ابوجبيهه

فش الغبينه

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي اذهب الى الأسفل

فش الغبينه

مُساهمة من طرف غريق كمبال في 10th أبريل 2011, 15:10

قرر حاج صديق وهو ' معاشــى ' من سكان أركويت بالخرطوم ، قرر أن يستثمر جزءآ من المكافأة ويفتح صالة للبكاء . يذهب إليه كل من يريد أن يبكى ويفش غبينتو. كتب فى دراسة الجدوى أن الممغوسين من الشعب السودانى رجالآ ونساءَ يحتاجون إلى صالات واسعة لكى يتنفس ويبكى ويت...شفى ولندب الحظ السيىء... ولكى يلطموا ويجعروا .. قال له صديقه وجاره مأمون : إتوكل على الله يا حاج صديق وأعمل المشروع ده وأوعك تتردد .. والله تكسب دهب وكمان تفش غبينة الناس دول وتلقى أجر .. أول حاجة تعمل ليك قسم للناس الكبار فى السن ، غبينتهم شديدة بالحيل .. وقسم لى ناس الصالح العام .. وقسم لى ناس الركشات .. وأهم قسم فى غرفة خاصة للمغتربين وخليهم يدفعو بالدولار أو فى أسوأ الحالات بالريال السعودى .. الريالات التانية حقت ناس قطر وسلطنة عمان وأبوظبى ما تقبلها ... وما تنسى ناس الطيارات الوقعت .. وأهم حاجة ناس السدود بالذات ناس كجبار ودال يجوك من الكلاكلة ومناديل الورق كان جبتها بالدفار ما حتكفيهم .. حاج صديق مشى للفاضل السمسار فى شارع جوبا فى سبيل إيجاد مقرللمشروع ( بيت البكاء) : والله يا الفاضل أخوى أنا عايز لى بيت كبير .. كبير جدآ .. يا حاج صديق أنت ما ساكن فى ملكك عايز شنو بالبيت ؟ يا الفاضل أخوى أنا ما عايز البيت للسكن .. عاوزو تجارى !! قصدك مخزن يا عم صديق ؟؟ مخزن شنو يا الفاضل .. عاوز أعمل بيت بكاء !!! بكاء شنو !! المات ليكم منو !! ما تدق ليك صيوان فى الشارع وخلص نفسك .. وما أن أنتهى حاج صديق من شرح المشروع حتى بادره السمسار : والله دى فكرة بت ستين كلب . الشعب كلو عاوز يبكى ويتفشى وما لاقى ليهو طريقة .. والله أنا أول زول بجى بفش غبينتى .. ناس المحلية مغصونى جنس مغصة .. كل يوم رسوم وضرائب وزكاة .. المهم أنا عندى ليك بيت كبير ولقطة جنب البلابل .. ستة غرف وصالة كبيرة وصالون وحمامين .. بس يا الفاضل ما حيكون فى إزعاج للجيران وبعدين نخش فى إشكالات مع ناس النظام العام ويجو يكشونا .. إزعاج شنو يا حاج .. أنا حأعمل ليك عوازل ضد الصوت عشان الناس تبكى لامن تقول كفاية.. بعد أن عاين حاج صديق للبيت وأبدى إعجابه طلب من السمسار بإحضار سبَاك يعمل فى كل غرفة حوض غسيل وحنفية ويوصلو بالسايفون عشان الزول بعد الجعير والتفشى يقوم يستغفر الله ويغسل وشو .. دفع الحاج مقدم الإيجار للسمسار تلاته شهور ورجع البيت شايل ترخيص وعقد إيجار .. ' يا نفيسة ' !! نفييييســــا ... أيوة يا حاج ، فى شنو ؟؟ خلاص لقيت بيت البكاء ودفعت الإيجار !! أها يا حاج . كان كده ما فضل ليك إلا الزبائن .. والله يوم الإفتتاح حأجيب ليك نساوين الحلة كلهم يحرروا ليك البكاء جنس حرير .. أعمل ليك جنس إفتتاح يا حاج .. وووووب وأحييا ما تديك درب .. ناس كلتومة عندهم أتنين ماتو فى الجنوب .. حليمة راجلها عمرو 39 نزلوه الصالح العام .. ورقية بت التومه أختها زرعت الكلية فى الأردن وماتت فى الطيارة الأتحرقت!!! كفاية يا نفيسة .. إنتى عايزة تطرشقى لى المشروع من أول يوم .. إنتى ما عارفة الإختلاط ممنوع عايزة تجيب لى نسوان كمان يبكن ويتشخنفن قدام الرجال ؟؟؟ فى هذه اللحظات يستيقظ حمادة الطالب فى الجامعة من النوم ويتمطى ويذهب نحوهم : والله يا أبوى أجيب ليك كترة جكسويات ... شواكيش سااااااااكت ... وبالمناسبة يا أبوى عشان نحل إشكالية الإختلاط أحسن نعمل الغرف للرجال والحوش للنساوين !! تتدخل الحاجة نفيسة : لا . أنا رأى كل ناس ( غبينة ) نعمل ليهم قسم بى حالو .. يعنى ناس الصالح العام براهم وناس الحور العين براهم وناس الطيارة براهم ... طيب المغتربين ... المغتربين يكونو مع ناس الركشات .. وكمان يا أبوى فى ناس عندهم Double Gabina يعنى زول شالهو الصالح العام قام جاهو ضغط .. أو مغترب عندو ضغط وسكرى ... قبل الإفتتاح بيوم تم الإعلان فى الصحف المحلية لزوم الدعاية : يتم فى الساعة السابعة مساء بتاريخ 27/7/2008 إفتتاح محلات فش غبينك .. صالات مكيفة تحتوى على عوازل الصوت للبكاء الحار والسكلى والحى وووووب ... يوجد قسم خاص للنساء والمحل مزود بمناديل الورق وأحواض الغسيل والبراطيش والجزم والشباشب القديمة لزوم اللطم .. الأسعار فى متناول الغلابة .. السعر ألفين جنيه بالقديم .. البندول مجانى وكذلك البصل لزوم الإفاقة فى حالات الهستيريا !!! لم يصدق حاج صديق وهو يرى أفواج المواطنين تتداعى نحو المحل .. إضطر لطلب عدد من قوات حفظ النظام العام لتنظيم الصفوف . إنتابت بعض الواقفين خارج المحل حالات الإجهاش البكائى قبل وصول البوابة الرئيسية وغرف البكاء .. عندئذ طلب حاج صديق من رجال الأمن بالسماح للذين على ( الهبشة ) للدخول أولآ .. صار المتماسكين قليلآ يحتجون .. يا جماعة شوية .. ناس الطيارة يجو بى جاى .. ناس الصالح العام عشان عددكم كتار خليكم بى هناك فى الصف داك .. المغتربين تعالو بالباب الخلفى عشان ممكونين شديد .. المغتربين دورو شكلة .. ناس مشروع سندس بى جهة وناس المطاعم فى شارع غبيرة بى جهة .. الأمن يتدخل .. فى اليوم الأول إمتلأ المحل Full .. ألو حمادة ؟؟ أغشى السوق المركزى أشحن بصل زيادة .. حالات الإغماء فى إزدياد .. جلست الحاجة نفيسة فى كاونتر النساء بينما جلس زوجها فى كاونتر الرجال .. يدخل المواطن فى غرف فش الغبين ويخرج محمر الوجه متورم العينين مستريح الأعصاب بعد أن قام بفش غبينته .. بعد أن رأى حاج صديق الغباين المختلفة لكثير من الحالات وسمع الجعير والسكلى والنحيب لم يعد ينظر إلى الربح بقدر نظره إلى خلق جو بكائى مثالى مما جعله يحدد يومآ فى الأسبوع مجانآ وبكاء جماعى مره واحدة وذلك لغير القادرين على دفع الرسوم .. بعد ثلاثة أيام دخل عليهم شخصان يحمل أحدهما كاميرا والآخر دفترآ وقلم .. نحن من جريدة الإثارة وعاوزين نعمل لقاء .. تقدم حمادة إليهم ورحب بهم وجلس معهم فى الكاونتر .. طلب الصحفيان المرور فى الغرف والصالات المختلفة ليروا كيف أن المواطنين ( يفشو غبينهم ) .. هذه صالة الغبين الجماعى .. فى هذه الصالة أكثر من مائة شخص من مختلف الأعمار ينتحبون بطرق مختلفة منهم من يبكى بحرقة ومنهم من يتمتم ومنهم من يلطم وجهه ويصيح بهستيريا .. وقف الصحفى بعيدآ قرب المدخل وهو يتابع هذه الحالات التراجيدية وصار ينظر إلى أحد المواطنين يضرب رأسه مع الحيطة بحرقة وهو يجهش بالبكاء ويردد : أنا كان مالى ومال كده !!! أنا كان مالى ومال كده !!! سأل الصحفى حمادة ؟ الزول القاعد يضرب راسو مع الحيطة ده مالو ؟؟؟ رد حمادة : ده الوالد صاحب المحل ! حاج صديق !! أمبارح ناس الضرائب جابو ليهو ضرائب أكتر من رأسمالو .. عشان كده بيضرب راسو بالحيطة ...
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف الفاتح محمد التوم في 10th أبريل 2011, 17:01

غريق قصة مليانة غبن ...... أنا متضامن مع عمنــا حاج الصديق ...... واقترح انشاء
صندوق دعم صالة فش الغباين
لمواجهة سيل الضرايب المتدفق .....
وعشان عمنا
" مايموت بغبينتــو "
تسلم غريق للمساحة......

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

فش الغبينه

مُساهمة من طرف ياسر جامع في 10th أبريل 2011, 18:26

مشكور الاخ غريق علي اختيارك لهذا الموضوع (الساخر) من هذا الوضع المائل لهذا البلد الحائر ,,, ويبدوا انك تركت غبائن اخري لم تذكرها ,,,احتراما لدموع الاعضاء حتي لا تسيل علي صفحات المنتدي قبل ان يكملوا تمامه الموضوع ,,,جزيت خيرا
avatar
ياسر جامع
نشط مميز
نشط مميز


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف فيصل خليل حتيلة في 11th أبريل 2011, 09:14

الزعيم الله يديك العافية يا عزيزنا.

فى الحقيقة موضوع يضج بكم هائل من السخريه على الحال المائل فى البلد الحائر كما قال المهندس

ياسر.

هل هذا هو واقعنا ؟ شئ مؤسف للغاية.

شكرا يا زعيم
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف محمد قادم نوية في 11th أبريل 2011, 09:52

وبعد بكره عمنا صديق حيجوهو ناس الرخص والعاوئد
وناس المحلية وناس النفايات وناس الصحة
وناس الزكاةواواواوا....

فاركويت مكان غير مناسب لاقامه سرادق البكاء وفش الغبائن ؛ .وناس اركويت وما جاورهم
تكاد تكون غبائنهم معدومه اذا ما قورنت بغبائن المهمشين والكادحين بدون اجر ديل حقو يعملوا صيوان انتحار عديل
العنت والغبن الكامن فى صدورهم لو وزع على المتبقي من ارض المليون ميل مابتشيلوا ذاتو

شكراً غريق
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف غريق كمبال في 16th أبريل 2011, 09:43

شكرا لجميع المتداخلين وعدنا ليكم بعد غياب دام اسبوع طفنا فيه المنطقه الشرقيه زنقه زنقه 000وكنسنا الحركه الشعبيه
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف فيصل خليل حتيلة في 16th أبريل 2011, 11:52


حمدلله على سلامتكم يا زعيم

فشيت غبينتك يا زعيم ولا جيت مغبون.

تحياتى
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف غريق كمبال في 17th أبريل 2011, 15:56

والله يا مونج فشينا جنس غبينه0000تحياتى
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف فيصل خليل حتيلة في 17th أبريل 2011, 16:02


مبروك يا زعيم

اقبال عبداللطيف قالت حنوب كردفان ما بتصوم و تفطر على بصله.

تحياتى لكم جميعا و ربنا يوفقكم
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف اقبال عبداللطيف في 17th أبريل 2011, 16:36

الزعيم بركة الجيت والله..حاج استثمار دا لواستثمر في جعير الرجال بس ماكان جعر...احترامي


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف محمد قادم نوية في 17th أبريل 2011, 16:46

ماتتخيلوا انا مغبون كيف من العمايل المشينة التي تعملها الحركه الشعبية المتمردة بأهلنا دي ..لابد من التعامل معها بكل صرامه وحسم
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف فيصل خليل حتيلة في 17th أبريل 2011, 16:54


يا محمد نويه يا صديقى

انا شخصيا لا ارى مستقبل للسلام فى جنوب كردفان و الايام ستثبت لكم ذلك.

ربك يستر
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف Suhad Abduelgfaar في 17th أبريل 2011, 19:25

يا اخوانا قصة اخونا غريق
خلتكتم تتطلعو فى غبائنكم ساى
ربنا يفش ليكم
كل غبينه.

والدعوات يا اخونا فيصل هى البتحل انشاءالله
تسلم اخوى غريق
على القصه الرائعه
تحياتى
avatar
Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف سومه العمدة في 21st أبريل 2011, 11:49

كدى ياعمو غريق شوف لينا مافي تخفيط لطلابا
عشان بلحين محتاجين نفش غبينتة
avatar
سومه العمدة
نشط مميز
نشط مميز


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف غريق كمبال في 21st أبريل 2011, 12:42

شكرا لمداخلاتكم الرائعه ويا بت العمده الزول المستثمر دا ناس الضرائب ما جابو ليهو مطالبه خلتو يفش غبينتو عشان كده الرسوم كامله يا بت العمده
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف فيصل خليل حتيلة في 25th مايو 2011, 10:15


سلام عليكم ناس المحل

انا الليلة عايز اقيل هنا طب من اسع و بعدين الاولاد بلحقونى

عايز لى غرفة كاملة

انا مغبون غبينة كعبه الليلة و من هنا ما بطلع

شوف لى اليوم بكم بس


avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف nashi في 25th مايو 2011, 11:22

انت شيال التقيله يا فيصل
وان شاء الله ربنا يفش كل غباينك وغباين السودانيين
الحمدلله هنا فش الغبينه ما بقروش
هههههههههههههههههههه
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف اقبال عبداللطيف في 25th مايو 2011, 11:42

يادكتورة فش الغبينة للرجال بقروش ماساكت..كدي جعر اول ياعمو فيصل بعد داك نتحاسب..الزعيم مسكني الكاشير
احترامي


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف فيصل خليل حتيلة في 25th مايو 2011, 11:48


شكرا دكتورة الا غبينتى اليوم الله يستر ساى

اقبال انا االزعيم عامل لى تخفيض لانو مدتى طويلة شوية هنا

انا اسع بستقبل فى الناس البواسونى برجع ليكم بعدين


avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف اقبال عبداللطيف في 25th مايو 2011, 12:41

معاك مستند ياعمو فيصل؟


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف فيصل خليل حتيلة في 25th مايو 2011, 12:55


يا جماعة الخير اللبطة الوقعت فيها انا دى شنو

اقبال الله كم
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف غريق كمبال في 25th مايو 2011, 13:48

فيصل واقبال 000نحن عملنا تخفيضات كبيره للزبائن وبعدين بنقبل الشيكات ووصولات الامانه والكمبيالات 00واعنى كن قدرنا انو الزول غبينتو حاره بنديهو سحبه بتاعت فش غبينه مجان000تحياتى
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف الفاتح محمد التوم في 25th مايو 2011, 14:13

فيصل سلامات ....
شايفك انتقلتا من فش الغبيــنة ...
وجرّيــت شــخيط عدييل كده
غريق ألحق الراجل .... أدّي إقبال إذن الصرف !!

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

وجه آخر من أبواب " قدر ظروفك "

مُساهمة من طرف الفاتح محمد التوم في 25th مايو 2011, 15:09

يا جماعة هوي ....وردنا للتو ....
مفاجآت جديدة ومغرية في الصالة .... تزيد من دخلها وتدعم عملية سد باب الضرايب ....
"تم تدشين .. صالات مكيفة تحتوى على عوازل الصوت للبكاء الحار والسكلي والحي وووووب ... يوجد قسم خاص للنساء والمحل مزود بمناديل الورق وأحواض الغسيل والبراطيش والجزم والشباشب القديمة لزوم اللطم .. الأسعار في متناول الغلابة " قدر ظروفك " .. السعر ألفين جنيه بالقديم .. البندول مجاني وكذلك البصل لزوم الإفاقة في حالات الهستيريا !!!"

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف فيصل خليل حتيلة في 25th مايو 2011, 17:36


الفاتح ياخى والله انا مغبون حار

عندنا تلاتة يوم هنا و بعد داك بنرفع و نمشى الحله تانى تلاتة يوم

اقبال دى كلام الزعيم ما جاب فيها خبر ولا ايه

تحياتى
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف غريق كمبال في 22nd يونيو 2011, 13:52

بمناسبة انفصال الجنوب 000هنالك تخفيضات كبيره فى الاسعار واسعار خاصه لمواطنى التماس واصحاب البهايم التى انقفل مرعاها 000والتجار الذين شردوا من الجنوب وجيرانهم واهلهم جميع هؤلاء يشملهم التخفيض
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف فيصل خليل حتيلة في 2nd أغسطس 2011, 09:12


ودعشمان شايف حايم بهناء الليلة

يا زعيم اعمل ليه تخفيض و بعدين الفاتورة انا بدفها مافى مشكلة

الزول مغبون شديد

الله غالب

رمضان كريم
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف غريق كمبال في 2nd أغسطس 2011, 22:13

شكرا يا فيصل انحنا ول عشمان ده نعطيه فش غبينه شهر مجان وشهر بنصف القيمه وهذا العرض لجميع ابناء امبرامبيطه الاصليين الذين ليس من حولهم صراع
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف ابوهريرة عثمان عبدالسلام في 2nd أغسطس 2011, 22:48

ياجماعة فش الغبينة بالبكاء والسكلى ما جايب حقو مفروض عمك الصديق دا يخلى فش الغبينة دق عديل

يقوم يجيب واحد من الجماعة الزعلو الناس ديل ويتفشو فيهم دق وتنعئل ويكون الدق بشروط
avatar
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف غريق كمبال في 3rd أغسطس 2011, 17:15

ابوهريره تحياتى

فش الغبينه بالطريقه القلتها دى بجرجر حاج الصديق زاتو وربما جرجرنا الى جرجرت الامم المتحده والبند السابع وكده

عشان كده الاقتراح ده بجيب جرجره وما اعتقد حاج الصديق يوافق عليهو وبعدين ناس الضرائب فاتورتهم بتزيد كده
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف فيصل خليل حتيلة في 3rd أغسطس 2011, 22:52


يا زعيم التخفيضات لناس امبرامبيطة كلهم ولا ودعشمان براهو

ودعشمان ياخى تعال بنعوضك تعويض يليق بشخصك الغالى علينا فى كل القضايا التى خسرتها

تخياتى للسيدة ميركل

ههههههههههههههها

avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف غريق كمبال في 15th أكتوبر 2011, 09:25

الناس ديل ما عندهم غبينه عاوزين يفشوها

حاج الصديق عاوز يقفل المحل

لقلت الزبائن
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف غريق كمبال في 18th يناير 2012, 14:05

الايادى القبينه زادت والناس بقو بفشو الغبائن ساى

حتى ناس الموتمر الوطنى بعد المزكره الشهيره جو حجزو عند عمك صديق لفش الغبائن

تحياتى يا مغابين
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف فيصل خليل حتيلة في 18th يناير 2012, 16:17


اى يا زعيم

شايف عمك صديق قال لى البشير و نافع و على عثمان كلهم مشوا ليه فى يوم واحد للحجز

هههههههههههههههههههها


avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف الفاتح محمد التوم في 18th يناير 2012, 20:42

سلام حاج غريق ... والوريف
أنا بقترح تعيين ودعشــمان مشرف عام لصالة فش الغبينة
عشان الماقدر يقولوا .... يسمعو من غيرو ويتنفس شويه
شايفو ..... ساكت و " مكتول كمد "

وأنا متأكد بأنو مؤهل لإدارة الصالة....وفش غبينتو بالوكالة .....
كلموا لينا عمك صدّيق بالله ..... منتظرين الرد

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف محمد قادم نوية في 19th يناير 2012, 11:52

فش الغبينة الكبري سوف يفشّها المواطن السوداني المغلوب علي أمره في الذين تسببوا في ضنك حياته والتلاعب بثرواته والخداع والكذب الذي عاشه لعقود من الزمان
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف غريق كمبال في 19th يناير 2012, 12:08

شكرا فيصل

الجماعه ديل عمك صديق قال ليهم امشو فشو غبينتكم فى ميدان ابوجنزير عشان الصاله دى للشعب وهم ما من الشعب
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف غريق كمبال في 19th يناير 2012, 12:12

الفاتح

انت عارف صاحبك ول عشمان غبينتو ما بتنفش الا ينازل ابوهريره

المقترح مقبول وانا بقنع عمك صديق عشان ول عشمان بس
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف غريق كمبال في 19th يناير 2012, 12:16

ول نويه

فش غبينة الشعب دى ما معانه هنا فش الغبينه فرادى وما فيه اى دواعى سياسيه

ومحلات فش الغبينه دى زاتها جزء من التهدءه السياسيه للشارع المغبون
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف الفاتح محمد التوم في 23rd يناير 2012, 13:49

شكراً للإستجابه يا حاج غريق....
إلاّ ودعشمان شايفوا داخل غيبوبة ....
ده كلام يا ودعشمان.....

أني مغبون غبيني شيني خلالالاس
ممكن تفتحو لينا الصالة باقي اليوم ده ؟؟؟
هههههههههههههههههههههههههههههه

خالص الود

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف غريق كمبال في 23rd يناير 2012, 15:34

ول عشمان ده يا جماعه ما تشدو ليهو سلك

انا ما عارف يمكن البرد الشايفنو فى اربا ده يمكن يكون جهجهو
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف فيصل خليل حتيلة في 29th يناير 2012, 15:13


كنت مع حاج الصديق أمس المساء بدواعى حجز الصالة للسيد الصحاف و لكنه اعتزر بحجة انهاء محجوزة لمدة شهر

للسيد غريق كمبال

هههههههههههههههههههههههههها

تحايا
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف غريق كمبال في 30th يناير 2012, 17:16

شكرا فيصل انحنا غبينتنا دى وبعد احداث المقرح تانى دايره ليها شهور حتى تنفش
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف غريق كمبال في 21st يوليو 2012, 12:36

اعلان هام

نعلن محلات عمك صديق لفش الغبينه عن وجود صالات جديده فى العاصمه المثلثه وعواصم الولايات وهذه الصالات مجهزه بجميع الادوات ذات الصله بالعمليه ويوجد بها حجز للمجموعات والافراد

وذلك بعد فشل الربيع العربى فى الخرطوم وفشل جمعات لحس الكوع والكنداكه ومغامرات جامعة الخرطوم


توجد لدينا اسعار خاصه وتخفيض بصل الى 40% للذين شاركو فى الاحداث الاخيره وظلت اثار القمع البنبانى ظاهره على محياهم

كما توجد استضافه مجانيه لفضائية العربيه والجزيره والنشطاء

العرص محدوده وسيظل العرض سارى طوال شهر رمضان الفضيل


مع تحيات الاداره التنقيذيه
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف غريق كمبال في 1st أغسطس 2012, 11:31

الناس ديل ما عندهم غبينه عاوزه فش ولا شنو
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف Suhad Abduelgfaar في 7th أغسطس 2012, 14:08

اخوى غريق سلامات شايفة فش الغبينة بقى عالمى يعنى ممكن تطور العمل فى كل انحاء العالم وانا منى ليك حاكون وسيطك هنا مع الخواجات ديل وما تقول جماعتك ديل
(عرزانين) فى البسو يعنى اكيد حيكون مشروع ناجح .

+++مقهى صينى للمكتئبين والبكاء أحدث خدمة لرواده+++

في خطوة تهدف للتنفيس عن المصابين بالاكتئاب، افتُتِح في شرق الصين مقهى للحزن، يتيح لرواده التعبير عن حزنهم بالبكاء الجماعي.

وأكد خبير أمراض نفسية وعصبية أن هذه الطريقة تساعد في علاج المشكلات النفسية، مشيرًا إلى أن لها أساسًا علميًّا في طب النفس يعرف باسم العلاج الجماعي، الذي يعتمد على اجتماع أصحاب المشكلات النفسية في مكان واحد للتنفيس عما بداخلهم بالفضفضة والحديث عن مشاكلهم.

وذكرت صحيفة "تشاينا ديلي" في طبعتها التي تصدر في هونج كونج، أن تكلفة ارتياد المقهى تبلغ 50يوان (6 دولارات) لكل ساعة، مع تقديم أفضل المشروبات للزبائن الذين يذهبون للبكاء.




ويوفر المقهى أيضًا المناديل وزيت النعناع لتخفيف آلام المكتئبين، كما يقدم البصل والفلفل الأحمر لمساعدة الذين يرغبون في ذرف الدموع.

وفي ظل هذه الأجواء، تُعزف الموسيقى الحزينة داخل المقهى الذي يوفر لأصحاب العلاقات العاطفية المحطمة دمى على شكل نساء، ليدفعوها جانبًا أو يضربوها للتنفيس عن غضبهم أيضًا.

وقالت الصحيفة إن المقهى حقق نجاحًا كبيرًا، ويجتذب أعدادًا كبيرة من الرواد المكتئبين يوميًّا.

وفي تعليقه على هذه التجربة، قال الدكتور أنور الإتربي -أستاذ الأمراض النفسية والعصبية بجامعة عين شمس-: "فكرة هذا المقهى تقوم على أساس علمي مأخوذ من العلاج النفسي ويعرف باسم الجماعة أو الجماعي، وتقوم فكرته على اجتماع أصحاب المشكلات النفسية في مكان واحد ليتحدث كل فرد عن مشكلته، وهو ما يعرف باسم الفضفضة، ما ينفس عنهم".

وأوضح الدكتور الإتربي "أن المريض النفسي يميل للعزلة، ولذلك فإن مجرد خروجه من عزلته بالاجتماع مع الآخرين يعد درجة من العلاج"، مشيرًا إلى وجود مراكز في أوروبا مخصصة لهذا الشأن، فيجد فيها الشخص كافة العوامل التي تساعده للتنفيس عما بداخله، فمثلًا الذي يريد البكاء يجد شخصًا يستند على كتفيه ويبكي".

واعتبر الدكتور الإتربي أن هذا المقهى هو تطوير لفكرة المقهى المصري الذي تذهب لتتسلى مع أصدقائك وتحدثهم عن مشكلاتك، خاصة وأن غياب الوازع الديني من المجتمع الصيني يجعلهم في حاجة للبحث عمن يواسيهم ويقف بجوارهم حتى إن كانوا أصدقاء وهميين".

وعن إمكانية تطبيق هذه الفكرة في مجتمعاتنا العربية، قال الإتربي: "نحن لسنا في حاجة إلى هذا النموذج حتى الآن، لأن الشخص العربي خاصة في الأرياف لديه صديقه الحقيقي وأقاربه الذين يقفون بجواره في أية محنة، لكن بعض المدن بدأت تشهد تفككًا أسريًّا واجتماعيًّا وقد تحتاج إلى مثل هذا النموذج
قريبًا".
avatar
Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف غريق كمبال في 11th أغسطس 2012, 12:15

http://www.facebook.com/photo.php?fbid=451535898202301&set=o.328499367218579&type=1&relevant_count=1&ref=nf

ورود لزوم فش الغبينه
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف فيصل خليل حتيلة في 21st أغسطس 2012, 22:10


واحدة واحدة يا زعيم

منتظرين موضوع سوريا ينتهى و من ثم سيدخل فصل الربيع لباقى بلدان العرب

عموما شايف اليومين دى ( الشعبيين ) محتاجين لحجز عند عمك صديق

ياتو شعبيين؟

ههههههههههههههههههههها

تحايا
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف غريق كمبال في 22nd أغسطس 2012, 09:29

خلى ابوهريره يقدم طلب

عشان لزوم التخفيضات

تحياتى
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: فش الغبينه

مُساهمة من طرف غريق كمبال في 16th مايو 2013, 14:35

ub
ناس الجبهه الثوريه

عمك صديق عندو تخفيضات هائله

والتلج ومناديل الورق مجانا
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى