ابوجبيهه

الأعضاء الكرام : الوجيــــــه / محمد قادم نويـــــــــة !!!

استعرض الموضوع السابق استعرض الموضوع التالي اذهب الى الأسفل

الأعضاء الكرام : الوجيــــــه / محمد قادم نويـــــــــة !!!

مُساهمة من طرف الفاتح محمد التوم في 6th أبريل 2011, 09:49

كتب الأستاذ/ محمد نوية .....في رد للأستاذ عثمان شاويش
((
حمداً لله علي السلامة ياعم شاويش والله من قبل يومين أفتقدتك بس هذه الأيام كترت عليّ المشغوليات بسبب الإستعداد للسفر وكده بس ماتكلم زول
وربنا يعطيك طول العمر للاخوات
بهاتفك ياعمنا المرهف قريب
تحياتي
..))

والله يا محمد عمو عصمان ما كلمــنا ... لكني عندما قرأت بين السطور وماتحته خط( بالأحمر )......أيقنت بأنّ
الفيهو ريان الثمر
بيهو القلوب كم تأتمر
لو مرة سيد الناس أمر
بى بسمة بتضوى العمر .. ياحليلو..
قال ناوى السفر...

أتمنى لك سفراً سعيداً ورحلة موفقه انشا الله.. وإقامة طيبة بين الأهل و الأحباب.... أكيد قوائم الهدايا ومستلزماتها أمامك في التربيزة .....تحت التدقيق و المراجعة.... ذاكر كويس وركّز...الوصايا وحديثي عن رحلتك لم ينقضي بعد............ لي عوده

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف عثمان محمد يعقوب شاويش في 6th أبريل 2011, 10:01


توحة الظريف ... إنت دايماً مبدع ...في ذوووقك ...في شخصك ...في كتاباتك ...وماشاء الله في ذكاءك ...وربنا يخليك لينا ياغالي ..بس الخوف تسرح طواااالي ...وتسلم ..
ول نوية صحي مسافر !!!؟؟
تمشي وتسيبنا في أحزان بدون آخر !!
صحي مسافر ؟؟؟!!

والله أكيد حتوحشنا شدييييد ...بس في الإجازة لا تزيد وترجع بسرعة...وبوصيك بشويش بشويش !!!؟... والعجلة من الحديد ...
هكًي ولا مو هكًي ... محبتي لك أيها الشاب الوجيه .

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف د.الجنيد احمد سليمان في 6th أبريل 2011, 10:28

من الفاتح وود الشاويش....جانا الخبر اليقين.....
وهل صحيح؟ ابوجبيهة سوف يطلها الياسمين؟
أكاد لا أصدق
كل هذا الجمال
فوقنا يحلق؟؟
مرحبتين حبابك ول نويه ...ويا ود الشاويش الزول تقول ليه نعال قوام ولا تقول ليه : طول الغيبه...دا نحن من عرفناه عبر هذا المنتدى لم نره فى الحباك بيننا...وعندما واتتنا الفرصه سوف نكنكش فيه بكل قوه حتى تنتهى اقامته فى السعوديه...ويصعب سفره...ويقتنع بالقعاد...ونعرس ليه..ويستمتع...وينسى الغربه....حلم دا يا مرسى....ول نويه: حبابك يا من عرفناك أخا عبر الأثير وحتما أنت على الهواء أكثر خوة...تماما عندما لم يخب ظننا فى ود الشاويش حين التقيناه....والله يلمنا فى الفافتح ود التوم و باقى الاخوه الكرام
مودتى

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف الفاتح محمد التوم في 6th أبريل 2011, 10:43

دكتور الجنيد .....
مشتاق ليك
حدود ماالشوق وقف صلّب
ومشتاقين كتر ماالشوق
مــلى وغلّب ...
كتر مااتوسد الوجدان
نمـــا ولبلب
إن كان محمد هو أول المغادرين من الان لثلاثه شهور قدام
ستجدني في الخمســة الأوائل ..
واتحداك في الشوق أخي الجنيد
التحية لوليداتك و العقــاب
.....
((ومتين ياربي انشاالله تلمنا))

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف محمد قادم نوية في 6th أبريل 2011, 10:55

شكراً أحبائي علي شعوركم الطيّب ..مازلنا في فترة الترتيب وعندما ننجض الموضوع بنفيدكم بآخر المستجدات
شكراً فاتح بإذن سنزورك قبل النزول د/الجنيد شوف لينا حريفة ام جنقر بالله ...عم شاويش كان ربنا سهل كل وصاياك تصل مرزوق
لكم تحياتي وتقديري

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف أزهرى الحاج البشير في 6th أبريل 2011, 11:13

بنضورة في الكورة وكشفنا دورا

أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف د.الجنيد احمد سليمان في 6th أبريل 2011, 11:33

قريب يا ربى ان شاء الله تلمنا......قبلنا التحدى أخى الفاتح

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف الفاتح محمد التوم في 6th أبريل 2011, 12:03

أخي محمد ول نوية
استعين بصديق .... ارشح ليك عموعثمان
( فايت النجاضـــة بضحوة وســربة )
"ألله يخليك لينا عمو ... وأنا وإنت على الموعد"

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف ود عشمان في 6th أبريل 2011, 12:17

ول ابوي نويه

ماك طيب .. اسمع كلامي دا و اضرب بهعرض الحائط .. لو مشيت السودان امشي ربيطه العرس قالو رخيص اليومين دي ممكن تلقي تلاته بنيات بخمسمائه و انا في تقديري السعر دا ما كعب انت شيل الاثنين و رسل لاخوك التالته ..

لك التقدير يا حبيب و بتصل عليك قريب انشاءالله

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف فيصل خليل حتيلة في 6th أبريل 2011, 12:23

جانا الخبر شايلو النسيم

شكرا لكم جميعا على التنوير و دى المحريه فيكم بس ول نويه انا منتظرك ( ربيطة ) فى المطار

اولا تمشى البطحه و تتصل على من هناك عندى صاحبى هناك من البنغال نوصيه عليك لانو شايفك

تعبان شديد مع النحل ( و انا فى نصهم طبعا ) و شايف كمان عندك نحل فى السعودية.

جهزنا ليك ( المره ) بس انكرب ساى و تعال و الباقى بيكملوا ناس الجنيد فى ابوجبيهه هناك.

بالسلامه يا عزيزى

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف د.الجنيد احمد سليمان في 6th أبريل 2011, 13:16

حرم يا فيصل ....زى ما قلتا: نكملوا ليه باقى الكلام جت..بس هو اليبقى مارق علينا
علا بصراحه يا جماعه:ربيطه دى غلبتنى...كدى اتكلمو عربى...

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف صباح حسن عبد الرحيم في 6th أبريل 2011, 14:11

الاخوااااااان الاعزاء يديكم العافية يارب
يا ود نويه الخبر سمح بالحيل وانشاء الله ربنا يهون عليك
والموضوع ينجض علي قولك
وبازن الله الواحد الاحد اختك كماااااااان
ناوية السفر.....
يعني ما براك حتستمتع بالاجازة وبملاقاة الحباكيين
وانشاء الله اختك ما بتقصر في عرسك بس انت ابقي مارق
علي قول دكتور الجنيد
يديكو الافي

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف عثمان محمد يعقوب شاويش في 6th أبريل 2011, 14:25


أبو الزهور ...ما عارف تعبيرك :بنضورة في الكورة وكشفنا دورا. تقصد منو شنو !!؟؟ ...ولكني ضحكت ...هل سبب ضحكي ياتري ما تقصد أم لا؟؟!! ...ولك مودتي ...
بتي الذوق : صبوحة أتمني لك إجازة ممتعة بين الأهل والأحباب ...ووصيتي لك لا تنسي الكاميرة ..زي ما وصيت ول نوية ...وسوف تجدون الرجل البشوش د/ الجنيد في إنتظاركم ...وتصدقوا حينما قابلته بابوجبيهة هو الذي أهداني هدية ...يا سبحان الله لهذا الجمال العميق الأصيل ...ولازالت هديته كل يوم قدام : إينيني ...وشكراً يا دكتور الجنيد ياشامخ ...ولا تنسوا فيصل العمده مستنيكم في الخرطوم ضروري المرور عليه ...والرجل دا بزعل كان فوتوه ...والجماعة كتار في الخرطوم اللي بيزعلوا ..وشدوا حيلكم رضوا كل الناااس ...وإجازة سعيده يارب .... محبتي

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف محمد قادم نوية في 30th أبريل 2011, 11:15

تحياتي وتقديري للجميع
قد تأكد سفري غداً بالخطوط السعودية بإذن الله وقت الإقلاع الساعة 6.30مساءاً ؛وعليه أطلب العفو من جميع أهل المنتدي الحاضرين والغائبين ؛واعتذر لكل احد منكم سمع مني تعليق لم يعحبه أو مداخلة ؛والله كل ما نكتبه عبارة عن دعابة
وسوف أكون معكم بإستمرار من أرض الوطن
تحياتي وتقديري للجميع
إبنكم وأخوكم /محمد قادم
وهذا رقمي في السوداني:+249918851518

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف محمود منصور محمد علي في 30th أبريل 2011, 12:19

يا مسافر وناسي هواك ارواحنا وقلوبنا معاك
حفظك المولى يا ود نوية في حلك وترحالك وكتب لك السلامة في كل خطوة
وارجو الا تنسانا من صالح الدعوات فدعوة المسافر باذن الله مستجابة
.. وارجو ان تبلغ تحياتنات الحارة لكل افراد اسرتك الكريمة خاصة الاستاذ العملاق نواي يوسف..

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف Suhad Abduelgfaar في 30th أبريل 2011, 12:49

ربنا يديك العافيه
ويوصلك بالسلامه
وتستمتع وسط اهلك
ياود نويه يااخوى
وعقبالنا
تحياتى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف الفاتح محمد التوم في 30th أبريل 2011, 13:07



سافر يا محمد ودعتك ألله بين دموع الوداع ودموع اللقيا... مساحات كبيرة حد الشوق..... ولكن دموع اللقيا هي المرسى ... تصحبك الســلامة ..... ويمكن نتلاقى في الحباك إذا صمتا إنتا رمضان هناك ........ســـلام ياسليم الذوق يا إنســان فرح الليلة و باكر...
سافر محطات الوداع
ضجت قدامك ووراك بيضة سماك غناي
مساحات الاسى الفي عيونا
تتفجر مدينة وناي
بطاقات دعوة الرجعة
تساب عينين من الفرحة
ودموع للحاضرين اتفجت
زغاريد غطت الدنيا
وعاد فرح الرجوع منية
صداك الريح من السنبل الغناي
كتير بنعاتب الحاضر ولا اسفا على الماضي
صدق الرؤي من قلبك
بين الشوق وانسانك
نغم فنان يعيش راضي
مداك اتعدى حد الشوق
دخلت على الشعر انسان
هواك اتختى جوى الجوف
انتحر النهار هسي
نغنيك لمدن شاخت
خلاص يا غربة ما ترسي
تغنيك القرى الراحت
معاك احلامي لا هسي
غنيناك وبنغني
نتحدى الزمن فنان

*********_*********

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف ناهد عبيد في 30th أبريل 2011, 13:55


اخووووى ول نويه تصحبك السلامه وتصل لبلدك واهلك سالم غانم

ونتمنى ليك اجازه سعيده هلا بيك

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف فيصل خليل حتيلة في 30th أبريل 2011, 14:05


ول نويه يا اخى .........................

تنتابنى مشاعر متناقضة الآن يا صديقى .. اختلاط الحزب بالفرح

حزنى على المنتدى الذى سيفتقدك لربما لشهرين و نيف و نفتقد معه فاكهتنا المحببه و خفة دمك.

فرحى يا صديقى ان تكون بيننا ايضا لشهرين و نستمتع بك و نبل شوقنا يا حبه.

تصحبك السلامه

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف صباح حسن عبد الرحيم في 30th أبريل 2011, 14:32

تمشي وتجئ بالسلامة يا محمد مع السلاااااااامة
نتمني لك رحلة ممتعة واجازة جميلة
مع الاهل والاحباب
رافقتك السلامة
احترامي

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف علاءالدين عبدالرحمن تيمي في 9th مايو 2011, 17:08

ول نوية تمشي وتجي بالسلامة الناس بريدوك من ازهري لي تيمي ازهري قال البنضورة وكشفنا دوره والله ضحكت لمن نضارتي وقعت حلوين انتم

علاءالدين عبدالرحمن تيمي
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف الفاتح محمد التوم في 7th أكتوبر 2012, 13:44


فلا البعد يعني غياب الوجوه.....

ولا الشوق يعرف.. قيد الزمان


والله مشتاقين يا ول أبــا نويــّة
مع نفحات هذه الأيام المباركة ......
رفعت البوست عســـانا نحفل بزغرودة عيدية
"" حمووووودي .......اسم دلع يستحق ملكية خاصة""

عجــل علينا
مع خالص الود


الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف محمد قادم نوية في 7th أكتوبر 2012, 14:13

ههههههههههههههههههههها
سلامات ياوريف كما "تُكنّي "من بعض الأحباب مشتاقين والله ..وكيف العِيلة علي حِسك ؟
بعد الغياب وليالي طوييييييلة كما جاء في إحدي روائع محمد يوسف موسي .. لم نلتقِ فيها تحديداً حجّة 1431هـ في أم القٌري
طبعاً النيّة فيِ وشوية ترتيبات وكدا قول ربنا يسهل بس؛عندما يحين الوقت لذلك قطعاً (حنفّت )ليكم الشمارات ذي مابقولوا في الكلام بتاع اليومين ديل بهاتفك قريب لترتيبات العيد وكدا
تحياتي لناس البيت

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف الفاتح محمد التوم في 31st يوليو 2013, 18:29

 دوماُ  نجد من المنتدى من بصـــطاد فكرة سفر أحد الأعضاء ......... ( من بوست ...  من مكالمة ...... من مداخلة .....) هذه المرة الأخ محمد نوية تلفوناتو كلها مغلقة ...... لم يدخل الى المنتدى من فترة .......... أنا شخصياً لم اسمع بسفره الى السودان  ....... ولم يسمعني أحد الأعضاء هذا الخبر ..... رغم أني متابع ووعدني بمهاتفة ...... لكن نقول ربما مشغوليـــات التجهيز للزواج و الاندياح و الالتياع .....اخذت من وقته وأنسته بعض الأعزاء
مبرووووووووووووووك ول نوية وان شاء الله بيت مال وعيــــال ..................

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف عثمان محمد يعقوب شاويش في 3rd أغسطس 2013, 12:49

الغلط على أنــــــــــــــــــــــا .

 إتصل على الإبن الغالي محمد نويــــة من مطار الرياض في نهار رمضان ممكن قبل أسبوع تقريباً وأخبرني بأنه في طريقه للسودان ...إجازه . وبكل أسف مع مشغولياتي لم أتمكن من توصيل هذا الرسالة الغالية لكم ...وآسفين ...   ورمضان كريم .

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف الفاتح محمد التوم في 3rd أغسطس 2013, 15:35

لاعليك  ياعمو شاويش  ....مشغوليات الحياة
رمضان كريم
وحمداً لله على سلامتك أخي محمد نوية

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف Suhad Abduelgfaar في 4th أغسطس 2013, 12:33

١٠٠٠ حمد لله على السلامه اخوى ود نوية ويتمم ليك بالخير وكل عام انتم بالف خير

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف ابوهريرة عثمان عبدالسلام في 5th أغسطس 2013, 01:41

الحمدلله ول نويه. وصل تب والباقى خلو لينا

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: الأعضاء الكرام : الوجيــــــه / محمد قادم نويـــــــــة !!!

مُساهمة من طرف الفاتح محمد التوم في 6th أغسطس 2013, 17:20

اديكم العافية أبوهريرة ....ياها  المحرية فيكم  ...........
نتمنى لأخونــا محمد ول قادم إقامة طيبة و الدنيا همبريب ودعاش ومطر
 بس أعمل حسابك يا محمد من الزقليب
كل سنة وانتو طيبين


الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى