ابوجبيهه

هــــترششاااااااااااااااااااااااااااات ودردشــــــــــــــــــــــــــــــــــــــــه

صفحة 3 من اصل 5 الصفحة السابقة  1, 2, 3, 4, 5  الصفحة التالية

استعرض الموضوع السابق استعرض الموضوع التالي اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف اقبال عبداللطيف في 18th مايو 2011, 17:46

قنبلة ان شاءالله طيبة..شوقنا لغم اقصد بحر..المزارع ان شاءالله نضفتوها ..كن مافي تطبيق معليش..


لا اعرف شيئا تواطأ الناس على هضمه وزهدوا في انصافه مثل الحقيقة

اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف فيصل خليل حتيلة في 18th مايو 2011, 17:59


غايتو اقبال الله يجازى محنك

غايتو جنس غايتو

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف ناهد عبيد في 26th مايو 2011, 14:28


فيصل اقبال لا تعنى ما تقول اكيد اكيد

وكن قاصده تكون لاغراض انسانيه صاح يا قبوله

**********************************


حبيبتى انت روحى (حواء ) انا انتى وانتى انا بلا شك
اذن اتفقنا فعليه لا شجار بيننا
اهدى لكى هذا فهل تقبليه منى
.:أن تجعلي لصراحتك حدود فلا تجرحي أو تؤذي أحد بصراحتك
وان تجعلي أيضاً لجرأتك حدود فلا تكوني خجوله (جداا)
ولا تكوني {وقحه بجرأتك}
عفوا..فهذا يجعل الناس يخشونك .
.:أن تثقي بنفسك .. ولكن لا تكوني مغروره فغرورك ينفر الناس منك ..
لا تترددي في أن تساعدي من يحتاج مساعدتك .. حتى لو كان عدوا لكي
فبذلك تَثبتي له بأنك أرقى من أن تعامليه بالمثل فبذلك تحصلي على أجر من الله سبحانة وتعالى ومن ثم تكسبي محبة الأخرين ..:أن تحترمي الأخرين لكي تُجبري الأخرين على إحترامك ..

ولكى عزيزتى كل الاحترام والتقدير




ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف فيصل خليل حتيلة في 8th يونيو 2011, 09:53


بمناسبة وصولك بالسلامة الى الخرطوم أم طعما ما ليه لزوم

الرجل المفخخ


أحالوه
للصالح العام ، كان حينها لديه أربعة أطفال ، ثلاث بنات وولد ، كانوا
جمعياً في مرحلة الأساس ، كان مؤمناً صبوراً ظل يقول لزوجته الطيبة في كل
مرة :
- نصبر يا عزيزه ... الصبر مفتاح الفرج .. بكره يدوني حقوقي كاملة
وافتح الأوضة ديك علي الشارع دكان ... استفيد من حقوقي وأعمل الدكان بقالة
نعيش منها انشاءالله .. وأهو انتي هسع شغالة وبتساعديني وما مقصرة .

مرت
خمسة أعوام وهو يلهث يومياً الي المؤسسة يسأل عن حقوقه ولم يجبه أحد . كان
يقوم بتأجير ( رقشة) الي موقع المؤسسة ، ثم اصبح يستغل الحافلة ، واخيراً
أصبح يذهب راجلاً ليسأل عن حقوقه ولا من مجيب . أحالوا فجأة زوجته
الاعلامية المؤهلة الى الصالح العام ، سألتهم لماذا ؟ قالوا ( أوامر
وتوجيهات عليا ) .

دخلت الى فناء المنزل وانفجرت بالبكاء
قال لها زوجها :
- نصبر يا عزيزه .. الصبر مفتاح الفرج .. بكره يدوك حقوقك كاملة وتفتحي الاوضة علي الشارع تعمليها بقالة .

ظلت تلهث خمس سنوات نحو المؤسسة من اجل حقوقها ولا من مجيب .
وظل هو يلهث نحو المؤسسة عشر سنوات دون جدوي .

توقفت البنات والولد عن الدراسة .
توقفت الكهرباء عن الاضاءة .
توقفت الماء عن الجريان من فوهة الماسورة .
توقفت الاواني عن الطعام .
توقف الموقد عن الاشتعال .
توقفت القطط عن المواء .. ماتت من الجوع .

ذات
صباح كان يسير منهكاً الي المؤسسة للبحث عن حقوقه . مر وهو في طريقه بمنزل
مسؤول كبير في الحكومة ، وكان سائقه يفتح له باب السيارة وهو يوشك على
الركوب . صاح باسم المسؤول وهو يتجه نحوه . عدل المسؤول عن ركوب السيارة
والتفت نحوه اقترب من المسؤول واراد ان يفتح فمه ليتكلم ، ولكنه بدلاً عن
ذلك انفجر انفجاراً مدوياً رهيباً ، تحول هو والمسؤول وسائقه الي أشلاء
صغيرة دامية ، واشتعلت العربة بالنيران .

بعد تحقيقات مكثفة قادتها كل الأجهزة المختصة وصلوا الي نتيجة غريبة .

- لم يكن الرجل يحمل حزاماً ناسفاً ، وليس هنالك من أثر لبقايا عبوة ناسفة او متفجرات .
لقد انفجر الرجل من تلقاء نفسه ... لقد تحول الى عربة مفخخة بدون متفجرات .

هرشت وزارة الخارجية الامريكية رأسها حيرة ، ثم أمرت رعايها بعدم الذهاب الي السودان لأن الوضع ( مقلق ) و ( غامض ) .






فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

ناهد ما غلطتي عندما أطلقتي على هذا البوست هترشات !!!! فعلاً صـــاح

مُساهمة من طرف الفاتح محمد التوم في 8th يونيو 2011, 18:02

فيصل ...ياوريف
دا الخايفين منـــو !!!
الواحد يطق فيهو عرق لا من شاق ولامن درى !!!
**********
بعد ان عزيت أختنـــا ناهد .... وقلتا ليها حمدلله على سلامتك من كادفلي " الملتهبة " عرجنا على ابجبيهه "المكلومة "
سألتها عن ورشة العمل .... ظننت أنّ الأحداث فقط منعتها من مواصلة الورشة المهمة جداً للتربويين والمهتمين بالمناهج الرسمية وورشة العمل تتحدث عن مناهج التعليم في تلك المناطق ... هنا امتزج الحزن بالطرفة والفكاهة .... طبيعي أن يكون من يحضر الورشة من رواد التعليم ولكنها استطدمت بأن كل الحضور رتب عسكرية عليا كمان .... أنا لا أستبعد ذلك إذا كنــا في دولة مثل نيكاراغوا أو البرازيل أو بعض الدول الإشتراكية (تعمم الزي على المؤسسات المختلفة) ...بمعنى أنها ( تعسكر الوظائف ) كل في تخصصه ولا ( توظف العساكر)...
اختنا اكتشفت و اسفت لحضورها وكانت الأحداث هي القاصمة في عودتها على عجل...
ورشة تمثل مستقبل أجيــال كان يجب أن تأخذ بمحمل الجد من واقع تربوي من الطرف الاخر...... ((وغايتو جنس غايتو ))
فيصل :-
أتمنى أن تتصل عليها وتاخد منها ( مباشر ) ...
قالوا (سمح القول في خشيم سيدو) ......
لكن (( صدقني يا فيصل ضحكت بعدما اقفلت السماعة))....
وذيما بقولوا " ضحكة مذبــوح !!!! "

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف ناهد عبيد في 8th يونيو 2011, 20:40


الاعزاء فيصل خليل والفاتح محمد توم
وبقية العقد الفريد
سلامااااااااااااااااات

ان شاءالله ما افقدكم وما اعدمكم وان شاءالله ربنا ما جاب يوم شكركم زى ما بقولوا اهلنا

الفاتح :- لك من الشكر اجزله والله انا عاجزه عن التعبير وجزاءك الله الف الف خير على السؤال والمهاتفه .

انت يا الفاتح الجماعه ديييييييك عرفتهم ما بعرفوا مصلحتهم وكماااااان ما عندهم لا مبدأ ولا فهم ولا قيم ولا هويه وبفتقروا ابسط الاسس لتقويم الحياه .

الورشه بخصوص دمج التوعيه بمخاطر الالغام فى منهج وزارة التربيه والتعليم العام للمناطق المتأثره بالالغام تمت عدة ورش فى الولايات المتأثره ولاية النيل الازرق ولاية كسلا بنجاح وجاء الدور على ولاية جنوب كردفان لمعلمين المدارس بالمناطق المقفوله وهى تابعه للحركه الشعبيه ومناطقهم من اكثر المناطق تأثرا بالالغام . للاسف الشديد الاحداث حالت دون تنفيذ البرنامج والمعلمين طلعوا عساكر وظباط عديييييييل كده

والله جنس مفاجعات يا فيصل والفاتح

المثل بقول الجوه يعاونوه فى قبر ابوه دس المحافير بقت علينا .
الفهم قسم غايتو جنس غايتو

شكرا لكم جميعا ولكم التقدير والاحترام وربنا يستر علينا ويحفظ بلادنا

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف فيصل خليل حتيلة في 9th يونيو 2011, 08:23


شكرا يا شهاب على الاهتمام و السعال ياخ

ناهد بنتنا مرت بوضع حرج خلال هذه الرحله البائسة الى كادوقلى يا شهاب

نعم لقد اعدت نفسها بكل جدية لتقديم خبرتها و علمها لهذه الورشة المهمة جدا و بدلا عن ذلك شاء الله

ان تدخل فى ( زنقة زنقة ) و تصلى المغرب تمانية ركعات ههههههههههههههههههههههههههها

ناهد حمدلله على سلامتك

تحياتى

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف ناهد عبيد في 16th يونيو 2011, 12:25

فيصل الله يديك العافيه شايل حالى كويس انو صليت وبالذياده .

الوجيع راااااااااقد والجروح تنزف والناس تبيع وتشترى فى كل حاجه حتى الضمائر والقلوب بقت للبيع . الله لا جاب باقيهم لو سألتونى والله ما عارفه هم بجوا من شقيش اهو سرطان حمانا الله


******************************************



حدثنى قلبي البارحة أنه قادم... فقلت له هل أنت صادق ؟
فقال لي أنا من يعرف أن الغيم قد يكون ماطر..
فنمت وأنا أحلم أنه سيكون غدا لدي زائر ...
دق الجرس معلنا انه هو من كان الطالب ..
فقلت له عن حديث قلبي فأخبرني أن قلبي صادق..

أرقص فرحا كطير طائر ..
جلست أعد الدقائق كطفل جائع ..وإذا به على الهاتف طارق ..
قال مازحا أنه لن يستطيع القدوم فبكى قلبي ..فقلت له هل من طارئ ؟
فقال لي أنه قادم وأنه على الدرج صاعد ..
واذا به على باب القلب واقف ووجهه المشرئب ضاحك ...
فلم أستطع أن أخبره أنه على عرش القلب قابع ..
أحسست أنه يحمل في قلبه جرحا نازف ...
فقلت له هل لي أن أكون مضمدا لجرحك النازف؟
فرد ضاحكا أنه غير مبال وأن قلبه يكاد يكون صالح .
.أحسست أنه يحمل في صدره هما كائد ...وشيئا يدفنه في صدره الطاهر ..
رفض الحديث مبتعدا بأنه هم واهم ...وأنه يقبع في روتين قاتل ..
فدعوت الله أن يفرج همه فهو القادر ..
رحل مبتعدا من غير أن يودعني فرجوت الله أن يحفظه فهو الحافظ .
.فهل سيعود يوما وأنا للقياه ناظر
*****************************************


نسأل الله ان يضمد الجروح بكل انواعها وان تصبح احلامنا الجميله واقعيه وان نصحى ونلقى الجرح الذى احسسنا به ينزف وهم ساااااااى وده كلو كان فى نومه غير مريحه والحصل مجرد كابوس عابر

واقعدوا عافيه الله يعافى القلوب من المرض

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف فيصل خليل حتيلة في 16th يونيو 2011, 13:12


ناهد حمدلله على السلامة للمره االالف

ممكن تورينا السوق دا وين عندنا بضاعة للبيع بايرة لينا

هههههههههههههههههههها

شهاب سلامات

حلوه ضحكة المجروح دى

الجرح جرحى براى

تسلموا

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف ناهد عبيد في 16th يونيو 2011, 15:06


بالتااااانى شكرا فيصل انت عارف بتقول شهاب والمصيبه ما جائب ليك خبر لكن مافى مشكله وده برضو جرح تااااااانى كما قالت شرين .

المشكله الحقيقيه الناس فاكره العيد باكر
وان شاء الله ايامنا تكون كلها اعياد وبعيدا عن الجروح

تحياتى يا ناس هوى

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف الفاتح محمد التوم في 16th يونيو 2011, 23:54

غايتو جنس غايتو ؟؟؟؟
حرقتي روحي ياناهد
أكان ماالدنيا ليل ....؟؟؟كان رفعتا سلك...
معليش برجاكي في الجايات ..
قلتي لي جرح تاني.؟؟؟ ياساتر
" من النهار ده مافيش ..."؟؟؟
الله يعوض ...!!
ما بسألك ...
لا لا يا فيصل ..
ماتسمع دي هترشات البنيه ناهد
عايزة تقول ليكا .....
"قلت أرحل ...أسوق خطواتي ....من زولاً نسى الإلفة "
لكن لا لا ياوريف ....
"دايماً أطيب خاطرك الغالي واسامحك لو ( جفيت ) "
وعيدك مبــارك يا ناهد تكمليهو بالعافية
هههههههههههههههههههههههههههها
حليلكم وإنتو متلمين !!!


الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف فيصل خليل حتيلة في 21st يونيو 2011, 14:15


تعرف يا شهاب ناهد كثيرا ما تتغمص شخصية تحية زروق

ناهد رسالتك وصلت يا بتى و برقد ليكى فى الدرعة ههههههههههههههههههههها

هاكم هترشات هاشم

***********************


ثلاثة مشاهدالمشهد الأول:

( رجل يقف امام مكتب موظف بالهيئة القومية للكهرباء )

الرجل : ( منفعلاً ) لو سمحت اشرح لي الفاتورة دي ؟!
الموظف : وانت بتجيك فواتير لسه ليه .. ما جابو العداد الجديد ؟
الرجل : ( ساخراً ) الجمرة الخبيثة ؟!... ما جابوها لسه ؟!
الموظف : وانتو سميتوهو الجمرة الخبيثة ؟
الرجل : ( ساخراً ) نسميهو شنو..؟ اشراقة ؟!.. ما ياهو جمرة خبيثة
... المهم .. اشرح لي الفاتورة دي ؟
الموظف : ( ضائقاً ) اشرحها ليك كيف ... فاتورة ... ولا الغاز؟
الرجل : الغاز .. وصعبة .. مية وخمسة وسبعين جنيه في الشهر
... ليه ؟!


الموظف : عندك كم لمبة ؟
الرجل : واحدة ... ومحروقة
الموظف : تلاجتك كم قدم ؟
الرجل : عندي زير
الموظف : بتستعمل مكيف ؟
الرجل : ( ساخراً ) صعوط بس
الموظف : بتستعمل مكوة الكهرباء كتير ؟
الرجل : بكوي هدومي عند المكوجي
الموظف : أكيد عندك خلاطة ؟
الرجل : ( منفعلاً )اخلط بيها شنو ... الفول !!
الموظف : ( يهرش رأسه في حيرة ) اكيد في خطأ في قراية العداد
الرجل : ( صارخاً وهو ينتزع الفاتورة من يد الموظف بعنف )
ماعندي عداد ... الكهرباء مقطوعة ليها تلاتة سنين ...
والعداد شلتوهو

المشهد الثاني :

( خفير المقابر يطالع شهادة الوفاة )
الخفير : دي شهادة الوفاة بس ؟
ابن المرحومة : أيوه
الخفير : وشهادة الميلاد وينها ؟
ابن المرحومة : ( مندهشاً ) شنو ؟
الخفير : شهادة الميلاد وينا ؟!
ابن المرحومة : شهادة ميلاد منو؟
الخفير : المرحومة
ابن المرحومة : ( مندهشاً ) شهادةميلادها عاوزين بيها شنو ؟!
الخفير : تعليمات جديدة .. ما نسمح بالدفن بشهادة الوفاة بس لازم
تكون معاها شهادة الميلاد
ابن المرحومة : لكن ليه ؟
الخفير : عشان نتأكد انو المرحوم اتولد اولاً ..قبلما يموت
ابن المرحومة : ( ضائقاً ) عاشت العبقرية
الخفير : ( يحدق في شهادة الوفاة مرة أخري ) تاني برضو في
حاجة
ابن المرحومة : شنو ؟!
الخفير : المرحومة ماتت عمرها مية واربعين سنة ... لكن ما
مكتوب سبب الوفاة
ابن المرحومة : ( صارخاً وهو يشد شعر رأسه في غيظ ) ماتت في
الوضوع .


المشهد الثالث :

( النجار يعالج قفل الدولاب والمرأة تراقبه في اهتمام وتوتر )

النجار : ( وهو منهمك في عمله ) القفل ده انا صلحتو تلاته مرات
المرأة : كلما تصلحو ... تاني يتفتح براهو
النجار : ( مندهشاً ) تقفليهو بالمفتاح .. ويفتح براهو
المرأة : آي ... وحاة الله
النجار : ( متوجساً ) بسم الله الرحمن الرحيم ... محمد معانا ما تغشانا ..
بيتكم مسكون ؟! .. بفتحو شيطان ؟!
المرأة : ( بعفوية ) .. لا بفتحو بص الفتيحاب
النجار : ( وهو يخطو خطوتان للخلف وكأنه شك في عقل المرأة )
شنو؟ بفتحو منو ؟
المرأة : بص الفتيحاب
الرجل : ( وعيناه تجحظان في رعب ) بص الفتيحاب دخل هنا وفتح
باب الدولاب ؟!
المرأة : لا .. جا ماري بالشارع
الرجل : يا مره انتي مالك عاوزه تجننيني ( وهو يرفع المفك ) يعني
اربط بيهو صواميل رأسي
المرأة : يا أسطي انت ما فهمت كلامي
الرجل : طيب فهميني
المرأة : الدولاب ده كلما انت تصلحو بكون تمام .. لكن بس كلما يجي
بص الفتيحاب ماري قصاد بابنا .. الدولاب يقوم يفتح براهو ؟!
النجار : ( لا زال مرعوباً ) حالتك دايره تفهميني ؟!
المرأة : والله ده البحصل .. تلات مرات انت تصلح القفل ... يجي بص
الفتيحاب ماري .. الدولاب يتفتح براهو
النجار : حاجة عجيبة
المرأة : عجيبة وبس
النجار : اقول ليك حاجة ؟!
المرأة : شنو
النجار : هو البص بجي متين ؟!
المرأة : حسي بيجي .. في وقفتك دي بيجي
النجار : طيب أنا بدخل جوه الدولاب ... وانتي اقفليني جواهو بالقفل ..
عشان لما البص يجي .. اشوف القفل ده بتفتح كيف .. وليه ؟
المرأة : سمح
( النجار يدخل الدولاب والمرأة تغلقه عليه بالمفتاح )
( لحظات ... يدخل زوج المرأة مهرولاً )
الزوج : تصوري بعدما وصلت البنك ... وقدمت الشيك .. لقيت نفسي
نسيت البطاقة في الدولاب
( يتجه نحو الدولاب ويفتحه علي عجل .. يجد النجار بداخله
جاحظ العينين )
الزوج : ( منفعلاً ) ده شنو ؟ ... بتسوي شنو جوه الدولاب ؟!
النجار : ( متلجلجاً ) طبعاً اصلك ما حتصدق اني منتظر بص الفتيحاب.

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف ناهد عبيد في 22nd يونيو 2011, 13:17

شكرا فيصل خليل على الرسائل عالم تضحك فى عز الازمه والبكاء

دى ظاهره صحيه تُعلمنا كيفية التعبير عن حالنا فى شكل درامى ساخر وكمان بنحاول نضحك فى عز البكاء كما قالت روضه الحاج الالام والجروح مرهقه ومتعبه جد لكن نتعلم منها الكثير اذا اردنا . اقلها الصبر والمصابره ولا شنو يا جماعه ؟؟؟؟؟؟؟؟؟

لو تتزكروا يا اخوانا الثوره المصريه 25يناير 2011م تجد الثوار فى عز الازمنه يصنعون البسمه فى ساحات النضال بنكات وقفشات .
دى شعوب رااااقيه عندها الاشياء مبوبه يبدو لى ان لم اكن غلطانه ده فن التعامل مع المواقف الصعبه الحرجه يا ريت نتعلم ونعلم


*****************************

واليكم هذه الابيات الجميله هو رائى مع احترامى لاراكم

وأمسح على ثوبي الدماء
أنا كم أخاف عليك من لون الدماء
لو كنت تعرف كيف ترهقني الجراحات
القديمة والجديدة
ربما أشفقت من هذا العناء
لو كنت تعرف أنني
من أوجه الغادين والآتين
أسترق التبسم
أستعيد توازني قسراً
وأضحك حينما ألقاك في زمن البكاء
لو كنت تعرف أنني
أحتال للأحزان أرجئها لديك
وأسكت الأشجان حين تجئ
أخنق عبرتي بيديّ
ما كلفتني هذا العناء
ولربما استحييت لو أدركت
كم أكبو على طول الطريق إليك
كم ألقى من الرهق المذل من العياء
ولربما … ولربما … ولربما
خطأي أنا


واقعدوا عافيه

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف ناهد عبيد في 29th يونيو 2011, 12:37


سلاااااااااامات

هترشات وامانى نريد مجتمع جميل ومتحاب وهى نعمه من ربنا

وقبول الناس ومحبتهم هو رد فعل طبيعى لكل من يتمتع بالصفات الاجتماعية التى تجعله ينخرط فى وسط المجتمع حاملا القيم ما من انسان سوي وناضج الا ويتمنى ان يكون شخصية محبوبة ولذلك ان حب الناس للانسان يجعلانه يطمئن الى قبوله فى مجتمعه ذلك القبول الذي هو حاجة فطرية واساسية من حاجات الانسان السوي.

والقبول في الأرض دلالة على قبول الله ومحبته للعبد .


واقعدوا عافيه

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف الفاتح محمد التوم في 29th يونيو 2011, 13:16


قصة مشهورة ياناهد ....مثـــال للأخذ بأسباب القبول عند الله ومن ثم عند الناس ..
كان سيدنا ابو بكر رضي الله عنه
اذا صلى الفجر خرج الى الصحراء .. فاحتبس فيها شيئًا يسيرًا..
ثم عاد الى المدينه ..فعجب سيدنا عمر رضي الله عنه من خروجه ...
فتبعه يومًا خفيةً بعدما صلى الفجر ...فأذا ابو بكريخرج من المدينه ويأتي خيمه قديمه في الصحراء .. فاختبأ له عمر خلف صخره...
فلبث ابو بكر في الخيمه شيئا يسيرا .ثم خرج ...
فخرج عمر من وراء صخرته ودخل الخيمه ... فأذا فيها امرأه ضعيفه عميــاء ...وعندها صبيه صغار ...

فسألها عمر :من هذا الذي يأتيكم ...
فقالت : لا اعرفه ..هذا رجل من المسلمين ..

يأتينا كل صباح منذ كذا وكذا...
قال :فماذا يفعل ؟
قالت : يكنس بيتنا ..ويعجن عجيننا .. ويحلب داجننا ... ثم يخرج ..
فخرج سيدنا عمر وهو يقول :
لقد اتعبت الخلفاء من بعدك ياابا بكر ...لقد اتعبت لخلفاء من بعدك يا ابا بكر...

**************************************************
ناهد ربنا يرجع خالك بالســـلامة .....من ابجبيهه
مع تحياتي لعمي عبيد و الأسرة الكريمة....






الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

أتراح أفراح

مُساهمة من طرف فيصل خليل حتيلة في 6th يوليو 2011, 16:46


شهاب ليك التحية و الحب يا صديقى و أتراح أفراح وهاشم




أتراح ... أفراح(
رجل وزوجته يجلسان علي مقعدين أمام جهاز التلفزيون ... الزوجة تتابع
بتركيز برنامجاً عن الانتخابات علي شاشة التلفاز ... والزوج يطالع في صحيفة
باستغراب شديد وأمامه علي منضدة صحف أخري )
( الزوجة وهي تلاحظ أحد المرشحين لرئاسة الجمهورية في التلفزيون وهو يخطب أمام جمهور غفير بحماس شديد )

الزوجة : تفتكر الحيفوز منو يا سامي ؟
الزوج : ( سارحاً وهو يطالع الصحيفة ) المريخ
الزوجة : ( تنفجر ضاحكة ) مريخ شنو يا سامي .. بقصد ليك فى الإنتخابات


الزوج : ( متضايقاً ) كلهم بهاجمو في بعض .. واحد فيهم ما اتكلم عن مشاكلنا وقال بحلها الزوجة : في واحد منهم ... من ناس مرشحين المعارضة .. قال لو
انتخبتوني الكهرباء ما بتقطع تاني .. بوفر ليكم الكهرباء ثمانية
وأربعين ساعة في اليوم
الزوج : أها .. عرفنا ديك زادو الزمن ساعة .. ده عايز يضرب اليوم
في اتنين
الزوجة: ( مواصلة ) وقال الموية ما حتقطع تاني .. ما .. ما.. شنو يا
ربي ؟.. آآي ... ما ظل يجري ماء النيل
الزوج : والجاري ده نهر المسيسيبي ولا دجلة ... مش المويه بتقطع
برضو ؟
الزوجة : ( وكأنها تذكرت شيئاً فجأة ) ءانت يا سامي ناس ياسر عرمان
جابوهم لابسين كمامات في قناة الجزيرة ... خايفين من
انفلونزا الخنازير ؟!
الزوج : لا... قالو مافي حرية تعبير ... يعني الأفواه مكممة
الزوجة: عليك الرسول ؟! ( تضحك ) وأنا قايلة ظهرت انفلونزا
الخنازير ... ولا الحمير
الزوج : ( وهو يعود لمطالعة الصحيفة ) الحمير بقوا يضبحوها ..
ويوزعو لحمها
الزوجة : ( تصرخ ) سجمي يا سامي ... عليك الله ؟
الزوج : ءانتي ما سمعتي ولا شنو ... ؟! .. ما قريتي جرايد امبارح
الزوجة : ما قريتها ... ووب علي ووب علي ... ما تقول لي انحنا
بنأكل في لحم الحمير وقايلنو عجالي ؟
الزوج : ( منفعلاً ) وأنا أقول يا سوسن .. انحنا الكاتل حيلنا واحد
وعشرين سنه مما جو الناس ديل .. شنو .. لا قدرنا نمرق
انتفاضه واحده محمية ..لا انتفاضة سلمية... لا قومنا التونسية ...لا
ءاعتصمنا في ميدان المولد ... يا هو أكل لحم الحمير
الزوجة : ( تقف فزعة فجأة ) سامي
الزوج : شنو؟
الزوجة : ( مرعوبة ) اللحمة الجبتها الليلة دي .. ودخلتها التلاجة ...
دي لحمة شنو ؟!
الزوج : لا ... دي لحمة عجالي
الزوجة : عرفتها كيف ؟!
الزوج : الجزار قدامي .. قطع لي من ورك العجالي المعلق في
الجزارة
الزوجة : وعرفتو كيف ده ورك عجالي ؟
الزوج : ما ... ما ظاهر .. ورك ... ورك عجالي
الزوجة : ( متوترة ) عرفتو كيف ؟! ... بتعرف كيف الفرق بين ورك
العجل ... من ورك الحمار
الزوج : ( متلجلجاً ) .. ما ورك الحمار .. أصلو .. يعني .. ما .. ما
طبعاً بكون ... ( يصرخ بعد أن أعياه الشرح ) .. ما عارف
... أنا يا سوسن متخصص صيدلة .. ولا ورك حمير وبقر ..
( ينفعل أكثر ) هو أنا عارف الفرق بين المرشحين .. لما أفرز
ليك الفرق بين ورك وورك ؟
الزوجة : خلاص ... خلاص أهدأ .. ما تزعل روحك ( تجلس )
الزوج : ( يعود لمطالعة الصحف ... ثم وكأنه يحدث نفسه ) وعاين ده
كمان ... قبضوهو بوزع في الكلاب
الزوجة : في الديمقراطية ... كانوا بوزعو اللبن
الزوج : والمنشورات
الزوجة : وأمبارح ... قريت في جريدة كمان .. عريس باقي لي عرسو
تلاته يوم ... اغتصب ليهو طفل
الزوج : ( شارد الزهن ) يكون ده خم الرماد
الزوجة : قلت شنو
الزوج : ( منتبهاً ) .. لا ... ما ... ما قلت حاجة
( يتصاعد ضجيج وغناء من جهاز التلفزيون )
الزوجة : ( تتمعن في شاشة التلفزيون ) عليك الله ... شوفو الناس ديل
بعرضو وبنقزو كيف ... عشرين سنه يطيرو ويقعوا
الزوج : ( ضائقاً ) عليك الله يا سوسن ... غيري الفضائية السودانية دي
بتبوظ أعصابي .. لما أشوفها نفسي بتكتم زي التقول عندي
أزمة ( الزوجة تمسك بالريموت وتقوم بتغيير المحطة )
الزوجة : ( تهلل فرحة ) يا سلااام ... أفراح أفراح في النيل الأزرق
... عاين يا سامي .. عاين ... المذيع داير يسأل العريس
والعروس .. الا .. الا العروس مالها زي المتخلفة كده ؟!
( يظهر المذيع علي الشاشة وهو يتوجه بالمايكرفون نحو
العريس)
المذيع : مرحب بيك يا عريسنا ... ءانت طبعاً الليلة فارس الحوبة
.. الفارس الفرحان .. و .. و طاير .. الحقيقة داير أسألك
.. وانت داخل حسه علي الحفلة ... كنت بتفكر في شنو ؟!
العريس : ( متوتراً وشارد الذهن ) في الانتخابات
المذيع : ( منفعلاً ) يا سلااام ... انت عريس .. و.. فارس وطني
غيور
( ثم مندمجاً أكثر ) ويا ريت تحدثنا عن قضية دارفور .. و..
العريس : ( مندهشاً ) دارفور ؟!
المذيع : ( مستدركاً ) لا .. معليـ .. معليش .. أنا الحقيقة ءاجابتك
بس خلتني .. خلتني أنفعل ... نسأل ... نسأل العروس
( يتوجه بالمايكرفون نحو العروس )
المذيع : ءانتي يا عروسة .. طبعاً دي ليلة العمر .. في ليلة زي دي
.. دايرة تقولي للعريس شنو ؟
العروس : ( بعبط وهي تمط الكلمات ) داايره اقووول ليهو .. أغلبك
بالمااال ... وتغلبني بالعيااال
المذيع : ( يضحك في توتر ) تقصدي .. تقصدي يغلبك بالمال ...
وتغلبيهو بالعيال
العروس : لأ ... أنا أغلبو بالمااال .. وهو يغلبني بالعيااال .. عشااان
حسه في ... في تحول ديمقراااطي .


فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف الطيب الشيخ حسين كندة في 7th يوليو 2011, 00:21

ما معجون إلا سجنل
لا موتر إلا سوزوكي وما سوزوكي إلا أحمر
لافريق إلا المريخ ولا لاعب إلا العجب
لا قلم إلا بك
لا عصير إلا روزانا
لا حلاوة إلا سعد
لا عربية إلا جيب
لا فلم إلا هندي
لا موبايل إلا نوكيا



كل الجروح بتروح  **** إلا التي في الروح

خلي الــقلب شــــــباك **** نحو الأمل مفتوح


الطيب الشيخ حسين كندة
مشرف التراث
مشرف التراث


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف فيصل خليل حتيلة في 7th يوليو 2011, 21:53


الاحمر الوهاج يا شيخ الطيب بقى فى خبر كان

شكرا على المرور نيابة عن الابنة ناهد عبيد صاحبة الهترشات

تحياتى يا جميل

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف الفاتح محمد التوم في 10th يوليو 2011, 15:50

العروس : لأ ... أنا أغلبو بالمااال .. وهو يغلبني بالعيااال .. عشااان
حسه في ... في تحول ديمقراااطي .

دي ناس ودعشــمان ما شافوها ... أحسن ليهم من " قدر ظروفك " بتاعت الحديقة و النجيلة....
تسلم ياوريف ...
ناهد دي أخبارها شنو يا جماعة ...؟؟؟؟

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف اقبال عبداللطيف في 11th يوليو 2011, 08:22

ناهد بخير تسأل من الجميع وترسل تحاياها.


لا اعرف شيئا تواطأ الناس على هضمه وزهدوا في انصافه مثل الحقيقة

اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف فيصل خليل حتيلة في 27th يوليو 2011, 17:52


التحية لصاحبة البوست الانيق و نتمنى عودتها بالسلامة من قاهرة المعز

ضمن سلسلة هترشات هاشم صديق نتناول اليوم هذه الهترشه

ضد طبيعة الأشياء


تيمان اتحاد الفنانين



الحلقة الأولي

...
أضحكتني
واحدة من النكات الطريفة الي حد أن انفجاري بالضحك قد جعلني أهتز مثل شجرة
تحت قبضة الاعصار ، ضحكت وضحكت وضحكت حتي تكعكعت أوصالي المكعكعة أصلاً
برياح ( التاسع من يوليو ) و ( الأسعار ) و ( تصريحات نافع) والأغاني
المعتوهة مثل ( ورا ... ورا ) و ( حرامي القلوب تلب ) ، والأخيرة قيل أنها
رفعت أسعار ( السلك الشائك ) للسماء ، ءاذ أن كل ( راجل محترم .. في هذا
المليون ميل مربع ( بسم الله الرحمن الرحيم ... هو الوطن بعد التاسع من
يوليو أنا ماعارف فضل فيهو كم متر ) المهم ( كل راجل محترم ) في هذا البلد
لديه فتيات صبايا يخاف عليهن أقام سوراً من الأسلاك الشائكة فوق جدار منزله
الخارجي خوفاً من أن ( يتلّب حرامي القلوب ) ويسرق (قلوب ) بناته ، هذا
بالاضافة الي ذلك – وللمزيد في التأمين – اشتري البعض ( بندقية صيد خرطوش )
و ( سيف يماني ) .


...والنكتة الطريفة تحكي أن أحدهم قد تزوج ،
وبعد أربعة أشهرفقط من زواجه رزق – ماشاءالله تبارك الله – ( بتيمان ) ،
ولأن الأمر ضد طبيعة الأشياء فقد ( تمحنت الحلة ) و ( الشوارع ) و (
المزارع ) و ( السباليق ) و ( أشجار النيم ) ، وأصبح الحدث ( شماراً ثقيلاً
) لدي الناس في البيوت ، والمصانع ، وصيوانات الأفراح والمآتم، و ( لمة )
(السكاري ) و ( المساطيل ) حول ( فتة الكوارع ) .
...الشخص
الوحيد الذي لم يكن مندهشاً هو ( أبو التيمان ) بل كان ( طائراً من
الفرح)، ووزع الحلوي والمرطبات ، بل أقام حفلاً ودعا أهله وأهل الحي وأهل
الهوي وأهل المروة الي آخر ( نوع أي أهل ) . وحتي يصبح الحفل حدثاً
تاريخياً لا ينسي فقد قام باحياء الحفل ( حمادة بت ، ونجاة غُرزة ، وعشمانه
العرضه ، وعونكُليب زقلونا) .
...قيل أن (
والد التيمان ) و أثناء أغنية ( ورا ورا ) كان في حالة ( رَهَزي ) مجنونة
مع مجموعة من ( أولاد الحلة ) وهم يرقصون ( في حالة تراجع للوراء ) حتي
خرجوا من (الصيوان ) الي الشارع الجانبي ، وأعادهم الي ( الصيوان ) جمهور
الحفل بعد جهد كبير .
...أثناء الحفل
وقبله لاحظ ( أبو التيمان ) أن بعض الناس يتهامسون وينظرون نحوه وهم يضحكون
بتهكم وأن بعض النسوة في الحفل ينظرن اليه ويتهامسن ، ثم ينفجرن بالضحك،
حتي تساقطت ( صحون ) العشاء الفاخر من بين أيديهن علي الأرض .
عندها أخذ ( أبو التيمان ) أحد ( شباب الأهل ) جانباً وسأله
- انت الناس ديل مالهم ؟
- مالهم ؟
- يعاينو لي .. ويتوسوسو .. ويضحكو ... ويأشرو لي
- مستغربين طبعاً
- في شنو ؟
- انو جابو ليك تيمان بعد أربعة شهور بس بعد الزواج
عندها صاح ( أبو التيمان ) غاضباً ومحتجاً
- أهاااا ... دايرين ينجهوووونا ... ويسحرووونا
...هذه
الطٌرفة تداعت ورفرفت وصاهرت خيالي باسقاطات كوميدية ذات مجازات فكرية ،
وخطر لي مثلاً أن ( أبو التيمان ) هذا يمكن أن يكون في ءاطار الاستلهام
المجازي (نظام الانقاذ السياسي ) ، اذ أن مجموع الانهيارات السياسية
والاقتصادية والاجتماعية التي يشهد عليها وطن وأمة ، و ( الحال المايل )
وضيق المعيشة ، وأذي النفوس والعقول ، وتدمير البنية الاخلاقية للمجتمع
بفضل العوز والبطالة ، وعشق ( حزب المؤتمر الوطني ) لذاته ، وكوادره دون
الشعب ... الخ . كل ذلك في نظر ( أهل الانقاذ ) عندما يواجهون به هو ( حسد
وحقد معارضة ) وان الانجاز والاعجاز الذي قام به نظامهم ، لم يقم به نظام
سياسي من قبل ، وتخيلت السيد ( نافع ) وهو يصيح
- أهااا .. دايرين تنجهوووونا .. وتحسدووونا
...وهذا
بالطبع ضد ( طبيعة الأشياء ) ويكفي أنه في عهد ( الانقاذ ) تم ( شرم ) ربع
مساحة الوطن واصبحت خارطة السودان مثل ( فستان الساتان ) ( المشرور علي
الحبل) فالتهمت ( الغنماية ) أسفله فأصبح بصورة تشكيلية تجريدية .
نفس (
مجاز ) ( أبو التيمان ) بالمنظور الكوميدي النقدي الرمزي يمكن أن يُستلهم
من خلال بعض الأحداث والتداعيات الابداعية بصورة ( رمزية ) بالطبع ، وليس
(تقريرية) ،
فقد ورد في صحيفة السوداني بتاريخ الأحد 17 يوليو 2011 وفي
عمود ( اليكم ) بقلم الاستاذ الطاهر ساتي تحت عنوان ( محلات ابن البادية
لفك وتركيب الأغاني الوطنية) ما يلي :-
( وصحيفتنا تستطلع بعض الشعراء
والمطربين والملحنين حول انفصال الجنوب وأثر هذا الانفصال علي مسيرتهم
الفنية وما بها من أعمال وطنية ، مدني النخلي ، أنس العاقب وغيرهما
اجاباتهما كانت مسؤولة وموضوعية ...الخ )
ثم جاء بعد ذلك ما يلي :-
(
ولكن تأملوا حديث صلاح ابن البادية حيث يقول نصاً (( سوف تزدهر)) الأغنية
ولن تتأثر بانفصال الجنوب لأنه ليس لدينا عازفون من الجنوب )
ولأن اجابته غير منطقية سألته الزميلة نهاد أحمد
- ولكن ماذا عن رائعة مبارك المغربي ( حب الاديم ) التي تغنيها حيث يقول فيها : بسواعدنا ونضالنا
في جنوبنا وفي شمالنا
غيرنا من يحرث أرضنا
يبني ويعمر بلدنا
غيرنا مين يفني الاعادي ؟
...فأجاب
ابن البادية قائلاً بالنص ( أجريت تعديلاً علي كلمة ( جنوبنا ) واستبدلتها
بكلمة (غربنا ) وخلاص آي .. هكذا السمكرة والفك والتركيب )
( انتهي اقتباس ما ورد في عمود الاستاذ الطاهر ساتي )
...صلاح
ابن البادية ليس بارعاً في ( سمكرة ) و ( تركيب ) ( كلمة ) واحدة فقط
ولكنه فعل من قبل مالم يفعله مغني في تاريخ الأغنية السودانية اذ أنه خلال
عاصفة ما يسمي ( بثورة الشعراء ) وعندما منعه صاحب هذا القلم من ترديد
أغنية ( الشوق والوطن ) الشهيرة بمطلعها ( يا جنا .. في بعادنا عن أرض
الحُنان الليلة مرت كم سنة) استشاط غضباً وصلفاً ، ومكابرة ، وقام بنزع كل
كلمات الأغنية و ( سمكر) و ( ركّب) علي لحنها (مدحة ) من (سمكرته ) و (
تركيبه ) واصبح مطلع المدحة ( يا جنا .. في بعادنا عن أرض الرسول .. الليلة
مرت كم سنة ) ( أو شي من هذا القبيل ) ، بل قدمها وباوركسترا كاملة من
خلال الفضائية السودانية ، ضحك الناس وتطايرت التعليقات وسقطت ( المدحة )
وفقد ( الأغنية ) الأصل للأبد .
والسؤال الكبير هو :
- هل يستلهم
المغني لحن الأغنية من معايشته للكلمات ويضع ( النص الموسيقي الموازي
للكلمات ) ام يستلهم اللحن من ( الفراغ العريض ) ، وهل من ( طبيعة الأشياء)
أو (ضدها) أن يضع مطرباً لحناً جميلاً لكلمات قصيدة مستلهماً احساسه بها ،
وتنجح الأغنية، وتملأ الدنيا ، ثم يعود وينزع الكلمات – بصلف واستكبار –
و( يسمكر) و ( يركب ) كلمات أخري مكانها .
هل هذا ( ءاعجاز ءابداعي ) أم ( ضد طبيعة الأشياء ) ، ومُتوهماً مثل ءاعجاز ( أبو التيمان ) ؟!!
وكم
عدد أصحاب مدرسة ( السمكرة ) و ( التركيب ) في اتحاد الفنانين ؟! ... وهل
فعـل ( أبو عركي البخيت ) نفس الشيء ، غضباً واستكباراًً ، عندما قام
بتركيب وسمكرة كلمات علي لحن أغنية ( أضحكي ) وشرع في البروفات ، ( لا ادري
ما الذي أوقفه عن تقديمها) ، وهو الفنان ( الرسالي النضالي ) وهل هي اشاعة
أم حقيقة أن (محمد الأمين ) – في نفس أيام ( ثورة حقوق المبدعين ) أرسل
لشاعر كبير وشهير كان مغترباً بدولة الامارات العربية المتحدة ( آنذاك )
طالباً منه ( سمكرة ) و ( تركيب ) كلمات علي الحان أغنيــــات ( كلام
للحلوة ) و ( حروف اسمك ) و ( همس الشوق ) ولكن الشاعر الكبير فكّر ،
واستشار ... ورفض .



فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف الفاتح محمد التوم في 31st يوليو 2011, 18:21

رجعتني لقصة حدثت اليوم.... لصديقي يقود " آكسنت Accent"
وحدث له حادث سير ...
ذهبنا سوياً الى محل "السمكرة"
قال صديقي ....
سمكر لينا الرفرف ده .... بالله كم ندفع؟؟؟؟
رد المعلم وهو يبتسم ....
والله الرفرف ده إلاّ نكويهو ليك ....
هههههههههههههههههههها
"وبافيصل آخر العلاج الكي "

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف فيصل خليل حتيلة في 31st يوليو 2011, 20:13


ههههههههههههههههههههههههههها

غايتو جنس غايتو

رمضان كريم

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف ناهد عبيد في 4th أكتوبر 2011, 13:02

فيصل خليل حتيلة كتب:

ههههههههههههههههههههههههههها

غايتو جنس غايتو

رمضان كريم

عووووووك والله زماااااااان من رمضان مبالغه

غايتو مشاغل جنس مشاغل

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف ناهد عبيد في 4th أكتوبر 2011, 13:11

سلاااااامات
كوني كالأحرف الأبجدية

الألف

اختاً .... اماً ، ابنة مؤمنة بالله .


الباء

باباً مفتوحاً دوماً للمحتاجين .


التاء

تائبة الى الله دوماً .


الثاء

ثمرة نافعة ومفيدة .


الجيم

جامعة لآداب الاسلام .


الحاء ح

حافظة لكتاب الله وسنة رسوله
وعاملة بهما.
الخاء

خليلة للمؤمنات
وخصماً شديداً امام الاعداء.


الدال

داعية لسبيل الله
بالحكمة والموعظة الحسنة .


الذال

ذكرى حسنة عند الجميع


الراء

رافضة لمعصية الله


الزين

زائرة لمساجد الله ومجالس الخير .


السين

ساجدة لله
مسبحة بحمده دوماً .

الشين

شجرة شامخة
تعطى بسخاء كل ما هو مفيد


الصاد

صامدة فى وجه اعداء الاسلام .


الضاد

ضوءاً مشعاً ينير درب الضالين .


الطاء

طالبة للعلم النافع وطامعة بالمزيد .


الظاء

ظانة بالمؤمنين الخير دوماً .


العين

عالمة بأمور دينك وعاملة بها .

الغين

غريبة فى الحياة
وكأنك عابرة سبيل.


الفاء

فتاة تحمي اسلامها وكرامتها .


القاف
الميم

مسلمة حقيقية مانعة لتشويه الاسلام .
النون

قادرة على فعل الخير قاتلة للشر.

الكاف

كريمة الاخلاق وقدوة حسنة .


اللام

لمسة حنان على الايتام والمساكين .



نبراساً مشعاً فى درب الضالين .
الهاء

هادية لطريق الخير والصراط المستقيم .
الواو

ودودة ومحبة لجميع محبى الخير .

الياء

ينبوع خير يسقى شجرة الاسلام


منقوووووووله بالجد اعجبتنى
واقعدوا عافيه

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف ناهد عبيد في 1st نوفمبر 2011, 13:27



لـــــســــــــان الحــــــال قلب

معذره لو معاك منى الكلام حره
معليش الخطاب كاتباهو مطره
حرام والله مننا انت تتبره
وخمسه سنين تفوت وتجى فيها فد مره
وراك انا كم شقيت وعشت فى مره
وبقيت مع الصغار الهوم للعيون قره
بخاف الغرق الاصلو لا دره
وقالو ادب الصغار والعقده من خدره
حليلى انا الزمن ضى خاطرى مانفره
وخمسه سنين غياب مابتحملن حره
انا الحاضن العذاب وامالى محتضره
وانت الفى النعيم ماخات حساب بكره
مسكين التقول فى الاغتراب ستره
وتتناسى القروش فى يوم تكون ضره
حليل زمنك وكت عايشنا بالاجره
ياريت لا عرفت ولا مرق بره
الكاتمه فى جواى كتير متملكه الجوف والعصب
ماكت دايره اقولو ليك لكن لسان الحال غلب
مابنسى يوم ودعتنا وسافرت فى غرة رجب
خليت وراك الدار حزين تتباكى والدمع انسكب
اعذرنى والله العظيم لو ما الضروره انا ماكتب
وانا خايفة من بعدك يكون الضاع هو ضعف المكتسب
اليومو داك ناس البلد هنونى شايقية وعرب
قالو لى مبروك خير وجاك يكتب سلامتو اللى اغترب
قالو لى دووب نجم السعد طلاكى من بعد احتجب
يادوب بالك استريح وتنسى العذابات والتعب
فضلت احسب فى الشهور قاعدالى فى نيران لهب
صابره وحريصه على الولاد لايبقو للريح فى المهب
سديتا خانتك من مشيت قايمه بى واجبى كام واب
والاسره يضنيها المسير تتهاوى لو مافيها رب
والله مابنكر جميلك لينا برضو ثناك وجب
موكب هداياك مانقطع كان ستره فى الزمن الصعب
لابسين وماكلين والنعيم كايلنا فى يوم ما نضب
وعايشين معيشة المترفين طولنا والطبع اتخرب
حامدنو كان قلت الاكل والله للتين والعنب
اما الجناين شيله كاب وافرى الفواكه والرطب
البيت مفروش بالحرير ومليانه ايدى باالدهب
لكن خساره على محل عاش سيدو خمسه سنين عذاب
الشئ المهم ماقلت ليك ليه انت ماظنيت حسب
كبرو الصغيرونين خلاص خايفالن الطبع الكعب
وصلوها مرحلة الخطر والامن مازال مستتب
وانا كت قادراهم زمان لكن بعد كبرو اتغلب
حصلنى قبل الجد يفوت دوبنهن فوق العتب
قبال نحصد الخير ندم ولابيجدى كان لمت او عتب
خايفالن الطيش فى الدروس ومابرضى لو واحد رسب
خوفى المتعبنى الكبير بعدين يمرقو بلا ادب
وريتك الحاصل على لا فيه ثوره ولا غضب
شان الحديث مايبقى نى والواحة يكتنفا الجدب
انا قلبى مازال لسه حى ونجمو الملهلج ماغرب
اخر كلامى تردو لى لا ابقى بكره



كـــــــــــل سنــــــــه وانتــــم بخير


ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف فيصل خليل حتيلة في 1st نوفمبر 2011, 13:51



طوريك فى الطين مرمية
وكوريتك يابسة ومجدوعة
لا غيبتك كانت مرضية
ولا فوتك كانت مبلوعة
***********
اللهب الضوى الليل قناديل
فى عيون النجمة القطبية
والتعب المد ضراع النيل
سجادة فقرا مزاورية
سائلين عنك ويوماتى رحيل
لموانى المدن النفطية
شقيش ما تقبل يا ابو الحيل
فى قلوبنا مواجعك متكية
****************
وابعتلك شال الحب مرسال
تايهين فى بحرو مراكبية
بكتب على صدر الموج امال
اطفال عمال ومزارعية
كيف حال يا ابوى
كيف حال يا خال
بتمسى بيوتنا الكاكية
حزنانة بتبكى مال الحال
والزمن السابكم ايدية


كل عام و الجميع بألف خير

شكرا ناهد

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف محمد قادم نوية في 1st نوفمبر 2011, 15:07

أماني ونسمة جارات فى حى واحد والاتنين فاتهم قطارالشوق اقصد قطار الزواج واصبحت نقتهم كتيره شديد وبرايات
وونستهم كلها عن ايام زمان ( شى بالكضب وشى صاح)) قاعدين فى ضل كده ويتونسن
نسمه : كيف نسمه صباح ياختى؟
انتى يابت أمى حكايتناشنو القطر ده سكيناهو لما نفسنا انقطع وبلافائده
احى واحى على فتح الرحمن الابيتو زمان هسه كان جانى راجع مالو ؟؟
اماني: وانتى ياختى رفضتيهو ليه ؟
نسمه : من عوارتى وهبالتى قال شنو قال عشان نخرتو كبيره
اماني : اجى اجى اتلومتى بت امى وفى الشوك اتكومتى نخرة شنو كمان البقيسوا بيها الراجل تستاهلى القطر يفوتك
نسمه هوى انتى ياحاقدة تراكى قااعده لى هسع مااافى زول دق بابك الا سيداللبن
اماني : هيييى وتانى هيييى امانه ماجونى رجال يسدوا عين الشمس بس انا رفضتهم لانى كنت عايزة لى راجل طويل واصفرانى
والجونى كلهم قصار ولونهم اخضر
نسمه : غايتو جنس غايتو اها عاد لالميتى فى حمد ولاخوجلى
كر على من حالى وحالك
وانشالله يابت امى بعد ربنا يسهل وانا عن نفسى كان جانى راجل نخرتو قدر نخرة الفيل ما برفضو
اماني : اسكتى سااااااااااااااى يا اختى وانا كان جانى بعيو رضيييييييييياانه بيهو
والله نسمه ماتتصورى لما اشوف البنات الصغار الربيناهن نحن اتزوجن وشايلات عيالهن بندم على روحى كيفن
نسمه : اى والله غبيانات سااااى البنات البعزلن ديل يجى يقع عليهن الوقع علينا
وكر من حالنا وتااااااااااانى كر
ودعتك الله بت امى
وجعتى لى قلبى بى ونستك المأساويه دى تانى مابجيك
اماني : اخيير تجينى انا الحال من بعضو يختى على الاقل انا مابشمت فيك
اها مع السلامه

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف فيصل خليل حتيلة في 1st نوفمبر 2011, 15:17


اماني : اجى اجى اتلومتى بت امى وفى الشوك اتكومتى


ههههههههههههههههههههههههها


ههههههههههههههههههها


رندوق على اصولو


شكرا يا فردة


فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف يعقوب النو حامد في 6th نوفمبر 2011, 07:30

صراحة يا ناهد البوست البوست جميل جدا
فى عام ١٩٧٧ ذهبت للخرطوم لأول مرة. وفى تلك الأيام زارنا الأخ جالس. وبعد أن انتهت الزيارة زهبنا معة الى محطة حمد النيل لوداعه.
كنا نتحدث عن السيد الصادق فى ليبيا فى تلك الايام. فجئة ظهر لنا واحد كان مبارينا وقال اسمعو ياجماعة اتو بتقولوا فى شنو ؟
كان الوقت الثامنة مساء. فى اللحظة ديك انا لسانى بقى دقيق. انتو ما عارفين الناس عارفين كل شئ. بتقولو فى شنو ودايرين تعملو شنو. هنا حسب ظنى انه رجل أمن من أمن النميرى. و حيودينا السجن ويقول ديل مرتزقة. ملأ الخوف كل مكان فى جسمى. و لم أستطع ان ابوء بكلمة. بدأ الأخ محمد فضل الله يرد عليه وكان شغال بالنسيج السودانى وتفتيحة. فى تلك الأيام خلصت الثانوية العامة او المتوسطة.
ما أعرفه أن النميرى قتل المرتزقة ولا زال يبحث عنهم.كان معنا أخ نجيض اسمو حميدة قام زاغ ومشى لى واحد يعمل بالشرطة وجاء به
قام رجل الشرطة سأل الرجل هل انت بالأمن ام بالشرط. قال الرجل انت بتسأل لية. قال انا رجل شرطة وأخرج لة البطاقة عندها بدأ الرجل يلخبط انا ونا. عموما طلع الرجل مسطول وبتاع بنقو و بتاع مقالب. هذا الموقف الذى أخافنى لا يمكن ان انساه أبدا,

يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

رد:هترشااااااااااااااااااااااااااااااااااااااااااااااااااااات ودردشه

مُساهمة من طرف معز ابراهيم عوض السيد في 7th نوفمبر 2011, 02:08

مسطول سألوه الفرق شنو بين النيل الابيض والنيل الازرق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قال ليهم النبل الابيض فيه سمك تماسيح والنيل الازرق فيه رشا وتسابيح

معز ابراهيم عوض السيد
ابوجبيهه يابلدى


الرجوع الى أعلى الصفحة اذهب الى الأسفل

رد:هترششااااااااااااااااااااااااااااااااااااات ودردشه

مُساهمة من طرف معز ابراهيم عوض السيد في 7th نوفمبر 2011, 02:42

تسلمي يارايعه علي هذا الابداع وجديدك دايما حلو(والله يحضرنا جديدك)

مسطول سألوه ماهو الفرق بين النيل الابيض والنيل الازرق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قال ليهم النيل الابيض فيهو سمك وتماسيح والنيل الازرق فيهو رشا وتسابيح....

معز ابراهيم عوض السيد
ابوجبيهه يابلدى


الرجوع الى أعلى الصفحة اذهب الى الأسفل

رد:هترششاااااااااااااااااااااااااااااااااااااات ودردشه

مُساهمة من طرف معز ابراهيم عوض السيد في 7th نوفمبر 2011, 03:14

شكرا ناهد علي الابداع جديدك دايما حلو (الله يحضرنا يوم جديدك(

مسطول سالوه ما هو الفرق بين النيل الابيض والنيل الازرق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قال ليهم النيل الابيض فيهو سمك وتماسيح والنيل الازرق فيهو رشا وتسابيح

معز ابراهيم عوض السيد
ابوجبيهه يابلدى


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف الفاتح محمد التوم في 16th ديسمبر 2011, 22:27

ششششششششششششششششششششششششششششششششششششششششششش
تلفزيون بعد ان انقطع الإرسال
ياست الهترشات مساك الله بالخير
بتي ناهد ازيك ....." إنتي زيــّك مين ؟؟؟؟؟؟؟ "
شنو الغيبوبة دي ؟؟؟؟؟؟؟؟
انشاء الله عافيه

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف ناهد عبيد في 21st ديسمبر 2011, 13:12


سلامات

محمد نويه --- فيصل خليل --- معز ابراهيم--- يعقوب النو

شكرا على المشاركه الطيبه وشنو انقطعتوا كى ان شاءالله خير

واقعدوا عافيه

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف ناهد عبيد في 21st ديسمبر 2011, 13:52

الفاتح محمد التوم كتب:
ششششششششششششششششششششششششششششششششششششششششششش
تلفزيون بعد ان انقطع الإرسال
ياست الهترشات مساك الله بالخير
بتي ناهد ازيك ....." إنتي زيــّك مين ؟؟؟؟؟؟؟ "
شنو الغيبوبة دي ؟؟؟؟؟؟؟؟
انشاء الله عافيه


ابو كلام دهب على قول خالتى اقبال شهاب على قول خالى فيصل حتيله
اولا ان شاء الله ايامكم كلها خير
ازيك وكيف فطين والعيال تحياتى لهم

الله غالب والله تقصير شديد ان شاءالله يا يابا فى الشقاوه الانا فيها دى ما يكون فى حبيبا او قريبا متلى .

شششششششششششششششششش قالوا فى مجانين تلاته فى المصحه الطبيب عاوز يعمل ليهم اختبار
السؤال للتلاته اسمك وجيت هنا بتين وعمرك كم وفى اوقات الفراغ بتعمل شنو ؟؟؟؟؟؟

الاول :- اسمى محمد واسم الدلع حمودى جيت قبل خمسه سنه والان عمرى 25 سنه برسم وبغنى فى الفراغ
الطبيب ... شيل شنطتك واطلع

التانى :- اسمى قدر وبحب القدوقدو وعمرى خمسه سنه اشيل شنطتى واقعد

التالت :- شششششششششششششش ااااششششششش اسمع يا عمك انا هنا من زمن انقطع الارسال يلا خليك معانا على طول

واقعدوا عافيه


نتشششششه :-

يديكم العافيه جميعا والله ما حرمنا منكم

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف Suhad Abduelgfaar في 21st ديسمبر 2011, 15:09

مرحب حبابك صاحبت الهترشات

المنتدى نور

وينك مقطوعه

ويا سيتلى ربنا يديى العافيه

ويقلل الجرى

تحياتى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف ناهد عبيد في 30th يناير 2012, 09:55

Suhad Abduelgfaar كتب:مرحب حبابك صاحبت الهترشات

المنتدى نور

وينك مقطوعه

ويا سيتلى ربنا يديى العافيه

ويقلل الجرى

تحياتى

وينك انتى وين طلتك غيابك طال وطولتى الغيبه وربنا يدى العافيه ولك تحياتى

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف فيصل خليل حتيلة في 30th يناير 2012, 10:07


البيت محروس و ستو تكوس

حمدلله على سلامتك

تحايا

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف ناهد عبيد في 30th يناير 2012, 10:14


نكتة صينية

パソコンをかけたもうひとつの決戦はハーフタイムのドリブル鬼ごっこ!やはりあ自分のカードがとられたのも気づかなかった。やはりはしっこでじっとドリブル。敵が近づいてきたら
ضحك جميع الصينيين حتى ماتوا من الضحك وعم الفرح والسرور في الصين واكلو كلب مشوي على الفحم

يا ناس المنتدى هوى فهمتو حاجه من النكته ليه ما فهمتو ؟ الكلام ده ما واضح والبلد دى فيها منو غير الصينين والحبش .

*******************************************





ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف ناهد عبيد في 30th يناير 2012, 10:19

فيصل خليل حتيلة كتب:

البيت محروس و ستو تكوس

حمدلله على سلامتك

تحايا

هههههههههههه


اى والله البركه فيكم مى الحاله واحده مابتقصرو تب . مى قاعدين منجمييييين ساااااااى فى الضلله وتشربو فى الالمى الصاقط
وتاكلو فى الشاريه ام زيت

واقعدوا عافيه

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف ناهد عبيد في 23rd فبراير 2012, 11:39


ســــــلامات

مسطول سألوه عن اشجع زول قابلته فى حياتك ؟؟

رد المسطول الكمســـــــــارى

ليه !!!

المسطول : فشان الوحيد البهتف وبقول باعلى صوت قدام كل الناس والبواليس ..........

الثـــــــوره .... الثـــــوره ... الثــــوره

.............................................

سوسو من تحداك بفلوسو ختو تحت الجزمه ودسو
والعدو الفايت كتافك بجى يوما تضربو ويوما تدسو
والناس فى كسب العيش عوايم ديل بلخو وديك بعوسو
والرزق مرات يكوسك وانت شايل الليل تكوسو
والسعيد العايش حياتو بين ولادو وبين عرسو
بتو هادئه ومستقيمه وابنو حافظ كل درسو

واقعدوا عافيه


ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف الفاتح محمد التوم في 24th فبراير 2012, 10:35

تسلمي بتنا ناهد وألفين سلام

واحد من أصحاب الخيال الواسع سألوه
الشبة بين " الشهد و الشهيد " شنو ؟؟
قال " الإتنين بتلحســـو "

*******
تعريجتك جميلة على أشعار عمك الريح السنهوري
ولدو عبداللطيف من جده قال ليك البيتين الأخيرين ..

يملاء من النيل كؤسو ويسقي غنيماتو وتيوسو
بين قرايبو وبين حبايبو بين ارضيهو وشموسو

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف الفاتح محمد التوم في 28th فبراير 2012, 14:43

عساكر شافوا ليهم واحد جاري
ســكوه لحدى ما وقف .... سألوه
جاري مالك ؟؟؟؟
قال ليهم مافي حاجة ....
سألوه تاني .. طيب وكت مافي حاجة جاري مالك ؟؟؟؟؟
قال ليهم : يمكن يكون في حاجة
ههههههههههههههههههههههههه
" تحياتي لبتاع التلفون !!!! "

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف الحازمي في 28th فبراير 2012, 15:33

شباب حلوين شعرهم ناااعم

على قول واحد اخونا زمان


البوست دا للهترشة الليلية

اها بعض منها
سكة حديد بأرض صلداء منطرحة

مضلعاتها صدأة من عجرفة المحركات

ومقطورة خاوية إلا من مقعدي

تصفر البرودة في زواياها لتتصدع وحدة

وشرفة صماء باهتة

تعكس فجرا مهجورة مراسيم صداه

كأنما يشرق وقد تلحف حجب العزاء

ووهج منبلج بخيوط واهنة

تنقر العتمة وعزمها إعياء

الأرض مزهوة بزهر بلا لون

تزخر ملاءتها برائحة دون عبق

وأطواد منكسة الأعلام

كأن الكون في حداد عام

يطرقني تساؤل جائر على من كل هذا المأتم يقام؟؟!!

لست أدري ......وعلى وجه الدقة......لا يهمني !!!

فراغ يحتل عيون الغد

مطمورة متون فرحي تحت أنقاض الأرض

ومعاولي يتآكلها الجذام

تجثو ركائبي على رمال متحركة

وترقد أحلامي في كهف الرجاء

رمشة مبتورة // أنا

أبحر في غدران دمع

وأوشك السقوط على خد انتهاء

كل خطوط طولي تؤول إلى صفر

لم تعد خارطة سويعاتي تختزل سوى أصفار

واتجاهات أربع تتجاذبني

تشير أسهمها لشمال أجوف دون تضاريس

طقسه زمهرير يصهل

وأسرابه فيح إرتجاف

تنوء أقدامي تقرح عبئ لا يبخس المكيال

وطائر الأنس تتخطفه جوارح الذرا أمام ناظري بإلتهام

فقيرة ساقية ثغري من زلال الإبتسام

أهم بلهيب دمع أرتجيه مهجع برئ

فتجف عروق أنحائي من قطرة بكاء

تهجوني نبالهم ببهتان

وتغمدني رماح يتم تغرغرني بآنكسار


آآآآآه يا فيلق الصبح

ألا من سيل يتهادى بقناديل غوث

ألا يا حارث البؤس

ألا تكفن حطام الحزن وتقبره في وحل القصاص

فدمار الردم يسفني بإندثار

وقد طال إغتراب

وقد طال إغتراب

الحازمي
نشط مميز
نشط مميز


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف ناهد عبيد في 21st مارس 2012, 09:18


سلامات

شكرا

الفاتح محمد توم , الحازمى

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف ناهد عبيد في 21st مارس 2012, 09:22


**** عيـــــــــد الا م ******

فوزيه سلامه ........ منقول

لا اعلم كيف ولماذا تنحصر ذكرياتي عن امي في صورة ثابتة لا تتغير: صورتها وهي شابة مرحة تملأ الدنيا سرورا وتوزع محبتها بلا حساب. اراها تتضاحك مع صديقتها المقربة. اراها تصلي. اراها وقد قطبت ما بين حاجبيها لأنها تطهو الطعام بتركيز شديد. اراها تسأل ابي علي استحياء عن اخبار سياسية لم تفهمها كل الفهم. ولكنها في جميع تلك الاطوار شابة ذات شعر اسود متماوج وعينان بنيتان يطل منهما ذكاء.
ويمر في خاطري احتمال وهو اننا سوف نلتقي في حياة اخري وكل منا شابة ضحوك. وتسرني الفكرة حين تدخل علي ابنتي الشابة تحمل زهورا وهدايا بمناسبة عيد الام وتحمل في عينيها اشتياقا لا راد لمعانيه لأننا نلتقي بعد فراق دام عدة اسابيع . اسأل نفسي: هل يوازي حبها لي ما اشعره من حب نحوها يطغي علي كل حب سواه , اعقد عليه امالي وابتهل الي الله في صلاتي ان يدوم بيننا مازال النفس متصلا؟
تسالني عن رحلة سفري فاتذكر زيارة الي دار ايتام في بيروت تركت في نفسي اثرا من الصعب ان يزول. في تلك الزيارة كنت مدفوعة بالقيام بعملي الصحفي علي افضل ما يكون فسألت عن احدث طفل التحق بالدار . فهمت انها طفلة لقيطة وجدوها بجوار مقلب نفايات ولم يتجاوز عمرها اربعة وعشرين ساعة, وانها بلغت الان ستة اشهر.
فطلبت ان اراها ربما لكي احملها وتدور الكاميرا فتعاونني علي ارسال رسالة مرئية مسموعة لجماهير المشاهدين عن مرارة اليتم وبركة التبرع للايتام في موسم الاحتفال بالامهات.
مرت دقائق بطيئة الي ان دخلت الام البديلة تحمل الطفلة. ولا ابالغ ان قلت انني لم ار طفلة في مثل جمال تلك الصغيرة . وجدت امام عيني طفلة هنية تستجيب لمن يتحدث اليها بابتسامة وحين دعوتها الي حضني مالت نحوي بلا خوف او تردد. فجأة تماثلت اما عيني ام تلك الطفلة باكية محطمة لما تبقي لها من عمر , مثقلة بالاحساس بالذنب والجرم لأنها تركت ما حملت به وولدته فريسة للعراء خوفا من العقاب او من الفقر او بسبب نكران شريكها في الفعل الذي يبغضه الله والناس.
ورغم انفعالي لم اجرؤ علي ان اجهر بسؤال وهو: ماذا تقولون لهذه الطفلة حين تكبر وتسأل : اين امي؟

خرجت من الدار بقلب مثقل وتذكرت قصة سمعتها عن انثي الفهد الصياد. انثي الفهد تتميز بخطين اسودين ينحدران باستدارة من ركن العين الايمن اسفل الخدين مرورا بالفم نحو الذقن. ويعزي هذا التميز الي اسطورة مفادها ان انثي الفهد ولدت شبلا صغيرا وتعلقت به كثيرا وهي تسهر علي اطعامه ورعايته لكي يكبر . ولكن الفهد اختفي , ضاع من امه التي ما انفكت تبحث عنه بلهفة وجزع شديدين . ولم تجد له اثرا فسالت دموعها وظلت تسيل وتسيل الي ان حفرت الدموع مجري علي الخدين ترك تلك العلامة السوداء التي اصبحت كل اناث الفهد الصياد تولد بها.
كل الاساطير تعلمنا شيئا له معني قد يغيب عنا في زحمة الحياة. وقد تبلور هذا المعني لدي بأن سلوك الحيوان فطري لم تفسده قوانين كتلك التي تفسد فطرة البشر. فلا ام من فصائل الحيوان تترك طفلها في العراء خوفا و ايثارا للسلامة .
سوف تكبر تلك الطفلة وقد غابت عنها معاني تلك الاغنية الشهيرة التي كبرنا وكبرت معنا معانيها كبنات وكأمهات: ست الحبايب يا حبيبة . يا أغلي من روحي ودمي. يا حنينة وكلك طيبة . يارب خليكي يأمي.

فوزية سلامة

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف ناهد عبيد في 28th مارس 2012, 09:43

منقول فوزيه

عصفور الفرح يغرد في صدري.

والاسباب لا تتعلق بي ولا بأي فرد من افراد اسرتي او من اصدقائي ومعارفي. الاخبار تتعلق بثلاث نساء لا تربطني بأي منهن اية صلة سوي اننا جميعا نساء ننتشر في اركان متفرقة من ارض الله الواسعة. الاولي شابة سعودية ستكون من حاملات الشعلة في الاوليمبياد هذا العام. والثانية امرأة مصرية من حي شعبي اصبحت بين ليلة وضحاها نجمة تليفزيونية لها معجبين ومعجبات بالملايين. الثالثة انجليزية تبدو الطيبة علي ملامحها في صورة فوتوغرافية احتلت الجزء الاكبر من صفحة في جريدة يومية محبوبة لأن صاحبة الصورة قد تكسر قاعدة عمرها ١٠٠عام. هذه السيدة مرشحة لأن تكون اول مديرة عامة لمؤسسة البي بي سي الاعلامية المعروفة في جميع انحاء العالم. المؤسسة عمرها ١٠٠ عام ولم تمنح شرف المنصب لامرأة من قبل.

شيئ ما يتغير في العالم بهدوء وثبات ويقين رغم ارهاصات المتشددين والمنددين والمحذرين .
أما فرحتي بالسعودية ريما عبدالله فقد جاءت مزدوجة عبر رسالة من سعودي فاضل شغل اعلي المناصب في وطنه وكان ومازال من اقوي المدافعين عن العدالة والحرية والقيم الاصيلة التي حملها اليها الاسلام .
تقول الرسالة : طلعت يا ما احلي نورها بنت السعودية.....بنتنا ستظهر هذا العام .... وستقود ريما عبدالله مسيرة المشاركين السعوديين في اولمبياد ٢٠١٢.،ستحمل الراية الخضرا .. او لوحة اسم الديرة. بوركت الجهود وعاشت الدولة.

ريما عبد الله ستكون اول مشاركة سعودية في اولمبياد..موفدة لتمثيل بلدها ضمن الوفد السعودي بعدالغاء مادة التربية الرياضية من مدارس البنات. والضرب بأيد من حديد علي رغبة اي بنت فلتانة تريد ممارسة الرياضة البدنية ولو في اندية خاصة للنساء.
كم اتمني ان اقول لريما : مبروك .


المرأة الثانية هي غالية محمود. مصرية من حي شعبي يطلقون عليها لقب“ الست“ تعبيرا عن الود والاعجاب. غالية صادفتني علي شاشة احدي الفضائيات في زيارة لي الي مصر ثم طالعتني صورتها مرة اخري علي صفحات جريدة الجارديان اللندنية حيث كانت موضوع ريبورتاج عن ظاهرة اعتبرتها الجريدة من ثمار ثورة ٢٥ يناير. غالية تقدم اكلات شعبية مشبعة ومغذية في الوقت نفسه واصيلة لأنها من تراث مصري قديم يعتمد في الغذاء علي البقول والخضروات واللحم القليل نسبة الي عدم وجود مراع كافية لتربية المواشي وانتاج اللحوم التي تضاعفت اسعارها في السنوات العشر الاخيرة عشرات الاضعاف

والغريب ان البرنامج يصور في مطبخ غالية المتواضع جدا والذي يتوسطه موقد غاز من طراز قديم وطاولة تعد عليها الطعام في صوان من الالومنيوم. فلا افران وستنجهاوس هنا ولا مطابخ كوندشتال ولا كزارولات لوكروزيه. غالية محجبة ومبتسمة ومقرة بأنها مطالبة باعداد الطعام لعشرين فرد من افراد اسرتها بميزانية قوامها ما بين عشرين وثلاثين جنيها مصريا في اليوم.
انا فرحانة لنجاح غالية لأنها تمثل اغلبية ظلت صامتة لعشرات السنين ولم يغلبها الزحام وندرة المال وانعدام الامل في مستقبل افضل.

الثالثة هي كارولين طمسون , اعلامية انجليزية مشهود لها بالكفاءة وحسن الادرارة وطول تاريخ الخدمة في مؤسسة البي بي سي . وهي لم تطالب ولم تزاحم غيرها علي المنصب بل رشحها زملاؤها وان نجحت فقد كسرت قاعدة عمرها ٩٠ عاما افترضت ان المؤسسة اهم و وافضل من ان تديرها امرأة.

انا لم اشارك في مظاهرة احتجاج ابدا ولم ارفع صوتي منددة او محرضة , ولم اتعلم العوم الا بعد ان تجاوزت منتصف العمر وبعد ان تجاوزت عقدة العيب التي ترسبت عندي في الطفولة . قالوا ان العوم عيب وركوب الدراجات عيب والانضمام الي النوادي الرياضية عيب بدون ابداء اسباب. فصدقت واطعت وكبرت وكبرت معي نعمة العقل ففكرت وعزمت وتوكلت. واليوم فرحت بريما وغالية وكارولين. والبقية تأتي.


فوزية سلامة

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف الحازمي في 28th مارس 2012, 13:18

مليون ميل مربع مساحه ليست بالقليله ... اكثر من عشرين ولايه .... واكثر من خمسمائة لغه وقبيله كل ذلك يجعل السودان زاخرا بشخصيات مختلفة الطباع والصفات والافكار والعادات ... هذه الشخصيات يختلف سلوكها فمنها الذكي ومنها الغبي ومنها المرح ومنها الكئيب و ,, و ,, و ,, الخ .
شخصياً صادفت الكثير من هذه الامثال وفي البدايه كنت استغرب واتعجب وفي بعض الاحيان اغضب ولكن ومع مرور الزمن ادركت بان هذا الوطن ملئ بامثال هؤلاء وكنت متأكد بانني سوف ارى وارى وارى ما حييت .
ندخل في الموضوع
زي ما قلت المواقف كتيره وانا الان حا اذكر منها بي مختلف انواعا
1.يني مثلا تلق الظلط اتجاه واحد وريف المشاة اتجاهين
2. واحده تركب مواصلات الجريف غرب وتقوم تسأل الكمساري Sadبتمشي بي شارع الاربعين ؟) الغريبه الكمساري يرد ليها ويقول ليها (ايوا ... ) تقوم تقول ليهو خلاص نزلني في (محطة بلال) !!!!
3. في السودان الايه بقت مقلوبه يعني بدل الكهربه تقطع وبعديها المويه بقى بيحصل العكس المويه اذا قطعت اعرف انو الكهربه حا تقطع طوالي !!
4. في كشك سجاير ...... (التدخين ينعش عمليات القلب)
5. حسن (بلاعه) للعصاير الطازجه !!!
6. في تصريح لصحيفة (الاخرام غداً) وزيرة الصحه السابقه (عبيطه تترس) : (سوف نجعل عدد المستشفيات في السودان اكثر من عدد العنابر الموجوده بالمستشفيات نفسها ) !!! تااااااااااااااااااااااااخ
7. المنتخب السوداني (صقور الجديان) في مواجهة المنتخب التنزاني (حمام الجبال) !!!!!
8. الحفله بي منو يا جماعه .. ؟؟ ....... قالو بي فتحيه (مأسي).
9. الموبايل بي 7 جنيه ... وفي محل تاني كفرو بي 10 جنيه
10. كوافير ... (الحردلو) !!!!!
11. قاعد اغالط في صاحبي (انصار سنه) ولما لقيتو مصر علي رايو قلت ليهو وحاااااااااات رب (الكعبه) ..... قام قال لي من حلف فاليحلف بالله او ليصمت !!
12 . في صيوان بيت البكا ..... ضلع وتحليه
هترشه :
منتديات رفاعه للجميع ..... ملتقى كل اهل الحصاحيصا !!!!

نسأل الله السلامه

الحازمي
نشط مميز
نشط مميز


الرجوع الى أعلى الصفحة اذهب الى الأسفل

رد: هــــترششاااااااااااااااااااااااااااات ودردشــــــــــــــــــــــــــــــــــــــــه

مُساهمة من طرف كرم هجانه في 29th مارس 2012, 12:28

هترشة و نص ..
قلتى كلمة رايعة (للكتابة صوت قوى)
ما أصدق هذا القول .. يبدو إنو (الحلة مليانة مهترشين)
شكراً ياناهد على هترشتك و هترشت بقية المهترشين

كرم هجانه
نشط مميز
نشط مميز


الرجوع الى أعلى الصفحة اذهب الى الأسفل

صفحة 3 من اصل 5 الصفحة السابقة  1, 2, 3, 4, 5  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى