ود عثمان فاكهة المنتدى ومشعل نيرانه

الاستاذ ود عثمان ود امبرمبيطة فاكهة المنتدى بكل صدق وامانة
وانا احييك على خفة الظل ودماثة الخلق والذكاء وسرعة البديهة والفراسة التي تجعل منك سباق ولماح لفتح ابواب للنقاش والجدل الجميل..
ثانيا زي ما قالت الاستاذة اقبال عبد اللطيف زعيمة جمعية الرفق بالقوارير بطل الخفة واللفة وواصل مجهودك في المنتدى حتى تستطيع المنافسة على العشرة الاوائل في المنتدى..
لكن انت يوم في ام براغ ويوم في لنضدن ويوم في باريس لمن خليت ابوهريرة هرب من المنتدى وراح يدخل كورس لغة انقليزية عشان يترجم لينا ورقة العمل بتاعتك عن العنف ضد المراة ونحن منتظرين لينا شهرين الورقة بتاعتك دي..
ثالثا نحن فكرنا نعمل توامة بين مدينة ام براغ ومدينة ام برمبيطة لتبادل المنافع والافكار ايه رايك في الفكرة دي؟؟ منتظرين موافقة سعادتك حتى نبدا في التنفيذ وذلك بعد موافقة ابو هريرة موثق العقود.. الف تحية

ود عسمان دا ماعلى كيفو..ماخد الجنسية الحباكية ودي مابتسقط تب لاصقة في الجلد..يعني سيك سيك معقلين فيك.. ياودعسمان..معقولة ياودعسمان بينا كلام كمبيوترات..تحايا الاف استاذ محمود

الشكر لكم جميعا على المداخلة التي تؤكد ان ود عثمان يحظى باهتمام الجميع عشان كده انا عاوز اوظفه مراسل لجمعية الرفق بالقوارير من دول الاتحاد الاوربي وننتظر موافقة الاعضاء . الف تحية

العزيز محمود منصور

شكرا .. شكرا .. شكرا يا رائع علي البوست الرائع كلامك دا كل رائع بس في حاجه واحده ما عجبتني فيه وهي اقبال عبد اللطيف كونو تكون زعيمة جمعية الرفق بالقوارير .. دا كلام انا ما اتفق معك فيه علي الاطلاق سيب البلطجه بتاعتك دي ..

الاخت اقبال عبد اللطيف ..

شكرا .. شكرا .. شكرا علي مداخلتك بطعم انناس امبرمبيطه عدييييل كده .. ما دام اديتوني الجنسيه الحباكيه يلا ادوني قطعة ارض و بس و لازم تكون في حي السوق ما تمشو تدوني في العشوائي كمان و الباقي خلي علي ابوهريره.

الاخت سهاد ..

شكرا .. شكرا .. شكرا علي المداخله و الله يقوينا جميعا ..

العزيز فيصل حتيله ..

شكرا .. شكرا .. شكرا مداخلتك بطعم منقة امبرمبيطه .. شوف يا رفيق الدرب الطويل كلام الاخ محمود لا يحرك فيني ساكن و خلينا نمش في الخطه الموضوعه و غريق كمبال سوف يلحق بنا قريبا ..

اعزائي العيشه بدونكم مره ..

لكم التحية و التقدير ابناء امبرمبيطه .. مالكم ما قلتو الحاله واحده ..

الاخ ود عثمان لازم تخليك راجل ذكي
انا عارف ده كلو تمويه منك لفيصل وجماعتو انا فاهم كل حاجة
ومحادثتك لي بالتلفون امس اكدت لي بانك فعلا رجل ذكي ولعاب وبتعرف تلعب مردو.. لا!! معليش قصدي بتعرف تلعب بالبيضة والحجر مش فيصل خليل والفاتح التوم وبس .. الف تحية