ابوجبيهه

مواقف محرجة*(شلاقة/لقافة)

استعرض الموضوع السابق استعرض الموضوع التالي اذهب الى الأسفل

مواقف محرجة*(شلاقة/لقافة)

مُساهمة من طرف حامدونا في 3rd أغسطس 2009, 13:00

تمر بالانسان مواقف محرجة فى حياتة يكون له فيها الضلع الاكبر* لكن اثقل واسخف المواقف عندما يكون الشخص المعنى بالحاجة الما جميلة موجود
-المهم اتذكر مرة فى اواخر رمضان الجامعة قفلت وادونا اجازة والعبدلله سافر الابيض وفى اليوم التانى وانا فى السوق التقيت بواحد كارثة من ال ابو حسنين اهل ال حتيلة *اسمه مبارك عوض الله ابوحسنين(قدوم كلب)وقد اصر هذا القدوم ان افطر معه غدا/لان غدا يمكن يكون الاخير فى رمضان(وبينى وبينكم اغرانى بالوليمة واللحم الكتير وخاصة وانو الواحد كان فى الدخليةوجيعان وضعيف كمان -جا الموعد ودخلت على بيتهم و الاذان على وشك عرفنى بكم زول كدة لم اركز لانو رمضان دخل العضم واليوم كان حار حار-بعد الافطار الونسة كانت حاصلة وكان جنبى شاب هادى جدا وكان بتكلم معاى فى الكورة وطيبة اهل الابيض*وجات القهوة /وقال لى قدوم كلب بعد دا ماشى وين قلت له ماشى انوم بس قال لى نوم شنو* ناديكم(اهلى الابيض) عامل حفلة بمحمود عبد العزيز(كانت عادة اندية الابيض تعمل حفلات لذيادة الموارد المالية اكيد مافى جمال الوالى فى الزمن داك)المهم قلت ليه انا مازول حفلات قال محمود ياعم قلت له محمود يعنى شنو /وهنا بدون مقدمات قال لى احسن من عاطف ابوجبيهة بتاعكم داك0(كان عاطف طالع فى الكفر الايام ديك)وهنا اخوكم عمى ماخليت لمحمود والجاب محمود حاجة /اخر حاجة قلتها اى واحد ماعندو اهل جاى الابيض يغنى وهنا تدخل محمد العميرى الاخ الاصغر للعميرى كان معنا وقال دى وجهة نظر عاطف احسن من محمود-والغريب فى الامر طول الجدال السوفسطائى دا الشاب الهادىكان يبتسم والحاجة الواحدة القالها/لى / انت ياكابتن من ابوجبيهة/واخيرا وطالع وقدوم ميت من الضحك وبكلبرود يقول لى الشاب الهادى والمسكين دا الفنان محمود عبد العزيز (الفضيحة كتلتنى)والله كان الخصام مع قدوم الكلب سنة قمرية*يالله ياعالم دى قلة ادب ولا-شلاقة ولا-لقافة

حامدونا
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

قدوم كلب كارثة

مُساهمة من طرف حيدر خليل محمداحمد في 3rd أغسطس 2009, 13:47

اخوي حامد اهنيك بالوليمة وباكل اللحمة ولكن لقافتك ماخلتك ياابوحسن تتهنا و اكيد يكون اصابك عسر هضم بعد هذا الموقف المحرج جدا وانت غلطان في زول بيباري قدوم كلب ده مصيبة وماتجي منو الا المصائب وطبعا الراجل كبر وعقل وهو كان من ظرفاء مدينة الابيض واكيد انت عارف ليه مواقف كتيرة

حيدر خليل محمداحمد
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

الحمد لله اللى ما كنت أنا

مُساهمة من طرف أزهرى الحاج البشير في 3rd أغسطس 2009, 14:05

لو كنت أنا يا حمدونا كان بب وقعت من طولى

بس يعنى زى ما تقول ......... كوكو حمدان أبوك مات.

أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: مواقف محرجة*(شلاقة/لقافة)

مُساهمة من طرف محمد قادم نوية في 3rd أغسطس 2009, 14:08

بالجد يا حامدونا مواضيعك حلوة ومعبرة رجعتنا بها لايام حلوة ، بس عيبك من الجماعة ؛ فاحكي ليك موقف ظريف حصل مع شخصي المتواضع كنا في الجامعة ولي صديق من اولاد ام درمان الثورة الحارة 17 ،فكان لديه مناسبة زواج اخوهو الكبير اها مع تعب المناسبة كنا اسبوع مساهرين ،نهاية المناسبة كنت بتونس مع والدتو واخواتو في حوش النسوان طبعا .طبعا شالتني ليك نومة اثناء الونسة لمن صحيت لقيت الساعة 4 ص ولقيت نفسي وسط النسوان :وقتها اصابي الزهول المهم رقدت قلت لو قمت هسي يقولو ده حرامي ولا عندو قصد تاني المهم بعد اذان الصبح طلعة طوالي من الخجلة والغريبة امه من الجماعة المتعصبين (يعني هلالابية) وذاك اليوم كانت مباراة مريخ هلال ؛ اها الصباح امه قالت ليهو محمد قادم ده طلع بدري كدة عشان امبارح لعبنا معاهم ولا شنو (طبعا مابوريك نتيجة المباراة كانت لصالح مين)

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

الاعزاء

مُساهمة من طرف حامدونا في 3rd أغسطس 2009, 19:05

الاعزاء /ابو الزهور /ابوعبدالله/ودنوية
الشكر وكل الشكر-بس ياحيدر قدوم اخر من يعقل *وياابو الزهور المشكلة كلم الابيض كلها حامد قال وقال*ود نويه اقول ليك شفت الهلالاب كيف يعنى لو ماكنت من ستات البلد كانت لمت عليك خلق الله 0(واقول ليك ياحبيب احسن باقى عمرك دا تكون من الصفوة*لك كل الود والاحترام)

حامدونا
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: مواقف محرجة*(شلاقة/لقافة)

مُساهمة من طرف nashi في 16th أبريل 2012, 15:03

عليك الله يا حامدونا تكمل

والله بوست رهيييب ههههههه
مازلنا في امبحتي cheers

nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: مواقف محرجة*(شلاقة/لقافة)

مُساهمة من طرف Suhad Abduelgfaar في 17th أبريل 2012, 10:41

(والله شليق شلاقه شينه خلاص )
الظاهر يا دكتوره اخونا حامدونا
لابت ليهو فى (شلاقه) وعايز يفاجئنا بيها
المهم نحن قاعدين ومنتظرين نشوف نهاية الشلاقه شنو
وينك يا ابو حسن ؟؟؟؟؟؟؟؟؟؟
؟
تحياتى


Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى