ام جلبى حبل القيطان
5 مشترك
صفحة 1 من اصل 1
ام جلبى حبل القيطان
اخي العزيز فيصل الذي بيننا من احترام ومودة لايشوبه الشك .نحن اخوان بل اكثر مما جعل الكثيرون ينادونني بأم جلباي حبل القيطان .الذي استغربه وأستبعده وين انا من حلاوة طحنية ودكان حسن غربال سر التجار بعدين ثمت ملاحظة أم جلبى يتمتعون بالشعر الناعم والافرنجيات السمحة .
سلامة النظر من شعري القرقدي الذي يفتقر قاعدة الارتكاز ليثبت عليها الخلال. ياجماعة ده ظلم عينكم في الفيل وتطعنوا الضل دي زغللة
حديثي معك ايها الفيصل هو اسرار وثقتي فيك بلا حدود منذ وانت يافع هادي الطبع تمشي للسوق وبخطى غير وجلة من العفاريت وهم شرذمة قليلون.
ادريس باسو*المكي الامين*دفع الله حسن كنون*اباتي*حسن حمزة*الخير السيد* عبدو ولد ابو قرعة.
هؤلاء يافيصل كنت أخافهم وأتحاشاهم بكل ما أوتيت من قوة وذكاء .كانو يستخدمونني كعامل وسيط لنقل اخبار وتحركات أولاد السوق.وده مع التهديد والوعيد يغرِقوني في الخور أو يمسحوا على رقبتي بأم شري هذا جزاؤهم الأوفى لي في حالة الامتعاض أو الرفض عكس رغباتهم الدنيئة .
اخونا صلاح خليل كان فحلا يمشي السوق ويتنقل كيف يشاء.أما حيدر ((ابو عبدالله))كان صغيرا مسالما يستند على الحيطة بتاعتكم فزعا مضطربا لو قلت ليهو هوك بدخل البيت ويقفل عليهو الباب لأنه يخشى العفاريت وأم بوكا في النيماية .الوالد عليه الرحمة كان طيبا معي ويقول لي ود اخوي لازم تقرأوتشد حيلك أمك محتاجة لكم.
بأمانة يافيصل لولا هذه الكلمات الطيبات وأثرها البالغ في نفسي لوجدت سبيلا الى حيدرة .كنت اشلحه ليك جنس تشليح.
حاولت مع صلاح خليل لكنه غلبني بلكمة قوية في وجهي سال على اثرها الدماء .وده كان جوار الجامع وعمك فكي عمر فضَ النزاع بيننا والسبب شيبة حسن.بعد ذلك ظللنا اكثر من قرايب اكثر من صحاب وكناَ نذاكر مع صلاح الاَ انه يحب الكسر المذاكرة المتواصلة بدون ملل اما أنا كسرت في سوق المواسير وبدون فايدة.
**** مواقف اعتبرها سيئة ****
تصور يافيصل العفريتان دفع الله والمكي ارسلوني لعثمان مصطفى الجاك وكذالك الحال مع عباس حاج كوكو دول خوافين لدرجة .بقرش واحد اشتري ليهم حلاوة وبسكويت وأرجع الباقي عشرة قروش .بمشي مضطربا وفرائصي ترتعد خائفا منهارا غير متماسك وهم يراقبون الموقف عن كثب .ويراودهم الشك في انني اخبيء عنهم التعاريف الفكة وبعد التسليم آخذ كف على المليان .يافيصل
الطفولة البائسة في شخص دفع الله والمكي تقتادنا للاجرام بصورة أو أخرى وغير محبَذة مرفوضة من جانبي لكن اليد قصيرة أخشى العقاب
تصور بعد السنين دي كلها اذكر أنا في اجازة مررت بالسوق اسلم على الاخوان والأصدقاء التقيت لأخ عباس كوكو فرحب بي وعزمني على كباية شاي ظريفة وبدأ بشفط الشاي بصورة تدعو للاستغراب قال لي:تيمي ود الكلب .ذهلت والله ذهلت كيف ده ياعباس أنا ضيفك دي فونقا .قال لي تشيل مني القروش عونطة ساكت والله دي لوعملتها تاني بطعنك بالسكين.
حقيقة انا نسيت لكن عباس لم ينس قلت له هون على نفسك ده كان زمان ياجبان فاتت عليك ضحكنا وضمني الى صدره وبدأ يقول :انت ياراجل ياطيب كنت عبد المأمور ده كلو من العفاريت الكلاب ديل.قلت له سامحني أنا بر كب العجلة بتاعتك ملح ساكت.قال لي:الا دي مابسامحك فيها مرة قطعت لي الجنزير
فيصل أيام عدت لها بريق ولمعان في الذاكرة.كل الود
سلامة النظر من شعري القرقدي الذي يفتقر قاعدة الارتكاز ليثبت عليها الخلال. ياجماعة ده ظلم عينكم في الفيل وتطعنوا الضل دي زغللة
حديثي معك ايها الفيصل هو اسرار وثقتي فيك بلا حدود منذ وانت يافع هادي الطبع تمشي للسوق وبخطى غير وجلة من العفاريت وهم شرذمة قليلون.
ادريس باسو*المكي الامين*دفع الله حسن كنون*اباتي*حسن حمزة*الخير السيد* عبدو ولد ابو قرعة.
هؤلاء يافيصل كنت أخافهم وأتحاشاهم بكل ما أوتيت من قوة وذكاء .كانو يستخدمونني كعامل وسيط لنقل اخبار وتحركات أولاد السوق.وده مع التهديد والوعيد يغرِقوني في الخور أو يمسحوا على رقبتي بأم شري هذا جزاؤهم الأوفى لي في حالة الامتعاض أو الرفض عكس رغباتهم الدنيئة .
اخونا صلاح خليل كان فحلا يمشي السوق ويتنقل كيف يشاء.أما حيدر ((ابو عبدالله))كان صغيرا مسالما يستند على الحيطة بتاعتكم فزعا مضطربا لو قلت ليهو هوك بدخل البيت ويقفل عليهو الباب لأنه يخشى العفاريت وأم بوكا في النيماية .الوالد عليه الرحمة كان طيبا معي ويقول لي ود اخوي لازم تقرأوتشد حيلك أمك محتاجة لكم.
بأمانة يافيصل لولا هذه الكلمات الطيبات وأثرها البالغ في نفسي لوجدت سبيلا الى حيدرة .كنت اشلحه ليك جنس تشليح.
حاولت مع صلاح خليل لكنه غلبني بلكمة قوية في وجهي سال على اثرها الدماء .وده كان جوار الجامع وعمك فكي عمر فضَ النزاع بيننا والسبب شيبة حسن.بعد ذلك ظللنا اكثر من قرايب اكثر من صحاب وكناَ نذاكر مع صلاح الاَ انه يحب الكسر المذاكرة المتواصلة بدون ملل اما أنا كسرت في سوق المواسير وبدون فايدة.
**** مواقف اعتبرها سيئة ****
تصور يافيصل العفريتان دفع الله والمكي ارسلوني لعثمان مصطفى الجاك وكذالك الحال مع عباس حاج كوكو دول خوافين لدرجة .بقرش واحد اشتري ليهم حلاوة وبسكويت وأرجع الباقي عشرة قروش .بمشي مضطربا وفرائصي ترتعد خائفا منهارا غير متماسك وهم يراقبون الموقف عن كثب .ويراودهم الشك في انني اخبيء عنهم التعاريف الفكة وبعد التسليم آخذ كف على المليان .يافيصل
الطفولة البائسة في شخص دفع الله والمكي تقتادنا للاجرام بصورة أو أخرى وغير محبَذة مرفوضة من جانبي لكن اليد قصيرة أخشى العقاب
تصور بعد السنين دي كلها اذكر أنا في اجازة مررت بالسوق اسلم على الاخوان والأصدقاء التقيت لأخ عباس كوكو فرحب بي وعزمني على كباية شاي ظريفة وبدأ بشفط الشاي بصورة تدعو للاستغراب قال لي:تيمي ود الكلب .ذهلت والله ذهلت كيف ده ياعباس أنا ضيفك دي فونقا .قال لي تشيل مني القروش عونطة ساكت والله دي لوعملتها تاني بطعنك بالسكين.
حقيقة انا نسيت لكن عباس لم ينس قلت له هون على نفسك ده كان زمان ياجبان فاتت عليك ضحكنا وضمني الى صدره وبدأ يقول :انت ياراجل ياطيب كنت عبد المأمور ده كلو من العفاريت الكلاب ديل.قلت له سامحني أنا بر كب العجلة بتاعتك ملح ساكت.قال لي:الا دي مابسامحك فيها مرة قطعت لي الجنزير
فيصل أيام عدت لها بريق ولمعان في الذاكرة.كل الود
علاءالدين عبدالرحمن تيمي- نشط ثلاثة نجوم
رد: ام جلبى حبل القيطان
اخي تيمي العفوي النظيف الواضح الصادق الشفيف ...لقد رجعنا معك بعقارب الساعة للوراء ويالها من ذكريات ثرة حلوة جميلة رائعة...وصدقني كان الدافع وراء كل تلك الشقاوة :البراءة والحاجه ... وطبعاً أولاد الجلابه عشان عندهم الدكاكين والقروش ... وكل الصغار يطمعون في خمشه من هذه القروش ..ولو حق ركوب العجله ...وكان ربع العجلة ب 2 قرشين ولكن عجلات آدو لأنها جديدة لنج بقرشين ونص .... وبالجد كانت أيام بريئة جميلة ...ولكن ذكراها سوف تظل محفورة في دواخلنا جميعاً ... وصدقني عباس كوكو الإنسان رجل طيب جداً ...وقد قابلته بأم درمان - السوق الشعبي ...وقد رحب بي ترحاباً قوياً حاراً فله التحية ...والتحية لمولانا حيدر أبو عبدالله الرجل الطيب الهادئ الواعي الفاهم ...وصدقني كل أولاد أبيا خليل ممتازون ورائعون ...وهم أخواننا أصدقائنا بل أحبائنا والله يحفظهم جميعاً يارب...وتحياتي موصولة للرجل العفوي الطيب جداً عثمان مصطفي الجاك ...وسلامي موصول لكل أولاد أم جلبا حبل القيطان فرداً فرداً ... محبتي
عثمان محمد يعقوب شاويش- مشرف منتدى شخصيات من ابى جبيهه
رد: ام جلبى حبل القيطان
عمو تيمى سلامات ايها العزيز
يا عزيزى الحديث عن علاقاتنا الحميمة يبقى من الترف للامانه كونها ضاربة فى جزور الاجداد و الابهات و الامهات
يا اخى و كون ابوجبيهه يا اخى كانت عبارة عن عدة بيوت تتحسب على اصابع اليد.و لكن تظل مثل هذه الزكريات
بعكس ما يتخيل الأخرين مدعاة لمزيد من الاخاء و الحميمية و الحب بيننا يا اخى
كل الذى زكرته كان صحيحا يا تيمى و لا انسى معاناتنا فى ايام الاجازات عندما نذهب الى خور البطحه و كيف
كان الأخرون يتربصون بنا و نحن صغار و كنت اعانى كثيرا من المرحوم ( ابالو ) له الرحمه و هو شقيق ابنجل
لو تتزكر لانه كان يقسو علي كثيرا عندما يجد فرصته و اكون وحيدا ربنا يسامحه و يتولاه بالرحمه
و لكن فى المقابل علينا ايضا ان لا ننسى تلك الايام و ما لها من زكريات جميلة و ممتعة اخى تيمى
يا اخى شكرا على هذا الزخم الغالى من الزكريات
بالمناسبة اخونا الكبير تيمى كان من اكثر الاولاد نظافتا و اناقة و كان لبيسا بس والله بيجيب اللبس دا من وين انا ما عارف
و دا طبعا موضوع يجيب عليه تيمى لانه و معه سعدالدين محمد يعقوب و مبارك عبدالكريم و جعفر كمبال كانو اصدقاء
و كانو على درجة عالية جدا من الاناقة و النظافة و جميعهم كانو على خلق و ادب جم
اتمنى من اخونا الكبير تيمى ان يكتب لنا عن هؤلاى الشباب و الاهم يا تيمى كنتو بتجيبو الهدوم االسمحه دى من وين؟
لك التيحة و الحب
فيصل خليل حتيلة- مشرف إجتماعيات أبوجبيهة
رد: ام جلبى حبل القيطان
اخوي فيصل الحبيب
والله العظيم بكيت لكلماتك الموزونة الصادقة النبيلة نعم علاقة ضاربة في الجذور اناهيلك ايها الحبيب ماوددت ازعاجك ابد لكنها الحقيقة وما أعانيه من هؤلاء الشرذمة اكرر أسفي وكلامي ده والله محبة وللاستهلاك فقط
اخوك :تيمي
والله العظيم بكيت لكلماتك الموزونة الصادقة النبيلة نعم علاقة ضاربة في الجذور اناهيلك ايها الحبيب ماوددت ازعاجك ابد لكنها الحقيقة وما أعانيه من هؤلاء الشرذمة اكرر أسفي وكلامي ده والله محبة وللاستهلاك فقط
اخوك :تيمي
علاءالدين عبدالرحمن تيمي- نشط ثلاثة نجوم
رد: ام جلبى حبل القيطان
العمدة تيمي المؤرخ المتالق الحصيف
الف تحية على هذا البوست الرائع وانا دائما بتابع مواضيعك الشيقة الجميلة لانك بتذكرني بناس كنت ناسيهم ( حسن حمزة الخير السيد) اين هؤلاء الاشخاص الان؟؟
ثانيا ام جلبي حبل القيطان دي ما فهمناها؟؟ ماذا تعني ارجو ان توضيحها لنا.. الف تحية
الف تحية على هذا البوست الرائع وانا دائما بتابع مواضيعك الشيقة الجميلة لانك بتذكرني بناس كنت ناسيهم ( حسن حمزة الخير السيد) اين هؤلاء الاشخاص الان؟؟
ثانيا ام جلبي حبل القيطان دي ما فهمناها؟؟ ماذا تعني ارجو ان توضيحها لنا.. الف تحية
محمود منصور محمد علي- مشرف المنتدى العام و مصحح لغوي
رد: ام جلبى حبل القيطان
العزيز محمود
ام جلبى تعني تحريف لكلمة جلابة وهذا باللغة الداريجية لأهلنا كنانة والعبارة كاملة ام جلبا حبل القيطان اذا لقيتوفي الدكان بقول ليك الزكان واذا لقيتو في الغابة بقول ليك يابة وده معناه استخفاف بأهلنا الجلابة وهم ناس منعمين بلا شدائد ناس راحات ساكت
تابع معي
ام جلبى تعني تحريف لكلمة جلابة وهذا باللغة الداريجية لأهلنا كنانة والعبارة كاملة ام جلبا حبل القيطان اذا لقيتوفي الدكان بقول ليك الزكان واذا لقيتو في الغابة بقول ليك يابة وده معناه استخفاف بأهلنا الجلابة وهم ناس منعمين بلا شدائد ناس راحات ساكت
تابع معي
علاءالدين عبدالرحمن تيمي- نشط ثلاثة نجوم
رد: ام جلبى حبل القيطان
ويا تيمي إن لقيته وحيده ينطيك وليده.... يعني في الدكان يتفلسف عليك إز كان
خدورة أم بشق- مشرف منتدى الشعر
رد: ام جلبى حبل القيطان
اين انت ايها الخدور المفقود استاذي الجليل فضل الحاج تحياتي لك ولافراد أسرتك وللاخوة بشير وعبدالرحمن وحسن ومحمد سعيد وأبو الزهور له أيادي بيضاء علي أعد منها ولا أعددها
كل الاحترام
أبناء ابوي الحاج
كل الاحترام
أبناء ابوي الحاج
علاءالدين عبدالرحمن تيمي- نشط ثلاثة نجوم
رد: ام جلبى حبل القيطان
ام جلبة حبل القيطان
يا تيمى وين ابراهيم ( غتو ) فى اخبار من الزول دا
لك التحية ابو علاء
نازل السودان متين؟
تحياتى
فيصل خليل حتيلة- مشرف إجتماعيات أبوجبيهة
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى