ابوجبيهه

بنيتى حسابك ... ردا على الاغنيه الشعبيه ومناصره للمرأه

استعرض الموضوع السابق استعرض الموضوع التالي اذهب الى الأسفل

بنيتى حسابك ... ردا على الاغنيه الشعبيه ومناصره للمرأه

مُساهمة من طرف ناهد عبيد في 23rd مارس 2011, 10:02

حكامة جديدة لنج .. مناصرة للمرأة وحقوقها كتبت : تقول رداً عل الأغنية الشائعة بنيتي حسابك

بنيتي
حسابك..
نضمي أسمعا .. ونضم راجل اوعى تسمعا
وكان طلقك ما يطلقك هو اصلو ما بينفعا

بنيتي حسابك..
كان قال ولاعندو اوعى تصدقا .. غفليهو و بنطلونو فتشا .. رجال زمن دا جنو يغشغشا
بنيتي حسابك..
راجل كان جرا منك في ضنبو أمسكا .. واي نضم يقولو ليك حكحكا

بنيتي حسابك..
راجل كان نضم في موبايل إتلبدا .. ونضم كلو أسمعا باكر ما يقولو فوقك عرسا
بنيتي حسابك ..

راجل اوعى تدلعا .. وكان عاطت فوقك كورية أم قعار في نص راسو افلعا
.. كان زعل واتنفخ اوعى تهببا .. بعد مرات يكون ولا زعلان لكن بيكضبا
بنيتي حسابك..

إنتي اصحي بدري وتوبك الفحا ..وبيوت حلة بيت بيت اتفسحا .. وكيس وسخ في خشم باب اطرحا. . بعد شهر تجي عربية نفايات تلفحا

بنيتي حسابك
راجل كان نزل انتخابات اوعى ترشحا .. وحات الله يفوز فوقك يعرسا وانتي تاكلي نيم ما تشبعا حسابك






مع خالص احترامى

منقققققوووول







عدل سابقا من قبل ناهد عبيد في 23rd مارس 2011, 10:25 عدل 1 مرات

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف ناهد عبيد في 23rd مارس 2011, 10:05


سلامات

البوست ده على مسئوليه الحكامه الجديده لنج

يعنى ما تندرعوا فينى اتفقنا ولكم ودى

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف فيصل خليل حتيلة في 23rd مارس 2011, 10:13


لم نتفق يا ناهد ( لانك عملتى هوى )

على اى حال هذا هو نص بنيتى حسابك و هو ايضا من تراث اهلنا بدارفور.


الله والنبي لـ كلام راجل تسمعا
بنيتي حسابك لـ كلام راجل أسمعا
حسابك يا بنيتي كلامي لا تابا
كلامي كم أبيتيه تكوسيه ما تلقا
* * *
هي لا تخليه ينقنق لـ كلامو تسفها
لا تقوّي راسك ، بكرة يقولوا طلقا
فجر كم ولا عندو لـ عشيّا أمهلا
بلا إذنو لا تمشي لـ محل مآجرا
***
وراجل كم ما ناداك لا تمشي تلحقا
وكم غبّت منك نادي أسألا
قشي بيتك بدري وعيشك أطحنا
الما وساخة ، في خشم بيت لا تكشحا
***
وكم عاطت فوقك لا تدقيه تفلعا
إنتي أشكيه لـ الله لـ حقك يخلسا
انتي بنيتي كم لـ كلامي تسمعا
الله والنبي لـ كلام راجل تسمعا
الله والنبي لـ كلام راجل أسمعا
***
حتّي عجاج بيتك ، عنقريبو فرشيه
وكورة أم قعر تحت سريرو جيبيه ختّيه
توبك المجنقر دا ب إبرة أمسكيه
رجلينك المشقق دا أدرشيه حننيه
***
وشعرك المشمبل دا لميه مشطيه
المدونكت من قعارو فرتقيه
أوطوي أوقاي لـ ألمي أردي جيبيه
عجينة كم تعوسيه لـ دوكي أتّقيه
***
وكسرة كم تلت عقابو لميه شريه
ب طلحاي ب دروتاي حفرتك ولعيه
جيبي مخبرك لـ بطن بيتك بخريه
كم كملتي خدمتك لـ نارك أكتليه
***
كم فتّي بطن حلّه ، لـ بيتك طليه شيفيه
كلام كم تخاف لو من بيت لا تمرقيه
وقالوا وقلنا في لسانك لا تجيبيه
جارتك المهوهوة دا لا بيتك بخربيه
***
نصيحتي كم سمعتيه لـ بيتك أمسكيه
الله والنبي لـ كلام راجل تسمعا



فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف ناهد عبيد في 23rd مارس 2011, 10:24


فيصل عوافى التحيه لك

والتحيه لاهلنا فى دارفور بالجد النص بنيتى حسابك معبر بلحيل يدل على حكم كثيره والتراث فى دارفور ملىء بالارث الاصيل الجميل الذى يجسد معنى الحياه وفقا لتقاليدهم وعاداتهم.

نسأل الله السلم والسلام لاهلنا فى دارفور

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف محمود منصور محمد علي في 23rd مارس 2011, 10:38

الاستاذ فيصل الكومديان والمسرحي الظريف
الاستاذة الانيقة الاديبة ناهد بت عبيد
العمل جميل في الاطار العام
لكن ناقص مربع (الكلمة ومعناها )عشان نفهمو بصوره اوسع ..ويبدو ان القصيدة التى كتبتها الاستاذه ناهد هي القصيدة الام والاصلية.. اما القصيدة التي رد بها الاستاذ فيصل مزورة وهو وبذكائه المعهود غير صيغة النص حتى لا تكون القصيدة مناصرة للمراه وحقوقها!!
الف تحية


<br>

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف اقبال عبداللطيف في 23rd مارس 2011, 12:50

الحبيبة ناهد الله يجازي محنك (الحطامة) دي وين؟ باقي محتاجين ليها في التخريج الجاي...لوعملتو دمج للاغنتين مع الحذف من هنا وهناك تطلع حاجة قزاز...قزاز دي في محلها يافيصل وول نوية.؟...احترامي


لا اعرف شيئا تواطأ الناس على هضمه وزهدوا في انصافه مثل الحقيقة

اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف صباح حسن عبد الرحيم في 23rd مارس 2011, 13:04

ناااااااااااااااااااهد يديك العافية كم انت جميلة
والاغنية ميه بالميه
راجل كان نزل انتخابات اوعي ترشحا...وحات الله يفوز فوقك يعرسا وانتي تاكلي نيم ما تشبعا حسابك
والكلالالالالالالالالام دا صحي حسابك
وعلي قولك يا استاد محمود القصيدة التي رد بها اخونا فيصل دي مزورة وبدكائة غير الصيغة حتي لا تكون مناصرة للمراه
تسلموا

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف فيصل خليل حتيلة في 23rd مارس 2011, 13:26


تمام كل سته فى حته يا اقبال

شنو يا محمود و صباح حسن فاتحين نيران صديقه على اخوكم

ما اجمل هذا التراث يا محمود منصور و ما اجمل كلام الحكامات و انبله.

تسلموا يا فرد

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف محمد قادم نوية في 23rd مارس 2011, 13:37

فعلاً دارفور أرض الحضارات وأرض التراث
وصية رائعة من أم تودع أبنتها للرحول (بيت الزوجيّة)بكلمات حكيمة ؛نامل من كل أم ان تستوصي إبنتها بمثل هذه الوصايا حتي تصير أم مستقبل
بعدين ياعم شايف إنو الــــــــــــ Language بتاعتنا دي بقت تسُود عند السواد الأعظم من السان
التحية للجميع علي مداخلاتم الجميلة

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف ناهد عبيد في 23rd مارس 2011, 14:09

محمود منصور محمد علي كتب: الاستاذ فيصل الكومديان والمسرحي الظريف
الاستاذة الانيقة الاديبة ناهد بت عبيد
العمل جميل في الاطار العام
لكن ناقص مربع (الكلمة ومعناها )عشان نفهمو بصوره اوسع ..ويبدو ان القصيدة التى كتبتها الاستاذه ناهد هي القصيدة الام والاصلية.. اما القصيدة التي رد بها الاستاذ فيصل مزورة وهو وبذكائه المعهود غير صيغة النص حتى لا تكون القصيدة مناصرة للمراه وحقوقها!!
الف تحية


النصيحه لله استاذ محمود منصور انت الاستاذ وبقية اساذتى الافاضل فى المنتدى
عليه خلينى (بتنا او اختنا ناهد) بالجد ح اكون بها سعيده

مشكور يا استاذ على كلامك الزوق والطبطبه عليا لكن يا سيدى مقبوله منك من باب انك تحاول دفعنا الى الامام بس بشويش عشان ما نخاد حق غيرنا

للامانه :- عشان تعرفوا العوين ما بكضبوا طوااالى مرات مرات القصيده الام والاصليه هى اللكتباها فيصل والحكامه ردت عليها من باب مناصرة المرأه بالقصيده اللى نقلتها انا

نتشششششه:-

لاول مره فيصل براءه

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف ناهد عبيد في 23rd مارس 2011, 14:15

محمد نوية كتب:
فعلاً دارفور أرض الحضارات وأرض التراث
وصية رائعة من أم تودع أبنتها للرحول (بيت الزوجيّة)بكلمات حكيمة ؛نامل من كل أم ان تستوصي إبنتها بمثل هذه الوصايا حتي تصير أم مستقبل
بعدين ياعم شايف إنو الــــــــــــ Language بتاعتنا دي بقت تسُود عند السواد الأعظم من السان
التحية للجميع علي مداخلاتم الجميلة


ول نويه لك الشكر ياريت كل ام توصى ابناءها بالخير عوين ورجال

وضح الوصيه الرائعه فى القصيده الاولى ام الثانيه ؟

اكيد قاصد الاولى ولا مو هيك اخوى

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

كم أنتِ رائعة يابت عبيد

مُساهمة من طرف محمد قادم نوية في 23rd مارس 2011, 15:55

لكِ التحية يا أخت علي الظرافة والكلام الدارجي الخفيف ...وعلي قولك قاصد "اللُولي "بالرندوق البلدي بتاعنا

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف محمود منصور محمد علي في 23rd مارس 2011, 18:05

الف شكر ومليون تحية يا بنتنا ناهد
انا برضو ساظل متمسك بالتحليل السياسي بتاعي بين القصيده الاصل والقصيدة المستنسخة بتاعة البلطجي فيصل !!! زي النكنتة البتقول ((واحد بتاع غلاط ومغالط لدرجة عبيطة جدا وممكن يغالطك حتى في نفسك جاءه احد الاصدقاء وطرق الباب فرد عليه صديقه المغلاطي مين انت ؟؟؟؟ فرد عليه الطارق انا!!!! فرد عليه المغلاطي : علي بالطلاق ده ما انت !!!
الف تحية


<br>

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف أزهرى الحاج البشير في 23rd مارس 2011, 18:35

كان زعل واتنفخ اوعى تهببا .. بعد مرات يكون ولا زعلان لكن بيكضبا

most of the time it is true!!


شكرا ناهد والمتداخلين من أقاصي نهر السين لخور البطحا

أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف سومه العمدة في 23rd مارس 2011, 20:31

ناهد يارئعة انت ،بجد وصية من حكامة رهيبة عديل،ووصيتها100% وشكرآ يافيصل علي الابيات الهي في الحقيقة هي الاصلوشكرآ لكل أهلي ناس ابو جبيهه الرائعيين حقآ

سومه العمدة
نشط مميز
نشط مميز


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف ناهد عبيد في 24th مارس 2011, 10:27

صباح حسن عبد الرحيم كتب:ناااااااااااااااااااهد يديك العافية كم انت جميلة
والاغنية ميه بالميه
راجل كان نزل انتخابات اوعي ترشحا...وحات الله يفوز فوقك يعرسا وانتي تاكلي نيم ما تشبعا حسابك
والكلالالالالالالالالام دا صحي حسابك
وعلي قولك يا استاد محمود القصيدة التي رد بها اخونا فيصل دي مزورة وبدكائة غير الصيغة حتي لا تكون مناصرة للمراه
تسلموا


صبوحه الحبيبه لكى سلاااااااااام كتير اولادك وابوهم ربى يغطى عليكم

شفتى يا صباح اعملى حسابك يا اخيتى

راجل كان نزل انتخابات اوعي ترشحا...وحات الله يفوز فوقك يعرسا وانتي تاكلي نيم ما تشبعا حسابك

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف ناهد عبيد في 24th مارس 2011, 10:36

اقبال عبداللطيف كتب:الحبيبة ناهد الله يجازي محنك (الحطامة) دي وين؟ باقي محتاجين ليها في التخريج الجاي...لوعملتو دمج للاغنتين مع الحذف من هنا وهناك تطلع حاجة قزاز...قزاز دي في محلها يافيصل وول نوية.؟...احترامي



كر عليا العدوه انتقلت قزاز يا اقبال Question

راجل كان نضم في موبايل إتلبدا .. ونضم كلو أسمعا باكر ما يقولو فوقك عرسا
بنيتي حسابك


معناها روحتى فى دوكه

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف ناهد عبيد في 24th مارس 2011, 10:52

بنيتي حسابك..
كان قال ولاعندو اوعى تصدقا .. غفليهو و بنطلونو فتشا .. رجال زمن دا جنو يغشغشا
بنيتي حسابك..
راجل كان جرا منك في ضنبو أمسكا .. واي نضم يقولو ليك حكحكا


شكرا يا خال على المشاركه تعليقك والله قووووون عديل

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف ناهد عبيد في 24th مارس 2011, 10:55

سومه مقدرين مرورك لكن طلب بسيط تلبيه لاقتراح استاذ محمود قومى بترجمه القصيده حتى يتضح المعنى واستعينى بصديق

ولك احترامى

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف فيصل خليل حتيلة في 24th مارس 2011, 11:00


كم فتّي بطن حلّه ، لـ بيتك طليه شيفيه
كلام كم تخاف لو من بيت لا تمرقيه
وقالوا وقلنا في لسانك لا تجيبيه
جارتك المهوهوة دا لا بيتك بخربيه


فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف د.الجنيد احمد سليمان في 24th مارس 2011, 12:23

راجل كان نضم في موبايل إتلبدا .. ونضم كلو أسمعا باكر ما يقولو فوقك عرسا
دا جقركن
بعد دا النضمى فى الموبايل بالرندوق يا فرد...عشان نسطح بالحاجات وكدا
تسلمى يا ناهد؟؟؟والله العظيم بوستاتك دايما جماهيريه Very Popular

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف صباح حسن عبد الرحيم في 24th مارس 2011, 13:03

راجل كان نضم في موبايل اتلبدا... ونضم كلو اسمعا باكر ما يقولو فوقك عرسا
دكتور الجنيد سلامات وتحيات كتارات بقدر طول غيابك اخووووي
وبعدين حتي النضمي لو بالرندوق نحنا نفهما وما بنسطحااااااااا
قال نسطح قااااااااال
احترامي

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف د.الجنيد احمد سليمان في 24th مارس 2011, 15:20

يا صباح
بدون مزاح
الفجر لاح
رندوقنا صاح
لو استعماناه:
بتكشحن الملاح
وتطبخن التفاح
وتقشرن الفراخ
.......يا فليلكن ما قلتن ما بتنخلطن

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف د.الجنيد احمد سليمان في 24th مارس 2011, 15:25

يا صباح
بدون مزاح
الفجر لاح
رندوقنا صاح
لو استعماناه:
بتكشحن الملاح
وتطبخن التفاح
وتقشرن الفراخ
.......يا فليلكن ما قلتن ما بتنخلطن

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف ناهد عبيد في 27th مارس 2011, 12:37


سلامات د الجنيد والحبيبه صبوحه شكرا على المرور اللطيف

يا دكتور نحنا عملنا بوست فى تراث المدنيه عن الرانوق وتارى الجماعه يزوقوا وتاااانى يذقوا الفيكم اتعرفت

ولكم تقديرى

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف سومه العمدة في 11th أبريل 2011, 23:52

اولا: اذوب اسفآ لانني لم انتبه لطلب لا من قليل
ثانيآ: غالي والطلب رخيس حبيبتي ناهد
وصدقيني مامحتاجة لصديق عشان الكلام دا احنا بنسمع فيه الصباح والمساء
وبنسبة لينا واضح زي ضل الشمس
وانشاء الله ربنا يقدرني واوصل ليكم المعلومة الصحيحة


سومه العمدة
نشط مميز
نشط مميز


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف سومه العمدة في 12th أبريل 2011, 00:40

لله والنبي لـ كلام راجل تسمعا
بنيتي حسابك لـ كلام راجل أسمعا
حسابك يا بنيتي كلامي لا تابا
كلامي كم أبيتيه تكوسيه ما تلقا
* * *
عليك الله اسمعي كلام الراجل
وماترفضي كلامي دا..وكان رفضي تاني ماح تلقي
هي لا تخليه ينقنق لـ كلامو تسفها
لا تقوّي راسك ، بكرة يقولوا طلقا
فجر كم ولا عندو لـ عشيّا أمهلا
بلا إذنو لا تمشي لـ محل مآجرا
***
ماتخلي ينضم وماتعبريه
أسمعي كلامه عشان بكرة مابيقى في طلاق
الصباح كان بيقى ماعنده اصبريه لمساء
كما كلمته ماتمشي لبيت البكاء
وراجل كم ما ناداك لا تمشي تلحقا
وكم غبّت منك نادي أسألا
قشي بيتك بدري وعيشك أطحنا
الما وساخة ، في خشم بيت لا تكشحا
***
وكان ما قال ليكي تعالى ماتمشي ليه
وكان طول منك ناديه اساليه
نضفي بيتك بدري واطحني عيشك
موية الوسخ ماتكشحي قدام بابك
وكم عاطت فوقك لا تدقيه تفلعا
إنتي أشكيه لـ الله لـ حقك يخلسا
انتي بنيتي كم لـ كلامي تسمعا
الله والنبي لـ كلام راجل تسمعا
الله والنبي لـ كلام راجل أسمعا
***
وكان كورك فيكي وماتفلعيه
خليه الله بخلص ليكي حقك
انت بتي كلامي اسمعي
عليك الله كلام الراجل اسمعي
حتّي عجاج بيتك ، عنقريبو فرشيه
وكورة أم قعر تحت سريرو جيبيه ختّيه
توبك المجنقر دا ب إبرة أمسكيه
رجلينك المشقق دا أدرشيه حننيه
***
انفضي بيتك من الغبار وفرشي ليه سريره
جهزي ليه كورة وختي ليه تحت السريره
خيطي توبك لو مشروط
وحنني رجلينك
وشعرك المشمبل دا لميه مشطيه
المدونكت من قعارو فرتقيه
أوطوي أوقاي لـ ألمي أردي جيبيه
عجينة كم تعوسيه لـ دوكي أتّقيه
***
مشطي شعرك
نضفي زيرك نضيف قبل ماتجيبي المويه وتمليه
بعد العواسة ارفعي الصاج بعيد
وكسرة كم تلت عقابو لميه شريه
ب طلحاي ب دروتاي حفرتك ولعيه
جيبي مخبرك لـ بطن بيتك بخريه
كم كملتي خدمتك لـ نارك أكتليه
***
إذا فضل باقي كسرة لميه وجففيه
إدخني وبخري بيتك
بعدما تخلصي اطفي النار
كم فتّي بطن حلّه ، لـ بيتك طليه شيفيه
كلام كم تخاف لو من بيت لا تمرقيه
وقالوا وقلنا في لسانك لا تجيبيه
جارتك المهوهوة دا لا بيتك بخربيه
***
إذا طلعتي لجيرانك ماتنسى بيتك
ماتمرقي كلام بيتك برة
ابعدي من النسنسة
كمان ابعدي من جارات النمامات
نصيحتي كم سمعتيه لـ بيتك أمسكيه
الله والنبي لـ كلام راجل تسمعا
نصحتي ليكي بيتك امسكيه
وعليك الله اسمعي كلام الراجل


عدل سابقا من قبل سومه العمدة في 16th أبريل 2011, 14:00 عدل 1 مرات

سومه العمدة
نشط مميز
نشط مميز


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف سومه العمدة في 12th أبريل 2011, 00:47

هذه كانت كلامات الشاعر فتحي الماحي وهو من اولاد الفاشر حي القبه
ارجو ان اكون اوفيت
مع تحياتي

سومه العمدة
نشط مميز
نشط مميز


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف ناهد عبيد في 21st أبريل 2011, 10:01


الرائعه سومه لكى التحيه والتقدير وشكرا حبيبتى الغاليه

اهلنا قالوا سمح الكلام فى خشيم سيدو

تسلمى يا رب

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف صباح حسن عبد الرحيم في 21st أبريل 2011, 12:55

تسلمي يا سوووووووومه
ما قصرتي تب
تحياتي

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف Suhad Abduelgfaar في 21st أبريل 2011, 14:44

لالا والله ده ابداع ما عادى
(دارفور بلدنا)
تراث دارفور العظيم
ربنا يحفظك اختى سومه
ويا ريت كمان تدخلى بقادى فى (التكل)
وتدينا كده من اكلات دارفور الشهيره
ولك منى التحايا .
اخيتى ناهدوالله لقيتك لفيفه خلاص
متعتينا والله علا اخيكى فيصل ده قاعد ليكى فوق
حلقومك كى مالا .
عزيزى فيصل (المى حار ما لعب قعونج)
فتكو عافيه

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: بنيتى حسابك ... ردا على الاغنيه الشعبيه ومناصره للمرأه

مُساهمة من طرف ناهد عبيد في 24th أبريل 2011, 09:41


صبوحه الحبيبه لكى الود وانتى دائما حاضره
ان شاء الله ما تقصر بكى الدنيا


*******************************************
بت خالى سهاد لكى كل الاشواق وانتى دائما ضلك خفيف ودمك شربات رايك شنو دى حلووووووووه

الحمد لله يا سهاد براكى شفتى فيصل انا ما قلت ليكى صاح لكن اعمل شنو لازم اصبر عليه لانو خال وقالو الخال والد والسبب التانى بينى وبينك عنده عصابه عشان هيك

ولكم تقديرى













ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى