ابوجبيهه

البنضورا راقدة تفل

استعرض الموضوع السابق استعرض الموضوع التالي اذهب الى الأسفل

البنضورا راقدة تفل

مُساهمة من طرف علاءالدين عبدالرحمن تيمي في 12th مايو 2011, 10:38

الاخ ول نوية
تربطني به وشائج القربى الدم والنسب .لكني حتى كتابتي لهذه الاسطر لم أشاهده عن قرب .اعزي ذالك للمشاوير الطويلة الليها وداني الزمن اعمل اييييييييييه .فتعسا للمشاوير وقسوتها ابعدتنا عنك ايها العزيز .من خلال محادثاتي معه في نظري ول نوية كم هائل من الابداع والفكاهه لكنه يتوخى الحذر في كل كلمة ينطق بها .ومن خلال تعليقاته في البوست وجدت انه يجيد المناوشة والمجادعة اللفظية المختصرة الممزوجة بالدعابة المضحكة
ول نوية غير عادي .قدر ما أقول اكمشو يزوغ زوغانا ويديك ضحكة دافئة مشوقة وفي نفس الوقت بقد جيبك مع سوا
له قرنا استشعار فيصل وود التوم .كليهما مفتاح اسراره وسر الالوان كشف المستور الوردي لعوض السيد والاخضر الغامق ل ول نوية .
اخونا غادرنا للسودان اجازة سعيدة تمشي وتجي بالسلامة حمادة ده لكن والله العظيم ازهري اب محن ضحكني جنس ضحك عندما ذكر بنضورة الكور.
ياجماعة ازهري ده ضهبان ولا شنو .البنضورة راقدة تفل هذه الايام والكوم ما غالي يعني ولد نوية يخت الرحمان في قلبو .ويتحرك عاوزينو يختار الملساء الحمراء المدردمة القوية هذا النوع من البضورة يصلح للزلتة بس يكون هداف
ازهري ماسمع البنات بغنن سنة ياولد سنة وين الدكاترة عز الطلب سنة وين .الله اعلم ول نوية............(يعن المدرسين المفلسين التعبانين كده لا)الراجل بحس برشح وزكام من معاناة السفر فهو محتاج لمضاض حيوي وده موجود في اجزخانات البقعة .قال بنضوووووووووووورة قال
((ازهري ياداقس))
الكور مافيها اجزخانة واحدة سوى الهالوك وقندول ام مباط طويل الاجل ....
دمتم
avatar
علاءالدين عبدالرحمن تيمي
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: البنضورا راقدة تفل

مُساهمة من طرف فيصل خليل حتيلة في 12th مايو 2011, 10:47


عمو تيمى الله يجازى محنك والله ضحكتنى

يا اخى محمد نويه فاكهة المنتدى و انسان مرهف و مثقف و رجل خفيف الظل

زارنى مرتين فى الخرطوم و هو الآن بالحباك مع الحاجة و انشاْ الله يوم الجمعة الفطور معاهم فى البيت

و الدعوة عامه يا شباب ( طبعا الجنيد حيستمتع شديد ) بالشواشو و باقى اللحوم

تسلم عمو تيمى و تحياتى للاولاد
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: البنضورا راقدة تفل

مُساهمة من طرف ود عشمان في 12th مايو 2011, 12:03


الابن تيمي ..

وقت انا قل لي انت ولدي يعني انت ولدي كتب ليك جواب في بريدك الخاص و ما رديت لي ياتوه .. الوالد بسلم عليك و قال ليك انت دارك وين الان ؟؟

فيصل نهار داك ما قل بترسل لي تلفون ول نويه ؟؟ انا وصلت البيت البارح الشم عصر بحاول بتصل عليك لاحقا ..

محمد نويه .. كم هائل من الابداع والفكاهه لكنه يتوخى الحذر في كل كلمة ينطق بها ..
صدقت يا ابني تيمي ..

فيصل مالك تلكشم الزول الاسمو تيمي دا ولدي في الحساب ..

لكم التقدير جميعا
avatar
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى