ...وعملت لها فولدر ...وفي إيميل ما هذه الشركة طلبت إستيراد 50 جهاز حاسب آلي مثلاً ..بمبلغ وتاريخ ... وقد يطلب مني فجأة إستخراج هذا الإيميل دون أن أفتح الإيميلات وقراءتها واحد بعد الآخر لكي احصل على هذا الخطاب وبسرعة!!!....وهذا هو الموضوع ...وبشكرك على رسالتك لي القيمة جدا... محبتي لك والتحية ...لأبوهريرة ....

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف yasir في 22nd نوفمبر 2010, 13:09

الاستاذ عثمان كل عام وانت بخير
هنالك خيار بحث اعلى صندوق الوارد يمكن ان تستخدمه

yasir
Admin


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف عثمان محمد يعقوب شاويش في 22nd نوفمبر 2010, 13:29

الأستاذ / ياسر لك التحية ...وكل سنه وإنت طيب ... نعم ممكن أعمل بحث بعنوان ال : Subject ولكن المطلوب داخل خطاب ما ...فقط ذكر في الخطاب : أن شركة ياسر مثلاً أرسلت عرض سيارات بقيمة ..وتاريخ ...ولم يذكر تاريخ الإيميل المرسل..فقط مضمون الخطاب الداخلي ...ومعليش أتعبتكم معاي ...والسؤال : هل توجد طريقة لتصفح الخطابات داخل ال : Folders ...ولكم تحياتي ...وجهلي مصيبة ...لأنني تعلمت بالأسئلة فقط ..ولم أجلس للتعلم أو التحق بمعهد أو نحوه ...ودمتم لي .... محبتي

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف عوض السيد ابراهيم في 22nd نوفمبر 2010, 16:54

تعبك راحه يا (هبيب).
والله أخوك كان ما كيشه فى الكمبيوتر كان طار وجاك فى الرياض.....(ولد دا)

عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف محمد هاشم في 22nd نوفمبر 2010, 22:55

في طريقة تانية ممكن تعرض ليك الصورة من الملف بمجرد تمرير المؤشر فبها بس مامتأكد من فعاليتها في البريد الإلكتروني اديني فرصة اجربها ولو نفعت حاأرسلها ليك في البريد الإلكتروني اوعلى صفحات المنتدى مع الشرح لكيفية عملها

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الرائع دوماً أبوهريرة لك تحياتي وأشواقي وأنا كلي تحت أمرك في المنتدى أو خارجه أو من خلال البريد الإلكتروني والذي هو
medohash2007@yahoo.com
أو
medohash2008@maktoob.com

محمد هاشم
نشط مميز
نشط مميز


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف عثمان محمد يعقوب شاويش في 23rd نوفمبر 2010, 08:58


أخي عوض .... عزيزي محمد هاشم ...لكما التحية مجدداً ...عوض اخوي إنت متابع ممتاز ...وشكراً أخي محمد هاشم على هذا الإهتمام ...وسلامي لجميع أسرة المنتدي .... محبتي

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف الامين الخوجلابي في 23rd نوفمبر 2010, 10:12

سلام عليكم اخي وحبيبي عثمان محمد شاويش اسف جدا لتاخري عن الرد عن الموضوع لاني لم أطلع عليه .
طريقة سهلة جدا لبحث داخل الملفات او بالاخص داخل الويرد :
انا استخدم طريقة واعتبرها جيدة
الطريقة
اضغط على بحث (search) من قائمة ابدأ (start)
اختر من القائمة : كافة المجلدات والملفات (All files and folders )
اكتب في الحقل الأول ( All or part of the file name)
كود:
*.doc

اعمل كليك يمين الصورة واغغط على عرض الصورة لفتحها في صفحة مستقلة وياريت وتعلمني بانجلاء المشكلة
أو أضغط على الرابط :
اضغط هنا
ولك تحياتي الامين الخوجلابي




الامين الخوجلابي
نشط مميز
نشط مميز


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف عثمان محمد يعقوب شاويش في 23rd نوفمبر 2010, 11:29

أخي الغالي جداً الخوجلابي ...لك التحية مملوءة بتقديري لك الزائد ....ومشكور على هذا المجهود الكبير ...والإبداع والشرح الوافي ....وسوف أجرب هذه الطريقة بإذن الله ...ولكن تعرف هذا الكلب الموجود في البحث ...يبحت كدا وفي النهاية يقعد...ويقول ليك مالقيت حاجه !!!؟؟المهم سوف أبحث بها مره أخري ...ولك مودتي أيها الأمين .... محبتي

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف طارق كمبال في 23rd نوفمبر 2010, 12:30

الخوي عتمان
الكلب دا الاكل هالوكاية عمي تيبر
ولا دا كلب عمنا عبد الكريم مصطفى
والتحية لتيس ابو ديورة

طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف عثمان محمد يعقوب شاويش في 23rd نوفمبر 2010, 12:40


طااااارق الله يجازي محنك ....إنت لسه بتتذكر هالوكاية عمك تيبر .... مشكور على مرورك الرائع ....محبتي

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف طارق كمبال في 23rd نوفمبر 2010, 13:27

اخوي عصمان
هالوكاية عمي تيبر دي انا زاتي زعلت معاه
هن كلهن ستة هالوكاية وينزل عشان يصلي يقومو اياكوا منهن تلاتة وينكرو؟ يخلوه الا للمعيار

طارق كمبال
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف الفاتح محمد التوم في 23rd نوفمبر 2010, 21:26

سلامتك .... والألم بيزول و الكفــاره ليك يازول ...
يارايع.... سلامتك ... وصيتك ولتها للأخ الحاج جنــابو .....
هو بشكر متابعتك اللصيقه عبر الموبايل في كل مراحل الشعائر و النسك
وبرسل ليك عبري كل آيات المحبه وبقول ليك ""إنتا ماقصرتا لكنك حسّاس .... لدرجة إنك مصاب بنزلة الحجاج وإنتا في الرياض .. في مؤازره أكتر من كده ؟؟؟؟ ""
......................
وياشبابنا ماقصرتوا في توضيح الــMethods والـ online diagnosis لمشكلة حبيبنا عثمان....
ولكني أزيدكم من الشعر بيت ...
بعد إتصالي عليه عرفت إنو محتاج أولاً إعادة ترتيب لكل الــSubjects التي تحتويها كل الــ folders
لأنه يريد البحث عن محتوى (مضمون) رسائل مرسله اليه و تفاصيل وردت في الرساله.... وليس عن تاريخ رساله/أو موضوع رساله معينه/ ....حسب الأساليب التي أوردناها له..
لذا اتفقنا في أن يعيد ترتيب الرسائل وتغيير ( الموضوع ) حسب ( المضمون ) ....
ذهبنا الى هذا الحل لأنّ :
1. بعض الرسائل ليس فيها ( موضوع في الأعلى من أصلو) ....
2. معظم المواضيع لاتحمل مضمون الرسائل ..( وهناالعيب من المرسل )
عامل أعتبره معطل إذا أخذنا الــ(Time Factor) وهو أنّ مجموع الرسائل والمجلدات كبير ويمثل ( A very huge historical database ) لذا عليك أن تبدأ هذا الــ Procedure بالرسائل الأحدث رجوعاً الى أول رسالة.....((( والله يعينك ياعمّو...عندما كانت الرسايل شويه كنتا بتفتح الرساله وتقراها بسرعه ثم تنتقل لأخرى وهكذا الى ان تجد المحتوى المطلوب لكن احسب ليك كم سنه بتستقبل رسايل في كم يوم من كم شركة ؟؟؟؟ )))

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف عثمان محمد يعقوب شاويش في 24th نوفمبر 2010, 09:45


الحاج الإنسان عزيزي الغالي الفاتح محمد توم ...وزوجته الحاجة المصون (ف)...حجاً مبروراً وسعياً مقبولاً ...وعقبال لكل ناس المنتدي ...لقد عهدت فيك أخي الفاتح الوفاء والذووووق ...وصدقني إتصالك على وأنت بجده مع صحبة الحاج : ول منقة وحرمه المصون... أثلج صدري ...ويكفيك فخرا انت إنسان مواصل ...وهذه شهادة ... ولك التحية ولكل زملائي باسرة المنتدي ...في موضوع البحث عن ملف ما ... ويعني ال : Subject لكل موضوع دائماً مهم ...وأعرف أني اتعبتكم معاااي خالص ...وقد أعطاني أخي : الحاج الأمين الخوجلابي : وصفة الكلب ...أي ابحث عن طريق هذا الكلب المستهبل ...يبحت وينكت في التراب ويحملق ...كدااا وفي النهاية يجلس ويقول ليك ما لقيت حاجه !!!؟؟؟ لكم تحياتي ...وأكرر مبروك لكل حجيج المنتدي بما فيهم الغالي : ول نوية ...والحاج : يونس إدريس كاموكا ووالدته( الحاجة (م)) ...وعقبال لأسرة المنتدي بداخل وخارج السودان ... بالنسبة للحاج : ول منقة : لم أعرف أنه مغادر المدينة إلا في آخر نصف ساعة ...وحاولت المستحيل كي أرسل له واحد !!؟؟ ولكن بكل أسف الشخص قال لي هذا الوقت لا يوصلني فنادق الحرم الشريف ....الزمن قليل جدا..وإعتذر له ...وقد تألمت بالجد ...عموماسوف يكون الوصال بيننا ....ولكم جميعاً : محبتي

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف Suhad Abduelgfaar في 24th نوفمبر 2010, 12:37

يا اخوانا اخونا عتمان ده
عملها لينا شغل
وفتح لينا
خالص
ونحن بنقول الراجل ده
وين مشى خلانا وقلبنا اتقطع
اتاريهو هو لابت ليه فوق راى
تحياتى للحجاج وعقبالنا
نخليك يا عتمان يا اخوى تم باقى شغلك
تحياتى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف عثمان محمد يعقوب شاويش في 24th نوفمبر 2010, 14:16


قلتي لي أختس سهاااااد ..الجعلي بعد ما ضربوه قدام مرتو...وطرحوه ارضاً ...وزوجته قالت ليه راقد مالك ماتقوم تضرب الراجل ...وقال ليها أنا راقد لي فوق راي ...الخواجية الراقية أخبارك شنو ؟؟؟!!! حسه لو قلتي ليك راسك بكبر ::: إنتي والفرنساوية ...والصينية ...وزهرات أبوجبيهة ...نورتو هذا المنتدي ...وبظلكم الجد هيفيف ...!!! وأتاريك مرخابية وانا ما عااارفك ...تصدقي انا بشجع المريخ من كورة الشراب (اللي بميدان الإستراحة ) ومعليش جاني شغل مستعجل .....معزتي

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف ود عشمان في 29th ديسمبر 2010, 02:45

العزيز شاويش

حسي بس لقيت البوست بتاعك الاتعبت فيه كل ناس المنتدي باسئلتك الكتيره و شايف الاخوان بي كلاب الجيران ما قصرو .. سؤالي مشكلتك انحلت و لا اركب اجيك هناك

لك التقدير و الاحترام

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: ســـــــــــــؤال ...وأتمني إجابته سريعاً ...

مُساهمة من طرف عثمان محمد يعقوب شاويش في 29th ديسمبر 2010, 08:11

ود عشمان الظريف ...تصدق ما إتحلت ...لتصفح الإيميل من الداخل ...ولكن الحل الوحيد ..حفظ الإيميل الوارد بإسم جديد ...,لك محبتي ...

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى