ابوجبيهه

لو ازهري رجع قول له ود عشمان سار

استعرض الموضوع السابق استعرض الموضوع التالي اذهب الى الأسفل

لو ازهري رجع قول له ود عشمان سار

مُساهمة من طرف ود عشمان في 19th مايو 2011, 02:23


يا اخوانا لو ازهري الحاج رجع من الخطران قول له ود عشمان سار علي الفيوض تجاه ( ملجاوط ) .. لان الاخ ياسر عزل عيال اهله خطاهم في صف العشره الاوئل .. العيشه بقت لي مره ..
و بعدين تعالوا اسألكم البلد الاكلت الاستاذ ازهري دي وين ؟؟

فتكم عافيه ..

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف أزهرى الحاج البشير في 19th مايو 2011, 03:13

wad 3ashman salam,

akhok fi blad al3am Sam wa ma lagee leehoo arabic support , will be back by June 6th, enjoying the summer with family and the rocky mountains..

أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف nashi في 19th مايو 2011, 05:48

سلام ود عشمان وان شاء الله تعود طيب من المسار وان شاء الله البقر شبعن
سلام عم ابوالزهور عساك والجميع بخير
تحياتي للجميع
يمكنك استخدام الموقع التالي ثم نسخ ولصق ما كتبت
http://www.arabic-keyboard.org/
تمنياتي لكما بالصحة وعودا حميدا كان من المسار كان من بلاد العم سام Very Happy

nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف yasir في 19th مايو 2011, 09:51

ود عشمان ناس الحباك جت اهلى

yasir
Admin


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف فيصل خليل حتيلة في 19th مايو 2011, 10:35


يا سلام يا ود عشمان

عارف الخطران دا كتر علينا اليومين دى و ياخى انت يوت طاقع ليكا محل كمان الناس يوم يخطروا تزعل فوقنا

قل ليك الفيوض اليويمن دى الالمى راقد و كمان قول السمك ما يتيك الدر

كلامك الجاب لينا دكتورة احسان دا نديك فوقو جائزة خمسة جنيح دلدمى بنات حفر ما ينقصو تعريفه

الا السيد المشرف العام دا خطرانا كلو بقى بعيد هو محل ناس عمك سام دا كيديش يا ول عشمان انا قلت يمكن

جنب ناس ليبيا دول دول و كمان بكتب بالرطانه دى و اخوك ترا زول سعيه ساى العربى فى تلتلة

كى تعالنى فى المصيبة الجديدة دى البلكلمو فوقا ببلاش دى

تحياتى



فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف Suhad Abduelgfaar في 19th مايو 2011, 10:40


ود عشمان يا ول امى الداهى ده
شكلا كده عرز معاك
كل يوم خاطر ليك فى بلد تانى
وما عرف يصل ليك فى ياتى مكان
كدى اركز ليك فى فريق واحد وارجى الفرز الجاى ان ما جاب اسمك يكون غلطان او يمكن نسى واو يمكن سهى وجاط الاسامى من اولها
تحياتى لك يا ولد اهلى
ياسر
والتحيه للدكتوره والى الخال العزيز ابو الزهور والتحيه لك يا ابن الحباك ود عشمان

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف اقبال عبداللطيف في 19th مايو 2011, 11:32

الحباكي بلباص الداهي خاف داير يجيبك وحيييدك كان بالبلمسجي ولا الازرق..ياخي ماتخلي الخفة واللفة..احترامي


لا اعرف شيئا تواطأ الناس على هضمه وزهدوا في انصافه مثل الحقيقة

اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

أهديك ...... ترحال لشاعر الكلمة و الإحساس ( أزهري محمد علي)

مُساهمة من طرف الفاتح محمد التوم في 19th مايو 2011, 23:22

شاعرنا يا ودعشــمان جسد حالتك ....( جــري وطيران )
ترحال
على كيفك تفوت
على كيفك تعال
ادخل براحات البيوت
فى العتمه او نصة نهار
لمتين مبارياك غربتك
ملت حدود الرحله
حالات الدوار
يوماتى بتلاقيك مدن
يوماتى راجيك كم مطار
قست الديارولا الرحيل
والغربه نسوك الديار
صالبنى فى وجع النهارات
غربه وهواجس وانتظار
مرات اشوف بعدك حقيقه
ومرات احسه هظار هظار
كان اعتذارك بالغياب
عن بيتنا محتاج اعتذار
*****_*****


وطبعاً بيتنا أو البيوت استخدمها مجازاً للــ( المنتدى )مع الإعتذار للشامخ ود الحصاحيصا..... فقد استوطنها في رحلة نعم مجرد رحلة .... احتضنته ألفته شعراً وأخرجته مبدعاً..

**********************ده كلام ناس البندر***********************
////****////
****حاله كي أديك كلام ناس المســار و الشوقارة****
***-***
أيام الدهاريب والسماء الممجوج** نجعوا المرشدين بي امات رقاب عود
ختوا الشديد فوق ضهر البطانو يسوج **وخـلونا نحـن نصابـح الـدنكوج

***-***
الليلة الغرب امست بروقو سهــارى
وخلت قلبي مشغولا عضاي فتـاري
نامن نون لي الصعيد ونادن لى النقارة
عاجبنى الدليل كـــان ريس الشوقارة

***-***
عندى نيــة كـان رب العباد تمـاهـا
الشوقارة بـى الأبيض بـدور أصباهـا
أم قجة* المرادف وسيدهـا على قفاهـا
نصرف مالها لي البكري النحل في فاها

***-***
أم قجة : الناقة السمينة
يالله يا ودعشمان تصحبك الســــــلامة .... وعوداً حميداً

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ود عشمان في 21st مايو 2011, 22:29


العزيز ازهري

اتمني لك وقتا ممتعا مع اسرتك و لو شفته اوباما سلم عليه ..

الاخت الدكتوره الكبيره ناشي

متعك الله بالصحة و العافيه .. سعدت بمداخلتك ..
توه حاله كي خطينا في الفيوض تجاه ملجاوط لكن الخريف السنه تعيس البقر تويانات ..

و انت كيف اخبارك انشاء الله قدرتي تتفاهمي مع الناس امهنين عيون صغار ..

لك التقدير ..

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ود عشمان في 21st مايو 2011, 22:32


العزيز ياسر ..

متعك الله بالصحة و العافية .. ناس المنطقة الشرقيه ديل كلهم اهل و حسي لو مسكناك نلقاك عندك عرق في ناس امبرمبيطه .. انا تاني الموضوع الصالح و الطالح بنزلو عشان اوقف كمبيوترك دا في محلو ..

لك التقدير اخي الكريم

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ود عشمان في 21st مايو 2011, 22:35


العزيز فيصل حتيله

انت ما محتاج تعرف نفسك .. انت معرف زول سعيه و خلا و فرقان و عليك الله خليك مثقف ما تحرجنا قدام الناس ..

لك التقدير اخي الكريم

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ود عشمان في 21st مايو 2011, 22:36


البت الاصيله سهاد ..

انا تاني كل يوم جمعه بجيكم كتري القراريص و الشاي بالقرنفل ..

لك التقدير

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ود عشمان في 21st مايو 2011, 22:39


الاخت العزيزه ( الحكامه )اقبال

لك التحيه دوما .. كمبيوتر ياسر دا لو المره الجايه ما جابني الدواس برقد ..

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ود عشمان في 21st مايو 2011, 22:44


العزيز الفاتح محمد التوم

طبعا يا اخوانا الفاتح دا من الفطاحله في المنتدي ما زي ناس ابوهريره ديل ( كشا مشا)

لك التقدير اخي الفاتح و بعدين انت الكلام الكبار كبار دا بتجيبو من وين ..
الوالد بسلم عليك و قال ليك زمان كان بمشي لوالدك في المحلج و بقعدو تحت شدرة المنقه الوريفه و هو بسلم عليك حار و انا المفروض اتصل عليك الاسبوع المنصرم لكن مشاغل الدنيا الكتيره .. تحياتي للاولاد و بتصل عليك قريب انشاء الله ..

لك التقدير

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ابوهريرة عثمان عبدالسلام في 21st مايو 2011, 23:50

الاخوة الكرام تحياتى لكم جميعا
وانت يا ول عشمان لقيتنى حيطك القصيرة
وانا توا بجيك فى فريقك هناك قرمان ليك حار بدور اصارعك عشان اسلها منك تب بعدين ما تخنس بعيد وتقول الزول مابنقلة لى تسوى ليك سمعة ساى والبنات يغنو فوقك وانا ما بنططك التراب

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ود عشمان في 22nd مايو 2011, 03:14


يا ابوهريره انا زول صراع لكن انت لا بتنقل و لا بتترفع الحل الوحيد نخليك تندقش مع الاخ محمود منصور اذا رميته تاني الا انا و فيصل نتحامو فوقك بيني و بينك انت الا يرموك ببندق ( خرتوش ابوماسورتين ) من بعيد ..

لك التقدير اخي الكريم و انا ذاتي قرمان ليك حار ..

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ابوهريرة عثمان عبدالسلام في 22nd مايو 2011, 23:22

هاى انت انا كان ما جاموس
انت انا من اول ما قل ليك ما تقول مابنقلة ليك
بعدين صاحبك محمود منصور دا ما تملى بيه يدك ده عجوز ما يغشك بالصور دى ساى وكان لى فيصل راسة ابيض من الشيب


الا شد حيلك ساى وتعال جلب

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ود عشمان في 23rd مايو 2011, 02:15


العزيز ابوهريره ..

ههههههههههههههههههههههههههه والله ضحكتني ..

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف محمود منصور محمد علي في 23rd مايو 2011, 07:52

يا ود عثمان الله يعطيك الصحة والعافية وما تخاف من ابوهريرة ده
المحامي ده قايل الصراع لسع زي بتاع زمان؟؟؟
الصراع بقى حديث ومطور وفيه جون سينا واورتن وريموستريو وايدج وما فيهو عمر كبير ول شباب ولسع هوك هوقن العجوز بيلعب وبيفوز
وابو هريرة ده يا ود عثمان امسكو لي بس وانا حرم بمسكو ليكم مسكة منومة اخليه ليكم نايم شهرين بس شرطي ان يكون الصراع داخل قفص دجا!! لا معليش اقصد قفص حديدي عشان ما يشرد قبل ما انومو ليكم ..
تخريمة/ ود عثمان اتصلت عليك امس ولم ترد امكن كنت نايم.. وبعدين ابوهريرة ده مشى بتين ابو جبيهة؟؟ وطهر اولادو متين ؟؟؟ورجع لينا تاني للازعاج كنا مرتاحين منو.. الف تحية

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ابوهريرة عثمان عبدالسلام في 23rd مايو 2011, 10:18

اخى محمود كيف صحتك واحوالك انا جيت لى 3 يوم وراجع تانى
بعدين نحنا صراع الجماعة ديلاك ما بنعرفة نحن ما دايرين صراع الخواويج دا نحنا صراعنا فى النقعة بره ميدان الشعلة وبنات الفريق بغنو لينا

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف زهيرحسن السيد في 24th مايو 2011, 12:28

ول عشمان سلامات
تاريك غشيم كي نحن ماعارفين
تحياتي واشواقي

زهيرحسن السيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ابوهريرة عثمان عبدالسلام في 24th مايو 2011, 14:01

زهير ياخى انت وين وشنو الزوغات دى والبلد دييك مسكتك كدة
مشتاقين كثير
صاحبك ول عشما مكمل الغشامة
لكن خلى لى ساى

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف محمود منصور محمد علي في 24th مايو 2011, 17:49

يا ابا هريره !!!الزمن نطور والدنيا تطورت والناس تطورت شوف ود عثمان عامل حلبة صراع في براغ وواحدة في لندن وواحدة في باريس يعني مثتثمر في الصراع
وانت ماسك لي المصارعات القديمة ديك؟؟؟ وانا منتظرك في الحلبة والسباري بتاعي ود عثمان وماعندي غير مسكة منومة زي حبة الفاليوم .. الف تحية

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ود عشمان في 24th مايو 2011, 22:46

الاخ زهير حسن

ماك طيب قرمان ليك حاااار .. كيف ناس كدقلي و خاصة ناس قعر الحجر .. اخي انا ما غشيم لكن الحقاره ما بدورها .. لك التحية اخي الكريم و ابقي اظهر ..


ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ود عشمان في 24th مايو 2011, 22:54


العزيز محمود منصور ..

تلفونك البنتهي .. 387******** و البنتهي بي 825 ********** كلها مقفوله الحكايه شنو

لك التقدير

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف الفاتح محمد التوم في 24th مايو 2011, 22:58

ودعشمان ......... إيـــه حليل زمان
طبعاً يا ودعشمان .... والدة وائل بن خالي جلال " عليه الرحمه " كانت في العباسية " قبل ايام ".... اتصلت لأسأل الوالد عن أيام محلج ام برمبيطة ....وناس زمان .
عمتك سمعت الإسم وقالت ليهو ... الولد ده اتخوجن خلاس !! هويا ياالفاتح ود اخوي....ما طاري الجيه ؟؟
انا بدون ما أشعر ضحكتا في " اتخوجن " دي

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ود عشمان في 24th مايو 2011, 23:04


العزيز الفاتح ..

ههههههههههههههه والله ضحكتني انا بيني و بينك كلمة اتخوجن دي طولت خلاص ما سمعتها ..

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف محمد قادم نوية في 25th مايو 2011, 16:38

ماأبهاك ياول عشمان ...بجد مشتاقين بعدين أنت ساير وين ؟اليومين دي مطر عجيب في الفيض وأمبرطبو وأم خميرة تعال ساي خلي حواستك في بلد عيال جون دي
لنا لقاء ياعزيز ....بس الخرتوم اليومين دي حاميه حار خلاص

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف الجبالي في 25th مايو 2011, 18:55

ود عشمان تارك نفيك ضيق كي حسي عليك الله دي احصاءه واحده جهجهتك كي تري كان عينونا وزار تشيل حرابك وتجينا خليت ناس ابجبيهي بنتقشوي يمين وشمال ود عشمان قال وفعل تري هوي ياول انقرع شايفك تحم في النيرات وتجي عقب بردودك الراقيه تبردها لك مني الاحترام والتقدير

الجبالي
نشط مميز
نشط مميز


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ود عشمان في 26th مايو 2011, 01:37

العزيز محمد ول نويه ..

شوقا يسبق خطانا المشاعر باسمك هتفنا جميعا وين مكانك شوقا لك بالملايين و بلا حدود .. قالو لي دقش الفرقان و هياتك تشرب في الروابه ساي ..

العزيز الجبالي ..

لك التحية و التجلي و التقدير .. قرمان ليك حار .. انت عارف الجبالي انا نفسي ما ضيق لكن الزمن الفينا دا حقك الا تقلعه بضرعك ..

لكم التقدير احبتي ...

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف yasir في 31st مايو 2011, 12:28


yasir
Admin


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف yasir في 31st مايو 2011, 12:29


yasir
Admin


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف فيصل خليل حتيلة في 31st مايو 2011, 12:35


الباشمهندس ياسر سلامات

ياخى انا عندى اعتراض على التقرير دا بصراحة على الرغم من انى جيت ( الاول ) بس كونو ود عشمان

يكون السابع دى انا ما مقتنع بيها......................!!! دا راى مش من حقى؟

على اى حال انا بستأنف عند المشرف العام لمن يجى

دا شغل ترضيات انا ما بنفع معاى

مع االسلامة

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف زهيرحسن السيد في 31st مايو 2011, 13:15

فيصل خليل سلامات
ياأخوي شايف الشغلانه بقت ام ضرعانية
لاصوت يعلو فوق صوت ..............؟
تحياتي

زهيرحسن السيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ود عشمان في 1st يونيو 2011, 19:48

الاخوه و الاخوات الكرام

السلام عليكم ورحمة الله تعالي و بركاته ..

الحمد لله بنعمته تتم الصالحات و الصلاة و السلام علي رسول الله (ص) ..

بداية و في هذا اليوم الاغر اود ان اهنئ نفسي و بقية الاخوه المتفوقين في صف العشر الاوئل بالنجاح الباهر الذي حققوه .. و ايمانا منّا بالدور الرياد الذي يقوم به الاخ ياسر نود ان ننوه الي جميع الاخوه المتفوقين في صف العشر الاوئل ان يحتفلوا داخل منازلهم خوفا من المشاحنات و اثارة الفتنه من قبل الذين لم يحظوا في دخول صف العشر الاوائل ..

هنالك بعض الاخوه متشككين في نزاهة النتيجه الاخيره و خاصة احرازي للمرتبه السابعه التي افتخر بها كثيرا الا انني اقول لهم سوف ارد في الزمان و المكان المناسبين ..

انتهز هذه السانحه اوجه الدعوه الي جميع اعضاء المنتدي لحضور وجبة الافطار في منزلنا الكائن بحي الوحده مدينة امبرمبيطه ( جارة الوادي )

و الدعوه عامه ..

مع اطيب الامنيات ..

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ود عشمان في 1st يونيو 2011, 19:53


يا اخوانا ,,

في زول زعلان من ياسر ( المدير ) ؟؟ لو في اي حد عندو شكوي تفضلوا بها قبل ما نقفل موضوع البوست دا ..

لكم التقدير

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف محمود منصور محمد علي في 2nd يونيو 2011, 00:51

نعم يا شباب
انا عندي اعتراض على الترتيب
المفروض يكون ود عشمان الاول وانا الثاني وفيصل خليل السابع مشترك
الف تحية

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ود عشمان في 2nd يونيو 2011, 02:00

شكرا يا استاذ محمود

دا الكلام المفروض يكون .. الواحد كان باكي لصف العشر الاوئل .. الان دخلناه بجداره .. انت عندك فكره ابوهريره جاء الكم المره دي ؟؟

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف محمود منصور محمد علي في 2nd يونيو 2011, 07:38

ود عثمان
هو ابوهريرة ترجمة ورقة بالانقليزي قاعد فيها ثلاثة شهور ولسع ما خلصت يدخل منافسة حارة زي دي كيفن؟؟؟انا متاكد لو الورقة دي كان رسلوها ليك انت ما كان اخدت دقيقتين .. المنافسة دي صعبة جدا وانت زاتك ياودعشمان لوما كنت راجل متعلم ومثقف وفاهم وعايش في بلاد الانقليز ما كان قدرت تجي فوقنا الاول !!! ابو هريرة شنو البدخل منافسة زي دي مع الفاهمين والمتعلمين والكتابين...الف تحية

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ابوهريرة عثمان عبدالسلام في 2nd يونيو 2011, 09:37

عشان ما تتعبو نفسكم ساى انا الوقت داك كنت فى ابوجبيهة

بعدين انا جيت الطيش انتو واجعكم وين

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف فيصل خليل حتيلة في 2nd يونيو 2011, 14:02


يا ود عشمان ياخى ما تستعجل لانو فى استئناف تم تقديمه للسيد المشرف العام

الاستعجال للاحتفالات ما يجيب الا الجلا

بعدين يا محمود منو القال ليك ودعشمان رجل متعلم و مثقف انت بتعرفوا من وين

ودعشمان طلع من امبرامبيطة راعى و اسع شغال مساعد هناك و ما بيعرف لغة انجليزية

الا لغة الشماسة ( الرندوق ) بتاع الخواجات دى حاجة انا متاكد منها

تانيا يا محمود بنصحك الابتعاد عن الاستاذ ابوهوريرة

المهم المشرف العام بيراجع فى النتيجة و بعدها يتم الاعلان عنها

باى

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ناهد عبيد في 2nd يونيو 2011, 14:58


سبـــــــحان الله يا ناس والله غايتو جنس غايتو

بالامـــــــــــس القريب كان كمبيوتر ياسر خرسان تلفان بايظ

اليوم الله قادر

ايمانا منّا بالدور الرياد الذي يقوم به الاخ ياسر نود ان ننوه الي جميع الاخوه المتفوقين في صف العشر الاوئل ان يحتفلوا داخل منازلهم خوفا من المشاحنات و اثارة الفتنه من قبل الذين لم يحظوا في دخول صف العشر الاوائل ..

ايه ايه ايه عدم الثبات على المبدأ

زهير يا ود خالتى الله يديك الفى مرادك كلامك صااااااااح الشغلانه بقت ام ضرعانيه

نتشششششششششششششششه :-

ياسر شكرك على مجهودك ربنا يديك العافيه ومزيد من التوفيق لك شكرى الكتيييييييير

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف غريق كمبال في 2nd يونيو 2011, 15:15

شكرا يا ياسر وشكرا يا ودعشمان ما قلت لينا ضعينتك ختت يين 00بعدين يا ابو الزهور الخواجات ديل جبالهم دى مثل جبالنا اعنى عندها اسماء زى جبالنا كده اعنى زى كرن وجبيل ام البنيه وهلمجرا

غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف فيصل خليل حتيلة في 7th يونيو 2011, 10:50

يا سيد ازهرى حمدلله على السلامة

يا اخى انا عندى تظلم رفعتو ليك و انت كنت فى الخارج بخصوص نتيجة شهر مايو

نرجو ان تنظر فى الامر و تفيدنا حتى نتمكن من الاستعداد للمحكمة الدستورية فى حال اعتمادك

النتيجة التى أثارت كثيرا من اللغط فى اوساط اعضاء المنتدى

لك التحية

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف محمد قادم نوية في 23rd يوليو 2011, 15:17

لو المدعو.... ول عشمان جا قولوا ليهو ول نوية جا من المسار وقال خاتِي في (هضبة نجد) ولو ماعارفا فيصل خليل بوريهو ليها لأنو سار فيها كتير
تحياتي للجميع؛؛؛؛؛؛؛؛؛؛؛؛

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف ود عشمان في 23rd يوليو 2011, 19:11

العزيز ول ابوي نويه ..

اخي البقيرات انشاء الله السنه ملعشيات .. السنه قالوا الخريف تعيس البقر تويانات .. و البكان الخطيتو فوقا دا انشاءالله مراشش ..

اخي عندنا بنات عمي حماد حامد (اللبيري) من اعمامك ناس امبرمبيطة عندو بناتو اتنين واحده بنادوها مني و التانيه جنه ازوجوهن من عيال ابوجبيهه و قالوا فريقكم علي جيهة ملم الكور خاتين في ملجاوط انشاء الله اخبارهن معاك .. عيال ابوجبيهه كملو لينا بناتنا طب .. لو سال الاخ عود الصند بعرفن ..

لك التقدير اخي الكريم و حبابك مليونين ..

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: لو ازهري رجع قول له ود عشمان سار

مُساهمة من طرف فيصل خليل حتيلة في 23rd يوليو 2011, 20:01


ههههههههههههههههههههههههههههههههههههههههههههههههههههههههههههههههههههههههههههههههههههههها

هههههههههههههههههههههههههههههههههههههههههههههههههههههههههههههههههههها

هههههههههههههههههههههههههههههههههههههههههههههها

هاهاهاهاهاهاهاها

بالمناسبة كنت مدبرس دبرسه مبالغ فيها و قلت لنفسى افضل ادخل هنا ارد على ول نويه و من ثم فضلت قرأت البوست كلو

بوست غاية الروعة و االجمال والله

شكرا ول عشما و شالشكر لكل المتداخلين

تحياتى

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى