ابوجبيهه

سرقه الزوجات ........ والله اعلم

استعرض الموضوع السابق استعرض الموضوع التالي اذهب الى الأسفل

سرقه الزوجات ........ والله اعلم

مُساهمة من طرف ناهد عبيد في 10th مايو 2011, 15:02


ظاهره موجوده فى المجتمع
بالجد انا عاسفه ومتأسفه جدا جدا هى موجوده وبكثره مافى حل غير اننا نتناقش مع بعض

( سرقه الزوجات )

اتقدم بأسفى الشديد للمره الثانيه للكلمه (سرقه ) يمكن تكون ما جميله تصك منها الأذان لانى لم اتوفق فى اختيار العباره المناسبه لوصف القضيه التى اريد طرحها و اقصد ما يحدث الان فى المجتمع (البيوت ) ان تأخذ الزوجه من جيب او محفظه او دوالب او خزنة الزوج قريشات .
على حد تعبيرهن بدو ن معرفة الزوج وبطريقه سريه جدا بحجج ميته يبررن بها ما الفعله السوداء .
تقول ليك الواحده وبخشم مليان هو انا ذاتى موديه القروش دى وين بيت ابوووووى اجججى ؟
و.... الخ .
وتقول اخرى بكل جرأه والله الراجل ده ما شفتو القروش كتيييييييييره قاعده على قلبو زى الهم وكمااااااااان جلده جباااااار و دائما صباح فاطمه على ابوها يقول لى يا وليه ما عندى انتى ما بتفهمى ... مافى يا وليه عزبتينى من تشوفى وشى جيب جيب طلباتك كتيره ما بتكمل .......... وانا اقول فى نفسى لو شلت بالدس ما ح يجيب خبر ح اخد منه يعنى ح اخد منه . فيها حاجه ؟؟؟؟

تعطيك الواحده براهين باهته اللون و مسوده طويله عريضه من المبررات الغير مبرره للزمه
ياربى يا مولاى ده سببو ضعف الزوجه ولا اقول المرأه هو الذى وصلها لهذه الحاله ؟ ام عدم الدرايه الكامله بحثيات الموضوع هو صحيح ام خطأ ؟ او من باب الشطاره الشيطانيه التى تجمل الاشياء القبيحه الى اقبح مما نتصور ؟؟ بالجد شغلانه محيره ويا جماعه هوووووى بحياديه وبدون زعل اكيد ح ننقاش الموضوع مع بعض .
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: سرقه الزوجات ........ والله اعلم

مُساهمة من طرف ناهد عبيد في 11th مايو 2011, 15:54

يا اخوانا انا قلت الممنوع عنه واكيد فى ناس زعلوا منى شديد ولا شنو ؟؟؟

و احتمال كبير حصل تهور فى طرح القضيه من باب اسرارنا على وزن ..........

لا أكيد الكلام الانا قلتو ده من باب الخيال واصلا مافيش والحمد لله يا دار ما دخلك شر


واقعدوا عافيه
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: سرقه الزوجات ........ والله اعلم

مُساهمة من طرف اقبال عبداللطيف في 11th مايو 2011, 17:45

دقيقة ياناهد ..صحيح تتواجد هذه الظاهرة ..المرة كان بتسرق فقط من راجلها دا معناهو لي السرقة دوافع واسباب منها شح الرجل..وبرضو الفتوى الحللت السرقة علي قدر الحاجة وتتفاوت الحاجات..باين الشغلانة محتاجة لحد اقصى..ماعشان السرقة ماتفوت النصاب..


خلعتينا ياخ عشان كدا اصبري علينا


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: سرقه الزوجات ........ والله اعلم

مُساهمة من طرف الفاتح محمد التوم في 11th مايو 2011, 19:47

يا إقبال .... ناهد معاها حق وبكل صراحة فإن التنقيب في الجيوب ـ من غير (القريشات) تبدأ بالبحث عن أشياء أخرى هي ( الأيقونات )ـ والهدف ليس السرقة .. قد يترك بعض الأزواج تلك (الأيقونات) التي ترمز معظمها إلى وجود أنثى أخرى عابرة ـ أو(متحكرة) في تضاريس عاطفية بعيدة عن رادار الزوجة ـ سهواً .. و»رب صدفة أتعس من ألف رادار» ! ..
لا أعرف من حسن أو سوء حظي لي صديق طبيب نفسي ... قص علي ما أوردته في الفقرة أعلاه .. وهذا ليس من باب الإفشاء كما قال ولكن من باب (علمتني الحياة ) مثل تلك المواقف وهي مواقف (تحنِّن) وأخرى (تجنِّن) ..وتعتمد على كيف تزوج الإثنان !!! وماهو السلوك الإبتدائي لهذه الحياة الزوجية وبقصد صحبي سلوكهما قبل الخطوبة ... إنما تبقى الرقابة السرية على جيوب الأزواج، أو الرقابة العلنية المطعمة بالتهديدات المبطنة أو الصريحة سلوكاً شائعاً في بعض البيوت السودانية .. إبتداء من جيل معروف للجميع فقط تختلف درجة الرقابة باختلاف سن الزوجة ! ودرجة قربها وبعدها من الزوج .. كما أن سلوك الزوج معها مؤشراً قوياً بعد الزواج .... كأن يقول ليها شوفي جيبي وهاتي منه 100 جنيه او المذكرة الفلانية أو أي شئ يدل على أنه ليس هناك خصوصية في الجيب ..... وياريت أولئك الرجال فعلوا ذلك !! لأعادة الثقة
....لكن ياناهد أكيد مافي حد زعلان من موضوعك ده ............. ده سلوك ظهر جديد ... له دوافعه ومبرراته وحيثياته وسلبياته و أيضــا له حلول ...... أتا أشكرك لجرأة الطرح و الوعي المتقدم يا ناهد ..... والحل و التصحيح انشاء الله في مداخلات أخرى ....!

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: سرقه الزوجات ........ والله اعلم

مُساهمة من طرف فيصل خليل حتيلة في 12th مايو 2011, 10:38

....لكن ياناهد أكيد مافي حد زعلان من موضوعك ده ............. ده سلوك ظهر
جديد ... له دوافعه ومبرراته وحيثياته وسلبياته و أيضــا له حلول ......
أتا أشكرك لجرأة الطرح و الوعي المتقدم يا ناهد ..... والحل و التصحيح
انشاء الله في مداخلات أخرى ....!

الفاتح سلامات يا عزيزى و مشتاقين

اتابع كثيرا كتابات ناهد و اقبال و التى غالبا ما تتناول مشاكل اجتماعية ( موجودة ) فى الواقع ولا يمكن تجاوزها قمثلا كضب الرجال

كان موضوعا واقعيا و تمت مناقشتة بكل اريحيه

اما سرقت بنات حواء فهى ايضا موجودة و لكن فى حدود ضيقة جدا والله اعلم

البعض يرى انها من قبيل ضخ نوع جديد من الحياة فى البيئة الاسرية التى يتغلغل فيها الملل بعض الشئ احيانا

و البعض له او لها اسباب مختلفه تماما

و حسب علمى ان هناك بعض الرجال يسرقون من زوجاتهم ايضا يا ناهد ........ ايه رايك يا فاتح! الموضوع شيق و محتاج

كثير من ( النقه ) و البحث

شكرا ناهد


avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: سرقه الزوجات ........ والله اعلم

مُساهمة من طرف الفاتح محمد التوم في 12th مايو 2011, 17:37

تصدق يافيصل لولا صديقي النفساني ده .. ما كان عرفت الموضوع أصلاً....
ناهد لا أقول فاجأتنا بالموضوع ولكنها " تحب أم بحــتي " ..
موضوع بيروت ده أظهر لنا بعض أسباب " حرفية وحرفنة" ناهد في مواضيعها المدرجة .... لأن عملها مرتبط بمجتمع أحوله هي الأسوء على الإطلاق !!!....
أكيد هناك نوافذ ... حتتفتح بعد عودتها ... بس وصيها ما تنسى الكاميرا ... وإنتا صاحب خبرة مع مؤتمرات المنظمات..
تحياتي يا غالي..

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: سرقه الزوجات ........ والله اعلم

مُساهمة من طرف فيصل خليل حتيلة في 12th مايو 2011, 17:46


تعرف يا شهاب و صيناها و قلنا ليها اوعك من توفير الدولارات

بس شكلها بتبحت ليها فى حاجة زى ما قلت يا فاتح ما البت مشوطنه

ههههههههههههههههههههها

بالسلامه يا ناهد و انا متاكد جدا راسى فوق

شكرا يا فاتح
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: سرقه الزوجات ........ والله اعلم

مُساهمة من طرف اقبال عبداللطيف في 16th مايو 2011, 10:17

والله موضوع مهم ياناهد..ضروري مناقشته


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: سرقه الزوجات ........ والله اعلم

مُساهمة من طرف عثمان موسى آدم في 12th يونيو 2011, 08:24

الاخت الانيفة ناهد عبيد..موضوعك فى الصميم..ما اوردته حقيقة وكمل عليه اخى الفاتح..وجمله اخى فيصل..والااخت اقبال ..اولا اقول لكم مشتاقين وغيابى قسرا..
ديننا الحنيف لم يترك شاردة ولا واردة إلا احصاها..فالزوجة الصالحة من ضمن ملامحها حفظ مال زوجها..الدوافع عدة..ولكن الكارثة ان بعض الزوجات يسعين لدمير البنية التحتية للرجل وشل اقتصاده واركانه..بدافع ((ماتخللى للراجل قرش بكرة بتزوج عليك وتشتغل بذار وبوبار))وتكونى تضحياتك راحت ادراج الرياح..وواحدات كمان تغلبه بالعيال..كل عام كتكوت..ما يدرون ان الارزاق بيد الله ولا يدرون كم صديقة سرقت زوج صديقتها شرعا..فافعل ماشئت كما تدين تدان..والله اعلم
ولله دركم

عثمان موسى آدم
نشط مميز
نشط مميز


الرجوع الى أعلى الصفحة اذهب الى الأسفل

رد: سرقه الزوجات ........ والله اعلم

مُساهمة من طرف فيصل خليل حتيلة في 13th يونيو 2011, 13:58


سيد عثمان موسى سلامات يا راجل يا انيق

وينك ياخ كترت الغيابات؟

اتمنى تواجدك بيننا هذه الايام يا عزيزى

تحياتى
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: سرقه الزوجات ........ والله اعلم

مُساهمة من طرف عثمان موسى آدم في 14th يونيو 2011, 14:28

اخى فيصل الوريف..لك التحية دفاقة..ولكل الاحباب احباب الحباك..الغياب كان ابتلاء ان حجبنا عن بوابة الحباك ..لك ولهم التحية

عثمان موسى آدم
نشط مميز
نشط مميز


الرجوع الى أعلى الصفحة اذهب الى الأسفل

رد: سرقه الزوجات ........ والله اعلم

مُساهمة من طرف ناهد عبيد في 15th يونيو 2011, 22:28


الاخ | عثمان موس شكرا على مرورك وتعليقك الشفاف لكن بينى وبينك فى ناس بغطوا النار بالعويش هذه الظاهره موجوده وبكثره وفى رائي مهما كانت الدوافع والمبررات فهى سرقه سرقه.

نجى لكلام فيصل فعلا فى رجال مش بسرقوا بحتالوا وبنصبوا على المسكينه المرأه وده له بوست خاص

لكم جميعا الشكر واقعدوا عافيه
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: سرقه الزوجات ........ والله اعلم

مُساهمة من طرف يعقوب النو حامد في 24th سبتمبر 2011, 05:14

والله امر محير واشكرك على الصراحة يا ناهد.
انا اعرف رجال فلسوا نتيجة لهذا التصرف
. لكن فى ظنى النسوان بسمعن المحاريش. واحيان اخرى النسوان يصرن على الرجل ان يشترى ليها التوب الفلانى حتى لو ماعندو واحيانا الدخول فى الصناديق على حساب القفة.
ولكن المثل بيقلو السراق بتعلم السرقة فى بيتو.

يعقوب النو
avatar
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى