لانك عندي كل الخير
+4
فيصل خليل حتيلة
علاءالدين عبدالرحمن تيمي
محمود منصور محمد علي
اقبال عبداللطيف
8 مشترك
صفحة 1 من اصل 1
لانك عندي كل الخير
احواء عزيزي الرجل تخلص وتفي وتتقن وتتفوق وتبهر وهي تقود كل شي...تقود السيارة وهي الاقل خطأ واقل حوادث مرور...وهي ادارية ناجحة لا تعرف الطرق الملتوية...ولاتفرق بين الجنسين لتقدم خدمة ..حازمة صارمة منضبطة...هي الاكثر سدادا لالتزاماتها المالية..وحينما تشد سرجها وتدلدل كرعينها تأكد ياعزيزي انك فشلت ..فهي تغيب دورك لتخرج باسرتها الى بر الامان..هي تقهر وتشرد بابنائها فتخرج ابناء صالحين لمجتمعهم....صراحة اتمنى ان تكتسح الانتخابات الرئاسية القادمة امرأة ...لمتين يحنسوكم وتحنسو؟؟...ولحدي تلحسو كيعانكم..نكون مسكنا البلد والماعاجبو يحلق حاجبو!...التحية لست امال ادريس في المدرسة المتوسطة..وست ليلى محجوب كن مديرات هيبة...احترامي
اقبال عبداللطيف- مشرف ركن الاسرة
رد: لانك عندي كل الخير
ليس بغريب على حواء في ان تمتلك ناصية الابداع وتستلم زمام المبادرات.
فهي قد سلكت فصعدت ووصلت وتقمقمت وتربعت اعلى العروش !! فاجادت واتقنت وتمكنت وابهرت واخرست كل الاصوات النشاذ التي كانت تعزف على وتر ((المراة للبيت )) .. ليست السياره وحدها المقياس يا استاذة اقبال فالمراة في الصين تقود الشاحنات العملاقة وفي اوربا تقود الطاترات المعقدة وفي الهند تقود القاطرات الطويلة.. انها سر الحياه واكسير البقاء..الف تحية وانت تحملين راية الدفاع عن مكانة المراة في المجتمع وتقاتلين دونها بكل جراة وبسالة وتذودين عنها بكل ثقة واعتداد .
فهي قد سلكت فصعدت ووصلت وتقمقمت وتربعت اعلى العروش !! فاجادت واتقنت وتمكنت وابهرت واخرست كل الاصوات النشاذ التي كانت تعزف على وتر ((المراة للبيت )) .. ليست السياره وحدها المقياس يا استاذة اقبال فالمراة في الصين تقود الشاحنات العملاقة وفي اوربا تقود الطاترات المعقدة وفي الهند تقود القاطرات الطويلة.. انها سر الحياه واكسير البقاء..الف تحية وانت تحملين راية الدفاع عن مكانة المراة في المجتمع وتقاتلين دونها بكل جراة وبسالة وتذودين عنها بكل ثقة واعتداد .
محمود منصور محمد علي- مشرف المنتدى العام و مصحح لغوي
رد: لانك عندي كل الخير
رائع انت يا انسان..لك كل الاحترام والتقدير استاذ محمود.
اقبال عبداللطيف- مشرف ركن الاسرة
لانك عندي كل الخير
استاذة اقبال
المراة شقيقة الرجل فلا غرابة ان تحلق في الفضاء وتقود السيارة واي عمل منوط بها تؤديه على اكمل وجه ودا في الغرب فقط لكن مجتمعنا الشرقي يختلف تماما
نحن عندنا ((القوامة))وفي اشياء مابتقدر عليها االمراة مادام بتخت الحناء .اما تكون رئيسة دا حلم الجيعان للعيش .في حديث بقول ((لاخيرفي قوم تؤمَهم امراة ))اما محمود يااستاذة اقبال انا عارفو كويس وعاجكو عجك قليبي رهيف مابقدر على الهبباي في عز الصيف
تحياتي
المراة شقيقة الرجل فلا غرابة ان تحلق في الفضاء وتقود السيارة واي عمل منوط بها تؤديه على اكمل وجه ودا في الغرب فقط لكن مجتمعنا الشرقي يختلف تماما
نحن عندنا ((القوامة))وفي اشياء مابتقدر عليها االمراة مادام بتخت الحناء .اما تكون رئيسة دا حلم الجيعان للعيش .في حديث بقول ((لاخيرفي قوم تؤمَهم امراة ))اما محمود يااستاذة اقبال انا عارفو كويس وعاجكو عجك قليبي رهيف مابقدر على الهبباي في عز الصيف
تحياتي
علاءالدين عبدالرحمن تيمي- نشط ثلاثة نجوم
رد: لانك عندي كل الخير
سلام يا اخوان
اقبال اولا مبروك ترقيتك الى ( عضو ناشط ) و دا دليل عافيه اخيتى اتمنى ان نراكى مشرفة
منتدى قريبا بأذن الله تعالى ( بس بطلى البلطجة ) و تاكدى ان حقوقكم محفوظة مية المية بس
فى حدود السقف المعقول
تحياتى خالو محمود و عمو تيمى
فيصل خليل حتيلة- مشرف إجتماعيات أبوجبيهة
رد: لانك عندي كل الخير
تسلم يافيصل...حالنا مانطينا شخيتكم...هو نقدر (ياعمو)...اها كدا لحقت عمك وخالك...ووين الصورة؟
اقبال عبداللطيف- مشرف ركن الاسرة
رد: لانك عندي كل الخير
اقبال اذيك يا ذوله بصراحه كترتى المحلبيه
حكم شنو هووووى انقرعى
يا بت قيادة جرارات شنو وشاحنات وقطارات شنو الشغل الشاق ده خليوه للرجال ( رفقا بالقوارير) انتى دايره تجيبى المهانه لروحك خلى سقفك معقول فيصل معاه حق
ولكم التقدير
ناهد عبيد- مبدع مميز
رد: لانك عندي كل الخير
اقبال....كزاما بتي اسمعي كلام عمو خليك مع ناهد الترشيح .الحكومة بترضي العيين وقبال المرضاة توب زراق وفركة ام صفيح رطل سكر ورطل بن
هوي((يااقبال؟؟؟ ))ريسة مافي!الماء الحار ما لعب قعونج .
الرجال صناديق مقفلة هم للدهاء والمكر والضغينة والكريهه والمنازلة .
والعيين للبيت ودا الكلام البزعل محمود.....اب تفا ناصر العيين ابو شغلتا شينة خليكي مع ابو العيال تكشيرا مافي كلام حلو.الراجل بنفخ ببقى خرتيت .تسوقي من اضنينة
تحياتي
تيمي
هوي((يااقبال؟؟؟ ))ريسة مافي!الماء الحار ما لعب قعونج .
الرجال صناديق مقفلة هم للدهاء والمكر والضغينة والكريهه والمنازلة .
والعيين للبيت ودا الكلام البزعل محمود.....اب تفا ناصر العيين ابو شغلتا شينة خليكي مع ابو العيال تكشيرا مافي كلام حلو.الراجل بنفخ ببقى خرتيت .تسوقي من اضنينة
تحياتي
تيمي
علاءالدين عبدالرحمن تيمي- نشط ثلاثة نجوم
رد: لانك عندي كل الخير
تسلم يا ابوعلاء والله كلامك حلو شديد.
تيمى اخبارك و ااخبار الاسرة الكريمة يا اخى و الله مشتاقين ليكم حار
ناهد و ااقبال حمدلله على سلامتكم بالجد خفنا عليكم من عطيه
وين صديقى محمود
فيصل خليل حتيلة- مشرف إجتماعيات أبوجبيهة
رد: لانك عندي كل الخير
ياجماعة خوفتونا بندين ونشجب ونستنكر ...محل قبلت القاهم معايا معايا زي ضلي...وكان ماجيت من زي ديل وااسفايا وا مأساتي واذلي...احترامي
اقبال عبداللطيف- مشرف ركن الاسرة
رد: لانك عندي كل الخير
الاخ ابوعلاء الاستاذة ناهد الاستاذ فيصل
يا رجل الهند حكمتها انديرا غاندي
اليمن حكمتها الملكة بلقيس
بنغلاديش كل المتعاقبين على حكمها من الجنس اللطيف
اسرائيل حكمتها قولدا مائير
باكستان حكمتها بي نظير بوتو
تونس كانت من تحت بتحكمها زوجة الرئيس
تركيا ورومانيا وغيرها من الدول والممالك
خلينا نحن كمان نجرب الحريم يحكموا ونرشح اقبال عبد اللطيف امكن تطلع احسن من حكام كثيرون حكموا السودان ولم يقدموا لنا غير المشاكل والمتاعب والمصائب والكوارث وختموها بتقطيع وتقسيم المليون ميل مربع
يا رجل الهند حكمتها انديرا غاندي
اليمن حكمتها الملكة بلقيس
بنغلاديش كل المتعاقبين على حكمها من الجنس اللطيف
اسرائيل حكمتها قولدا مائير
باكستان حكمتها بي نظير بوتو
تونس كانت من تحت بتحكمها زوجة الرئيس
تركيا ورومانيا وغيرها من الدول والممالك
خلينا نحن كمان نجرب الحريم يحكموا ونرشح اقبال عبد اللطيف امكن تطلع احسن من حكام كثيرون حكموا السودان ولم يقدموا لنا غير المشاكل والمتاعب والمصائب والكوارث وختموها بتقطيع وتقسيم المليون ميل مربع
محمود منصور محمد علي- مشرف المنتدى العام و مصحح لغوي
رد: لانك عندي كل الخير
الأكارم /اقبال ...ناهد .. أبوعلاء .. محمود .. فيصل
رضينــا برفع السقف الى
" حكم تحت تحت .... من منازلهم "
يعني Undertable
خلونا نجرب شعار " أيدي رقيقة ... وعقول قوية"
وصراحة الشغلة دي ماشــه الأيــام دي
**********
تســـلموا جميعاً
رضينــا برفع السقف الى
" حكم تحت تحت .... من منازلهم "
يعني Undertable
خلونا نجرب شعار " أيدي رقيقة ... وعقول قوية"
وصراحة الشغلة دي ماشــه الأيــام دي
**********
تســـلموا جميعاً
الفاتح محمد التوم- مشرف المنتدى السياسى
رد: لانك عندي كل الخير
نقطة ضوء
( محجوب شريف ) أهدا الى كل الأمهات و الاخوات و لا ننسى نياتنا كمان
نقطة ضوء
في اللحظة ديك والتو
لحظة الميلاد
كنت نقطة ضؤ
فرهدت بيك فرهيد
وانتشيت بالريدأنا
وطرت بيك الجو
**1**
قالو ايضا بت
قلت مالو ولو
بختي بختي .. انت بتي ..
امي اختي.. همي شيلي ..
شيلي ..شيلي
شيلي مني.. مني ختي
إتي
بشوفها عز التبتبة
بتي البريدة مرتبة
دولابا داك والمرتبا
جات من قبيل من مكتبا
ادت ابوها مرتبا
سددنا دين دكان حسين ...كستني توب
نجدنا كم.. كم مرتبه
جيهت بيتنا القديم
السقف داك والمسطبة
**2**
قيرا قيرا يا مهيرة
ياشتلاية جاتا مطيرة
تكبري انت تشيلي حملنا
وتزيدينا ترانا كملنا
نسمع عنك ما يفرحنا
الاستاذة دي كتر خيرا
يوم تلقانا هي...بتوصلنا
وتحصلنا ...تفك الحيرة
ما بتتسلط وما بتتعنت
ما بتتعنت وما بتتسلط
ما بتاوق في حق غيرا
( محجوب شريف ) أهدا الى كل الأمهات و الاخوات و لا ننسى نياتنا كمان
نقطة ضوء
في اللحظة ديك والتو
لحظة الميلاد
كنت نقطة ضؤ
فرهدت بيك فرهيد
وانتشيت بالريدأنا
وطرت بيك الجو
**1**
قالو ايضا بت
قلت مالو ولو
بختي بختي .. انت بتي ..
امي اختي.. همي شيلي ..
شيلي ..شيلي
شيلي مني.. مني ختي
إتي
بشوفها عز التبتبة
بتي البريدة مرتبة
دولابا داك والمرتبا
جات من قبيل من مكتبا
ادت ابوها مرتبا
سددنا دين دكان حسين ...كستني توب
نجدنا كم.. كم مرتبه
جيهت بيتنا القديم
السقف داك والمسطبة
**2**
قيرا قيرا يا مهيرة
ياشتلاية جاتا مطيرة
تكبري انت تشيلي حملنا
وتزيدينا ترانا كملنا
نسمع عنك ما يفرحنا
الاستاذة دي كتر خيرا
يوم تلقانا هي...بتوصلنا
وتحصلنا ...تفك الحيرة
ما بتتسلط وما بتتعنت
ما بتتعنت وما بتتسلط
ما بتاوق في حق غيرا
فيصل خليل حتيلة- مشرف إجتماعيات أبوجبيهة
رد: لانك عندي كل الخير
تجي تحصلنا تفك الحيرة...باذن الله نفك حيرتكم في الريس....مابتتسلط ومابتتعنت..نوعدكم بديمقراطية لاضنيكم..ومابتاوق في حق غيرها..دا المهم نحارب الفساد..ونبعد شبح عطية....شكرا فيصل على البرنامج الانتخابي...لابيد تلجك ماعجيب...احترامي
اقبال عبداللطيف- مشرف ركن الاسرة
رد: لانك عندي كل الخير
ابو حسين في البايباي ........واقبال هي الجاي
صوتوا لمرشحكم رمز القطية
من اجل ديمقراطية حرة ونزيهه
صوتوا لمرشحكم رمز القطية
من اجل ديمقراطية حرة ونزيهه
علاءالدين عبدالرحمن تيمي- نشط ثلاثة نجوم
رد: لانك عندي كل الخير
دا الكلام ياعمو...بس الرمز خليهو القفة..القفة القفة المابية (السفة)...القفة القفة نزاهة وعفة...احترامي
اقبال عبداللطيف- مشرف ركن الاسرة
رد: لانك عندي كل الخير
اقبال تصدقي انك واحدة خطيرة بجد ومابعيد انتو تكون واحدة قريب تمسك رائسة الجمهورية وزي ماقال ود منصور كدي نجرب مادام ادم اكل الاخصر واليابس النشوف حواء يمكن يكون فيها الخير ... وياناهد بطلي الخوف اصلو مافي حاجة مرجعانا لورا غير الخوف حقنا دا
لقدام ياإقبال أخيتي
لقدام ياإقبال أخيتي
سومه العمدة- نشط مميز
رد: لانك عندي كل الخير
اقبال النساءهن كمال ديننا وديل نحن عارفين مابنقدر علي محنهن وكلامك دي سمح لانك بإتحادك مع سومه خوفتونا والله يستركم من انتفاضة الرجاله
الله يخليكم لينا امهات وشقيقات وزميلات ومنكم نتعلم
شكري
الله يخليكم لينا امهات وشقيقات وزميلات ومنكم نتعلم
شكري
الجبالي- نشط مميز
مواضيع مماثلة
» عندي اقتراح ..
» فى إتجاة الحاج عبدالرازق .......... غيابات الخليل
» خرطوم يا رمز الجمال * ودرة الأوطان عندي
» خرطوم يا رمز الجمال ودرة الأوطان عندي
» يا اخوانا عندي ليكم فكرة لبوست جديد ...!!
» فى إتجاة الحاج عبدالرازق .......... غيابات الخليل
» خرطوم يا رمز الجمال * ودرة الأوطان عندي
» خرطوم يا رمز الجمال ودرة الأوطان عندي
» يا اخوانا عندي ليكم فكرة لبوست جديد ...!!
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى