ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

القومة ليك ياوطني

+3
أزهرى الحاج البشير
الفاتح محمد التوم
اقبال عبداللطيف
7 مشترك

اذهب الى الأسفل

القومة ليك ياوطني Empty القومة ليك ياوطني

مُساهمة من طرف اقبال عبداللطيف 3rd فبراير 2011, 18:18

التحية لكم يامبدعين بلادي ..البلد التي تمتد في دنيايا سهلا وربوعا وبقاع..تعالو الآن نرقص رقصة البدء ونفعل شيئا لهذه الخضراء..اعرف انكم فعلتم شيئا لها بس نزيدها..واعرف انكم ناسا تقاسم الزول شقا عمرو حفايا تقيف ياناسا فناجرة تمام وياناسا تمامة الكيف
اقبال عبداللطيف
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

القومة ليك ياوطني Empty رد: القومة ليك ياوطني

مُساهمة من طرف الفاتح محمد التوم 13th فبراير 2011, 13:35

أختي اقبال لك التحية .... حليل الناس الوصفتيهم..... في هذا البوست....
منهم من قضى نحبه ومنهم من ينتظر ...خليني أكمّل المشكار
ياناسا بتصل الذول حفايا علي حدود السيف
ياناسا تقاسم الذول شقا عمرو ومعاهو تقيف
ياناسا فناجرة تمام وياناسا تمامت الكيف
حلف بالله ذولا ماهو منكم انتو ندمان في حياتو ندم
حلف بالله ذولا ماهو منكم انتو مقطوع فيهو اي عشم
حلف بالله لو شل قلبي بين ايدي وباريت البلد من جم
اشارك دة وافاكر داك واشارك كل ذول في هم
واديكم شبابا لسع بي حمد الله ماأتهدم
احس بي أني ما وفيت جمايلكم ولاأخر ولا قدم
اهلي الطيبين نسيتوني وماظنيت بتنسوني لأني مانسيتكم وأنتو ماناسين
اهلي الطيبين وليدكم انا الدوام مشتاق
انا ان درتوني سيف تلقوني يابس كو
وان درتوني مدفع نار بضرب في السوادة ترو
وان درتوني ساعة الحاجي مابرجاها قولة سو
صنديد للتقيلة بشيلة لو يبقي الحبل في التو
والجزرة التعشي الضيف أنزلة من عقابة الهو
.......

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

القومة ليك ياوطني Empty رد: القومة ليك ياوطني

مُساهمة من طرف اقبال عبداللطيف 13th فبراير 2011, 14:25

اخي الفاتح..الدنيا لسه بخير
وانتو منهم..رأيكم شنو نعمل
صندوق خيري باسم المستشفى بمساهمة شهرية
رأيكم شنو؟
اقبال عبداللطيف
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

القومة ليك ياوطني Empty رد: القومة ليك ياوطني

مُساهمة من طرف الفاتح محمد التوم 13th فبراير 2011, 22:44

شكراً ليكي أختي إقبال ... تحياتي للعيال و أبو العيال
بالحيل أنا معاكي في الإقتراح..... لجنة تطوير مستشفى أبوجبيهه
كيــان موجود فقط نحتــاج الى حلقة وصل في كيفية التنسيق ...
دعيني أتصل على الأستاذ أزهري الحاج وآخرين داخل السودان وخارج السودان كانوا قد تحدثوا في نفس موضوعك وكمان عن المسجد .... وأظنهم وصلوا لنتائج .... سأوافيك بتفاصيل الإتصال.....

******************
التحية لهذا القلب الحار....

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

القومة ليك ياوطني Empty رد: القومة ليك ياوطني

مُساهمة من طرف اقبال عبداللطيف 14th فبراير 2011, 14:49

حلف بالله زولا ماهو منكم مقطوع منو اي عشم..يعليكم في المابيكم.
اقبال عبداللطيف
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

القومة ليك ياوطني Empty رد: القومة ليك ياوطني

مُساهمة من طرف الفاتح محمد التوم 14th فبراير 2011, 15:57

منتظرين العزيز فيصل ......الزعيم غريق ..... وشيخنا واستاذنا أزهري .... للتنوير .....

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

القومة ليك ياوطني Empty رد: القومة ليك ياوطني

مُساهمة من طرف أزهرى الحاج البشير 14th فبراير 2011, 16:59


بلادي بلد ناسا مواريثم

في أول شي ..كتاب الله

وحصان مسروج، وسيف مسنون حداه درع

كتاتيبم تسرج الليل مع الحيران

وشيخا في الخلاوي ورع

وكم نخلات تهبهب في جروفا الساق

وبقرة حلوبة تتضرّع وليها ضرع

بلادي أنا

تشيل الناس ، كل الناس وساع بي حيلا وليلا يسع

وتتدفق مياه النيل على الوديان

بياض الفضة في وهج الهجير بيشع

بلادي سهول ، بلدي حقول بلدي الجنة للعاشوها

ولي البرّة بيها سمع

بلدي بلد ناساً تكرم الضيف

وحتى الطير يجيها جعان ومن أطراف تكيها شبع


شكرا شيخ الفاتح للتنبيه من الغفلة .. وأهلا ببنتنا إقبال .. زانت ساحاتنا بوجودك
وأعذريني أن أتيت متأخرا .. فلقد شطت بنا الأماكن ولن أقول يا فيصل هذه المرة
أن تأتي متأخرا خيرا من أن لا تأتي ولكن أن أتيت متأخرا لزمك إعتذار ولك
العتبى سيدتي ....

الفاتح نحن والله مستعدين لأي شي والأخوان فيصل وغريق والبقية يعملون داخل السودان
وواجبنا مساعدتهم بقدر ما نستطيع ولكن نحتاج لكيان لتفعيل الأمر وسبق أن نوهنا لذلك ولكن
لم نقم بخطوات إيجابية وسوف أتصل بك للبدء في ذلك لإعادة الروح عند الأخوان الذين طن كثير منا إنو مافي فايدة فينا


عدل سابقا من قبل أزهرى الحاج البشير في 14th فبراير 2011, 17:31 عدل 2 مرات
أزهرى الحاج البشير
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

القومة ليك ياوطني Empty رد: القومة ليك ياوطني

مُساهمة من طرف فيصل خليل حتيلة 14th فبراير 2011, 17:04

يا سلام والله انتو ناس زيكم مافى تب.

اقبال بالجد انتى انسانه رائعة و بس.

الفاتح انا اعتزر لعدم دخولى الى هذا البوست الرائع فى الوقت المناسب.

على كل فى بوست آخر يمكنكم ان تتبينوا ما قامت به لجنة تطوير مستشفى ابوجبيهه يا اقبال ولكن

بأختصار شديد الى هذا التاريخ.

قمنا بشحن عملية مكتملة من كلو زائدا معمل حديث ( طبعا كلو كرت كرتونه يا حبه )

شحن لورى من الادوية المهمه جدا.

قمنا بأرسال 3 جنريتر كبيرة يمكن ان تصل قيمة الواحد الى ميتين مليون بالقديم.

قمنا بارسال أسعاف ( كرت ) ايضا.

و الآن لدينا تصديق بمبلغ 385000 بالجديد لبناء عملية ( زى السم )

و تقريبا ارسلنا فرش لعدد خمسين سرير ( يعنى مرتبة زائدا الملايه )

على كل العمل ماشى و دعواتكم يا الفاتح و اقبال.

عفوا دا شئ مختصر.

لكم التحية
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

القومة ليك ياوطني Empty رد: القومة ليك ياوطني

مُساهمة من طرف فيصل خليل حتيلة 16th فبراير 2011, 12:44


أقبال عبداللطيف وينك.

رفعت البوست عشان اسمع الزغرودة عشان خاطر مستشفانا

شكرا
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

القومة ليك ياوطني Empty رد: القومة ليك ياوطني

مُساهمة من طرف اقبال عبداللطيف 16th فبراير 2011, 14:50

الكلام غلبو المشي ..سعدت شديد وسكتتني فرحتي بيكم..وتعظيم سلام
اقبال عبداللطيف
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

القومة ليك ياوطني Empty رد: القومة ليك ياوطني

مُساهمة من طرف فيصل خليل حتيلة 16th فبراير 2011, 15:06


تسلمى يا اقبال لانك انسانه هميمه جدا و مشغولة بالبلد.

بس الزغرودة وين ( أحسان عبد الرازق زغردت نمن الجماعة كوركو فى البوست )

بالمناسبة فى مفاجأت تانية بس الاسبوع الجاى

سلمى على الاولاد و ابوهم
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

القومة ليك ياوطني Empty رد: القومة ليك ياوطني

مُساهمة من طرف محمد قادم نوية 16th فبراير 2011, 15:22

التحية للأخت إقبال علي هذا البوست الجميل.... وانتي تنادين للقيام بالوطن ورفعته بالتاكيد سنلبي النداء ؛نتمني التقدم والإزدهار لوطنا ونحنا في خدمته
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

القومة ليك ياوطني Empty رد: القومة ليك ياوطني

مُساهمة من طرف اقبال عبداللطيف 16th فبراير 2011, 15:47

مابتقصروا ابدا ..بس عايزين نساهم معاكم ان شاءالله بزهرة جميلة وستارة جميلة لكل عنبر ولا شنو يابنات؟
اقبال عبداللطيف
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

القومة ليك ياوطني Empty رد: القومة ليك ياوطني

مُساهمة من طرف الفاتح محمد التوم 18th فبراير 2011, 21:06

أشكر العزيزين .... استاذي أزهري .. و الأخ الغالي فيصل للإستجابة
ويا أختي اقبــال .... أول الغيث قطره .... وها نحن في عز الغيث ...
بعد التنسيق كما أسلف استاذ أزهري ... وفيصل ستكتمل اللوحة
ويالها من لوحة شرف دنيوية..و أخرويه ......

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

القومة ليك ياوطني Empty رد: القومة ليك ياوطني

مُساهمة من طرف اقبال عبداللطيف 18th فبراير 2011, 22:51

اخي الفاتح تحياتي لك..وشكرا لك لربطي بالاحداث..وياريت ما تنقطع..وتحية للاخوةازهري و فيصل ومحمد نوية.
اقبال عبداللطيف
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

القومة ليك ياوطني Empty القومة ليك ياوطن

مُساهمة من طرف عبد الجليل ابوعاقلة 25th فبراير 2011, 02:30

الاخوة الكرام ابناء ابو جبيهة الاعزاء القومة ليكم انتم والقومة للوطن تقديرا لما فيه ودرج ان يقيف الناس مع السلام الجمهوري اعزازا لهذا الوطن الذي ثدم للناس وواجب ابناءه ان
يقدموا واعجبت بقومتكم للوطن فقلت
قومتكم للوطن بي عزم جادين
قومة رجال فرسان بهمم صادقين
قومة اهل واحباب وانتو ناس حلوين
قومة شباب بقضوا الغرض في الحين
وقومتكم
قومة فناجرا اولاد ناسا بكرموا الضيف
وكرمكم زي وابل الخريف بحركم بشيل القيف
وجنريتركم كبير بجلب براد في الصيف
وداويتوا المريض وعملتوا البتم الكيف
وياود البشير بتل في الحارا شيل السيف


عبد الجليل ابوعاقلة
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

القومة ليك ياوطني Empty رد: القومة ليك ياوطني

مُساهمة من طرف اقبال عبداللطيف 25th فبراير 2011, 09:27

شكرا ابوعاقلة على الكلام الجميل الذي صادف اهله
اقبال عبداللطيف
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

القومة ليك ياوطني Empty رد: القومة ليك ياوطني

مُساهمة من طرف فيصل خليل حتيلة 28th فبراير 2011, 13:54


تشكر اخى ابوعاقلة على الاريحيه و لك ن ودالبشير دا منو و الدخلو هنا شنو.

تحياتى
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

القومة ليك ياوطني Empty الى الاستاذ فيصل خليل مع التحية

مُساهمة من طرف محمود منصور محمد علي 1st مارس 2011, 12:11

يافيصل خليل هووووي !! لوعاوز تعرف البشير ده منو
اذهب الى منتدى الشعر والخواطر وموضوع للاستاذ ابوعاقلة عن شعر الحداثة
والدوبيت واقرا البوست للنهاية .. ول عاوزنا تاني نرجع الى(( سري للغاية))
ونشعلل الموضوع من جديد بعدما استسلمتم ورفعتوا الراية البيضاء؟؟؟
تحية لك ياعمدة وبدونك المنتدى زي الشاي بدون سكر..
محمود منصور محمد علي
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

القومة ليك ياوطني Empty رد القومة ليك ياوطن

مُساهمة من طرف عبد الجليل ابوعاقلة 2nd مارس 2011, 05:24

الاخ فيصل خليل حتيلة لك التحية والقومة لكل اولاد ابوجبيهة وهم يقومومن علي بناء وطنهم ومنطقتهم وعلي راسهم اخونا ازهري الحاج البشير وود البشير الذي اقصده هو والله اخونا ازهري ولا اقصد عمر البشير لان لاعلاقة لعمر البشير بالموضوع واستغربت لمن اخونا محمود ايضا رجع ليكم لي موضوعي الذي كتبته عن عمرالبشير في مقال اخر
واكرر بان ود البشير هو اخونا ابو الزهور

عبد الجليل ابوعاقلة
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

القومة ليك ياوطني Empty رد: القومة ليك ياوطني

مُساهمة من طرف محمود منصور محمد علي 2nd مارس 2011, 08:10

الاستاذ العملاق ابا عاقلة
تحية اعجاب وتقدير لنشاطك وهمتك واهتمامك وتواضعك الجم ...
اما موضوع البشير واخونا فيصل خليل والله يعلم
ان قصدي هو اثارة الاخ فيصل لا اكثر ولا اقل و الاخ فيصل
دائما عندما يثار ياتي رده بطريقة حلوة وعفويه وكوميدية ساخرة
لانه فعلا كاتب مرح وجريئ.. وحبي الشديد للاخ فيصل يدفعني دائما لاستفذاذ
قلمه الجرئ ليكتب ويبدع ونستمتع بكتاباته
و ان كنت تقصد عمر البشير في موضوعك تعتبر هذه في تقديرنا وجهة نظر
حاصة بك ولا اعتقد ان الاخ فيصل خليل عمده المنتدى الذي نصبناه قبل اقل من شهر يزعل منها. وهذا انذار ( للاخ فيصل لاننا لن نتوانى في انتزاع المنصب منه واحالته للتقاعد المبكر والصالح العام في اي لحظة))
وفي النهاية نحن اخوة في هذا المنتدى ويجب ان نعلم ان المنتدى سوف
يزيد ويعمق فينا من اواصر الاحوه والمحبة والتلاحم والتعاضد....الف تحية




محمود منصور محمد علي
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

القومة ليك ياوطني Empty رد: القومة ليك ياوطني

مُساهمة من طرف فيصل خليل حتيلة 2nd مارس 2011, 10:10


شكرا ابوعاقلة و الزعيم محمود

بالفعل انا بقصد عمر البشير و لكن طالما انو المقصود ازهرى البشير كدى خلونى ( اكورك ليكم )

عووووووووووووووووووووووووووووووووووووووورورورورورورك

و بعدين البنات يجو يزغردو يا ابو عاقلة.

تسملو
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

القومة ليك ياوطني Empty رد: القومة ليك ياوطني

مُساهمة من طرف فيصل خليل حتيلة 9th مايو 2011, 11:42


بالمناسبة يا اقبال عندى ليكى خبر

شاهدت مستشفى ابوجبيهه فى زيارتى للتعزية فى صديقى طارق و لم اصدق ما كنت اشاهد.

لقد تمت صيانة المستشفى بشكل يرقى الى ان نصفه بالفندق خمسة هلال ( عفوا خمسة نجوم ) و بعد مرورى على كل المستشفى

قلت لنفسى حرام ان لا يعرف الاعضاء بما تم انجازه من قبل حكومة الولاية

على اى حال الآن المستشفى صارت مستتشفى يا شباب و الف مبروك هذا الانجاز لولاية جنوب كردفان

غريق و اسامه

كنا نتوقع منكم متابعة هذا العمل و اخطارنا به ولا السواى ما حداث! لكم الشكر

تحياتى
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

القومة ليك ياوطني Empty رد: القومة ليك ياوطني

مُساهمة من طرف اقبال عبداللطيف 9th مايو 2011, 12:11

ماكم هينين يارجال البلد الزين ..وماخاب الظن فيكم ولي قدام..يعليكم في المابيكم..كل الاحترام العزيز فيصل
اقبال عبداللطيف
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى