ابوجبيهه

مــــن الصبــــــــــاح زهجانيــــــــــن ومكشششششرين

استعرض الموضوع السابق استعرض الموضوع التالي اذهب الى الأسفل

مــــن الصبــــــــــاح زهجانيــــــــــن ومكشششششرين

مُساهمة من طرف ناهد عبيد في 18th أبريل 2011, 10:47

نحن السودانين شجاعه - طيبه وكرم وامانه يشهدوا ليها الكل يعنى جدعان واولاد بلد مافى شك . تزور

الواحد فى بيتو بشاشه وجود بس انت قول عوووووك قرضك كن الله اراد مقضى تب

يموت زول ما شاء الله ان شاء الله يوم موتك عز شديد عدد يعجب فى المقابر والخيمه

وفى المرض يجوكا ويطايبوكا وكماااااااان الافراح حضور ....... بس

بصراحه فى حاجه لى فتره طويله افكر فيها واقول معقول رغم الحاجات الطيبه دى كلها ليه طيب الناس ديل نساء رجال كبار صغار وشباب

وصبيان . فى البيوت المواصلات المكاتب الاسواق فى كل الاماكن التى يرتدونها تجدهم مكشرين
زهجانيييييييين صارين وشوشهم من الصبااااح يا فتاح يا كريم مافى زول بقول ليكا صباح الخير

كيف اصبحتو ...
وكمااااان زهج وكشير فى عز الشتاء الجو بااااااارد وجميل و فى الخريف والصيف بالليل والنهار

قرف كن جاعييييييين وكن شبعانيييييييين

ما تقولو لى السخانه والحرايه والفقر والتعب والمرض وغلاء المعيشه
يااااا جماعه حتى العبارات العاديه الزوقيه الفطريه والله ما بتكلف حاجه كونك تقول لزول شكرا لعمل جميل قدموا ليك او معليش اذا حسيت مجرد احساس انك غلطت فى حقه يبدو لى واحتماااااااااال كبير اكون غلطاااانه واتمنى ذلك يا ربى هل عندنا مشكله فى كيفية التعبير عن الجميل ؟؟؟؟؟؟؟


لكم تحياتى
واقعدوا عافيه
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف ناهد عبيد في 18th أبريل 2011, 13:11


فى الدكان الناس تبيع وتشترى الله يستر للذمم

يقوم واحد| واحده ما فرقت يفجقك او يعفصك تقول له الله الله شيل كراعك فجقتنى يقول ليك بكل عدم ذوق يا خى ما شفناك انت ما تلم كرعينك عليك . بدلا عن معليش --- اسف --- ما قاصد --سورى --- العفو
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف الفاتح محمد التوم في 18th أبريل 2011, 14:03

ناهد ازيك ....
والله بيني بينك موضوعك ده مكشر شديد خلاص...
ولاّمي وشـّـو في جبهتو ؟؟؟
" خليهو يروق شويه ....برجع ليهو تاني ... !!!!"
بالمناسبة ...
أخبار "أسرتنا" شنو ؟؟؟؟؟؟؟؟

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف Suhad Abduelgfaar في 18th أبريل 2011, 14:08

تسلمى يا بنت عمتى
والله ليكى وحشه
موضوعك
جميل جدا
ودى حقيقه نحن نفتقد لغة الاعتزار .
وطبعا
نحن الواحد لما طلع من السودان
فى البدايه كنا بنقول الناس (ديل عوره) ولا شنو ؟اى حاجه لو سمحت ؟
ولو وقف قدامك
يقول ليك سورى
واى حاجه ممكن اعمل كده !!!!
المهم بعد طولت الزمن
بقينا زيهم
والواحد لما يكون فى السودان
بضحكو عليهو وبقولو ده مالو ده !!!!
الزول جنا عديل كدى وكرهنا .
تحياتى


avatar
Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف ود عشمان في 18th أبريل 2011, 14:42


الاخت ناهد ..

الناس بتكشر و مكشر كده لانو عطيه معاهم ..

الموضوع رائع و محتاج لنقاش .. توه الضعينه سايره لكن وقت نخطو بقبل ليك في موضوعك دا ..

لك التقدير
avatar
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف سومه العمدة في 18th أبريل 2011, 15:20

ناهد ازيك ...وموضوع بجد مهم ومحتاج لجواب ياربي دي من الجينات ولا شنو؟


avatar
سومه العمدة
نشط مميز
نشط مميز


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف فيصل خليل حتيلة في 18th أبريل 2011, 17:30


ناهد -------- رسينا على بر يا بت.

زهجانين من الاولاد البلبسوا زى البنات البلبسوا زى الاولاد.

زهجانين من الاولاد البيمشوا زى البنات البيمشوا زى الاولاد.

حالة احباط عامة.

شكرا
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف صباح حسن عبد الرحيم في 19th أبريل 2011, 11:17

ناااااااااااهد
سلامات
يا دوق انت
موضوع جميل
تسلمي

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف ناهد عبيد في 19th أبريل 2011, 13:02


الفاتح

حبابك الف

الموضوع مغبون حاااااار

اسرتنا محتاجه لدعواتكم ومقترحاتكم الجميله وفى جلسه عن قريب ونتمنى نشوفك معانا فى جلستنا القادمات تحياتى لفطين والعيال

الموضوع راجيك راجيك
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف ناهد عبيد في 19th أبريل 2011, 13:16

الحبيبه سهاد لكم منا كل الود

انت عارفه لو الزول تعامل بزوق فى ناس يعنى لا اقصد الكل بقولوا عليه عوير وطيب جدا عايش فى زمن ما زمنو

************************************

سومه بت العمده ازى صحتك انتى عارف يا اخيتى شمعاتكو كترت . تسلمى

********************************

احباط هووووى يا فيصل خببببارك فوق شنو الحمدلله حواء والده انت بس قول رائك خلى القلوتيه دى

***********************************
صبوحه تسلمى انتى يا اخيتى
لك التحايا




avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف الفاتح حسن ابوساره في 19th أبريل 2011, 13:38

تسلمي يا ناهد على هذا الموضوع الجميل وهذا الاسلوب الساخر والساحر حقيقة قد ادهشتني طريقة تناولك للموضوع ونقول ماشاء الله على هذا الاسلوب الساخر في القد
الاجتماعي ونطالبك بالمزيد من مثل هذه المواضيع وان شاء الله نشوفك كاتبة متالقة يارب
avatar
الفاتح حسن ابوساره
مشرف تاريخ ابوجبيهه
مشرف تاريخ ابوجبيهه


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف ناهد عبيد في 19th ديسمبر 2012, 10:20


اها الشـــــتاء جاء والجو لزيز والوشوش مصروره يا ستار على فوق شنو ده كلو يا خى والله انا نفسى نغير من الحاله الداخلين فيها الاسلوب الجاف صر الوش والنهير والنتير وتضرب ليك تلفون لى زول يرد عليك امن تاخد نطه اقصد قفزه هههههههه يا ستار .

اوعا تقولوا ليا عطيه والظروف الاقتصاديه والكلام الطويييييييل الملولو داك .
واقعدوا عافيه


عدل سابقا من قبل ناهد عبيد في 19th ديسمبر 2012, 10:37 عدل 1 مرات
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف jaber abdulsater mohammed في 19th ديسمبر 2012, 10:34

لفتة بارعة جداً ومابحس بيها وبنظر ليها نظرة بعيده إلا الاصيل ود الناس الرجال الذي تربي في كنهة العظماء وانت اصيلة بحق وحقيقة .

وشكراً
avatar
jaber abdulsater mohammed
نشط مميز
نشط مميز


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف إيمان عبدالرازق الحاج في 19th ديسمبر 2012, 11:12

لغة الاعتزار جميلة
ومجرد ما يعتذر زول تحس بالرقي
لو انت ماغلطان وحصل الاعتذار

الجو يهدأ
تحياتي
avatar
إيمان عبدالرازق الحاج
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف فيصل خليل حتيلة في 19th ديسمبر 2012, 11:17


اى

فى شنو؟

انتى مالك اسع؟

ههههههههههههههههههههههههههههههها

شكرا جزيلا ---- لو سمحت ---- أسف

لغة جميلة صارت من البضائع النادرة بالاسواق السودانية بعد ان غزتنا المنتجات الصينيه

شكرا بنيتى



بــِقـِـيــنــا ضَـــهــَابــا مِـتــل الــزول ضَـريــر وبــِـلــيــِّــد
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف Abdel Aleem Ali Babker في 23rd ديسمبر 2012, 07:06

تحياتي للجميع
اتفق معك تماما الاخت ناهد. اصبح الشعب مخنوق حتي من نفسه. عند زيارتي الاخيره كنت في الحاج يوسف( مشيت الدكان اشتريت بن و بطبيعة الحال كما تعودت في كندا ان تشكر اي شخص حتي لاصغر الاسباب . فقلت ليهو شكرا كتير. قال لي يازول هوي شكرا علي شنو وانا شلت قروشي زح كدا لانو في ناس وراك دايرين يشترو ) فالظاهر الخطط الخمسيه و العشريه الكتيره دي جات بنتائج عكسيه سلبيه وزادت تكشيرة الوش. الاحباط صار معشعش فى كل البقع. ولكم كثير الود ومافي زعل.
avatar
Abdel Aleem Ali Babker
عضو نشط
عضو نشط


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف ناهد عبيد في 23rd ديسمبر 2012, 10:29

الفاتح حسن ابوساره كتب:
تسلمي يا ناهد على هذا الموضوع الجميل وهذا الاسلوب الساخر والساحر حقيقة قد ادهشتني طريقة تناولك للموضوع ونقول ماشاء الله على هذا الاسلوب الساخر في القد
الاجتماعي ونطالبك بالمزيد من مثل هذه المواضيع وان شاء الله نشوفك كاتبة متالقة يارب

شكرا ابو سارة على المرور وتطيب الخاطر ربنا يجزيك خير ...... وينك مسجل غياب كفــــا يه تعال

تحياتى
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف ناهد عبيد في 23rd ديسمبر 2012, 10:35

إيمان عبدالرازق الحاج كتب:لغة الاعتزار جميلة
ومجرد ما يعتذر زول تحس بالرقي
لو انت ماغلطان وحصل الاعتذار

الجو يهدأ
تحياتي


الاعتزار لغة لا يعرفها الا الرائعين وهى لغه لا يتغنها المتكبرين زوى النفخه الكدابه والاعتزار انواع ممكن بالكلام او باى اسلوب اخر ترتاح انت وتريح الزى اخطت فى حقه . ولى عوده لموضوع الاعتزار وسوف افرد له بوست ايمان خليكى جاهزه
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف ناهد عبيد في 23rd ديسمبر 2012, 10:45

فيصل خليل حتيلة كتب:

اى

فى شنو؟

انتى مالك اسع؟

ههههههههههههههههههههههههههههههها

شكرا جزيلا ---- لو سمحت ---- أسف

لغة جميلة صارت من البضائع النادرة بالاسواق السودانية بعد ان غزتنا المنتجات الصينيه

شكرا بنيتى


وانتا الصادق جدو فيصل لغه بقت نادره لكن برضو الدنيا بخير ....... هههه . فى شنو !!! مالـــــــــك !!! اها !!! كلام فليك بس اجارنا الله قلة ملافظ . على قول بت نور فى ناس كدى فى ابجبيهى حقتنا جنهم تنتر وبهدروا فوقك كدى زى الجمل تقول كتلت كتيل يا المكاشفى
...

شكرا على المرور والتعليق اللطيف
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف ناهد عبيد في 23rd ديسمبر 2012, 10:57

Abdel Aleem Ali Babker كتب:تحياتي للجميع
اتفق معك تماما الاخت ناهد. اصبح الشعب مخنوق حتي من نفسه. عند زيارتي الاخيره كنت في الحاج يوسف( مشيت الدكان اشتريت بن و بطبيعة الحال كما تعودت في كندا ان تشكر اي شخص حتي لاصغر الاسباب . فقلت ليهو شكرا كتير. قال لي يازول هوي شكرا علي شنو وانا شلت قروشي زح كدا لانو في ناس وراك دايرين يشترو ) فالظاهر الخطط الخمسيه و العشريه الكتيره دي جات بنتائج عكسيه سلبيه وزادت تكشيرة الوش. الاحباط صار معشعش فى كل البقع. ولكم كثير الود ومافي زعل.

اتفق معك ومع كامل احترامى لرائك يا عبد العليم اخوى الناس فى بلدنا ده وما بقصد كلهم كشريييييين وزهجانييييييين والفاظهم زى الواطه ده امكن نكون ما كنا حاسين بهم زماااااان لاننا جزء منهم لكن مجرد خروجنا لبلد تانيه وشعوب مختلفه حسينا بالفرق الكبير صدقنى الجعاااااااان والشبعاااااااان الاسلوب واحد وده المحيرنى نفسى اعمل دارسه فى الموضوع ده . هههههه قلت قال ليك زح كده فى ناس دايرين يشترو (قلة ملافظ ) اهو ده السودان . بالله كان موقفك شنو ؟؟

تشكر على المرور
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف سلوى في 3rd يناير 2013, 12:27

الفلس وكترة الهموم ..ألواحد من يصحى من النوم ..او مرات وهو نايم بيكون بفكر في هم بكرة وبحلم بيه..ياربي الفطور بشنو والغذاء ..ياربي مصاريف المدارس ..وياربي مصاريف البيت خلصت الحل شنو ..وهلم جرا
ده اقل تقدير للهموم البشيلها اي واحد مسكين في بلدنا لو ما اغلبهم

وزيدوا عليهم كل اضافة مما سبق

حقيقة الله يكون في العون بس وتبقى تكشيرة من برة بس وما تتطور لمرض عضوي سكري ولا ضغط حمانا الله

اللهم نسالك اللطف باهلنا ويزل همهم وغمهم ياااااااااااااااااارب
avatar
سلوى
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف ناهد عبيد في 21st يناير 2013, 11:03

سلوى كتب:
الفلس وكترة الهموم ..ألواحد من يصحى من النوم ..او مرات وهو نايم بيكون بفكر في هم بكرة وبحلم بيه..ياربي الفطور بشنو والغذاء ..ياربي مصاريف المدارس ..وياربي مصاريف البيت خلصت الحل شنو ..وهلم جرا
ده اقل تقدير للهموم البشيلها اي واحد مسكين في بلدنا لو ما اغلبهم

وزيدوا عليهم كل اضافة مما سبق

حقيقة الله يكون في العون بس وتبقى تكشيرة من برة بس وما تتطور لمرض عضوي سكري ولا ضغط حمانا الله

اللهم نسالك اللطف باهلنا ويزل همهم وغمهم ياااااااااااااااااارب



اهلييييييين ومرحبتييييين استازه سلوى نورتى البوست اشكرك على المرور والمشاركه .
بجيك صاده تانى فشان نتفاكر فى موضوع الزهج الليلنا
.
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف غريق كمبال في 21st يناير 2013, 15:03

كل الاجابات صحيحه

طبعا ظرفاء المدينه بيسمو القروش الضحاكات

وبسمو العيش البفك الكرميش

فالناس يا بت اخوى جيعانه ومفلسه
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: مــــن الصبــــــــــاح زهجانيــــــــــن ومكشششششرين

مُساهمة من طرف اقبال عبداللطيف في 14th مارس 2013, 11:25

كل الاجابات صحيحه

طبعا ظرفاء المدينه بيسمو القروش الضحاكات

وبسمو العيش البفك الكرميش

فالناس يا بت اخوى جيعانه ومفلسه


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى