صور من جنائن الحباك

الف تحية الاستاذ ياسر على هذه التحفة النادرة من الصور الجميلة لحدائق وبساتين الحباك الجميلة الخضراء المعطاء ...
وبقدرما سعدت نفسي وروحي وقلبي بهذه الصور الجميلة الا انني حزنت جدا وتالمت لانني لم اشاهد فيها غير شجرة واحدة من اشجار الدليب الجميلة وايقنت حينها ان اشجار الدليب الفارعة الجميلة فعلا قد انقرضت وطالتها معاول القطع الجائر!!! فقد كانت هذه المناطق من الجنائن الخضراء الوارفة غابة من اشجار الدليب السامقة تقف شامخة معتدة بنفسها بين الاشجار والشجيرات في زهو وافتخار وكبرياء طولا وجمالا وخضرة ونضرة وغذاء وعطاء وسخاء وفوائد اقتصادية جمة لكل الناس غير انهم لم يحفظوا لها هذا الجميل وهذا الكرم وهذا العطاء الغير محدود ولم يقابلوا هذا العطاء بالعطاء ولا ذلك السخاء بالسخاء .. فالجشع والطمع غطى على البصر واعمى البصيرة وحب المال قد سيطر على النفوس الضصعيفة فالغاية كانت عندهم تبرر الوسيلة فانهالوا عليها ضربا وقطعا وطعنا بكل وسائل القطع السريع والاغتيال الفوري فكانت اول ضحايا الزمن السيئ . وهو بذلك التصرف الطائش والغير مسؤول ذو الطابع المادي البحت حرم نفسة وحرم انسان المنطقة من التمتع بجمالها والاستفادة من عطائها ومن خيراتهاالكثيرة والمتعددة.. الف شكر

سلمت يد الفنان المصور

مشكور اخي ياسر

الحباك جنة هنا وجنة مناك
شكرا ياس علي الروعة

صور جميلة دا شارع الكور ولا وين

يا سلااااااااام شكر ليك اخونا ياسر يديك العافيه مصور بحق وحقيقه

يا جماعه ..

لو ما اخاف الكضب الصورتين الاولانيات من منطقة امبرمبيطه .. عشان ما تقولو الزول دا جرمندي عاوزين الاخ ياسر يثبت لينا الصور دي صورها هو و لا زول تاني ..

عاوزين توضيح

لكم التقدير

يا ود عثمان
ما تحرجنا وبعدين ناس المنتدى يشمتو فينا ساكت
امبرمبيطة شنو الفيها جناين زي دي؟؟
خليك واقعي !!! وبعدين فيصل والفاتح منتظرين الشماتة بفارغ الصبر
الف تحية

امبرامبيطة شنو ياود عشمان انت قايل دة شجر لالوب وعندكم خور زى دا

المرة دى صاحبك محمود زاتو قال ليك الجاك

ابوهريرة
سيبك من فتن المحامين الوهم دي
ماتوقع بيني وبين ود عثمان انا قصدي اتصحو نصيحة اخوية عشان الجماعة ما ينزلو عليه شماته وبعدين انت عارفو مرات بيسرح في المنتدى
وبعدين امكن يكون كلامو صاح في الصور
الف تحية

والله يااخوان ود عثمان ده دايمن بريد المناظر الحلوه دي لمبريبيطه الخيران دي وريهو يا ابو هريره تجي ماره بجبل العمده وبعدين قول ليهو الخيران دي مابتشوفها الي لمن تقول ماشي رشاد
الاخ ياسر الف شكر وتقدير علي الابداع
مع الاحترام والتقدير

يا اخوانا ..

ههههههههه ههههههههههههههه ههههههههههه والله ضحتكوني .. بعد دا الا الواحد يسكت بس ..

ياسر تصدق ريحتني نفسياً ... ولكل سنتمتر في كل لوحة ذكري عظيمة وعارمه في دواخلي ... الخضرة ...الجمال ...البطحة ...تربتنا الطينية لها لون وشكل خاص ...جبل العمدة الشامخ من على البعد يؤكد لي أنه ينتظر عودتنا في كل لحظة ...وهو ماشاء الله كالصقر يراقب كل شبر في أبوجبيهة بل فارسها وحارسها لا يتحول أو يتغير أو يتبدل ...نعم ينتظر عودتنا ..وليتنا نعود ...ولكن يعتصرني الألم وأقول هيهات ... هذه المرأة التي تحمل طشت ذوبت مشاعري ...وذكرتني كل شئ في حياتي ...ذكرتني السوق وشقاوة الأطفال ...والفراشات العفيفات الكادحات النظيفات .... رملة البطحة لها لون خاص ومنظر خاص ونكهة خاصة ... وديعة حنينة تجود بالماء سريعاً إن كنت عطشاناً ...كريمة وحتي لو عبثاً داعبتها بكفة يدك تجود لك بماءاً عذباً نقياً صافياً خالصاً ...أبوجبيهة حبي وحبيتي ولا زال حبك يجري في دمائي وفي أعماق وفي أوصالي ..والله لا يحرمنا منك يارب ...شكراً أخي جامع على هذه اللوحة الرائعة .... محبتي

رائع يا ياسر 000جمال الجنائن 000ابداع

اخونا ياسر ما تقول الصور دى وين عشان نشوف دليب ود عشمان دا

يا جماعه ..

تعالوا نسألكم انتم غير خور البطحه و جبل العمده دا ما عندكم مناظر تانيه لابوجبيهه بتاعتكم دي ؟؟
الداخل و المارق بصور في الحاجتين ديل ..

وانتوووووووووووو

الصور دي كلها من امبرميطة فعلا وانا شفت المناطق دي يا ابو هريرة!!
وكان ما مصدق اشرب من البحر
وانت قايل نحن ماشفنا ام برمبيطة قبل كدة ولا شنو كلامك؟؟؟
واقول ليك كلام ؟؟ في مناظر في امبرمبيطة اجمل من دي بس ممنوع فيها الاقتراب والتصوير وكمان ممنوع دخول الاجانب فيها لانو فيها اثار قديمة واهرامات وبقايا من مملكة تقلي يعني انت وعود الصندل بتاعك ده ماتقدرو تدخلوها الا بتاشيرة من العمدة!! او واسطة قوية من ود عشمان .. ايه رايكم؟؟
الف تحية

لا كان الموضوع كدة ما عندنا كلام تانى ولا راى حتى

هاى عود الصندل انت امس انا حرستك كى ما جيت انا قل انت خف الا الاخوان كلموتى قالو مشيت الدكتور

وديت الحاجة ربنا يشفيها ويديعا العافية

وكمان ول عشمان مقعدنة ساااى

الحمد لله ابوهريرة اقتنع وقال تاني ماعندو كلام
وانت يا عود الصندل مملكة تقلي كانت بتشمل كل جنوب كردفان والعاصمة كانت فطاطات حقتنادي الماعجباك دي وام برمبيطة كانت العاصمة التجارية وبتحكما اسرة الشيخ عشمان العريقة التي ينحدر منها ولدنا ود عشمان الاصيل..

شكرا اخوتي الكرام علي مداخلاتكم الرائعة
باقي الصور من جمال مدينة الحباك خلي ود عشمان تاني
يقول الصور دي مامن ابوجبيهه تحياتي































الصور الاخيرة دي مهداه للاخ ود عشمان







الصور دي من بلاد المسيرية منطقة الفولة في رحلة المسار

برافو عليك استاذ ياسر
صور جميلة مافي كلام .. ايقظت في نفوسنا الشوق واللهفة الى هذه الديار الحميمة الطيبة الخصيبة المعطاء..
الف تحية ... ونطمع في المزيد من الصور خاصة المدرسة الجنوبية والسوق القديم والمستشفى وماتبقى منها من اطلال وكذلك المحلج وكل ما يحمل في طياته عبق الماضي الجميل..

العزيز باش مهندس ياسر

ياخ انت زول رائع .. دا الكلام الدايره انا زاتي اتمني تكونو عرفتم الراعي السارح بالبار لو قل دا انا الدنيا دي كلها تقوم فوقي .. شفت المراح دا راتع كيف مشاء الله تبارك الله .. ياسر انا النوم زاته بقي لي قاسي توه في البكان دا لملم كشاكشي و مركوبي و شقلاتي بدور اقبل السنه قالوا الخريف مبشر ..

لكم التقدير احبابي

كلمة شكراً قليلة بجانب هذا العمل الرائع ...ولك التحية مجدداً ... محبتي

هلا بود عشمان ولد اهلي كيفك بالله والسلام لعم شاويش اخبارك بالجد اشتقنا لي ولكتااتك وطولنا منك

يالله يا الله ... ينصر دينك يا يا ياسر .. أنا في داخل جزيرة في الخليج أقاسي من وحشة الليل وبخار الخليج ورطوبته والحر الرهيب فاذا بك تحملني إلى رمال الخور التي كم لعبنا وشربنا من مشيشها وكم تآنسنا في لياليها المقمرة وكم كجينا للدباس فيها ... لك كل الشكر فقد نزلت علينا الصور برداً وسلام.

يا سلام يا اخى ياسر جامع
وحقيقى انت جامع وكفى
والدموع هى تعبر
عن عملك الجميل
خالص احترامى لك
ولكميرتك

يا ياسر الصور دى كلها من الحباك شفت الجمال كيف 000بس اوعاك تدبلجها وتقول دى من امبرامبيطه وكمان مرحات البقر دى

صور مدينة امبرمبيطة سوف تنشر علي المنتدي قريبا انشاء الله ترقبوها ..

والله يا ود عشمان شوقتني ازور جارة الوادي خاصة عندي زميله منها

كده نشوف صور جارة الوادى

جارة الوادي
**********************
يا جارةَ الوادي ، طَرِبْتُ وعادني

ما يشبهُ الأَحلامَ من ذكراك

مَثَّلْتُ في الذكرى هواكِ وفي الكرى

والذكرياتُ صَدَى السنينَ الحاكي

ولقد مررْتُ على الرياض برَبْوَةٍ

غَنَّاءَ كنتُ حِيالَها أَلقاك

ضحِكَتْ إِليَّ وجُوهها وعيونُها

ووجدْتُ في أَنفاسها ريّاك

اها يا ود عشمان نزل الصور عشان الناس تعرف امبرميطة على حقيقتها
الف تحية

الدكتوره ناشي ..

متعك الله بالصحة و العافية ..

اولا باسم ابناء امبرمبيطة بهذا المنتدي نتقدم لك بالشكر علي رغبتك الاكيدة لزيارة مدينتنا جارة الوادي و نقول لك حبابك 68 مليون .. الان عندك خروفين مربوطات قبل ما تصلي امبرمبيطة و اذا وصلت الباقي تشوفي بعينك .. و لو ما جيتي ضبيحتك بتحصلك في الصين .. و دايرين نعرف زميلتك دي مني ..

حبابك الف ..

الزعيم غريق ..

شايف العدد في تزايد الان عندنا دكتوره كبيره واقفه في صفنا و ثقتنا فيها كبيره تدلي بصوتها لصالحنا في موضوع الاخ يسن محمد يسن ..

العزيز الزعيم نمبر وان نحن بشكرك بحراره علي ابيات الشعر الجميلة و الكلام دا منطبق تماما في امبرمبيطة ..

ما تسعجلوا الصور معي بنزلها قريب ..

لكم التقدير اعزائي