ابوجبيهه

لانك عندي كل الخير

استعرض الموضوع السابق استعرض الموضوع التالي اذهب الى الأسفل

لانك عندي كل الخير

مُساهمة من طرف اقبال عبداللطيف في 2nd أبريل 2011, 19:12

احواء عزيزي الرجل تخلص وتفي وتتقن وتتفوق وتبهر وهي تقود كل شي...تقود السيارة وهي الاقل خطأ واقل حوادث مرور...وهي ادارية ناجحة لا تعرف الطرق الملتوية...ولاتفرق بين الجنسين لتقدم خدمة ..حازمة صارمة منضبطة...هي الاكثر سدادا لالتزاماتها المالية..وحينما تشد سرجها وتدلدل كرعينها تأكد ياعزيزي انك فشلت ..فهي تغيب دورك لتخرج باسرتها الى بر الامان..هي تقهر وتشرد بابنائها فتخرج ابناء صالحين لمجتمعهم....صراحة اتمنى ان تكتسح الانتخابات الرئاسية القادمة امرأة ...لمتين يحنسوكم وتحنسو؟؟...ولحدي تلحسو كيعانكم..نكون مسكنا البلد والماعاجبو يحلق حاجبو!...التحية لست امال ادريس في المدرسة المتوسطة..وست ليلى محجوب كن مديرات هيبة...احترامي
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: لانك عندي كل الخير

مُساهمة من طرف محمود منصور محمد علي في 3rd أبريل 2011, 09:06

ليس بغريب على حواء في ان تمتلك ناصية الابداع وتستلم زمام المبادرات.
فهي قد سلكت فصعدت ووصلت وتقمقمت وتربعت اعلى العروش !! فاجادت واتقنت وتمكنت وابهرت واخرست كل الاصوات النشاذ التي كانت تعزف على وتر ((المراة للبيت )) .. ليست السياره وحدها المقياس يا استاذة اقبال فالمراة في الصين تقود الشاحنات العملاقة وفي اوربا تقود الطاترات المعقدة وفي الهند تقود القاطرات الطويلة.. انها سر الحياه واكسير البقاء..الف تحية وانت تحملين راية الدفاع عن مكانة المراة في المجتمع وتقاتلين دونها بكل جراة وبسالة وتذودين عنها بكل ثقة واعتداد .


<br>
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: لانك عندي كل الخير

مُساهمة من طرف اقبال عبداللطيف في 3rd أبريل 2011, 16:44

رائع انت يا انسان..لك كل الاحترام والتقدير استاذ محمود.


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

لانك عندي كل الخير

مُساهمة من طرف علاءالدين عبدالرحمن تيمي في 3rd أبريل 2011, 20:28

استاذة اقبال
المراة شقيقة الرجل فلا غرابة ان تحلق في الفضاء وتقود السيارة واي عمل منوط بها تؤديه على اكمل وجه ودا في الغرب فقط لكن مجتمعنا الشرقي يختلف تماما
نحن عندنا ((القوامة))وفي اشياء مابتقدر عليها االمراة مادام بتخت الحناء .اما تكون رئيسة دا حلم الجيعان للعيش .في حديث بقول ((لاخيرفي قوم تؤمَهم امراة ))اما محمود يااستاذة اقبال انا عارفو كويس وعاجكو عجك قليبي رهيف مابقدر على الهبباي في عز الصيف
تحياتي
avatar
علاءالدين عبدالرحمن تيمي
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: لانك عندي كل الخير

مُساهمة من طرف فيصل خليل حتيلة في 4th أبريل 2011, 12:17


سلام يا اخوان

اقبال اولا مبروك ترقيتك الى ( عضو ناشط ) و دا دليل عافيه اخيتى اتمنى ان نراكى مشرفة

منتدى قريبا بأذن الله تعالى ( بس بطلى البلطجة ) و تاكدى ان حقوقكم محفوظة مية المية بس

فى حدود السقف المعقول

تحياتى خالو محمود و عمو تيمى
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: لانك عندي كل الخير

مُساهمة من طرف اقبال عبداللطيف في 4th أبريل 2011, 12:35

تسلم يافيصل...حالنا مانطينا شخيتكم...هو نقدر (ياعمو)...اها كدا لحقت عمك وخالك...ووين الصورة؟


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: لانك عندي كل الخير

مُساهمة من طرف ناهد عبيد في 4th أبريل 2011, 14:46


اقبال اذيك يا ذوله بصراحه كترتى المحلبيه

حكم شنو هووووى انقرعى

يا بت قيادة جرارات شنو وشاحنات وقطارات شنو الشغل الشاق ده خليوه للرجال ( رفقا بالقوارير) انتى دايره تجيبى المهانه لروحك خلى سقفك معقول فيصل معاه حق

ولكم التقدير

avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: لانك عندي كل الخير

مُساهمة من طرف علاءالدين عبدالرحمن تيمي في 5th أبريل 2011, 10:05

اقبال....كزاما بتي اسمعي كلام عمو خليك مع ناهد الترشيح .الحكومة بترضي العيين وقبال المرضاة توب زراق وفركة ام صفيح رطل سكر ورطل بن
هوي((يااقبال؟؟؟ ))ريسة مافي!الماء الحار ما لعب قعونج .

الرجال صناديق مقفلة هم للدهاء والمكر والضغينة والكريهه والمنازلة .
والعيين للبيت ودا الكلام البزعل محمود.....اب تفا ناصر العيين ابو شغلتا شينة خليكي مع ابو العيال تكشيرا مافي كلام حلو.الراجل بنفخ ببقى خرتيت .تسوقي من اضنينة

تحياتي
تيمي
avatar
علاءالدين عبدالرحمن تيمي
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: لانك عندي كل الخير

مُساهمة من طرف فيصل خليل حتيلة في 5th أبريل 2011, 10:11


تسلم يا ابوعلاء والله كلامك حلو شديد.

تيمى اخبارك و ااخبار الاسرة الكريمة يا اخى و الله مشتاقين ليكم حار

ناهد و ااقبال حمدلله على سلامتكم بالجد خفنا عليكم من عطيه

وين صديقى محمود
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: لانك عندي كل الخير

مُساهمة من طرف اقبال عبداللطيف في 5th أبريل 2011, 10:58

ياجماعة خوفتونا بندين ونشجب ونستنكر ...محل قبلت القاهم معايا معايا زي ضلي...وكان ماجيت من زي ديل وااسفايا وا مأساتي واذلي...احترامي


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: لانك عندي كل الخير

مُساهمة من طرف محمود منصور محمد علي في 5th أبريل 2011, 12:15

الاخ ابوعلاء الاستاذة ناهد الاستاذ فيصل
يا رجل الهند حكمتها انديرا غاندي
اليمن حكمتها الملكة بلقيس
بنغلاديش كل المتعاقبين على حكمها من الجنس اللطيف
اسرائيل حكمتها قولدا مائير
باكستان حكمتها بي نظير بوتو
تونس كانت من تحت بتحكمها زوجة الرئيس
تركيا ورومانيا وغيرها من الدول والممالك
خلينا نحن كمان نجرب الحريم يحكموا ونرشح اقبال عبد اللطيف امكن تطلع احسن من حكام كثيرون حكموا السودان ولم يقدموا لنا غير المشاكل والمتاعب والمصائب والكوارث وختموها بتقطيع وتقسيم المليون ميل مربع
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: لانك عندي كل الخير

مُساهمة من طرف الفاتح محمد التوم في 5th أبريل 2011, 13:08

الأكارم /اقبال ...ناهد .. أبوعلاء .. محمود .. فيصل
رضينــا برفع السقف الى
" حكم تحت تحت .... من منازلهم "
يعني Undertable
خلونا نجرب شعار " أيدي رقيقة ... وعقول قوية"
وصراحة الشغلة دي ماشــه الأيــام دي
**********
تســـلموا جميعاً

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: لانك عندي كل الخير

مُساهمة من طرف فيصل خليل حتيلة في 5th أبريل 2011, 13:19


عمو تيمى حصل
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: لانك عندي كل الخير

مُساهمة من طرف فيصل خليل حتيلة في 5th أبريل 2011, 13:40

نقطة ضوء

( محجوب شريف ) أهدا الى كل الأمهات و الاخوات و لا ننسى نياتنا كمان

نقطة ضوء
في اللحظة ديك والتو
لحظة الميلاد
كنت نقطة ضؤ
فرهدت بيك فرهيد
وانتشيت بالريدأنا
وطرت بيك الجو
**1**
قالو ايضا بت
قلت مالو ولو
بختي بختي .. انت بتي ..
امي اختي.. همي شيلي ..
شيلي ..شيلي
شيلي مني.. مني ختي

إتي

بشوفها عز التبتبة
بتي البريدة مرتبة
دولابا داك والمرتبا
جات من قبيل من مكتبا
ادت ابوها مرتبا
سددنا دين دكان حسين ...كستني توب
نجدنا كم.. كم مرتبه
جيهت بيتنا القديم
السقف داك والمسطبة
**2**
قيرا قيرا يا مهيرة
ياشتلاية جاتا مطيرة
تكبري انت تشيلي حملنا
وتزيدينا ترانا كملنا
نسمع عنك ما يفرحنا
الاستاذة دي كتر خيرا
يوم تلقانا هي...بتوصلنا
وتحصلنا ...تفك الحيرة
ما بتتسلط وما بتتعنت
ما بتتعنت وما بتتسلط
ما بتاوق في حق غيرا

avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: لانك عندي كل الخير

مُساهمة من طرف اقبال عبداللطيف في 5th أبريل 2011, 15:28

تجي تحصلنا تفك الحيرة...باذن الله نفك حيرتكم في الريس....مابتتسلط ومابتتعنت..نوعدكم بديمقراطية لاضنيكم..ومابتاوق في حق غيرها..دا المهم نحارب الفساد..ونبعد شبح عطية....شكرا فيصل على البرنامج الانتخابي...لابيد تلجك ماعجيب...احترامي


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: لانك عندي كل الخير

مُساهمة من طرف علاءالدين عبدالرحمن تيمي في 5th أبريل 2011, 15:48

ابو حسين في البايباي ........واقبال هي الجاي

صوتوا لمرشحكم رمز القطية
من اجل ديمقراطية حرة ونزيهه
avatar
علاءالدين عبدالرحمن تيمي
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: لانك عندي كل الخير

مُساهمة من طرف اقبال عبداللطيف في 5th أبريل 2011, 16:08

دا الكلام ياعمو...بس الرمز خليهو القفة..القفة القفة المابية (السفة)...القفة القفة نزاهة وعفة...احترامي


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: لانك عندي كل الخير

مُساهمة من طرف اقبال عبداللطيف في 6th أبريل 2011, 20:19

القفة القفة نزاهة..القفة القفة صحة وخفة....


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: لانك عندي كل الخير

مُساهمة من طرف سومه العمدة في 11th أبريل 2011, 22:51

اقبال تصدقي انك واحدة خطيرة بجد ومابعيد انتو تكون واحدة قريب تمسك رائسة الجمهورية وزي ماقال ود منصور كدي نجرب مادام ادم اكل الاخصر واليابس النشوف حواء يمكن يكون فيها الخير ... وياناهد بطلي الخوف اصلو مافي حاجة مرجعانا لورا غير الخوف حقنا دا
لقدام ياإقبال أخيتي
avatar
سومه العمدة
نشط مميز
نشط مميز


الرجوع الى أعلى الصفحة اذهب الى الأسفل

رد: لانك عندي كل الخير

مُساهمة من طرف اقبال عبداللطيف في 12th أبريل 2011, 22:27

تسلمي يا سومة ...شدو الحيل


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: لانك عندي كل الخير

مُساهمة من طرف الجبالي في 14th أبريل 2011, 12:43

اقبال النساءهن كمال ديننا وديل نحن عارفين مابنقدر علي محنهن وكلامك دي سمح لانك بإتحادك مع سومه خوفتونا والله يستركم من انتفاضة الرجاله
الله يخليكم لينا امهات وشقيقات وزميلات ومنكم نتعلم
شكري

الجبالي
نشط مميز
نشط مميز


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى