ابوجبيهه

اليوم نرفع راية استقلالنا

استعرض الموضوع السابق استعرض الموضوع التالي اذهب الى الأسفل

اليوم نرفع راية استقلالنا

مُساهمة من طرف salih jabal ellogma في 31st ديسمبر 2010, 11:44

اليوم نرفع راية استقلالنا ويسطر التاريخ مولد شعبنا
يا إخوتي.. غنوا لنا.. غنوا لنا..
يا نيلنا يا أرضنا الخضراء.. يا حقل السنا
يا مهد أجدادي ويا كنزي العزيز المقتنى
كرري تحدث عن رجال كالأسود الضارية
خاضوا اللهيب وشتتوا كتل الغزاة الباغية
والنهر يطفح بالضحايا بالدماء القانية
ما لان فرسان لنا بل فر جمع الطاغية
وليذكر التاريخ أبطالا لنا عبد اللطيف وصحبه
غرسوا النواة الطاهرة
ونفوسهم فاضت حماسا كالبحار الزاخرة
من أجلنا ارتادوا المنون ولمثل هذا اليوم كانوا يعملون
غنوا لهم يا إخوتي فلتحيا ذكرى الثائرين
إني أنا السودان أرض السود
هذي يدى
ملأى بألوان الورود قطفتها من معبدي
من قلب إفريقيا التي داست حصون المعتدي
خطت بعزم شعوبها آفاق فجر أوحد
فأنا بها وأنا لها سأكون أول مفتدي


رجال لموا شمل السودان
avatar
salih jabal ellogma
نشط مميز
نشط مميز


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف salih jabal ellogma في 31st ديسمبر 2010, 11:47

اليوم الذي سنحتفل به باستقلالنا هو نفس اليوم الذي سنبكي فيه على تناثر ارض اجدادنا
زي ما قال الخواجة يــــــــــــــــــا لسخرية القدر!!!!!!!!
avatar
salih jabal ellogma
نشط مميز
نشط مميز


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف nashi في 31st ديسمبر 2010, 12:10

salih jabal ellogma كتب:اليوم الذي سنحتفل به باستقلالنا هو نفس اليوم الذي سنبكي فيه على تناثر ارض اجدادنا
زي ما قال الخواجة يــــــــــــــــــا لسخرية القدر!!!!!!!!

منتهي الالم اخوي بس نقول الله غالب
----------------------------------------------------
كل عام وانت بالف خير
ويا رب تتحقق فيها كل امانيك
بس عرس لع cheers
ههههههههههههههه
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف الفاتح محمد التوم في 31st ديسمبر 2010, 13:48

بين الأمس واليوم...
قصه من حكايات ألف ليله وليله
ستتناقلها الأجيال جيلا بعد جيل...
بين الإستقلال .... و المــآل
برضو روايه تحمل في طياتها ما تحمل
كيف سيحتمل الشعب السوداني كل هذا ؟؟؟؟

جبل اللقمــه.... كل سنه وإنتا طيب وكل الأعضاء
نتمنى أن يتحقق كل جميل محبب لشخصك....

تخريمه ..
" أعمل بالنصيحه!! "!!

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف ود عشمان في 31st ديسمبر 2010, 14:06

وا اسافاه

ان نفقد جزء عزيز من ذلك الوطن الشامخ ارض المليون ميل مربع الذي كنا فخورين به بتنوع ثقافاته و اعراقه و تراثه .. هي حسرة و الم و فراق احبه و اخوه في مطلع عام 2011

تخريمة

عندي اخوي شقال في الجنوب عملت له تلفون قلت له ابقي مارق قبال البلد ما تنشق .. قال لي البلد لو انشقت و انا هنا في الجنوب اعتبروني زول و راح

شكرا يا اخي صالح علي البوست و بكل حسرة اليوم نرفع راية انفصال جنوبنا

لكم التقدير
avatar
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف Suhad Abduelgfaar في 31st ديسمبر 2010, 14:09

كل عام والامه المسلمه
فى امان وسلام
وربنا يفرج على السودانين
من سجن الاستفهام؟؟؟؟؟؟؟؟
وكل عام كل احباب المنتدى بالف خير وانت
اخى جبل القومه كل الامانى الحلوه محققه





avatar
Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف محمد قادم نوية في 1st يناير 2011, 10:55

اليوـوم نرفع راآاية إستقلالنآآآ
ويســــــطر التآآآريــــخ مولد شعبنــــآآآ
يا اخـــوـوتي غـــنوـو لنــــآآ ~~~

كل عام والجميع بخير.. ويعم الامن السلام كل أرجاء وطنا العزيز
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف salih jabal ellogma في 1st يناير 2011, 15:35

شكرا احبتي على مروركم واتمنى من القلب ان تكون هذه السنة سنة خير ونماء وتقدم لكم جميعا
ودائماً ال الامام ^_^
avatar
salih jabal ellogma
نشط مميز
نشط مميز


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف عوض السيد ابراهيم في 1st يناير 2011, 15:41

كل سنه وانت طيّب يا جبل اللقمه ويا رب بلدنا تكون بألف خير.
تخريمه:-----------------------
الدكتوره شكلها شامه ليها ريحه يا اخوى!!!!!!!!!!!!!!!!!!!
avatar
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف salih jabal ellogma في 1st يناير 2011, 15:49

احسان والفاتح البعرسوا بيحصل ليهم كدة
avatar
salih jabal ellogma
نشط مميز
نشط مميز


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف salih jabal ellogma في 1st يناير 2011, 15:52

وانت بالف خير عزيزي ابو السيد
ههههههههههههه لســـــــــــــــــــع بدري تاني 10 سنوات كدة Very Happy Very Happy
avatar
salih jabal ellogma
نشط مميز
نشط مميز


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف عوض السيد ابراهيم في 1st يناير 2011, 16:12

10 سنوات شويه يا اخوى كدا خلى حبيبنا (الإش) يتلحس أوّل بعدين نشوف جبل اللقمه.
يا ود مالك ومال المحن إنت كدا كويس
avatar
عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف salih jabal ellogma في 2nd يناير 2011, 11:41

ان شاء الله بس اكتر من 10 مااااااااااااافي طريقة
lol!
avatar
salih jabal ellogma
نشط مميز
نشط مميز


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف صباح حسن عبد الرحيم في 2nd يناير 2011, 16:38

كل سنه وانت طيب اخي جبل اللقمة
وربنا يحقق كل الاماني
وكل احباب المنتدي بالف خير وعافية
وكل الشعب السوداني
يعيش في امن وسلام
تسلم

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف محمد قادم نوية في 2nd يناير 2011, 16:53

حلوة ياجبل اللقمة....وده كووووووووووولو راااجيك ..حاول أخد تمرين من هسي وأكتسب الخبره
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف salih jabal ellogma في 2nd يناير 2011, 22:47

شكرا استاذة صباح
وانت طيبة يارب وان شاء الله تكون سنة سعيدة على الجميع

ههههههههههه ان شاء الله يا نوية
avatar
salih jabal ellogma
نشط مميز
نشط مميز


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف الفاتح محمد التوم في 2nd يناير 2011, 23:57

صــالح .... رهيب... والله ضحكتني
أضحك الله سنك ..... هاك البحصل تقنيــاً....


البلشه ... "يقصد بها باقيه ليهو في الزراره الأخيره" والمترادفات من نفس المعنى....

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف salih jabal ellogma في 3rd يناير 2011, 13:23

ههههههههههههههههههههههههه حلو ة حلوة يا
الفاتح
الله يكون فى عونو
affraid
avatar
salih jabal ellogma
نشط مميز
نشط مميز


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف Elfadil Abdulraziq Elhaj في 23rd ديسمبر 2011, 19:07

يا إخوتي.. غنوا لنا.. غنوا لنا..
يا نيلنا يا أرضنا الخضراء.. يا حقل السنا
يا مهد أجدادي ويا كنزي العزيز المقتنى
كرري تحدث عن رجال كالأسود الضارية
خاضوا اللهيب وشتتوا كتل الغزاة الباغية.


احتفل البرلمان السوداني قبل ايام بعيد الاستقلال المجيد,نتمنى من الله ان يجعله عام خير ونما على الشعب السوداني (الفضَل).
فى حضرة جلالك .. يطيب الجلوس ..
مهذب امامك يكون الكلام ..


منك كل حته
في الخاطر
صبابه
جنبك نبته نبته
نكبر نحن ياما
نسألك انت
وانت ورينا الاجابه
علمنا الرمايه
والحجا والقرايه
والمشي بي مهابه
في الضحي والظلام ..

القومة ليك يا وطن؛
avatar
Elfadil Abdulraziq Elhaj
نشط مميز
نشط مميز


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف فيصل خليل حتيلة في 24th ديسمبر 2011, 11:12





سلميلي علي البحسو
بكل نبض الارض ديا
و سلميلي على البيابو
الحق هدية
وسلميلي علي مهيريات
شهيدن نارو حية
وسلميلي علي رفاقي
وبلغيهم اشتياقي
وعن حياتم قولي لي
وسلميلي علي حبايب
في زوايا المغربية
وقولي ليهم حبو غنو
الدنيا ما زالت ندية
وما حنقبل في

وطنا الغالي دية
وما بنخلي وطن سبية
ولا وطن زوجين
وحارس وبندقية



الفاضل عبدالرازق ابوعبدالرازق سلام
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف فيصل خليل حتيلة في 24th ديسمبر 2011, 15:57


هاك يا ابوعبدالرازق

تعالوا نغنى غنى الايام الجايه كتير
ونفرح بيها سماء السودان
تعالوا نلم الوان الطيف
الفى الخرطوم ابناء شعبى
والفى امدرمان
تعالوا نفكر ايه البيحصل فى السودان
الجوع.. المرض.. الخوف
الشك عدم اطمئنان هد الانسان
تعالوا نقعد نحسب خطونا
من ما اخدنا الاستقلال
لحدى الآن..
اتقدمنا ولا اتأخرنا
اتأخرنا ولا اتقدمنا..
سؤال مطروح لى كل
فئه من فئة الشعب
بالف سؤال: دم اجدادنا
بيحرض فينا على الحرية
وبيذكرنا عشان ما نحافظ
على وحدتنا الوطنية
بس مكتسابتهم بصراعاتنا وبخلافاتنا
دفناها وبقت منسية...
حقو نشوف من وين بتجينا مشاكلنا
ومنو البيعطل حركة شعبنا بالزندية
ونجيبوا ونحاسبوا
بعدالة وبديمقراطية
انا شايف الجوع بيطل
من وقت لاخر
ليه!! وبلدنا سهول
اطفال بيتشردوا فى
الطرقات وبياكلوا الذل
ومنو المسئول
والحرب لعينة وممتدة وبتحصد فينا
ويا للهول ويا للهول
وبلدنا الغاليه ام الخير
فيها كمان ظهر البترول
اشياءنا بتنتاقض
وفى الواقع نحنا كتير وكتير
بندور فى الحلقة الواحده
كما البندول..
نكسرها كيف!! الحلقة
الواحدة دى نكسرها كيف!!
ونمدها جسر يوصلنا
والدنيا عجول..
يا حكامنا الدنيا عجول
ياساستنا الدنيا عجول
يا جنرالتنا الدنيا عجول
يا ساداتنا الدنيا عجول

avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف Elfadil Abdulraziq Elhaj في 25th ديسمبر 2011, 08:29


شكراً جزيلاً عمو فيصل:
حمــــــــــــــيد؛؛؛
كيفك بعد غيبة وغربة ووطئ جمرات
رجالتك الهيبة … نسوانك الحارات
قالن لي قولا تسر … تنفع زمان الضر
كل البلاد أم در .. والمهدي حي ما مات
الخطوة في الشارع منبثة ثورية
بق الغضب طالع .. أبرول وطورية
شافع ورا النافع .. طلبة وأفندية
الجوعو كان دافع .. لي هبة شعبية
ما الصبر ما نافع في أيام كركية
ذات وضع همباتي .. وأحوال متل دية
كهان وجهدية .. وكابات هي ما هيّ
حموني اغرودة والدنيا عيدية
حرموني زغرودة في فرحة عادية
حظروني من عودة .. أو مرقة ليلية
منعوني من ذاتي .. واخواني جندية
للقمع يوماتي سدوبا وردية
شك في هوياتي .. فتيش وسخرية
لكناتي .. لهجاتي .. شلخاتي .. عينيا
أوكير وحمداتي .. باعوضة سل فيا
تحتاج معاناتي لبطاقة شخصية !
يا مسخ بعاتي .. وقام لجنة شعبية
لي حضرة الآتي .. شايل الفرح ليا
عبيت مساماتي .. من غيمة منفية
وعلى أرض مأساتي.. فرغت ما فيا
وضل الوطن شاطئ .. وشمسو المراكبية
النيل ديمقراطي .. والقيفة جمعية
بردت غنواتي .. بي نمة مغلية
بقت هتافاتي .. دوديتا بي إيديا
في دقن همباتي .. وعسكر حرامية
طارت حماماتي .. وركت سلامية
غدروها شماتي .. وكتل الرصاص فيا
لكن يا مواتي .. يا ذمة مشرية
يا عسكراً فاتي .. مافيا وطفيلية
من شرفة الآتي .. وبي كل حنية
أخدني أماتي .. بي طرحة و أمنية
ربطن لي جرحاتي .. وبي مرتق واغنية
سدن لي آهاتي .. فوق وقفة صخرية
سنن لي إيديا .. وصاحن بي صد صارع
يا عيش وحرية .. وانغير الواقع
يا ميتة دغرية ...
نار التكل ماتت .. نار فينا شن حية
و روحك إذا فاتت .. روح الوطن جية
أماتي يا أمات .. كل الغلابة الجات
من حلفا لي نمولي .. من بارا لي سنكات
غضب الخلا اليغلي .. صرصيرة الغابات
في عب ضلوع النيل .. جيب القلب غيمات
أشواقا تالا الأرض .. والأرض شوقا نبات
أماتي يا أمات .. ود الحياة الصنديد
قولاً لكل عنيد .. وصاحب دقن همبات
قولنلو نحنا حديد .. زي المرمة شداد
اللي ضميمتو يخون .. ما أمنوهو بلاد
يا مستبداً بات .. حارساهو دبابات
كضاب وكضابات .. هواب وهوابات
شن حزبك الويحيد .. وضرعاتك ام حجبات
و و و و و ؟؟
avatar
Elfadil Abdulraziq Elhaj
نشط مميز
نشط مميز


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف محمد قادم نوية في 25th ديسمبر 2011, 10:13


الإستقلال من أفضل النعم التي حبانا الله بها بعد نضال وكفاح بدءً بالخريجين وثورة اللواء الأبيض وعبدالفضيل الماظ وخيرة شباب السودان ولكن للأسف الجيل الحالي لا يعرف عن هؤلاء البته تخيلوا شاب سألوه بتعرف إسماعيل الأزهري أجاب بأنه(عنده جامعة في بحري) ولكن يبدو أن هؤلاء لم يعيشوا معاني الإستقلال نظراً لان كل يوم حكومة وكل حكومة تدعي أنها فعلت وحررت الناس ،،،
يجب إعادة صياغة المناهج خاصةً في الأساس حتى يعرفوا تاريخهم ونضالات أجدادهم وينتموا للوطن وجدانياً من الصغر؛ ولعل كل مشاكلنا الحالية ناتجة من عدم الإنتماء للوطن،،،
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف فيصل خليل حتيلة في 25th ديسمبر 2011, 10:37


شكرا الفاضل على الجمال و لول نويه التحية
************

يا بلاد النور
وارهاص الخير
لابد يوم باكر يبقى اخير
الدمعة تفارق للوجدان
وجموع الغبش..الصابرة تسير
صبرك لو طال
ما باقي كتير..يا بلادي
وجعتنا البيك
تبقالنا نفير..يا بلادي
من ذاتك ناخد الوفى ونزيد
من ذاتك ناخد الوفى..
والشمس هدفنا
وماها بعيد
يا بلاد النور
وارهاص الخير
لابد يوم باكر يبقى خير
رقصت نخلاتك والغابات
والنيل يتفجر والغيمات
روح التاريخ..هبت نسمات
صدق الإحساس
في كل وليد
عشم الفنان
نبض الإنسان..وسنابل الخير
لابد يوم باكر يبقى خير
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف Suhad Abduelgfaar في 31st ديسمبر 2011, 14:56

لابد يوم باكر يبقى خير
لازم يبقى خير انشاءالله
كل عام
وشعبى المغلوب على امره
بخير
وبعيد عن القتل والدمار
وكل عام وانتم بالف خير تحياتى
avatar
Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: اليوم نرفع راية استقلالنا

مُساهمة من طرف علي احمد علي شرف الدين في 31st ديسمبر 2011, 16:20

انا سوداني انا انا سوداني انا
انا سوداني انا انا سوداني انا

كل أجزائه لنا وطن إذ نباهي به ونفتتن
نتغنى بحسنه أبدا دونه لا يروقنا حسن
حيث كنا حدت بنا ذكر ملؤها الشوق كلنا شجن
نتملى جماله لنرى هل لترفيه عيشه ثمن
خير هذي الدماء نبذلها كالفدائي حين يمتحن
بسخاء بجرأة بقوى لا ينئ جهدها ولا تهن
تستهين الخطوب عن جلد تلك تنهال وهي تتزن
انا سوداني انا انا سوداني انا
ايها الناس ايها الناس
أيها الناس نحن من نفر عمروا الأرض حيث ما قطنوا
يذكر المجد كلما ذكروا وهو يعتز حين يقترن
حكموا العدل في الورى زمنا أترى هل يعود ذا الزمن


كل عام والوطن يرفل في ثياب الامن والأستقرار والنماء

كل عام والجميع بخير
avatar
علي احمد علي شرف الدين
نشط مميز
نشط مميز


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى