البلي جابوا ( العوير)
+4
يعقوب النو حامد
عثمان محمد يعقوب شاويش
jaber abdulsater mohammed
Ahmed Murhoum
8 مشترك
صفحة 1 من اصل 1
البلي جابوا ( العوير)
كل الحباكيين لهم ذكريات مع الإنجل والعوير وخاصة عوير ودالشاويش الله يرحمة بالجنة بشارع كلوقي القديم الذي من الناحية الشرقية من المحلج لكن جيل هذا الزمان لا يعرفون الإنجل لأنه تواري عن الأنظار لأسباب عدة يكلمنا عنها ابو الزهور، السؤال لماذا سمي العوير بالبلي جابوا؟؟؟؟؟!!! ولماذا يقوم هذا العوير بشلل الأغنام شللاٍ نصفياً عندما تتجرأ بأكله؟؟!!! ولماذا تأكل الجمال الإنجل من دون الحيوانات الأخري السؤال موجه إلي ضيفينا بالإستديو ابو الزهور وعمو عصمان مع تداخلات جنابو منقة+ فيصل خليل وكاموكا عبر الأقمار الصناعية ومشاركة الجمهورعلي صفحة الفيس بوك. اجيبونا افيدونا
Ahmed Murhoum- نشط مميز
رد: البلي جابوا ( العوير)
لانو سهل النبت ويتحمل العطس وينبت في اي طبيعة لذلك جاء التسمية ( بلى جابو)
jaber abdulsater mohammed- نشط مميز
رد: البلي جابوا ( العوير)
Ahmed Murhoum كتب:كل الحباكيين لهم ذكريات مع الإنجل والعوير وخاصة عوير ودالشاويش الله يرحمة بالجنة بشارع كلوقي القديم الذي من الناحية الشرقية من المحلج لكن جيل هذا الزمان لا يعرفون الإنجل لأنه تواري عن الأنظار لأسباب عدة يكلمنا عنها ابو الزهور، السؤال لماذا سمي العوير بالبلي جابوا؟؟؟؟؟!!!
شكراً إخي ود مرحوم على الموضوع الرائع ...
بس أحب أنوه لشئ في بوستك التوثيقي الجميل ... تصدق : الوالد : محمد ود الشاويش حي يرزق ...
وطبعاً لأنه مريض ...معظم الناس إعتبرت أنه متوفي ...ونحن نعتصر الألم في دواخلنا ونتمني له الشفاء في كل يوم لأنه والدنا ... وأعتبر مرضه إبتلاء من الله عز وجل ...ونحن في كامل الرضي والقبول بمرض الوالد ... ونسأل الله أن يكون باباً من أبواب الرحمة لشخصه الطيب العفوي ...شخص لا يعرف غير الصلاة ...طيلة حياته لم يشرب خمر ولم يدخن في كل حياته ...إنسان قويم معتدل جداً...وهو محب جداً للمسجد...وهو بطبعه متصوف ...وله لالوبة يقيم بها الليل في التسبيح وذكر الله...ولكن كثيراً ما نخفيها عنه ... ونسأل الله له الشفاء ...آمين ...آمين يارب ...
وفي تعقيبي على تسمية العوير :
وسمي العوير ...لأنه سهل المنبت ...والبلا جابو لأنه ينتشر بسرعة وصعب الإستئصال ...
وتفضلوا بقبول إحترامي ،،،،
عثمان محمد يعقوب شاويش- مشرف منتدى شخصيات من ابى جبيهه
رد: البلي جابوا ( العوير)
الاخ جاويش سلامات وربنا يديك العافية
انشا الله ربنا يشفى الوالد ود الشاويش ويمتعو بالصحة والعافية. وبالله لو اتصلت بيهو اغريهو السلام وقوليهو ولدك يعقوب النو بيطلب منك تدعو ليهو هو وعيالو بالشفاء والعافية.
انشا الله ربنا يشفى الوالد ود الشاويش ويمتعو بالصحة والعافية. وبالله لو اتصلت بيهو اغريهو السلام وقوليهو ولدك يعقوب النو بيطلب منك تدعو ليهو هو وعيالو بالشفاء والعافية.
يعقوب النو حامد- مبدع مميز
رد: البلي جابوا ( العوير)
العزيز احمد مرحوم...
سلام من الله والشفاء لوالدنا ود الشاويش
______
تسمية العوير منسوبة للعوارة فى انتشارة الغير محدود بمكان...
_________
اما البلا جابو نسبة لكلمة بلاء وجابو منسوبة للاتيان به
والشخص الزرع اول شتلة عوير جاب لينا بلاء عظيم لانه مضر فى كل الاحوال ... ودا بلاء وجابوهو لينا ( البلا جابو) والله اعلم
سلام من الله والشفاء لوالدنا ود الشاويش
______
تسمية العوير منسوبة للعوارة فى انتشارة الغير محدود بمكان...
_________
اما البلا جابو نسبة لكلمة بلاء وجابو منسوبة للاتيان به
والشخص الزرع اول شتلة عوير جاب لينا بلاء عظيم لانه مضر فى كل الاحوال ... ودا بلاء وجابوهو لينا ( البلا جابو) والله اعلم
ادم عيسى ابراهيم- نشط مميز
رد: البلي جابوا ( العوير)
اولاً سلامات يا أحمد مرحوم .. مشتاقين
أول ما قريت البوست بتاعك ضحكت و أنا أتذكر نكاتك العجيبة ديك ..
و أتذكر تعليقاتك الدراماتيكية ....
للعوير فى أبوجبيهة طعم و لون خاص جداً .. لكل منا قصة معه ..
سواءاً كانت غمدت لبدت .. و لا الميس .. و لا شد و اركب ..
هذا لو تغافلنا مثل ما كنا بنلعب فيهو زمان عن الجوانب السالبة ..
لك تحية بعرض قهقهات كل أهل أبوجبيهة فى كل منتدياتهم قدام الحيشان ..
سواء نادى البرش بتاع ناس فرعون .. أو ديوان ناس فلس .. وفى كل مكان بيتونس فيهو الرايعين أهل أبوجبيهة
أول ما قريت البوست بتاعك ضحكت و أنا أتذكر نكاتك العجيبة ديك ..
و أتذكر تعليقاتك الدراماتيكية ....
للعوير فى أبوجبيهة طعم و لون خاص جداً .. لكل منا قصة معه ..
سواءاً كانت غمدت لبدت .. و لا الميس .. و لا شد و اركب ..
هذا لو تغافلنا مثل ما كنا بنلعب فيهو زمان عن الجوانب السالبة ..
لك تحية بعرض قهقهات كل أهل أبوجبيهة فى كل منتدياتهم قدام الحيشان ..
سواء نادى البرش بتاع ناس فرعون .. أو ديوان ناس فلس .. وفى كل مكان بيتونس فيهو الرايعين أهل أبوجبيهة
كرم هجانه- نشط مميز
رد: البلي جابوا ( العوير)
العزيز عثمان شاويش: الله يشفي الوالدويشده، الألم يتصرني وانا صغير وكبير كنت اراه في طريقه من وإلي المسجد ة،هذا هو المرض أسأل الله ان يبيض وجوهكم ،الأخ جابر عبد الساتر ياحليل أيام الأهلية، الأخ ادم عيسي وينك إنت خبرني في أي مساحات الأرض انت موجود ،حاولت أتصل علي زميلي محمد بابكر من ابناء دارفور في القاهرة وتلفونو ما بيدخل معاي ممكن ترسل لي التلفون ثانية، الرائع بُلده مشتاقين كثير ما زلت تذكر تلك الحكاوي الحلوة ديك مع أحمد خيري( جُب الحزن وكده) إن شاء الله بجهّز فيها في بوست يكون متفرد للأصحاب البيعرفوني
Ahmed Murhoum- نشط مميز
رد: البلي جابوا ( العوير)
ربنا يشفى والدنا شاويش ويديه الصحه والعافيه يا رب العالمين .
تسلم يا صاحب ( الانجل والعوير )
نعم انها احلى ايام اخى احمد مرحوم
اتزكر كنا بنستعمل السائل من الانجل فى لصق الصور فى حالة الضروره .
نحن منتظرين البوست بفارق الصبر وانا من الان بضحك قبل ما تبدا
تحياتى للجميع
تسلم يا صاحب ( الانجل والعوير )
نعم انها احلى ايام اخى احمد مرحوم
اتزكر كنا بنستعمل السائل من الانجل فى لصق الصور فى حالة الضروره .
نحن منتظرين البوست بفارق الصبر وانا من الان بضحك قبل ما تبدا
تحياتى للجميع
Suhad Abduelgfaar- مشرف حكاوي المهجر
رد: البلي جابوا ( العوير)
طبعاً سهاد .. شقاوة بالطريقة الصاح ..
أكيد ح تتذكرى لزق الصور بالإنجل .. أغانى المدرسة .. و المذاكرة .ز و أم كعيب شيطانة مدرسة البنات و و و
يا حليلكم
طبعاً يا مرحوم ضرورى تحكى قصص حلة الستيبة و عمك العجلاتى .. و مهمدو أخو العروسة و كل شئ جميل
لك الود
أكيد ح تتذكرى لزق الصور بالإنجل .. أغانى المدرسة .. و المذاكرة .ز و أم كعيب شيطانة مدرسة البنات و و و
يا حليلكم
طبعاً يا مرحوم ضرورى تحكى قصص حلة الستيبة و عمك العجلاتى .. و مهمدو أخو العروسة و كل شئ جميل
لك الود
كرم هجانه- نشط مميز
رد: البلي جابوا ( العوير)
العوير
هذه النبته المضره هى السبب فى زهاب المياه عن الحباك
هذه النبته المضره هى السبب فى زهاب المياه عن الحباك
غريق كمبال- مشرف المنتدى الاقتصادى
رد: البلي جابوا ( العوير)
اين حكاويك عزيزى احمد مرحوم ؟؟؟؟؟؟؟؟
كلنا منتظرين بفارق الصبر ما تحرمنا .
يا سلااااام يا كرم على شقاوتنا وحكاوينا القديمه
كيف لى ان انسى عزيزى كرم وهى ايام زكراها تجرى فى عروقنا وهى التى عايشين بها ولها .
زكرتنى اغانى المدرسه طبعا حبيبتى مريم هجانه ربنا يحفظها كانت بتدينى الشمار بان كرم عنده زهرة اغانى جديده وتقول لى ما تقولى انا كلمتك . واختها فى راسى لازم اشيلها منك وفعلا اشيلها واحفظها لكى اغنيها فى الليله الادبيه .وكنت بتدينى ليها بشروط ان لا تشرط ولا تديها لى اى زول تانى وما تتوسخ وانا كنت اقول حاضر حاضر المهم تدينى ليها .
يا لها من برءاة وطيبة خاطر .
اما ام كعيب دى عايزه ليها بوست براها .
تحياتى
كلنا منتظرين بفارق الصبر ما تحرمنا .
يا سلااااام يا كرم على شقاوتنا وحكاوينا القديمه
كيف لى ان انسى عزيزى كرم وهى ايام زكراها تجرى فى عروقنا وهى التى عايشين بها ولها .
زكرتنى اغانى المدرسه طبعا حبيبتى مريم هجانه ربنا يحفظها كانت بتدينى الشمار بان كرم عنده زهرة اغانى جديده وتقول لى ما تقولى انا كلمتك . واختها فى راسى لازم اشيلها منك وفعلا اشيلها واحفظها لكى اغنيها فى الليله الادبيه .وكنت بتدينى ليها بشروط ان لا تشرط ولا تديها لى اى زول تانى وما تتوسخ وانا كنت اقول حاضر حاضر المهم تدينى ليها .
يا لها من برءاة وطيبة خاطر .
اما ام كعيب دى عايزه ليها بوست براها .
تحياتى
Suhad Abduelgfaar- مشرف حكاوي المهجر
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى