رد: سري للغاية

ود الشاويش...الفيك اتعرفت....بلقب قائد القوات الصديقه...تنسى الملح والملاح والقرقوش وكل تعينات كتيبة الردع....أها على حسب آخر بيان من القائد العام فيصل خليل كل قياداتك محاصره ومقبوض عليها...بى وين؟؟؟؟وراكم ...زنقه زنقه

كوماندور الجنيد سلامات

طبعا جاويش فقد البوصلة السياسية بعد احالته للصالح العام من الحكومة هنا فى السودان دا السبب.

اما تيمى فهو الأخر سلم نفسه الآن.

تحياتى

للصالح العام مرة واحده كده
خلوهو بتاع مارشات ومراسيم
عمو عثمان بتعرف مارش : " ديك فجق كجانة" ؟؟؟؟
آآآسف للألفاظ لكنه ...
موثق من زمن عمك مرجان في سلاح الموسيقى

رسالة لكل من تسول له نفسه العبث والتهديد
بسم الله الرحمن الرحيم
اي تهديد لاي عضو في جمعية ((الرفق بالقوارير)) يعتبر تهديد للمجموعة كلها وانتهاك سافر للحريات التي كفلها الدستور ونحتفظ لنفسنا بحق الرد بكل الوسائل..
نحن سندافع عن بعضنا البعض بكل ما اوتينا من قوة
وعلى اتم الاستعداد ان ننتهك الاجواء جهارا نهارا ونضرب في سوبا وامتداد ناصر مش بورتسودان القريبة دي... الف تحية

حرام عليك يا محمود الناس معاها حق من الضربة الاولى عثمان زايغ جاتو الخلعة رايح جاي بين زقلونا وسوق ليبيا امدرمان مكشوفة انا خايف ليهو من جماعة خليل.

الاستاذ تيمي اللواء ركن بحري معاش
ما تخاف على عثمان ود الشاويش
عندو حماية وحراسة وقوة متحركة للرد والدفاع
وجماعتك المرتزقة ما عندهم رادارات وصواريخم دقة قديمة بتطير وترجع مرتدة زي الهدف من هجمة مرتدة ...الف تحية

المتألقه اقبال انت دايما مواضعيك شيقه و جذابه الا المره دي وصيتكي للعوين
تعيسه و كن سمعن كلامكي دا التراب بخرب انت ما سمعتي بمطالب الرجال الجديده التي انطلقت في ميدان التحرير من كل قيود المراه الزوج يريد تغيير المدام
و بعدين العوين قدمن مزكره فيها حزمه من التنازلات منها
1/ السماح للزوج بالتاخير خارج المنزل حتي منتصف اليل
2/ السماح له بالزواج من اخري دون دفع اي مبالغ لترضية الاولي
3/عدم تحمل نفقات البيت
4/ عدم اصتحاب المراه في المناسبات الخاصه و العامه
و لكن الازواج هتفوا الزوج يريد تغيير المدام
شكرا ليك يا محط الروعه مع احترامي

سراقة ان شاءالله طيب..بالله عليك الله ما تشعلب النيران..الرجال شغالين تمام شي جمعية الرفق بالقوارير والدفاع عن حقوق المرأة..ماتفكر البقر على السربة..احترامي

سراقة الله يجازى محنك يا عزيزى

تانى فتحت ليك جبهة جديدة مع زعيمة الشبيحه

شكرا سراقة نقلتنا من عالم الحزن الكئيب

تحياتى لك

وين عمو محمود منصور زعيم التوالى السياسى

الاخ فيصل
انا موجود بس كنت في استراحة المحارب
الف حمدا على سلامة وصولك وساتصل عليك اليوم!! وبعدين عاوزين نعرف موضوع عثمان شاويش وسر اختفاءه من المنتدى من يوم اعلانه الشهير بانضمامه لنا في القوات الصديقة.. الف تحية

العزيز محمود لينا طولة ان شاءالله طيبين مع العيال؟

الف تحية استاذة اقبال
انا لم انقطع يوما عن المنتدى ...لكن ظروف غيبة الشهيد طارق اثرت في عطائنا وجمدت نشاطنا شوية والحزن لم يبارحني والله حتى الان
تحياتي لكل افراد اسرتك

من طرف **ود عشمان** 10th مايو 2011, 00:57

يا اخوانا هوي جيناكم تاني .. لانو هرجلة العوين كترت و ابت نفسي و ا لا ان اتدخل لاحسم كل التحركات اليائسة من قبل اقبال و بعض الشرزمة ..

اولا الاخ محمود انت قلت ماشي الي المنتدي الرياضي و تاني ما راجع الجابك تاني شنو ؟؟ شوف يا زول الني بقبل للنار انت احسن ليك تجي تقيف في صفنا و نبقيك مستشار بمنظمة الرجال و هذه فرصة ارجو ان لا تضيعهها ..

ود عشمان
الناطق الرسمي باسم المتزوجين

بسم الله الرحمن الرحيم

تدعو لجنة انبثاق المتزوجين كل السادة الاعضاء لحضور الزواج الجماعى فى يوم الجمعة الجاية

بحدايق ( قدر ظروفك ) جوار فندق الهيلتون سابقا

قائمة العرسان

فيصل خليل

الفاتح محمد توم

عبدالرحمن فضل الله تيمى

غريق كمبال

د.الجنيد احمد سليمان

العقيد امين منقة

يشرف حفل الزواج السيد مدير المنتدى و السادة المشرف العام و كل المشرفين

يرجى عدم اصطحاب الاطفال و كبار السن

و العاقبة عنكم فى المسرات

تنبيه

لمزيد من الاستفسارات عن هذا الاعلان يرجى مراجعة السيد ود عشمان فى الخاص

تحيات اعلام لجنة انبثاق المتزوجين

اها من قدر ظروفك دي ..دي تهلكة ولا ماتهلكة ياجماعة.؟هل من مفتي؟...
جماعتك كلهم جماعة واحدة والواحدالله وشوف كلامي دا

اقبال سلامات
علي قولك تهلكة لكن تقولي شنو يا اختي ؟؟؟؟؟
كلام عجيب
قال الجمعة قال

الليلة سرقت الحنه بتاعت ابوهوريرة يا جماعة

طبعا دكاكينية نرجو مراعاة ذلك

و بكرة حنة الزعيم غريق فى جبرة برضها دكاكينية

تحياتى

الاخ فيصل خليل زعيم البلطجية والمندسين
يا اخي عيب عليك تنسى اخوك محمود منصور
سجلني معاكم .... ولو في طريقة احجز لي تنتين واحدة اجيبا معاي مكة وواحدة اخليها هناك طالما الحكاية بقت سهلة كده.. الف تحية

من طرف **ود عشمان** 23rd مايو 2011, 20:05

الاخ فيصل حتيله ..

بيان رقم 4

باسم المتزوجين الشرفاء اقف امامكم في هذه السانحة لاعبر عن مدي فرحتي البالغه بانضمام الاستاذ الكبير محمود لهئية الدفاع عن المتزوجين و هذا شرفا لا ندعيه ..
الاخ ابوهريره اتصل علي و دارت مكالمة مطوله تم الاتفاق علي ان يتم الزوج في يوم غير الجمعة خوفا من التظاهرات .. اما الاخ محمود اخترح بأن يتم الزوج في مكان مناسب و اتفقنا علي ان يتم في امبرمبيطه بدلا من حدائق ( حبيبي مفلس ) المعروفه بجوار فندق الهيلتون كما تم الاتفاق علي عدم البزخ و صرف الاموال في اشياء لا تفيد و ذلك تحت شعار
( اقلهن مهرا اكثرهن بركه ) .. اما فيما يتعلق بالاخ عبدالرحمن تيمي بأنه متردد و متذبذب ( عندو سكري ) و خايف من المره الكبيره تزيد الضقط )

سوف نوافيكم باسماء كل المنضمين لجمعية المنبثقين ..

ود عشمان

الناطق الرسمي باسم المتزوجين

دقيقة ياول عشمان محمود دا بناور ساكت..وعمك فيصل جاب الكتاحة للجماعة في صمة خشموا ولبدو تاني في زول مرق راسو؟
صباح ماتشوفي ليكي بهول؟

اقبال مساء الخير ...
فيصل دا يقدم في الناس وهو حنته بتين؟؟؟؟
تسلمي يا اقبال

فيصل أخوي...
"قدر ظروفك ؟؟" بنات الزمن ده ؟؟؟ ماااااا ظنيت !!
القالت ليك دي ما تصدقها
محامووود .... قلتا لي " نزلتا ب دو " ده " كلام حدايق ساي"
اقبال وصباح ... مساء الخير .....
نحنا مازايغين بس
مع " قدر ظروفك " خايفين مانلقى حق المأزون !! تقولن قيدومه ؟؟؟ ههههاي

من طرف **ود عشمان** 24th مايو 2011, 02:10

الاخت صباح ..

فيصل حنتو ح تكون علانا للجمهور بعد تقديم المتذبذبين و توريطهم في الشقلانيه ما تخافي عليه..

الاخ فيصل ..

الرجاء متابعة البند الرابع من الفصل السابع لتنفيذ الخطه علي الوجه الكامل ..

الاخ الفاتح ..

و لا همك نحن شعارنا .. اقلهن مهرا اكثرهن بركه و الشقلانيه كلها قيدومه في قيدومه ..

الليلة وين لي وين ياعينيا عجبوني كالو العين..
العرسان ديل وين؟

والله كلام صحي البلقي الهواء بضري
ايامكم خامجين الوطا بي هني خمج وانا مالاقي الخبر

الاخ زهير
والله منور ....
هو جنس خمج يا اخوي
تحياتي

بسم الله الرحمن الرحيم

عايزين نعرف أخر اخبار الامور الجارية الان شنو؟

تحياتى

آخر الاخبار انضم الينا الجبالي وياسر جامع وهؤلاء مشرفون على مراكز التدريب المنتشرة والدفعة الرابعة على اعتاب التخرج
اما السيد رئيس الجمعية محمود عاكف علي تصميم جهاز اختبار كشف الجونابية والعوضابية عند القادمين للزواج..والفاتح حيجيب عينة منو..
علي الصعيد الامني الوضع تحت السيطرة وتم القبض علي البلطجي ودعشمان

اعتقد ان الاخبار المزكورة دى لا علاقة لها بالواقع و الجبالى ابدى الرغبة فى نادى الضباط امام كل الاعضاء

يا اقبال و اما مهندس ياسر فهو الأخر موقفه غير واضح

النواحى الامنية غير مستقرة و هناك تفلتات امنية هنا و هناك لا سيما فى اوساط الحركات المهاجرة

يبدو ان الاعلام فعلا مضلل

من طرف **الجبالي** 8th يوليو 2011, 21:04

ياخوانا البوست شيق وهادف ورغم خطورة الموضوع والاجتماعات التي عقدت والقرارات والبيانات والمنشورات والاوامر التي صدرت احس بأن هناك تهديد صريح وخطه محكمه ومدبره بعقليه نسائية دفاعيه ماكره وماهره
ومن هدا المنطلق سوف اقود حمله كبري بقياده الحادبين علي مصالح الاسره بمعاونة منظمات تطوعيه لها باع في مجال الاسره تعني بأمور (الرجال المتزوجين من واحده ) نقود حمله
ضد الدورة التدريبية التي تستهدف نساء الرجال لاجهاض محاولتهن تربية عضلاتهن لمواجهة الرجال
وكخطوه أولي التدبيل واجب وطني ثوره ثوره ثوره ثوره وحتي لايموت الرجل تحت عضلات زوجه واحده عليكم انصاري بالتدبيل لوقف الزحف
لكما جميعاً احترامي وتقديري
اقبال لك الود كله والتقدير

الفيك اتعرفت ياالجبالي..وجماعتك في اضعف قواهم..ولاحياة لمن تنادي..اخير ليك انضم لينا لأن الحكومات لا ترحم

التدبيل واجب وطني
يا الجبالي دا كلام شنو يا اخوي ....
اقبال سلامات مشتاقين
تحياتي

صبوحة شوقنا اكتر والله
اخبارك والعيال؟
الجبالي يااختي جبنا فزع بقى وجع

المناضلة اقبال
الجبالي ده واقف معاكم عديل بس هو بعمل حركات عشان الجماعة ما يراقبوه وبعدين يعطلو تحركاته... وافيدك بانه اتصل علي واكد لي موقفه الثابت والقوي في صفكم ومؤمن ايمان قاطع باهدافكم الثورية وبدستور الجمعية الذي يكفل للمراة حقوقها الشرعية..
الف تحية

فيصل خليل حتيلة كتب:

اعتقد ان الاخبار المزكورة دى لا علاقة لها بالواقع و الجبالى ابدى الرغبة فى نادى الضباط امام كل الاعضاء

يا اقبال و اما مهندس ياسر فهو الأخر موقفه غير واضح

النواحى الامنية غير مستقرة و هناك تفلتات امنية هنا و هناك لا سيما فى اوساط الحركات المهاجرة

يبدو ان الاعلام فعلا مضلل

الاخت اقبال صباح الخير

اعلن في هذا الصباح انضمامي للجمعية
وان اطيع الولية
وان اسلم لها الماهية
وان اغسل العدة صباح وعشية
وهذا رائ للاهمية
تحياتي

الباش مهندس ياسر جامع
المناضلة اقبال في رحلة عمل خارج العاصمة للاشراف على تخريج الدفعة13 من المنضمين حديثا للدورات التدريبية..
وانا وبصفتي الرئيس الفخري للجمعية ارحب بشدة لانضمامك لنا خاصة ونعلم انك مؤهل علميا وعسكريا فالف مرحب بك ..
الف شكر

الاخ ياسر
سلامات
نرحب بانضمامك الينا
منور

أفـــو ياسر Exclamation

أين أنت يا دكتور الجنيد Exclamation

عثمان محمد يعقوب شاويش كتب:نحن القوات الصديقة الموالية للحريم ....

افو ياسر؟؟ دة ماكلامك يا استاذ شاويش؟؟ انت مسجل ماتتزاوغ

الف مرحب بيك ياباش مهندس..
الامور تسير تمام في مراكز التدريب استاذ محمود..وسيحضر احتفال التخرج الامين العام للامم المتفقة( فا مي تون )ودي اختصار للفاتح محمد توم وقد قرر بدعم مراكز التدريب ب7 الف مدرب

الخبير محمود مساء الخير .....
أولاً كل المنضمين " لا حقاً "يجب اختبارهم لمعرفة نواياهم الحقيقية...
طبعاً أنا جادي ( قرابة_صداقة_ خوة ) في الحاجات المصيرية دي مابتنفع...أولهم قريبي الجبـــالي ... "لأنو يمتلك خواص التخفي ..."
أبو اليــاء " ياسر ".... رغم إنو مضمون
إلاّ أني أخشى "إشششش " كده ....يعني تشويش....
هذه الإجراءات الإحترازية اتخذت :
لأنه سبق ولم نختبر أحد المنضمين الجدد ......" راس السوط مشى بفوق علينا"
يعني "GrayLand" مابتنفع معانا أما الــ"Gray Area" تب تب مامعانا ....
بالمناسبه لهم كتابات مثل "DreamLand" وما شاكلها ....
وبالمناسبة.....مالقينا فيهو ألألفاظ " مهر .. أو قليل.. قدر ظروفك.. وبركه ...وكده "
إقبال .... " أنا متابع ... وجات اللحظه"
شفتي براكي الــProposal في البوستات ....
الدعم سيصل قريباً...
سنمررو على الخبير/ محمود بمكة أولاً...
ومن جده حنقول ليكي خطوات الضمان و الســلامة...
تحياتي ليكم جمين
( فا مي تون )....

نعم اخي محمود نحن القوات الصديقة الموالية للحريم ...لكين غسيل العدة ...ووريك الخضرة ما معانا ..... معزتي ...

الاستاذ عثمان
موافقتك بالتسجيل في الجمعية دليل على ايمانك بنظرية اقتسام السلطة والثروة..
ومبدا العدالة والمساواه بين الرجل والمراة في دستور الجمعية يعني تحقيق المساواه في الحقوق والواجبات .. وتحقيق هذا المبدا يقتضي التعاون معها في ادارة شؤون الاسرة كاملة من تربية وتدبير ومطبخ وغسيل ملابس وغسيل عدة ووريق الخدرة وتقطيع البامية والتسلح بالكمشة والمفراكة وغيرها من الاشياء!!! ومافي اي مفر يا شاويش انت سجلت وانتهى الموضوع وسنرسل لك بطاقة العضوية مع الفاتح التوم لانو جاي يستلم بطاقتو..
الف شكر

اتبلبلت تعوم يااستاذ شاويش ..واستاذ محمود نورك تاني ترمي قدام بس.

ههههه هههه
والله يا عثمان ضحكتني بالاتعلم الصنئي
وخلاص نحن موافقين على شروطك التفاوضية على ان تقوم بتادية الادوار الباقية مع مرور الوقت والتاقلم على جو الحرية والديمقراطية الذي ستنعم به مع ناس الاقليم الجنوبي, والاتفاق الاطاري بتاع ياسر جامع ايضا من ضمن الأتفاقية
الف شكر

مساء الخير عمو شاويش ...
استلمت البطاقة من أخوي محمود منصور .... وستصلك عبر " النقل الجماعي "
ومعاها " زمزم " كمان
وريق الخضرة وفرك البامية معانا .....
بس عايزينك تدينا بكية مع قطيع البصل
لك التحية .....
تخريمة :
الرياض كان سخنت ... شوف ليك خميس جمعة ورطب في الطائف
مع الأخ عوض الله شاويش .... وفيها تعمل ليك عمره
وتلاقي محمود منصــــور....

هوي اقبال احسن تخلي البلبصة دي شكلك دايره يعرسو فيك .امدلاديمك دي مافي زول بتحملها ليك. اتي كن كي الراجل دا ماقطعتي قلبو نبغ وامدلاديم وكوافير وطبيخ وبتاني سفر بره البلد دي ازول دا احسن خلي يشيل نفسه شويه كده. انا غايتو كن لميت في راجلك دا بحرشه فوقكي عشان يديكي الكرت الاصفر. وبقول ليهو المره دي حمر ليها في عويناته النجاض ديل ماترمش منها