ابوجبيهه

كلااااااام سودااااانى جاااااكم ...... بنـات افكـار

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي اذهب الى الأسفل

كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 13th مارس 2011, 15:02

بسم الله الرحمن الرحيم
سلاااااااااام جااااااكم
اهلى الطيبين تمنياتى لكم بالصحه والعافيه واللقمه الحلال الدافئه مع انى ما عارفه هم الناس قصدهم شنو بالدفء فى اللقمه هل بقصدوا حااااره او حلوه او طااااااعمه او بمعنى اخر الله يعلم على العموم الناس بتقول ونحنا على طول طواااالى بنقول زيهم وكمان ما عارفه فى الجو السخن ده الاكل الدافىىء ح يكون كيف من ناحيه صحيه .
ارجع لموضوعى الاساسى الذى من اجله جاءت فكرة كتابه هذا البوست هو اننا فى مجتمعنا بنقول بعض الكلمات وبنستعملها كثير جدا و بندخلها فى جمل كثيره جدا فى اثناء الكلام .
ولكن مرات كثيره بنكون ما عارفين المعنى بس بتجى مع ايقاع الكلام وح اوضح ليكم بامثله وانتو كمان برضوا تكتبو اتفقنا ؟ عن نفسى وطريقة استعمالى للكلمات مربوط بالبئيه الحولى امى حبوبتى و الاهل والجيران ..... والخ وذى ما بقولوا الانسان ابن بيئته يعنى يتأثر بما حوله ويؤثر على الاخرين فى كثير من الممارسات مثلا العادات والتقاليد سواء كانت سلبا او ايجاب
اقصد فى هذا البوست نحاول كلنا قلت كلنا يعنى كل واحد منا بستعمل كلمه اوعباره يكتبها او يذكرها والناس العارفين يفسروا لينا لانو انا متاكده عندنا خبراء كتااااار فى المنتدى والحمدلله مثلا

ازهرى الحاج (خبيروطنى كبير)
غريق كمبال (زعيم )
عمو عصمان شاويش(خبير مع شوية تخريمات)
فيصل خليل (بداقش معاكم)
ايمان عبد الرازق (نجيضه بت حبوبات)
سهاد بت خالى (خواجيه بت بلد)
ابوهريره (لقاى حجج)
الفاتح محمد توم ( فنان شديد ولضيض)
ول نويه (بعافر بلحين )
بقية العقد الفريد
ومنكم نعرف ونستفيد
وهذا ليس للحصر اكيد كلكم بسم الله ما شاءالله عينى بارده عليكم
معليش يا جماعه اعطيت نفسى الحق اهااا قولى لى فوق شنو ؟ فى السمايه الليلت الاقواس دى والله يا اهلى الغالين ده كلو من باب المحبه ودعم البوست ان اخطأت من ناهد وان اصيبت من الله
اقعدوا عافيه
ولكم احترامى وتقديرى


عدل سابقا من قبل ناهد عبيد في 26th أبريل 2012, 11:24 عدل 1 مرات
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 13th مارس 2011, 15:07


اولا :-

زول يناديك ويتكلم معاك ما تفهم كلامه تقول ليه شننننننننننو ؟ يرد عليك
شنينى ام قرينات
والله انا بقولها لكن ما عارفه معناها شنو

اهاااا يا جماعه
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف فيصل خليل حتيلة في 16th مارس 2011, 12:16


ناهد سلامات

بالضبط كده كثير ما نستعمل بعض التعابير ( سميها ) و الكلمات الشائعة فى مجتماعتنا دون توخى المعانى.

الآن دخلت كثير من التعابير ( Phrases ) فى قاموسنا مثلا ( عربى جوبا ) ( الرندوق ) الى أخره.

شنينى ام قرينات يا ناهد ( الشينينى ) هى نوع من النمل له لدغة سخنه جدا و هذا النوع من النمل دائما ما يتحرك

فى مجموعات .

والله اعلم

بوست يستحق مشاركة الكل.

يلا يا اوبنوال و ودنويه ( رندوق ) و عمو عصمان و الفاتح و كل ( العيين )

تسلمى ناهد
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف محمد قادم نوية في 16th مارس 2011, 14:47

شكراً ناهد علي الفكرة الجميلة وكلامك" قزاز" وقزازدي برضو في ناس ممكن يفسروها
وحنجي طبعاً بكلمات كتيرة بس خلي الأعضاء يرموا صاجاتم ؛ وتكون مشاركاتم هي الصاجات وعلينانحنا بالحفر
تحياتي؛؛؛؛؛؛؛؛؛؛؛؛؛؛
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف فيصل خليل حتيلة في 16th مارس 2011, 14:54


شفتى يا ناهد

دا الرندوق ولا بلاش يا نويه.

هاك الصاجة دى .

شكرا يا جامد.
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف غريق كمبال في 16th مارس 2011, 15:25

شكرا يا نا هد على هذا البوست وحقيقه هناك كلمه يقولها معظم الناس عندما يقع امر مفاجى وانا واحد من الذين اعتادو على النطق بها كلما كان هنالك امر مفاجى وهى كلمت 000امك000السر شنو ؟؟؟؟؟علما ان هذه الكلمه تقال بعفويه 0000انا ما عندى تفسير مقنع 00000عاونونى على فهم هذه العاده 0000شكرا
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 17th مارس 2011, 10:19


سلامات وصباحكم عديل وزين اهلى الزنين

اشكركم على المرور والمشاركه فالبوست محتاج
لمشاركات الكل

فيصل قال .... ( الشينينى ) هى نوع من النمل له لدغة سخنه جدا و هذا النوع من النمل دائما ما يتحرك فى مجموعات الله اعلم

شكرا لك ونحنا راجين التفاسير الاخرى


غريق قال ...........كلمة امك تقال بعفويه السر شنو

والله صاح يا غريق يا جماعه افيدونا افادكم الله
شكر لك غريق


ول نويه حبابك .... قزاز

يا ربى القزاز بمعنى الشفافيه او حساس قابل للكسر والله اعلم


الكلمات اذا هى :-

* الشينينى ام قرينات

* امك بتلقائيه اثناء الكلام

* قزاز




ولكم احترامى
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 17th مارس 2011, 10:30


القاموس الرائع فى الذمن الضائع

نقلا عن الاستاذ :الفاتح جبرا

فى أيام شبابنا الباكر ظهرت فى العامية السودانية بعض الألفاظ التى لم نكن يعرف مصدرها لكننا كمراهقين فى ذلك الزمان الغابر كنا نستخدمها مع بعضنا البعض كلغة شبابية جديدة وهى عبارة عن كلمات متجانسة أذكر منها (السنقة فى الرنقة) (والعملية فى النملية) . وعلى الرغم من أن هذه العبارات عبارات خاوية لا تشير أو ترمز إلى شئ معين إلا أن الوالد عليه رحمة الله قد (قبضنى) ذات يوم أردد إحدى هذه العبارات فكاد أن يصاب (بجلطة دماغية) وبعد ان أرغى وازبد قال لى :- شوف يا ولد ده بيت محترم لو عاوز تتكلم جنس الكلام ده فتش ليكا بيت تانى .مناسبة هذه المقدمة هو أن جارتى (س) قد حكت لى وهى شبه منهارة أنها لاحظت أن إبنيها المراهقين يتحدثان بلغة غريبة عليها لم تفهم منها شيئاً ، قلت لها إن الأمر بسيط فما عليك لا التوجه للمكتبة القريبة من المنزل وشراء كتاب (القاموس الرائع فى الزمن الذى قام بكتابته (واحد من شباب اليومين ديل) .قامت جارتنا (س) بالذهاب إلى المكتبة وشراء القاموس وبعد أن قامت بتصفحه أصابها الهلع لما قرأته من مفردات ومصطلحات يستخدمها شباب اليوم.فى مساء ذات اليوم سمعت ابنها الأكبر يخاطب شقيقة :- أيه رأيك نقوم ندقس الجلكين ونديهو (مكنة) نقول ليهو معانا واحد زميلنا أبوهو إتلحس عشان يعمل لينا (زيدان أبراهيم) للضحاكات نقوم نظبط بيها (عشة الفلاتية). ما أن إستمعت جارتنا (س) إلى ما قاله إبنها مخاطباً شقيقه حتى قامت بتصفح (القاموس) بسرعة فى محاولة لفك الرموز لتجد أن الترجمة هى :- أيه رأيك نقوم ندقس (نغش) الجلكين (الراجل الكبير يقصد والده) ونديهو مكنة (كضبة) نقول ليهو واحد زميلنا أبوه إتلحس (مات) عشان يعمل لينا زيدان أبرهيم (زياده) للضحاكات (القروش) نقوم نظبط بيها عشه الفلاتية (العشاء).بعد خروج ابنيها عشان يعملو (عشة الفلاتية) بعد ان مشت (المكنة) فى (الجلكين) جلست جارتنا (س) ممسكة بالقاموس وقد ألت على نفسها أن تقوم بحفظه (صم) حتى تستطيع أن تتعرف على ما يقوله ابنيها من كلمات وعبارات وتراكيب بعد أن أضحت هذه اللغة هى لغة التخاطب بينهما فى كثير من الأحوال.فى اليوم التالى بينما كانت (س) وابنيها يجلسون يتناولون الشاى بالمنزل بعد عودتهما من الجامعة سأل الأخ الأصغر شقيقه :- عملتا شنو مع (الحنان) القاعد (تحنك) معاهو اليوم كلو فى الكافتيريا ده؟ تعرف اليوم كلو أقعد (أحنك) ليك فيها لكن هى عاملة ليا (عبدالعظيم حركة) بس أنا مرات بعمل ليها (الفاتح النقر) ومرات كده بعمل ليها (عمر إحساس) وكم مرة كده عملت ليا (شرحبيل أحمد) لكن أنا ح أقوم أعمل ليك (جوزيف لاقو) واقوم أمشى أعمل ليك (محمود الخطيب) للبقاقة دى قالو أبوها (مقندل) وماسك كهرباء شديده. - طيب أفرض قال ليك إنتا لسه وعمل ليك (الجزيرة أبا) ؟- ما مشكلة بعمل للموضوع (كمال ترباس) طوالى - طيب وكان ورطك وقال ليك عمل ليكم (إيهاب توفيق) ؟- خلاس أقول ليهو نعمل (عقد الجلاد) بعد ما نتخرج - طيب أفرض قال ليك تعمل (عرس الزين) طوااالى- ما (بدق ليهو جرس) طوااالى - وكان أصر على (عرس الزين)؟- بسيطة بعمل ليهو (الفتيحاب)معانى المفردات :-
الحنان = الحبيبة- أحنك = أقنع - عبدالعظيم حركة = عاملة حركات- الفاتح النقر = بيفتح ليها كناية على عدم الإهتمام - عمر إحساس = يعمل فيها حساس - شرحبيل أحمد = الشرا وعدم الحضور للمواعيد- جوزيف لاقو = مجازفة- محمود الخطيب = الخطوبة- مقندل وماسك كهرباء شديده = مرتاح وعندو قروش كتيره- الجزيرة أبا = رفض-عقد القران كمال ترباس= يقفل على الموضوع - إيهاب توفيق = الموافقة- عقد الجلاد = عقد القران - عرس الزين = الزواج- دق جرس = للرفض بشدة - الفتيحاب = يفتح ليهو
وسط دهشة ابنيها ما أن إستمعت (س) لذلك الحوار حتى هبت واقفة: هووووى يا هوووووووى يا أولاد إنتو قايلينى (فاره) وما (ناقشة) حاجة .. إنتو ما عارفينى خلاس بقيت (تفتيحة) وشايلا (مفاتيحا) .. هوووى يا أولاد أقيفوا بعيد (وجرو شخيط) وأوعكم تقيفو فى الظلط وتتكلمو غلط ، أبوها شنو (المقندل) وماسك كهرباء .. نحن ذااااتو هينين ولا لينين نحمد الله الغدا ضأن و التحلية برتكان والعشا حمام و التحلية شمّام و تربية بيت و فرش موكيت ولدونا فى الإمتداد و حبّينا فى البلاط .. قال شنو يمشى يعمل عقد الجلاد .. إنتا لسه بصرفوا عليك يا الما عارف أيدك من كرعيك .. يودوكم للقراية تحنكو (الجكساية) .. (وهى تجر فيهم نور طويل) - سجم و كمان عدم فهم ؟!!- (فى صوت واحد) : معقوله؟ الحاجة طلعت تفتيحة !

كسرة :

.. إيتها الأمهات . أيها الأباء. عليكم بإقتناء القاموس الرائع فى الزمن الضائع حتى لا تكونوا فارات والاولاد يدقسوكم


avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف محمد قادم نوية في 17th مارس 2011, 11:34

الدارجية السودانية اجمل دارجية (اللغة العامية) ..علي ما اعتقد.
و لكن بها كلام او مصطلحات للان ما وجدت لها تفسير منطقي

مثلا الواحد يقول للشافع..(امشي اقفل باب الشارع)..القصد..باب المنزل.
هل للشارع باب!!!!!!!

وآخر يقول (اشتريت لي رقبتي جزمة جديده)..يقصد ..طبعا مافي داعي لشرحها..
لا ادرى اين تلبس الجزمة!!!!في القدم ام في الرقبه
!!!!!!
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف فيصل خليل حتيلة في 17th مارس 2011, 11:56


ههههههههههههههههههههههههههههها

قلت اعمل جوزيف لاقو مع ول نويه لبعض المصطلحات نجاسف بيها مع ناهد لكين عمل الجزيرة ابا

قال لى خلينا من الحنك و بالتالى مكنتى ما مشت فيه لانو عامل فيها فتحى شيلا .

طبعا يا جامد انت جاى للحنان عشان تشوف موضوع محمود الخطيب لانو شايف كهربتك عالية جدا

ناهد كتر خير والله نسيت نفسى ياخ

بس
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف الفكى السيد في 17th مارس 2011, 16:20

شكرا ناهد وغالبا مثل هذه المفردات وليدة تجارب المجتمع وهى لابد منها لان المفردة مستهلكة وتؤدى الغرض
احيانا الناس بقولوا على الكلام المامضمون يقولوا ليك ( دا كلام بنات معديات بنات ) والله كان شفتى ارررررررررررررررررررررررر بقى الشمار
شكرا ناهد
الفكى السيد

الفكى السيد
عضو جديد


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف الفاتح محمد التوم في 18th مارس 2011, 19:20

شكراً أختي نــاهد على القاموس ......
عشان مانكون فارات وندقس

ألليــــله و الليله ياول نويه .... كلام فيصل دخل الحوش
معزني يا حبتين ....

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف فيصل خليل حتيلة في 19th مارس 2011, 11:34

الفاتح ما تقيف فى الظلط و تتكلم غلط ول نويه جلانى الليلة عشان عبدالعظيم حركة بتاعتك دى.

شايفك مفتح نمن غلط يا فاتح.

قالوا كل المغتربين شتتوا من فلسطين مباشرة الى غانا.

تحياتى
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف محمد قادم نوية في 19th مارس 2011, 12:05

سلام علي كل الرنداقيين وإجازة سعيدة إنشاء الله
بس كنت لي في مشوار وكدا خلونا نشوف الدنيا فيها شنو ونجيكم .واخينا الفاتح ده شنو كبّ من آخر الجيب دا وأدانا جمال خطواتو
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف الفاتح محمد التوم في 19th مارس 2011, 14:10

طيب "باص " يافيصل
أهو حبيبنا محمد ظهر ...وأنا " حأقوم صــوف "
****************
بالله يا ناهد " تسمني " : عرفنا معتاها
لكن " سجم خشمي " معنــاها شنو ؟؟؟؟؟

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف فيصل خليل حتيلة في 19th مارس 2011, 14:38


شكر الله خلف الله يا فردة و شايف المان مظلل قزاز و حافظ للوداد.

( وا فليلى )( من قاموسنا ) يلا يا ناهد

تسلموا يا راستات
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف صباح حسن عبد الرحيم في 19th مارس 2011, 15:53

يديكم العافية يارب
يا فيصل خليل
وا فليلي دي معنااااااااااها شنو؟؟؟؟؟؟؟؟
احترامي

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف فيصل خليل حتيلة في 20th مارس 2011, 10:38


صباح الخير يا اهلنا

الشينينى ام قرينات

قزاز

امك

باص

سجم خشمى

وافليلى

شايف البورداب عملوا الفاتح سرالختم للموضوع

اتحركو يا شباب
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف صباح حسن عبد الرحيم في 20th مارس 2011, 12:55

ازيك يا فيصل
ما عاملين الفاتح سر الختم ولكن عاملين
فتحي شيلا

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 20th مارس 2011, 13:30

الفاتح محمد التوم كتب:
شكراً أختي نــاهد على القاموس ......
عشان مانكون فارات وندقس

ألليــــله و الليله ياول نويه .... كلام فيصل دخل الحوش
معزني يا حبتين ....



شكرا الفاتح اخوى انت عارف جماعتك قلنا يحلوها عقدوها الله يستر على قول ول نويه بالجد فى كلمات فى العاميه يصعب ان نجد لها معنى ولكن لكم اجر الاجتهاد اهو نحاول مع بعض نعمل حاجه
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 20th مارس 2011, 14:25

الفكى السيد كتب:شكرا ناهد وغالبا مثل هذه المفردات وليدة تجارب المجتمع وهى لابد منها لان المفردة مستهلكة وتؤدى الغرض
احيانا الناس بقولوا على الكلام المامضمون يقولوا ليك ( دا كلام بنات معديات بنات ) والله كان شفتى ارررررررررررررررررررررررر بقى الشمار
شكرا ناهد
الفكى السيد



شكرا الفكى السيد على الطله والمرور والمشاركه اذيك انت واحوالك ابقى ظاهر وما تغيب لك تحياتى

طبعا( دا كلام بنات معديات بنات ) دى والله حلوه
فى الحقيقه كلام البنات وهن معديات بكون فى الباب وعلى عجاله وكضب سااااااى يعنى ما مضمون
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 20th مارس 2011, 14:31

فيصل خليل حتيلة كتب:
صباح الخير يا اهلنا

الشينينى ام قرينات

قزاز

امك

باص

سجم خشمى

وافليلى

شايف البورداب عملوا الفاتح سرالختم للموضوع

اتحركو يا شباب





اتحركوا يا جماعة الخير

[color=red]الشينينى ام قرينات

قزاز

امك

باص

سجم خشمى

وافليلى

avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 20th مارس 2011, 14:35

لهجتنا السودانية واحدة من اروع اللهجات
فيها الموسيقى التصويرية للاشياء بصوره لذيذه ومشوقه زي واحد يقول ليك فلان مشى سريع فووووووووو وعلان جاي داخل تووووووش وقفل الباب تااااااااااااااااح وغيرها
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 20th مارس 2011, 14:38


مشى فلان سريع فووووووووو

دخلت فلانه توووووووووش

وقفل الولد الباب تاااااااح



بالجد روعه فى التصوير
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف محمد قادم نوية في 20th مارس 2011, 14:48

مرحب بيك يا أختنا ناهد وحمداً لله علي السلامة..وشايف الجماعة واحد واحد بدو يمرقوا
مشتاقين ياقزاز ونأسف للتأخير زي ماعارف النحل وتكاليفوا حاولنا نعمل منّو من أبوجهل وكدا بس ماف طريقة غير إنو نقوم نعمل رضينا وكدا
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف فيصل خليل حتيلة في 21st مارس 2011, 10:28


قزاز يا حبه.

لو حاولت تعمل رضينا للنحل كهربتك بتنزل عشان كده الجزيرة ابا هى الحل الوحيد.

وين ابو د.نوال يا عالم (ازهرى الحاج جا مارى بهنا )

تسلمو

avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف فيصل خليل حتيلة في 21st مارس 2011, 13:00


تعرف يا جامد

المهمة بقت صعبه

قزاز
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 21st مارس 2011, 13:51


هوووووووووووى وتاااااااانى هوى فيصل ومحمد نويه انتو بتقطعوا فينا ولا شنو ؟؟ انقرعوا وقولوا كلام عدل والبيتو قزاز ما بجدع الناس
*********************************
ودنويه ما تعمل فيها مودر ورائح ما تقضوها لينا قزاز وفتايل
وجامد وسائح
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف عثمان محمد يعقوب شاويش في 21st مارس 2011, 15:17

الرائعة إبنتي ناهد ... بالجد مواضيعك دايماًجميلة ، وحية ...وصدقيني أتوقع لك مستقبل مشرق ...
تخريمة ... حلوة وبطعم السكر...
وكنا زمااان في أبوجبيهة وقبل أن نختلط ببعض القبائل الأسيوية ...لما الواحد يحاول يلف ويدور عليك تقول ليه إنت قايلني أنا : هندي !!!؟
وبعض أن إختلطنا مع الهنود والبنغلاديش ...وجدنا فعلاً فهمهم وإستيعابهم للعربية متعثر جداً وتعاملهم متعثر ...ولكنهم في نفس الوقت أذكياء ...
وتخريمة بالجد : البنغلاديشي تأخر حوالي 6 شهر ولم يتعلم اللغة العربية ، أخوه قال ليه : إيش هادا هذا سوداني يجي سعودية 2 شهر بس وبعدين عربي ميه الميه ليش إنت 6 شهر مافي تعليم عربي ... الخرفان فاكرننا ما بنعرف عربي ... وطبعاً من أفضل مستخدمي العبارات الطريفة هم سائقي العربات والمساعدية .
ومن العبارات مثلاً عبارة: [ حبة ] ولا شنو يا حبه ؟؟ للمذكر طبعاً؟؟؟
وتفضلي بقبول إحترامي .( الضيوف كيف ؟؟؟)
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف محمد قادم نوية في 22nd مارس 2011, 14:27

فيصل خليل حتيلة كتب:
تعرف يا جامد
المهمة بقت صعبه
قزاز
شنو ياعم ماكبيت لينا حاجه هنا صاني كده تعال بالعندك بالله زي مابقولوا في الغناء
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف فيصل خليل حتيلة في 22nd مارس 2011, 14:41

عمو عصمان تخريمتك حلوه يا حبه

ناهد نتمنى ليك مستقبل مليئ بالنجاحات و الانجازات يا زولة.

محمد نويه بت عمك دى خوفتنا عديل كده رايك شنو يا جامد نواصل و لا ننسحب.

ول ابا نويه انا قل ليك امى حجرتنى من دواس العيين

تسلموا كلكم
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 23rd مارس 2011, 10:35


عمو شاويش لك التحيه شكرا على المرور والفكاهه قلت لى الهنود اذياء وده المحيرنى فى قايلنى هندى يبدو انو قايلنى زكى وبفهمها وهى طايره

لك الشكر
ناس البيت بسلموا عليك


اذن نضيف للقائمه كلمة حبه
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ندي هاشم في 27th مارس 2011, 09:50

Mad Laughing Sad ظريفين بشكل وانا عارفه إنو في معلمين في اللغة العصرية دي لابد لنا من معرفتها
لسه ياودقادم اعملوا لينا زيدان إبراهيم في الرندوق ده
تحياتي
avatar
ندي هاشم
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف محمد قادم نوية في 27th مارس 2011, 10:43

بناءاً علي الطلب حنعمل زيدان إبراهيم ....
أخلاقو فى مناخيرو : تقال للشخص كناية عن (بالو الضيق) كون أنه مستعد للشجار و(الشكل) لأتفه الاسباب وهذه الخصلة تكاد تكون ملازمة للموظف أو العامل (الما مقتنع) بى شغلانيتو.
- بيأذن فى مالطه : يطلق هذا القول للشخص الذى يتحدث بجدية فى شرح موضوع مهم والمستمعون حوله مشغولون بامورهم ولا يعطونه اى اهتمام أى كحال شخص يؤذن للصلاة فى بلد خال من المسلمين فلا يجد إجابة!
- من إيدك دى لى إيدك دى : عبارة يقولها المرشح للناخب عند الإنتخابات وتصبح غير ذات قيمة بعد فوزه لأن (الناخب) عندها مش ح يكون عندو (إيدين) خالص!
- الموضوع طلع من أيدو : عبارة يقولها لك الموظف عندما تبطئ فى إعطائه (المعلوم) وترجمتها .. (يلا ورينا شطارتك)!
- خشمو فاكى :تقال للشخص الذى لا (يمسك السر) والغريب فى الأمر أن هذا الشخص فى العادة يبدأ حديثه بعبارة : أقول ليكا (سر)!!
- كراعو حارة : تقال للشخص الذى تأتى الكوارث متزامنة مع قدومه وتكثر هذه المقولة عند (إنقطاع التيار الكهربائى) لأنو لازم يكون فى زول (فى نفس الوكت) دخل ليهو حته!
- عينو حارة : تقال للشخص إذا قام بالتعليق على شئ ما وأصاب ذلك الشئ مكروه كذلك الشخص الذى رأى (سخل) يقف على (تربيزة) فقال: الشئ مكنة خياطة !
- لا بهش لا بنش : يقولون ان فلان لا بيهش ولا بنش يعنى (لا بيحل لا بيربط) دلالة على سلبيته مما يؤكد تماماً إنو قاعد ساكت ومرتو بتصرف على البيت !
- جلدو تخين : تقال للشخص متبلد الشعور وما (بحس) وهذه صفة تتناسب طردياً مع حجم المسئولية التى كلما كبرت كلما إزدادت طبقات الجلد مما أدى إلى (تخانتو)
- بينفخ فى قربة مقدودة : يطلق على الشخص الذى حديثه أو كتاباته لا تأتى بمردود (وما بتجيب نتيجة) فيقولون انه ينفخ فى (قربة مقدودة) لأنك مهما نفخت فيها فإن نفخك يضيع هدراً.
- دمو تقيل : تقال للشخص الذى بطبعه ينعدم عنده الإحساس بالآخرين ولا يجيد قراءة وجوه من يخالطهم مثقلاً علي الحاضرين كذلك الشخص الذى يزورك عند التاسعة مساء دون سابق إنذار وأنت منهمك فى عمل ما فتجلس صامتاً ... ثم تدخل وتمرق ثم تغمض عينيك وتتثاءب .. وبعد أكتر من ساعة يقول ليك : كدى أفتح لينا (الجزيرة) نشوف الحاصل شنو؟
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف فيصل خليل حتيلة في 27th مارس 2011, 10:57


تسلموا يا شباب و كلامكم قزاز

اول حاجة يا نويه جر شخيط

- من إيدك دى لى إيدك دى : عبارة يقولها المرشح للناخب عند الإنتخابات وتصبح غير ذات قيمة بعد فوزه لأن (الناخب) عندها مش ح يكون عندو (إيدين) خالص!

كتلتنى بالضحك الله يجازى محنك ول نويه

شكرا على الاضافة الجميلة يا حبه



avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 27th مارس 2011, 12:59



شكرا ندى هاشم على المرور وما تنقطعى
ولك شكرنا

**********************************


محمد نويه اخيرررررررا يا اخوى
والله ما بتقصرودى المحيريه فيك

فيصل خليل جلدو تخين وعامل فيها الكلاكه اللفه


واقعدوا عافيه
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 4th أبريل 2011, 14:34

سلامات

اهاااااااا نجى لكلامنا البنقوله ساااااى وما عارفين معناه شنو
مثلا

تعالى هنا يا بت انتى ماشه وين ترد ماااشه
السماء الاحمر

هل يا جماعه فى سماء احمر واخر بالوان مخلتفه ؟؟؟؟؟؟؟
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 6th أبريل 2011, 10:57


وعندنا كمان الالوان بنستخدمها بطريقة ظريفة
مثلا
يقول ليك فلان لونو اخضضضضر وعلان لونو اصصصصصفر والزول الاحمر داك
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 14th أبريل 2011, 13:25


انا جيت والبركه الجيت فكا حاجه كونى ارحب بجيتى

سلامات

يقولوا ليك فلان ايدو طويله بمعنى فى الاثنين واحد اما كريم جدا او بضرب يعنى بالعربى الواضح زول صعب وبستعمل ايدو

avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 18th أبريل 2011, 13:26


يقولو ليك فلان ده كلامو برمى دليب شديد

المقصود هنا قالوا الكضب طيب ليه اختاور الدليب والله ما عارفه

****************************************

avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ود عشمان في 18th أبريل 2011, 14:48

ناهد ,,

انتي تتكلمي كيف الدليب لو وقع في راس الزول ما بفهقو ..
avatar
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 25th أبريل 2011, 13:14


سلامات

سمعتو يقولوا ليك الضريب كسار العناقريب ودى كماااان معناها شنو


لكم التحيه

واقعدوا عافيه
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف الفاتح محمد التوم في 25th أبريل 2011, 13:45

سلام لجميع الحضور
والله ..رايعين .....
غايتو أكتر كلام ضحكني " فلان روحو روح كلب "
يعني عمرو طويل ..... يقال " بسخرية "لكبير السن الذي يمرض طويلاً ....وفي نفس الوقت جماعتو زهجانين منو... لكن الراجل كلما دخل المستشفى بيطلع معاه العمــود وترمسة الشاي ....
عندما يسأل يقول " وهو صادق " الحمد لله "لكل أجل كتــاب " و " المرض مابكتل... واليوم ما تمّــا... "

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف فيصل خليل حتيلة في 25th أبريل 2011, 16:10


هههههههههههههههههههها

والله كتلتونى بالضحك ( الله يديكم العافية )

بمناسبة المرض دى شفانا الله و اياكم

يقول ليك الزول دا بيصارع فى المرض ( الصراع الواحد بتاعنا ) ولا مصارعة حره.

تسلمو
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 28th أبريل 2011, 14:41


يا اهلنا كيفنكن

كماااان يقولوا ليك الزول ده بسبع ارواح زى الكلب يا اخوانى والنبى افتونى هل الكلب بالصح عندو سبع روح ولو ما عارفين اسعلوا ليا دكتور الجنيد

شكرا للمرور

واقعدوا طيبين
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 24th مايو 2011, 13:54


يمه(حاجه غنيه) الله يديها الصحه والعافيه يارب يارب

بتحكى لى امس فى قصه جميله لكين طويله سمعت جزء منها لانى كنت نعسانه وفى نص الكلام قالت لى كلام عجيب خالص واليكم

والله يا.....بتى فلان ده بقالط زى المجضم

والله ضحكتا ضحك شديد
يا اخوانا بصراحه كده قولو لى علاقه الجزام بالقلاط شنو حمانا الله واياكم

ولكم تحياتى
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 3rd يونيو 2011, 15:19


تاااااااانى يقولوا ليك هييييييي انا قاق امك ولا قاق ابوك

كنت فاكره الكلمه جايه من القوقو اى والله

لكن اتضح لى المقصود منها انو انا قريبك من امك ولا ابوك حسع بذمتكم دة عربى دة ماعارفه جابوها من وين اكيد بنات افكارهم

واقعدوا عافيه
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف محمد قادم نوية في 24th يوليو 2011, 11:18

يا أهلنا الأخت ناهد عبيد وين الدار الأكلتا ؟ نأمل أن تكون بخير
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 20th مارس 2012, 11:45

محمد نوية كتب:
يا أهلنا الأخت ناهد عبيد وين الدار الأكلتا ؟ نأمل أن تكون بخير



سلام ول نويه .... البوست ده للاسف ليا سنه كامله منا عيب الشؤم

وبرجع ليكم توه
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: كلااااااام سودااااانى جاااااكم ...... بنـات افكـار

مُساهمة من طرف ناهد عبيد في 20th مارس 2012, 12:46


سلامات

الكلام المن قمنا ولقينا اهلنا بقولوه وبنقوله على طول وموجود بس فى قاموسنا نحنا السودانين فى ناس يقولوا ليكا كلامنا جاف وماسخ لكين انا شايفه العكس ما جاف شديد وما طاعم حاااااار ههههههه بمزح معاكم كلامى ده هظار

عندنا الموسيقه التصويريه فى كلامنا فى وصف الاشياء اثناء الكلام وضرب الامثال لتسهيل وتوصيل المعنى وتقريبه ولا شنو ؟؟؟
طيب ادن معناه انو كلامنا حلو وما ماسخ ولا رايكم شنو

مثلا

مشيت ناس فلانه وخبطا الباب كووووو كو كو كوووو وبعد شويه جاءتنى بت فلانه كنتش كنتش كنتش

مثلا انا مشيت مشوار ورجعت تجى اختى تقول ليا ناهد مشيتى وجيتى هههههه

وفى الحكاوى نقول كن شوفتو قمنا ليك وقعدنا ليك





avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى